Një fustan i veshur nga Princesha Diana në 1985 u shit për 11 herë çmimin e tij origjinal.
Fustani i zi i mbrëmjes u shit në një ankand në Hollywood për 1,150,000 euro. Ky është rekordi për shitjen e pjesëve të modës të veshura nga princesha.
Fustanin e vlerësuar rreth 100 mijë euro, Princesha Diana e veshi në Firence në vitin 1985 në një darkë. Ajo ishte në shoqërinë e burrit të saj të atëhershëm, Princit Charles, i cili tani është mbreti britanik.
Më pas ajo e veshi përsëri në një koncert të orkestrës simfonike në Vankuver, Kanada një vit më vonë. Ai është bërë nga një pëlhurë e përzgjedhur nga tregtari i famshëm i tekstilit Jakob Schlefr, mbi të cilin janë qëndisur me kujdes yjet.
Fustani është punuar me dorë nga ekipi i dizajnit të krijuesit Jacques Azaguri./KultPlus.com
Trikoja e famshme e kuqe me qingja të bardhë, e veshur nga Princesha Diana në vitin 1981, menjëherë pas fejesës së saj me Princin Charles, u shit për 1.1 milion dollarë këtë të enjte, tha Sotheby’s, pas një “beteje” të ashpër të ofertave përmes internetit.
Oferta e blerësit, duke përfshirë taksat dhe komisionin, është më shumë se dhjetë herë më shumë se vlerësimi fillestar i Sotheby’s: shtëpia e ankandit vlerësoi se do të kapte midis 50,000 dhe 80,000 dollarë. Ankandi nisi më 31 gusht, por në orët e fundit “goditjet” ndoqën njëra-tjetrën dhe çmimi u hodh nga 200 mijë në 1.1 milionë./abcnews.al/KultPlus.com
Përmes dokumentarit të tij të ri Heart of Invictus, i cilin u shfaq premierë në Netflix, Princi Harry zbuloi se si e përjetoi traumën e vdekjes së nënës së tij, Princeshës Diana.
Në ekran gjatë rrëfimit të Princit Harry u shfaqën imazhe të tij duke parë lulet që ishin lënë për nder të nënës së tij në Pallatin Kensington.
“Humbja e nënës sime në një moshë kaq të re, traumën që pata, nuk e kuptova kurrë. Asnjëherë nuk e kam diskutuar, nuk kam folur në të vërtetë për të dhe e kam ndrydhur si shumica e të rinjve. Por kur doli, më shqetësoi. Unë thashë: “Çfarë po ndodh këtu?” Po ndjeja gjithçka në vend që të mpihesha”.
Vdekja e Dianës tronditi të gjithë botën
Diana, Princesha e Uellsit, vdiq në një aksident me makinë në Paris më 31 gusht 1997. Djemtë e saj, Princi William dhe Princi Harry ishin përkatësisht 15 dhe 12 vjeç kur humbën nënën e tyre.
Princi Harry pretendoi se ai nuk kishte mbështetje rreth tij pas vdekjes së saj. “Beteja më e madhe për mua ishin njerëzit”, tha ai. “Askush rreth meje nuk mund të më ndihmonte vërtet. Nuk kisha mbështetje, personat apo ekspertët që të më këshillonin të kuptoja se çfarë po më ndodhte në të vërtetë.”
“Fatkeqësisht, si shumica prej nesh, hera e parë që mendoni me të vërtetë për të rikuperuar veten është kur jeni shtrirë në dysheme në pozicionin e fetusit”./KultPlus.com
Prirja e saj për vijë blu mbi sy dhe hijet e krijuara nga dielli tregojnë se Diana, princesha e Uellsit e donte verën po aq sa ne të tjerët. Veshjet e saj të pushimeve u bënë ikonike, si rrobat e banjos me imazhe kafshësh ku ajo paraqitet duke u zhytur nga një jaht, meten të paharrueshme. Ajo gjithashtu vazhdon të mbetet një frymëzim për paraqitjet plot stil në një mot të nxehtë.
Flokët e theksuara në mënyrë të patëmetë, në ngjyrë të artë, ishin një nga pamjet më dashura për t’u parë në verë (dhe dimër). Ajo gjithashtu dinte t’i jepte shkëlqim dhe një pamje natyrale buzëve, vijë mbi sy në ngjyrë kafe dhe lëkurë të freskët, transmeton KultPlus.
Diana ishte modeste, por rrezatuese, me një shkëlqim nga i cili të gjithë mund të merrnim disa mësime bukurie. Më poshtë mund të shihni 11 herët kur ajo ishte muza e fundit e verës. / KultPlus.com
Princesha Diana ka shfaqur pamje të forta të modës që i kanë qëndruar provës së kohës, nga pantallonat e shkurtra të rastësishme deri te fustanet e saj elegante të mbrëmjes, dhe fustani i saj ikonik sirenë ka ngjallur edhe një herë interesin e fansave, 37 vjet pasi e veshi.
Ish-Princesha e Uellsit e veshi atë në një shfaqje në Teatrin Burgh të Vjenës në vitin 1986, dhe të gjitha kokat u kthyen kur ajo kaloi.
Fustani, i cili u dizenjua nga Catherine Walker, është zbukuruar me temina blu vezulluese dhe ka shpatulla të përpunuara.
Interesi për fustanin e mrekullueshëm është rindezur falë një videoje të shpërndarë në llogarinë @historicroyalpalaces në Instagram, ku kuratori Matthew Storey detajoi tre nga fustanet e Dianës të mbajtura në koleksionin Royal Ceremonial Dress./abcnews.al/KultPlus.com
Aktorja Elizabeth Debicki ka folur për rolin e Princeshës Diana në serialin e njohur të Netflix, “The Crown” Aktorja 32-vjeçare, e cila do të luajë “Princeshën e Popullit” në dy sezonet e ardhshme, tha se kur mori vesh se do të luante këtë rol nuk kishte reaguar shumë mirë.
“Fillimisht më bëri shumë presion ideja. Isha duke menduar se nuk mund ta bëja këtë. Mendova se ky rol do të ishte një kurth”, tha ajo në një intervistë për British Vogue. Ajo shtoi se kur lexoi skenarin dhe fjalët e saj, e dinte se do të ishte një sfidë e madhe që duhej të merrte përsipër.
“It’s kind of an evolution story, in the sense of watching someone find their centre again.” Elizabeth Debicki on playing Princess Diana in The Crown Season 5. pic.twitter.com/HtiTFeiIWp
“Menjëherë fillova të punoja me theksin tim. Vendosa ta mendoj më thjesht, të them se janë thjesht personazhe të rinj, se është një rol”, thotë ajo. Megjithatë, ajo vazhdoi të kishte pasiguri se nuk i përshtatej rolit, pasi besonte se nuk i ngjante aspak Dianës. “Ndoshta vetëm me grimin i ngjaj pak asaj”.
