Eroll Murati hap ekspozitën personale ‘Skulptura në hapësirë’, shpalos realitetin e hidhur në Kosovë

Nesër, në Sheshin ‘Skënderbeu’ në Prishtinë, do të hapet ekspozita personale e skultporit Eroll Murati. Ekspozita titullohet ‘Skulptura në hapësirë’ dhe tenton të hedh dritë mbi realitetin e hidhur në Kosovë, shkruan KultPlus.

Skulpturat janë shumë më ndryshe se si jemi mësuar zakonisht t’i shohim, ato komunikojnë me njëra tjetrën, duke shpalosur kështu situatën dhe ngjarjet aktuale të vendit tonë, parë nga syri i artistit që i ka realizuar ato e deri tek qytetarët.

Murati ka treguar për KultPlus se këtë ekspozitë e ka realizuar në mënyrëqë qytetarët e Kosovës të mund të shohin dhe të dijnë rëndësinë e skultpruave në hapësirë, pasi sipas tij, këto skulptura nuk janë të shpeshta në vendin tonë.

‘Rëndësia e skulpturës në hapësirë ëshë në raport ndërmjet objektit si skulpturë dhe hapësirës si ambient. Hapësira kërkohet në bazë të konceptit ideor të skulpturës dhe caktohet vendi i pëërshtatshëm për vendosjen e objektit në përmasa ambientale.

Procesi për ta çuar përpara konceptin në materializim, modelim duke shfrytëzuar material të ndryshëm të jetës së përditshme bëhet instalimi nëpërmjet tipareve dhe cilësive që i përket një artisti.

Forca krijuese dhe njohuritë e materialit dhe teknologjisë për skulpturë fitohen duke njohur mirë traditën e modelimit dhe duke kërkuar materiale të reja të përshtatshme për hapësirën.

Hapësira publike si shfrytëzim kohor i ambientit ku ndërtohet një mbësthjellje hapësinore ndjek harmoninë, përpjestimin dhe simetrinë që janë të banueshme në mënyrë metafizike jo nga njeriu, por nga hija e tij.

Janë prezente nuancat e të bardhës dhe të zezës, masa e madhe e boshëllëku, si dhe kalimet e plota midis tyre, duke ruajtir në të njëjtën kohë vëllimin e madh me lëvizjet e tyre të brendshme e të papritura. E bardha dhe e zeza tek vëllimet e mëdha të skulpturave dëshmojnë më qartë individualitetin e tij krijues për një formë të rëndë skulpturore me cilësi hapësinore. Forma e skulpturave shfaqet konstruktive dhe deri diku e ashpër, duke shmangur tendëncën e përpunimit të materialit drejt një latimi plastik, për të sugjeruar në universn e saj rrugën e hapjes, të hapësirës dhe jo atë të mbylljes. E bardha, dritë e pasur e fuqishme, ku objektet shenja përbëjnë fillimin dhe rrugën tonë të ardhshme. Ngjyrat zotëruese janë e bardha dhe e zeza dhe ajo e arta në mes që shprehin zymtësinë dhe dëshpërimin nëpërmjet personazheve që ndodhen gjithmonë në aksion. Ata ironizojnë, reagojnë, të përgëzojnë, komentojnë, ngacmojnë. Dyfishimi i figurave në hapësira të ndryshme i atribuon atyre cilësinë e personazhit, që fillon të jetoj normalisht në një realitet të ri, atë artistik‘, shkruan Zeni Ballazhi për ekspozitën e artistit Murati.

Eroll Murati ka qenë pjesëmarrësh në aktivitete të ndryshme kulturore që përfshinin ekspozita personale poashtu edhe kolektive. / KultPlus.com

GKK sjellë ekspozitën personale të artistit Thomas Hirschhorn

Galeria Kombëtare e Kosovës të martën më 6 mars hapë ekspozitën e artistit Thomas Hirschhorn “PIXEL COLLAGES”, shkruan KultPlus.

Kjo ekspozitë është kuruar nga Dirk Snauwaert, ndërsa hapet me fillim nga ora 19:00.

Ekspozita personale ‘Pixel-Collages’ nga Thomas Hirschhorn, përfshin 5 kolazhe të mëdha, një përzgjedhje të gjerë të kolazheve të vogla, dhe materiale të referencave të prezantuara në një vitrine. Shfaqja e punëve të fundit të Hirschhorn në Kosovë sot, me imazhet konfrontuese dhe përballjen me teknikat e rrejshme dhe maskuese të mediave, është një deklaratë, e ngjashme me argumentet të cilat Hirschhorn i shfaqë në manifestot të cilat e shoqërojnë ‘Pixel-Collages’, më saktësisht në: ‘Pse është e rëndësishme – Sot – të tregojmë dhe shikojmë imazhe të trupave të shkatërruar të njerzve’

Vepra e Thomas Hirschhorn është ekspozuar në shumë muze, galeri dhe ekspozita në mesin e të cilave edhe Bienalja e Venedikut, Documenta11, Bienalja e 27-të e Sao Paolos, Trienale në Palais de Tokyo, Paris, Bienalja e 9-të e Shangait, Galeria Gladstone, Nju Jork, Manifesta 10 në San-Petersburg etj.

Thomas Hischhorn me secilën ekspozitë në muze, galeri dhe hapësira alternative, apo me vepra specifike në hapësira publike e vërteton përkushtimin e tij ndaj publikut jo-ekskluziv. Ai ka marrë shpërblime dhe çmime të ndryshme, në mesin e të cilave edhe: “Preis für Junge Schëeizer Kunst” (1999), “Prix Marcel Duchamp” (2000), “Rolandpreis für Kunst im öffentlichen Raum” (2003), “Joseph Beuys-Preis” (2004) dhe “Kurt Schëitters-Preis” (2011)./ KultPlus.com