Kryeministri i Kosovës, Albin Kurti, përmes rrjeteve sociale ka njoftuar se Kosova ka përfunduar me sukses Kampionatin Botëror të Xhudos, duke fituar dy medalje falë paraqitjeve të shkëlqyera të Distria Krasniqit dhe Laura Fazliut.
Distria Krasniqi siguroi medaljen e argjendtë, ndërsa Laura Fazliu fitoi medaljen e bronztë – e dyta në karrierën e saj në këtë garë prestigjioze. “Me qetësi dhe vendosmëri, ajo u ngjit sërish në podiumin e shkëlqimit, duke dëshmuar vazhdimësinë dhe forcën e kampionëve tanë,” ka shkruar Kurti.
Me këto dy medalje, Kosova arrin në dhjetë numrin e përgjithshëm të medaljeve botërore në xhudo, që është dyfishi i medaljeve olimpike të fituara deri tani.
Kurti ka përgëzuar xhudistet, trajnerin Driton Kuka, Federatën e Xhudos dhe të gjithë komunitetin sportiv për suksesin./KultPlus.com
Distria Krasniqi i ka siguruar Kosovës edhe një tjetër medalje të madhe në xhudo.
Krasniqi është kualifikuar në finale të Kampionatit Evropian në Zagreb, duke e siguruar kështu medaljen.
Me tri fitore dhe një tjetër pa luftë, Distria Krasniqi, u kualifikua në finale të Kampionatit Evropian të xhudos, që po mbahet në Zagreb”, thuhet në njoftimin e Komitetit Olimpik të Kosovës./KultPlus.com
Distria Krasniqi e ka filluar me fitore bindëse paraqitjen në Kampionatin Evropian të xhudos në Zagreb.
Disitra është bartëse e parë në kategorinë deri 52 kilogramë. Në xhiron e parë ishte e lirë, ndërsa në të dytën e mposhti ukrainasen Anna Borodina. Ndaj saj realizoi uazari të shpejtë e më pas konfirmoi fitoren me Ippon, me mbërthim.
Flaka Loxha u ndal në luftën e parë në kategorinë deri 57 kilogramë. Ajo humbi në kohën shtesë nga kroatja Tihea Topolovec. Flaka i pësoi tri dënime.
Distria Krasniqi ka firuar medaljen e artë në Geand Slamin e Parisit, në qytetin ku pas gjashtë muajve, do të organizohen Lojërat Olimpike, përcjell KultPlus.
Lajmi është bërë i ditur nga Komiteti Olimpik i Kosovë.
Në vijim KultPlus ua sjell postimin e KOK:
E A R T A D I S I
Distria Krasniqi fitoi medaljen e artë në Grand Slamin e Parisit, qytetin ku pas gjashtë muajsh organizon Lojërat Olimpike Paris 2024.
Distria Krasniqi po vazhdon me paraqitje fantastike në Grand Slamin e xhudos që po mbahet në Paris.
Kampionia olimpike ka arritur të kualifikohet në gjysmëfinale në kategorinë deri në 52 kilogramë, shkruan Gazeta Express.
Krasniqi në çerekfinale e mundi xhudisten nga Emiratet e Bashkuara Arabe, Khorloodoi Bishrelt, pasi kjo e fundit mori tri penalizime, për t’u diskualifikuar nga gara.
Kësisoj, Distria në gjysmëfinale do të përballet me japonezen, Kisumi Omori.
Kujtojmë se Nora Gjakova u ndal në çerekfinale, por është ende në garë për medaljen e bronztë.
Në anën tjetër, Flaka Loxha u eliminua në raundin e tretë. / KultPlus.com
Sot është publikuar ranglista e freskuar botërore e xhudos, shkruan KultPlus.
Trajneri Driton Kuka ka njoftuar për këtë përmes një postimi në “Facebook”.
“Sot Ranglista Botërore e Xhudos … Kosova në dy kategori numër 1! Disi 52 kg Laura 63 kg Kaq prej xhudos për sonte! Laura për herë të parë mban numrin 1 në Ranglistën Botërore”, shkruan ai.
