MKRS ndan çmimet vjetore për teatër, Ernest Malazogu merr çmimin ‘Aktori më i mirë’

Në ditën Botërore të Teatrit, Ministria e Kulturës, Rinisë dhe Sportit ka ndarë çmimet vjetore për teatër, përcjell KultPlus.

Këtë vit juria është përbërë nga Majlinda Bregasi , Vlora Merovci Berisha, Qendresa Jashari, Afrim Spahiu dhe Kushtrim Mehmeti.

Çmimin për aktorin/aktoren më të mirë e mori aktori Ernest Malazogu.

“Me kontributin në skenën teatrore, me talentin dhe përkushtimin deri në perfeksion, edhe këtë vit aktori Ernest Malazogu na pasuroi duke na dhuruar performanca të shkëlqyera në rolet kryesore në shfaqjet si: ‘Provoje edhe njëherë, Sam’, ‘OK, natyrë’, ‘Jerusalem’, ‘Shtetrrethimi’ etj”- tha Bregasi në arsyetimin për dhënien e këtij çmimi nga juria./ KultPlus.com