Kur mësuesit anglezë u ndaluan në Shqipëri, pasi iu mundësuan studentëve ndëgjimin e Beatles

Nga Aurenc Bebja, Francë – 1 Nëntor 2020

“Paris-presse” ka botuar, të shtunën e 6 majit 1967, në faqen n°8, një shkrim në lidhje me arsyen e zëvendësimit të mësuesve anglezë me ato francezë në kohën e regjimit komunist në Shqipëri, të cilin, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar :

Francezë, mësues të anglishtes në Shqipëri

Burimi : gallica.bnf.fr / Bibliothèque nationale de France
Burimi : gallica.bnf.fr / Bibliothèque nationale de France

Franca i siguron mësues të anglishtes Shqipërisë.

Deri në vitin e kaluar shkollor, ishin anglezët që u mësonin shqiptarëve gjuhën e Shekspirit. Por qeveria e Tiranës nuk rinovoi kontratat e tyre pasi ata u mundësuan studentëve të tyre dëgjimin e disqeve (këngëve) të Beatles-ave.

The Beatles
The Beatles

Shqiptarët më pas iu drejtuan Francës, e cila mban marrëdhëniet më të mira me të vetmin shtet komunist pro-kinez në Evropë.

Frengjishtja është gjithashtu gjuha më e mësuar në Shqipëri pas rusishtes.

Franca gjithashtu furnizon Shqipërinë me grurë që i paguhet drejtpërdrejt në dollarë nga kinezët. / KultPlus.com

https://www.darsiani.com/la-gazette/paris-presse-1967-pasi-u-mundesuan-studenteve-te-tyre-degjimin-e-kengeve-te-beatles-ave-mesueset-angleze-ndalohen-ne-shqiperi/?fbclid=IwAR17zRufkdNVQhyB9Ca5Y29P1Lga-4I0ImgMcoU9AmuTDXb0wp4KjoYyPhw

Teksti i këngës ‘Hey Jude’ nga Beatle-s shitet në ankand për 910 mijë dollarë

Një copë letre në të cilën Poul McCartney ka shkruar me dorë fjalët e këngës së famshme ‘Hey Jude’, është shitur për 910 mijë dollarë, në një ankand të organizuar me rastin e 50 vjetorit të ndarjes së Beatles, transmeton KultPlus.

Bëhet fjalë për një shumë pesë herë më të lartë, se vlera e parashikuar. Ankandi u zhvillua online për shkak të virusit korona, nga një Shtëpi kaliforniane e Ankandeve.

Mes shitjeve të mëdha të ditës, është edhe lëkura e një daulleje bas me logon e Beatles, e përdorur në vitin 1964, e shitur për 200 mijë dollarë. Një faqe e shkruar me dorë e skenorgrafisë së videos ‘Hello, Goodbye’, 1967, u shit për 83.200 dollarë.

Në ankand gjithashtu u shit një mbajtëse qirinjsh e përdorur nga Ringo Star në studiot e Abbey Road në vitet 60-të, për 32.500 dollarë. / KultPlus.com

Epoka “Beatles”

Kur, në fillim të viteve ’70-të, vendosën të ndahen, yjet e muzikës trishtuan të gjithë ndjekësit e apasionuar, të panumërt. Gjysmë shekulli më vonë, ”Beatles” nuk e kanë humbur popullaritetin dhe ende mbizotërojnë skenën botërore të muzikës pop./Konica.al

10 prill 1970, dita fatale e ndarjes

Paul McCartney njofton se “Fab Four” (Katër të Mrekullueshmit – shën. i përkth.) nuk do të regjistronin më asgjë, së bashku.

“Beatles’ konsiderohen aventura më përrallore e shekullit XX, askush nuk mund të parashikonte se një sukses i tillë i jashtëzakonshëm do të vazhdonte edhe në shekullin tjetër,” – ka thënë historiani i grupit, Mark Lewisohn.

“50 vjet pas ndarjes së tyre, ‘Beatles’ mbeten artistikisht, të patejkalueshëm dhe shtyjnë krijuesit të tejkalojnë kufijtë”, – nënvizon autori i librit “Beatles: All these years”.

10 prilli i vitit 1970, shënohet përgjithmonë me rreth të zi, për ithtarët e grupit: atë ditë u shfaq një intervistë me Paul-in, ku ai tha, se ”Beatles” do ta ndalnin bashkëpunimin, pak para publikimit të albumit të tij të parë solo.

Pa arritur aq larg sa të njoftojë qartë përfundimin e grupit, Paul, i pyetur në lidhje me rifillimin e bashkëpunimit të tij me John Lennon-in, u përgjigj thatë “jo”.