Suksesi madhështor i Distria Krasniqit po vazhdon, ndërsa suksese të mëdha ka arritur edhe Laura Fazliu. /KultPlus.com
Distria Krasniqi e ka fituar medaljen e argjendtë në Grand Slamin, që po mbahet në Azerbajxhan.
Distria në finale u mposht nga japonezja Kisumi Omori, në kategorinë deri në 52 kilogramë.
Përndryshe, Distria në xhiron e parë ishte e lirë, në xhiron e dytë ajo mposhti me Wazaari, garuesen nga Brazili, Jessica Pereira.
Në çerekfinale mposhti me Ippon në sekondat e para, garuesen nga Maroku, Soumiya Iraoui.
Distria në gjysmëfinale mposhti me tri dënime për Ippon në vazhdime, garuesen italiane, Odette Giuffrida, nënkampione olimpike nga Rio 2016./KultPlus.com
Kampionet olimpike, Distria Krasniqi dhe Nora Gjakova, janë kualifikuar në finale të Grand Slamit të xhudos, që po mbahet në Baku të Azerbajxhanit, përcjell KultPlus.
Krasniqi (-52 kg) fitoi tri luftëra, ndërsa Nora (-57 kg) katër.
Lajmin e ka bërë të ditur Ministria e Kulturës, Rinsë dhe Sportit duke ju dëshiruar suksese në finale. / KultPlus.com
Me të arritur suksesin në “Mastersin” në Budapest xhudoja kosovare ka prekur një nivel të ri, xhudistja Distria Krasniqi është ranguar si e para në botë, këtë më herët e kishte arritur vetëm Majlinda Kelmendi.
Federata Ndërkombëtare e Xhudos e ka ranguar prej të gjitha kategorive Distria Krasniqin të parën.
Xhudistja ka ndërruar kategori në vjeshtën e vitit 2021, ajo kishte fituar të artën olimpike në kategorinë 48 kilogramë me pas kaloi në kategorinë 52 kilogramë dhe tani është më e ranguara me 8,280 pikë si e para në botë./ KultPlus.com
Sportistja kosovare, Distria Krasniqi tashmë është shpallur xudistja më e mirë në botë për kategorinë deri në 52 kilogramë.
Federata Ndërkombëtare e Xhudos ka treguar renditjen ku xhudistja kosovare ka mbledhur 7 mijë e 275 pikë, duke lënë prapa xhudisten britanike, Chelsie Giles, e cila ka marrë 7 mijë e 10 pikë dhe japonezen Uta Abe, e cila i ka 6 mijë e 800 pikë. / KultPlus.com
Distria Krasniqi ka kaluar në rrethin e tretë të Kampionatit Botëror të xhudos, i cili ka nisur sot në Katar.
Xhudistja kosovare e kaloi rrethin e parë në kategorinë deri në 52 kilogramë pa luftë, ndërsa në atë të dytë e eliminoi gjermanen Mascha Ballhaus, shkruan “Gazeta Express”.
Kampionia olimpike kosovare shihet si njëra prej favoriteve për ta fituar medaljen e artë në Botërorin e Dohas.
Në kategorinë e “Disit” garoi edhe Erza Muminoviq, e cila u ndal qysh në luftën e parë. / KultPlus.com
Sukseset e Kosovës në sport kanë rezultuar që kjo e fundi të ngritet në piedestalet më të larta të botës dhe emri i Kosovës e himni i saj të jehoi edhe në vendet të cilat nuk e kanë njohur vendin më të ri në Evropë, shkruan KultPlus.
Për të shkruar rreth sukseseve të Kosovës në xhudo, ju duhet të bëni kërkime më të mëdha, kjo për faktin se sukseset në këtë sport për Kosovën janë shumë më të mëdha sesa në shumë sporte të tjera.
Distria Krasniqi, Nora Gjakova, Flaka Loxha, Laura Fazliu, Akil Gjakova e Loriana Kuka, shijuan suksese të jashtëzakonshme këtë vit, duke dëshmuar edhe një herë tjetër fuqinë që sporti ka si një ambasador nëpër shtete të ndryshme. Të prirë nga trajnerët Driton Kuka dhe Majlinda Kelmendi, xhudistët nga Kosova patën shumë suksese këtë vit.
