Shaqiri, Xhaka e Mustafi bashkë me yjet e Premierligës me iniciativë për luftimin e koronavirusit

Lojtarët e Premierligës, përfshirë treshen shqiptare Xherdan Shaqiri, Granit Xhaka dhe Shkodran Mustafi, e kanë marrë një nismë të përbashkët duke e hapur një fond për grumbullimin e të hollave për t’i ndihmuar Shërbimit Shëndetësor Kombëtar të Britanisë së Madhe ta luftojë koronavirusin.

Iniciativa – e quajtur #Lojtarëtsëbashku – është marrë me qëllim për t’i ndihmuar mjekët dhe infermierët në vijën e frontit kundër pandemisë koronavirus në vend, transmeton Gazeta Express.

Sekretari i NHS-së, Matt Hancock, e ka mirëpritur ngrohtësisht këtë iniciativë zemërmadhe.

Anësori i Liverpoolit Xherdan Shaqiri dhe dyshja e Arsenalit Granit Xhaka dhe Shkodran Mustafi ishin në mesin e më shumë se 150 yjeve të Premierligës që e kanë shpërndarë në rrjetet sociale deklaratën e përbashkët të mërkurën mbrëma.

“Gjatë javës së fundit, ne si një grup i lojtarëve të Premierligës, kemi biseduar së bashku shumë herë me synim për ta krijuar një fond i cili mund të përdorët për të shpërndarë para aty ku ka nevojë më së shumti në këtë krizë të Covid-19; për t’i ndihmuar ata që po luftojnë në vijën e frontit të NHS-së”, thuhet në deklaratën e futbollistëve.

Më shumë se 7.000 njerëz kanë vdekur nga koronavirusi në Britani të Madhe. /Gazeta Express/ KultPlus.com

Granit Xhaka: Jam shumë i prekur me tragjedinë e vëllezërve tanë në Shqipëri

Granit Xhaka vendosi që para shumë vitesh të vishte fanellën e Zvicrës dhe jo të Shqipërisë, por kjo nuk do të thotë se ai nuk ka lidhje të fortë me vendin tonë.

Një gjë të tillë e ka konfirmuar pas tërmetit të fortë që tronditi Shqipërinë.

Në një postim në “Instagram”, Xhaka ka bërë apel për ndihmë. Ai shton se është rritur me dashuri për Shqipërinë dhe se prindërit e tij kanë bërë burg për këtë vend.

“Jam shumë i prekur me tragjedinë e vëllezërve tonë në Shqipëri të prekur nga tërmeti. Familja ime ka bërë burg për Shqipërinë dhe ne jemi rritur me dashurinë për vendin amë. Ndaj bëj thirrje, që në këtë ditë kaq të vështirë për popullin shqiptar të ndihmojmë me të gjitha mënyrat që mundemi. Gjithmonë bashkë, në të mirë e në të keq”, shkruan Xhaka. / KultPlus.com

Xhaka realizon ëndrrën, takohet me aktorin indian

Ylli i Arsenalit, Granit Xhaka, më në fund ka realizuar ëndrrën e tij që të takojë aktorin e njohur indian, Shah Rukh Khan.

Vetë Xhaka kishte postuar kohë më parë fotografi me SRK-në në formë dylli, ndërsa ishte aktori që kishte shprehur dëshirën për takim edhe në jetën reale.

Tani futbollisti shqiptar është takuar në Londër me indianin.

“Preferoj të shoh performancën e SRK-së dhe shpresoj se ai e shijoi performancën e Arsenalit mbrëmë (në ndeshjen ndaj Newcastlet). Ishte nder për mua të takoj më në fund një prej aktorëve të mi të preferuar. Këtë herë në të vërtetë”, ka shkruar Xhaka në Instagram.

“Shqiponja e Xhakës”, u zgjodh si fotografia sportive e vitit në Zvicër

Për fotografinë më të mirë nga gazetaria sportive është shpërblyer Laurent Gillieron, i cili ka përjetësuar Granit Xhakën duke bërë shqiponjën.

