Ulqini bëhet sonte epiqendra e muzikës shqiptare, ku artisti i njohur Armend Rexhepagiqi do të ngjitet në skenën magjike të Kalasë së Ulqinit për një koncert të hapur për publikun.
Mbrëmja muzikore organizohet në kuadër të manifestimit tradicional “Ditët e Diasporës”, duke sjellë një atmosferë të veçantë për qytetarët dhe mërgimtarët, transmeton KultPlus.
Koncerti fillon në ora 21:30, ndërsa hyrja është e lirë për të gjithë të interesuarit.
Ngjarja është organizuar nga Komuna e Ulqinit, me përkrahjen e Ministrisë së Diasporës, Organizatës Turistike dhe Qendrës për Kulturë, si pjesë e aktiviteteve që synojnë të forcojnë lidhjet kulturore me mërgatën shqiptare dhe të promovojnë trashëgiminë kulturore të qytetit.
Pritet që Rexhepagiqi të interpretojë disa nga hitet e tij më të njohura, duke krijuar një përjetim emocional në ambientin historik të kalasë.
Sipas organizatorëve, ky është një ndër koncertet më të rëndësishme të verës në Ulqin, që synon të bëhet traditë në kalendarin kulturor të qytetit./KultPlus.com
Koncert i paharrueshëm në Kalanë e Ulqinit, Armend Rexhepagiqi do të performojë më 5 gusht.
Nën qiellin veror dhe mes mureve shekullore të Kalasë së Ulqinit, të martën më 5 gusht, pritet të mbahet një nga mbrëmjet më të veçanta të sezonit, këngëtari i mirënjohur Armend Rexhepagiqi do të mbajë një koncert të hapur për publikun, duke sjellë emocione dhe muzikë të paharrueshme.
Koncerti fillon në ora 21:30 dhe hyrja është falas. Ngjarja organizohet në kuadër të manifestimit “Ditët e Diasporës”, i cili tradicionalisht mbledh bashkë shqiptarët nga mbarë bota për të festuar kulturën, muzikën dhe lidhjet e përjetshme me vendlindjen.
Organizator i këtij aktiviteti është Komuna e Ulqinit, me mbështetjen e Ministrisë së Diasporës, Organizatës Turistike dhe Qendrës për Kulturë. Atmosfera pritet të jetë magjike, me tingujt karakteristikë të Rexhepagiqit që do të jehojnë nën dritat e kalasë dhe emocionet e publikut që çdo vit mbush këtë ngjarje me jetë./KultPlus.com
Armend Rexhepagiqi, një nga artistët më të dashur të muzikës shqiptare, do të ngjitet në skenën e Kalasë së Ulqinit për një koncert të jashtëzakonshëm që pritet të mbledhë artdashës nga e gjithë rajoni dhe diaspora. Koncerti do të zhvillohet në mjedisin historik të Kalasë, duke filluar nga ora 21:30, dhe hyrja do të jetë falas për të gjithë ata që duan të shijojnë këtë mbrëmje të paharrueshme.
Ky aktivitet është pjesë e manifestimit tradicional “Ditët e Diasporës”, i organizuar nga Komuna e Ulqinit, me mbështetje nga Ministria e Diasporës, Organizata Turistike dhe Qendra për Kulturë.
Përveç performancës muzikore, mbrëmja do të ofrojë një atmosferë magjike, e përshtatshme për çdo adhurues të muzikës dhe kulturës shqiptare. Mos e humbisni këtë mundësi për të kaluar një natë të veçantë në një nga vendet më historike të qytetit të Ulqinit!/KultPlus.com
Ministri i Kulturës, Hajrulla Çeku, ka vlerësuar lart rikthimin e këngëtarit dhe kantautorit të njohur Armend Rexhepagiqi, pas koncertit të mbajtur mbrëmë në Prishtinë.
Përmes një postimi, ministri Çeku tha se artistë si Rexhepagiqi janë të rrallë dhe të pazëvendësueshëm në skenën muzikore shqiptare. Ai përshkroi koncertin si “fantastik” dhe theksoi se zëri, ndjeshmëria dhe muzika e artistit kanë lënë gjurmë të thella në kulturën tonë.
“Një rikthim i shumëpritur i një prej artistëve tanë më të veçantë, me albumin e ri ‘Dashni e vjetër’. Një natë ku emocionet, kujtimet dhe krijimtaria u shkrinë në një performancë që prek zemrën,” u shpreh ministri Çeku.
Albumi i ri i Rexhepagiqit është mirëpritur me entuziazëm nga publiku, duke dëshmuar edhe një herë fuqinë e muzikës së tij për të prekur gjenerata të tëra./KultPlus.com
Presidentja e Republikës së Kosovës, Vjosa Osmani, ka reaguar pas koncertit të mbajtur nga artisti i njohur Armend Rexhepagiqi, duke e quajtur ngjarjen një natë të paharrueshme që bashkoi emocionin, kujtimin dhe dashurinë për muzikën.
“Në një koncert magjik, ku emocioni, kujtimi dhe dashuria për muzikën u bashkuan në një natë të paharrueshme,” – shkruan Osmani, duke vlerësuar thellësisht ndikimin që artisti ka pasur në breza të tërë.
Ajo e përshkroi Rexhepagiqin si një artist me zë që “sfidon kohën” dhe një shpirt që “rrëmben zemrat e shumë gjeneratave”, duke e cilësuar performancën si një udhëtim ndërmjet nostalgjisë dhe freskisë së krijimeve të reja.
“Faleminderit, Armend, për çdo akord që na bëri të ndiejmë emocion e nostalgi dhe për krijimtarinë që sfidon kohën!” – përfundon mesazhin e saj Presidentja Osmani./KultPlus.com
Shumë shpesh kam parë artikuj të ndryshëm botëror për radhët e gjata të qytetarëve për të takuar një shkrimtar, për të prerë një biletë për koncerte të operave, për të takuar ndonjë futbollist, apo ndonjë figurë të njohur.
Shkruan: Ardianë Pajaziti
Kur them radhë, e kam fjalën rresht për dy, dhe jo turmë. Se turma kemi parë shumë edhe në Kosovë. Por mbrëmë, këtë radhën rresht për dy e pashë me sytë e mi. Radha ishte shumë e gjatë, prerjen e bënin semaforët, për të vazhduar më tutje drejt ngjalljes së emocioneve të fshehura.
Shumica gjeneratë e viteve të 70-ta, por që kishte edhe mbi këtë moshë e deri te moshat më të reja pritnin në radhë për tu futur në koncertin e rikthimit të këngëtarit Armend Rexhepagiq, dhe përderisa pritnin, ishte një ndjenjë ndryshe.