Distria Krasniqi
Duke filluar nga Grand Prix në Portugali më 28 janar, ku zuri vendin e parë, Distria Krasniqi, shijoi suksese të shumta këtë vit. Fitoi medalje të argjendtë në Grand Slam të Parisit, ndërsa ishte e para në Grand Slamin “Tbilisi”, “XIX Mediterranean Games 2022” dhe “Jerusalem Masters 2022”.
Loriana Kuka & Laura Fazliu
Që të dyja ishin në formën e tyre më të mirë të karrierës. Kuka e cila shijoi suksese në “Sarajeva European Open 2022”, duke fituar vendin e parë dhe “XIX Mediterranean Games 2022”, duke u stolisur edhe një herë tjetër me medaljen e artë. Ndërkaq, Fazliu në kategorinë (-63 kg.) fitoi në përballje me Flavia Favorini për të fituar vendin e parë dhe gjithashtu pati suksese të mëdha edhe në “”XIX Mediterranean Games 2022”.
Granit Xhaka
Granit Xhaka qeshi i fundit në përballjen me Serbinë në Kupën e Botës të mbajtur në Katar këtë vit. Kapiteni i Arsenalit ishte në qendër të një përleshjeje masive mes dy grupeve të lojtarëve pas një përplasjeje me mbrojtësin serb, Nikola Milenkoviç. Milenkoviç po tentonte të mbronte topin për një goditje goli kur u përplas me Xhakën dhe shtyu mesfushorin. Xhaka nuk u ndal dhe dyshja u përball me lojtarët nga të dyja palët duke u përfshirë në një përleshje që gradualisht u kthye në mes të parkut. Të dy lojtarët morën karton të verdhë për problemet e tyre, me Xhakën që duhej të tërhiqej nga skena nga shokët e skuadrës ndërsa tensionet vazhduan të përshkallëzoheshin. Xhaka u kurorëzua si më i miri i ndeshjes, në fitoren 3-2 të Zvicrës ndaj Serbisë. Ai u vlerësua shumë për gjestin e madh që bëri në këtë takim, duke veshur maicën me emrin “Jashari” përpara gjithë stadiumit.
Xherdan Shaqiri
Paraqitjet briliante të Shaqirit në Kupën e Botës, nuk kanë munguar asnjëherë. Në këtë rast, Shaqa ndan një rekord të madh së bashku me dyshen e jashtëzakonshme, Cristiano Ronaldo dhe Lionel Messi, duke qenë lojtarët e vetëm që kanë shënuar në tre botëroret e fundit. Për shqiptarët ishte gëzim edhe më i madh, për arsye se Shaqiri shënoi në portën e Serbisë, në fitoren 3-2 në Kupën e Botës.
FC Ballkani
Përpos që fituan për herë të parë në historinë e klubit të tyre, trofeun e Superligës së Kosovës, ekipi nga Suhareka shkroi histori edhe për diçka tjetër. Kosova për herë të parë po përfaqësohej në arenën ndërkombëtare nga një klub i Superligës së Kosovës dhe ishte pikërisht Ballkani që e bëri këtë gjë. Ballkani arriti që të fitojë një ndeshje, të barazojë një tjetër dhe të humb katër herë në mungesë të fatit dhe përgatitjeve të duhura për takimet evropiane. Me katër pikë të grumbulluara, historia e shkruar nga Ballkani do të jetë e pranishme çdo herë.
Kosova
Më 24 mars të këtij viti, Kombëtarja e Kosovës shënoi një fitore të madhe në takimin miqësor ndaj Burkina Faso, duke fituar me rezultat 5-0. Viti për Kosovën filloi mbarë. Më pas, në një tjetër takim miqësor, Kosova barazoi 1-1 me kombëtaren e Zvicrës, për të fituar më pas në kuadër të Nations League me rezultat 2-0 ndaj Qipros. Forma e mirë e Kosovës nuk ishte e tillë edhe në takimin me Greqinë, kur humbi 1-0 si mysafire më 5 qershor të vitit 2022. Edhe pse shënoi fitore në takimin me Irlandën e Veriut, 3-2, Kosova humbi edhe një herë tjetër nga Greqia, 2-0, dhe më pas edhe Irlanda e Veriut u hakmarr me rezultat 2-1 për të përfunduar ëndrrën e Kosovës në Nations League. Takimin e fundit në Nations League, Kosova e fitoi 5-1 në takim me Qipron. Ndërkaq, dy takimet e fundit, ai ndaj Armenisë dhe Ishujve Faroe përfunduan me barazim. 2-2 ndaj Armenisë dhe nga një gol shënuan secila kombëtare, Kosova e Ishujt Faroe më 19 nëntor.
