Inagurohet në Dubai, shatërvani më i madh në botë

Me drita shumënjgyrëshe dhe ujin që ngrihet në qiell, të enjten mbrëma, është inauguruar atraksioni më i ri dhe më uniku në mbarë Emiratet e Bashkuara Arabe, që ka siguruar menjëherë edhe rekordin botëror Guinness, si shatërvani më i madh në botë.

Ai ndodhet në Dubai dhe quhet “Shatërvani Palmë”. Zbulimi dhe inaugurimi u bë gjatë një transmetimi live. Ai zë një hapësirë prej 14 mijë metrash katrorë dhe e veçanta është se përbëhet nga uji i kripur i detit.

128 qitëset e ujit, e çojnë atë deri në 105 metra lart.

E zbukuruar me mbi 3 mijë drita led për të ndriçuar km larg, shatërvani i Dubait theu kështu rekordin që e mbante shatërvani i Koresë së Jugut.

Ai do të jetë i hapur për publikun në çdo ditë të vitit, pa pagesë. çdo 30 minuta, shatërvani është projektuar të lëshojë muzikë, shoqëruar me një kërcim të vetë ujit që ngrihet në qiell. / KultPlus.com

Inagurohet në Dubai, shatërvani më i madh në botë

Me drita shumënjgyrëshe dhe ujin që ngrihet në qiell, të enjten mbrëma, është inauguruar atraksioni më i ri dhe më uniku në mbarë Emiratet e Bashkuara Arabe, që ka siguruar menjëherë edhe rekordin botëror Guinness, si shatërvani më i madh në botë.

Ai ndodhet në Dubai dhe quhet “Shatërvani Palmë”.

Zbulimi dhe inaugurimi u bë gjatë një transmetimi live. Ai zë një hapësirë prej 14 mijë metrash katrorë dhe e veçanta është se përbëhet nga uji i kripur i detit.

128 qitëset e ujit, e çojnë atë deri në 105 metra lart.

E zbukuruar me mbi 3 mijë drita led për të ndriçuar km larg, shatërvani i Dubait theu kështu rekordin që e mbante shatërvani i Koresë së Jugut.

Ai do të jetë i hapur për publikun në çdo ditë të vitit, pa pagesë. çdo 30 minuta, shatërvani është projektuar të lëshojë muzikë, shoqëruar me një kërcim të vetë ujit që ngrihet në qiell. / KultPlus.com

“Hyjneshat” e skulptores Arjeta Miftari, ekspozohen në Dubai

Jeta Zymberi

Skulptorja Arjeta Miftari ka bërë një rrugëtim të gjatë me “Hyjneshat” e saj të cilat u ekspozuan në vende të ndryshme, ku së fundmi edhe në Francë, atje ku Miftari i la ato në duart e atyre që e donin atë figurë arti. Por menjëherë pas kthimit në Kosovë ajo ju rrek punës për krijimin e hyjneshave të reja, shkruan KultPlus.

Kësaj radhe, në pamundësi që hyjneshat e saj të rrugëtojnë, fotografitë e tyre kanë arritur të ekspozohen në Galerinë ‘Art Unity’ në Dubai.

Por megjithatë impakti është pothuajse i njëjtë. Kjo ekspozitë e cila është hapur sot vjen e kuruar nga Aurela Cuku.

Për KultPlus, Arjeta Miftari ka treguar që këto vepra po përfaqësojnë Kosovën në Dubai në kuadër të ‘Vitit të Tolerancës 2019’ në mesin e 35 shteteve të ndryshme të botës.

“Në Galerinë Art Unity në Dubai është hapur ekspozita e artistëve nga e gjithë bota, dhe në mesin e tyre janë edhe veprat e mia. Edhe Kosova tregon gatishmërinë dhe kulturën përmes artit dhe skulpturave që prezantojnë trashëgimin kulturore”, ka thënë Miftari për KultPlus.

Ekspozita do të qëndrojë e hapur në këtë galeri deri më 23 nëntor 2019. /

Shkencëtarët zbulojnë 11 qytetet që brenda 80 viteve do të jenë të pajetueshme: Dubai, Miami, Chicago…

Një projekt shkencorë mbi efektin që ndryshimi i klimës globale mund të ketë në botë, të kërcënuar nga stuhitë ekstreme, përmbytjet katastrofike, valët e nxehta e thatësira e ka bërë më të qartë por edhe më të frikshme atë se çfarë na pret në të ardhmen.

Paneli Ndërqeveritar për Ndryshimet Klimatike, raporton BusinesInsider, ka parashikuar që temperaturat globale mund të rriten për 1.5 gradë celsius deri në 2040-ën, transmeton Koha.net.