“McCartney prishet me ‘Beatles-at”, ishte titulli i “New York Times” /KultPlus.com

50 vite pas ndarjes “Beatles” më popullorë se kurrë

Ata thyen miliona zemra kur u ndanë në fillim të viteve 1970, por, gjysmë shekulli më vonë, ”Beatles” nuk kanë humbur asnjë nga popullariteti i  tyre dhe ende mbizotërojnë skenën botërore të muzikës pop.

10 prill 1970, dita fatale e ndarjes.

Paul McCartney njofton se “Fab Four” (Katër të Mrekullueshmit – shën. i përkth.) nuk do të regjistronin më asgjë së bashku.

“Beatles’ konsiderohen aventura më përrallore e shekullit XX, askush nuk mund të parashikonte se një sukses i tillë i jashtëzakonshëm do të vazhdonte edhe në shekullin tjetër,” tha historiani i grupit, Mark Lewisohn.

“50 vjet pas ndarjes së tyre, ‘Beatles’ mbeten artistikisht të patejkalueshëm dhe shtyjnë krijuesit të shtyjnë kufijtë”, nënvizon autori i librit “Beatles: All these years”.

10 prilli i vitit 1970 shënohet përgjithmonë me rreth të zi për ithtarët e grupit: atë ditë u shfaq një intervistë me Paul-in, ku ai tha se ”Beatles” do të ndalnin së punuari së bashku, pak para lëshimit të albumit të tij të parë solo.

Pa arritur aq larg sa të njoftojë qartë përfundimin e grupit, Paul, i pyetur në lidhje me rifillimin e bashkëpunimit të tij me John Lennon-in, u përgjigj thatë “jo”.

“McCartney prishet me ‘Beatles-at”, ishte titulli i ”New York Times”.

Prishja e lidhjeve të tyre të biznesit pak më vonë, në një gjykatë britanike, vulosi përfundimisht edhe ndarjen e tyre./ atsh/ KultPlus.com

“Abbey Road” i “The Beatles” kryeson top-listën britanike në 50-vjetor

Klasiku i vitit 1969 i Beatlasave, “Abbey Road”, sot ka bërë një rikthim ngadhënjyes në vendin e parë në Mbretërinë e Bashkuar, dhe grupi ka thyer rekordin e vet në proces.

Edicionet e përvjetorit të 50-të të albumit e kanë kthyer atë në maje, sipas rangimit të Official Charts Company, 49 vjet e 252 ditë që prej kryesimit 17-javor që përfundoi me 31 janar 1970.

Kjo i tejkaloi 49 vjet e 125 ditë ndërmjet përfundimit të qëndrimit në krye të albumit “Sgt. Pepper’s Lonely Hearts Club Band” dhe rikthimit të tij në maja në përvjetorin e vet të 50-të në qershor të vitit 2017.

Paul McCartney ka komentuar lajmin duke thënë: “Është vështirë të besosh se ‘Abbey Road’ ende mbahet pas gjithë këtyre viteve. Por prapë është një album tepër i mirë”. Rreth 9 mijë nga totali i shitjeve të kombinuara kanë ardhur në vinyl, duke e bërë atë numër një.

Historia e tabelës së “Abbey Road” në Mbretërinë e Bashkuar është e gjatë dhe interesante, me qëndrime të shumta në bestsellerë. Ka debutuar në vendin e parë në listën që mban datën 4 tetor 1969./koha.net/ KultPlus.com

Drake bën tatuazh ‘Beatles’, kuptimi i tij nxiti debat në rrjete sociale (FOTO)

Këngëtari i njohur Drake bëri tatuazh grupin e njohur nga Liverpool Beatles në dorën e tij, kjo pasi reperi kanadez ka thyer rekordin e mbajtur nga grupi legjendar.

Për këngëtarin Drake kjo është vetëm një nga tatuazhet e shumtë që ka ai.

Në vitin 1964 ‘The Beatles’ kishin thyer rekord në ‘Billboard’ ku 11 këngët e tyre renditeshin të parat në ‘Top 10’ ndërsa tani reperi ka tejkaluar këtë shifër ku me 12 këngë renditet i pari në ‘Top 10’.