Donjeta Sadiku
Boksierja Donjeta Sadiku mori medaljen e bronztë në Kampionatin Evropian të Budva, një sukses historik. Ajo gjithashtu siguroi medaljen botërore në Kampionatin Botëror të Boksit, që u mbajt në Stamboll të Turqisë.
Getta Beqa
Getta Beqa fitoi dy medalje ari në Kampionatin Mesdhetar IFBB, Maltë duke siguruar një sukses të madh në arenën ndërkombëtare. /KultPlus.com
Distria Krasniqi e ka fituar medaljen e artë në Mastersin e xhudos “Jerusalem 2022”.
Xhudistja kosovare e përsëriti këtë sukses për herë të katërt. Në finale të kategorisë deri në 52 kilogramë, Distria e mposhti britaniken, Chelsie Giles.
Ndërsa, 27-vjeçarja raundin e parë e kaloi pa luftë, teksa pastaj mposhti spanjollen, Ana Perez Box. Në gjysmëfinale triumfoi kundër Reka Pupp të Hungarisë.
Kampionia olimpike fitoi edhe 1800 pikë olimpike “Paris 2024”.
Më vonë do të luftojë edhe Nora Gjakova për medaljen e bronztë. / KultPlus.com
Në Mastersit të Jerusalemit, Distria Krasniqi është kualifikuar në finale, përderisa Nora Gjakova i është afruar medeljes së bronztë, shkruan KultPlus.
Distria e la pas hungarezen Reka Pupp, kurse në finale do të jetë përballë britanikes Chelise Giles./ KultPlus.com
Kampionia olimpike e Kosovës, Distria Krasniqi, feston ditëlindjen e saj të 27-të, shkruan KultPlus.
Krasniqi konsiderohet si një nga sportistet më të suksesshme në historinë e Kosovës.
Edhe trajneri Driton Kuka e ka uruar atë, përmes një postimi në “Facebook”.
“Urime Disi! Ditëlindja e Kampiones sonë Olimpike! 100 të lumtura dhashtë Zoti”, shkruan Kuka.
Ajo mori një medalje të artë në garën e xhudos 48 kg në Lojërat Olimpike Verore 2020 në Tokio. Në gusht të vitit 2021, ajo u nderua me dekoratën “Nderi i Kombit “të Shqipërisë nga Presidenti i Shqipërisë. /KultPlus.com
Distria Krasniqi, kampione olimpike, aktualisht është në garë për ekipin e Galatasaray të Turqisë në Ligën e Kampionëve në Xhudo, shkruan KultPlus.
Kjo ngjarje e nivelit të lartë është për klubet evropiane të xhudos.
Marrëdhëniet e Federatës Kosovare me Galatasarayn janë shumë të mira, prandaj shpesh here kemi parë xhudistet nga Kosova që të përfaqësojnë ekipin turk.
Distria e nisi garën me një fitore mjaft të bukur. /KultPlus.com
Ekipi i Kosovës në xhudos do të marrë pjesë në garën më të rëndësishme, që prej përfundimit të Lojërave Olimpike Tokio 2020. Është Kampionati Botëror i xhudos, që prej 6 deri më 13 tetor 2022 do të mbahet në Tashkent të Uzbekistanit.
Kosova përfaqësohet me katër garuese. Ekipit i prinë Distria Krasniqi, që garon në kategorinë deri në 52 kilogramë, Flaka Loxha (-57 kg), Laura Fazliu (-63 kg) dhe Loriana Kuka (-78 kg).
