Laura Fazliu e ka fituar medaljen e bronztë, në Grand Slamin e Izraelit.
Fazliu për medaljen e bronztë e mposhti Gili Sharirin, me Ippon, në kategorinë deri në 57 kilogramë, njofton Klankosova.tv.
Xhudistja kosovare pak më herët në repesazh fitoi në mënyrë magjepsëse ndaj kampiones olimpike Clarisse Agbegnenoun. /KultPlus.com
Uranik Emini
Sukseset e Kosovës në sport kanë rezultuar që kjo e fundi të ngritet në piedestalet më të larta të botës dhe emri i Kosovës e himni i saj të jehoi edhe në vendet të cilat nuk e kanë njohur vendin më të ri në Evropë, shkruan KultPlus.
Për të shkruar rreth sukseseve të Kosovës në xhudo, ju duhet të bëni kërkime më të mëdha, kjo për faktin se sukseset në këtë sport për Kosovën janë shumë më të mëdha sesa në shumë sporte të tjera.
Distria Krasniqi, Nora Gjakova, Flaka Loxha, Laura Fazliu, Akil Gjakova e Loriana Kuka, shijuan suksese të jashtëzakonshme këtë vit, duke dëshmuar edhe një herë tjetër fuqinë që sporti ka si një ambasador nëpër shtete të ndryshme. Të prirë nga trajnerët Driton Kuka dhe Majlinda Kelmendi, xhudistët nga Kosova patën shumë suksese këtë vit.
Distria Krasniqi
Duke filluar nga Grand Prix në Portugali më 28 janar, ku zuri vendin e parë, Distria Krasniqi, shijoi suksese të shumta këtë vit. Fitoi medalje të argjendtë në Grand Slam të Parisit, ndërsa ishte e para në Grand Slamin “Tbilisi”, “XIX Mediterranean Games 2022” dhe “Jerusalem Masters 2022”.
Loriana Kuka & Laura Fazliu
Që të dyja ishin në formën e tyre më të mirë të karrierës. Kuka e cila shijoi suksese në “Sarajeva European Open 2022”, duke fituar vendin e parë dhe “XIX Mediterranean Games 2022”, duke u stolisur edhe një herë tjetër me medaljen e artë. Ndërkaq, Fazliu në kategorinë (-63 kg.) fitoi në përballje me Flavia Favorini për të fituar vendin e parë dhe gjithashtu pati suksese të mëdha edhe në “”XIX Mediterranean Games 2022”.
Granit Xhaka
Granit Xhaka qeshi i fundit në përballjen me Serbinë në Kupën e Botës të mbajtur në Katar këtë vit. Kapiteni i Arsenalit ishte në qendër të një përleshjeje masive mes dy grupeve të lojtarëve pas një përplasjeje me mbrojtësin serb, Nikola Milenkoviç. Milenkoviç po tentonte të mbronte topin për një goditje goli kur u përplas me Xhakën dhe shtyu mesfushorin. Xhaka nuk u ndal dhe dyshja u përball me lojtarët nga të dyja palët duke u përfshirë në një përleshje që gradualisht u kthye në mes të parkut. Të dy lojtarët morën karton të verdhë për problemet e tyre, me Xhakën që duhej të tërhiqej nga skena nga shokët e skuadrës ndërsa tensionet vazhduan të përshkallëzoheshin. Xhaka u kurorëzua si më i miri i ndeshjes, në fitoren 3-2 të Zvicrës ndaj Serbisë. Ai u vlerësua shumë për gjestin e madh që bëri në këtë takim, duke veshur maicën me emrin “Jashari” përpara gjithë stadiumit.
Xherdan Shaqiri
Paraqitjet briliante të Shaqirit në Kupën e Botës, nuk kanë munguar asnjëherë. Në këtë rast, Shaqa ndan një rekord të madh së bashku me dyshen e jashtëzakonshme, Cristiano Ronaldo dhe Lionel Messi, duke qenë lojtarët e vetëm që kanë shënuar në tre botëroret e fundit. Për shqiptarët ishte gëzim edhe më i madh, për arsye se Shaqiri shënoi në portën e Serbisë, në fitoren 3-2 në Kupën e Botës.
