Këngëtarja shqiptare me famë botërore, Rita Ora, po kalon pushimet e saj në bregdetin e Ulqinit, përcjell KultPlus.
Ora si duket ka zgjedhur këtë destinacion si vend për të kaluar kohën e saj me prindërit.
Në një postim të publikuar nga nëna e saj, Vera Ora, shihet këngëtarja së bashku me prindërit e saj./ KultPlus.com
#VisualsWithVera @ritaora @oranick #Joy #RitaOra #BunaRiver
Posted by Vera Ora on Sunday, August 31, 2025
Me vargjet “You bring me joy…”, Rita Ora vjen me një këngë që ngroh shpirtin dhe frymëzon zemrën. “Joy”, balada më e re e artistes me rrënjë shqiptare, u publikua sot si pjesë e kolonës zanore të “Love Is Blind: UK” në Netflix .
Kënga flet për gjetjen e gëzimit në ndjenjat e sinqerta, në lidhjen e thellë mes dy njerëzve dhe në çastet që na rikujtojnë sa bukur është të duash dhe të jesh i dashuruar.
Me këtë këngë, Rita Ora nuk sjell thjesht një melodi, ajo sjell një ndjesi, një gjendje shpirti, që përputhet në mënyrë të përsosur me atmosferën e “Love Is Blind: UK”, një spektakël që flet për dashurinë e vërtetë përtej dukjes./KultPlus.com
Sonte në mbrëmje, në kuadër të DokuFest në Prizren, do të ketë premierën dokumentari “Palace of Youth”, një projekt i realizuar ndër vite që sjell në ekran realitetin e të rinjve kosovarë përmes muzikës, tregimeve personale dhe shprehjes kreative.
Regjisorja Maddie Gwinn sjell një pasqyrë të skenës muzikore underground në Kosovë, duke ndjekur jetën, sfidat dhe ëndrrat e një brezi që përfaqëson mbi 55% të popullsisë, të rinj nën moshën 25 vjeç, shkruan KultPlus.
Këngëtarja me prejardhje shqiptare Rita Ora, që është edhe producente ekzekutive e dokumentarit, ndau emocionet në rrjetet sociale:
“Jam shumë e emocionuar që sonte ‘Palace of Youth’ do të ketë premierën në DokuFest – ka qenë një proces shumëvjeçar. Kur Odessa, Maddie dhe ekipi ma prezantuan këtë projekt, e pranova menjëherë për të vënë në pah talentin e jashtëzakonshëm të të rinjve në Kosovë. Përmes muzikës zbulojmë historitë, rrugëtimet, sfidat dhe fitoret e tyre. Të dëgjosh gjithçka ka qenë jashtëzakonisht prekëse. Jam e nderuar që jam pjesë e diçkaje kaq të vërtetë.”
Muzika në dokumentar vjen nga artistë të rinj kosovarë si Suada Abazi, Edona Vatoci, Lekë Morina dhe Donat Vatoci, të cilët sjellin një tingull autentik dhe bashkëkohor që lidhet ngushtë me realitetin kulturor të vendit.
Palace of Youth zgjat 66 minuta dhe përmes pamjeve, tingujve dhe tregimeve personale, sjell në ekran një brez të rritur në një vend me sfida të shumta, por me një potencial të jashtëzakonshëm përmes artit dhe vetë-shprehjes./KultPlus.com
Këngëtarja shqiptare me famë botërore, Rita Ora, së fundmi ka shpërndarë në InstaStory një postim nga faqja Eja, e cila rendit shqiptarët më të suksesshëm në arenën ndërkombëtare. Ajo çka e bëri këtë postim edhe më të veçantë ishte fakti që shoqërohej me këngën “Houdini” të Dua Lipës, një tjetër yll shqiptar që ka arritur sukses global.
Në postimin origjinal, faqja Eja e kishte përfshirë Rita Orën në listën e 10 personaliteteve shqiptare më të ndikueshme, duke e përshkruar atë si një nga artistet më të suksesshme të muzikës ndërkombëtare, me më shumë se 10 miliardë dëgjime globale dhe një figurë të fuqishme në skenën e muzikës pop.
Ajo që tërhoqi veçanërisht vëmendjen e ndjekësve ishte përdorimi i këngës së Dua Lipës, një zgjedhje që shumë e kanë interpretuar si një sinjal afrimi mes dy artisteve.
Pavarësisht se të dyja janë shqiptare nga Kosova dhe kanë arritur karriera të jashtëzakonshme, Rita Ora dhe Dua Lipa nuk janë parë kurrë së bashku në publik dhe kanë shmangur gjithmonë komentet për njëra-tjetrën në intervista apo në rrjetet sociale, duke shkaktuar spekulime mbi një raport të mundshëm të ftohtë mes tyre.
