Shkodres i jepet za me edicionin e katërt të Zâ Fest (VIDEO)

Vlerat shqiptare që shkojnë krah për krah me artin, kulturën dhe traditën u shfaqen edhe këtë vit në edicionin e katërt të Zâ Fest. Ky edicion që sonte pati premierën e formatit online sot, do të ketë edhe netë të tjera me muzikë, poezi por edhe aktivitete të ndryshme, shkruan KultPlus.

Në natën e parë të edicionit të katërt, Zâ Fest udhëtoi në Kalanë e Rozafës në Shkodër ku performuan Vlashent Sata, Ilire Vinca, grupi muzikor Sytë dhe Shkodra Elekronike.

Në njoftimin e bërë nga organizatorët thuhej se kjo natë do t’ju bëjë të shijoni muzikën dhe traditën shqiptare ashtu siç nuk i keni parë ndonjëherë.

KultPlus ju sjellë videon e plotë të natës së parë të Zâ Fest./ KultPlus.com

Vlashent Sata, mbyll festivalin “Jazz Fest Tetova 2020”

Shkruan: Jesir Hoxha – Muzikolog

Rrjedha e koncerteve në edicionin e pestë të festivalit JazzFest 2020, ka qenë e përfaqësuar me tre mbrëmje të cilat mbanin peshë të rëndësishme artistike. Duke filluar nga data 25 deri më 27 gusht, në skenën e festivalit janë paraqitur grupe të ndryshme artistësh të cilët veprojnë brenda dhe jashtë vendit.

Në një kuadër të tillë, mbrëmja e fundit e festivalit ishte e para parë për këngëtarin, pianistin e talentuar shqiptar Vlashent Sata.
Artdashësit Tetovarë, por jo vetëm, mirëpriten në shkollën e mesme të muzikës “Todor Skallovski Tetoec” talentin shqiptar sëbashku me muzikantët e tij si: Gent Rushi në fizarmonikë, Ermal Rodin në saksofon-klarinetë, Roni Gjura në kontrabas dhe bas kitarë si dhe Emiljano Dhimo në bateri.

Një ambient i ngrohtë, por jo edhe mjaft i rehatshëm për muzikantët, duke pasur parasysh epideminë globale që po kalon njerëzimi ata duheshin t’ju përshtateshin edhe këtij momenti kaq të pazakont. Ishte hera e parë që këngëtari Vlashent Sata kishte koncertin e tij për shqiptarët që jetojnë në Maqedoninë e Veriut. Si rrjedhojë për këtë, ai ishte edhe i entusiazmuar që kishte ardhur në këtë qytet, duke treguar edhe dashurinë që kishte për qytetin, por edhe historinë e shqiptarëve që ai e kishte pikë të dobët.

Mbrëmja nisi me këngët dhe krijimet e vet këngëtarit Sata, që kryesisht janë krijime që ai i ka kompozuar dhe orkestruar për formacionin që përmendëm më sipër. Mënyra e këndimit që ky këngëtar shpreh në këngët e tij është nga ato mënyra që rrallë herë e shohim në skenat shqiptare. Me një timbër mjaft të butë dhe me një teknikë këndimi majft të avancuar, që kur vihen në bashkëveprim krijojnë korpusin e një këngëtari siç është Vlashent Sata. Prandaj, ai sot ka gjetur edhe shtegun e tij që ka depertuar aq shpejt, por edhe me aq cilësi të arrira artistike.

E vërteta është, që gjatë interpretimit të këngëve ai bën edhe improvizime të papritura, në disa raste të ndryshme edhe recitative duke shpreh ndjenjat në forma të tjera. Megjithatë, krijimet e tij gjithmonë janë të bazuara në historitë e tij intime, por edhe familjare që vet ai i shpjegonte gjatë rrjedhës së koncertit.

Ai ka kënduar majft këngë nga repertori i tij, por ndër to mund të theksojmë: “Copëzat”, “Me jetu”, “Erdhi Dita”, “Hana”, “Kaçurelat”, “Delja Rude” e shumë të tjera.

Mbrëmje të tilla, me artistë të tillë janë gjithmonë një hap i rëndësishëm për kulturën e vendit, por edhe rajonit duke krijuar miqësi artistike që këta këngëtarë mos ta harrojnë publikun jashtë trojeve të tyre.