FC Ballkani
Përpos që fituan për herë të parë në historinë e klubit të tyre, trofeun e Superligës së Kosovës, ekipi nga Suhareka shkroi histori edhe për diçka tjetër. Kosova për herë të parë po përfaqësohej në arenën ndërkombëtare nga një klub i Superligës së Kosovës dhe ishte pikërisht Ballkani që e bëri këtë gjë. Ballkani arriti që të fitojë një ndeshje, të barazojë një tjetër dhe të humb katër herë në mungesë të fatit dhe përgatitjeve të duhura për takimet evropiane. Me katër pikë të grumbulluara, historia e shkruar nga Ballkani do të jetë e pranishme çdo herë.
Kosova
Më 24 mars të këtij viti, Kombëtarja e Kosovës shënoi një fitore të madhe në takimin miqësor ndaj Burkina Faso, duke fituar me rezultat 5-0. Viti për Kosovën filloi mbarë. Më pas, në një tjetër takim miqësor, Kosova barazoi 1-1 me kombëtaren e Zvicrës, për të fituar më pas në kuadër të Nations League me rezultat 2-0 ndaj Qipros. Forma e mirë e Kosovës nuk ishte e tillë edhe në takimin me Greqinë, kur humbi 1-0 si mysafire më 5 qershor të vitit 2022. Edhe pse shënoi fitore në takimin me Irlandën e Veriut, 3-2, Kosova humbi edhe një herë tjetër nga Greqia, 2-0, dhe më pas edhe Irlanda e Veriut u hakmarr me rezultat 2-1 për të përfunduar ëndrrën e Kosovës në Nations League. Takimin e fundit në Nations League, Kosova e fitoi 5-1 në takim me Qipron. Ndërkaq, dy takimet e fundit, ai ndaj Armenisë dhe Ishujve Faroe përfunduan me barazim. 2-2 ndaj Armenisë dhe nga një gol shënuan secila kombëtare, Kosova e Ishujt Faroe më 19 nëntor.
Donjeta Sadiku
Boksierja Donjeta Sadiku mori medaljen e bronztë në Kampionatin Evropian të Budva, një sukses historik. Ajo gjithashtu siguroi medaljen botërore në Kampionatin Botëror të Boksit, që u mbajt në Stamboll të Turqisë.
Getta Beqa
Getta Beqa fitoi dy medalje ari në Kampionatin Mesdhetar IFBB, Maltë duke siguruar një sukses të madh në arenën ndërkombëtare. /KultPlus.com
Xhudistja nga Kosova, Laura Fazliu është paraqitur me shumë sukses në Masterin e Izraelit, shkruan KultPlus.
Fazliu ka arritur që të fitojë medaljen e argjendtë, duke u mposhtur në finale ndaj japonezes, Miku Takaichi me IPPON.
Ajo ka garuar në kategorinë -63 kilogramë, derisa ka fituar 1260 pikë të tjera olimpike.
Distria Krasniqi fitoi të artën ditën e djeshme, ndërkaq Nora Gjakova u rendit e pesta.
Xhudistja tjetër, Loriana Kuka, ndeshet nesër. /KultPlus.com
Xhudistja Kosovare, Laura Fazliu është shpallur kampione evropiane në xhudo, përcjell KultPlus.
Laura Fazliu fitoi medaljen e artë, në Kampionatin Evropian U23.
Në finale Laura e mposhti xhudisten gjermane Annabelle Winzig./ KultPlus.com
Laura Fazliu ka kaluar në finale të Kampionaitt Evropian për U23, që po mbahet në Sarajevë.
Fazliu në gjysmëfinale e ka mposhtur Brigitta Varga, në kategorinë deri në 63 kilogramë, njofton Klankosova.tv.
Ajo në finale për medaljen e artë, do të përballet me Annabelle Winzig./ KultPlus.com
Xhudistja Laura Fazliu nuk ka arritur të kaloj raundin e dytë në Grand Slam Abu Dhabi 2022, pasi është eliminuar nga portugezja Barbara Timo. Fazliu nuk ishte fort aktive në këtë përballje, prandaj gjyqtari i dha tri vërejtje, ose tri shido, për të fituar pastaj kundërshtarja portugeze.