Megjithatë, ky veprim i Ritës shihet nga shumëkush si një hap i vogël drejt një afrimi të mundshëm. Në rrjetet sociale kanë shpërthyer komentet pozitive, ku fansat shprehen të entuziazmuar për mundësinë e një bashkëpunimi të ardhshëm mes dy ikonave shqiptare të muzikës./KultPlus.com
Këngëtarja shqiptaro-britanike Rita Ora po përgatit muzikë të re për serialin e njohur të takimeve “Love Is Blind UK” në Netflix. Kënga me titullin “Joy” është një baladë e fuqishme që flet për gjetjen e paqes së brendshme dhe pritet të publikohet shumë shpejt.
Burime për mediat britanike kanë bërë të ditur se kjo këngë nuk do të jetë pjesë e albumit të saj të katërt në studio, por shërben si një projekt anësor i dedikuar ekskluzivisht për serialin. “Joy” do të jetë e disponueshme për streaming, por nuk planifikohet të ketë videoklip apo promovim të gjerë.
Rita Ora ka folur edhe për momentet e vështira që ka kaluar gjatë karrierës së saj, duke përmendur mbështetjen e madhe që ka marrë nga Beyoncé, e cila e ka mbrojtur publikisht nga spekulimet dhe akuzat e padrejta lidhur me jetën personale.
Në një intervistë të fundit, Rita rrëfeu edhe për sfidat që ka pasur me vetëbesimin dhe marrëdhënien me trupin e saj, duke theksuar se tani ndihet më e fortë dhe më e mirë.
Kënga e re dhe lidhja me serialin e Netflix-it janë një hap i ri në karrierën e këngëtares, e cila vazhdon të jetë një figurë e rëndësishme në skenën muzikore ndërkombëtare./KultPlus.com
Këngëtarja me famë botërore, Rita Ora, ka marrë vëmendjen e revistës prestigjioze Vogue, duke u renditur në mesin e yjeve më të veshura me stil të javës.
Në artikullin me titull “The Best Dressed Stars of the Week Had Looks With Personality”, stilisti i njohur Christian Allaire përzgjedh pamjet më të spikatura, ku ndër to shquhet edhe Rita Ora me një veshje të mahnitshme të markës Prada. Ajo u shfaq elegante dhe me klas në një gala verore në Gassin, Francë, më 24 korrik, përcjellë KultPlus.
E veshur me një fustan të zi klasik me detaje të rafinuara, Rita përçoi finesë dhe individualitet, duke reflektuar si gjithmonë personalitetin e saj përmes modës. Pamja e saj u shoqërua edhe me komente pozitive për stilin e veçantë dhe mënyrën e përkryer se si e përfaqëson elegancën moderne.
Për më tepër, Vogue fton lexuesit të votojnë për pamjen e tyre të preferuar të javës dhe Rita Ora është padyshim një nga favoritët./KultPlus.com
Rita Ora ka qenë në qendër të vëmendjes gjatë Gala-s së Verës në Saint-Tropez, që u mbajt më 24 korrik 2025 në Gassin, Francë. Këngëtarja 34-vjeçare i dha ngjarjes një sharm të veçantë me një triko të bardhë me dantella, që theksoi trupin e saj të jashtëzakonshëm dhe e bëri atë të duket tejet tërheqëse.
Performanca e saj ishte një ngjarje e paharruar për të pranishmit, ndërsa Rita shtoi elegancën e saj me një palë çorape dhe këpucë të zeza me taka të larta. Pas performancës, ajo zgjodhi një fustan të zi midi me dekolte në formë zemre, duke e kombinuar me këpucë të zeza dhe duke krijuar një look të përsosur me flokët e saj të artë të stiluara me onde, shkruan Daily Mail.
Rita ishte shoqëruar nga bashkëshorti i saj, regjizori i famshëm Taika Waititi, i cili u duk elegant në një kostum ngjyrë blu në të gjelbërt, duke i shtuar një mëngë të bardhë për të kompletuar pamjen.
Yjet e tjerë të njohur që morën pjesë përfshinin modelen Frida, e cila u shfaq elegante në një fustan të gjatë satin ngjyrë kafe, dhe Kelly Rutherford, që shkëlqeu në një fustan të bardhë me dantella, të kombinuar me një çantë Birkin.
Gjithashtu, Leonardo DiCaprio ishte i pranishëm, por qëndroi i fshehur nën një kapele të zezë. Pjesëmarrës të tjerë të njohur përfshinë Victoria Silvstedt, Casey Affleck dhe Chantel Jeffries./dailymail/KultPlus.com
Rita Ora ka tërhequr vëmendjen gjatë pjesëmarrjes së saj në Gala-n e Verës nga Gala One në Saint-Tropez të enjten. Këngëtarja 34-vjeçare shkëlqeu në tapetin e kuq, duke pozuar me shumë elegancë dhe duke u bashkuar me emra të njohur si Jamie Foxx, Frida Aasen, dhe Kelly Rutherford në këtë ngjarje të shkëlqyer.
