PriFest 13 shpalos imazhin dhe konfirmon datat

PriFest edicioni i 13-të këtë vit do të mbahet në datat 24-29 gusht 2021 në mënyrë fizike për pjesën më të madhe dhe me disa aktivitete specifike online.

Imazhi i festivalit edhe për këtë vit është pregatitur nga kompania partnere e festivalit Project Graphics e cila pothuajse ҫdo vit ka fituar ҫmime ndërkombëtare me dizajnet e posterit të PriFest.  Këtë vit dizajni është pregatitur duke përdorur numrin 13 me një dizajn shumë tërheqës si më poshtë:

POSTER.png

Si ҫdo vit, PriFest planifikon të sjell shumë risi në qytet, filma të mirë, mysafirë të shumtë, aktivitete, workshope, mbrëmje muzike etj.

PriFest është i vetmi festival në Kosovë që përveҫ shfaqjes së shumë premierave të filmave të metrazhit të gjatë, dokumentar e të shkurt nga rajoni dhe bota, organizon edhe shumë aktivitete për industrinë e filmit dhe aktorët. Kjo mundësohet në kuadër të plaformës rajonale PriForum që deri më sot ka përkrahur rrugëtimin e suksesshëm të shumë filmave Kosovarë në disa nga festivalet më prestigjioze si dhe ka ofruar shumë mundësi network-u për producentët dhe filmbërësit kosovarë me shumë distributorë, shitës filmash, producentë evropian, selektorë festivalesh, drejtor kastingu etj.

Andaj ne ju ftojmë që të na ndiqni në rrjetet tona sociale për të kuptuar se cilët ekspertë të huaj, filmbërës dhe aktorë pritet të vijnë dhe ҫfarë do të sjell PriFest këtë vit!/ KultPlus.com

Përzgjidhen 5 aktorët/aktoret e Kosovës për Spotlight

Në bashkëpunimin e sivjetëm me Spotlight, PriFest ka mundësuar anëtarësimin për pesë aktorët Kosovarë, për 1 vit falas, në njërën nga kompanitë më të njohura për shërbime kastingu në Evropë, përcjellë KultPlus.

Aktorët e përzgjedhur janë: May Linda Kosumovic, Rozafa Çelaj, Shkumbin Istrefi, Kushtrim Hoxha dhe Shpëtim Selmani.

Spotlight është shërbim kastingu që lidh aktorët me role në teatër, televizion dhe projekte filmike. Profesionistēt e kastingut përmes Spotlight bëjnë përzgjedhjen e aktorëve për projektet e veta pasi Spotlight njihet si kompania më e mirë në këtë industry. Me studiot e veta në West End të Londrës si dhe ekipet e stafit në çdo kënd të Evropës, Spotlight ndodhet mu në qendër të industrisë së arteve skenike.

Përkrah partnerëve në Evropë, Amerikë e Australi, moto e Spotlight në të cilën besojnë fuqishëm është se casting është një punë me të vërtetë globale dhe një aktor që mund të përshtatet për një rol apo punë mund të vijë nga kudo në botë.

Aktorët e përzgjedhur do t’i nënshtrohen një workshopi (punëtorie) parapregatitor me datën 5 nëntor, për të mësuar se si mund të perdoret platforma Spotlight në mënyrë më efektive për aplikim në projekte filmike apo të teatrit jashtë Kosovës.

Të pesë aktorët kanë fituar anëtarësimin falas në këtë platformë falë bashkëpunimit të PriFest me Spotlight, bashkëpunim ky që do të zhvillohet edhe më shumë në vitet në vazhdim.

Poashtu, javën e kaluar, PriFest kishte organizuar një masterclass me Spotlight për të gjithë aktorët dhe filmbërësit e Kosovës brenda javës së edicionit të 12-të të festivalit.

Edicioni i ardhshëm i PriFest, i 13-ti me rradhë, do të mbahet nga 13-18 korrik 2021. / KultPlus.com

‘Shija e derrit’ premierë në Prifest, shpalos ballafaqimin me varfërinë e luftën për mbijetesë

Medina Pasoma

Deti mbetet çlirim shpirëtor për shumicën, ndërkaq për personazhin e filmit ‘’Shija e derrit’’, kjo kaltërsi fillimisht ka qenë një ‘’fushë betejë’’ në tentim të mbijetesës, dikur u kthye në ‘’fushën’’ e cila ia morri jetën. Përpjekjet e një familjeje për ta ballafaquar varfërinë pasqyrohen në këtë film nën skenarin dhe regjinë e Elvis Lule, i cili sonte u shfaq në edicionin e 12-të të PriFestit, shkruan KultPlus.