Së fundi, ai përmendi familjen mbretërore. “Nuk i njihja. Më pëlqen Princi Harry, ai është argëtues, por jam e neveritur nga DailyMail dhe mënyra se si i përshkruan ato. Dija disa gjëra për Dianën, sikur ajo kishte thyer shumë rregulla të familjes mbretërore. Por pasojat ishin shumë të rënda” , tha ajo./KultPlus.com
Libri i ri “The King: The Life of Charles III” me autor Christopher Andersen ka hedhur dritë mbi marrëdhënien martesore të mbretit Charles dhe princeshës Diana.
Sipas thashethemeve të fundit, martesa e mbretit Charles dhe princeshës Diana kishte potencialin për t’u konsumuar shumë shpejt, sa oficerët e sigurisë mbretërore ishin të shqetësuar se dikush mund të lëndohej.
Në librin e tij, autori shkruan se Lady D u pa nga shërbëtorët teksa ndiqte Charles nëpër korridoret e gjata, shkallët dhe nga dhoma në dhomë.
Kur martesa e Princit Charles dhe Princeshës Diana filloi të shkërmoqet, ata ranë në një rutinë ku ajo u vendos në Pallatin Kensington dhe ai u zhvendos në Highgrove.
Por përpara kësaj ndarjeje (jo) zyrtare, Diana dhe dy fëmijët e saj, William dhe Harry, kaluan shumë kohë në Highgrove, sidomos në fundjavë. Pikërisht në atë periudhë ndodhën shumë grindje mes Charles dhe Dianës.
Libri i Andersen zbulon se nga viti 1983 deri në ndarjen e tyre në fillim të viteve 1990, ka pasur probleme të vazhdueshme, grindje, lot dhe drama.
Në libër, autori Christopher Andersen zbuloi gjithashtu detaje rreth intimitetit të marrëdhënies së Charles dhe Dianës.
Sipas thashethemeve, vetëm pasi Princi Harry lindi në vitin 1984, ish-çifti mbretëror ndërpreu marrëdhëniet seksuale.
Gjatë një prej sherreve, Diana dyshohet se e ka pyetur burrin e saj: “Pse nuk fle me mua?” pikërisht sepse Charles “kishte ndërprerë në mënyrë të njëanshme marrëdhëniet e tyre seksuale”.
Përgjigja e tij la pa fjalë Lady D: “ Nuk e di, e dashur. Ndoshta mund të jem homoseksual”.
Autori shprehet se tensioni mes të dyve rritej në mënyrë eksponenciale me kalimin e kohës, por që edhe para martesës së tyre kishte tensione.
Para se të martohej, Diana kuptoi se Charles ishte i dashuruar me Camilla Parker-Bowles.
“Të lodhur nga zemërimi dhe zhgënjimi, nusja dhe dhëndri ranë në gjumë veç e veç duke qarë natën para dasmës së tyre”, thotë autori.
Siç e dimë, Charles dhe Lady D u ndanë në 1992 dhe u divorcuan në 1996, vetëm një vit para vdekjes së saj tragjike në gusht 1997 në Paris./A2CNN/KultPlus.com
Gjatë jetës së saj, Princesha e Uellsit ishte e njohur për letrat dhe kartat e përzemërta që shkruante pas dyerve të pallatit. Njëra prej tyre, e cila i drejtohej një burri që po luftonte me buliminë, tani është ekspozuar në Las Vegas.
“Kjo është e vetmja letër që ne kemi, ku ajo flet publikisht për buliminë dhe i shkruan dikujt tjetër për luftën që pati me të. Letra ishte shkruar nga fundi i viteve ’80, fillimi i viteve ’90. Askush nuk po fliste për shëndetin mendor. Ajo e ndryshoi botën e vetme” tha për “Fox News Digital” kuratori i ekspozitës David Corelli.
“I dashur Richard! Faleminderit shumë për letrën tuaj. Nuk është e lehtë për një zotëri të jetë i hapur dhe i sinqertë në lidhje me buliminë. Megjithatë, padyshim që po përballeni jashtëzakonisht mirë me rrethanat dhe duke pasur Sam pranë jush do t’ju sjellë mbështetjen dhe inkurajimin që nevojitet në këtë moment të jetës suaj. Ishte bukur të dëgjoja nga ju dhe të kujtoja nëse unë isha në gjendje t’ia dilja, edhe ti mundesh!”, ka shkruar Diana në letrën e datës 31 janar 1996.
Gjatë jetës së saj, Princesha e Uellsit ishte e njohur për letrat dhe kartat e përzemërta që shkruante pas dyerve të pallatit. Njëra prej tyre, e cila i drejtohej një burri që po luftonte me buliminë, tani është ekspozuar në Las Vegas.
Ekspozita përmban më shumë se 700 artikuj kujtimesh. Artikujt, shumë prej të cilëve nuk janë parë më parë nga publiku, përfshijnë fustane mbrëmjeje, letra personale që shkroi Diana, si dhe dhurata që ajo u bëri miqve./ KultPlus.com
Hapet në Las Vegas ekspozita që feston jetën e Princeshës Diana, vetëm disa ditë pas 25-vjetorit të vdekjes së saj në një aksident automobilistik në Paris. “Princess Diana: A Tribute Exhibition”, përmban mbi 700 artifakte origjinale, duke përfshirë fustane mbrëmjeje të stilistëve më në zë, letra dhe sende personale në hapësirën prej 10,000 metrash katrorë.
Ajo përmban gjithashtu një kopje të fustanit të dasmës të veshur nga Diana, krijuar nga artistja belge Isabelle de Borchgrave. Pjesëmarrësit mund të ecin mbi trenin 25 metra të gjatë, i cili është vendosur nën xham.
David Corelli, kuratori dhe producenti i ekspozitës, tha se dhoma i frymëzoi ata t’u ofronin miqve pako për t’u martuar në zonën e dasmës së ekspozitës.
“Vegasi është kryeqyteti i dasmave në botë. Ka 120,000 dasma që ndodhin në qytet çdo vit, kështu që këtu ne kemi këtë dhomë të mahnitshme që feston dasmën më të famshme të të gjitha kohërave me objekte të pabesueshme që ju rrethojnë”.
Historia e Dianës tregohet përmes modës, punës bamirëse dhe korrespondencës.
“Ne ecim përmes miqësisë së vorbullës së Charles dhe Dianës dhe në dasmën e tyre dhe më pas gjurmojmë rrugëtimin e saj për t’u bërë nënë shumë shpejt në moshën 21-vjeçare me Ëilliam dhe Harry, kështu që ju merrni atë lloj ideje shumë të shpejtë kronologjike”.