Rita ishte veshur me një fustan të zi midi, që theksonte trupin e saj të mrekullueshëm, dhe e kombinonte me taka të zeza. Ajo e kompletoi pamjen me taka të zeza dhe një çantë kadifeje, të qëndisur me lule vintage blu, shkruan daily mail
Kjo ngjarje erdhi disa ditë pasi Rita tregoi se si ndihej “e shëmtuar” në vitet e fundit të 20-ve për shkak të faktit se “nuk ishte aq e hollë si njerëzit e tjerë”. Këngëtarja foli për këtë temë në podcast-in “Happy Place” të Fearne Cotton, në bashkëpunim me Dove’s Self Esteem Project, duke ndarë mendimet e saj rreth besimit në trup.
Rita foli hapur për mënyrën se si është ndryshuar marrëdhënia e saj me trupin vitet e fundit dhe shpeshherë ndjente se trupi i saj nuk ishte “atraktiv”. Ajo tha:
“Unë mendoj se për mua, për të dukur në një mënyrë të caktuar filloi të më rëndonte kur isha në fund të 20-ve, ka filluar të më godasë atëherë, sepse qëndroja pa energji, nuk po kujdesesha për trupin tim, po sëmuresha shpesh dhe nuk ndihesha si trupi im të ishte i nxehtë,” shpjegoi Rita.
Ky rrëfim i saj ndihmoi shumë individë të reflektojnë mbi marrëdhënien e tyre me trupin dhe të kuptojnë se besimi në trup është një proces i vazhdueshëm dhe personal./KultPlus.com
Darka Gala që FIFA do të organizojë të enjten në Neë York, në kuadër të Botërorit të Klubeve, të ftuar speciale dhe performuese kryesore do të ketë Rita Orën, këngëtaren me famë botërore.
Kjo mbrëmje që do të mbahet në ambientet luksoze të Cipriani Ëall Street, në bashkëpunim me platformën “Big Art Festival”, pritet të mbledhë emra të njohur nga bota e futbollit, drejtues të lartë të FIFA-s, si dhe figurat e mëdha nga moda, biznesi dhe arti.
Përveç se mysafire nderi, Rita Ora, do ta mbyllë mbrëmjen me një performancë muzikore, duke e vendosur në qendër të vëmendjes bashkimin e sportit dhe kulturës në skenën ndërkombëtare./ KultPlus.com
E ftuar në televizionin e famshëm amerikan ABC, këngëtarja shqiptare me famë botërore, Rita Ora, flet me krenari për prejardhjen e saj shqiptare dhe për rrugëtimin si një ikonë globale e muzikës pop.
E pyetur nga gazetari për rrugëtimin dhe ndikimin e rrënjëve nga Kosova në formimin e saj në Londër në artin që krijon, Rita shprehet se thelbi i formimit të saj artistik dhe personal është pikërisht prejardhja e saj. Rita nuk heziton të shpreh krenarinë e saj për origjinën shqiptare:
“Mund të flas për këtë përgjithmonë. Kurrë nuk e harroj nga vij. Qysh në fillimet e mia, më shumë se një dekadë më parë, kam folur gjithmonë hapur për prejardhjen time si emigrante, për familjen time si refugjatë dhe sa shumë do të thotë kjo për mua. Më është dhënë mundësia të arrij ëndrrat e mia, dhe kjo është diçka që nuk e marr kurrë si të mirëqenë.” – u shpreh artistja.
Pos të tjerave, Rita e ndien veten edhe si përkrahëse të brezit të ri. Nisur nga shembulli i vetes, si një refugjate në Mbretërinë e Bashkuar, e shndërruar në ikonë të muzikës pop, Rita i mbështet gjeneratat e reja në ndjekje të ëndrrave dhe në të qëndruarit optimist për të ardhmen.
“Arti im gjithmonë është mbështetur në integritetin personal, jo në atë që është “cool” për momentin.” – shtoi Rita.
Gjithashtu ajo foli edhe për ndikimin dhe rolin e rrjeteve sociale në jetën e saj, duke pranuar se i pëlqen TikTok-u dhe rrjetet e tjera, por në procesin krijues mbetet besnike ndaj vetvetes dhe thelbësore e sheh të qenur reale dhe e vërtetë me veten.