Brenda pak minutave ‘’Shija e derrit’’ pasqyron realitetin me të cilin përballen shumë familje nëpër botë, për ta dëshmuar se arti është gjuha rreth të cilit trajtohen dhe skenohen problemet globalisht. Personazhi kryesor zhytet në thellësi të detit, në mënyrë që të ngritet nga problemet e varfërisë.  Ai del para syve të publikut si një person që noton çdo ditë, duke kërkuar gjallesa të detit për t’i shitur dhe për të sjellur pak ushqim në shtëpi, e cila më vonë do të kthehej në gëzim të gruas dhe të djalit të tij. Mirëpo siç ndodh rëndom të ketë fatkeqësi edhe brenda fatit njerëzor, pikërisht nga deti prej të cilit ai nxorri bukën, fitoi përballjen me vdekjen, duke u ngulfatur.

Në intervistën për KultPlus, Elvis Lule si regjisor dhe skenarist i këtij filmi është shprehur se mbetet kënaqësi pjesëmarrja në Festivalin Ndërkombëtar të Filmit në Prishtinë, gjegjësisht takimi me publikun kosovar nëpërmjet artit.

Shpesh për t’u inspiruar mjafton të sodisim gjërat përreth nesh dhe pikërisht e tillë është historia e fillimit të filmit ‘’Shija e derrit’’, e cila ka lindur si ide në kontaktin e Elvis Lules me një fotografi.

‘’Frymëzimi parësor për të shkruajtur këtë skenar erdhi nga një foto e vjetër e shkrepur rreth vitit 1940, në një fshat bregdetar të Vlorës ku në imazh ishin të fiksuar një familje e përbërë nga nëna, babai, një djal i vogël dhe një derr i cili qëndronte ngjitur me djalin’’, u shpreh regjisori Lule për KultPlus/

Ajo që mbetet interesante përtej rrëfimit të filmit është edhe emërtimi i tij. ‘’Shija e derrit’’ ka ardhur si shkak i dashurisë së Lules për kafshët, të cilat kujdeset t’i përfshijë në çdo skenar.

‘’Në rastin konkret mendoj që pjesëmarrja e derrit në formën simbolike sjell si kombinim fatin e keq dhe momentin e gabuar i cili e dërgon personazhin kryesor drejtë një procesi fatal. Sa për titullin e filmit ai lindi natyrshem që në fillim’’, tha Elvis Lule, duke potencuar se çdo skenar e titullon në nisje të rrugëtimit të tij

Aktorët të cilët sollën rrëfimin e Lules ishin Lulëzim Zeqja, Arta Selimi, Artan Islami dhe Juri Zeneli

Fundi i filmave përgjithësisht është pika kulminante dhe emocionale, ajo që edhe e veçon secilin nga njëri tjetri. ‘’Shija e derrit’’ e përmbush këtë pikë, duke e bërë personin i cili tenton të mbijetoj, mos të jetoj më, teksa atij skenaristi ia shkruan vdekjen. Mesazhi që Lule thotë se përqohet nëpërmjet këtij filmi është se fati është ajo çfarë ne zgjedhim të bëjmë dhe jo ajo që na shtyejnë ta bëjmë.

Ky film i metrazhit të shkurtë është një bashkëpunim mes Element Studios, Kube Studios dhe Qendrës Kombëtare të Kinematografisë. / KultPlus.com

‘Cirku Fluturues’, rrëfimi personal i regjisorit Fatos Berisha përballë publikut kosovar

Suada Qorraj

Kushtrimi, Donati, Fatmiri dhe Leka katër personazhet e filmit shohin duke u hequr posterin e shfaqjes së tyre duke u larguar nga muret e teatrit. Heqja e posterit shënoi edhe fundin e ‘Cirkut Fluturues’, komedisë së tyre sureale që ishte inspiruar nga ‘Monty Python’, shkruan KultPlus.

Por, rrugëtimi i tyre nuk përfundon këtu, në fakt mbyllja e teatrit shënoi një kthesë të re. Kushtrimi, Donati, Fatmiri dhe Leka marrin ftesë që të performojnë në një festival teatral në Shqipëri. Ndonëse në fillim ata hezituan që të shkojnë, Fatmiri dëgjon në lajme së njëri nga aktorët e ‘Monty Python’, Micheal Palin do të xhiroj festivalin që do të mbahet në Shqipëri.

