Ambasada amerikane në Kosovë uron Distrian dhe Flakën: Po bëni krenarë shtetin

Distria Krasniqi dhe Flaka Loxha kanë arritur që t’i sigurojnë Kosovës medaljet e para në Lojërat Mesdhetare në Ohan të Algjerisë, shkruan KultPlus.

Krasniqi, e cila shkëlqeu gjatë gjithë rrugëtimit të saj, fitoi medaljen e artë në fund.

Ndërkaq, Loxha përmes repesazhit triumfoi me sukses drejt medaljes së bronztë.

Për këtë sukses, Ambasada e Shteteve të Bashkuara në Kosovës kanë uruar fitueset.

“Urime Distria dhe Flaka 🥇 🥉Po e bëni krenare Kosovën”, shkruhet në postimin e tyre në “Facebook”. /KultPlus.com

Trajneri Kuka: Dita 1 – një e artë, një e bronztë, një vend i shtatë

Xhudoja sot i solli medalje Kosovës në Lojërat Mesdhetare që po mbahen në Oran të Algjerisë.

Distria Krasniqi sot e fitoi medaljen e artë, kurse Flaka Loxha të bronztën.

Krasniqi ishte e pakompromis në kategorinë deri në 52 kilogramë, duke e fituar çdo ndeshje.

Në anën tjetër, Flaka Loxha fitoi medaljen e bronztë në kategorinë deri në 57 kilogramë.

Pas këtij suksesi, ka ardhur reagimi nga trajneri i tyre, Driton Kuka.

“Dita 1. Një e artë, një e bronztë, një vend i shtatë. Lojërat Mesdhetare Algjeri. Kosova power”, shkroi Kuka. / KultPlus.com

Ministri Çeku: Krenari dhe emocion i madh, një paraqitje fantastike e Distrisë në Lojërat Mesdhetare

Distria Krasniqi ka vazhduar formën e jashtëzakonshme dhe arriti që t’i sigurojë Kosovës medaljen e parë dhe atë të artë në Lojërat Mesdhetare “Oran 2022”, shkruan KultPlus.

Me këtë rast, ministri i Ministrisë së Kulturës, Rinisë dhe Sportit, Hajrulla Çeku ka përgëzuar Krasniqin për medaljen e artë.

KultPlus më poshtë ua sjell reagimin e tij të plotë:

Xhudistja jonë Distria Krasniqi përsëri e artë🥇

Krenari dhe emocion i madh, një paraqitje fantastike e saj në Lojërat Mesdhetare në Oran të Algjerisë.

Faleminderit Distrias por dhe të gjithë sportistëve tanë për përfaqësimin dinjitoz të shtetit tonë në këto gara.

Me punën dhe përkushtimin tuaj jeni shëndrruar në frymëzim për të rinjtë e për të gjithë ne. / KultPlus.com

Distria Krasniqi e artë në Lojërat Mesdhetare

Distria Krasniqi vazhdon formën e jashtëzakonshme dhe arrin që t’i sigurojë Kosovës medaljen e parë dhe atë të artë në Lojërat Mesdhetare “Oran 2022”, shkruan KultPlus.

Ajo arriti që të fitojë me lehtësi në finale ndaj kroates Ana Puljiz.

Xhudistët nga Kosova po udhëhiqen nga Majlinda Kelmendi së bashku me Driton Kukën.

Ndërkaq, ditëve në vazhdim Kosova do të përfaqësohet edhe nga sportistë të tjerë. / KultPlus.com

Distria Krasniqi me shumë sukses kalon në gjysmëfinale të Lojërave Mesdhetare

Kampionia olimpike, Distria Krasniqi, dëshmon cilësitë edhe në LM Oran 2022.

Ajo e nisi mbarë garimin, duke mundur qiprioten Sofia Asvesta, kategoria 52 kg.

“I urojmë fat edhe në gjysmëfinale Krasniqit”, shkruhet në njoftimin e Komitetit Olimpik të Kosovës.

Krasniqi mund të jetë garuesja e parë nga Kosova që fiton medalje në këto Lojëra Mesdhetare. /KultPlus.com

Sportistët nga Kosova në gjueti për medalje në Lojërat Mesdhetare

Sportistët nga Kosova do të vazhdojnë sot në ditën e 4-të të Lojërave Mesdhetare në Ohan të Algjerisë, shkruan KultPlus.

Duke filluar nga kampionia olimpike, Distria Krasniqi, e deri te Shpejtim Bajoku në boks.