Në formimin e saj personal dhe në rrugën e krijimit të një identiteti të pavarur, Rita e konsideron si hap të madh edhe momentin kur i propozoi martesë bashkëshortit të saj:
“Ishte momenti im me mikun tim më të mirë. Ende është. Dhe nuk e mendova shumë derisa njerëzit filluan të më thoshin: ‘Wow!’ Por unë mendoj se kjo duhet të normalizohet. Jemi po aq të fuqishme sa burrat që propozojnë tradicionalisht.”/ KultPlus.com
Këngëtarja shqiptare me famë botërore, Rita Ora, sot feston ditëlindjen e 34-të, shkruan KultPlus.
Në këtë ditë speciale, një urim të veçantë e mori nga nëna e saj, Vera, duke ia bërë urimin edhe në gjuhën shqipe edhe në atë angleze.
“Spend happy times with your children and watch miracles happen !
Kaloni kohë me fëmijët që të keni kënaqesi dhe surpriza të suksesshme”, ka shkruar ajo në rrjete sociale./KultPlus.com
Rita Sahatçiu Ora e lindur më 26 nëntor 1990, është një këngëtare dhe aktore britanike me prejardhje shqiptare. Suksesi i saj u rrit në shkurt të vitit 2012, kur ajo u paraqit me teken Hot Right Now, bashkëpunim me DJ Fresh-in, e cila arriti numrin një në Mbretërinë e Bashkuar.
Albumi i parë i saj Ora, që doli në shitje në gusht të vitit 2012, arriti numrin një në Mbretërinë e Bashkuar. Albumi përmbante teket Britanike R.I.P dhe How We Do (Party). Ora ishte artistja me numrin më të madh të tekeve në listën britanike në vitin 2012, me tre teke rradhazi që arritën në pozitën më të lartë.
Në janar 2014, Adidas njoftoi një bashkëpunim projektues me Ritën për markën e tyre, Adidas Originals. Gjithashtu në vitin 2014, kënga I Will Never Let You Down u rendit e katërta në Mbretërinë e Bashkuar dhe ajo u shfaq në teken “Black Widow ” të Iggy Azalea, e cila arriti numrin pesë në Mbretërine e Bashkuar dhe SHBA. Në 2015, Ora u bë trajnere në serinë e katërt të The Voice UK dhe, më vonë atë vit, një gjyqtare në serinë e dymbëdhjetë të The X Factor.
Albumi i dytë i saj në studio, Phoenix, doli në shitje në nëntor 2018. Tekja Your Song arriti numrin dhjetë në Britaninë e Madhe dhe teket Anywhere dhe Let You Love Me arritën numrin pesë në Mbretërinë e Bashkuar; kjo e fundit e bëri Orën artisten e parë femër britanike që të ketë gjithsej trembëdhjetë këngë të cilat kanë arritur të paktën pozicionin e dhjetë në listat e Mbretërisë së Bashkuar.
Ora ka lindur në Prishtinë, në Provincën Jugosllave e Kosovës, nga prindër shqiptarë. Nëna e saj, Vera, është psikiatre dhe babai i saj, Besnik Sahatçiu, është ekonomist e pronar kafeneje. Ora ka një vëlla më të vogël, Don, dhe një motër më të madhe, Elena, e cila është gjithashtu pjesë e ekipit të saj të menaxhimit. Ajo ka lindur si Rita Sahatçiu, mbiemri rrjedh nga fjala turke saatçi që do të thotë “orëndreqës”, por prindërit e saj më vonë e shtuan Ora në mënyrë që të mund të shqiptohet lehtë.
Familja e saj u largua nga Kosova për arsye politike, për shkak të persekutimit të shqiptarëve etnikë të filluar me shpërbërjen e Jugosllavisë. Ata u zhvendosën në Londër, Angli në vitin 1991, kur ajo ishte njëvjecare. Ajo u rrit pranë rrugës “Portobello” në Londrën Veriore dhe mori pjesë në St. Cuthbert me shkollën fillore “St Matthias” në Earls Court, pas së cilës u diplomua nga një shkollë e arteve të interpretimit, Sylvia Young School Theatre. Ajo filloi të këndojë në moshë të re.
Tani, Ora është në lidhje dashurie me regjisorin Taika Waiti, ku në paraqitjet e tyre të fundit, duken shumë të lumtur. / KultPlus.com
Këngëtarja shqiptare me famë botërore, Rita Ora, ka lansuar koleksionin e saj të fundit në Primark, kësaj radhe bashkë me nënën e saj, Vera Ora.
Rita ka shkruar se ky koleksion i dedikohet sezonit festiv.
“Nga rrobaqepësia elegante deri te dukjet e mbrëmjes që bien në sy, po sjell të gjithë glamin e frymëzuar nga Java e Modës në Paris dhe festat”, ka shkruar ajo.
Tutje, këngëtarja u shpreh se ndjehet e lumtur që i është bashkuar edhe nëna e saj për të modeluar dhe ka treguar se mosha e saj është vetëm një numër.