Ndonëse rruga që i priste ishte e gjatë, madje e mbushur përplot me rreziqe, prania e Micheal Palin në Shqipëri, mundësia për ta takuar idhullin e tyre, i bënë ata bashkë në udhëtimin e tyre ilegal, në mes Malit të Zi e Shqipërisë.

Në një intervistë për KultPlus regjisori i filmit ‘Cirku Fluturues, ka thënë se ndjehet i lumtur për faktin që filmi i tij do shfaqet për publikun online në edicionin e sivjetëm të PriFest, pas anulimit të shfaqjes së këtij filmi në kinematë e vendit si pasojë e pandemisë.

“Jemi të lumtur që edhe pse online, do ta shfaqim filmin për publikun e Kosovës, sidomos për faktin që shkaku i pandemisë është dashur ta anulojmë shfaqjen në kinema në mars të këtij viti shkaku i pandemisë”, ka deklaruar Berisha.

Xhirimet e ‘Cirku Fluturues’, njëlloj si personazhet e filmit, kishin udhëtuar në tre shtete të ndryshme, Kosovë, Mal të Zi e Shqipëri. Secili minutë i këtij filmi, rrëfen përvojën personale të regjisorit, punën e tij 9 vjeçare që nga drafti i parë e deri tek realizimi i këtij filmi.

Që nga takimi me oficerin e policisë, kënga në qelinë e burgut, e rrugëtimi i frikshëm deri në Tiranë përkojnë aventurën e guximshme të Kushtrimit, Donatit, Fatmirit dhe Lekës, personazheve kyqe të ‘Cirkut Fluturues’.

Ashtu sikurse rrugëtimi i katër personazheve të ‘Cirkut Fluturues’, edhe xhirimi i këtij filmi kishte vështirësitë e veta, ato për të cilat Berisha i quan të zakonshme.

“Vështirësitë ishin të zakonshme edhe shkaku i buxheti të vogël, por falë organizimit të mirë nga producientja arritëm ta përftojmë me kohë”, ka përfunduar kështu intervistën regjisori Fatos Berisha.

Rrugëtimi 22 ditësh, i filmit që bazohet në një ngjarje të vërtetë përfundon ma shfaqjen e ‘’ Cirkut Fluturues’, në Tiranën e shumëpërfolur, me ëndrrën për të takuar Palin, në skenën e teatrit dhe vonesën e Lekës, improvizimin që qoi në këmbë të gjithë të pranishmit.’Cirku Fluturues’ shfaqja më e mirë e teatrit të Tiranës, djemve nga Kosova, u bë shfaqja që rrëmbeu ‘Aleksandër Moisiun’.

Ndonëse erdhën bashkë në Tiranë, Kosovës iu kthye vetëm Kushtrimi, djali, burri e babai që pas kishte lënë një familje, e një atdhe për të mbrojtur. Një rrëfim rrënqethës, që të lë pa frymë e të bënë të qash e të qeshësh, ‘Criku Fluturues’, përkujtimi i aktores Adriana Abdullahu, talentit që lufta ja mori jetën./ KultPlus.com

‘Exil’ hap natën e parë të ‘PriFest’, Morina: Shfaqja e filmit në Kosovë është esenciale, pasi filmi ka lidhje me Kosovën

Suada Qorraj

Frika që Xhaferi kishte ndaj minjve shfaqet që në minutat e parë të këtij filmi, ku n’derën e shtëpisë së tij qëndron i varur një mi i vdekur. Xhaferi, kosovari  që tash e sa kohë kishte migruar në Gjermani bënë përpjeke për të zgjidhur misterin, për të kuptuar se pse janë minjtë ata që po e përndjekin në secilën pjesë të ditës, e mbi të gjitha për të kuptuar se kush qëndron pas kësaj.

Ora 16:00 shënoi premierën e filmit ‘Exil’ për publikun kosovar, dhe pikërisht minutat e këtij filmi shënuan edhe hapjen e edicionit të dymbëdhjetë të festivalit ‘PriFest’. Ndryshe nga herët e tjera, ky edicion erdhi në formatin online, për ti dhuruar kështu publikut emocionet e njëjta nga ekranet e tyre. Magjia që edicioni i sivjetëm ‘PriFest’ e filloi qysh në natën e parë, do të vazhdoj deri këtë të diele, shkruan KultPlus.

