Paratë të shqetësojnë edhe kur veç i përmend

Nga: Simply Red
Shqipëroi: Bujar Meholli

Sapo jam pushuar nga puna
dhe qiranë më duhet ta paguaj,
kalamajtë e mi kanë nevojë
për këpucë të reja.
E, ç’duhet të ndërmarr?

Vajta në bankë
për të parë nëse mund të bëj diç,
ata më thanë: e po bir,
duket se fati i keq të ka kapluar…

Te vëllai im vajta më pas
të më ndihte sado pak shpresova,
ai tha se “do t’i pëlqente diçka e tillë
por s’qe në gjendje ta bënte”…
Ç’të bëja tjetër veçse atin tim
ta telefonoja,
po, atin tim e thirra dhe ai më tha:

“Paratë të shqetësojnë edhe kur veç i përmend,
ah, pa-ra-të, pa-ra-të,
mua mezi më del pensioni tim…”

Ne s’flasim gjë tjetër veç për para,
oh Zot eja dhe zbrit këtu poshtë
s’ke ç’të shohësh
sall vrapim pas monedhave…

Ato të shqetësojnë edhe kur veç i përmend,
pa-ra, pa-ra, pa-ra…
Ne veçse për para flasim
gjithë kohën e kohës,
por ç’bëjmë vërtet
kur në duar kemi ndonjë kacidhe?

Oh, pa-ra, pa-ra,
dinero…
Ndjen shqetësim po i përmende,
di-ne-ro, di-ne-ro,
ne s’flasim veçse për to,
për to…
për paratë…

Teksti i këngës nga: John Valentine & William Valentine /KultPlus.com

Kjo është shuma e parave që Burdushi ua ofronte moderatorëve shqiptarë

Pas arrestimi të djeshëm të të ashtuquajturit Burdushi, emri i vërtetë i të cilit është Hysri Peçani, ka nisë reagimet e shumta nga qytetarët e Republikës së Kosovës, shkruan KultPlus.

Një ndër reagimet është edhe ai i ish-moderatorit Fehmi Ferati, i cili ka treguar se Burdushi, i kishte ofruar një shumë të madhe të hollash për ta ftuar në emision dhe krejt ai emision do të zhvillohej sipas pyetjeve që do i vendoste Burdushi.

Po sjellim postimin e plotë të Feratit:

Burdushi nëse zbulon sa para i ka dhënë (blerë) moderatorëve që e kishin “ftuar” në emisione për qëllim promovimi…do të çuditeni!
Pas një emisioni që e kisha ftuar duke e ironizuar dhe mahitur për kotësinë e tij ekzorciste, e kishte kuptuar më vonë kundërefektin. Pas kësaj mua me ofronte prej 5000€ deri 10.000€ nëse e ftoj në emision me kushtin që pyetjet duhet shtruar sipas kerkeses së tij!./ KultPlus.com

1 mijë e 475 euro u mblodhën mbrëmë për Bekim Lumin

Mbrëmë në kryeqytet në Klubin M është organizuar një festë me muzikë të viteve 90-të, për ta ndihmuar regjisorin Bekim Lumi i cili po ballafaqohet me sëmundjen e kancerit, shkruan KultPlus.

Derisa në kryeqytet po organizohen edhe shumë mbrëmje e aktivitete të tjera humanitare, mbrëmja e kaluar ka qenë iniciativë e dy aktoreve, Alketa Sylaj dhe May-linda Kasumoviq. Ato sot kanë treguar lidhur me fondet që janë mbledhur nga ky organizim.

“Shoke dhe kolege, mrame ne nejen e M-it, perpos qe jemi knaqe shume, gjithashtu i kemi mledhe 1,475 euro bashkarisht. Falemnderit shume krejtve per kontributin edhe bashkepunimin. Jeni t’mrekullueshem!”, kanë shkruar ato./ KultPlus.com