Ndërsa, nëna e saj u shpreh se është shumë e emocionuar për të ndarë këtë koleksion.
“Jam shumë e emocionuar të ndaj këtë koleksion me të gjithë ju. Sezoni i festave ka të bëjë me bashkimin dhe thellimin e marrëdhënieve tona me të afërmit, ndërkohë që kalojmë kohë të mirë dhe ‘Primarku’ e ka bërë pikërisht këtë”, tha ajo./KultPlus.com
Rita Ora mund të prezantojë MTV Europe Music Awards që pritet të mbahet në Mbretërinë e Bashkuar muajin e ardhshëm. Artistja e hitit “Hot Right Now” është në bisedime me drejtuesit e eventit për të udhëhequr ceremoninë e cila do të zhvillohet në Manchester më 10 nëntor.
Ylli i muzikës ndërpreu bashkëpunimin me menaxheren e saj dhe drejtuesen e kompanisë First Access Entertainment Sarah Stennet dhe tashmë po pret për projekte të reja.
Kjo nuk do të jetë hera e parë që Rita merr përsipër të drejtojë eventin pasi e realizoi detyrën e prezantueses në mënyrën më të mirë të mundshme në vitin 2017 në stadiumin Wembley.
Lajmi vjen pasi këngëtarja me origjinë shqiptare është zëvendësuar nga prezantuesja e Love Island Maya Jama në emisionin “The Masked Singer”. Megjithatë, kjo lëvizje nuk u prit mirë nga shikuesit të cilët dëshironin që Rita Ora të vijonte të ishte pjesë e panelit./ KultPlus.com
Këngëtarja shqiptare me famë botërore, Rita Ora, ka kujtuar sot 12 vjetorin e albumit të saj të parë debutues, “ORA”, përmes një videoje shumë të veçantë të publikuar në Instagram. Në këtë video, shihen momente nga performimet e saj të këngëve të këtij albumi, teksa e gjithë videoja është e shoqëruar nën ritmet e këngës “Shine Ya Light” – një këngë e cila është dedikim për vendlindjen e saj, Kosovën.
“Zoti im, nuk mund ta besoj që kanë kaluar 12 vjet që nga dalja e albumit tim debutues ‘Ora’! Ajo është një mbretëreshë dekade!! Dashuri e madhe për të gjithë ata që e kanë dëgjuar që nga viti 2012! Cila është kënga juaj e preferuar nga albumi?” shkroi Rita në mbishkrimin e videos.
Albumi “ORA” mbetet një moment kyç në karrierën e Ritës, pasi i dha një shtytje të madhe në tregun ndërkombëtar. Tri nga këngët e këtij albumi, “How We Do (Party)”, “RIP”, dhe “Hot Right Now”, arritën majat e klasifikimit në Mbretërinë e Bashkuar, duke e vendosur Ritën në hartën e muzikës botërore.
Rita Ora ka treguar gjithmonë një përkushtim të veçantë për vendlindjen e saj dhe për adhuruesit e saj që e kanë mbështetur gjatë gjithë karrierës. Videoja e publikuar sot është një dëshmi e këtij përkushtimi dhe një ndarje e momenteve të veçanta nga fillimi i rrugëtimit të saj artistik.
Kujtimi i 12 vjetorit të albumit “ORA” është një rikujtim sa i rëndësishëm ka qenë ky album për karrierën e Ritës dhe për të gjithë ata që e kanë mbështetur përgjatë viteve. Me këtë rast, fansat janë ftuar të ndajnë këngën e tyre të preferuar nga albumi, duke u angazhuar në një dialog emocional dhe nostalgjik me këngëtaren.
Përveç albumit “ORA”, Rita ka edhe dy albume të tjera të debutuara në treg, “Phoenix” në vitin 2019 dhe “You and I” në vitin 2023, si dhe një EP (mini-album) të titulluar “Bang” në vitin 2021. /Telegrafi/KultPlus.com
Këngëtarja e njohur shqiptare Rita Ora sapo ka publikuar këngën e saj më të fundit, shkruan KultPlus.
Bëhet fjalë për këngën “Ask & You Shall Receive” , projekt që këngëtarja Rita Ora ka përfshirë edhe bashkëshortin e saj. / KultPlus.com
Filmi i quajtur “Descendants: The Rise of Red”, vendos vajzën e ‘Mbretëreshës së Zemrave’ përpara dhe në qendër dhe trailer-i zbulon pamjet e reja përpara publikimit të filmit në Disney+ të premten, më 12 korrik, film në të cilin luan edhe artistja shqiptare me famë botërore, Rita Ora si “Mbretëresha e Zemrave”.
Në këtë film luan Malia Baker, në personazhin e Chloe, vajzën e Hirushes dhe Princit Charming me Brandy dhe Paolo Montalban duke ripërsëritur rolet e tyre përkatëse nga adaptimi i Hirushes në 1997.
