Dua Lipa me rekord historik, artistja e parë që ka gjashtë këngë me mbi 1 miliard transmetime

Kënga “Scared to be lonely”, një bashkëpunim mes Dua Lipës dhe Martin Garrix ka arritur shifrën e 1 miliardë transmetimeve në platformën muzikore “Spotify”, shkruan KultPlus.

Lipa dhe Garrix kanë arritur një shifër të jashtëzakonshëm të transmetimeve, këngë e cila u vlerësua shumë nga adhuruesit e dyshes.

Me këtë shifër të arritur, Lipa tani është artistja e parë në histori të platformës “Spotify”, e cila ka gjashtë këngë që kanë arritur mbi 1 miliardë transmetime.

26 vjeçarja aktualisht është në turneun e saj “Future Nostalgia Tour”, ku do të udhëtojë nëpër disa vende të botës.

Në anën tjetër, Dua Lipa ka njoftuar se është duke punuar në albumin e saj të dytë. /KultPlus.com

Martin Garrix, artisti që po punon për himnin e ‘Euro 2020’

Martin Garrix është artisti i cili do punoj himnin e kampionatit Evropian në futboll.

Që nga viti 1992 çdo kampionat evropian ka pasur himnin e vet, edhe këtë edicion ‘Euro 2020’ do ketë një himn të veçantë nga një artist i veçantë.

Tashmë një kohë është bërë e ditur se Dj i njohur botëror Martin Garix do punoj për himnin e këtij Evropiani, për çka thotë se është një emocion special dhe do bëj çdo evropian të ndihet si pjesë e këtij organizimi.

Titulli i këngës do të bëhet e ditur në pranverën e vitit 2020.

“Ka të bëjë me ndjenjën”, shpjegon Garrix, duke diskutuar frymëzimin për hitin e tij të radhës. “Kurdo që të jeni në skenë, duke luajtur sport ose në turmë kur vendi juaj shënon një gol – ky është momenti për të cilin jetojmë.” Ka thënë ndër të tjera Garrix. /Lajmi.net/ KultPlus.com

Martin Garrix: Çfarë mbrëmje e veçantë, faleminderit Sunny Hill

Sunny Hill Festival tashmë ka përfunduar gjatë orëve të para të ditës së hënë.
Në natën e fundit të ngjarjes kryesore të muzikës në Kosovë, performoj një ndër DJ më të mirë në botë, Martin Garrix.

Mijëra fansa ishin mbledhur në parkun e Gërmisë në kryeqytet për ta shijuar nga afër performancën e DJ-it.

Ai gjatë ditës së sotme ka publikuar një imazh të marrë nga koncerti i së dielës dhe ka falënderuar të gjithë për pjesëmarrje në koncertin e mbajtur në Prishtinë.

“Sunny Hill faleminderit. Çfarë mbrëmje e veçantë”, ka shkruar ndër të tjerash në llogarinë personale në Instagram, Garrix.

Festivali Sunny Hill është mbajtur në datat 10, 11 dhe 12 gusht në parkun e Gërmisë.
Ylli kryesor i festivalit ka qenë Dua Lipa, ndërsa gjatë tri netëve, krahas Garrix, në skenë kanë interpretuar shumë këngëtarë të famshëm dhe vendorë, si Action Bronson, G4shi, MC Kresha, Lyrical Son, Ledri Vula, Gjiko, Tayna e të tjerë. /KultPlus.com

SUNNY HILL THANK YOU!!! ❤️❤️ what a special night

A post shared by Martin Garrix (@martingarrix) on

Sunny Hill Festival mbyllet me performancën e mahnitshme të Martin Garrixit

Me performancën e mahnitshme të DJ-it të njohur botëror, Martin Garrix, është mbyllur edicioni i sivjetmë i Festivalit “Sunny Hill”.

Mijëra njerëz morën pjesë në festivalin treditor që u mbajt në Gërmi, ku aktet kryesore ishin Dua Lipa, Action Bronson dhe Martin Garrix.

Nuk munguan as performancat e mahnitshme të yjeve vendore, por edhe emrave të tjerë të njohur ndërkombëtarisht./ KultPlus.com

Martin Garrix i befasuar me energjinë në Kosovë

Një ndër DJ më të njohur në botë, Martin Garrix sonte do të pushtojë skenën e “Sunny Hill Festival” që po mbahet në qytetin e Prishtinës, në Gërmi.

Ai në konferencë për media ka thënë se është shumë i lumtur që gjendet në Kosovë, transmeton Koha.net.

“Jam shumë i emocionuar të jem këtu, pjesë e kësaj ngjarje të mrekullueshme. Ekipi im ka punuar shumë për të bërë gati gjithçka në skenë. Dhe jam shumë shumë i emocionuar për performancën e sotme dhe besoj se do iu pëlqejë”, është shprehur Martin Garrix.

Ai thotë se ndjehet shumë krenar që ka pasur rastin të bashkëpunojë me dy këngëtaret shqiptare, Dua Lipën e Bebe Rexhën, me të cilat kishte sjellë këngët “Scared to be Lonely”, përkatësisht “In The Name of Love”.

