Këngët e shqiptarëve, në mesin e 250 këngëve më të dëgjuara të Eurovizionit

Fansat e Festivalit Evropian të Këngës – Eurovizion, çdo fundvit zgjedhin këngët më të mira dhe më të dëgjuara nga festivali në fjalë.

ESC 250 çdo fundvit sjellë listën e këngëve që nga mijëra këngë të festivalit, arrijnë të dëgjohen e klikohen më shumë.

ESC250 për vitin 2019 është publikuar dhe për fatin e mirë, edhe këngët shqipe në Eurovizion janë pjesë e kësaj liste.

Në vendin e 40-të, Jonida Maliqi me këngën ‘Ktheju Tokës’ është pozicionuar mjaft mirë.

Këngët tjera nga përfaqësimi i Shqipërisë në Eurovizion, pjesë e listës, janë edhe ‘Mall’ nga Eugent Bushpepa, Rona Nishliu me këngën e saj ‘Suus’, Elhaida Dani me këngën ‘Im alive’ dhe Kejsi Tola me këngën ‘Carry me in your dreams’.

Përfaqësimet tjera shqiptare nuk kanë arritur të futen në këtë listë, gjë që nënkupton se këto këngë fansat e Eurovizionit nga mbarë Evropa i dëgjojnë më shumë, shkruan KultPlus.

Shqiptarë ka të tjerë në listë. Ermal Meta, i cili përfaqësoi Italinë, me këngën e tij ‘Non mi avete fatto niente’ renditet në pozitën 44, ndërsa shqiptarja Eleni Foureira që përfaqësoi Qipron në vitin 2018, renditet e treta.

Në anën tjetër, këto janë dhjetë këngët më të dëgjuara të vitit nga Eurovizioni, votuar nga fansat.

  1. Loreen – Euphoria
  2. Duncan Laurence – Arcade
  3. Eleni Foureira – Fuego
  4. Mahmood – Soldi
  5. Keino – Spirit in the Sky
  6. Loic Nottet – Rhythm Inside
  7. Salvador Sobral – Amar pelos dois
  8. Jamala – 1944
  9. Il Volo – Grande Amore
  10. Secret Garden – Nocturne

‘Kujton baba i Lules, po ja kallim shpijen’ (VIDEO)

“Kujton baba i Lules” është një prej këngëve më të mira të folklorit shqiptar.

E sjellë në forma e versione të ndryshme, kjo këngë është gjithmonë e dashur për publikun shqiptar. Dhe ajo këndohet edhe sot, që gjeneratat e reja ta kultivojnë e mos ta harrojnë.

Këngëtarja Kejsi Tola e ka sjellë këtë këngë tash vonë në xhirimet e Vitit të Ri në Shqipëri, dhe ka postuar videon në Youtube.

Në emisionin “Shiko Kush Luan”, Kejsi ka sjellë këtë këngë mes këngëve tjera, bashkë me këngëtarët tjerë të estradës shqiptare si Flori Mumajesi, Krusita, Klajdi Haruni e emra të tjerë. / KultPlus.com

View this post on Instagram

#KujtonBabaILules #ShikoKushLuan

A post shared by Kejsi Tola (@kejsitola) on

‘Ti m’ke mua, m’ke mua, të largohen që të gjithë shpirti im, se m’ke mua’

Jo pak herë këngët shqipe vijnë të bukura, të mishëruara, të veçanta dhe me tekste që përfundimisht kanë një domethënie.

Një e tillë është prurja e fundit muzikore e Kejsi Tolës.

Një emër i njohur në muzikën shqiptare, një zë i veçantë dhe i dëshmuar, Kejsi Tola para pak ditsh morri pjesë në Festivalin Kënga Magjikë 2018, me këngën “Më ke mua”.
Një krijim i Flori Mumajesit, kënga vjen e përkryer në zërin e Kejsi Tolës, vajzës që nisi e vogël në spektakle muzikore dhe arriti deri në Eurovizion, duke pushtuar secilën skenë ku ajo ngjitet.

Kënga u votua mirë edhe nga kolegët në festival, por pa përmendur votat, melodia dhe refreni i mahnitshëm të mbesin në mendje, duke të përkujtuar se nuk duhet humbur shpresa për këngë të mira në shqip, në ditët e sotme.

Po e sjellim poshtë edhe tekstin e këngës së Kejsi Tolës, e cila duket se nuk ndalon me projektet e ndryshme muzikore. / KultPlus.com

Më ke mua

Di që njerëzit largohen kur je keq
Ata që të donin kur ishe mirë
Por une jam këtu për ty njeriui im
Në cdo ditë tënden te vështirë

Shoqëria sa mërrallë në telefon
Ku janë miqt e vjetër pse s’na kujtojnë
Të largohen më mirë që të gjithë
Se m’ke mua shpirt im

Ti m’ke mua, m’ke mua
Të largohen që të gjithë shpirti im
Se m’ke mua

Të dua
Të dua
Të dua

Mërzitem edhe unë me ty ndonjëherë
Më shumë për gjëra koti që nuk kanë vlerë
Por e gjej gjithmonë një formë më fal të them
S’të gënjej dot përmendësh ti më njeh

Dhe kur për një kohë të gjatë nuk jemi parë
Dhe atherë kur njerëzit na kanë ndarë
I falenderoj unë që të gjithë
Se ma shtuan dashurinë

Ti m’ke mua, m’ke mua
Të largohen që të gjithë shpirti im

Se m’ke mua
Të dua
Të dua
Të dua

Deri n’fund të jetës
Une ia kam dhën premtimin vetes

Kejsi Tola një kukull në Suedi, këngëtarja shqiptare bëhet pjesë e muzeut të Stokholm (FOTO)

Këngëtarja shqiptare, Kejsi Tola është bërë pjesë e një ekspozite në muzeumin e Stokholm në Suedi. Kejsi është kthyer në një kukull miniaturë, me veshjet që kishte që në performancën e festivalit të “Eurovizion” ku përfaqësoi Shqipërinë në vitin 2009.

Këngëtarja mjaft krenare për këtë arritje e ka ndarë lajmin e mirë me të gjithë ndjekësit në rrjetet sociale.“Unë dhe djali blu. Eurovison 2009,”- ka shkruar Kejsi krahas fotos së publikuar.

“ABBA The Museum” në Stokholm, është krijuar për bandën e ‘pop’-it ABBA dhe në këtë muze herë pas here ka ekspozita të ndryshme që lidhen vetëm me muzikën. Në të përfshihen arritje të këngëtarëve, veshje të tyre e shumë të tjera, shkruan Shqiptarja.

Flaka Krelani dhe Kejsi Tola, sikur Whitney dhe Mariah (VIDEO)

Në edicionin e 56-të të Festivalit të Këngës në RTSH, kanë parakaluar mysafirë të shumtë.

Disa kanë kënduar e disa jo. Ndër ata që kanë kënduar janë edhe Flaka Krelani dhe Kejsi Tola. Ato sollën fuqishëm këngën “When you believe”, këngë kjo e kënduar nga Whitney Houston dhe Mariah Carey.

Po sjellim videon ku dy vajzat shqiptare këndojnë këtë këngë./ KultPlus.com