Laura raundin e parë të kategorisë -63kg e kaloi duke fituar me ippon ndaj brazilianes Kaillany Cardoso, për t’u eliminuar më pas.
Laura Fazliu është 22 vjeçare, aktualisht renditet në vendin e 33-të në këtë kategori, ndërsa në karrierë nuk ka medalje të fituara në Grand Slem./klankosova/ KultPlus.com
Kosova do të përfaqësohet sot nga Laura Fazliu në Grand Slamin e Abu Dhabit.
Xhudistja kosovare do të garojë në kategorinë deri në 63 kilogramë.
Padyshim se Laura do të synojë që t’i sigurojë një tjetër medalje Kosovës nga ky Grand Slam.
Kujtojmë se Laura Fazliu i ka sjell Kosovës medaljen e dytë të artë nga Lojërat Mesdhetare “Oran 2022” këtë vit.
Ndërkaq, të premten, xhudistja kosovare Nora Gjakova u stolis me medaljen e argjendtë në kategorinë deri në 57 kilogramë.
Po ashtu, të dielën, Loriana Kuka do të garojë në kategorinë deri në 78 kilogramë. / KultPlus.com
Ekipi i Kosovës në xhudos do të marrë pjesë në garën më të rëndësishme, që prej përfundimit të Lojërave Olimpike Tokio 2020. Është Kampionati Botëror i xhudos, që prej 6 deri më 13 tetor 2022 do të mbahet në Tashkent të Uzbekistanit.
Kosova përfaqësohet me katër garuese. Ekipit i prinë Distria Krasniqi, që garon në kategorinë deri në 52 kilogramë, Flaka Loxha (-57 kg), Laura Fazliu (-63 kg) dhe Loriana Kuka (-78 kg).
Krasniqi është kampione olimpike Tokio 2020 dhe medaliste e bronztë e botës 2019, Kuka është medaliste e bronztë e botës 2019, ndërsa Fazliu që po shijon formë të mirë këtë vit, është nënkampione e Evropës 2022. Loxha dalëngadalë po ngritet në nivele të larta. Të gjithë janë bursistë olimpikë për Lojërat Olimpike Paris 2024.
Botërorit do t’i mungojnë familja Gjakova, Nora dhe Akili. Të dy sipas trajnerit Driton Kuka mungojnë shkaku i lëndimeve. Nora është kampione olimpike Tokio 2020, ndërsa vitin e kaluar fitoi medaljen e bronztë në Botëror, në kategorinë -57 kg. Akili është kampion i Evropës 2021, kategoria -73 kg dhe vendi i shtatë në Tokio 2020.
“Xhudistët tanë nisin garat të premten, kur në tatami është Krasniqi. Loxha, garon të shtunën, Fazliu të dielën, ndërsa të martën Kuka”, thuhet në njoftimin e Komitetit Olimpik të Kosovës.
Kampionati Botëror është gara që sjell më së shumti pikë olimpike për Paris 2024.
Ndërkaq, Krasniqi mbetet një nga favoritet për të sjellë medalje në Kosovë. /KultPlus.com
Laura Fazliu i ka sjell Kosovës medaljen e dytë të artë nga Lojërat Mesdhetare “Oran 2022”.
Xhudistja nga Kosova triumfoi ndaj spanjolles, Perez Cabana, -63 kg.
Trajnerja Majlinda Kelmendi e motivoi gjatë gjithë takimit që të jap më të mirën dhe kësisoj Fazliu i siguroi medaljen e katërt Kosovës në LM “Oran 2022.”
Në vazhdim, Akil Gjakova do të luftojë për medaljen e bronztë. / KultPlus.com
Sportistët nga Kosova po vazhdojnë shkëlqimin e tyre në xhudo në Lojërat Mesdhetare, shkruan KultPlus.