Në një intervistë për KultPlus, regjisori i këtij filmi Visar Morina ka treguar se për ‘Exil’ ka filluar të punohet qysh në vitin 2016, prandaj edhe për të përshkruan një punë katër vjeçare është pak të thuhet në disa rreshta.

“Ka qenë një proces pak shumë i gjatë, në vitin 2016 kam filluar ta shkruaj skenarin, xhirimi është bërë në vitin 2018, kurse premiera është bërë në Janar të këtij viti. Gjatë tërë kësaj kohe kam qenë i zënë vetëm me këtë projekt, kam punuar për plot katër vite në të. Është e vështirë të thuhen vetëm dy apo tre rreshta”, ka deklaruar Morina.

Rrugëtimi dhe puna katërvjeçare për filmin ‘Exil’ ka pasur edhe sfidat e tij. Për regjisorin Morina pjesa më e komplikuar e gjithë procesit të bërjes së filmit ka qenë procesi i montazhes, ngase siç thotë ai materiali që ka pasur në dispozicion një xhirim 87 orësh.

“Vështirësi në kuptimin e fjalës nuk ka pasur, ka pasur sfida në një far mënyre. Pricesi i motazhes për mua ka qenë i komplikuar sepse ka pasur shumë material, kanë qenë 87 orë material të xhiruar prandaj dhe procesi i montimit ka marrë një kohë të gjatë. Mirëpo kam pasur fat me aktorët, produksionin, pra disa kushte që kanë qenë të mira e njëkohësisht të rëndësishme”, ka thënë tutje regjisori.

Ndonëse në film Xhaferi është një shqiptar, emigrant nga Kosova, i cili herë pas here flet edhe në gjuhën shqipe, aktori që jetësoj personazhin e Xhaferit është kroati Mišel Matičević. Madje edhe në filmin ‘Exil’, kolegët e tij ngatërrojnë prejardhjen e tij, ku herë pas here, vendlindjen e Xhaferit, kosovarit emigrant, e quajnë Kroaci.

Edhe pse premira e parë e filmit ishte dhënë qsyh në Janar, për publikun Kosovar ishe pikërisht nata e parë e ‘PriFest’ që e solli ‘Exil’ në ekranet e tyre. E për Visar Mornën shfaqja e filmit në Kosovë është esenciale e madje edhe emocionale.

“Normalisht që shfaqja për mua në Kosovë, ka diçka shumë emocionale, është madje esenciale. ‘Exil’ ka një lidhje me Kosovën, madje Kosova ke qenë co – producenti i projektit”, ka thënë tutje Morina.

Për regjisorin është një situatë jo e mirë, fakti që ‘PriFest’ nuk po mbahet në formatin e tij të zakonshëm, por në të njëjtën kohë ai e konsideron të mirë mundësinë e shfaqjes së filmave në formatin online, sesa anulimin e krejtësishëm të festivalit.

Por, festivali ‘PriFest’ nuk është rruga e parë që ndoqi ‘Exil’. Filmi i regjisorit shqiptar, Visar Morina deri tani ka korrur suksese të shumta. ‘Exil’ ka marrë pjesë në shumë festivale e ka rrëmbyer shumë çmime, madje në festivalin e Sarajevës ai rrëmbeu çmimin kryesor të këtij festivali,  ‘Zemra e Sarajevës’.

Morina ka rrëfyer se situata që u krijua në festivalin e Sarajevës ishte e njëllojtë me ‘PriFest’ ngase ai kishte pritur një kohë të gjatë për të marrë pjesë në këtë festival. Kurse për të ‘Zemra e Sarajevës’ është një nder dhe një nga çmimet më të rëndësishme.

“Situata ka qenë e njëjtë edhe në Sarajevë, i kemi pasur biletat e nxejerrura dhe në fund festivali është mbajtur online. Që nga hera e parë kur kam qenë në Sarajevë, ky festival ka qenë gjëja më e mirë që kam përjetuar. Nuk po them për nga rëndësia, por ka qenë lezet me shku në Sarajevë, në një far mënyre më kujtonte edhe Prishtinën. Por, prap se prap  jam gëzuar jashtë mase, është nder dhe është diçka shumë e rëndësishme jo vetëm për mua, por edhe për filmi” ka përfunduar kështu intërvistën Visar Morina.