“Jam vërtet shumë krenar për të dy këngët e bëra, me Dua Lipën dhe Bebe Rexhën, dhe ende kur i shfaq e shoh se janë këngë të çmendura me zërat e mrekullueshëm të Duas e Bebes”, është shprehur DJ nga Holanda.

Garrix thotë se është befasuar nga energjia e mirë që ka parë në Kosovë.

“Më parë nuk kam ditur shumë për Kosovën. Por, jam befasuar nga ajo që kam parë këtu, e dua energjinë që ka. Që në momentin kur kam ardhur këtu e kam parë se njerëzit janë shumë miqësor, e për mua gjithçka ka të bëjë me energjinë, vërtet jam shumë shumë i lumtur të jem këtu”, ka thënë ai.

22 vjeçari nuk ka lënë pa e komplementuar Dua Lipën, për të cilën tha se është gjeniale.

“Dua është gjeniale. Kam punuar me shumë njerëz, dhe për mua është e rëndësishme që të lidhem me dikë dhe pasi të bashkëpunoni do të jeni bashkë në turne të ndryshëm rreth botës. Unë dhe Dua tanimë jemi bërë miq të mirë”, shprehet ai.

Martin Garrix ishte kurioz të mësonte edhe disa fjalë në gjuhën shqipe, dhe të parën e mësoi “faleminderit”./ KultPlus.com

Martin Garrix vjen sonte në Sunny Hill Festival

Sonte do të mbyllet festivali ndërkombëtar Sunny Hill Festival, qe filloi këtë të premte në Prishtinë, shkruan KultPlus.

Kjo mbrëmje do të mbyllet me muzikë elektronike e cila do të vijë nga disa prej emrave më të njohur të skenës vendore dhe ndërkombëtare.

Emri kyç është Martin Garrix, superylli i muzikës elektronike, ai që konsiderohet DJ më i mirë në botë. Me hite të shumta dhe me hitin që e ka me Dua Lipën, Martin Garris siguron se atmosfera do të jetë në nivel.

Performancat fillojnë qysh herët me yjet vendore të muzikës si Art Haliti, Oda Haliti, Rrrron, Secret 47, Gon & Sonik, Gamblemania etj. / KultPlus.com

Martin Garrix shprehet i emocionuar për koncertin në Prishtinë (VIDEO)

DJ i mirënjohur holandez Martin Garrix shumë shpejt do të udhëtojë për në Kosovë, kjo pasi ai do të performojë në festivalin Sunny Hill në Prishtinë, shkruan KultPlus.

Para ardhjes në Prishtinë, Garrix përmes një video shpreh emocionet e tij për performancën në Kosovë.

“Jam shumë i emocionuar që më në fund do ta vizitojë Prishtinën dhe mezi pres të ju shoh në Sunny Hill Festival”, shprehet Garrix në videon e postuar nga faqja zyrtare e Sunny Hill Festival.

Ylli i hitit “Animals” do të jetë njëri nga performuesit në festivalin e organizuar nga Dua Lipa “Sunny Hill Festival”, që do të mbahet më 10. 11 dhe 12 gusht.

Përveç Martin Garrixit në Prishtinë më 10, 11, dhe 12 gusht do të perfomojnë yjet e muzikës Action Bronson, Stanaj, Grace Carter, SG Lewis, Col3 Trane, Dafina Zeqiri e shumë artistë të tjerë vendorë. / KultPlus.com

Konfirmohet pjesëmarrja e Dj Martin Garrix në festivalin “Sunny Hill”

Të ftuar në emisionin “21 Gradë” të RTV21 ishin rokeri i njohur Dukagjin Lipa, njëherazi edhe babai i këngëtares me famë botërore Dua Lipa si dhe Alban Kastrati nga kompania Republika, të cilët kanë zbuluar detaje rreth festivalit “Sunny Hill” që do të mbahet më datë 10- 11 dhe 12 gusht në Parkun e Gërmisë në Prishtinë.

Nata e parë e festivalit i dedikohet muzikës pop dhe performuese kryesore është Dua Lipa, ndërsa në natën e dytë e cila i kushtohet muzikës hip-hop si performues kryesor i mbrëmjes do të jetë reperi Action Bronson.

Në natën e tretë tashmë është konfirmuar se do të përformojë Dj më i famshëm në botë Martin Garrix.

Organizatori kyç Dukagjin Lipa ndër të tjera ka zbuluar se Dua do të vijë në Kosovë dy ditë para fillimit të festivalit.

“Me datën 8 gusht Dua vjen në Prishtinë…atëherë do t’i kemi aktivitetet e fondacionit ku i ndajmë 100 mijë euro për aktivitetet në Kosovë”, tha Lipa.

Ndryshe, në këtë festival do të performojnë edhe artistë të tjerë si Carter, Bondax ,SG Lewis, Col3trane, Grace, Albert Stanaj si Ledri Vula, Mc Kresha, Buta, Jericho, Shpat Deda e të tjerë.