Së fundmi, edhe Laura Fazliu ka arritur që të kualifikohet në gjysmëfinale në kategorinë -63 kilogramë.
Raundin e parë, Fazliu e kaloi pa luftë, derisa fitoi ndaj korates Iva Oberan për të kaluar në gjysmëfinale.
Fazliu, është shumë afër që të arrijë një tjetër sukses të madh për Kosovën. /KultPlus.com
Ministri i Kulturës, Rinisë dhe Sportit, Hajrulla Çeku ka ndjekur nga afër ekspeditën e ekipit të xhudos së Kosovës që ka pasur në Kampionatin Evropian në Sofje të Bullgarisë, shkruan KultPlus.
I pari i Kulturës ka uruar në llogarinë zyrtare në “Facebook”, punën e jashtëzakonshme të sportistëve në këtë ngjarje madhore për vendin.
Postimi i plotë i Çekut:
“Në europianin e xhudos në Sofje, Laura fiton të argjendtën, Disi të bronztën. Kampionatin Europian 2022 që po mbahet në Sofje të Bullgarisë e nisëm me medaljen e bronztë të Distria Krasniqit, kampiones sonë olimpike. Suksesi vazhdoi edhe sot, në ditën e dytë, kur Laura Fazliu fitoi medaljen e argjendtë duke e marr titullin e nën-kampiones europiane. Paraqitje të mirë në kampionat patën edhe Flaka Loxha dhe Akil Gjakova. Kënaqësi e papërshkrueshme të përcjell nga afër ekipin tonë të xhudos. Rezultatet e tyre ndërkombëtare janë krenari për shtetin tonë. Mirënjohje të veçantë dhe përgëzime të përzemërta kryetarit të Federatës së Xhudos Agron Kuka, trajnerit Driton Kuka dhe xhudisteve e xhudistëve tanë të shkëlqyer”, ka shkruar Çeku.
Kosova në dy Kampionatet e fundit Evropiane ka arritur që të fitojë pesë medalje. /KultPlus.com
Laura Fazliu ka arritur që të fitojë medaljen e saj të parë në garat seniore, duke fituar medaljen e argjendtë në finale të Kampionatit Evropian që po mbahet në Sofje të Bullgarisë, shkruan KultPlus.
Në një përballje të vështirë me xhudisten nga Mbretëria e Bashkuar, Gemma Howell, kjo e fundit tregoi eksperiencën e saj dhe arriti që të fitojë takimin, përkundër luftës që Fazliu e shfaqi.
Majlinda Kelmendi u mundua gjatë tërë kohës ta udhëzojë me mbështetje dhe mesazhe të njëpasnjëshme në këtë takim.
Kjo do të jetë medalja e dytë për Kosovën në këtë Evropian, pasi Distria Krasniqi fitoi medaljen e bronztë ditën e djeshme.
Kosova është duke u përfaqësuar në këtë Evropian nga katër xhudistë: Distria Krasniqi (fitoi medaljen e bronztë), Flaka Loxha (u eliminua në repesazh), Akil Gjakova (është eliminuar gjatë ditës së sotme) dhe Laura Fazliu. /KultPlus.com
Xhudistja Laura Fazliu ka siguruar medalje për Kosovën, duke arritur kështu të kualifikohet për finalen e Kampionatit Evropian, shkruan KultPlus.
Fazliu pas një lufte të dominuar arriti të fitojë ndaj spanjolles Cristina Perez Cabana në kategorinë 63 kilogramë.
Kjo do të jetë medalja e dytë për Kosovën në këtë Evropian, pasi Distria Krasniqi fitoi medaljen e bronztë ditën e djeshme.
Kosova është duke u përfaqësuar në këtë Evropian nga katër xhudistë: Distria Krasniqi (fitoi medaljen e bronztë), Flaka Loxha (u eliminua në repesazh), Akil Gjakova (është eliminuar gjatë ditës së sotme) dhe Laura Fazliu. /KultPlus.com
Xhudistja nga Kosova, Laura Fazliu, është kualifikuar në gjysëmfinale të Kampionatit Evropian, i cili po mbahet në Sofje të Bullgarisë, shkruan KultPlus.
