Lutfi Haziri i dorëzon çmimin “Qytetar Nderi i Gjilanit” gazetarit të njohur, Marin Mema

Kryetari i Komunës së Gjilanit, Lutfi Haziri, ka ndarë sot çmimin “Qytetar Nderi i Gjilanit”, për gazetarin Marin Mema, për kontributin e dhënë në rrugëtimin e Kosovës për liri, pavarësi dhe demokraci, e në veçanti për angazhimin dhe kontributin e tij në shërbim të atdheut dhe kombit në përgjithësi, përcjell KultPlus.

Kryetari Haziri ka falënderuar kuvendarët e Gjilanit që votuan unanimisht për nismën e tij, në mbledhjen e të enjtes.

“Me votimin e Kuvendit të Komunës dhe në prani të shkëlqesisë së tij, ambasadorit të Shqipërisë në Kosovës, Qemajl Minxhozi, në prezencë të nënkryetarit të Bujanocit dhe udhëheqësve më të lartë institucional e regjional të Gjilanit, sot e ndaj çmimin në emër të të gjithë qytetarëve të Gjilanit, në vlerësim të punës dhe angazhimit që Marin Mema ka dhënë me punën e tij, e cila është mbarëshqiptare edhe përtej kufijve administrativë e politikë. Emri i Marinit tashmë përpos të një gazetari hulumtues, është emër i një patrioti që kalon përmasat e kufijve të Kosovës dhe Shqipërisë”, ka thënë Haziri duke shtuar tutje se Mema ka forcuar lidhjen tonë dhe ka faktuar prezencën tonë dhe shpërndarjen tonë të farës shqiptare me qenie, kulturë, prezencë dhe gjuhë. Gjilani është i vendosur në pikën kufitare mbrojtëse të shumicës shqiptare.

Ai më tej ka folur për fatin e shqiptarëve në Bujanoc, Preshevë e Medvegjë të drejtave të tyre civile në Kosovë dhe të drejtave politike në Serbi.

“Gjilani vazhdon kontributin e vet për mbështetje të shqiptarëve në Kosovën Lindore, por njëkohësisht edhe të angazhimit për t’i sjellë Gjilanit figura të ndritura sikur Marini, i cili radhitet në mesin e emrave të shquar për ne, si Beqir Musliu, Bob Dole, presidenti Ilir Meta e të tjerë”, ka thënë ai.

Ambasadori i Shqipërisë në Kosovë, Qemal Minxhozi, ka thënë se Gjilani i dha çmimin “Qytetar Nderi”, gazetarit që tashmë është i të gjithë neve kudo që jemi në Ballkan, Evropë dhe në botë.

“Ai me punën e tij ka zbardhur rolin tonë që kishim në të kaluarën dhe atë që kemi edhe sot. Marini është nga çdo trevë e shqiptarëve dhe jo vetëm kaq. Vepra e tij e ka ofruar atë në mesin e secilit prej nesh, në lagjen, familjen dhe qytetin tonë. Kryetari i Komunës, Lutfi Haziri, Asambleja Komunale dhe qytetarët e Gjilanit e më gjerë, kanë bërë diçka shumë të madhe për Marin Memën”, tha mes tjerash, ambasadori Minxhozi.

Ndërsa, gazetari i njohur shqiptar, Marin Mema, ka thënë se ky çmim dhe ky organizim është një kënaqësi dhe moment shumë i veçantë për të.

“Sot dhe gjithnjë e më shumë po dëshmojmë se dimë të afrohemi, por e ardhmja duhet të na ofrojë edhe më shumë. Duhet të çrrënjosen jo kufijtë mes nesh, por problemet që kemi e që janë gjera që gjithmonë na kanë mbajtur larg. T’i lëmë mëritë, përçarjet e konfliktet e të gjejmë rrugët e përbashkëta për të ecur bashkë në një rrugë që na përket. Pa të kaluarën, pa patriotizmin dhe pa historinë e ndritur që kemi, ne nuk ngremë dot, jo shtëpinë, por do ta quaja kështjellën e shqiptarisë. Është e nevojshme që ne të kuptojmë sakrificën që kanë bërë shqiptarët e mëdhenj e deri në sakrificën e luftës së Kosovës, ne kishim sakrifica të mëdha të prirë nga një luftë e madhe e Ushtrisë Çlirimtare të Kosovës, dhe sot kemi një betejë të madhe atë të rrugëtimit të sigurtë brenda tokave shqiptare me frymën dhe pasurinë e vendit tonë”, ka thënë mes tjerash Mema.