Ndiqeni më poshtë orarin e plotë të sportistëve, ditë në të cilën pritet që Kosova të fitojë medalje. /KultPlus.com

Paraqitje madhështore, Distria Krasniqi e artë në Grand Slam të Tbilisit

Distria Krasniqi u përballë në finale me Reka Pupp në kategorinë 52 kilogramë, shkruan KultPlus.

Krasniqi vërtetoi shkronjat e saj të arta në shpinë, duke arritur që me shumë lehtësi dhe stil unik të fitojë medaljen e artë në Grand Slam të Tbilisit.

Rrugëtimi i Krasniqit në Grand Slam të Tbilisit filloi fillimisht pa meç në rrethin e parë, ndërsa mposhti më pas brazilianen Maria Taba për të kaluar në çerekfinale.

Ndërkaq, me fitore kaloi edhe ndaj holandezes Naomi Van Krevel dhe fitoi edhe në gjysmëfinale ndaj francezes Astride Gneto.

Krasniqi është një prej xhudistëve më të mira nga Kosova dhe deri tani ka arritur që të fitojë 37 medalje në karrierën e saj. /KultPlus.com

Kosova siguron medalje, Krasniqi kualifikohet në finale në Grand Slam të Tbilisit

Distria Krasniqi është ndeshur në gjysmëfinale me francezen Astride Gneto në Grand Slam të Tbilisit, shkruan KultPlus.

Pas një meçi të vështirë, Krasniqi arriti që në fund të kualifikohet në finale dhe tani shteti i Kosovës veçse ka siguruar medaljen e radhës.

Distria në finale do të luajë ndaj hungarezes Reka Pupp. /KultPlus.com

Distria Krasniqi vazhdon gjuetinë për medalje, kualifikohet në gjysmëfinale

Distria Krasniqi është në gjueti të medaljes në Grand Slamin e Tbilisit, duke arritur kualifikimin në gjysmëfinale, shkruan KultPlus.

Në përballje me Naomi Van Krevel, Krasniqi tregoi shpirtin e saj luftarak dhe fitoi takimin me IPPON.

Krasniqi do të përballet në gjysmëfinale me francezen Astride Gneto.

Kosova në këtë Grand Slam është duke garuar vetëm me Distria Krasniqin. /KultPlus.com

Distria Krasniqi kualifikohet në çerekfinale në Grand Slamin e Tbilisit

Distria Krasniqi po shkëlqen në aventurën e saj në Grand Slamin e Tbilisi, duke u kualifikuar në çerekfinale, shkruan KultPlus.

Xhudistja nga Kosova arriti që të fitojë në raundin e dytë ndaj Maria Taba, duke fituar në Golden Score me një waza-ari.

Raundi i parë për Krasniqin kaloi pa luftë, derisa në çerekfinale do të ndeshet me xhudisten holandeze, Naomi Van Krevel.

Kosova në këtë Grand Slam është duke garuar vetëm me Distria Krasniqin. /KultPlus.com

Çeku për fitoret e xhudos: Rezultatet e tyre ndërkombëtare janë krenari për shtetin tonë

Ministri i Kulturës, Rinisë dhe Sportit, Hajrulla Çeku ka ndjekur nga afër ekspeditën e ekipit të xhudos së Kosovës që ka pasur në Kampionatin Evropian në Sofje të Bullgarisë, shkruan KultPlus.

I pari i Kulturës ka uruar në llogarinë zyrtare në “Facebook”, punën e jashtëzakonshme të sportistëve në këtë ngjarje madhore për vendin.

Postimi i plotë i Çekut:

“Në europianin e xhudos në Sofje, Laura fiton të argjendtën, Disi të bronztën. Kampionatin Europian 2022 që po mbahet në Sofje të Bullgarisë e nisëm me medaljen e bronztë të Distria Krasniqit, kampiones sonë olimpike. Suksesi vazhdoi edhe sot, në ditën e dytë, kur Laura Fazliu fitoi medaljen e argjendtë duke e marr titullin e nën-kampiones europiane. Paraqitje të mirë në kampionat patën edhe Flaka Loxha dhe Akil Gjakova. Kënaqësi e papërshkrueshme të përcjell nga afër ekipin tonë të xhudos. Rezultatet e tyre ndërkombëtare janë krenari për shtetin tonë. Mirënjohje të veçantë dhe përgëzime të përzemërta kryetarit të Federatës së Xhudos Agron Kuka, trajnerit Driton Kuka dhe xhudisteve e xhudistëve tanë të shkëlqyer”, ka shkruar Çeku.