‘Exil’-i është bashkëprodhim në mes të Komplizen Film Gjermani, Ikonë Studio Kosovë dhe Frakas nga Belgjika i financuar nga Ministri për Kulturë dhe Media, Film- und Medienstiftung NRË, German Federal Film Fund, Belgium Film Tax Shelter, Medienboard Berlin Brandenburg, Qendra Kinematografike e Kosovës, Eurimages, dhe German Federal Film Board.

“Exil”-i poashtu sjell një kastë briliante të aktorëve, si: Sandra Hüller, Mišel Matieviq, Astrit Kabashi, Valentina Dubovci, Flonja Kodheli, Getuart Hajrizaj, Ameli Kabashi. / KultPlus.com

PriFest lidh partneritet me Spotlight, kompaninë më të njohur të shërbimeve casting në Evropë

Në vazhdimësi të punës së vet në përkrahjen e aktorëve Kosovar që të kenë qasje më të lehtë në tregun ndërkombëtar dhe angazhim në projekte filmike jashtë Kosovës, PriFest ka arritur që të lidh partneritet me njërën nga kompanitë më të njohura në Evropë të shërbimeve të casting – Spotlight.

 “Jam shumë e lumtur për këtë partneritet sepse PriFest dal ngadalë po arrin mu aty ku edhe e kemi menduar ne kur kemi filluar punën para 12 vitesh, të jetë një urë lidhëse që i shërben industrisë së artit skenik që të shpërthejë dhe të promovohet jashtë kufijve të Kosovës. Me këtë partneritet ne do të kemi mundësi që si festival këtë vit të përzgjedhim 5 aktorë nga Kosova, të cilat do të fitojnë një vit anëtarësim gratis në Spotlight për t’ua hapur mundësinë që të promovohen dhe angazhohen në projekte të ndryshme jashtë Kosovës, dhe sigurisht që partneriteti do të vazhdojë edhe në vitet e ardhshme për mundësi të tjera për aktorët tanë”, u shpreh Vjosa Berisha, drejtoreshë e festivalit.

Kush është Spotlight?

Spotlight lidh aktorët dhe me role në teatër, televizion dhe projekte filmike. Profesionistët e kastingut përmes Spotlight bëjnë përzgjedhjen e aktorëve për projektet e veta pasi Spotlight njihet si kompania më e mirë në këtë industri. Me studiot e veta në West End të Londrës si dhe ekipet e stafit në çdo kënd të Evropës, Spotlight ndodhet mu në qendër të industrisë së arteve skenike. Përkrah partnerëve në Evropë, Amerikë e Australi, moto e Spotlight në të cilën besojnë fuqishëm është se casting është një punë me të vërtetë globale dhe një aktor që mund të përshtatet për një rol apo punë mund të vijë nga kudo në botë.  Për më shumë informata vizito website-in e Spotlight https://www.spotlight.com/

Seminari i Spotlight në PriFest

Gjatë periudhës së PriFest Online që do të mbahet me 19-25 tetor, në kuadër të Kosovo Rising Stars, Spotlight do të jetë prezente me një seminar që i dedikohet aktorëve dhe filmbërësve e producentëve dhe ka të bëj me mënyrën si funksionon Spotlight, mënyra e castingut, përgatitja e online casting, si dhe aspektet tjera të punës së tyre përfshirë këtu edhe bashkëpunimin me producentë dhe filmbërës për çështje castingu.

E martë 20 Tetor, ora 14.30 (kohëzgjatja 1 orë):

Një seminar prezantues i Spotlight për aktorët, agjentët dhe drejtorët e kastingut, regjisorët dhe producentët. Prezantim i shkurtër nga ekspertët e Spotlight dhe një seancë interaktive pyetjesh me audiencën. Ky seminar është i hapur për të gjithë profesionistët e industrisë së filmit.

Kliko më poshtë për t’u regjistruar për pjesëmarrje

Seminari i Spotlight / kliko për të marr pjesë

Ndërkohë, PriFest do të bëjë  përzgjedhjen e pesë aktorëve nga Kosova të cilët do të fitojnë anëtarësimin në Spotlight dhe do t’i nënshtrohen një workshopi së bashku me stafin e Spotlight se si mund të përdoret platforma për promovimin dhe angazhimin e tyre në projekte jashtë vendit.