Gjithashtu, në këtë takim ka folur nënkryetari i Bujanocit, Shqiprim Arifi, i cili ka falënderuar kryetarin Haziri për vlerësimin që bënë për personalitetet e veçanta dhe meritore, sikur që edhe përkushtimin e vazhdueshëm që kryetari i Gjilanit ka dhënë në vazhdimësi për Kosovën Lindore.

Ndryshe, asamblistët e Kuvendit Komunal të Gjilanit me shumicë absolute kanë votuar të enjten për nismën e kryetarit Haziri për ta shpallur ‘Qytetar Nderi’ gazetarin e njohur shqiptar, Marin Mema. / KultPlus.com

Gazetari Marin Mema bën deklaratën e fortë për gjendjen në Kakavijë: Kështu ndodh kur shitesh e blihesh

Me mijëra shqiptarë po përballen me radhë kilometrike prej ditësh në pikën doganore të Kakavijës, teksa sot po e njëjta situatë po ndodh edhe në Kapshticë.

Kjo situatë kaotike mori përmasat e tragjedisë, ku ditën e sotme një autoambulancëë ka përplasur për vdekje një fëmijë 10 vjeçar.

Lidhur me këtë situatë ka reauar dhe gazetari i njohur Marin Mema i cili shkruan se kështu ndodh kur toleron, pranon, ul kokën, kur ke frikë të japësh përgjigje, kur shitesh e blihesh, kur nuk vendos reciprocitet, por pranon gjithçka.

“Rasti më i fundit në Kakavijë është treguesi më i dhimbshëm i një realiteti të prodhuar nga politika shqiptare sot e 30 vjet në raport me fqinjët ! Kjo është e vërteta për të cilën politika jonë nuk flet kurrë, por është e gatshme ti nënshtrohet pa asnjë kusht”, shkruan Mema në Facebook.

Reagimi i plotë

Kështu ndodh kur toleron, pranon, ul kokën, kur ke frikë të japësh përgjigje, kur shitesh e blihesh, kur nuk vendos reciprocitet, por pranon gjithçka… Kur nuk ndërton një shtet të fortë, me dinjitet e krenari. Një shtet që nuk druhet të mbrojë njerëzit e tij, një shtet që di të përgjigjet, të reagojë, madje edhe të kërcasë dhëmbët. Rasti më i fundit në Kakavijë është treguesi më i dhimbshëm i një realiteti të prodhuar nga politika shqiptare sot e 30 vjet në raport me fqinjët ! Kjo është e vërteta për të cilën politika jonë nuk flet kurrë, por është e gatshme ti nënshtrohet pa asnjë kusht. /KultPlus.com

Serbia kërcënon Marin Memën për dokumentarin mbi përvetësimin e historisë

Emisioni hulumtues “Gjurmë Shqiptare” i Marin Memës ka realizuar 6 ditë më parë një dokumentar i titulluar “Mashtrimi serb me objektet e kultit të krishterë në Kosovë”, ku tregohej sesi serbët kishin përvetësuar kishat iliro-arbërore. Mirëpo ky dokumentar, ku pasqyrohen qartë disa fakte historike ka ngritur në këmbë gjithë shtetin serb.

Reagime të shumta, kanë ardhur nga Serbia, si nga politikanë, historianë, gazetarë dhe opinionistë të ndryshëm.

Lidhur me këtë ka reaguar edhe shef i zyrës për Kosovën në qeverinë e Serbisë, Marko Gjuriq, duke akuzuar gazetarin Mema, ku thotë se Serbia asnjëherë nuk do të heq dorë nga shenjëtoret e saj.

Në deklaratë thuhet:

Kuptohet që Serbia kurrë dhe me asnjë kusht nuk do të heqë dorë nga shenjtorët e saj në Kosovë dhe Metohi, dhe ne besojmë se edhe populli shqiptar, i cili është krenar për historinë dhe traditën e tyre të pasur, nuk ka nevojë të shohë për historinë dhe traditën e njerëzve të tjerë.

Ndër të tjera thuhet se disa shqiptarë janë duke e sulmuar historinë dhe besimin e popullit serb, duke e quajtur propagandë të radhës të shqiptarëve kundër serbëve. Ministria serbe e Kulturës ka deklaruar se shqiptarët nuk po ndalen së provokuari shtetin serb, duke shtuar se deformimin e historisë serbe nuk do mund ta arrijnë asnjëherë.