Së bashku me Cantrall, Baker, Brandy dhe Montalban, “Descendants: The Rise of Red” do të rikthejë gjithashtu China Anne McClain në rolin e Uma si dhe Melanie Paxson si ‘Kumbara e Zanave’.
Yjet e tjerë përfshijnë Dara Renee si Uliana, Ruby Rose Turner si Bridget/Mbretëresha e re e zemrave, Morgan Dudley si Ella/Young Cinderella, Joshua Colley si Young Hook, Peder Lindell si Morgie, Grace Narducci si Fay. /Young Fairy Godmother, Jeremy Swift si Principal Merlin dhe Leonardo Nam si Maddox Hatter.
Jennifer Phang drejtoi filmin me një skenar të Dan Frey dhe Russell Sommer. Filmi i ri do të përfshijë shtatë këngë të reja origjinale dhe që përfshin dy ripërsëritje dhe një kopertinë të “So This Is Love” nga filmi origjinal i animuar Hirushja. Kolona zanore do të publikohet më 12 korrik nga Walt Disney Records.
“Descendants: The Rise of Red” do të shfaqet premierë në Disney+ të premten, më 12 korrik, e cila do të pasohet nga një premierë në Disney Channel të premten, 9 gusht. Ndërkaq, Rita Ora ka publikuar disa pamje në Instagram, ku ka mahnitur me paraqitjen në këtë film me flokë të kuqe./
Rita Ora është shfaqur e veshur me një fustan interesant në Met Gala 2024, duke e dërguar trendin në një nivel tjetër me veshjen “më të zhveshur”.
Ora kishte veshur një fustan të hapur në të dy anët të Tom Ford-it, që kishte dy perde rruaza që mbulonin pjesën e përparme dhe të pasme të trupit
Ndërsa fliste për Vogue, Rita Ora tregoi se rruazat e fustanit janë të lashta dhe praktikisht “më të vjetra se kushdo në këtë planet”, duke thënë se janë nga shekulli i dytë para Krishtit.
Tutje, ajo ka treguar se ajo përmes fustanit donte të përfaqësonte bukurinë e trupit dhe ekzistencën e praninë e grave.
“E gjitha varet nga një strukturë e bukur metalike e punuar me dorë, e cila zbukuron qafën pothuajse si një xhevahir dhe e përcakton atë në një mënyrë shumë grafike”, ka shkruar Rita në rrjete sociale.
Ora mori pjesë në natën më të madhe të modës me bashkëshortin e saj Taika Waititi, i cili kishte veshur lëkurë kafe nga koka te këmbët, duke përfshirë një kostum tre-copëshe, kravatë dhe këpucë të ngjashme. Ai aksesoi me një gjerdan diamanti./KultPlus.com
GoEast Film Festival këtë vit pati një seksion të veçantë të quajtur “Albanien und Kosovo: Fokus”, që është dedikuar për kinemanë nga Kosova dhe Shqipëria. Ky seksion është krijuar për të shfaqur një përzgjedhje të filmave të shkëlqyer nga këto dy vende, duke ofruar një platformë për të eksploruar kinemanë e tyre dhe për të prezantuar tregime dhe perspektiva unike.
Në këtë seksion, janë shfaqur një përzgjedhje e filmave nga Kosova dhe Shqipëria, duke përfshirë titujt si: “Era dhe lisi” nga Faruk Begolli, “I dashur armik”, “Daullet e Rezistencës”, “The Guardian”, “Another Day”, “Daybreak”, “117” nga Besim Sahatçiu, “Në kërkim të Veneres” nga Norika Sefa dhe “I Love You More” nga Erblin Nushi. Këta filma përfaqësojnë një gamë të gjerë zhanresh, përfshirë drama, komedi dhe dokumentarë.
Një mbështetje e veçantë për këtë fokus ka ardhur nga këngëtarja me famë botërore, Rita Ora. Ajo ka treguar përkushtimin e saj për të promovuar kinemanë nga Shqipëria dhe Kosova, duke u bërë një ambasadore e fuqishme për filmin dhe kulturën e këtyre dy vendeve. Kjo mbështetje ka sjellë vëmendje të shtuar ndaj seksionit dhe ka ndihmuar në rritjen e ndërgjegjësimit për kinemanë nga Kosova dhe Shipëria./ KultPlus.com
Këngëtarja shqiptare me famë botërore, Rita Ora, do të lansojë linjën e saj të produkteve për kujdesin e flokëve me 18 prill.
Linja e saj e produkteve do të quhet “Typebea”, që do të përfshijë serume, trajtime shkëlqimi, shampo dhe balsam e produkte që synojnë riparimin e flokëve të dëmtuar.