Fazliu arriti që pas vazhdimeve ta mposht Renata Zachovan nga Republika Çeke, derisa tani ajo do të luajë për finalen e madhe,
Kosova është duke u përfaqësuar në këtë Evropian nga katër xhudistë: Distria Krasniqi (fitoi medaljen e bronztë), Flaka Loxha (u eliminua në repesazh), Akil Gjakova (është eliminuar gjatë ditës së sotme) dhe Laura Fazliu. /KultPlus.com
Ekipi i xhudos i kthehet Evropianit, ku vitin e kaluar fitoi tri medalje.
Ekipi i xhudos do t’i kthehet Kampionatit Evropian, ku prej nesër e deri më 1 maj do të mbahet në Sofia të Bullgarisë.
Në Evropianin e fundit, të mbajtur në Lisbon të Portugalisë, ekipi i xhudos fitoi tri medalje, dy të arta dhe një të bronztë, me ç’rast e mbylli kampionatin në vendin e parë për nga numri i medaljeve të arta.
Këtë herë, ekipi do të përbëhet nga dy kampionët e Evropës nga viti i kaluar, Distria Krasniqi dhe Akil Gjakova, si dhe Flaka Loxha e Laura Fazliu.
Kampionia olimpike, Krasniqi, garon në kategorinë deri në 52 kilogramë, Gjakova në -73 kg, Loxha në -57 dhe Fazliu në -63 kg.
Kampionia olimpike, Nora Gjakova dhe medalistja e bronztë e botës 2019, Loriana Kuka, do të mungojnë shkaku i lëndimeve.
Distria dhe Flaka garojnë nesër, ndërsa Laura e Akili të shtunën. /KultPlus.com
Ekipi turk, Galatasaray ka arritur të fitojë Champions League në sportin e xhudos. Pjesë e skuadrës turke në xhudo janë edhe dy xhudistët kosovare Distria Krasniqi dhe Laura Fazliu.
Të dyja xhudistet kosovare me paraqitjet e tyre kanë qenë protagoniste dhe kanë ndihmuar skuadrën e Galatasarayt të fitonte komepticionin më të rëndësishëm për xhudon.
Kjo u bë e ditur nga trajneri Driton Kuka.
“Xhudistet e klubit tonë i huazuam për Ligën e Kampionëve për ekipin Galatasaray! Disi dhe Laura protagonistet kryesore në titullin e fituar në Champions League mbajtur në Paris! Fituan në të tri luftërat e tyre! Kjo edhe zyrtarisht ishte gara e fundit në sportin e xhudos për sivjet”, ka deklaruar trajneri Kuka. / KultPlus.com
Laura Fazliu ka treguar edhe njëherë potencialin e saj teksa e ka fituar medaljen e bronztë në European Open që po mbahet në Zagreb të Kroacisë.
Fazliu në luftë për të bronztën e mposhti me IPPON xhudisten çeke, Michaela Kulikova.
Xhudistja kosovare në gjysmëfinale u mposht nga xhudistja kroate, Iva Oberan.
Sot përveç Laurës garuan edhe Erza, Fationa e Flaka, por nuk arritën të siguronin medalje./ KultPlus.com
Xhudistja Laura Fazliu është kualifikuar në gjysmëfinale të garës European Open që po mbahet në Zagreb. Fazliu ka shënuar tri fitore deri më tani. Në çerekfinale e mposhti një ukrainase, ndërsa në gjysmëfinale takohet me kroaten Iva Oberan.
Erza Muminoviq është ndalë në çerekfinale dhe do të kërkojë medaljen e bronztë përmes repesazhit në kategorinë deri 52 kilogramë.
kategorinë deri 57 kilogramë, Fationa Kasapi u ndal në raundin e tretë. Ndërkohë Flaka Loxha ka fituar me “Ippon” në raundin e tretë dhe është në çerekfinale./kohanet/ KultPlus.com
Sot Laura Fazliu ka shënuar fitoren e dytë me radhë në Kampionatin Evropian të xhudos, i cili është duke u mbajtur në Portugali, përcjell KultPlus.
