Sonte për Bekim Lumin koncert në Zanzi

Sonte Zanzi Jazz Bar do të mbledh shumë emra të muzikës që do të performojnë për ta ndihmuar regjisorin Bekim Lumi që po përballet më sëmundjen e rëndë të kancerit, shkruan KultPlus.

Tashmë pjesëmarrjen në këtë mbrëmje e kanë konfirmuar këngëtarët: Shpat Deda, Dritëro Nikqi, Blerta Kosova, Nita Latifi, Mentor Haziri, e plotë të tjerë që do të bashkëngjiten.

“Bekim Lumi ka merita t’jashtëzakonshme n’historinë e kinematografisë në Kosovë, kështu që e kemi edhe borxh moral në nifar mënyre”, shkruhet në njoftimin e këtij eventi.

Ndërsa për të ndihmuar regjisorin Bekim Lumi, tashmë kjo mund të arrihet edhe përmes operatorëve VALA dhe IPKO: Përmes operatorit IPKO mund të dërgoni mesazh në në numrin 55049 me tekst “Bekim” . Kurse në operatorin VALA mund të dërgoni mesazh në numrin 55103, me tekstin “Bekim”. Vlera e një SMS-i është 1Euro. Të gjitha të hollat e mbledhura destinohen për shërimin e tij.

Ndërkohë, thirrja që është bërë për të ndihmuar Bekim Lumin ka këto të dhëna si më poshtë, dhe të gjithë ata që duan të ndihmojnë regjisorin, mund ti transferojnë mjetet e tyre në këto xhirollogari.

Bartësi i kontos: BEKIM LUMI
Adresa: Rr. “Theodor Muzaka”, H. 1, Nr. 10, Prishtinë, 10000, RKS, Kosovë
Numri i kontos: 1110251567000198
Banka: ProCredit Bank Kosovo J.S.C.
Adresa e Bankës: Rr. George Bush, Nr. 16, Prishtinë, Kosovë
Ndërkaq, për banorët jashtë Kosovës, përveç të dhënave të mësipërme, duhet të jenë edhe këto shënime shtesë:
Account No (IBAN): XK051110251567000198
SËIFT (BIC) CODE: MBKOXKPRXXX
Bank Identification Code: PRCBDEFFXXX
Correspondent / Intermediary Bank: PROCREDIT Bank AG, Frankfurt am Main, Germany./KultPlus.com

Legjendat e muzikës shqiptare, sonte në Zanzi Jazz Bar

Zanzi Jazz Bar në Prishtinë po vjen me një koncept të ri dhe tejet tërheqës që ju kushtohet artistëve më të mirë shqiptarë të të gjitha trojeve, shkruan KultPlus.

Kështu, çdo të shtunë, duke filluar nga sonte, do të mbahet tributë për bendet që kanë lënë gjurmë të thella në historinë e skenës së muzikës moderne shqiptare.

Seti i parë i këtij projekti, i cili mbahet sonte, ju kushtohet legjendave të muzikës shqiptare si: Gjurmët, Telex, Muharrem Qena, Minatori, Jericho etj.

“Ky është një koncept i ri i Zanzit që i kushtohet të gjithë artistëve më të mirë shqiptarë. Çdo të shtunë bëjmë tributë për bendet që kanë lënë histori në skenën e muzikës. Çdo javë janë të përzgjedhur të ndryshëm. Kështu të gjithë artistët më të mirë të të gjitha kohërave do të jenë pjesë e këtij projekti”, ka treguar organizatori Nesim Maxhuni për KultPlus.

Gjithçka do të vijë e sjellë mrekullisht sonte nga ora 22:30 në Zanzi Jazz Bar në Prishtinë, nga instrumentistët: Lis Asllanaj, Art Lokaj, Fatjon Miftari dhe Nesim Maxhuni. / KultPlus.com