Ajo e ka krijuar këtë linjë me biznesmenen australiane të produkteve të bukurisë, Anna Lahey.
Rita është shprehur se është shumë e emocionuar që të ndajë një pasin të madh që e ka, pasi gjatë tërë karrierës së saj ka pasur gati çdo ngjyrë dhe stil flokësh, por tani i ka më të shëndetshme se kurrë.
“Jam shumë e emocionuar që më në fund ndaj një pasion të madh që kam. “TYPEBEA”, produktet cilësore të kujdesit të flokëve që kam krijuar bashkë me Anna Lahey. Marrëdhënia që kemi me flokët është diçka shumë personale. Për mua flokët janë një pjesë e madhe e identitetit tim, kreativitetit dhe besimit tim. Kam pasur pothuajse çdo model dhe ngjyrë flokësh gjatë gjithë karrierës sime. I kam zbardhur, kam përdorur zgjatime dhe i kam prerë shkurt. Por tani mund të them që flokët e mi janë më të shëndetshëm se kurrë. “Prisni ta ndaj me ju!” TYPEBEA do të lansohet shumë shpejt”, ka shkruar Rita në rrjete sociale. / KultPlus.com
Zakonisht, kur një personazh i famshëm këmbëngul se është i thjeshtë, do t’ju këshilloja ta trajtoni atë në të njëjtën mënyrë si një njeri që tregon se sa djalë i mirë është ai – me një dozë të madhe skepticizmi.
Përveç nëse kjo e famshme thuhet të jetë Rita Ora, nis shkrimi i Grazia Daily për artisten shqiptare.
Ora nuk di të shfaqet ndryshe. Sinqeriteti është një nga superfuqitë e saj. Por nëse ajo është ‘shumë normale’, shkrimet e York-ut për biografinë e saj nuk janë asgjë tjetër veçse: Top 10 këngët ndonjëherë për një artiste femër britanike. Më shumë se 10 miliardë transmetime. Mbi 16 milionë ndjekës në Instagram. Një partner që ka fituar çmime ‘Oscar’. Ka marrë pjesë në projekte të ndryshme filmike, koncerte si dhe ka zënë vend në ekrane televizive (The Voice, The X Factor, The Masked Singer). Tapetet e kuq dhe shumë e shumë gjëra. Gjithsesi, ajo është e drejtpërdrejtë.
“Nuk di si t’u përgjigjem gjërave pa dalë nga zemra”, tha ajo. “Por kjo është arsyeja pse më pëlqen të komunikoj me njerëzit, sepse edhe ata ndihen rehat kur flasin me mua. Më pëlqen të jem një person shumë i sinqertë, i besueshëm dhe i hapur”.
33-vjeçarja vjen nga një vend jashtëzakonisht i pambrojtur. Ajo bën shoqëri lehtë, është e hapur dhe e ngrohtë.
“Më pëlqen të njoh historitë e njerëzve dhe t’i kuptoj njerëzit”, thotë ajo. “Nuk më intereson kush është apo nga janë”.
Por nëse doni që Ora të bëjë diçka – thuaju se nuk duhet. “Me të vërtetë më vjen keq kur njerëzit përpiqen t’ju kufizojnë”, theksoi Rita mes tjerash.
Partneriteti me Primark është gjithashtu ilustrues se si Ora duket plotësisht e lirë nga snobizmi. Ajo nuk ishte e shqetësuar për zvogëlimin e kredencialeve të saj të modës luksoze.
“Ka të bëjë më shumë me respektin që kam për modën e lartë dhe respektin që kam për modën e rrugës së lartë dhe kombinimin e të dyjave”, thotë ajo, duke shtuar, “Më duket sikur mund të ishte një mundësi vërtet e mrekullueshme për dikë që ka përjetuar gjëra të tilla si Met Gala dhe fushata të modës së lartë dhe me stilistët më të mirë të të gjitha kohërave për të bërë diçka që lidhet me botën ku jam rritur”.
E lindur në Kosovë në vitin 1990, Ora ishte vetëm një vjeç kur prindërit e saj shqiptarë morën atë dhe motrën më të madhe Elenën (po aq simpatike, ajo ndihmon në menaxhimin e motrës së saj të vogël) për të jetuar në Londër (vëllai Don erdhi më vonë).
Duke pasur parasysh rrënjët e saj, si e bën atë të ndihet diskursi aktual, shpesh negativ, rreth refugjatëve dhe emigrantëve.
“Është shumë më e madhe se mendimi im”, thotë ajo me kujdes, duke shtuar, “ekziston gjithashtu një mundësi e jashtëzakonshme dhe mendoj se jam një shembull i shkëlqyer për këtë. Unë kam pasur një edukim vërtet me fat, të jashtëzakonshëm, që tani jam me fat të flas për të tjerët që nuk kanë zë dhe kanë një ëndërr”.