PriFest do të mbajë edicionin e 2020 online javën që vjen nga data 19-25 tetor. Regjistrimi për t’i përcjellur filmat online do të hapet gjatë fundjavës. / KultPlus.com

‘PriFest’ shpalos programin e filmave për edicionin e 12-të online, hapet me filmin ‘Exile’ të Visar Morinës

Pas një vere të gjatë e të mundimshme me situatën e krijuar nga pandemia, PriFest ka vendosur të sjellë kinemanë në shtëpinë tuaj përmes edicionit të sivjtshëm online, në pamundësi t’a mbajë atë sic do vit tjetër në qendrën e kryeqytetit në Prishtinë.

‘Pas shume diskutimesh e shumë idesh se si ta mbajmë edicionin e sivjetmë, menyra e vetme që u konfirmua ishte edicioni online’, thuhet në komunikatën për media.

Ky edicion do të mbahet në muajin Tetor të këtij viti, në datat 19-25. Filmat që do shfaqen këtë vit do shfaqen ekskluzivisht për shikuesit që ndodhen në shtetin e Kosovës.

Poashtu, në pamundësi të prezencës fizike të mysafirëve të shumtë ndërkombëtar si çdo vit, si dhe anëtarëve të jurive, ky edicion nuk do jetë garues.

Drejtori Artistik i festivalit: Fatos Berisha, ka konfirmuar që edhe këtë vit, filmat e përzgjedhur do jenë filma të cilët dëshmojnë që PriFest vazhdon të mbetet festival I rëndësishëm për të gjithë filmbërësit në rajon dhe më gjerë. “Megjithëse këtë vit për shkak të edicionit online jemi detyruar të reduktojmë numrin e filmave, jemi shumë të kënaqur me të gjitha aplikimet që janë bërë, me të gjithë filmat që janë përzgjedhur dhe me gjithë punën që po bëhet për të realizuar këtë edicion, më ndryshe se të gjithë edicionet e mëparshëm.”

Për të ndjekur filmat online ju duhet të regjistroheni në platformën online përmes një linku të cilin do e publikojmë 1 javë para festivalit në webfaqen e PriFest www.prifest.org

Filmi “Exile” në regji te Visar Morinës do bëjë hapjen e festivalit me datë 19.10.2020

Këtë vit, PriFest ka filluar bashkëpunim me EFA-European Film Academy, dhe si rezultat i këtij bashkëpunimi do të sjellin 6 filma të shkurtë të cilët do shfaqen brenda datave të festivalit.

‘Edhe këtë vit kemi pasur përkrahjen nga partnerët dhe sponzorët, pa të cilët festivali nuk do mund të realizohej. Raiffaisen Bank Kosovë, Ministria e Kulturës Rinisë dhe Sportit, Komuna e Prishtinës, Zyra e Presidentit të Republikës së Kosovës dhe Youth Artivists for Change përkrahur nga Qeveria Holandeze janë disa nga sponzorët dhe përkrahësit tanë, të cileve PriFest u është gjithnjë mirënjohës’, thuhet tutje në komunikatë

Për më shumë informata rreth programit, orareve të filmave dhe aktiviteteve mund të informoheni në rrjetet sociale Instagram, Facebook dhe Twitter si dhe në webfaqen e PriFest www.prifest.org

Poashtu, në komunikatë ceket se meqë natyra e edicionit të sivjetëm të këtij festivalit nuk është garuese, nuk është bërë as ndarja e filmave sipas kategorive.

Më poshtë gjeni të gjitha filmat pjesëmarrës në këtë vit në PriFest, të renditur pa kategori.