Një pjesë e të ardhurave nga ekspozita do të shkojnë për bamirësi. Do të ketë të tjera ekspozita në vijimësi. Corelli tha se ata kanë shumë objekte të tjera që ata do të paraqiten gjatë viteve të ardhshme./KultPlus.com
Një automjet i përdorur “Ford Escort RS Turbo” i zi, i drejtuar nga Princesha e Uellsit, Diana nga 23 gusht 1985 deri më 1 maj 1988 është shitur për 650,000 £.
Automjeti iu shit një blerësi në Britaninë e Madhe në ankandin “Silverstone Auctions”.
Diana ishte fotografuar me “RS Turbo Series 1” jashtë dyqaneve në Chelsea dhe restoranteve në Kensington.
Ajo preferonte ta ngiste vetë makinën e saj dhe shoqërohej nga një anëtar i Komandës së Mbrojtjes së Mbretërve (SO14) në sediljen e pasagjerit.
Automjeti besohet të jetë unik dhe prodhimi i vetëm në ngjyrë të zezë “RS Turbo Series 1”, siç ishte rënë dakord nga S014 dhe departamenti i “Ford PR” për arsye diskrecioni, në vend të modelit të vetëm të prodhuar me ngjyrë të bardhë.
Departamenti i inxhinierisë speciale të automjeteve të fabrikës “Ford” kishte për detyrë të furnizonte makinën.
Gjithashtu, automjeti kishte një pasqyrë dytësore të pamjes së pasme për oficerin e mbrojtjes dhe një radio në kutinë e dorezave, me kabllo të dukshme. Automjeti kishte kryer vetëm 24,961 milje në orë.
Në qershor 2021, një tjetër “Ford Escort” i përdorur nga Diana u shit në ankand për 52,000 £.
Arwel Richards, specialist i automjeteve klasike në ankandin “Silverstone Auctions”, tha se makina i kishte tejkaluar të gjitha pritshmërite, dhe se ishte një rekord botëror në dhjetëshen e parë për këtë kategori makinash./ KultPlus.com
Princesha Diana do të sillet në jetë në një dokumentar të HBO, të titulluar ” The Princess “, i cili tregon jetën e saj nga martesa me Princin Charles deri në vdekjen e saj në moshën 36-vjeçare në 1997.
Traileri është publikuar dhe hapet me pamje nga intervista famëkeqe e Dianës dhe Crolo në vitin 1981. Duke folur për Dianën në klip, Charles kujton ” çfarë 16-vjeçareje tërheqëse ishte ajo “, ndërsa theksohet profili i lartë i Princeshës së Uellsit, me një gazetar për të thënë: “Princesha ishte gjëja më e mirë që i ka ndodhur monarkisë për shekuj “.
Marrëdhënia e trazuar e Dianës me median është fokusi i dokumentarit. “Dokumentari thellohet në jetën e Dianës, nën shkëlqimin e vazhdueshëm dhe shpesh ndërhyrës të qendrave të vëmendjes së medias ,” sipas HBO dhe thekson se ” filmi shpaloset sikur të ishte në të tashmen, duke i lejuar shikuesit të përjetojnë kultin, por edhe intensivin. shqyrtimi i çdo lëvizjeje të Dianës dhe gjykimi i karakterit të saj”.
Traileri përfshin gjithashtu pamjet e princit të ri William dhe Princit Harry si djem të rinj dhe pamjet e funeralit të nënës së tyre. “The Princess” do të shfaqet premierë më 13 gusht në HBO./abcnews.al/ KultPlus.com
Princi i Britanisë së Madhe, Harry tha se ndihet i detyruar të përpiqet të përfundojë punën e nënës së tij të ndjerë, Princeshë Dianës, në trajtimin e HIV-it dhe stigmës rreth tij, pasi ai u kërkoi njerëzve që të testoheshin për sëmundjen, transmeton KultPlus.
Diana shtrëngoi duart me pacientët me AIDS në një spital në Londër në vitin 1987, një veprim që u pa si një moment historik në betejën kundër stigmës që rrethon njerëzit me virusin dhe Harry është bërë gjithashtu një aktivist i shquar në luftën kundër HIV dhe AIDS.
“Puna e mamasë sime ishte e papërfunduar,” i tha ai ish-kapitenit të unionit të regbit të Uellsit, Gareth Thomas, i cili njoftoi në vitin 2019 se ishte HIV pozitiv, në një video për të shënuar Javën Kombëtare të Testimit të HIV-it. “Ndihem i detyruar të përpiqem dhe të vazhdoj sa më shumë që të jetë e mundur. Nuk mund t’i mbushja kurrë këpucët e saj veçanërisht në këtë hapësirë të veçantë … për shkak të asaj që ajo bëri dhe asaj që ajo përfaqësonte dhe sa e zëshme ishte për këtë çështje. .” Organizata Botërore e Shëndetësisë vlerëson se kishte rreth 38 milionë njerëz që jetonin me HIV në fund të vitit 2020 dhe se sëmundjet e lidhura me SIDA-n kishin marrë më shumë se 36 milionë jetë që nga fillimi i saj në vitet 1980. Organizatat bamirëse kryesore për HIV/AIDS shpresojnë që testimi më i gjerë mund të çojë në përfundimin e rasteve të reja të HIV në Angli deri në vitin 2030. Harry iu nënshtrua një testi për HIV në 2016, i cili shkaktoi 500% rritje të kërkesave për teste nga një organizatë bamirëse, tha ai. Por ai tha se testimi për HIV kishte rënë rreth 30% gjatë pandemisë COVID-19. “Secili prej nesh ka një detyrë, ose të paktën një mundësi, që të testohet vetë për ta bërë më të lehtë për të gjithë të tjerët që të testohen,” tha Harry. /KultPlus.com
Një portret i rrallë i Princeshës Diana u shit për 201,600 dollarë – 10 herë më shumë se çmimi i pritur, njoftoi të premten Sotheby’s.
Piktura në vaj, e cila është një studim i kokës, nga artisti i ndjerë amerikan Nelson Shanks është bërë në vitin 1994, tre vjet para vdekjes së saj.
“Diana, Princesha e Uellsit” pritej të shitej deri në 20,000 dollarë, sipas shtëpisë së ankandit, transmeton rtv21.
Diana shfaqet me një fustan ngjyrë jeshile nga stilistja Catherine Walker. Ajo ka një palë vathë dhe sytë i shikojnë poshtë.
Diana u ul për më shumë se 35 orë për një portret të plotë të porositur, i cili fillimisht u var në Pallatin Kensington dhe tani banon në shtëpinë e saj stërgjyshore në Althorp në Northamptonshire, tha shtëpia e ankandit.