Një reagim të tillë, ka ardhur edhe nga opinionistë të ndryshëm, të mbajtur në debate të ndryshme ku shihet edhe kërcënimi ndaj gazetarit Mema.

Ata kanë akuzuar se qëllimi i dokumentarit është denigrimi i kulturës dhe historisë serbe. Ndërkohë lidhur me këtë çështje nuk ka asnjë reagim nga shteti shqiptar.

Hesht Enverushkë, unë jam shqiptar Kosove!

Nga Marin Mema

Unë jam shqiptar Kosove sepse stërgjyshërit e mi kanë dhënë shpirtin për ketë vend. Unë jam shqiptar kosove sepse stërgjyshërit e mij nuk shihnin kufij mes Shqiperisë. Unë jam shqiptar kosove sepse e kam njohur çdo element të masakrave të tmerrshme të bëra mbi vëllezërit e motrat e mija kosovare!

Unë jam shqiptar kosove sepse respektoj Haxhi Zeken, Hasan Prishtinen, Isen e madh, Azem e Shote Galicen, Sulejman Vokshin, Idriiz Seferin, Bedri Pejanin, Ahmet Deline, Shaqir Smaken e shumë të tjerë.

Ata janë heronjë për mua!! Ata kanë një gjak me mua!!! Unë jam shqiptar kosove sepse Adem Jashari, Zahir Pajaziti e shumë të tjerë, luftuan për të njejtin flamur, sepse në shpirtin e tyre ishte i njejti vrull si burrat e qemoti !!!

Unë jam shqiptar Kosove sepse kurrë nuk do të pranoj që historinë të ma bëjë ndonje burracak Enver apo Enverush, sido u quajt, Albert , Hashim apo diçka tjeter.

Unë jam shqiptar kosove sepse gjaku nuk bëhët ujë, sepse gjakun edhe pse unë jam nga Kolonja e kam të njejtë me çdo shqiptar kosove !!

E ketë nuk e ndalon askush !! Nuk prishet e perçudnohet historia sepse disa tuafer ( me qëllim) duan të ngrenë pengesa e biles edhe”armë” moderne duke ndezur armiqësi mes të njejtit komb.!!

Nuk dua të di nëse ne pushtet është Edi apo Lulzimi (sepse për çeshtjen kombëtare nuk ka të majtë e të djathtë, nuk ka as flamuj politike), por atë që s’mundet ta ndalojë askush nga këta BURAT me një R është të qenit shqiptar, të menduarit bashkë, të ecurit bashkë, drejt një historie që do apo s’do Enverushi është e përbashkët !!

Historia nuk është loder, nuk është telekomande ku çdo kush mund të shtype stacionin që dëshiron, por është identitet, pasion, ndjenjë, është gjak, është e mbetet HISTORI !!

Ndaj shpesh është më mirë të heshtesh se të broçkullisesh !! Hesht Enverushke është më burrërore se të hollosh zërin e të bësh si burrë!

Ti nuk bëhësh kurrë burrë duke mohuar historinë !! Unë e kuptoj se të jesh pushtetar si këta, nuk të intereson identiteti kombëtar, por kjo s’do të thotë se ne, njerëzit e thjeshtë duhet të hapim rrugë, e të lejojmë këta pseudoshqiptarë të hapin gojë e të nxjerrin te vjella antikombetare !!

Historinë e bëjnë burrat e jo gjysmë burrat !! Unë jam shqiptar kosove dhe i tillë do të mbetem !!!

Ndaj Enverusherit dhe gjithë çeta pas tij duhet të kafshojnë gjuhën nëse nuk u pelqen, duhet ta bëjnë me zorr, sepse fatin e shqiptarëve të Kosovës nuk e vendos askush tjetër përveç historisë që ka drithëruar çdo shtëpi në atë tokë!!

I ndjeni klithmat ? I ndjeni vuajtjet ? po masakrat , vrasjet, ndyrsite , i ndjeni ???

E pra ato jane shpirtëra, shkuan për të qenë të lirë, e jo për tu drejtuar nga askush që për interesa personale shpik, mohon, hedh poshtë, shkel identitetin, siç po bëjnë ca nga pushtetaret xhepa plotë e shpirt të boshatisur !!!

Unë jam shqiptar kosove e ketë s’ma ndalon askush !! Historia është për burrat e jo për dallaveraxhinjtë!!/KultPlus.com

Marin Mema në protestën e studentëve

Gazetari Marin Mema ka marrë pjesë në protestën e studentëve.