Kosova në dy Kampionatet e fundit Evropiane ka arritur që të fitojë pesë medalje. /KultPlus.com

Laura Fazliu afër finales, Kosova vazhdon suksesin në xhudo

Xhudistja nga Kosova, Laura Fazliu, është kualifikuar në gjysëmfinale të Kampionatit Evropian, i cili po mbahet në Sofje të Bullgarisë, shkruan KultPlus.

Fazliu arriti që pas vazhdimeve ta mposht Renata Zachovan nga Republika Çeke, derisa tani ajo do të luajë për finalen e madhe,

Kosova është duke u përfaqësuar në këtë Evropian nga katër xhudistë: Distria Krasniqi (fitoi medaljen e bronztë), Flaka Loxha (u eliminua në repesazh), Akil Gjakova (është eliminuar gjatë ditës së sotme) dhe Laura Fazliu. /KultPlus.com

Për të 10-tin vit radhazi fiton medalje në Kampionatin Evropian, Kuka: Kosova mbi të gjitha

Kosova ka filluar suksesshëm Evropianin në sportin e xhudos, i cili po mbahet në Sofje të Bullgarisë, duke fituar medalje përmes Distria Krasniqit, shkruan KultPlus.

Trajneri Driton Kuka ka thënë që edhe kur nuk ecin gjërat sipas planit prapë një medallje vjen për Kosovën, kjo për faktin se Krasniqi fitoi medaljen e bronztë.

Postimi i plotë i Kukës:

“Medalja Elitare e para për sivjet u fitua…
Xhudo edhe kur nuk ecin gjërat sips planit prapë sjell medalje për Kosovën!
Distria e bronztë …
Kampionati Evropian për të rritur!
Kategoria e saj e re 52 kg!
Edhe në një ditë jo të mirë me disponim për luftë Distria merr medaljen e radhës!
Flaka Loxha vendi i 7 me dy fitore e dy humbje kategoria 57 Kg!
Plasmani i saj më i mirë në gara zyrtare për të rritur.
Meritoj plasman më të mirë ndoshta edhe medalje,por me randësi që tregoj që i përket kreut të xhudos Evropiane
Neser garojnë Akili e Laura shpresojmë në rezultat e medalje!
Kënaqësi që gjatë garës kishim mysafir Ministrin Çeku gjatë tërë ditës ishte me ekipin e tij në përkrahje të sportistëve tanë.
Mirënjohje edhe Ambasadorit të Kosovës në Bullgari dhe stafit të Ambasadës!
E unë si trener po jau shpalos një gëzim  timin si trener!
Është viti i 10 me radhë që kemi fituar medalje në Kampionate Evropiane për të rritur!
E kemi filluar me 2013 e sivjet 2022 bahen plot dhjetë vite që kthehemi me medalje nga Evropiani për të rritur.
Kosova mbi të gjitha …
Xhudo për Kosovën e popullin Shqiptar po vazhdon tutje”. /KultPlus.com

Ministri Çeku prezent në suksesin e Krasniqit dhe Loxhës në Evropian

Distria Krasniqi ka arritur që të fitojë medaljen e bronztë në Evropianin që po mbahet në Sofje të Bullgarisë, derisa Flaka Loxha ka zënë vendin e shtatë në këto gara, shkruan KultPlus.

Ministria e Kulturës, Rinisë dhe Sportit përmes një postimi në “Facebook”, ka njoftuar për fitoren dhe suksesin e Kosovës, duke treguar se i pranishëm ishte edhe Hajrulla Çeku.

Postimi i plotë:

“Distria Krasniqi fiton medaljen e bronztë

Kampionia olimpike Distria Krasniqi fitoi medaljen e bronztë në Evropianin e xhudos që po mbahet në Sofia. Ajo mundi gjermanen Mascha Ballhaus në kategorinë -52 kg.

Flaka Loxha (-57 kg), zuri vendin e shtatë, suksesi më i madh i saj në Evropianin e seniorëve.

Garat i përcolli nga afër edhe Ministri i Kulturës, Hajrulla Çeku“. /KultPlus.com

Distria Krasniqi fiton medalje në Evropianin 2022

Distria Krasniqi ka arritur të fitojë medaljen e bronztë në Kampionatin Evropian që po mbahet në Sofje të Bullgarisë, shkruan KultPlus.

Krasniqi ndonëse pati probleme në ndeshjen ndaj Amandine Buchard, në fund gjithsesi arriti të sigurojë medalje për vendin e Kosovës.