Shanks pikturoi një version të dytë të plotë të portretit të Dianës nga kujtesa në 2010./ KultPlus.com
Meghan Markle solli një detaj të veçantë në tapetin e kuq.
Ndërsa merrte pjesë në eventin e mbajtur në Salute to Freedom Gala, në New York, të mërkurë, Dukesha 40-vjeçare e Sussex-it kishte vendosur byzylykun me diamant Cartier të Princeshës Diana.
Ajo e kombinoi shkëlqimin e veçantë me veshjen e saj tërësisht të kuqe – një fustan Carolina Herrera dhe taka Giuseppe Zanotti të ngjashme, duke u aksesuar më tej me një byzylyk ari Cartier dhe një palë vathë Birks.
Markle kaloi në tapetin e kuq me Princin Harry, i cili prezantoi çmimet Intrepid Valor 2021 për pesë anëtarë të shërbimit amerikan në gala.
Nuk është hera e parë që Markle ka zgjedhur byzylykun e Princeshës Diana për një dalje publike, pasi ajo mbante të njëjtën pjesë të çmuar gjatë intervistës së saj me Oprah Winfrey në mars.
“Ata donin të mbanin byzylykun për të pasur nënën e Harryt me vete gjatë intervistës”, shpjegoi një zëdhënës i Dukeshës për emisionin “Today” në atë kohë./KultPlus.com
Sezoni i pestë i serialit të suksesshëm të Netflix ” The Crown” thuhet se do të shfaqë një episod të tërë që paraqet intervistën famëkeqe të Princeshës Diana me gazetarin Martin Bashir në programin “Panorama” të BBC-së.
Netflix ka shpenzuar miliona për episodin, sipas tabloidit në Mbretërinë e Bashkuar The Sun, duke cituar një burim të brendshëm që gjithashtu tha: “Për shkrimtarët, martesa e stuhishme midis Charles dhe Di çoi në daljen e saj në Panorama dhe pasojat e këtij vendimi. Ata po bëjnë një investim të madh në këtë”.
Polemikat rreth intervistës së “Panorama” shpërthyen në fillim të këtij viti kur një hetim i pavarur nga Lord Dyson zbuloi se BBC ‘nuk i përmbushi standardet e larta të integritetit dhe transparencës, të cilat janë shenjë dalluese e tij’. Hetimi zbuloi gjithashtu se Bashir falsifikonte dokumente për të marrë intervistën. Ai kërkoi falje, por pohoi se ishte ‘krenar’ për intervistën.
BBC i kërkoi falje bashkëshortit të Dianës, Charles, Princit të Uellsit, djemve të saj William dhe Harry, dukës së Kembrixhit dhe Sussex-it dhe vëllait të saj, Earl Spencer.
Princi William kishte thënë në atë kohë, “Ky program ‘Panorama’ nuk ka legjitimitet dhe nuk duhet të transmetohet më kurrë. Ai krijoi në mënyrë efektive një tregim të rremë i cili, për më shumë se një çerek shekulli, është komercializuar nga BBC dhe të tjerët”.
Princi Harry dhe Meghan Markle në anën tjetër kanë një marrëveshje shumëvjeçare me Netflix ku çifti do të realizojë dokumentarë, filma artistikë, shfaqje televizive me skenar dhe seri për fëmijë.
Sezoni i pestë i “The Crown” do të transmetohet në nëntor të vitit 2022, me Elizabeth Debicki (“Tenet”) që luan Princeshën Diana./KultPlus.com
Zërat e ekspertëve nga pallati mbretëror kanë dyshime mbi filmin që pritet të shfaqet në kinema pas disa ditësh për princesh Dianën.
Rolin e princeshës në fil do e mbajë aktorja Kristen Stewart.
Sipas tyre, filmi i heq princeshës së ndjerë Diana respektin dhe dinjitetin. “Spencer” e portretizon Dianën si një grua emocionalisht të paqëndrueshme, të thyer, e cila lëndon veten para djalit ëilliam, raporton Class, transmeton KultPlus.
Ekspertët theksojnë faktin se djemtë e së ndjerës, ëilliam dhe Harry, do të shqetësohen nga skenat ku tregohet se si Diana ndërroi jetë në një aksident automobilistik në Paris.
Në pjesë të tjera të filmit detajohet bulimia dhe përjetimi i haluçinacione për vdekjen e saj. “Është vërtet mizore ta portretizosh kështu. Krejt e panevojshme.
William dhe Harry do të zemërohen shumë dhe do të lëndohen për këtë”,- tha Ingrid Seward, pjesëtare e stafit të Familjes Mbretërore, raporton Class.
Në film, princesha e popullit, Diana, përpiqet që të kapërcejë ndjesitë e saj negative. E veshur me fustane mahnitëse dhe kostume markash, në film Diana largohet gjithnjë e më shumë nga detyrimet emocionale dhe paparacët e pamëshirshëm.
Filmi “Spencer” nga ‘Neon’ dhe ‘Topic Studios’, do të dalë në kinema më 5 nëntor. Skenari u shkrua nga krijuesi i “Peaky Blinders”, Steven Knight./ KultPlus.com
Ekspertët mbretërorë kanë kritikuar filmin e ri “Spencer” me protagoniste aktoren Kristen Stewart duke thënë se i heq princeshës së ndjerë Diana “respektin dhe dinjitetin” e saj dhe është “pa i pajustifikueshëm”.
Skenat në shfaqjen e filmit biografik të princeshës Diana – e cila vdiq në një aksident automobilistik në moshën 36 –vjeçare, portretizojnë princeshën duke shpërthyer në lot para djalit të saj Princit William kur lufton me çrregullimin e saj të ngrënies dhe dëmtimin e vetvetes, shkruan DailyMail.
Në skenat veçanërisht shqetësuese nga filmi i ri, Diana e trishtuar fantazon të hidhet poshtë shkallëve dhe të mbytet me një gjerdan me margaritarë të dhuruar nga burri Princi Charles.
Pjesë të tjera të filmit detajojnë buliminë e saj teksa vjell dhe madje përjeton halucinacione për vdekjen e saj.
Ingrid Seward, kryeredaktore e Revistës “Majesty”, tha për The Sun: “Është vërtet mizore ta portretizosh kështu. Është krejtësisht e panevojshme”.
“William dhe Harry do të zemërohen shumë dhe do të lëndohen për këtë. Ata do ta kenë të tmerrshme që nëna e tyre po portretizohet në një film kaq të madh në këtë mënyrë”, tha ajo.
Biografja dhe ekspertja mbretërore Penny Junor u pajtua dhe tha: “Është pa nevojë ky film. William i shkretë është gjithçka që mund të them, dhe le ta lëmë Dianën me një copë respekti dhe dinjiteti”.
