Madonna kujton Aretha Franklin: Ajo më solli këtu ku jam sot

Ndarja e çmimeve të MTV Video Music Awards është zhvilluar katër ditë pas vdekjes së këngëtares legjendare Aretha Franklin.

Këngëtarja e njohur Madonna, teksa në dorë mbante çmimin për “Videon e Vitit”, u kërkoi të gjithëve që të nderonin Franklin. Ajo fillimisht ka treguar se si Aretha e ka ndihmuar në hapat e parë të karrierës së saj.

Shumë vite më parë, Madonna ka kënduar “a cappella” një këngë të Aretha-s dhe teksa e kanë dëgjuar disa prodhues francezë, i kanë kërkuar asaj të shkojë në Paris për t’u bërë një yll. Pra, falë kësaj karriera e Madonna-s filloi të zhvillohej çdo ditë e më shumë.

NEW YORK, NY – AUGUST 20: Madonna speaks onstage during the 2018 MTV Video Music Awards at Radio City Music Hall on August 20, 2018 in New York City. (Photo by Michael Loccisano/Getty Images for MTV)

Mbrëmjen e djeshme në MTV VMAs, lidhur me këtë ajo është shprehur:

“Asgjë nuk do të kishte ndodhur pa ndihmën e Zonjës së shpirtit tonë. Po të mos ishte për të nuk do të isha bërë kurrë njeri. Ajo më solli këtu ku unë jam sot dhe ka rregulluar jetën e shumë njerëzve të cilët sonte janë këtu. Dua të falenderoj Aretha-n që na fuqizoi të gjithëve. Respekte!”. /KultPlus.com

Madonna ndan sonte çmimin kryesor në ‘MTV VMA’

Pjesë e ‘MTV VMA’ është paraparë të jenë edhe tri këngëtaret shqiptare, Rita Ora, Bebe Rexha dhe Dua Lipa.

Kjo e fundit meqenëse aktualisht ndodhet në Spanjë duket se e ka anuluar pjesëmarrjen ani pse nuk ka deklaruar diçka të tillë me shkrim.

Të tri shqiptaret janë të nominuara në kategori të ndryshme ndërsa çmimin kryesor atë të videos më të mirë do ta ndajë këngëtarja Madonna.

Dua Lipa është nominuar në 3 kategori. “Neë Rules” është nominuar për këngën e vitit, “IDGAF” për koreografinë më të mirë dhe “One Kiss” për kërcimin më të mirë.

Rita Ora është nominuar me 2 kategori. “Lonely Together” është nominuar për kërcimin më të mirë. Në këtë kategori, Rita përballet me Duan.

Si edhe është nominuar në kategorinë efektet më të mira vizuale po përsëri me këngën “Lonely Together” në bashkëpunim me Avicii.

Ndërsa Bebe Rexha është nominuar vetëm në një kategori, atë të bashkëpunimit më të mirë me këngën “Meant to Be” me Florida Georgia Line.

Se kush do të marrë çmime e kush jo, mbetet të shihet sonte. /KultPlus.com