Arrestohet një person në Prishtinë, ngacmon seksualisht dhe godet viktimën

Një tjetër rast i ngacmimit seksual është paraqitur sot në Prishtinë, njofton Policia e Kosovës, shkruan KultPlus.

Sipas raportit të policisë rasti ishte lajmëruar në polici më 19 gusht të këtij viti, ndërkaq tek dje është arrestuar personi i dyshuar.

“Më 05.09.2022 është arrestuar i dyshuari mashkull kosovar, pasi që ka ngacmuar dhe më pastaj e ka goditur viktimën femër kosovare.

I dyshuari pas intervistimit me vendim të prokurorit është dërguar në mbajtje”, thuhet në raport. /KultPlus.com

Policia deklarohet për rastin e abuzimit seksual nga të miturit në oborr të shkollës në Prishtinë

Policia e Kosovës ka reaguar pas publikimit të një videoje në disa portale, sipas së cilës pretendohet se ka ndodhur një rast i abuzimit seksual në mes të nxënësve në oborrin e një shkolle në kryeqytet.

Në njoftimin e Policisë thuhet se nga zyrtarët e shkollës Policia ka pranuar një informacion me ndjeshmëri, i cili është trajtuar në koordinim me drejtuesit e shkollës, zyrtarët e Qendrës për punë dhe mirëqenie Sociale si dhe Prokurorin e shtetit.

“Për shkak të moshës së personave të përfshirë në këtë ngjarje dhe rrethanave specifike, me rekomandim të prokurorit, rasti po trajtohet nga Qendra për punë dhe mirëqenie sociale”, thuhet në njoftim.

Sot në media është raportuar për një rast të abuzimit seksual në një shkollë në Prishtinë. Për këtë rast është publikuar edhe një video./ KultPlus.com

Tre djem abuzojnë seksualisht me nxënësen e klasës së parë

Gjatë ditës së sotme në media është publikuar një video për një rast të ngacmimit seksual në një shkollë në Prishtinë, përcjell KultPlus.

Në këtë video shihen tre fëmijë të cilët abuzojnë seksualisht ndaj një vajze të vogël për të cilën raportohet se është në klasë të parë.

Njëri nga fëmijët i afrohet vajzës, ndërkaq tjetri e mbanë atë. Kurse fëmija i tretë xhiron ngacmimin që i bëhet fëmijës./ KultPlus.com

Ylli i ‘Game of Thrones’ akuzon Weinsteinin për ngacmim seksual

Edhe Lena Headey, e cila luan Cersei Lannister në shfaqjen e njohur HBO, ka akuzuar producentin Harvey Weinstein për ngacmim seksual.

Regjisori hollivudian ishte zemëruar në momentin kur ajo u ka rezistuar sulmeve të tij seksuale, ka bërë të ditur vet aktorja në një seri postimesh në Twitter.

Aktorja britanike bashkohet me një listë të mbi 40 grave që kanë akuzuar prodhuesin e filmit për sjellje të pështira, transmeton kp. Të martën, Weinstein dha dorëheqje nga bordi i drejtorëve të kompanisë së tij të prodhimit të filmit.
Ai është akuzuar për përdhunim, sulm seksual dhe ngacmim, por ka mohuar ‘pa asnjë dyshim’ pretendimet./ KultPlus.com