Xharra në New York, flet për Skënderbeun dhe Nënë Terezën

Gazetarja kosovare, Arbana Xharra, ka marrë pjesë në një sumpozium shkencor për Jotolerancën Globale Fetare në ShBA, shkruan KultPlus.com.

Ajo ka njoftuar se ka folur për periudha të ndryshme historike që ka kaluar kombi jonë.

“Në sumpoziumin e organizuar për Jotolerancen Globale Fetare, në New York, në prani të përfaqësuesve të Vatikanit, Israelit, të komunitetit Musliman, fola për shtet ndertimin shqiptar, rolin e kongresit të Manastirit dhe pasojat e sundimit osman”

Tutje, Xharra, ka thënë se me krenari ka përmendur dy figurat kryesore të kombit shqiptar: Nënë Terezën dhe Skënderbeun.

“Me krenari përmenda Nënë Terezën, Skënderbeun, shpëtimin e hebrenjve nga shqiptarët, për imamet pro perendimor dhe proamerikanizimin shqiptar. U bëra me dije se ndikimi i Erdoganit është i përkohshëm sepse ne jemi Evropian, ai mund të ndërtojë xhami, por shqiptarët kurrë Amerikës nuk do ia kthejnë shpinën, sepse u jemi mirënjohës përjetësisht”

Është për marre që Kosova s’ka asnjë webfaqe ku mundesh me i nxjerrë të dhënat për masakra, të zhdukur, gra te dhunume e të vrarë

Arbana Xharra, gazetarja nga Kosova e cila deri para pak kohësh ka vepruar në Kosovë duke publikuar disa shkrime hulumtuese të cilat kanë të bëjnë me situata të ndryshme në vend.

Aktualisht është duke jetuar dhe vepruar në New York, ku edhe atje ka vazhduar aktivitetin e saj.

Ajo sapo lansoi një status në rrjetin social Facebook duke kritikuar se Kosova nuk e ka asnjë faqe online ku mund të ketë dëshmi të shumta për gjenocidin dhe tmerret e luftës së fundit në Kosovë.

Statusi i plotë:

Profesori me te cilin shkruaj artikuj ne New York, Alon Ben-Meir me kerkoi të dhëna për gjenocidin në Kosovë. Është për marre që Kosova s’ka asnjë webfaqe ku mundesh me i nxjerrë të dhënat për masakra, të zhdukur, gra te dhunume e të vrarë…Burimet e këtyre informatave janë artikujt e mediave të huaja, por asnjë adresë zyrtare në Kosovë. Nuk jeni të vetdijshem sa propaganda me shkrime kunder Kosovës po bëhët nga Serbia nëpër rrjete sociale dhe ëebsajte online. Në rrjetin social më shumë ndikim Tëitter, shqiptarët jane të pa vrejshem që komentojnë, serbët të vërshojnë me komente e propagandë në gjuhen angleze. Ju rrini kafeve gjithë ditën e kqyrni ka sa like e folloëersa po i merrni nëpër statusa në FB./KultPlus.com

‘Ai më tërhoqi për kapele të xhaketës, e shtyva me sa fuqi kisha’

Arbana Xharra / Facebook

Viti 2001 isha 19 vjece, sapo kisha nise punen si gazetare ne gazeten “Koha Ditore”, kryeredaktori Baton Haxhiu me caktoi ne mbledhje te mengjesit te merresha me mungesen e ngrohjes ne shkollat e Prishtines. Rreth pasdites dikur, u nisa per ne shkollen “Xhevdet Doda” per te biseduar me drejtorin. Sapo u afrova te dera kryesore, nje djale rreth te 30-tave i cili dukej se ishte roje ma hapi deren. E pyeta nese ishte drejtori apo zevendesi ne zyre. “Po larte eshte, hajde ta tregoj zyren”, me tha ai, tek sa ecte para meje shkalleve per ne katin e dyte. Bente ftoht, kishte rene bore dhe veshur e kisha nje xhakete me kapele ngjitur me kapese. Sapo hipa ne katin e dyte, kur u afrova tek zyra e drejtorit pash qe nuk ishte askush. “Pse me rrejte?” ju drejtova me ze te larte tek sa nisa te frikohesha sepse pash qe shkolla ishte pa asnjeri. Ai me terhoqi per kapele te xhaketes per te me mbeshtetur per muri, e shtyva me sa fuqi kisha, e per fatin tim te mire, kapela u shkeput nga xhaketa i mbeti ne dore…Mbaj mend sikur sot, vrapin qe bera shkalleve te vjetra te drurit te poshte dhe friken qe me kaploj. Derisa afrohesha tek dera kryesore me kapi panike, kisha frike nese dera ishte e mbyllur… po e kishte mbyllur, por me grep. Arrita te dale. Shkova ne redaksi, redaktori Virtyt Gacaferi me tha qe rasti duhet te lajmerohet ne organet e sigurise…erdhi me mua ne polici ku dhash deklaraten ne detaje. Disa jave me vone me thirren nga gjykata. “Personi i cili ju ka ngacmuar eshte me te meta psiqike, eshte mire me a fale, do ta largojme nga shkolla”…me tha gjykatesja. Kushedi se cka ka ndodhe me vajza te tjera ne ate shkolle. Njerez me probleme psiqike, manjak…ka kudo por jane organet e sigurise dhe institucione te tjera qe duhet te trajtojne keto raste. Ne Kosove po merremi me policin e mesuesin kriminel, te presim a kane me e marre denimin e merituar!

