Londra ‘mbulohet’ me fotografinë e Rita Orës, sonte ajo udhëheqë MTV Europe Music Awards

Sonte mbahet ceremonia e MTV Europe Music Awards, shkruan KultPlus. Nikoqir i kësaj ceremonie do të jetë Londra ndërsa atë do ta udhëheqë këngëtarja kosovare me famë botërore Rita Ora.

Në këtë ngjarje të madhe të muzikës do të marrin pjesë përpos Rita Orës edhe tre shqiptarë të tjerë.

Rita Ora, Dua Lipa, Ermal Meta dhe Shkëlzen Kastrati-Xen, janë shqiptarët që do të jenë pjesë e MTV EMA Awards.

Rita Ora përpos që është e udhëheqëse e kësaj ceremonie glamuzore që mbahet më 12 nëntor me fillim nga ora 20:00, ajo edhe është e nominuar në të njëjtën kategori me bashkëvendësen e saj Dua Lipa “Best Look”.

Ndërsa Dua Lipa, është e nominuar edhe në kategorinë “Best New Artist”./ KultPlus.com

MTV Europe Music Awards të dielën ‘pushtohet’ nga shqiptarët (VIDEO)

Edhe dy ditë na ndajnë nga ngjarja e madhe e muzikës në Evropë.

MTV Europe Music Awards, sivjet do të udhëhiqet nga këngëtarja kosovare me famë botërore Rita Ora, ndërsa në këtë ceremoni do të jenë të pranishëm edhe tre shqiptarë të tjerë, shkruan KultPlus.

Rita Ora përpos që është e udhëheqëse e kësaj ceremonie glamuzore që mbahet më 12 nëntor me fillim nga ora 21:00 në Londër, ajo edhe është e nominuar në të njëjtën kategori me bashkëvendësen e saj Dua Lipa “Best Look”. Ndërsa Dua Lipa, është e nominuar edhe në kategorinë “Best New Artist”.


Rita Ora e Dua Lipa ishin emrat e parë shqiptarë që dolën të jenë të nominuar në MTV EMA Awards, por pas disa ditësh u publikuan edhe emrat e dy këngëtarëve të tjerë e që ishin shqiptarë. Ermal Meta dhe Shkëlzen Kastrati-Xen, janë këngëtarët ku Meta do ta përfaqësoj Italinë e Xen Zvicrën, shkruan KultPlus.


MTV Europe Music Awards sivjet do të zhvillohet në Londër për herë të parë në më shumë se 20 vjet./ KultPlus.com