“Unë e di që William ishte atje kur ajo ishte e pakënaqur, por më duket se filmi është në fakt i pasaktë”, shtoi ajo.
Në një skenë tjetër William shihet duke iu lutur nënës së tij të zbresë për darkë pasi ajo mbyllet në dhomën e saj, duke vuajtur./KultPlus.com
Kristen ka thënë se ka pasur momente gjatë xhirimeve kur është ndjerë sikur Diana.
Kristen Stewart ka folur për marrjen e rolit si Diana, Princesha e Uellsit, dhe përformancën e saj në filmin biografik Spencer, i cili së fundmi me premierën e tij ka pasur një vlerësim të konsiderueshëm në festivalet e filmit në Venecia dhe Telluride.
Në një intervistë për LA Times pas premierës së filmit në Amerikën e Veriut në Telluride, Stewart tha se kishte disa ndjenja drithëruese e shpirtërore duke bërë këtë film, i cili zhvillohet gjatë tre ditëve gjatë pushimeve të Krishtlindjeve të vitit 1991, kur Diana po qëndronte në shtëpinë Sandringham. “Edhe nëse thjesht fantazoja, ndjeva se kishte momente kur mora një lloj shenje nga princesha “, tha ajo.
Duke shtuar se “ Diana u ndje aq e gjallë për mua kur po bëja këtë film, edhe nëse po më bënin veshët apo ishte thjesht një fantazi e imja. Por kishte momente kur trupi dhe mendja ime do të harronin që ajo kishte vdekur. Ishte… një luftë për ta mbajtur atë gjallë çdo ditë, dhe të kujtosh se ajo kishte vdekur ishte thjesht diçka e pabesueshme. Më shkatërroi vazhdimisht. Ishte një ndjenjë shpirtërore … kishte raste kur unë isha, Oh, Zot, pothuajse si ajo isha, e dini, po përpiqësha të depërtoja. Ishte e çuditshme dhe e mahnitshme. Unë kurrë nuk kam ndjerë diçka të tillë në jetën time “, ka potencuar aktorja.
Pas shfaqjes në Venecia, Stewart tha në një konferencë shtypi për admirimin dhe ndjeshmërinë e saj me Dianën, duke thënë: “Ne nuk kemi pasur shumë prej atyre njerëzve gjatë historisë. Diana bie në sy si një shtëpi me shkëlqim që digjet“./KultPlus.com
Në garë në Festivalin e Filmit “Mostra”, në Venecia, filmi “Spencer” sjell ish-vogëlushen e “Twilight”, tashmë një grua e re e talentuar, Kristen Stewart, të transformuar në Princeshën e Uellsit, Lady D.
Çfarë ka mbetur ende e panjohur për një person aq shumë mediatik, të dashur, popullor, të fotografuar, të ndjekur (deri në pasojat ekstreme të aksidentit rrugor nën urën Alma, në Paris, më 31 gusht 1997), siç është Lady D?
E megjithatë, regjisori kilian Pablo Larrain, i cili tashmë pati kthyer në ekranin e madh një personazh tjetër të ndërlikuar, si Jacqueline Kennedy në filmin “Jackie”, është përpjekur sërish.
Në film, i cili alternon ekstravagancën poetike, madje edhe skena thriller, Steëart vesh disa nga rrobat që janë në imagjinatën popullore të lidhura me Dianën, por misioni i saj është diçka tjetër, përveç risjelljes në kujtesë të ngjashmërisë së tyre.
“Diana, një ikonë e famshme, një vajzë e re e bukur, por mbi të gjitha një person i aftë të krijojë, edhe në një situatë kaq të privilegjuar, një kontakt me njerëzit, një ndjeshmëri të menjëhershme, e cila e bëri atë të zbresë në tokë, te njerëzit e zakonshëm”, shpjegon Larrain.
Filmi përqendrohet në fundjavën në të cilën një Diana e vuajtur dhe e brishtë vendosi të merrte sërish në dorë frerët e jetës së saj: ishin Krishtlindjet 1991, të kaluara me familjen mbretërore në Kështjellën Sandrigham, në Norfolk.
Tri ditë dëshpërimi dhe përpjekjesh për t’u distancuar nga një familje të cilën ajo nuk mund ta duronte dot më, ndërsa fotografët fotografonin më shumë atë, sesa Mbretëreshën.
Nga ana e saj, Stewart u shpreh se “Kontakti i Dianës është i paarritshëm. Ishte një angazhim i madh për ta luajtur atë. Më pëlqeu çmenduria e saj, paparashikueshmëria, ankthi për të qenë e lirë, në një kontekst që ishte me të vërtetë një kafaz i artë (…). Shpresoj ta kem treguar qartë sesa e gjallë dhe e lirë ishte ajo, një njeri me të vërtetë i veçantë”./ KultPlus.com
Princesha Diana donte të transferohej në Kaliforni dhe të bënte filma pas kamerës-një ngjashmëri e mrekullueshme me dëshirat e nuses së saj Meghan, ka zbuluar së fundmi një burim për DailyMail.
Stewart Pearce, i cili po thyen heshtjen e tij për planet e princeshës për herë të parë në 24 vjetorin e vdekjes së saj, tha se Diana planifikoi të merrte djemtë William dhe Harry në ShBA ndërsa romanca e saj lulëzonte me Dodi Fayed.
Stewart i cili u miqësua me princeshën në vitet para vdekjes së saj thotë se Diana po zhvillonte një karrierë në Hollywood, por nuk ishte e interesuar të bëhej aktore.
Ndërsa Kevin Costner i kërkoi asaj një vazhdim të mundshëm të filmit të tij të vitit 1992, “The Bodyguard”, ambiciet e saj ishin pas kamerave.
Pearce tha se Princesha e Uellsit, e cila vdiq në një aksident fatal me veturë të dielën e 31 gushtit 1997, kishte në plan një zhvendosje në Malibu, Kaliforni, si çelës për të punuar në karrierën e saj në televizion.
Por ai hodhi poshtë spekulimet se shoqja e tij e ngushtë ishte ose shtatzënë ose po planifikonte të martohej me regjisorin Fayed.
Pearce, 68 vjeç, mësoi për planet e Dianës gjatë viteve të tij si trajner privat i zërimit, punë të cilën e filloi në vitin 1995.
Trajneri, i cili kaloi kohë me nënën e dy fëmijëve vetëm disa ditë para vdekjes së saj, në moshën 36-vjeçare, në një aksident me veturë me shpejtësi të madhe në një tunel parisian, zbuloi: “Kishte një numër projektesh të mëdha që po krijonin në vetëdijen e saj përmes ofertave që i ishin ofruar asaj”.