Arbana Xharra, Blerta Deliu dhe Dhurata Sadiku në mesin e grave që mbështesin fushatën ‘Thuaj Jo Ngacmimit Online’

Në kuadër të Ditës Botërore kundër dhunës ndaj gruas/vajzave, e cila shënohet më 27 nëntor ka filluar fushata “Thuaj Jo Ngacmimit Online – Stop Cyberbulling”, fushatë e lansuar nga komuniteti Cyber Security and Privacy, që ka për qëllim ndërgjegjësimin, edukimin dhe parandalimin ndaj ngacmimit online.

Pjesë e kësaj fushatë tashmë janë bërë disa gra, deri tani duke përfshirë edhe ministren Dhurata Sadiku Hoxha, deputeten Blerta Deliu dhe gazetaren Arbana Xharra.

Kjo e fundit ka shënuar në Facebook se ka pranuar që të jetë pjesë e kësaj fushatë pasi që edhe vet ka qenë viktimë e ngacmimit online.

“Duke qenë vet viktimë e ngacmimit online, pranova të jem pjesë e kësaj fushatë vetëdijesimi”, ka shkruar Xharra.

“Miq të hapësirës kibernetike, nga 25 tetori 2018 fillojmë fushatën ndërgjegjësuese “Thuaj Jo Ngacmimit Online-Stop Cyberbulling”. Dua të falënderoj ne veçanti ambasadoren Vlora Citaku, ministren Dhurata Sadiku Hoxha, deputeten Blerta Deliu dhe gazetaren Arbana Xharra, për mbështetjen e sinqerte! Dhe të gjithë ju qe keni mirëpritur dhe mbështetur këtë fushatë! Mirëpresim që dhe ju që tanimë keni pranuar ftesën ti bashkëngjitni kësaj fushatë”, ka shkruar në Facebook Mentor Hoxhaj mengjer në Cyber Security and Privacy.

Në kuadër të aktiviteteve që do të mbahen në kuadër të kësaj fushatë do të jetë edhe trajnimi “Identifikimi, Reagimi dhe Raportimi i Ngacmimit Online”, që do të mbahet më 27 nëntor 2018 nga ora 14 00, mbështetur nga UBT./ KultPlus.com

‘Heshtje kolektive sepse dajaku është pjesë e jetës sonë’

Arbana Xharra / Facebook

Valbonat i vrasim cdo dite. Ato dhunohen, shkelmohen, nencmohen e degradohen tere jeten e tyre. Ato rrihen qysh ne vegjeli, vellai e shqelmon per te ia ruajtur moralin, nena nuk ben ze se e shkreta han dajak nga burri i saj…Kjo vajze rritet, behet grua e me pase nene duke e harruar dajakun vetem atehere kur i pushojne dhimbjet e trupit. Tjetra goditet me gure nga kalimtaret; se “kurva e lype”…Rrethi i saj heshte, sepse “dajaku ka dale prej xhehnetit”. Policia s’ben gje ngase eshte ky “burr” qe dajakun e vrasjen e gruas nuk e konsideron krim por normalitet. Keta burra e jo pak gra (qe i edukojne djemte te dhunshem e vajzat te durojne) qe edhe vet jane te dhunshme, jane shoqeria jone qe ne i perkasim. Ata/ato, nuk kane pike prej qiellit, jane ne shtepite tona, ne rruge, ne institucione, jane vet NE. E ngushellimi qe keto viktima marrin jane statuset tona ne Facebook, vetem atehere kur plumbi i vret. Heshtje kolektive sepse dajaku eshte pjese e jetes sone!

Serbia e vendosë kryqin pesë metra në Mitrovicë, Arbana Xharra bën thirrje që të largohet (FOTO)

Në kodrinën e dytë më të madhe në mes të Mitrovicës dhe Zveçanit është vendosur një kryq i madh.
Kurse gazetarja Arbana Xharra vendosjen e këtij kryqi e ka vlerësuar si provokim ndaj shqiptarëve, sikurse që ka kujtuar të zotët e Kosovës, ende nuk e kanë kuptuar se si shtet i pavarur sikurse është Kosova, ata mund edhe ta shkulin atë kryq nga aty.

Më poshtë mund ta lexoni reagimin origjinal të Arbana Xharrës.

Ky eshte kryqi i politikes se Begradit, i cili 20 vjet me pare ka kryer gjenocid ne Kosove. Ky eshte kryqi qe bartet me krenari edhe nga politika e sotme e Serbise. Ky eshte kryq politik, ne emer te se cilit mbi nje shekull eshte thirrur ne shfarosjen e shqiptareve. Ky kryq eshte vendosur per te provokuar shqiptaret. I zoti i ketij kryqi e di shume mire qe Kosova eshte shtet i pavarur, por si duket te zotet e shtepise sone ende nuk e kane kuptuar, qe te jesh shtet i pavarur, mund te shkulesh ate kryq nga ai vend ku eshte vendosur!/KultPlus.com