Takonin, takonin dhe takonin bashkëmoshatarë, shokë të dikurshëm të klasave, të shkollave, të aktiviteteve të ndryshme, që nuk ishin parë për shumë vite. Armendi i kishte mbledhë, sikur të ishte një takim gjenerate, takim nostalgjie, takim i rinisë!
E pashë një burrë afër të 50-ave që për herë të parë merrte pjesë në një koncert, dhe se këtë vendim e kishte marr vetëm për kujtimet e këngëve të Armend Rexhepagiq, një grua me karrocë që e shoqeronin familjarët e saj, dhe një tjetër që festonte datëlindjen e 50-të, dhe pikërisht për datëlindjen e tij, e gjithë Prishtina kumbonte “Krejt Prishtinën për ditëlindje.
“Harrova” “Shkel” “Oj Dude, Dudie” ishin këngët që i këndonte publiku, edhe pa Armendin, por edhe kënga e re “Dashni e vjetër” ishte ngjizur në memorien e adhuruesve të tij, që kumbonte në hapësirën e parkingut të Prishtinës, që për një natë të vetme shndërrohet në një energji Prishtine, për tu kthyer sërish në një hapësirë pa jetë.
Se nëse Armendi është brenda shijes së secilit, është vështirë të thuhet, se artistët kanë audienca të ndryshme, por se është kujtesë kolektive, definitivisht po.
Mbrëmë, prindërit që luftojnë me fëmijët e tyre për cështje adoleshence, për nje moment u shnderruan po në ata adoleshentë. Burra e gra të rritur me një shpirt të rinuar!/KultPlus.com
Një nga emrat më të dashur dhe më të respektuar të muzikës shqiptare, Armend Rexhepagiqi, ngjitet sonte në skenë për një mbrëmje të veçantë muzikore, të titulluar “Dashni e vjetër”, që do të mbahet në Pallatin e Rinisë në Prishtinë.
Ky koncert shënon një rikthim të rrallë të kantautorit në skenën muzikore, duke sjellë jo vetëm emocionet e hiteve të pavdekshme si “Dashurinë ku e kam”, “Ti nuk më meriton”, “Shkel”, por edhe tingujt e rinj të albumit më të fundit, me po të njëjtin titull – “Dashni e vjetër”. Në këtë album përfshihen këngë të reja si: “Kutia e zezë”, “Boll m’ke dalë”, “Dyfish ma pak”, “S’o dashni”, “Ma ke n’alë” dhe “Krejt Prishtinën për ditëlindje”.
Në prag të koncertit, Kryetari i Prishtinës, Përparim Rama, e nderoi artistin me mirënjohje dhe statujën simbolike “Hyjnesha në Fron”, për kontributin e tij të jashtëzakonshëm në pasurimin e kulturës muzikore dhe artistike të vendit./KultPlus.com
Kryetari i Prishtinës, Përparim Rama, ka nderuar artistin e njohur, Armend Rexhepagiqi, me simbolin e kryeqytetit, “Hyjneshën në Fron”, si njohje për kontributin e tij të jashtëzakonshëm në fushën e kulturës muzikore dhe artistike të Kosovës.
Ky çmim i jepet Rexhepagiqit për angazhimin e tij të pandalshëm dhe ndikimin që ka pasur në skenën muzikore shqiptare, duke i dhënë zë shumë këngëve që janë bërë pjesë e kulturës muzikore të vendit,transmeton KultPlus.
“Dashni e Vjetër” – Albumi i Ri dhe Koncerti Promovues në Prishtinë Në këtë ngjarje speciale, Rexhepagiqi do të ngjitet në skenë këtë të shtunë në Pallatin e Rinisë në Prishtinë për të promovuar albumin e tij të ri me titullin “Dashni e Vjetër”. Ky koncert do të shënojë një moment të veçantë për fansat e tij, ku do të performojë këngë të njohura si “Dashurinë ku e kam”, “Ti nuk më meriton”, dhe “Shkel”, por edhe disa këngë të reja nga albumi, si “Kutia e zezë”, “Boll m’ke dalë”, “Dyfish ma pak”, “S’o dashni”, “Ma ke n’alë” dhe “Krejt Prishtinën për ditëlindje”.
Rexhepagiqi është një nga artistët më të dashur të Kosovës, dhe këngët e tij vazhdojnë të mbeten pjesë e pandashme e listave të dëgjimeve të publikut shqiptar. Ai është gjithashtu një autor i njohur tekstesh për shumë këngëtarë shqiptarë, duke i dhënë rëndësi të madhe muzikës dhe kulturës shqiptare në përgjithësi. Armend Rexhepagiqi është një nga emrat ikonikë të skenës muzikore vendore, dhe promovimi i albumit të tij të ri është një moment i veçantë që padyshim do të sjellë shumë emocione dhe kujtime për të gjithë adhuruesit e tij. /KultPlus.com
Nën ngrohtësinë e një mbrëmje pranvere, sheshi “Skënderbeu” në Prishtinë u shndërrua mbrëmë në një skenë të hapur nën yje, ku u dha koncerti madhështor “Kanga Jonë 2025”, një përjetim muzikor i mbushur me kujtim, emocion dhe respekt të thellë për trashëgiminë e njërit prej emrave më të shquar të muzikës së lehtë shqiptare, kompozitorit Musa Piperku, shkruan KultPlus
Nën patronatin e Presidentes së Republikës së Kosovës, Vjosa Osmani, ky koncert erdhi si një rrugëtim nëpër tingujt që për dekada kanë shënuar ndjeshmërinë për vendin e dashurinë në të gjitha trevat shqiptare.
Koncerti, i cili solli përpara publikut këngët që i kanë shoqëruar nëpër etapa të ndryshme të jetës, u moderua me finesë nga prezantuesja Dojna Mema dhe aktori i njohur kosovar Alban Ukaj, të cilët udhëhoqën me delikatesë rrjedhën e natës, duke ndërlidhur artistët dhe repertorin në shenjë respekti për veprën e Piperkut.
Mbrëmja nisi me interpretimin e Genc Salihut, i cili solli këngët “Kaltrina” dhe “Të fala nga Prishtina”, duke vendosur menjëherë tonin e një nate të mbushur me dashuri për qytetin dhe muzikën. Më pas, këngëtarja Eneda Tarifa i dha skenës një elegancë të veçantë me interpretimin emocional të këngëve “Malli për ty lotin ndjell” dhe “Kosovarja e bukur”, duke përçuar ndjeshmërinë e melodisë së Piperkut.
