Digjet statuja e Melania Trump në Slloveni

Një skulpturë prej druri e Zonjës së Parë të SHBA-së, Melania Trump është hequr, pasi iu vu flaka gjatë festimeve të fundjavës së 4 korrikut, Ditën së Pavarësisë së Amerikës.

Brad Downey, një artist amerikan me qendër në Berlin, tha se skulptura ishte në gjendje të mirë, por tani u shkrumbua dhe u shpërfytyrua. Statuja e Melanias u hoq menjëherë nga policia më 5 korrik, sapo kjo e fundit mori njoftimin për shkatërrimin e saj, transmeton KultPlus.

“Unë dua të di pse e bënë këtë”, tha Downey, i cili kishte shpresuar se statuja do të nxiste një dialog për situatën politike në Shtetet e Bashkuara, duke theksuar statusin e Melania Trump si një emigrante e martuar me një president të përbetuar për të zvogëluar emigracionin.

Javët e fundit, presidenti Donald Trump është zotuar të marrë masa të ashpra për këto që shkatërron dhe vandalizon monumentet historike të SHBA, ndërkohë që vendi është përfshirë nga debati dhe protesta mbi racizmin. / KultPlus.com

Në Slloveni protestohet kundër qeverisë ndaj masave tepër kufizuese

Më shumë se 3.500 persona me biçikleta u takuan në qendër të kryeqytetit slloven, Lubjanë, për të protestuar kundër masave të konsideruara tepër kufizuese nga qeveria për të luftuar pandeminë e koronavirusit dhe për parregullsi të dyshuara në furnizimin me pajisje sanitare mbrojtëse.

Protesta të ngjashme u mbajtën edhe në Maribor, Nova Gorica dhe vende të tjera të vendit, të koordinuara nga organizata joqeveritare ”Gibanje Ops”.

Në Lubjanë, qindra demonstrues u takuan para ndërtesës së Parlamentit dhe zonave përreth, duke zënë stolat dhe hapësirat publike.

Sidoqoftë, ndalimi i grumbullimeve dhe masave të tjera të distancimit shoqëror çuan në ndërhyrjen e policisë, e cila kreu 58 procedime për shkelje të ligjit për tubimeve publike. /KultPlus.com

AppleMark

Slloveni, manifestim kulturor i shqiptarëve të qytetit Kranj

Shqiptarët me banim në Kranj organizuan një manifestim kulturor me mesazhin e ruajtjes së identitetit kombëtar, promovimin e kulturës, këngëve, kostumeve, traditave e valleve shqiptare, ruajtjen e gjuhës shqipe dhe organizimin më të mirë të tyre.

Nisma e Irena Gjinit dhe bashkëshortit të saj, me mbështetjen e Adil Gashit, Afrim Kryeziut dhe firmës Vijosa, mblodhi së bashku me dhjetra shqiptarë me banim në Kranj.

Së shpejti shqiptarët e këtij qyteti slloven synojnë që të organizohen më mirë, duke krijuar shoqatën e tyre kulturore, duke përfshirë edhe projektin e krijimit të shkollës të mësimit plotësues në gjuhën shqipe.

Në manifestim ishin të pranishëm edhe drejtues të Ambasadave të Shqipërisë dhe të Kosovës, të cilat do të qëndrojnë më afër me këtë komunitet shqiptar dhe do të ofrojnë të gjithë mbështetjen e nevojëshme për realizimin e projekteve të tyre./ ata

Gani Llalloshi hap ekspozitë në Slloveni

Mbrëmë në Galerinë Hest të Lubjanës është hapur ekspozita e piktorit nga Kosova që tash sa vite jeton e krijon në Slloveni, Gani Llalloshi.

Ekspozitën e shpalli të hapur ambasadori i Kosovës në Slloveni, Nexhmi Rexhepi i cili në fjalën e tij vlerësoi punën dhe përkushtimin e piktorit Llalloshi në prezantimin e veprave artistike me motive nga vendlindja për artdashësit në Slloveni, bëhet e ditur përmes një komunikate për media.

“Llalloshi është shumë aktiv në kultivimin e këtij arti autentik dhe si i tillë është pranuar me shumë respekt në botën artistike të krijuesve të artit figurative në Slloveni”, tha Rexhepi, transmeton Koha.net.

Dhjetëra punime artistike të dimensioneve të ndryshme janë prezantuar për publikun, të cilat janë të krijuara nga frymëzimet e hershme të piktorit Llalloshi nga vendlindja e tij.

Kurse kuratorja e njohur sllovene Elizabeta Rogoviq tha se, “çdo ekspozitë e këtij artisti me rrënjë nga Kosova, që tashmë ka bërë emër të njohur ndër ne, përcillet me interesim nga artdashësit sllovenë”.

Në hapjen e kësaj ekspozite morën pjesë dashamirë të shumtë të këtij lloj arti jo vetëm nga kryeqyteti slloven por edhe nga qytete të tjera, diplomat të akredituar në Slloveni si dhe bashkëqytetarë që jetojnë dhe punojnë në Slloveni. Ambasada e Republikës së Kosovës në Slloveni që e mbështeti hapjen e kësaj ekspozite, me këtë rast, për të pranishmit ofroi edhe nga një gotë vere kosovare./ KultPlus.com