Kthehet në muzeun e Apolonisë, një objekt i Luftës së Parë Botërore

Një kopje në “foreks” e një stele funerale të gjetur në Apoloni është dorëzuar sot në mjediset e muzeut arkeologjik nga Ambasadori i Austrisë në Tiranë Johan Sattler.

Objekti original është marrë nga Apolonia gjatë Luftës së Parë Botërore (blerë) dhe është ekspozuar në mjediset e Muzeut të Vjenës.

Tashmë kjo kopje në “foreks” do të jetë e ekspozuar në mjediset e muzeut arkeologjik të Apolonisë.

Në emër të bashkisë Fier e ka falënderuar ambasadorin Sattler, nënkryetarja, Enkelejda Peshkëpia.

Të pranishëm në këtë ceremoni simbolike ishin edhe drejtuesit e Institutit Arkeologjik të Austrisë, arkeologu Neritan Ceka, përfaqësues të institucioneve të ndryshme, specialistë të fushës së arkeologjisë etj. /A.T.SH./ KultPlus.com

Përkujtohet në Prishtinë armëpushimi i Luftës së Parë Botërore

Franca dhe Gjermania përkujtojnë së bashku përvjetorin e 100-të, armëpushimin e datës 11 nëntor 1918 që i dha fund luftimeve të Luftës së Parë Botërore.

Një ceremoni ushtarake në këndin e Francezëve dhe Gjermanëve të rënë në Prishtinë gjatë luftimeve në Frontin Lindor, do të mbahet sot në orën 11:45.

Ky kënd ndodhet brenda varrezave krishtere në afërsi të kampit të KFOR, Film City.

Sikurse vitin e kaluar ceremonia do të jetë një rast për të dëshmuar miqësinë franko-gjermane, si dhe të përçojë dëshminë për vuajtjet e të gjithë popujve të përfshirë në mizoritë e kësaj lufte./ KultPlus.com

Prishtina shënon përvjetorin e përfundimit të Luftës së Parë Botërore

Lufta e Parë Botërore apo Lufta e Madhe ishte lufta që përfshiu pothuajse gjithë botën, nga viti 1914 deri në vitin 1918. Kjo luftë filloi më 28 korrik 1914 dhe përfundoi më 11 nëntor 1918 me fitoren e Paktit të Trefishtë, shkruan KultPlus.

Në shënim të përvjetorit të përfundimit të Luftës së Parë Botërore, nesër, në ora 14:00, pranë Pallatit të Rinisë në Prishtinë, nxënësit e shkollave fillore do të vendosin lule.

Lufta e Parë Botërore ishte lufta që përfshiu pothuajse gjithë botën, nga viti 1914 deri në vitin 1918. Kjo luftë e paparë ndonjëherë në historinë e njerëzimit si pasojë kishte edhe humbjen e 20 milionë njerëzve. “Lufta e Madhe” përfshiu gjashtë kontinentet e banuara të lëmshit tokësor: Evropën, Azinë, Afrikën, Amerikën e Jugut, Amerikën e Veriut dhe Australinë. / KultPlus.com