Deri në fund të këtij shekulli, temperaturat mund të rriten edhe më shumë duke shkaktuar katastrofa të mëdha në disa zona.

Në të ardhmen, shumë qytete do të përballen me përmbytje apo nxehtësi ekstreme, potencialisht fatale për to.

Duke pasur parasysh këtë, shkencëtarët kanë zbuluar vendet që do të kenë kushte të papërballueshme për njerëzit deri në vitin 2100.

Këto 11 qytete, të listuara më poshtë, do të jenë të pajetueshme nga njerëzit deri në 2100-ën.

Miami – 3.3 milionë banorët e saj mund të ballafaqohen me përmbytje katastrofike

New Orleans – mund të jetë krejtësisht nën ujë gjithashtu

Chicago – shumë shpejtë mund të përballet me një valë nxehtësie fatale

Dubai – deri në 2070 temperaturat mund të arrijnë një nxehtësi të lartë, të rrezikshme për njerëzit

Abu Dhabi – gjithashtu deri në 2070-ën pritet të përballet me nxehtësi të lartë e të papërballueshme për njerëzit

Jakarta, Indonezi – mund të zhytet nën ujë deri në 2050-ën

Shanghai – mund të përballet me temperatura të larta e fatale nga 2070-ta

Beijing – smogu mund të kërcënoj jetueshmërinë në këtë qytet

New Delhi, Indi – për shkak të smogut, njerëzit do ta kenë shumë të vështir të jetojnë në të. Do të kenë dhimbje koke gjatë gjithë kohës e të vjella.

Bangladeshi – Është një nga vendet më të rrezikuara nga ndryshimet klimatike, dhe i cili është duke u përballur me valë të nxehtësisë ekstreme e tashmë po lufton me përmbytje shkatërruese.

Lagos, Nigeri – kërcënohet nga rritja e nivelit të detit, ndërsa është parashikuar se në këtë qytet brenda 10 viteve mund të vdesin mbi 260 mijë njerëz nga përmbytjet. /KultPlus.com

Dubai, krijohet parfumi më i shtrenjtë në botë

Një parfumeri në Emiratet e Bashkuara Arabe pretendon se ka krijuar parfumin më të shtrenjtë në botë.

Ai quhet ”Shamukh”, që në arabisht do të thotë “Ti meriton më sublimen”, e çmimi llogaritet në 1.295.000 dollarë për 3 litra.

Prodhuesit thonë se parfumi është rezultat i tre viteve kërkimesh dhe 494 eksperimentesh për arritjen e aromës më të mirë.

Ai vjen me një shishe kristali italian ”Murano”, e zbukuruar me një fajkua floriri, kuaj arabë, trëndafila dhe një glob, e ka dhe 3571 diamantë, që në total mbërrijnë në 38,55 karat, perla gjigante, 2,5 kilogramë floriri të pastër 18 karatësh dhe 5,9 kilogramë argjend.

Shishja e stërmadhe qëndron në një mbështjellëse lëkure gati dy metra të lartë. Krijuesit e parfumit thonë se ai ka përbërës që vijnë nga pjesë të ndryshme të botës, duke përfshirë drurin e sandalit, një lloj trëndafili turk, e një erëzë të veçantë indiane, ndërsa kafshët e paraqitura aty tregojnë historinë e Dubait.

Shishja vet për çdo rast i ka arritur deri tani dy çmime ”Guinness”, atë të shishes së parfumit me numrin më të madh të diamantëve në botë, si dhe të shishes më të lartë të komercializuar me aromë, lëvizja e së cilës kontrollohet në distancë. /a.a/j.p/ KultPlus.com

Rita Ora e mahnitshme edhe në Dubai (FOTO)

Këngëtarja shqiptare, Rita Ora çdo ditë e më shumë po prekë skenat e mëdha të botës. Ajo këtë fundjavë ka dhënë një performancë të mahnitshme në Dubai, shkruan KultPlus.

Këngëtarja e ‘Hot Right Now’ ka kënduar në Dubai, në Base Dubai, një klub i ri që është hapur këtë fundjavë. Në këtë koncert hyrja ka qenë falas për femrat.

Rita për herë të fundit kishte performuar në Dubai gjatë vitit 2016. Ajo mbrëmë ka shkëlqyer në të bardha, së bashku me ekipin e valltareve që ishin veshur po ashtu në të bardha. Ajo atje ka performuar këngën e saj “Anywhere”, “Hot right now” e këngë të tjera.

Po ashtu kujtojmë se muajin e kaluar këngëtarja ka mbajtur një koncert madhështor në Prishtinë, ku ka kënduar për dhjetëvjetorin e Pavarësisë së Kosovës./ KultPlus.com