Shpat Deda solli atmosferën intime të këngës “Pranvera në vendin tim”, e pas tij ansambli “Zanat” sollën një interpretim të fuqishëm të “Kënga shpirtin ma rrëmben”.
Më tej, këngëtarja Fifi solli energji nëpërmjet këngëve“O bilbil” dhe “Qeshu rini”, dy këngë që reflektojnë gjallërinë dhe frymën rinore që karakterizon veprat e Piperkut. Ndërkohë, Vlashent Sata solli një emocion e një frymë romantike teksa interpretoi këngën“Buzëqesh prapë Suzi”. Pas tij, këngëtarja Jehona Sopi solli gjallëri në publik me këngën “Ku mbet hareja”.Kënga ikonike për fëmijë ‘Fidani’ erdhi më pas nëpëmjet zërit të dashur të Korit të Fëmijëve ‘Okarina’.
Ndërkaq, kulmi i mbrëmjes u arrit me performancën e sopranos së famshme Inva Mula, e cila interpretoi magjishëm këngën “Pranvera në Prishtinë”.Pas saj, Armend Rexhepagiqi solli një tjetër perlë shqiptare, këngën e tij “Dashurinë o ku e kam”, po ashtu kompozim nga Piperku. Ndërsa mbrëmja u kurorëzua me duetin e tij dhe të Invës në këngën “Këngë Moj”, si një himn të dashurisë për artin dhe jetën.
Përgjatë këtij koncerti, presidentja e Kosovës, Vjosa Osmani ndau familjes së Piperkut, Medaljen Presidenciale të Meritës ‘Post Mortem’, për kompozitorin Musa Piperku, si vlerësim për jetën, krijimtarinë dhe ndikimin e tij të jashtëzakonshëm në kulturën muzikore shqiptare.
Pas një interpretimi brilant që u mirëprit me duartrokitje të zjarrta nga publiku i Prishtinës, sopranoja me famë ndërkombëtare Inva Mula, e cila solli emocione të thella me zërin dhe interpretimin e saj në skenën e koncertit “Kanga Jonë”, tha për KultPlus se është prekur nga fuqia artistike dhe vlera historike e këngëve të Musa Piperkut, duke vlerësuar këtë koncert si një nismë me rëndësi të madhe për ruajtjen e identitetit muzikor shqiptar.
“Këto janë këngë të mrekullueshme. Edhe unë i duke dëgjuar dhe gjatë provave, nuk e dija të gjitha këto këngë kanë qenë të Musa Piperkut, sepse nganjëherë këngët kur bëhen kaq popullore sikur bëhen edhe anonime. Prandaj ky rikthim, me të gjithë krijimtarinë e kompozitorit është me shumë vlera, sepse na kthen në identitetin e një njeriu, i cili ka lënë një krijimtari, një thesar për artin shqiptar të të pa çmuar dhe mendoj që kjo iniciativë për të krijuar ‘Kanga Jonë’ si produksion është një iniciativë shumë e bukur, për arsye se ka kompozitorë të mrekullueshëm, dhe unë u ndjeva kaq bukur, u ndjeva kaq mirë, me ato dy interpretime që ishin nga këngët më të bukura të kompozitorit”, tha Mula duke shtuar më tutje se këngë si këto janë AND-ja e muzikës shqiptare, prandaj edhe duhet të rikthehen.
Ajo më tutje shprehet e lumtur edhe për interpretimin e saj të parë me këngëtarin Armend Rexhepagiqi, duke shprehur se do të mbetet një kujtim shumë i bukur për të.
“Unë u ndjeva shumë e lumtur, se e kam adhuruar gjithmonë Armendin, por nuk kemi pas mundësi ndonjëherë të këndonim bashkë, një herë nuk bashkohen artistët për shumë arsye, por kur më thanë që do ta bësh duet, u gëzova shumë. Ne u takuam këtu, u takuam me shumë mall, e përsëritëm këngën, bile e përsëritëm shumë herë, si ata fëmijët e vegjël, vetëm se kishim dëshirë, domethënë që ta bënim këto duet. Jam shumë e lumtur dhe është një kujtim shumë i bukur për mua”, tha Mula.
Ndërkaq, pas koncertit, këngëtari Vlashent Sata tha për KultPlus se ndjehet i lumtur lumtur që ishte pjesë i një organizimi të tillë, ku kujtohet trasigimia që ka lënë pas një kompozitor.
“Gjëja më e bukur ishte me këndu në gjuhën shqipe dhe të këndoj shqip në formën e muzikës. Musa Piperkun nuk e njihja si emër por si muzikë dhe ishte shumë e rëndësishme për mua të jem pjesë e këtij koncerti. Është shumë e rëndësishme që po vlerësohet një artist për punën që ka lënë mrapa.Ajo që është e bukur është që të kuptojmë se shqiptarët kanë ditur të jetojnë, të krijojnë, të gëzojnë jetën dhe të mbijetojnë edhe në kushte shumë të vështira. Kjo tregon se ata kanë qenë brenda jetës me muzikën dhe artin ashtu siç kanë dashur jeta e tyre të jetë”, tha Sata, duke shtuar mes tjerash se shpreson se me versionin e tij të ‘Buzëqesh prapë Suzi’ ka sjellë ndjeshmërinë që do t’i afrohej botës së Piperkut.
Me paraqitje për herë të parë në rolin e moderatorit, aktori Alban Ukaj tha se i është përgjigjur pozitivisht kësaj ftese si nderim dhe respekt të jetës dhe veprës së kompozitorit Piperku, vepra që më nuk krijohen në ditët e sotme.
“Është hera e parë që po e bëj moderatorin. E kam prauar për një arsye, për të madhin Musa Piperku. Jemi rritë me këto këngë. Ka qenë një nder dhe përgjegjësi të madhe, që të prezantoj koncertin që i kushtohet një njeriu aq të madh dhe një prej kompozitorëve tonë më të mirë. Kur i dëgjon atë melodi, atë ritëm, e sheh që diçka është ndryshe në krahasim me atë që po prodhohet sot. Unë shpresoj që dikush do të ketë veshë dhe do të ketë vetëdije, që merr kthy atë që e kanë sjellë Randobrava, Piperku e kompozitorë të ndryshëm”, tha Ukaj për KultPlus.