JazzFest Tetova, tashmë ka krijuar identitetin si një festival që ka shije majft të theksuar artistike, që këtë më së miri e vërtetojnë artistët që ata ftojnë në skenën e tyre. / KultPlus.com

Erdhi dita

 

Vlashent Sata – Erdhi Dita – HANA Album
(‘Erdhi Dita’, këngë e Vlashent Satës dhe rastësisht edhe slogani i Vetëvendosjes)

Kisha kohë që e kisha mendue, sot,
due m’u kthy n’shpi me shkue

Veten time,
At’ që lashë gjithmonë atje nuk kam harrue,
due m’e e gjet prap’, m’iu bashkue
Renda renda renda…tuj g’zue,

Nuk e di ku m’rrita
E pashë di’llin
ishte i vetmi që s’kishte ndryshue

M’u mbushën syt’ n’drita…
Fjalt’ harruar kam si kangën e parë, atë që kndojsha fmi
Fjalt’ harru kam si rrugën e parë, atë që m’çonte n’shpi

« Erdhi dita, erdhi dita »
Qè, ashtu siç pata andrru
ma s’fundmi m’rrijta po’ t’tana kishin ndryshue
A jam unë a asht vendi

T’tanve i pveta me m’kallxu, asnjeni s’diti me m’tregu.
Renda renda renda një natë t’tanë, der sa m’u shfaq vedi,
At’ që n’shpi kisha lanë

Ai u drue,
me i fol unë deshta,
ai nuk m’njofti
e unë u heshta…

Marrì marrì
Due me gjet edhe unë nji shpi
Veç rrugën kam hup
Kam hup krejt tani

Fjalt harruar kam si valixhe t’randa po peshojnë k’to rrajë
Fjalt harruar kam unë me kryet prej dillit ecin kam’t nuk b’zajnë
Erdhi dita, ecin kam’t nuk b’zajnë
Erdhi dita, e me gjet një shpi

Erdhi dita, e me l’shu kto rrajë
Erdhi dita, e me l’shu kto rrajë …

Kantautori shqiptar Vlashent Sata sonte në Gjakovë

Vlashent Sata, kantautori i njohur shqiptar që jeton dhe vepron në Paris, vjen këtë të premte, 6 shtator, prej orës 20:30 në Parkun Kulturor “Ali Podrimja” në Gjakovë me koncertin “Zâni i të Premtës”.

Siç njofton kumtesa, me një talent të shquar për performancat e tij, Vlashenti sjellë në çdo skenë ndjenja të ngrohta duke afruar publikun me ritmet dhe dinamikën e teksteve të tij.

Vlashenti do të performoj së bashku me AJS Quartet, grup ky i përbërë nga Gent Rushi – piano, Ermal Rodi – saksofon/flaut, Emiljan Dhimo – bateri dhe Roni Gjura – kontrabas. Secili prej koncerteve të Vlashent Sata bashkë me AJS Quartet vlerësohet lartë për shfaqjen artistike përmes stilit të tyre, zërit karakteristik të Vlashentit dhe tinguj të instrumenteve që të lidhura bashkë shfaqin histori të thjeshta mirëpo magjepëse nga bota e tyre e madhe.

“Parku Kulturor është skena e Vlashentit për 6 shtatorin, ku nata do jetë hyjnore, e mbushur plot jetë, me emocione të cilat vazhdimisht do sillen përreth teje e që do kthehen prapë. Kjo ngjarje realizohet në kuadër të projektit “Trashëgimia Kulturore: Promovimi përmes Artit”, i financuar nga BE-ja, menaxhuar nga Zyra e Bashkimit Europian në Kosovë dhe i zbatuar nga IKS, Lens dhe FES”, thuhet në komunikatë.

Për më shumë informata ju ftojmë të ndiqni linkun e ngjarjes zyrtare në Facebook:

Vlashent Sata vjen me ‘Zâni i të Premtes’

Kantautori i njohur shqiptar Vlashent Sata, që vepron dhe jeton në Paris, vjen në Gjakovë për një përjetim unik dhe shfaqje emocionesh përmes muzikës së tij.

Vlashenti, me zërin e tij të vecantë, kësaj radhe do t’i këndojë çdo përjetimi njerëzor e asaj që e sjellë atë kaq afër me publikun, thuhet ndër të tjera në njoftimin e tyre, transmeton KultPlus.com.

Eventi do të mbahet më 6 Shtator, te premten, prej orës 20:30, në Parkun Kulturor “Ali Podrimja”.

Ngjarja realizohet në kuadër të projektit “Trashëgimia Kulturore: Promovimi përmes Artit”, i financuar nga BE-ja, i menaxhuar nga Zyra e Bashkimit Europian në Kosovë dhe i zbatuar nga IKS, Lens dhe FES. /KultPlus.com

‘Me zemrën e saj unë këndoja, me sytë e saj larg udhëtoja’

Janë të rrallë artistët shqiptarë të cilët sjellin emocion të mishëruar në çdo notë që del prej zërit të tyre.

Një prej tyre është Vlashent Sata. Djali simpatik ka plot këngë në repertorin e tij, dhe prej fytyrës e performancave të tij mund ta vëresh se ai përçon maksimalisht çdo notë të këngëve të tij.

Vlashenti aktivisht ka krijuar muzikë, por sot po e sjellim një prej këngëve të tij më të vjetra, këngë që hyn në baladat më të mira shqipe.

“Ëmbël” nuk do shumë fjalë, më shumë është këngë e cila duhet dëgjuar e përjetuar. Vlashenti me këtë këngë para disa vitesh ka marrë pjesë në një prej festivaleve muzikore në Shqipëri. / KultPlus.com