Distria përfundoi e treta në kategorinë deri 52 kilogramë, duke fituar ndaj gjermanes Mascha Ballhaus.

Për Distrinë është medalja e katërt në kampionate evropiane, derisa ajo ka edhe një të bronztë tjetër, një të argjendtë e një të artë.

Kosova është duke u përfaqësuar në këtë Evropian nga katër xhudistë: Distria Krasniqi, Flaka Loxha (u eliminua në repesazh), Akil Gjakova dhe Laura Fazliu, të cilët luajnë nesër. /KultPlus.com

Rikthimi i kampionëve, ekipi i xhudos gati për Evropianin 2022

Ekipi i xhudos i kthehet Evropianit, ku vitin e kaluar fitoi tri medalje.

Ekipi i xhudos do t’i kthehet Kampionatit Evropian, ku prej nesër e deri më 1 maj do të mbahet në Sofia të Bullgarisë.

Në Evropianin e fundit, të mbajtur në Lisbon të Portugalisë, ekipi i xhudos fitoi tri medalje, dy të arta dhe një të bronztë, me ç’rast e mbylli kampionatin në vendin e parë për nga numri i medaljeve të arta.

Këtë herë, ekipi do të përbëhet nga dy kampionët e Evropës nga viti i kaluar, Distria Krasniqi dhe Akil Gjakova, si dhe Flaka Loxha e Laura Fazliu.

Kampionia olimpike, Krasniqi, garon në kategorinë deri në 52 kilogramë, Gjakova në -73 kg, Loxha në -57 dhe Fazliu në -63 kg.

Kampionia olimpike, Nora Gjakova dhe medalistja e bronztë e botës 2019, Loriana Kuka, do të mungojnë shkaku i lëndimeve.

Distria dhe Flaka garojnë nesër, ndërsa Laura e Akili të shtunën. /KultPlus.com

Vajzat dhe gratë e Kosovës që shkëlqyen në botë – Distria Krasniqi

KultPlus ju sjell 25 vajzat dhe gratë e Kosovës që u shndërruan në zërin e vajzave, djemve, grave dhe burrave të Kosovës.

Vajzat dhe gratë e Kosovës po vazhdojnë të shkëlqejnë në fusha të ndryshme, duke shndritë nëpër botë.

Me rastin e 8 Marsit, KultPlus ka përzgjedhë 25 vajza e gra që nëpërmjet fjalimeve, performancës, muzikës, sportit, filmit e biznesit kanë ngritë dhe kanë përfaqësuar vendin në mënyrë dinjitoze, e duke shndërruar Kosovën në një Kosovë të artë, në një Kosovë që synon Oscar, në një Kosovë që me rrëfimet e nxjerra po nga ky vend, i ka treguar botës po për dhimbjen, kurajën dhe guximin e vajzave dhe grave të vendit më të ri në kontinentin e vjetër.

Po këto vajza dhe gra u shndërruan në inspirimin e shumë vajzave, djemve, grave e burrave, të cilët kuptuan se ëndrrat nuk duhet dhe nuk mbeten vetëm ëndrra.

Në vazhdim, KultPlus ua sjell xhudisten kosovare, Distria Krasniqi e cila ka shkëlqyer në “Grand Prix Almada 2022”.

Kampionia olimpike ia doli ta fitojë medaljen e artë në garën që u mbajt në Portugali.

Gjithashtu, Distria Krasniqi është shpallur fituese e Medaljes së Artë në Lojërat Olimpike 2021.

Po ashtu, Federata Ndërkombëtare e Xhudos pati shpallur xhudisten nga Kosova, Distria Krasniqi, si xhudisten më të mirë për vitin 2021 në xhudo. / KultPlus.com

Driton Kuka krenar me Loriana Kukën: Rikthim i suksesshëm pas pauzës së gjatë

Xhudistja nga Kosova, Loriana Kuka, së fundmi është shpallur kampione në European Open Sarajevë, duke fituar medaljen e artë në finale, shkruan KultPlus.

Për këtë sukses, trajneri më i sukesshëm në histori të Kosovës, Driton Kuka, ka thënë se ishte një rikthim i suksesshëm pas pauzës së gjatë.