Fazliu e ka mposhtur holandezen Juul Franssen, fituesen në fuqi të medaljes së bronztë botërore. Kujtojmë se Franssen ka dy medalje botërore dhe një medalje evropiane nga viti i kaluar.
Fazliu realizoi hedhje për Waza-Ari që i mjaftoi për fitore dhe avancimin tutje në kategorinë deri 63 kilogramë. / KultPlus.com
Xhudistja kosovare, Laura Fazliu ka triumfur në pengesën e parë në Evropianin U-23.
Fazliu e ka mposhtur me ippon xhudisten ruse, Mariia Gryzlove, transmeton KultPlus.
Në kampionatin Evropian U-23 që po mbahet në Pore të Kroacisë po marrin pjesë edhe Flaka Loxha, Arbër Kullashi e Erza Muminoviq. / KultPlus.com
Ndeshja e parë e xhudistes Laura Fazliut në kategorinë prej -63 kilogramësh ishte ndaj përfaqësueses së Serbisë, Anja Obradoviq, në kuadër të turneut “Grand Slam” për xhudo që po mbahet në Budapest.
Fazliu e hapi llogarinë e fitoreve ndaj Obradoviq ku e mundi serben në raundin e parë kështu duke i shtuar gjasat vetës që të arrijë sa më shumë pikë Olimpike.
Ndeshja e radhës për Fazliun është kundër përfaqësueses së Hungarisë, xhudistes Szofi Ozbas. / KultPlus.com
Pas kampiones olimpike Majlinda Kelmendi, një tjetër shqiptare nga Kosova po shkëlqen në Xhudo. Laura Fazliu ka fituar medaljen e artë në Kampionatin Evropian në Dubrovnik Kroaci.
Xhudistja nga Kosova, Laura Fazliu ka shkëlqyer në Kupën Evropiane. Nga katër ndeshje ajo arriti të fitojë tre prej tyre, duke mbledhur 30 pikë, më së shumti nga pesë garueset në kategorinë 63 kilogramë.
Në ndeshjen e parë ajo e mposhti xhudisten serbe Anja Obradoviq, derisa në të dytën e ka mposhtur kroaten Iva Oberan. E në takimin e tretë, Fazliu triumfoi përballë xhudistës sllovene Lia Ludvik, para se ta humbas meçin e fundit ndaj serbes, Tea Tintor.
Ndërsa Flaka Loxha dhe Erza Muminoviqi u vlerësuan me medalje të bronztë.
Femrat shqiptare po shkëlqejnë jo vetëm në muzikën pop, por edhe në xhudo./ KultPlus.com
Xhudistja Laura Fazliu ka fituar medaljen e artë në Kampionatin Europian të Xhudos për Juniorë që po mbahet në Sarajevë të Bosnje dhe Hercegovinës.
Pas ceremonisë së ndarjes së medaljeve për fitueset në kategorinë 63 kilogramë, është intonuar edhe himni i Kosovës.
Ndryshe nga herët e tjera, himni është intonuar me tekst.
Më poshtë gjeni videon e ceremonisë së ndarjes së medaljeve dhe intonimin e himnit të Kosovës me tekst, të publikuar nga trajneri i xhudos, Driton Kuka
Himni i Kosovës, propozimi me titullin “Europa” i cili u miratua në një seancë të veçantë të Kuvendit me 72 vota për, 15 kundër dhe 5 abstenime, është kompozuar nga kompozitori Mendi Mengjiqi më 11 qershor të vitit 2008.
Përveç melodisë Himni i Kosovës, kishte edhe tekst por një gjë e tillë nuk u lejua.
Teksti i Himnit:
O mëmëdhe i dashur, vend i trimërisë
Çerdhe e dashurisë
N’ty shqipet fluturojnë
Dhe yjet ndriçojnë
Vendi i të parëve tonë
Ti qofsh bekue për jetë e mot
O nënë e jonë
Ne të dalim zot
O mëmëdhe i dashur, vend i trimërisë
Çerdhe e dashurisë.
./Kallxo.com/KultPlus.com