Krasniqi është kampione olimpike Tokio 2020 dhe medaliste e bronztë e botës 2019, Kuka është medaliste e bronztë e botës 2019, ndërsa Fazliu që po shijon formë të mirë këtë vit, është nënkampione e Evropës 2022. Loxha dalëngadalë po ngritet në nivele të larta. Të gjithë janë bursistë olimpikë për Lojërat Olimpike Paris 2024.
Botërorit do t’i mungojnë familja Gjakova, Nora dhe Akili. Të dy sipas trajnerit Driton Kuka mungojnë shkaku i lëndimeve. Nora është kampione olimpike Tokio 2020, ndërsa vitin e kaluar fitoi medaljen e bronztë në Botëror, në kategorinë -57 kg. Akili është kampion i Evropës 2021, kategoria -73 kg dhe vendi i shtatë në Tokio 2020.
“Xhudistët tanë nisin garat të premten, kur në tatami është Krasniqi. Loxha, garon të shtunën, Fazliu të dielën, ndërsa të martën Kuka”, thuhet në njoftimin e Komitetit Olimpik të Kosovës.
Kampionati Botëror është gara që sjell më së shumti pikë olimpike për Paris 2024.
Ndërkaq, Krasniqi mbetet një nga favoritet për të sjellë medalje në Kosovë. /KultPlus.com
Kryeministri i Shqipërisë, Edi Rama, kishte njoftuar para disa javëve se kampionia olimpike nga Kosova, Distria Krasniqi, do të jetë pjesë e Ministrisë së Mbrojtjes dhe Forcave të Armatosura, shkruan KultPlus.
Përmes një njoftimi në rrjete sociale, Ministria e Mbrojtjes ka shpërndarë një fotografi të Krasniqit, duke shkruar se Ti ke forcën që nderon kombin’.
“Distria KRASNIQI, xhudistja e pamposhtur nga Kosova fitoi medaljen e artë në Lojërat Olimpike “Tokio 2020”. E para në botë në kategorinë deri në 48 kilogramë me 5,920 pikë. Distria, është pjesë e Ministrisë së Mbrojtjes dhe Forcave të Armatosura që nga viti 2021”, thuhet në postimin e tyre.
Ndërkaq, Krasniqi po bëhet gati edhe për Lojërat Olimpike 2024, që do të mbahen në Paris. /KultPlus.com
Gjatë ditës së sotme është njoftuar se Distria Krasniqi dhe Nora Gjakova do të jenë pjesë e Forcave të Armatosura të Shqipërisë në kuadër të Ministrisë së Mbrojtjes, shkruan KultPlus.
Përmes një postimi në “Facebook”, Kuka, ka thënë se me këtë vendim po avancohen të drejtat e sportistëve që arrijnë rezultate kulminante.
Ai gjithashtu ka thënë se Qeveria Shqiptare duhet që patjetër të parasheh që punësimi të jetë praktikë edhe për trajnerët.
Postimi i plotë:
“Kampionet Olimpike do jenë me vendim të qeverisë Shqiptare bartëse të titullit të Nderit- Kolonel të Ushtrisë Shqiptare,të kuptohem Grada Nderi dhe poashtu do kenë paga Mujore! Kryeministri Shqiptar Edi Rama me këtë vendim po avancon të drejtat e sportistëve që arrijnë rezultate Kulminante! Luiza Gega dhe Briken Calja poashtu do mbajnë gradën e nderit Kolonel. Praktika e Shtetit Shqiptar është praktikë në pothuajse çdo shtet Evropian! Praktikë që jemi duke e diskutuar me Ministrin Çeku të filloj edhe në Kosovë.Patjetër që duhet kritere të veçanta e jo ndryshe! Por që është praktikë e mirë sdiskutohet aspak. Qeveria Shqiptare patjetër duhet të parasheh që punësimi të jetë praktikë edhe për trenerët! Prapë me kritere të veçanta.Spo flas për veten time aspak! Nga Shteti Shqiptar do doja vetëm Pasaportën Shqiptare sepse e kam për zemër!Krenar me Sportistët tanë Shqiptar kudo që janë Shqipëri e Kosovë …Pa komente politike ju lutem”, thuhet në postimin e Driton Kukës. /KultPlus.com