“Por një nga mundësitë kryesore që ajo donte të krijonte, ishte të fillonte zhvillimin e dokumentarëve për tri interesa bamirësie që më pas do të asimiloheshin në fotografitë kryesore të filmit”, tha ai. “Ajo po planifikonte të kalonte shumë kohë në Hollywood”, thekson miku i saj.
“Çështja ishte se Diana me të vërtetë kishte filluar të eksploronte fuqinë e saj krijuese”, shtoi ai.
Pearce shtoi se Diana po konsultohej me regjisorët dhe agjentët kryesorë të Hollywoodit për ambiciet e saj për të bërë filma.
“Çdo gjë që ajo bëri ishte nënshkruar me autografin e përsosmërisë, që do të thotë se ajo u konsultua me njerëzit e duhur”, tha ai.
“Bëhej fjalë për shkallën më të lartë të opinioneve që mund të mbaheshin për menaxhimin më të madh të projektit”.
“Kështu që unë e di se këdo që ajo punësoi ose punoi në lidhje me të do të kishte qenë një standard i shkëlqyeshëm duke lëvizur drejt mundësisë së një statusi fitues të çmimeve. Nuk ka dyshim. Ajo ishte e mbushur me veprimin e bashkë-krijimtarisë”.
Nuk ishte vetëm fama mbretërore e Dianës, e cila e bëri atë një përshtatje natyrale për botën e arteve dhe Hollywoodin.
“Industritë krijuese bazohen në komunikimin e hapur”, tha Pearce. Dhe ajo ishte një komunikuese e aftë.
“Një nga gjërat që ajo ishte në gjendje të bënte ishte të ishte menjëherë e arritshme nga diçka që ajo do të thoshte. Natyrisht reputacioni i saj i parapriu asaj. Ajo e bëri lëvizjen e parë gjithmonë. Do të ishte një prekje e butë për mënyrën se si personi dukej apo ishte veshur”, thekson ai.
“I dua këpucët e tua. Ku i ke marrë ato?”, për shembull ishte një nga frazat e modestisë që e afronte Dianën deri edhe me njerëzit më të thjeshtë.
“Këto prekje të menjëhershme, të cilat ajo i aplikoi, janë kaq joshëse dhe magjepsëse duke u shprehur përmes pafajësisë dhe argëtimit me sytë e saj të ndritshëm blu. Njerëzit u ndjenë menjëherë të dashur nga ajo”.
Komunikimi ishte gjithmonë plotësisht i hapur. Ajo e kishte shumë të lehtë të krijonte kontakte me artistët kryesorë.
Pearce shtoi se Diana kishte krijuar një miqësi të ngushtë me prodhuesin e respektuar të filmit britanik “Lord”, fitues të çmimit ‘Oscar’, David Puttnam, filmat e të cilit përfshijnë edhe: “The Killing Fields”, “Midnight Express” dhe “Memphis Belle”.
“Puttnam e ndihmoi atë të bënte kontakte kryesore të Hollywoodit. Por jeta e princeshës u ndërpre tragjikisht para se të takohej me ta”, tha Pearce.
“David po e këshillonte atë për një numër njerëzish me të cilët do të kontaktonte në vjeshtën e vitit 1997, por për fat të keq nuk i bëri ato takime”, tha ai për DailyMail.
Në mesin e viteve ’90, fituesja e ‘Oscar’, Costner iu drejtua Dianës, përmes kunatës së saj Sarah Ferguson, për të luajtur në vazhdimin e “The Bodyguard” me Whitney Houston.
Costner zbuloi se ai kishte një telefonatë me Dianën në lidhje me projektin, gjatë së cilës ajo pyeti nëse do të kishte një “skenë puthjesh”.
Sidoqoftë Pearce është e bindur se të bëhesh një zonjë kryesore nuk ishte kurrë në mendjen e saj.
“Jo, jo jo Kjo është diçka për të cilën Diana nuk ishte e interesuar, aspak”, tha ai për DailyMail. “Ju mund ta shihni sa i theksuar jam”, shtoi ai.
“Edhe pse ajo ishte një adhuruese dhe entuziastë e madhe për artet e shfaqjes, veçanërisht vallëzimin, [aktrimi] nuk ishte diçka që ajo e pa si trajektoren e saj të re krijuese”.
“Unë e mbaj mend atë duke folur për tekat e idesë së mrekullueshme të Kevin duke dalë përpara duke thënë se ne do të donim të bënim një film për ju”, shtoi ai.
Zbulimet rreth ambicieve të Dianës në Hollywood vijnë në 24 vjetorin e vdekjes së saj nga një aksident me makinë në Paris, gushtin e vitit 1997.
Pearce tha se para vdekjes së saj, Diana po shkonte në Los Angeles me Dodi Fayed.
Fayed, i cili ishte regjisor i “Chariots of Fire” inkurajoi të dashurën e tij të re të gjente zërin e saj në dokumentarë.
“Diana ishte ajo që ishte – Diana. Duket pak e turbullt, por ajo që dua të them është sharmi, buzëqeshja e saj dhe mënyra se si njerëzit e respektuan atë, që unë mendoj se do të kishte qenë një përfundim i paracaktuar se ajo do të kishte gjetur pika të lehta aksesi në kompanitë kryesore të prodhimit në të gjithë bregun perëndimor”, tha Pearce.
“Unë nuk e di se sa serioz ishte Dodi në përmbushjen e praktikës së tij si producent. Këto ishin vetëm mundësitë që diskutoheshin”.
“Nuk e di me kë po fliste. Por ajo më pyeti: ‘A mendoni se kjo është një ide e mirë, dhe foli për dokumentarë dhe për tiparet kryesore të filmit”.
I pyetur nëse puna e saj do të ishte e vlefshme për çmime si ‘Oscar’ apo ‘Emmy’, ai tha: “Jam i sigurt se do të kishte qenë shumë e lehtë për të që të arrinte arritje”.
Pearce pohon se Diana e divorcuar ishte në mes të një romance me Dodin, sesa një grua e vendosur për t’u martuar dhe krijuar një familje të re.
“Nuk ishte në mendjen e Dianës kur e pashë për herë të fundit, një javë para se ajo të shkonte për t’iu bashkuar Dodit në jaht, për të ikur në horizont me të”.
“Ajo në të vërtetë po kalonte një kohë të mrekullueshme, por brenda saj nuk kishte asnjë qëllim të martohej. Ajo me siguri nuk ishte shtatzënë. Kjo ishte një mundësi e mrekullueshme për të eksploruar jetën sibaritike, të luksit dhe kënaqësisë së pastër, sepse kjo është ajo që i ofrohej asaj. Ajo ndihej shumë e sigurt”.