Filmat e metrazhit të gjatë

1. Tel Aviv on Fire / Regjisor: Sameh Zoabi 100 min

2. Rounds / Regjisor : Stephan Komandarev 106 min

3. Exile Regjisor: Visar Morina 121 min

4. Cirku Fluturues / Regjisor: Fatos Berisha (115 min) Viti: 2019 (Kosovë, Shqipëri, Maqedoni Veriore)

5. The Happiness Effect / Regjisor: Borjan Zafirovski 90 min

6. Grandfather and Grandson Regjisor: Ilija Piperkoski 108 min

7. Breast Regjisor: Marija Perović 100 min

8. Omar and US Regjisor: Maryna Er Gorbach & Mehmet Bahadir Er 104 min

9. Son Regjisor: Ines Tanović 106 min

10. Toprak Regjisor: Sevgi Hirschhäuser 106 min

11. Qielli i trazuar Regjisor: Anton Nrecaj 96 min

12. Yjet e se ardhmes Regjisor: Edmond Topi 90 min

13. Open Door Regjisor: Florenc Papas 78 min

Filmat nga bashkëpunimi me European Film Academy

1. Black Sheep Regjisor: Ed Perkins 27 min

2. Oslo Regjisor: Shady Srour 16 min

3. Patison Avenue Regjisor: Thanasis Neofotistos 12 min

4. Reconstruction Regjisor: Jiří Havlíček 15 min

5. The Christmas Gift Regjisor: Bogdan Mureşanu 23 min

6. The Tent Regjisor: Rebecca Figenschau 17 min

Filmat e metrazhit të mesëm

1. Windowless Regjisor: Samuel Flückiger 27 min

2. Ricochets Regjisor: Jakub Radej 30 min

3. The Mentor Regjisor: Szonja Szabo 30 min

4. Happless Hans Regjisor: Rena Dumont 30 min

5. Raheel Regjisor: Ayat Asadirahbar 30 min

6. The Other Regjisor: Saman Hosseinpuor and Ako Zandkarimi 25 min

7. Daughter of the Tide 30 min

8. Homesick Regjisor: Julien Viala 27 min

Filmat dokumentare

1. Century of Smoke Regjisor: Nicolas Graux 90 min

2. Displaced – Small Act of Survival Regjisor: Andrés Ribagorda, Anthony Barlos, Charlotte Burck

3. 29 min

4. Sockeye Salmon – Red Fish Regjisor: Dmitriy Shpilenok 52 min

5. Bektachis Regjisor: Manuel Poutte 66 min

6. Be Natural : The Untold Story Of Alice Guy-Blaché 103 min

7. That Click Regjisor: Luca Severi 90 minutes

Filmat me tematikë LGBTI

1. No Hard Feelings Regjisor: Faraz Shariat 92 min

2. The Lawyer Regjisor: Romas Zabarauskas 97 min

3. Welcome to Chechnya Regjisor: David France 107 m. / KultPlus.com

Prifest shpall fituesit e garës ‘Best Pitch’

Gjatë fundjavës, PriFest ka mbajtur edicionin e 12të të PriForum Online ku janë organizuar shumë aktivitete online si një numër panel diskutimesh, workshope dhe seanca me ekspertë të ndryshëm, përcjellë KultPlus.

Poashtu është mbajtur edhe gara ‘Best Pitch’ në Zoom, para jurisë ndërkombëtare tre anëtarëshe (Linda Beath eksperte finance dhe koproduksioni nga Kanada, Wendy Bernfeld, VOD eksperte nga Holanda dhe Danijel Hocevar, producent nga Sllovenia) dhe në ditën e mbylljes së PriForum janë shpallur edhe fituesit.

Në Best Pitch morën pjesë 12 projekte nga Ballkani të cilat kishin edhe workshope me ekspertë në fushën e prezentimit të projektit dhe workshop për financim dhe koproduksion. Projektet poashtu morën pjesë në Prishtina Rendezvous ku u prezentuan para agjentësive ndërkombëtare të shitjes. Përderisa Forumi u mbajt në zoom, shumë prej seancave ishin edhe livestream në facebook dhe ato mund t’i ndiqni edhe në kanalin youtube të PriFest së shpejti.

Më poshtë gjeni ndarjen e çmimeve dhe dedikimet e jurisë

Çmimi i parë – shërbime colour grading (Përpunimi i ngjyrave) e ndarë nga kompania In My Country Production i është ndarë projektit filmik:
The Second Chapter (Kapitulli I dytë) nga Shqipëria

Dedikimi i jurisë: Ky film tregon një histori lëvizëse që do të ngjallë dëshpërimin, zhgënjimin dhe trishtimin si dhe kënaqësinë, lumturinë dhe gëzimin. Ajo paraqet një kapitull të rëndësishëm në jetën e një guaje, nëne dhe një artisteje, nje personazh kryesor që audienca mund dhe do të lidhet me të më lehtë.

Producenti dhe shkrimtari-regjisori na dhanë një hap të mrekullueshëm që nxiti besimin se ky film jo vetëm që po bëhet nga talenti i duhur krijues, por që ata janë të aftë dhe të gatshëm për të bërë kinema me cilësi të lartë.
Dhe padyshim është një nga filmat e vitit 2021 që duam ta shohim sapo të jetë gati.Çmimi i dytë postproduksioni i zërit (Foleys) i dhënë nga kompania Audiohaus, Maqedoni Veriore iu nda projektit filmik Balkan Top Stars (Top yjet e Ballkanit) nga Serbia.

