Koci: Me çfarë lehtësie e përdorë një polic sprejin, ftoj Inspektoratin që të veproj sipas dispozitave ligjore

Gjatë pasdites së sotme policia e Kosovës kanë përdorur sprej lotsjellës ndaj  Emina Haxhiut, për ta arrestuar në rrugën B në Prishtinë, kjo sepse ajo nuk i kishte vendosur qenit të saj maskë sigurie dhe nuk ju kishte bindur urdhërave të policisë, shkruan KultPlus.

E njëjta në videon e publikuar kishte treguar se është e sëmurë nga astma.

E për këtë veprim të policisë ka reaguar edhe avokati Arianit Koci i cili në një postim në Facebook ka ftuar Inspektoratin policor që të merren me rastin.

Ai gjithashtu ka traguar se gjendja shëndetësore e Haxhiut nuk është e mirë.

Më poshtë mund të lexoni statusin e tij të plotë:

Me çfarë lehtësie e përdorë një polic sprejin, ndaj një vajze të re e cila e ka astmën – është pabesueshme.

Katastrofë!

Emina Haxhiu ka qenë sot duke e shëtitur qenin e vet 8 muajsh – qen i butë i cili ende nuk din me lehë.

Polici i është afruar Eminës në mënyrë agresive, dhe ka këkuar që qenit t’i vendoset maska.

Znj.Haxhiu ka tentuar t’ia spjegojë policit që qenin është ende klysh – është i lidhur dhe se ende as me lehë nuk din.

Papritmas, edhepse kanë qenë fillimisht 4 polic, njëri e nxjerrë sprejin dhe e spërkatë në sy Eminën – duke ia rrezikuar jetën për shkak të astmës që e ka.

Në ndērkohë, vijnë edhe dy polic të tjerë.

Paramendoni këtë situatë: 4 plus 2 polic, kundër një vajze të re me astmë.

Duhet theksuar që polici me sprej dhe një police e kanë pasur sjelljen jashtëzakonisht të keqe – sipas të dëmtuarës.

Ftoj Inspektoratin Policor që menjëherë t’i merr xhirimet e kamerave të lokaleve përreth, dhe të veproj sipas dispozitave ligjore.

Emina sonte është në gjendje jo të mirë shëndetësore./ KultPlus.com

Me çfarë lehtësie e përdorë një polic sprejin, ndaj një vajze të re – është pabesueshme. Katastrofë! Emina Haxhiu ka…

Posted by Arianit Koci on Sunday, March 14, 2021

Qytetares iu hodh sprej për shkak se nuk i vendosi maskë qenit, policia thotë se në vetëmbrojtje e përdori atë

Policia e Kosovës sot rreth orës 14 e 40 minuta është ballafaquar me një femër në “Rrugën B” në kryeqytet e cila me veti kishte një qen të racës “Pit Bull” por që nuk i kishte vendosur maskë derisa po e shëtiste atë.

Policët i kishin tërhequr vërejtjen femrës me inicialet E.H., për arsye se qeni i saj ishte në qytet, në rrugë të frekuentuar dhe pa maskë.

E.H., në këtë rast, sipas policisë, nuk kishte përfillur vërejtjen e zyrtarëve të rendit dhe kishte reaguar në formë agresive ndaj tyre.

Në polici deklarojnë se kur i është kërkuar dokumenti i identifikimit qytetares në fjalë dhe kur policët kishin filluar t’ia shqiptojnë gjobën, E.H., ishte nis së bashku me qenin në drejtim të policëve duke i kanosur dhe ofenduar ata.

Zyrtarët policor deklarojnë se në vetëmbrojtje kishin përdorur sprejn lotësjellës.

Në një video të publikuar në media shihet një pjesë e kësaj ngjarje, e që qytetarja thotë se qeni i saj është tetë muajsh dhe nuk ka shfaq asnjëherë shenja agresiviteti. Madje ajo dëgjohet  dhe shihet teksa kërcënon hapur policët pasi asaj i kishin hedhur sprej në fytyrë.

Në këtë rast kishte intervenuar edhe ekipi i urgjencës mjekësore të cilët i dhanë ndihmë qytetares për ta transferuar më pas në QKUK.

Sipas policisë, qytetares i është shqiptuar gjoba sipas ligjit 03/L-142, neni 12 paragrafi 2, dhe neni 16 paragrafi 3.

Në Ligjin Nr. 03/L-142, “Ligji për rendin dhe qetësinë publike” që flet për sulmin verbal thuhet se kushdo që në vend publik përdorë fjalë ofenduese, me qëllim që të provokoj prishjen e rendit dhe qetësisë publike, dënohet për kundërvajtje.

“Kryesi i kundërvajtjes nga paragrafi 1 i këtij neni dënohet me gjobë prej tridhjetë (30) deri pesëqind (500) Euro apo me dënimin me burg deri në dyzet (40) ditë”, thuhet në ligj.

Ndërsa në nenin Neni 12 të të njëjtit ligj që flet për “mbikëqyrja e shkujdesur e shtazëve” thuhet: Kushdo që në vend publik mbanë ose ka shtazë pa mbikëqyrje ose pa mjetet e duhura mbrojtëse, dënohet për kundërvajtje.

“Kryesi i kundërvajtjes të paraparë në paragrafin 1 të këtij neni dënohet me gjobë prej pesëdhjetë (50) deri pesëqind (500) Euro”, thuhet në nenin 12 të ligjit në fjalë./express/ KultPlus.com

Nuk i vendosi qenit maskë, policia përdor sprej lotsjellës për të arrestuar një vajzë në rrugën B (VIDEO)

Pjesëtarë të Policisë së Kosovës kanë përdorur sprej lotsjellës ndaj një femre për ta arrestuar sot në rrugën B në Prishtinë.

Mësohet se ajo në fillim nuk iu kishte bindur urdhrave të policisë që e kishin ndaluar pasi kishte nxjerrë në shëtitje qenin e saj pa maskë sigurie.

Në pamje shihet se e arrestuara ankohet se pa asnjë nevojë kanë përdorur sprej lotsjellës ndaj saj dhe se qeni saj nuk është agresiv ndaj njerëzve, prandaj nuk i kishte vendosur maskë.

Ajo po ashtu ka kërcënuar policët me padi për veprimin e tyre.

Ndër të tjera, ajo i është sulur njërit nga policët për ta sulmuar, duke bërtitur me zë të lartë dhe duke i ofenduar me terme të ndryshme policët, raporton Zëri.info.

Për rreth 30 minuta ajo ka qëndruar në rrugën B derisa ka ardhur ekipi mjekësor për t’i dhënë ndihmën e parë dhe është transferuar për në QKUK.

Qytetarja tha se punon në QKUK, ndërsa mjekëve u tha se është edhe e sëmurë nga astma./ KultPlus.com

Në kryeqytet së shpejti murale për Rita Orën, Dua Lipën dhe Era Istrefin

Në 3 vjetët e fundit, rruga B në kryeqytet ka pasur një transformim total.

Monotoninë e ndërtesave këtu, e kanë thyer grafitet shumëngjyrëshe të artistëve të ndryshëm.

Vizatimet e llojllojshme po pëlqehen edhe nga qytetarët dhe banorët e kësaj pjese.

Pamje të ngjashme do të marrin edhe disa lagje të Prishtinës.

Në komunën e Prishtinës thonë se shumë shpejt do të filloj edhe realizimi i muraleve për Dua Lipën, Rita Orën dhe Era Istrefi.

Për këtë qëllim tashmë kanë arritur më shumë se 100 artistë të huaj./ Koha.net /KultPlus.com