Pas këtij suksesi Drake bëri tatuazh foton e njohur të Beatles-ave duke ecur në rrugë dhe ka paraqitur edhe veten duke i udhëhequr grupin legjendar, kjo fotografi nxiti debate në rrjete sociale. / Insajderi / KultPlus.com

Paul McCartney ka problem me memorizimin e disa prej hiteve të “Beatles”

Paul McCartney duhet të kujtohet se si t’i interpretojë hitet e tij të vjetra me “The Beatles”, sepse ato “janë jashtëzakonisht shumë” për t’u mbajtur mend.

Duke folur për gazetën britanike “Daily Mirror”, 77-vjeçari reflektoi për katalogun e tij të gjerë, ku përfshihet karriera gjashtëdekadëshe e kantautorit, shkruan KOHA Ditore. Dhe duke folur për mënyrën se si ai ballafaqohet me memorizimin e këngëve për koncertet e tij, krijuesi i hitit Let It Be rrëfeu se ai mbështetet në anëtarët e bendit të tij për ta ndihmuar atë që ta ringjallin kujtesën e tij.

“Më duhet të rimësoj gjithçka. Unë kam kompozuar shumë, nuk mund t’i mbash mend të gjitha”, tha ai. “Shkojmë në prova dhe unë them ‘Oh po, kështu shkon.””

Kur u pyet nëse ai beson se këngët janë “mjaft të mira”, ylli i hitit Hey Jude u përgjigj: “Besoj, vërtet besoj. Për disa nga këngët e vjetra do të thoshit: “Oh, kjo është e zgjuar, nuk do ta kisha bërë atë.”

“Është emocionuese të mendosh që kjo ende funksionon. Ne ishim një bend i vogël rock and rolli nga Liverpooli, dhe ky bend thjesht vazhdoi”, buzëqeshi ai. / KultPlus.com

Grupi ”Beatles” feston 50 vjetorin e albumit ”White”

Sivjet festohet 50-vjetori i albumit të famshëm ”White”, kompozuar nga grupi ”Beatles”. Stili i grupit anglez ndikoi në publik, duke u shpërhapur dhe duke u kthyer gjithashtu në mënyrë jetese.

Plot 50 vite më parë, kur disku doli në shitje, ishte një kryevepër absolute e historisë së rrymës ”Rock”. Një disk i pasur, kompleks, kaotik dhe surprizues, që shenjoi edhe fillimin e fundit të historisë së grupit; por hapi gjithashtu fazën e fundit legjendare të prodhimit të tyre me pjesët e famshme: ”Abbey Road” dhe ”Let It Be”.
Viti 1968 për ”Beatles”-at nisi në Indi, me udhëtimin historik në ”Rishikesh”, i kryer nën shtysën e George Harrison. Ai udhëtim frymëzoi një gjeneratë të tërë për t’u interesuar për muzikën, kulturën, fetë orientale dhe spiritualizmin lindor.

Bëhej fjalë për një botë, që nga ajo periudhë u bë familjare për një pjesë të madhe të Perëndimit, që nuk i kishte konsideruar kurrë mjaftueshëm nuancat muzikore të lindjes.

Disku përmban një përzierje mes ”Pop”-it, muzikës akustike dhe asaj elektrike, spiritualitetit dhe politikës, ëmbëlsisë dhe nervozizmit, ”Rock”-ut dhe rrymës ”Psychedelik”.

Pra, 50 vite në distancë e gjejmë veten duke celebruar ende, jo vetëm historinë e tyre, por edhe aktualitetin e jashtëzakonshëm të muzikës ”Beatles”-iane.

Një çështje që ende edhe sot habit, emocionon dhe argëton. Historia e karrierës së 4 miqve, që lëvizen nga periferia e Liverpoolit të ”armatosur” me kitara dhe bateri, për të pushtuar botën me muzikën e tyre, duke arritur të bëhen në fare pak kohë, banda me suksesin më të madh në planet. /a.a/KultPlus.com

One Direction thyen rekordin e Beatles

Grupi i njohur One Direction sapo u barazua me Beatles si grupi i vetëm me tre anëtarë që kanë arritur të performojnë si solistë në SHBA.

Ata mund të jenë ndarë , por janë duke kryesuar akoma në tabelat e Billboard në SHBA.

Barazimi erdhi pasi Niall Horan kryesoi listat me debutimin e tij, Flicker, i cili shiti 152,000 kopje javën e kaluar.

Ai ndjek Harry Styles dhe Zayn Malik , duke barazuar rekordin e The Beatles, i cili ka qëndruar si i tillë që nga viti 1971.

E tjerë të grupit, Louis Tomlinson dhe Liam Payne nuk kanë realizuar ende albumet e tyre solo, që do të thotë që mbase ata mund të arrijnë të kalojnë rekordin e Fab Four./ KultPlus.com