Ndërkaq, ju kujtojmë se koncerti ‘Kanga Jonë’ e cila më shumë se sa një mbrëmje artistike, ishte një akt përulje për një trashëgimi që vazhon të jetojë nëpërmjet notave, është organizuar nga Dardan Selimaj dhe Jehona Sopi./KultPlus.com
Artisti i njohur kosovar, Armend Rexhepagiqi, është rikthyer fuqishëm në skenën muzikore vendore me albumin e tij më të ri, “Dashni e vjetër”. Ky rikthim është pritur me shumë emocion nga publiku, pasi Rexhepagiqi është një nga emrat më të dashur dhe më të respektuar të muzikës shqiptare. Albumi i ri sjell një ndjesi nostalgjie, por njëkohësisht pasqyron maturimin artistik të këngëtarit, i cili prej dekadash ka qenë një zë i rëndësishëm në skenën muzikore.
Armend Rexhepagiqi njihet për zërin e tij karakteristik dhe për mënyrën autentike me të cilën arrin të përcjellë emocione të forta. Ai është i njohur jo vetëm si interpretues, por edhe si autor i shumë këngëve që janë bërë hite dhe që kanë lënë gjurmë në memorien kolektive të dëgjuesve shqiptarë. Muzika e tij është përplot ndjenjë, tekstet shpeshherë të thella dhe meloditë të paharrueshme, çka e bën Rexhepagiqin një artist të kompletuar.
Albumi “Dashni e vjetër” vjen pas një periudhe të gjatë mungese në skenën vendore, duke e bërë këtë projekt edhe më të veçantë. Titulli i albumit sugjeron rikthimin te ndjenjat e dikurshme, dashuritë që nuk harrohen, dhe meloditë që kanë shoqëruar breza të tërë. Ky projekt i ri pritet të jetë një përzierje mes tingujve klasikë që kanë karakterizuar stilin e tij dhe elementeve moderne që e bëjnë të afërt edhe për publikun e ri.
Në repertorin e tij të pasur përfshihen këngë të paharrueshme si “Qaforja”, “Ajo”, “Në radio”, “Kaçurrele”, “Shko”, “Te furra e Qerimit”, dhe shumë të tjera që kanë mbetur si pjesë e rëndësishme e historisë muzikore shqiptare.
Me rikthimin e tij dhe albumin “Dashni e vjetër”, Armend Rexhepagiqi jo vetëm që rigjen lidhjen me publikun e tij besnik, por njëkohësisht prezanton veten si një artist që di të ecë me kohën, duke ruajtur thelbin e tij artistik./ KultPlus.com
Kantautori i njohur Armend Rexhepagiqi ka bërë të ditur përmes një njoftimi në rrjete sociale se tashmë të gjitha tetë albumet e tij janë të disponueshme në platformat më të njohura muzikore si Spotify, Apple Music, YouTube, Deezer dhe TikTok.
Rexhepagiqi, i njohur për vokalin e tij të veçantë dhe tekstet që prekin zemrat e dëgjuesve, ka shprehur mirënjohje të thellë për skuadrën e tij që ka punuar në arkivimin dhe përpunimin e materialeve muzikore. Ai gjithashtu ka njoftuar se shumë shpejt do të publikohet albumi i tij më i ri, me titull “Dashni e vjetër”, që pritet të sjellë këngë të reja dhe të forcojë lidhjen shpirtërore që ai ka ndërtuar me publikun ndër vite.
“Shumë shpejt atyre do t’ju bashkangjitet edhe albumi im i ri “Dashni e vjetër” me këngët më të reja që, shpresoj, do t’arrijnë ta forcojnë dashurinë e vjetër mes juve dhe meje”, ka shkruar ai.
Artisti është aktiv edhe në platformat sociale si Instagram dhe Facebook, ku ndan momente nga krijimtaria e tij artistike dhe jetesa muzikore./KultPlus.com
Armend Rexhepagiqi njihet për muzikën e tij të veçantë, tekstin me mesazh të thellë dhe zërin e tij të fuqishëm, shkruan KultPlus.
Një ndër këngët e pavedekshme të tij është “Edhe një here”, e cila është një ‘lutje’ dashurie.
KultPlus ua sjell tekstin dhe këngn “Edhe një herë”:
Ka shumë ditë që pikëllimi më mban Si një sëmundje e rëndë Që bar nuk ka e s`më lë të jetoj
Ka shumë ditë që rrugët përherë na janë ndarë E ditët e mia netë e mija kot unë i harxhoj
A ka në botë kudo arsye për këtë vuajtje O më beso se faj nuk kam që forca po më lë
Se çdo ditë e re më tregon se ishte e kotë tërë kjo pritja ime dhe mundi im dhe endërrat për dashuri
Edhe një herë o veç edhe një herë Këngët që i kujtoj të kam o kujt të ia dhuroj
Edhe një herë o veç edhe një herë Gjakun o prap ta ndez Veç një mengjes me ty ta pres
Edhe një herë o veç edhe një herë Të të takoj e veç një çast gëzimi ta jetoj me ty Edhe përherë t’i mbylli sytë në këtë rrugë pa të vetmen dashuri
Edhe një herë o mos të vdes pa t’pa, pa t’pa edhe një herë Vetem edhe një herë
Diçka e rëndë sikur hyri në mua Më shtrëngon e po dhemb Ma mori sigurinë nuk jam i njëjti ai njeri
Dhe çdo ditë e re më tregon se ishte e kotë tërë kjo pritja ime dhe mundi im dhe endërrat për dashurinë
Edhe një herë o veç edhe një herë Të të takoj e veç nje çast gëzimi ta jetoj me ty Edhe përherë t’i mbylli sytë në këtë rrugë pa të vetmen dashuri Edhe një herë o mos te vdes pa t’pa, pa t’pa edhe një herë Vetëm edhe një herë… / KultPlus.com
Armend Regjepagiqi është njëri nga artistët më eminent në vend, i cili është i njohur për këngët e tij të cilat janë të tejkohore. Ata dëgjohen sot siç janë dëgjuar vite më parë kur janë publikuar, shkruan KultPlus.com
“Dashurinë o ku e kam”, është një nga baladat e tij të njohura me një tekst me gjuhë metaforike, me një shije të hollë artistike si dhe një interpretim të fuqishëm nga artisti Regjepagiqi.
KultPlus ju ofron këtu tekstin si dhe videon e kësaj kënge:
Vjen një ditë e do të kthehem rrugës sime do t’kalojë nga dritarja e shtëpisë sate sy te huaj dot me shikojnë, do t’më shtrengon diçka në zemër dhe s’dot më lë as frymë të marrë dashuria ime e parë…
Njerëzit shkojnë e njerëzit kthehen kujt i kthehem unë nuk kam mysafir si i paftuar n’zemër të secilit jam, fryn veriu fryn rreth meje në mëshirë të fatit jam dashurin o ku e kam?!
