Brenda metros më të bukur në botë

Metroja e Moskës e cila shpesh herë cilësohet si “labirint” stacionesh nëntokësore ka një stil të veçantë arkitekturor.

Disa prej tyre tregojnë të shkuarën baroke të Rusisë, ndërsa disa të tjerë ndërthuren me art-dekon e kohëve moderne, transmeton GSH. Por që nga viti 1930, sistemi i metrosë është zgjeruar me më shumë se 200 stacione.

Udhëtarët mund t’i kushtojnë sot pak vëmendje muraleve të metrosë apo mozaikëve gjithë jetë, por ekspertët e arkitekturës e vlerësojnë atë si më të bukurën në botë. Njeriu që më shumë se kushdo tjetër këmbënguli për ndërtimin e metrosë së Moskës, ishte politikani sovjetik Lazar Kaganovich, një stalinist i thekur.

Vizioni i tij rezultoi në një sistem metroje efikas që transportonte qytetarët nëpër qytet, por edhe në krijimin e disa stacioneve me vlera të rralla. Metroja e Moskës vazhdon të përmbushë qëllimin e saj, dërgimin e njerëzve nga një pikë në një tjetër, por ndërsa e bën këtë, u ofron udhëtarëve edhe një histori arti dhe arkitekture. E ndryshe nga Moska që paraqitet e ndryshueshme, nëntoka ofron diçka të qëndrueshme./ KultPlus.com

Rita Ora dhe Dua Lipa në faqen e dytë të gazetës britaneze Metro (FOTO)

Dy këngëtaret shqiptare, Rita Ora dhe Dua Lipa mbrëmë kanë interpretuar në të njëjtën skenën, në skenën e madhe të ceremonisë Brit Awards 2018 që u mbajt në Londër, shkruan KultPlus.

Ndërsa sot pamjet e tyre janë bashkuar në një fotografi në faqen e dytë të gazetës së njohur Metro, ndërsa poshtë fotografive të tyre shkruhet “Fuqia e luleve”.

Dua Lipa mbrëmë ka bërë historinë në Brit Awards, si këngëtarja më e nominuar në gjithsej pesë kategori, prej të cilave ka arritur të marr çmimin “Artistja më e mirë femër” dhe “Artistja më e mirë debutuese”. Po ashtu Dua, pas çmimit të parë u ngjit në skenë me një performancë e hitit të saj “New Rules”.

Këngëtarja Rita Ora, përveç se u përfol për dukjen e mahnitshme, ajo po ashtu ndezi skenën e Brit Awards, me interpretimin e këngës së saj më të re “For You”, me Liam Payne, dhe hiteve të tjera të suksesshme. / KultPlus.com

Dua Lipa vlen 3 milionë dollarë

Tabloidi britanik “Metro” ka publikuar një artikull për këngëtaren me prejardhje nga Kosova, Dua Lipa.

“Metro” në këtë artikull tregon për prejardhjen e Lipës dhe ngritjen e saj në skenën botërore të muzikës.

Kënga “New Rules” është dëgjuar në Spotify rreth 464 milionë herë, derisa “Scared To Be Lonely” 453 milionë herë.

“Metro” e cilëson Dua Lipën si figurë e premtuese e skenës britanike dhe ka raportuar se këngëtarja me prejardhje nga Kosova vlen 3 milionë dollarë ose 2.2 milionë funte.

Sivjet ajo ka mposhtur Rihannan, Ariana Granden, Taylor Swiftin dhe Beyoncen për të marrë pozitën e parë si këngëtarja më e dëgjuar në Britani të Madhe./ KultPlus.com