Është bërë dje ndarja e çmimeve “Swiss Press Photo Award 2019”, për fotografitë më të mira  gazetareske të realizuara gjatë vitit 2018. Një juri e formuar nga fondacioni Reinhardt von Graffenried ka bërë nominimin e fotografive pretenduese për çmim, shkruan swissinfo.ch, transmeton albinfo.ch

Në kategorinë e fotografive nga aktualiteti, çmimin e ka fituar Stefan Bohrer me fotografinë nga një shpërthim i madh i zjarrit në portin e lumit Rajna në Bazel. “Kjo fotografi është edhe një citat vizuel për një klasik të fotografisë gazetareske”, ka thënë anëtari i jurisë, Koni Nordmann. Ai e ka vënë këtë fotografi në lidhje me atë të fotografit Thomas Hopeker, i cili ka fotografuar një grup të rinjsh që po kënaqeshin derisa në prapavijë po digjeshin kullat binjake (në Nju Jork, 11. 09.  2001).

Për fotografinë më të mirë nga gazetaria sportive është shpërblyer Laurent Gillieron, përcjell albinfo.ch. Ai ka bërë fotografinë e famshme në të cilën Granit Xhaka pas shënimit të golit kundër Serbisë në Botërorin 2018 në Rusi “e bën shqiponjën” dhe  nxjerr gjuhën jashtë.

Kjo fotografi është bërë e njohur shumë shpejt në gjithë botën ndërsa veprimi që pasqyron ajo, në Zvicër i ka shkaktuar kokëçarje të madhe Granit Xhakës, Xherdan Shaqirit dhe gjithë komunitetit shqiptar të këtushëm.

Të kujtojmë se fjala “Dopperladler” (Shqiponja dykrenëshe) që i referohet gjestit të bërë nga Xhaka, Shaqiri dhe bashkëlojtari i tyre, Lichtsteiner, vitin e kaluar ishte zgjedhur edhe si “Fjala e vitit 2018” në Zvicër.

Miqësia frymëzuese e Granit Xhakës dhe djalit me sindromë down

Sot është Dita Botërore të Sindromit Down dhe kjo datë e shënuar po shënohet me aktivitete të ndryshme.

Edhe Granit Xhaka i është bashkuar kësaj dite të shënuar duke publikuar një video mjaft të veçantë dhe domethënëse.

Futbollisti shqiptar ka treguar se ka miqësi me një djalosh, i cili është i prekur nga ky sindromë dhe është tifoz i Arsenalit.

“Granit Xhaka dhe Julian kanë pasur një lidhje të veçantë me vite të tëra”, shkruan klubi londinez në kanalin zyrtar në YouTube.

Xhaka e kishte ftuar mikun në një udhëtim special në qendrën stërvitore dhe më pas luajti në Emirates pas triumfit ndaj Southamptonit.

Ndryshe, Granitin do ta shohim gjatë ditës së hënë në ndeshjen kualifikuese që Zvicra e zhvillon kundër Danimarkës, e cila sot do të ballafaqohet me Kosovën në Prishtinë./Telegrafi/KultPlus.com

“Shqiponja” e Granitit dhe bashkëshortes së tij bën bujë në mediet britanike

Granit Xhaka dhe bashkëshortja Leonita janë bërë temë e mediave rozë të Britanisë së Madhe.

Futbollisti kishte vendosur të ketë një darkë romantike me të dashurën, me ç’rast edhe ndau disa fotografi prej mbrëmjes.

Ai me këtë rast ka dëshmuar edhe njëherë prej ardhjen shqiptare, duke bashkuar duart me zeshkanen për të formuar simbolin e shqiponjës së shqiptarëve, shkruan The Sun.

Gjesti është një simbol nacionalist, që përfaqëson shqiponjë me dy kokë mbi flamurin kombëtar të Shqipërisë, raporton më tutje mediumi lartcekur.

Ai kujton edhe kohën kur të njëjtën gjë e kishte bërë Graniti së bashku me Xherdan Shaqirin, të cilët ishin golashënuesit e vetëm të fitores së Zvicrës kundër Serbisë me rezultat 2-1.

Familja Xhaka është nga Kosova, ku kryefamiljari, Ragipi kaloi pothuajse katër vjet si i burgosur politik në Jugosllavi për mbështetjen e pavarësisë së Kosovës.

Gjersa fansat serbë kërkuan që futbollistët të ndëshkohen, ata shqiptarë duartrokitën veprimin e Xhakës dhe Shaqirit.

Ndryshe, Granitin do ta shohim sërish në aksion gjatë fundjavës me skuadrën angleze të Arsenalit./KultPlus.com

https://www.instagram.com/p/BqvJ5GpAOgq/?utm_source=ig_embed