Krejt çka dua tjetër kujt i ndodh e secila m’duket se të ngjan…
Perëndo përgjithmonë o diell thaju lule në pranverë dashurin o më se kam… Shtjerru zë i bilbilit thehu shpat në dore të trimit dashurin o më se kam…/KultPlus.com
Sheshi ‘Adem Jashari’ në Prishtinë, u mbush mbrëmë plot me njërëz, për të shënuar një festë që bashkon ushqimin dhe muzikën. Publiku i ngazëllyer që priste me padurim fillimin e koncertit të këngëtarit të mirënjohur shqiptar, Armend Rexhepagiqi, koncert ky që përveç që shënonte rikthimin e këngëtarit para publikut pas disa viteve mungesë, shënoi edhe hapjen e festivalit ‘Prishtina Gastronomy Festival’, përcjell KultPlus.
Motoja e ‘Prishtina Gastronomy Festival’, “Bukë e kripë e zemërbardhë”, u dëshmua edhe mbrëmë teksa u kremtua me muzikë dhe me ushqime të shumta e që kryesisht kishin për qëllim të paraqesin kulturën autentike shqiptare.
Teksa minutat po kalonin, deri në daljen në skenë të këngëtarit Armend Rexhepagiqi, publiku jo I vogël në numër, në mesin e tyre edhe fëmijë, po argëtoheshin me muzikën e mirëfilltë shqiptare që po buronte në të gjitha anët e sheshit.
Për të shënuar hapjen e këtij festivali, në skenë u ngjit i pari i Prishtinës, Përparim Rama, i cili falënderoi të gjithë të pranishmit për pjesëmarrjen.
“Është kënaqësi e veçantë ta bëj hapjen e festivalit të Gastronomisë. Sonte është një natë e mrekullueshme në hapjen e këtij festivali me pije dhe ushqim fantastik dhe po ashtu edhe me një repertor fenomenal të muzikës. Sonte e kemi ikonën e Prishtinës, Armend Rexhepagiqin”, u shpreh Rama.
E pas disa minuatave, pritjes së publikut i erdhi fundi pasi në skenë doli këngëtari Armend Rexhepagiqi, i përcjellur nga duartrokitje dhe brohoritje të pafund nga publiku dhe adhuruesit e muzikës së tij. Ai filloi koncertin e tij me një prej këngëve ikonë të tij ‘Shkel’, këngë kjo që krijoi një atmosferë të paharrueshme qysh në hapje.
‘Dashurinë ku e kam’, ‘Tavolina e mërsizë’, ‘Bileta’, ‘Edhe nje here’ dhe ‘Dudije’, ishin vetëm disa nga hitet e Rexhepagiqit që argëtuan e futën publikun nën tingujt e melankolisë dhe nostalgjisë për gati dy orë. Në çdo tingull dhe fjalë, Rexhepagiqi çoi publikun në një udhëtim emocionues.
Ky koncert dëshmoi edhe njëherë për jetëgjatësinë e këngëve të Rexhepagiqit, të cilat që nga ato më të vjetrat, i kanë rezistuar kohës dhe vazhdojnë edhe sot dëgjohen dhe u kënduan edhe mbrëmë njëzëri me këngëtarin.
Ndërkaq, ‘Prishtina Gastronomy Festival’ do të vazhdojë edhe për shtatë ditë në vijim, ku publiku do të ketë mundësi të shijojë pije, ushqim e muzikë të mirëfilltë.
E nata e dytë e festivalit do të vijë me një performancë unike të artistit të mirënjohur e të dashur për publikun, Sinan Vllasaliu i cili do të vijë me një supër orkestër, e do të këndon këngët e viteve të 90-ta nga albumi “Plagët e lirisë”.
Nata e tretë, e 22 korrikut, do të sjellë në skenën e Festivalit të Gastronomisë këngëtaren e njohur nga Shqipëria, finalisten e The Voice of Albania 1, Marsela Çibukaj, e cila do të përformojë për publikun gjithë hitet e saj.
Me një muzikë më të lehtë do të fillojë nata e katërë, ajo e 23 korrikut, me këngëtaren Nezafete Shala e cila identifikohet më shumë me muzikën popullore të Shqipërisë së mesme, popullore qytetare dhe klasike. E pjesa e dytë e natës së katër të Festivalit të Gastronomisë, do të vazhdojë nën tingujt e grupit të mirënjohur pop-rock Fisnikët.
Me muzikë klasike dhe të lehtë do të nisë edhe nata e pestë me 24 korrik në skenën muzikore të vendosur në sheshin “Adem Jashari”, aty do të perfromojë këngëtari i njohur Denik Prizreni, i cili është bariton i Filarmonisë së Kosovës, dhe ka prezantuar Kosovën në shumë koncerte botërore.
Por as kjo natë nuk përfundon me kaq, meqë pas performancës së Denik Prizrenit, skenën do ta pushtoj grupi i njohur i artistëve të rock muzikës Jericho.
E me 25 korrik, në natën e gjashtë të Prishtina Gastronomy Festival do të performojë grupi i njohur String String dhe këngëtarja Eneda Tarifa.
Muzika e argëtimi vazhdon edhe në natën e 26 korrikut, me këngëtaren e muzikës pop Nita Latifi si dhe këngëtarin e muzikës jazz Dren Abazi.
E nata përmbyllëse e edicionit të tretë të Prishtina Gastronomy Festival, do të ofrojë koncert madhështor me këngëtarin e muzikës popullore qytetare, Edi Furra, i cili do të performojë me orkestër prej rreth 20 profesionistëve.
Gjatë gjithë këtyre tetë netëve brenda hapësirës së rezervuar do të ketë shtëpiza që do të ofrojnë ushqime për shije të ndryshme, pije freskuese, si dhe pije për të vegjlit, për të cilët edhe do të ketë kënd të lojrave e argëtimit./ KultPlus.com
Armend Rexhepagiqi, një nga këngëtarët më të njohur të muzikës në Kosovë, ka ditur përherë të mahnit publikun me prurjet e tij. “Shkel” është një ndër këngët më të njohura të tij e cila ka bërë shumë zhurmë në skenën muzikore, shkruan KultPlus.
Kjo këngë është shkruar nga vetë këngëtari dhe përcjell mesazhe të forta për të gjithë dëgjuesit.
Kënga përshkruan situata të ndryshme të jetës dhe sfidat që një person mund të hasë në rrugën e tij drejt dashurisë, apo më saktësisht për zhgënjimin që njeriu has në dashuri.