Sot, Ora zotëron atë lloj fame që shtrihet përtej bazës së fansave të saj dhe depërton në kulturën e gjerë. Njerëzit kanë mendime për Orën. Në më shumë se një dekadë në sytë e publikut, ajo ka qenë diçka si një mulli thashethemesh.
Sot, ajo ka një qetësi dhe mençuri. “Nuk ndihesh kurrë i kënaqur në një industri si kjo. Edhe nëse i keni fituar të gjitha çmimet dhe keni arritur gjithçka që keni dashur, tani çfarë? Asnjëherë nuk mjafton. Ne me të vërtetë duhet të ndihemi mirë me veten tonë”, thotë ajo. “Duhet të siguroheni që po e bëni sepse ju pëlqen”.
“Ëndrrat e mia janë shumë të pakufizuara: film, muzikë, dizajn më shumë rroba. Unë gjithmonë kam kontrolluar veten time. A po e shijoj këtë? Mendoj se është vërtet e rëndësishme. Më pëlqen të bëj muzikë, më pëlqen të jem në televizion, më pëlqen të flas me njerëz”.
Dhe, shton ajo: “Më pëlqen të shoh se ende mund të prek njerëzit. Mos u mashtroni, këta fëmijë të vegjël janë të zgjuar – ata e dinë kur nuk jeni të vërtetë”. / KultPlus.com
Këngëtarja kosovare me famë botërore Rita Ora, ka dhënë një intervistë në podcasting “Brave New World” ku ka folur për luftën e saj me ankthin.
33-vjeçarja tha se kjo ka qenë një luftë e vazhdueshme që ka arritur ta mbajë nën kontroll përmes kombinimit të metodave tradicionale dhe jokonvencionale.
Qasja e Orës është ndikuar nga Wim Hof, metoda e të cilit janë të njohura për përmirësimin e shëndetit mendor dhe fizik.
Përveç praktikave fizike, ajo vlerëson edhe muzikën si terapi të saj në procesin e shërimit.
Albumi i tretë “U and I” shërben si një testament për udhëtimin e saj duke ofruar njohur për betejat dhe rimëkëmbjen e saj.
Ky rrëfim i artistes është një shtytës i fortë për ata që kanë nevojë të shtojnë kujdesin ndaj vetes dhe nevojës për të kërkuar ndihmë kur është e nevojshme, qoftë përmes terapisë, muzikës apo metodave jokonvencionale të shërimit. / KultPlus.com
Këngëtarja e njohur shqiptare me famë botërore Rita Ora sapo ka lansuar këngën e saj më të re “Gryffin”, shkruan KultPlus.
Kjo këngë është lansuar edhe me videoklip dhe për projektin më të ri ka njoftuar vet Rita Ora e cila ka ndarë me ndjekësit edhe pamje nga ky projekt.
Rita Ora pak më herët lansoi një këngë tjetër e cila në vidoklipin e saj kishte futë pamje nga fëmijëria e saj, duke përfshirë edhe anëtarët e ngushtë të familjes.
KultPlus ju sjell videoklipin e kësaj kënge./ KultPlus.com
Ceremonia hapëse e Lojërave Mesdhetare të vitit 2030 që do të zhvillohen në Kosovë mund të jetë shumë më spektakolare se sa mund të imagjinohet.
Kjo pasi në këtë ceremoni mund të performojnë dy yjet botërore të muzikës, Rita Ora dhe Dua Lipa.
Këtë e ka bërë të ditur zëdhënësi për media i Komitetit Olimpik të Kosovës në Konferenca ndërkombëtare “Kufijtë e Lirisë së Fjalës”, ku nikoqire është Agjencia e Lajmeve KosovaPress.
Ai tha se në këto lojëra nuk do të ketë vetëm sport, por edhe kulturë dhe art dhe është duke u punuar që të sigurohet performanca e të dy yjeve në atë mbrëmje të madhe.
Tutje, Krasniqi shtoi se Kosova e pati më të lehtë ta fitojë organizimin e kësaj ngjarje të madhe për shkak të rezultateve mbresëlënëse që kanë arritur në arenën ndërkombëtare vajzat e xhudos duke siguruar medalje të arta evropiane e botërore.
Në panelin e dytë, folës është presidenti i Bordit të Prishtina MALL, Fatmir Zymberi, udhëheqësi i Kolegjit UBT Edmond Hajrizi, profesoresha universitare Besa Luzha, Kushtrim Krasniqi nga Komiteti Olimpik i Kosovës dhe Taulant Hodaj nga Federata e Futbollit të Kosovës, të cilët do të paraqesin pikëpamjet rreth mundësisë së krijimit të sinergjive për mbështetje të iniciativave inovative që avancojnë prosperitetin shoqëror. / KultPlus.com