Ata po shijonin trupat e njëri-tjetrit. “Zotëria i paepur”, ishte mënyra si e përshkroi Diana.
“Ai ishte gjithnjë mirësjellës, i sjellshëm, jo i zymtë por i sjellshëm. Kishte një butësi, brishtësi dhe cenueshmëri që ajo gëzonte aq shumë”.
Diana u bë e afërt me Pearce kur nën konfidencialitet të rreptë ai ndihmoi në përsosjen e zërit, gatishmërisë dhe shprehjes së saj nga viti 1995 deri në vdekjen e saj.
Në librin e tij, “Diana The Voice of Change”, Pearce shkroi sesi dyshja e rafinuan zërin e saj teknikisht, duke përdorur ushtrime mendore për të përmirësuar besimin, pavarësinë dhe vendosmërinë e saj.
Pearce tha se ai po planifikon të shkruajë më shumë për miken dhe nxënësen e tij.
“Unë tashmë kam filluar të shkruaj librin tjetër, i cili do të bazohet në trashëgiminë e Dianës. Pra, përsëri, vrulli me të vërtetë po ecën përpara. Unë jam absolutisht i emocionuar. Mendoj se është vërtet e mahnitshme që njerëzit e kanë gjetur të dobishëm kontributin tim modest”, tha ai./KultPlus.com
Një ish-gazetar i cili raportoi nga Parisi natën kur vdiq Princesha Diana pohoi se atij i duhej të ‘deshifronte’ lajmin për gjendjen e Princeshës së Uellsit të ndjerë nga autoritetet franceze.
Nëna e ndjerë e Princit William dhe Harry vdiq më 31 gusht 1997 në moshën 36 vjeçare, dhe pikërisht sot (e martë) shënohet 24 vjetori nga aksidenti fatal i saj në Paris, shkruan DailyMail.
Por sipas ish-korrespondentit të Parisit, Kevin Connolly, i cili ishte një nga gazetarët e parë në vendngjarje, ndjenja e vërtetë që Diana kishte vdekur erdhi “mjaft ngadalë”.
“Ne po dëgjonim me shumë kujdes autoritetet franceze dhe po përpiqeshim të deshifronim atë që ata po na thoshin”, tha ai, duke folur për The Express. “Policia ishte shumë e kujdesshme në lidhje me artikujt që publikoheshin”, shtoi ai.
Fjala fillestare nga burimet e policisë dhe spitalit ishte “po, është Princesha e Uellsit, po, ajo është plagosur”, por nuk kishte kuptim në orët e hershme të mëngjesit të mendoje se ndoshta ishte plagosur për vdekje.
Duke reflektuar, gazetari beson se autoritetet franceze ishin “tmerruar” kur kishin të bënin me një tragjedi kaq të madhe.
“Ata ishin të vetëdijshëm për shkallën globale të asaj që do të ishte reagimi – ata ishin të vetëdijshëm për intensitetin global të interesit”, shtoi ai.
Vetëm shtatë vjet pas aksidentit, Sir John Stevens, komisarit të policisë Metropolitane, iu kërkua të hetonte rrethanat.
Këto përfshinin pyetjet – a ishte Diana shtatzënë në kohën e vdekjes së saj? A ka ardhur në të vërtetë mostra e gjakut që i atribuohet Henri Paul prej tij? Dhe a kishte ndonjë justifikim të vlefshëm për eliminimin e një veture të bardhë ‘Fiat Uno’ nga përfshirja në përplasje?
Connolly pohoi se si lajmet për vdekjen tragjike të Princeshës Diana u filtruan vetëm në Paris përmes gazetarëve në fluturimin e Sekretarit të Jashtëm Robin Cook në Filipine.
Duke e përshkruar atë si një mbrëmje ‘mjaft të mbushur’ dhe ‘të kujdesshme’, ai kujtoi: “Nata është një turbullirë deri në atë moment kur u desh të shkonim në një ndërprerje speciale të programit dhe të thoja se Princesha e Uellsit ka vdekur”.
“Ai moment i vetëm është ndoshta ai që mbaj mend më së miri nga e gjithë jeta ime e gjatë në transmetim”, kujtoi gazetari.
Një statujë e Dianës, Princeshës së Uellsit do të hapet posaçërisht për dashamirësit për të shënuar përvjetorin e parë të vdekjes së saj që kur u zbulua memoriali i shumëpritur.
Për shkak të pandemisë, Pallati Kensington dhe kopshtet e tij po funksionojnë me ditë të reduktuara të hapjes dhe zakonisht janë të arritshme për publikun nga e mërkura deri të dielën.
Por Pallatet Historike Mbretërore (HRP) thanë se ishin bërë aranzhime të veçanta për të lejuar vizitorët të shikonin statujën, ku qëndron nga ora 3 pasdite deri në 5 pasdite të martën.
Statuja u zbulua nga Duka i Kembrixhit, Princi William dhe Duka i Sussex-it, Princi Harry së bashku – pavarësisht marrëdhënies së tyre të trazuar – në një ceremoni muajin e kaluar në atë që do të kishte qenë 60-vjetori i lindjes së nënës së tyre (nëse ajo do të ishte gjallë).
Një zëdhënës i HRP tha: “Ne e pranojmë se do të ketë interes për të parë statujën atë ditë”.
“Kështu që ne do të sigurojmë qasje në kopsht, ne do ta hapim atë, falas, për kalimtarët ose këdo që dëshiron të ndalet dhe të shijojë një moment pranë statujës të martën, veçanërisht për përvjetorin”, tha zëdhënësi.
Hyrja në Cradle Walk do të jetë falas dhe nuk ka nevojë të rezervohet, por dashamirësit nuk do të jenë në gjendje të lënë lule në bazën e statujës dhe as t’i afrohen asaj./KultPlus.com
Princeshë Diana është një nga personazhet më të përfolura të familjes mbretërore, edhe pse sot ajo nuk jeton. Si sot 24 vjet më parë lajmi i vdekjes së saj tronditi botën. Ajo vdiq në moshën 36-vjeçare, në një aksident rrugor në Paris, së bashku me të dashurin e saj Dodi Fayed dhe shoferin e tyre.
Diana vinte nga një familje fisnike dhe kishte një pasion të jashtëzakonshëm për baletin dhe pianon dhe gjithashtu adhuronte sportin më atletik, notin.
Historia e saj me Princ Charles nisi kur ajo ishte vetëm 16 vjeç. Që në takimin e parë Charles-i ishte magjepsur nga ajo, por mosha e Dianës mbetej një problem për dashurinë e tyre. Por historia do të vazhdonte vite më vonë dhe në vitin 1981 Diana dhe Charles kurorëzuan dashurinë e tyre me një ceremoni madhështore, që u ndoq nga 750 milionë njerëz nga e gjithë bota.