“Shkel” është bërë në një nivel të lartë profesionalizmi me një interpretim të shkëlqyer nga artisti, ku edhe sot vazhdon të dëgjohet e pëlqehet.
“Shkel” është një këngë që ka të gjitha elementet e një këngës të suksesshme, andaj ka arritur t’i mbijetojë kohës. Me një tekst të fortë, një muzikë të fuqishme dhe një video kreativ, kjo këngë ka bërë një impakt të fortë te publiku andaj KultPlus sot ju risjellë që ta shijoni edhe njëherë.
Teksti i këngës:
Ktheva, gjërat nëpër vende t’veta Mblodha nëpër dhomë ca dromca dashurie Ktheva, ktheva ta kërkoj e t’gjeta S’gjeta asnjë dromcë të vetme lumturie
Sa i vetmuar jam, mure anë e mbanë Shtrëngoma dorën si dikur Një çast për t’fluturuar
O pse aq vrazhdë dënon çdo gjë që është e jonë?
Shkel dhe vetëm shkel Asnjë fjalë nuk do të del Asgjë pos kësaj kënge, shkel Se faj kam unë, pse të desha shumë Pse aq shumë të dua Shkel, dhe prapë më shkel Asnjë britmë s’do të del Asgjë pos kësaj kënge, shkel Se faj kam unë, pse të desha shumë Pse aq shumë të dua
Ishe e vetmja dashuri e imja Ishe dashuri e kohëve të vështira, ishe Si kalimthi t’ledhatova Për një çast i kujtova ditët e mira Kot ti je si acar, Si të ish janar Heshtje e përbetuar Shkoftë ky vit aq i mallkuar Dhembjen me çka ta mas T’përmbahem mos t’pëlcas
Shkel dhe vetëm shkel Asnjë fjalë nuk do të del Asgjë pos kësaj kënge, shkel Se faj kam unë, pse të desha shum Pse aq shumë të dua Shkel, dhe prapë më shkel Asnjë britmë s’do të del Asgjë pos kësaj kënge, shkel Se faj kam unë, pse të desha shumë Pse aq shumë të dua
Vetëm vetëm shkel Shkel dhe vetëm shkel Asnjë fjalë nuk do të del Asgjë pos kësaj kënge, shkel Se faj kam unë, pse të desha shumë Pse aq shumë të dua Shkel, dhe prapë më shkel Asnjë britmë s’do të del Asgjë pos kësaj kënge, shkel Se faj kam unë, pse të desha shumë Pse aq shumë të dua. / KultPlus.com
Këngëtari i mirënjohur shqiptar Armend Rexhepagiqi do t’i rikthehet skenës së Prishtinës me datë 20 korrik në hapje të festivalit Prishtina Gastronomy Festival, përcjell KultPlus.
Në vijim KultPlus ua sjell njoftimin e plotë të festivalit:
Pas një kohe të gjatë, ikona e muzikës shqiptare rikthehet në skenë.
Prishtina Gastronomy Festival hap festivalin me të madhin Armend Rexhepagiqi Prishtina Gastronomy Festival rikthehet me më shumë shije, muzikë dhe argëtim përgjatë 8 ditëve. 20-27 korrik Sheshi ‘Adem Jashari’ Blej biletën për natën e hapjes (20 korrik)./KultPlus.com
Këngët e Armend Rexhepagiqit, që nga ato të fillimeve, dëgjohen akoma edhe sot nga publiku i të gjitha moshave.
“Betohem me këngë” është këngë e njohur e Armendit e para shumë vitesh e cila ia vlen të dëgjohet edhe sot.
Do shumë pak koment kënga, teksti, melodia dhe zëri që e ka vetëm Armendi. / KultPlus.com
Teksti:
Asgje nuk kam pos ketij kujtimi t’hidhur n’ty e me duhesh sikur uji me duhesh si liria.
A ka dikush qe dashurine edhe si ti e lendoi? A ka dikush ne kete qytet qe dashurine si ti shqelmoi? E une kur flas per dashuri vetem per ty di te flas, xhelozi e thelle kur fati ju buzeqesh ca njerezve tjere. Asgje nuk kam, asgje s’ka mbete, lagjja jone ende flet per ne, nena ime tenden pershendet, por asgje s’ka mbete vetem kjo barre qe e mbaj, tere boten mbi shpine thuaj se e kam, i lodhur jam. Dhe do te bie une ne mend nje dite kur fati ty te le, por do t’jete vone dhe nese vuan pranë me kurr s’do te me kesh.
Ne emer te kujtimeve, ne emer te dashurise sone te dikurshme shko, shko nga dhembja ime pergjithmone.
Betohem me kenge ne dy syte e mi, kur jep dashuri me dashuri s’te kthehet s’ka aty drejtesi, asgje n’mes nesh, asgje e shenjte, ure me nuk ka, gremine e thelle neve na ndane. Betohem me kenge, ne krenari, loti nga guri do te rrjedh me pare se do t’rrjedh nga syt e mi, hena si diell do te na djege, deti pa kripe do te mbete shume me pare se qe do t’kthehem tek ti.
Ne emer te kujtimeve, ne emer te dashurise sone te dikurshme shko, shko nga dhembja ime pergjithmone.
Betohem me kenge ne dy syte e mi, kur jep dashuri me dashuri s’te kthehet s’ka aty drejtesi, asgje n’mes nesh, asgje e shenjte, ure me nuk ka, gremine e thelle neve na ndane. Betohem ne kenge, ne krenari, loti nga guri do te rrjedh me pare se do t’rrjedh nga syt e mi, hena si diell do te na djege, deti pa kripe do te mbete shume me pare se qe do t’kthehem tek ti.
Asgje nuk kam pos ketij kujtimi t’hidhur n’ty e me duhesh sikur uji me duhesh si liria./KultPlus.com
Armend Rexhepagiqi, një nga këngëtarët më të njohur të muzikës në Kosovë, ka ditur përherë të mahnit publikun me prurjet e tij. “Shkel” është një ndër këngët më të njohura të tij e cila ka bërë shumë zhurmë në skenën muzikore, shkruan KultPlus.
Kjo këngë është shkruar nga vetë këngëtari dhe përcjell mesazhe të forta për të gjithë dëgjuesit.
Kënga përshkruan situata të ndryshme të jetës dhe sfidat që një person mund të hasë në rrugën e tij drejt dashurisë, apo më saktësisht për zhgënjimin që njeriu has në dashuri.
“Shkel” është bërë në një nivel të lartë profesionalizmi me një interpretim të shkëlqyer nga artisti, ku edhe sot vazhdon të dëgjohet e pëlqehet.
