Etiketë: Amy Winehouse

Artistët që nuk e përballuan dot karrierën

Posted on by KultPlus

Këto janë artistët të cilët nuk e shmangën dot fundit e tyre të dhimbshëm edhe pse bota mendonte se kishin jetën perfekte.

Mac Miller
Jo vetëm këngëtar por dhe producent, ai kishte lënë shenjën e tij në muzikë që në moshën 19 vjeçare dhe mendohej se do bëhej një nga më të mëdhenjtë e skenës së hip hopit. Por vitet e fundit fatkeqësisht ai kishte rënë pre e varësisë nga droga. E sipas miqve të tij pas dhënies fund të lidhjes dy vjeçare me yllin e popit Ariana Grande ai kishte shtuar konsumimin e lëndëve të ndaluara. Kështu duke mos pasur pranë atë që e konsideronte si dashuria e jetës së tij, fundi i erdhi pikërisht nga abuzimi, më saktë nga overdoza.


Chester Bennigton
Vokalisti i grupit të famshëm Linkin Park pas një pauze të gjatë me grupin e tij sapo kishte nisur turin për promovimin e albumit të ri. Ndërkohë që kishte dhënë disa performanca askush nuk e dinte që gjatë gjithë kohës ai ishte duke luftuar me depresionin. E kështu një mëngjes ai u gjet i vdekur në dhomën e një hoteli dhe pas hetimeve rezultoi se kishte kryer vetëvrasje.

Prince
Një nga performuesit dhe muzikantët ikonë të Amerikës, yll i popit e jo vetëm, u nda nga jeta në moshën 57 vjeçare pas një overdoze me ilaçe, të tipit fentanil. Ai kishte qenë i sëmurë prej kohësh duke pasur disa shqetësime të vogla por gjithsesi mjekimet i kishte nevojshme. Pikërisht nga mbizdozimi me këto mjekime ai gjeti vdekjen.

Mandatory Credit: Photo by Anonymous/AP/REX/Shutterstock (6571574a)
Singer Prince is shown in concert in 1985
Prince, USA

Amy Winehouse
Një nga artistet më kontroverse por në të njëjtën kohë më të talentuara të brezit të saj gjatë gjithë jetës luftoi me varësinë ndaj narkotikëve por dhe me ndarjet nga të dashurit. Ndërkohë që krijonte dhe bënte këngët që ne i duam aq shumë, ajo përballej çdo ditë me refuzimin nga njerëzit e afërt, me paparazët që donin të dinin gjithçka ndodhte rreth saj dhe me publikun që e kritikonte për stilin e jetesës. Në moshë shumë të re ajo vendosi se nuk ja vlente më të luftonte për jetën dhe karrierën dhe ju dorëzuar abuzimit me alkoolin dhe drogën.


Robin Williams
Aktori i komedisë i cili bëri disa gjenerata të qeshin me humorin e tij vetë nuk ishte një njeri i lumtur. Ai ishte personifikimi i figurës së clown-it, pra i performuesit që argëtonte turmat dhe në mbrëmje ishte i vetëm e i trishtuar në shtëpi. Luftoi me depresionin që në fillimet e karrierës por edhe me ankthin. E teksa vitet kalonin, asgjë nuk mundi ta bënte të lumtur dhe sëmundja mendore u zhvillua akoma më shumë e në fund, humbi nga vetëvrasja, më saktë intoksifikimi./KultPlus.com

7 vite pa Amy Winehouse

Posted on by KultPlus

Në 23 korrik të vitit 2018 bëhen plot 7 vite nga vdekja tragjike e këngëtares Amy Winehouse, një nga zërat “soul” më të mirë të këtij shekulli.

Këngëtarja angleze u gjet e vdekur në shtëpinë e saj në sheshin Camden pasi kishte pirë një koktejl ilaçesh dhe një dozë të madhe alkooli. Pas asaj dite, çdo ditë që kalon bota e kuptoi se humbi një nga zërat më të veçantë dhe unik të muzikës, transmeton tch.

Në moshën 13-vjeçare, kur për herë të parë preku kitarën, Amy Winehouse nuk do e mendonte kurrë se do të kishte këtë ndikim në muzikën botërore. Kur mbushi 20 vjeç doli albumi i saj i parë, por suksesin e arriti me “Back to black”. Me këtë këngë, këngëtarja pranoi para publikut se kishte probleme të mëdha me konsumimin e alkoolit.

Pas kësaj, të gjitha tabloidet botërore publikonin shpesh foto të artistes të dehur ose të droguar. E ndërsa Amy i bërtiste botës me shumë sinqeritet për problemet e saj, askush nuk merakosej për këtë gjë.

Sot muzika që ajo la pas është një trashëgimi e madhe dhe me shumë vlera, e cila na mëson se askujt nuk i duhen çmimet Grammy dhe fama nëse nuk mësojmë të duam jetën dhe veten.

Me rastin e 7-vjetorit të ndarjes nga jeta të Amy Winehouse do të dalë në treg një libër që përmban 150 fotografi të artistes, me autor Blake Wood./KultPlus.com


Festina Mejzini për ditëlindjen e Amy Winehouse sjellë coverin e këngës “Back To Black” (VIDEO)

Posted on by KultPlus

Artistja Amy Winehouse e cila sot do të shënonte ditëlindjes e 34-të, po vazhdon të mbetet ndër më të preferuarat për shumë artistë, kjo falë veçantisë që kishte dhe këngëve të saj të papërsëritshme, shkruan KultPlus.

Këngëtarja e cila vdiq në vitin 2011 dhe këngët e saj, do të ketë zë edhe në brezat e ardhshëm.

Në këtë ditëlindje të 34-të të saj, këngëtarja Festina Mejzini ka vendosur ta kujtojë atë në një mënyrë të veçantë.

E si mund të shprehet një artistë më bukur se sa përmes muzikës. Andaj, Mejzini ka sjellë coverin e këngës “Back To Black” të Amy Winehouse, duke uruar kështu për ditëlindjen e artistes dhe duke treguar që Amy do të mbetet një idhull i pavdekshëm për të.

“Amy Winehouse mbetet gjithmonë një idhull i pavdekshëm për mua, inspirim për ngjyrën e vokalit dhe stilin që ajo kishte. Zgjodha këngën “Back To Black” sepse ndoshta është një ndër këngët më të ndjera të saj, një këngë që shpreh shpirtin e saj artistik dhe më duket një ndër më të veçantat për ta uruar ditëlindjen e saj”, është shprehur Mejzini për KultPlus.

Në një mënyrë të tillë, yllin e muzikës e ka kujtuar edhe Dua Lipa dhe Gallant të cilët sollën coverin e këngës “Tears Dry On Their Own” të Amy Winehouse dhe e gjithë kjo sipas Mejzinit ishte një rastësi e bukur. / KultPlus.com