Filmi i animuar bashkon Spice Girls

Në turneun e fundit nuk u mblodhën dot të gjitha, sepse mungoi Victoria Beckham, por këtë do ta bëjnë për një film vizatimor që i kushtohet pikërisht atyre. Filmi për Spice Girls do shfaqet në kinematë botërore në 2020-tën, i pasuruar dhe me këngë të reja të pesëshes që beri bujë të madhe nga fundi i viteve 90`.Paramount zbuloi se është duke punuar aktualisht për një film te animuar mbi grupin e vajzave joshëse, dhe përveç faktit që aty do të përfshihen si këngët klasike të tij, ashtu edhe pjesë të reja, nuk jepen shume detaje të tjera.

Me skenar të Karen McCullah e Kiwi Smith, filmi vizatimor nuk ka ende një titull, sepse është në fazën e zhvillimit. Por Mireille Soria, Presidente e Paramount Animation deklaroi se vetë vajzat e grupit kanë një ide shumë të mirë për këtë, dhe janë mjaft të përfshira në projekt.

Në këtë mënyrë, do të arrijmë t’i shohim sërish në veprim së bashku, edhe pse në versionin e animuar Melanie Brown (Scary), Emma Bunton (Baby), Melanie Chisholm (Sporty), Geri Halliwell (Ginger) dhe Victoria Beckham, që si “Posh”, nuk është prezantuar që prej viti të largët 2012.

Grupi i formuar në Londër në 1994-tën është shfaqur dhe një herë tjetër në kinema, në 1997, kur doli komedia muzikore “Spice World”, e cila grumbulloi më shumë se 150 milionë dollarë në mbarë botën. /a.a/ /a.g/

Rikthehen Spice Girls, mungon Victoria Beckham

 

Emma, Geri, Mel B dhe Mel C, i dhanë mbrëmë nisje turit të shumëpritur të rikthimit të Spice Girls.

Koncerti i parë u mbajt në Dublin dhe të pranishmit që kishin paguar bileta për t’i dëgjuar dukeshin të pakënaqur.

E megjithatë, vajzat e grupit pa Victoria Beckhamin shkaktuan shumë ovacione. Nuk ka munguar urimi i saj për vajzat e grupit.

Këtë e bëri nëpërmejt një postimi të fundit në Instagram.Victoria nuk pati mundësi të konfirmonte 6 datat e koncerteve të turit të Spice Girls dhe e gjithë kjo për shkak të angazhimeve me sipërmarrjet e saj të modës. / lajmi.net / KultPlus.com

Victoria Beckham tregon arsyen pse nuk do të jetë pjesëmarrëse në ribashkimin e “Spice Girls”

Në ceremoninë e ndarjes së çmimeve People’s Choice Awards në Los Angeles, Victoria Beckham ka thënë se aktualisht karriera e saj si dizajnere është më e rëndësishme për të dhe kjo është arsyeja pse nuk do të jetë pjesëmarrëse në ribashkimin e “Spice Girls”.

Në këtë eveniment, britanikes i është ndarë çmimi ‘Ikona e modës’, i cili ndahet për ndikim global në industrinë e modës.

“Gjithmonë është fjala për forcimin e femrave dhe për atë që femrat të ndihen si versioni i tyre më i mirë, më i bukur dhe më i fuqishëm”.

“Kështu ka filluar me vajzat e grupit ‘Spice Girls’, por sot e kam shansin t’i fuqizoj femrat përmes modës dhe dizajnit”.

“Vazhdimisht jam e rrethuar me femra të fuqishme, të cilat më ofrojnë mbështetje dhe ky çmim shkon për to”, ka thënë Victoria.

Ajo ka thënë më tej se angazhohet shumë dhe ka thënë se shpreson që njerëzit pasi të shikojnë arritjet e saj, të mbledhin forcën dhe të përpiqen vet të arrijnë suksese të ngjashme.

“Brendi im ekziston qe dhjetë vite, ndërsa ky çmim është një mënyrë e shkëlqyer për ta shënuar këtë vit”, ka theksuar 44-vjeçarja. /KultPlus.com

Spice Girls shpall datat e turneut për vitin 2019

Meqë tani janë bërë tejet të kërkuara, rikthimi i Spice Girls po lë ende përshtypje të madhe tek audienca.