“Shkel” është një këngë që ka të gjitha elementet e një këngës të suksesshme, andaj ka arritur t’i mbijetojë kohës. Me një tekst të fortë, një muzikë të fuqishme dhe një video kreativ, kjo këngë ka bërë një impakt të fortë te publiku andaj KultPlus sot ju risjellë që ta shijoni edhe njëherë.
Teksti i këngës:
Ktheva, gjërat nëpër vende t’veta Mblodha nëpër dhomë ca dromca dashurie Ktheva, ktheva ta kërkoj e t’gjeta S’gjeta asnjë dromcë të vetme lumturie
Sa i vetmuar jam, mure anë e mbanë Shtrëngoma dorën si dikur Një çast për t’fluturuar
O pse aq vrazhdë dënon çdo gjë që është e jonë?
Shkel dhe vetëm shkel Asnjë fjalë nuk do të del Asgjë pos kësaj kënge, shkel Se faj kam unë, pse të desha shumë Pse aq shumë të dua Shkel, dhe prapë më shkel Asnjë britmë s’do të del Asgjë pos kësaj kënge, shkel Se faj kam unë, pse të desha shumë Pse aq shumë të dua
Ishe e vetmja dashuri e imja Ishe dashuri e kohëve të vështira, ishe Si kalimthi t’ledhatova Për një çast i kujtova ditët e mira Kot ti je si acar, Si të ish janar Heshtje e përbetuar Shkoftë ky vit aq i mallkuar Dhembjen me çka ta mas T’përmbahem mos t’pëlcas
Shkel dhe vetëm shkel Asnjë fjalë nuk do të del Asgjë pos kësaj kënge, shkel Se faj kam unë, pse të desha shum Pse aq shumë të dua Shkel, dhe prapë më shkel Asnjë britmë s’do të del Asgjë pos kësaj kënge, shkel Se faj kam unë, pse të desha shumë Pse aq shumë të dua
Vetëm vetëm shkel Shkel dhe vetëm shkel Asnjë fjalë nuk do të del Asgjë pos kësaj kënge, shkel Se faj kam unë, pse të desha shumë Pse aq shumë të dua Shkel, dhe prapë më shkel Asnjë britmë s’do të del Asgjë pos kësaj kënge, shkel Se faj kam unë, pse të desha shumë Pse aq shumë të dua. / KultPlus.com
Ka kaluar kohë qëkur një këngë shqiptare ka pasur një tekst me domethënie dhe të përjetuar.
Këngët e Armend Rexhepagiqit megjithatë janë një referencë dhe një mësim në këtë aspekt.
“Betohem me këngë” është këngë e njohur e Armendit e para shumë vitesh e cila ia vlen të dëgjohet edhe sot.
Do shumë pak koment kënga, teksti, melodia dhe zëri që e ka vetëm Armendi. / KultPlus.com
Teksti:
Asgje nuk kam pos ketij kujtimi t’hidhur n’ty e me duhesh sikur uji me duhesh si liria.
A ka dikush qe dashurine edhe si ti e lendoi? A ka dikush ne kete qytet qe dashurine si ti shqelmoi? E une kur flas per dashuri vetem per ty di te flas, xhelozi e thelle kur fati ju buzeqesh ca njerezve tjere. Asgje nuk kam, asgje s’ka mbete, lagjja jone ende flet per ne, nena ime tenden pershendet, por asgje s’ka mbete vetem kjo barre qe e mbaj, tere boten mbi shpine thuaj se e kam, i lodhur jam. Dhe do te bie une ne mend nje dite kur fati ty te le, por do t’jete vone dhe nese vuan pranë me kurr s’do te me kesh.
Ne emer te kujtimeve, ne emer te dashurise sone te dikurshme shko, shko nga dhembja ime pergjithmone.
Betohem me kenge ne dy syte e mi, kur jep dashuri me dashuri s’te kthehet s’ka aty drejtesi, asgje n’mes nesh, asgje e shenjte, ure me nuk ka, gremine e thelle neve na ndane. Betohem me kenge, ne krenari, loti nga guri do te rrjedh me pare se do t’rrjedh nga syt e mi, hena si diell do te na djege, deti pa kripe do te mbete shume me pare se qe do t’kthehem tek ti.
Ne emer te kujtimeve, ne emer te dashurise sone te dikurshme shko, shko nga dhembja ime pergjithmone.
Betohem me kenge ne dy syte e mi, kur jep dashuri me dashuri s’te kthehet s’ka aty drejtesi, asgje n’mes nesh, asgje e shenjte, ure me nuk ka, gremine e thelle neve na ndane. Betohem ne kenge, ne krenari, loti nga guri do te rrjedh me pare se do t’rrjedh nga syt e mi, hena si diell do te na djege, deti pa kripe do te mbete shume me pare se qe do t’kthehem tek ti.
Asgje nuk kam pos ketij kujtimi t’hidhur n’ty e me duhesh sikur uji me duhesh si liria.
Armend Rexhepagiqi dhe Aida Baraku e kanë në repertorin e tyre edhe këngën “Dugi”. Aktoret Yllka Gashi, Teuta Krasniqi, Edona dhe Loca, aktori Shkumbin Istrefi dhe emra të tjerë janë pjesë e videoklipit të realizuar vite më parë.
Dugi ishte mbret i podiumit tonë Dugi ishte vizion e motivacion Dugi ishte seksi. Dugi ishte transi ishte zanzi-zanzi
Sa ‘pasione’, sa ‘fashion’ sa shumë dëshirë to ‘fight’ me këtë ‘boogie-woogie’-Dugi ‘on a saturday night’
Pa dilema ai ish’simbol i çdo të riu bar për kokëdhembje, si Bekim Fehmiu as Faruk Begolli nuk isht aq ‘boogie’ sikur Dugi
Tash nga Londra erdhi Dugi luan ‘boogie-woogie’ jem’me ngjyrë e jem’pa frymë e nesër çdo gjymtyrë le të dhemb se nga Londra erdhi Dugi luajm ‘boogie-woogie’ veç ai ka ide sa ‘boogie’ jemi ne
Që nga mbrëmja e maturës s’pati gëzim Dugi lidhi këpucët e u nis në udhëtim as bimë, as gjësend s’mbet indiferent shkoi pa ‘happy-end’
S’ka viza për kriza orar, o, shpirti im jemi helm për egoista, nëse kemi guxim
S’është as vendi e as koha për filozofime vulë e jetës sate, vulë e jetës sime formalisht e normalisht është ‘boogie-woogie’ edhe Dugi./ KultPlus.com
Këngëtari i mirënjohur, Armend Rexhepagiqi, edhe pse tash nuk është më aktiv në skenën muzikore ai veçse ka krijuar një bagazh të madh muzikor i cili do të jetojë gjatë në historinë e muzikës shqiptare, shkruan KultPlus.