Ajo jo vetën që u bë pjesë e familjes mbetërore, por hyri në zemrën e të gjithë anglezëve. Bujare, e çiltër, humane dhe e palodhur, këto fjalë e identifikojë atë. Diana nuk ishte thjesht bashkëshortja e një princ, ajo arriti të tregonte vlerat që mbarte dhe të adhurohej nga e gjithë bota. Ajo ishte gjithmonë pranë popullit të saj, në të mirë dhe në të keqe dhe sot nga anglezët quhet “Princesha e Popullit”.
Diana dhe Charles sollën në jetë dy fëmijë, William dhe Harry-n, por përralla e tyre e dashurisë mbaroi. Ajo u divorcua nga Princ Charles në vitin 1996, por sërish ajo vazhdoi t’i shërbente popullit të saj.
Jo vetëm që e adhuronin, Diana ishte e rrethuar nga shumë njerëz që e kishin zili për bukurinë, zgjuarsinë dhe jetën e saj që i ngjante një skenari të një filmi.
Ajo e jetoi jetën plot pasion, por në 23 gusht të vitit 1997 erdhi fundi i jetës së saj. Ajo u përfshi në një aksident rrugor në tunelin në rrugën Pont de l’Alma,Paris, së bashku me të dashurin e saj, miliarderi Dodi Fayed. Dodi she shoferi vdiqën menjëherë pas aksidentit, ndërsa Diana u dërgua në spital në gjendje të rëndë dhe pavarësisht përpjekjeve të mjekëve ajo nuk arriti të shpëtonte. Mjekët konfirmuan vdekjen e saj rreth orës 4 të mëngjesit, ndërsa dëshmitarët treguan se“ O zot cfarë ka ndodhur” ishte fjala e fundit e Dianës.
Trupi i saj u dërgua në Londër nga dy motrat Lady Sarah McCorquodale dhe Lady Jane Felloëesdhe Princi i Wellsit. Ajo u varros me 6 shtator 1997, një varrim që u transmetua drejtpërdrejt në shumë media ndërkombëtare, ndërsa 3 milionë njerëz ishin të pranishëm në varrimin e saj.
Vdekja e saj u shoqërua me shumë mistere, hipoteza, aludime dhe dokumentarë, por edhe sot pas 24 vitesh nuk dihet se çfarë ndodhi me saktësi atë natë në Paris. Diana sot nuk jeton, por gjithmonë do të ngelet si Princesha më e dashur në histori, si edhe një nga gratë më të vlerësuara në botë./KultPlus.com
Është publikuar fotografia promovuese e filmit “Spencer” për jetën e princeshës Diana. Rolin kryesor e luan Kristen Steëart, kurse premiera pritet të jepet në Festivalin e Filmit në Venecia më 3 shtator.
Filmi ka të bëjë me një fundjavë që Diana e kaloi në Sandringham gjatë pushimeve të fundvitit 1991. Atëherë ajo mori vendimin për t’u shkurorëzuar nga Princi Charles.
“Dhjetor 1991: Martesa e Princit dhe Princeshës së Uellsit ka kohë që ka filluar të prishet. Edhe pse ka zëra për afera dhe divorc, paqja duhet të mbretërojë gjatë pushimeve.
“Ushqimi, pirja dhe gjuetia. Diana e di që së shpejti gjithçka do të ndryshojë “, shkruan në përmbledhje.
Protagonistja shfaqet duke qarë në fotografi dhe ka të veshur një fustan të bardhë që të kujton disi atë që kishte veshur Diana.
Filmi “Spencer” është realizuar me regji të Pablo Larrain, ndërsa skenarin e ka shkruar Steven Knight. Muzika është bërë nga Jonny Greenëood i grupit “Radiohead”. /KultPlus.com
Mbretërorët gjithashtu kanë sekretet e tyre. Edhe këpucët e tyre të dasmës mund të fshehin surpriza të rëndësishme. Detajet e vogla rreth mbretërve janë kaq interesante për ne dhe ka raste kur ata na bëjnë të ditur sekretet e tyre, siç janë 5 rastet më poshtë.
Princesha Diana është emëruar pas një zonje tjetër Diana Spencer nga shekulli i tetëmbëdhjetë
Ishte një tjetër Zonja Di e cila jetoi në shekullin e tetëmbëdhjetë dhe që kishte një fat të ngjashëm dhe gjithashtu supozohej të martohej me Princin e Uellsit. Sidoqoftë, ajo u martua me Lordin John Russell, i cili më vonë u bë Duka i katërt i Bedford. Kjo Diana vdiq në moshën 25 vjeç.
Mbretëresha mban gjithmonë të njëjtin manikyr që kushton vetëm 10 euro
Mbretëresha Elizabeth mban manikyrin e thonjve Essie që nga viti 1989. Kushton vetëm 10 euro dhe kënaq plotësisht shijen e saj, sepse “manikyri klasik rozë i lehtë është zbukuruar me një përfundim të hollë dhe transparent”.
Kate Middleton gjithashtu përdor produktet Essie, gjë që tregon se të jesh me stil nuk do të thotë që duhet të blesh vazhdimisht gjëra të shtrenjta.
Emrat alternativë për Princin William dhe Princin Harry ishin Arthur dhe Albert
Sidoqoftë, këto zgjedhje u bënë emra të mesëm. Emri i plotë i djalit të madh është William Arthur Philip Louis dhe i Harry është Henry Charles Albert David. Siç bëjnë shumë prindër, Diana dhe Charles kishin emra alternativë për djemtë e tyre. Arthur dhe Albert ishin disa prej tyre, por Diana nuk donte t’i përdorte ato.
Meghan mbante një unazë me ” H” fillestare para se të fejohej me Princin Harry
Meghan Markle mbante një unazë dhuratë nga Princi Harry, muaj para fejesës së tyre aktuale. Unaza kishte shkronjën “H” dhe ajo e mbante në dorën e djathtë.
Princesha Diana kishte një mesazh të fshehtë për Charles të pikturuar në thembrat e këpucëve të saj të dasmës
Këpucët e nusërisë së Dianës ishin të veçanta në shumë mënyra. Në fillim lartësia e saj ishte 1.78, saktësisht e njëjtë me Charles, kështu që Diana vendosi të vishte këpucë me taka të ulëta në mënyrë që të mos dukej më e gjatë se burri i saj i ardhshëm.
Së dyti, këpucët kishin më shumë se 500 xixa dhe 100 perla, por ato fshehën edhe një mister. Në thembrat e këpucëve, ajo kishte shkronjat C dhe D të pikturuara me një zemër të vogël, që simbolizonte dashurinë e saj për Charles./KultPlus.com