“European Open Sarajevë!
Kupë Botërore …
Loriana Kuka e artë!
Comeback i suksesshëm pas pauzês së gjatë!
Shënoj 4 fitore në finale mposhti Italianen Politi dhe kështu nisi rrugëtimin e saj drejt Paris 2024!
Shpati Zekaj vendi 7 plasman solid jam i sigurt që do avancoj tutje!
Fatjona e Fisniku shenuan nga një fitore mandej pësuan u plasuan 09-16 në kategoritë e tyre!
Pa plasman mbeti Arbër Kullashi”, shkroi trajneri në “Facebook”.

Distria Krasniqi në këtë muaj fitojë medaljen e argjendtë në Grand Slam të Parisit. /KultPlus.com

Një tjetër arritje madhështore, Krasniqi e argjendtë në Paris

Kampionia olimpike, Distria Krasniqi, me një tjetër sukses madhështor, fiton medaljen e argjendtë në Grand Slam të Parisit, shkruan KultPlus.

Amandine Buchar arriti që me shumë vështirësi të fitojë në përballje ndaj xhudistes nga Kosova, Distria Krasniqi.

Komentatorët e kësaj ndeshje e vlerësuan meçin si diçka të jashtëzakonshme, dhe ndoshta më të mirin në këtë garë.

Disi u tregua mjaftë e suksesshme në disa përpjekje të cilat i bëri, mirëpo në “Golden Score”, Buchar tregoi fuqinë e saj duke fituar medaljen e artë.

Kosova siguron medalje në Paris, Distria Krasniqi arrin në finale

Distria Krasniqi ka arritur të kualifikohet në finale të Grand Slamit në Paris, duke mposhtur zviceranen Fabienne Kocher me IPPON, shkruan KultPlus.

Krasniqi u tregua shumë e suksesshme në përballjet e saj dhe rrjedhimisht ka arritur kualifikimin në finale.

Chelsie Giles dhe Khorloodoi Bishtrelt janë kundërshtaret e mundshme të Krasniqit në finale.

Në Grand Prix të Portugalisë, Distria fitoi medaljen e artë dhe të njëjtën gjë po synon edhe tani. /KultPlus.com

Distria Krasniqi në ‘gjueti’ për medalje, siguron gjysmëfinalen në Paris

Xhudistja nga Kosova, Distria Krasniqi, pas një meçi shumë të vështirë ndaj kundërshtares Chelsie Giles, në fund ka arritur edhe ta fitojë përballjen, shkruan KultPlus.

Në Grand Slamin e Parisit, Krasniqi me shkronja të arta në shpinë si një kampione olimpike, ka siguruar gjysëmfinalen.

Në kategorinë 52 kilogramë, Krasniqi në gjysëmfinale do të përballet ndaj zviceranës Fabienne Kocher.

Kosova në këtë Grand Slam po përfaqësohet nga katër xhudistë. /KultPlus.com

Distria Krasniqi me fitore të madhe, në Paris mposht francezen Mosdier

Distria Krasniqi ka arritur që të marrë edhe një tjetër fitore në kuadër të Grand Slamit në Paris, shkruan KultPlus.

Disitra po përballet për herë të dytë në kategorinë -52 kilogramë dhe tani vazhdon rrugëtimin në raundin e tretë ku do të përballet me Chelsie Giles.

Në një përballje me nikoqiren Anais Mosdier, Krasniqi arriti që brenda 2 minutave të fitojë me IPPON.

Kosova po përfaqësohet me katër xhudistë në këtë garë, ku së bashku me Distrien janë edhe Akil Gjakova, Laura Fazliu dhe Flaka Loxha.

Presidentja Osmani: Distria Krasniqi me sukseset e saj prej kohësh është bërë ikona e Kosovës së sotme



Sot xhudistja kosovare Distria Krasniqi ka fituar medaljen e artë në Grand Prix të Portugalisë, duke bërë një popull shqiptar, krenarë, shkruan KultPlus.

Ndërsa sot Presidentja Vjosa Osmani nëpërmjet një postimi në rrjetet sociale e ka uruar xhudisten tonë, duke e cilësuar atë si një ikonë të sotme të Kosovës.

“Distria është fytyra e shtetit tonë, ajo është nderi dhe krenaria!”, ka shkruar Osmani.

Më poshtë gjeni postimi e plotë të saj:

Disi jonë fitoi medaljen e artë në Grand Prix të Portugalisë.

Krenare që sportistët tanë vazhdimisht po demonstrojnë formë fantastike në gara ndërkombëtare, duke e nderuar veten dhe shtetin.

Distria është fytyra e shtetit tonë, ajo është nderi dhe krenaria!

I lumtë që me sukseset e saj prej kohësh është bërë ikona e Kosovës së sotme! / KultPlus.com