Një këngë që pikëllon por edhe sjellë nostalgji, “Edhe një herë” është një nga baladat tjera që Armend Rexhepagiqi realizoi në kohën e famës së tij më të madhe.
KultPlus sjell këtë këngë jo për të sjellë pikëllim, por nostalgji për vitet e kaluara dhe për reflektim duke dëgjuar zërin e dashur të Armendit.
Ka shumë ditë që pikëllimi më mban si një sëmundje e rëndë që bar nuk ka e s`më le të jetoj ka shumë ditë që rrugët përherë na janë nda e ditët e mija netët e mija kot unë i harxhoj
A ka në botë kudo arsye për këtë vuajtje o më beso se faj nuk kam që forca po më le se çdo ditë e re më tregon se ishte e kotë tërë kjo pritja ime dhe mundi im dhe ëndrrat për dashuri
Edhe një herë o veç edhe një herë këngët që i këndoj të kam o kujt të ja dhuroj edhe një herë o veç edhe një herë gjakun o prapë ta ndez veç një mëngjes me ty ta pres
Edhe një herë o veç edhe një herë të të takoj e veç një çast gëzimi ta jetoj me ty edhe përherë ti mbylli sytë në këtë rrugë pa të vetmen dashuri edhe një herë o mos të vdes pa të pa, pa të pa edhe një herë vetëm edhe një herë
Diçka e rëndë sikur hyri në mua më shtrëngon e po dhemb ma mori sigurinë nuk jam i njëjti ai njeri dhe çdo ditë e re më tregon se ishte e kotë tërë kjo pritja ime dhe mundi im dhe ëndrrat për dashurinë
Edhe një herë o veç edhe një herë të të takoj e veç një çast gëzimi ta jetoj me ty edhe përherë ti mbylli sytë në këtë rrugë pa të vetmen dashuri edhe një herë o mos të vdes pa të pa, pa të pa edhe një herë vetëm edhe një herë
Se ka shumë ditë që pikëllimi më mban si një sëmundje e rëndë që bar nuk ka e s`më le të jetoj faj unë nuk kam që forca mua më le e s’mund të vdes pa të pa, pa të pa edhe një herë edhe një herë, edhe një herë.
Armend Rexhepagiqi njihet si legjenda e muzikës shqiptare, ka shkruar dhe kompozuar shumë këngë siç janë: Qaforja, Edhe një herë, Ajo, Dashurine ku e kam, Nasht, Ne radio, Kaqurrele, Te furra e Qerimit, Kuj do t’ia shpreh pikellimin tim, Dude dudie, Ti nuk me meriton, Dugi, Dam dam dam, Harrova, Betohem me këngë, Shko, Qendresa, e shumë e shumë këngë të tjera.
Në vitin 1990 ai përfaqesoi denjësisht Kosoven në Jugovizion për zgjedhjen e këngës kombëtare për garën e Eurovizionit, kënga ishte në shqip dhe quhej ”Mami Mami”. Në vitin 2006 ai doli fitues në festivalin Kenga Magjike me këngën “Kur dashuria vdes” si dhe arriti të marrë çmimin e Kantautorit më të mirë. Si dhe po në këtë vit fitoi video-festivalin e “Video Festit Muzikor” me këngën e tij “Shkel” e cila njihet si një ndër këngët më të mira të tij.
Ai bashkë me gruan e tij, Aida Baraku ka kompozuar këngë edhe për shumë këngëtarë të tjerë siç jane Adelina Berisha, Jehona Sopi, Lori, Valza Bajra, Blertina Shabani, Nora Istrefi, Tuna, Ryva Kajtazi, Leonora Jakupi e shumë e shumë këngëtarë të tjerë ku shumica e këtyre këngeve kanë qenë hite./ KultPlus.com
Ka kaluar kohë qëkur një këngë shqiptare ka pasur një tekst me domethënie dhe të përjetuar.
“Betohem me këngë” është këngë e njohur e Armendit e para shumë vitesh e cila ia vlen të dëgjohet edhe sot.
Do shumë pak koment kënga, teksti, melodia dhe zëri që e ka vetëm Armendi. /KultPlus.com
Teksti:
Asgje nuk kam pos ketij kujtimi t’hidhur n’ty e me duhesh sikur uji me duhesh si liria.
A ka dikush qe dashurine edhe si ti e lendoi? A ka dikush ne kete qytet qe dashurine si ti shqelmoi? E une kur flas per dashuri vetem per ty di te flas, xhelozi e thelle kur fati ju buzeqesh ca njerezve tjere. Asgje nuk kam, asgje s’ka mbete, lagjja jone ende flet per ne, nena ime tenden pershendet, por asgje s’ka mbete vetem kjo barre qe e mbaj, tere boten mbi shpine thuaj se e kam, i lodhur jam. Dhe do te bie une ne mend nje dite kur fati ty te le, por do t’jete vone dhe nese vuan pranë me kurr s’do te me kesh.
Ne emer te kujtimeve, ne emer te dashurise sone te dikurshme shko, shko nga dhembja ime pergjithmone.
Betohem me kenge ne dy syte e mi, kur jep dashuri me dashuri s’te kthehet s’ka aty drejtesi, asgje n’mes nesh, asgje e shenjte, ure me nuk ka, gremine e thelle neve na ndane. Betohem me kenge, ne krenari, loti nga guri do te rrjedh me pare se do t’rrjedh nga syt e mi, hena si diell do te na djege, deti pa kripe do te mbete shume me pare se qe do t’kthehem tek ti.
Ne emer te kujtimeve, ne emer te dashurise sone te dikurshme shko, shko nga dhembja ime pergjithmone.
Betohem me kenge ne dy syte e mi, kur jep dashuri me dashuri s’te kthehet s’ka aty drejtesi, asgje n’mes nesh, asgje e shenjte, ure me nuk ka, gremine e thelle neve na ndane. Betohem ne kenge, ne krenari, loti nga guri do te rrjedh me pare se do t’rrjedh nga syt e mi, hena si diell do te na djege, deti pa kripe do te mbete shume me pare se qe do t’kthehem tek ti.
Asgje nuk kam pos ketij kujtimi t’hidhur n’ty e me duhesh sikur uji me duhesh si liria. /KultPlus.com