Ai u bën thirrje të rinjve që simbolet e tyre të vetme tv kenë shqiponjën dhe flamurin Kuq e Zi.

“Shqiponja dhe flamuri Kuq e Zi duhet të jenë simbolet tuaja te vetme! Ju keni freskinë, forcën, krenarinë, mundësinë për të ndryshuar realitetin. Studentët janë e ardhmja dhe ajo në këtë vend mund të jetë me e bukur nëse merr ngjyrat e tyre, ngjyrat e njerëzve qe e duan Shqipërinë përtej politikës e flamurëve partiake! Ne duhet t’i mbështesim e t’i përkrahim të arrijnë më të mirën, t’u krijojmë kushtet për të ndërtuar të ardhmen e jo t’i largojmë prej saj!! Në fund të ditës e nesërmja na përket të gjithëve dhe po të gjithë do ta jetojmë. Nëse kemi një rini më të fortë, më reaguese, më të drejtë, kërkuese e të ndarë nga politika, e ardhmja do të jetë më e mirë! Largoni të gjithë ata që mund të kërkojnë politizimin e saj, sepse forca juaj është e pandalshme nëse ka ngjyrat e Shqipërisë e askujt tjetër!”, shprehet Marin Mema.

A mundet të gjesh sot një politikan që do të shkrinte pasurinë për shqiptarët?

Nga Marin Mema

A mundet të gjesh sot një politikan që do të shkrinte pasurinë për shqiptarët? Qoftë edhe një pjesëz të vogël nga ato dengje të pafundme që disa kanë mbledhur…

Sigurisht që jo sepse politika është kthyer për shumicën në mjet përfitimi që s’ka asnjë lidhje me dëshirën e vërtetë për të zhvilluar vendin e për ti dhënë frymëmarrje të gjithë pasurive që ai ka.

Kjo është e vërteta që këlthet e që çdokush prej nesh e ka provuar mbi shpinën e tij. Ndaj nuk ka interes të përkujtohen siç duhet patriotët, rilindasit, figurat e mëdha të kombit sepse në fakt ata risjellin në vëmendje një periudhë tërësisht të ndryshme, një kohë kur mbi të gjitha qëndronte kombi, ndryshe nga sot, kur i njëjti komb shikohet për ta rrjepur./KultPlus.com

Gjurmë Shqiptare, thesari i mistershëm i Vrapit (VIDEO)

Ku është zbuluar thesari më i famshëm shqiptar, e që sot ndodhet në SHBA? Si u gjet dhe u trafikua në SHBA?

Cila është krahina e harruar mes varfërisë e izolimit, që mbart këtë histori të jashtëzakonshme të mbuluar nga ari?

Mos e humbisni këtë histori të jashtëzakonshme. Ndiqni të plotë videon e dokumentarit të gazetarit Marin Mema./ KultPlus.com

Marin Mema nderohet me çmim në Itali

Pas Prishtinës, gazetari i Top Channel, Marin Mema është nderuar me një çmim të veçantë edhe në Itali.

Ky vlerësim u bë gjatë një aktiviteti që organizohet në mënyrë të përvitshme nga organizata nderkombetare “Rinia” dhe komuna e Riva del Gardës. Çmimi i është dorëzuar realizuesit të ciklit “Gjurmë Shqiptare” me motivacionin si gazetari më i mirë në fushën e kërkimit dhe shpluhurosjes së të vërtetave historike.

Mëse 700 emigrantë shqiptarë nga qytete të ndryshme të veriut të Italisë kanë marrë pjesë në këtë organizim, që konsiderohet si një ndër më të mëdhenjtë në vendin fqinj.

“Ajo që mua më mbush sot me krenari është që pavarësisht largësisë, pavarësisht distancës, viteve, jetës së ndryshme që ka gjithësecili prej jush, jeni këtu, jeni krenarë që jeni shqiptarë dhe unë jam krenar që jam mes jush“, tha Marin Mema.

Aktivitete të tilla kanë për synim jo thjesht përafrimin e shqiptarëve në emigracion, por edhe realizimin e mjaft projekteve me karakter social në Shqipëri. Me këtë rast, në periudha të ndryshme janë bërë takime dhe realizuar projekte të ndryshme në Lezhë, Kavajë, Elbasan, Shkup e më tej.

Ky është vlerësimi i dytë në pak ditë për gazetarin e Top Channel, Marin Mema, pas çmimit “Hasan Prishtina“, dhënë në Prishtinë. / KultPlus.com