Spice Girls kanë njoftuar katër datat e reja për turneun e tyre që i ribashkon, transmeton Koha.net.

Biletat janë në shtije që nga e shtuna. Dy net do t’i kalojnë në stadiumin Etihad të Manchesterit dhe stadiumin Wembley.

Emma Bunton, Geri Halliwell, Melanie Chisholm (Mel C) dhe Melanie Brown (Mel B), pa Victoria Beckhamin, do të mblidhen së bashku si katërshe për të sjellë turneun 2019.

Në Manchester do të performojnë më 29 dhe 31 maj ndërsa në Wembley më 13 dhe 14 qershor./ KultPlus.com

Një interpretim i mrekullueshëm nga Luciano Pavarotti dhe Spice Girls (VIDEO)

Një performancë e rrallë e cila u bë në vitin 1998, në kuadër të koncertit “Pavarotti dhe miqtë e tij”. Luciano Pavarotti këndoi këngën “Viva Forever” të grupit Spice Girls së bashku me anëtaret e grupit.

Grupi “Spice Girls” përbëhej nga Melanie Brown, Melanie Chisholm, Emma Bunton, Geri Halliwell dhe Victoria Beckham. Debutimi i tyre i pare ishte më këngën “Wannabe” në vitin 1996.

Lucino Pavarotti ishte një tenor operistik, italian, i cili arriti të bëhej një nga tenorët më të suksesshëm të të gjitha kohërave. Ai bëri regjistrime të shumta të operave të plota dhe arieve individuale, duke fituar famë botërore për cilësinë e tonit të tij dhe përfundimisht u bë një ndër tenorët më të mirë të shekullit XX./ KultPlus.com

Spice Girls po ribashkohen (VIDEO)

“Spice Girls” përfundimisht do të ribashkohen në vitin 2018.

Të paktën kështu ka deklaruar një nga anëtaret e këtij grupi ikonik, Mel B.

“Përfundimisht ne do të ribashkohemi. Në fakt, do ta takojë Geri (Halliwell) më vonë gjatë ditës së sotme. Ne jemi motra, në fund të fundit, dhe çfarëdo që kemi kaluar së bashku ishte një udhëtim i mrekullueshëm, fantastik. Ne jemi gjithmonë bashkë”, ka thënë Mel B në një intervistë në Loose Talk.

Ka shumë vite që po flitet se grupi i famshëm i vajzave do të ribashkohet dhe kthehet në një turne.

Madje kishte raportime edhe vajzat janë duke e planifikuar një turne gjatë këtij viti në Shtetet e Bashkuara të Amerikës dhe Britani.

Love u all so much!!! X Such a great day!! Thank u Simon! X VB

A post shared by Victoria Beckham (@victoriabeckham) on


Por po ashtu u tha gjatë tërë kohës së Victoria Beckham nuk do të jetë më pjesë e grupit.

“Njëra është më e vështirë të bindet. Shpresoj se edhe ajo të na bashkëngjitet”, ka thënë këngëtarja duke refuzuar të tregojë se për kë po flet, ndonëse nga fansat menjëherë u tha se bëhet fjalë për Victorian, ndryshe e njohur si Posh Spice.

Ribashkimi, i përfolur tash e sa kohë, duket se do të ndodhë më shpejt se sa që e pritni.

Mel B ka thënë se vajzat do të rikthehen në skenë këtë vit.

Se Spice Girls po kthehen në skenë pas shumë kohësh, u tha qysh në muajin shkurt të vitit të kaluar, kur të gjitha anëtaret e grupit u panë me menaxherin e tyre, në shtëpin e Gerit në Londër.

Në fakt, pikërisht për shkak të këtij takimi ishin ngritur shumë pikëpyetje nëse grupi do të rikthehet në skenë.
Sipas TMZ, Ginger, e njohur si Ginger Spice ishte shumë e interesuar që të bëjë bashkë grupin por nuk dëshironte të organizojë një turne.

Gjatë viteve, është raportuar se Victoria Beckham nuk dëshiron të jetë më pjesë e një rikthimi të Spice Girls. /KultPlus.com