Dedikimi i jurisë: Ky projekt nuk i takon botës së filmave art house, por ai tërhoqi vëmendjen dhe mbështetjen tonë. Është një film me synim të qartë për një audience të vështirë në kinema- fëmijë dhe adoleshentë. Ky projekt ka zemrën në vendin e duhur: dëshiron të inkurajojë dhe përfundimisht të nxisë një sens të fortë të tolerancës shoqërore dhe politike.

Prezentimi i projektit ishte shumëngjyrësh, dinamik dhe Zoom dhoma u përdor në mënyrë efektive. Ne të gjithë besojmë se mundeni dhe do të përdorni platforma dixhitale në promovimin e këtij filmi për t’u siguruar që audienca e sheh filmin dhe se filmi promovohet mirë.

Çmimi për prezentimin më të mirë (Best Pitch) që ndahet nga PriFest, iu dha projektit filmik Flirtbar nga Kosova

Dedikimi i jurisë: Si një projekt pa një regjisor dhe pa një producent, ky është një tjetër film jo shumë e lehtë për një juri për t’a veçuar. Megjithatë, në këtë rast tregimi u tregua në një mënyrë të qartë, të detajuar dhe shumë mbresëlënëse. Ne ndjekëm personazhin kryesor simpatik përmes një udhëtimi që kuptuam një fund emocional që na preku të gjithëve. Padyshim nje prezentim i mirë.

Ndërsa është qartësisht një nga ‘bashkëproduksionet’ e natyrshme, ky film është në atë pikë të udhëtimit të tij ku i duhet një producent i shkëlqyeshëm një bashkë-producent cilësor, një regjisor i talentuar me përvojë dhe talenti kryesor. Kjo juri ju inkurajon ta mbështesni.

Honorable Mention / apo dedikim i veçantë nga juria iu bë edhe projektit filmik nga Mali I zi Scarab:

Dedikimi i jurisë: Një artist i ri, gruaja e tij, shoku i tij i ngushtë shumë qesharak dhe vellau i madh i tij kan nevojë për para. Ata gjithashtu kanë zemra të mëdha. Kështu që, kur dikush afër tyre vdes, ata vendosin të fillojnë një biznes duke pikturuar me motive ne arkivole. Shumë më mire se sa të varrosesh në një arkivol të thjeshtë, apo jo? Një ide e lezetshme për një komedi të zezë ballkanike. Ne mezi presim të qeshim së bashku me filmin dhe yjet e tij në premieren e tij të festivalit.

Vlen te theksohet qe edicioni i 12-të i PriFestit do të mbahet ne ambiente te hapura në datat 25-30 gusht 2020. / KultPlus.com

Festivali ‘Prifest’ shtyhet për muajin gusht

Bëhet e ditur se Festivali Ndërkombëtar i filmit, ‘Prifest’, është shtyrë për në muajin gusht si pasojë e përhapjes së madhe të virusit Covid19 në Kosovë, njofton KultPlus.

Lajmi është bërë i ditur nga faqja zyrtare e ‘Prifest’ në rrjetin social Facebook

Sipas tyre, ‘PriForum’ do mbahet online ndërsa datat për pjesën tjetër të festivalit do të jenë 25-30 gusht.

“Festivali Ndërkombëtar i Filmit – PriFest është duke përcjellur me shumë seriozitet situatën e pandemisë, dhe duke marrë parasysh se në ditët e fundit ka ndodhur një rritje alarmante e numrave të të infektuarëve me Covid19 në Kosovë, e vecanërisht edhe ne Prishtinë ku planifikohet të mbahet festivali, menaxhmenti ka marrë vendim që një pjesë të festivalit që planifikohej të mbahej në mënyrë fizike, ta shtyej për data 25-30 gusht, me shpresë se situata do të përmirësohet.

Ndërkohe që PriForum – platforma regjionale e industries se filmit, që është paraparë të mbahet online do të mbahet në datat e parapara 17-19 korrik.

PriFest ka punuar intenzivisht në muajt e kaluar për të bërë përzgjedhjen e filmave dhe programet e ndryshme në mënyrë që të realizojmë festivalin në korrik. Ne ishim të mendimit që shfaqjen e filmave ta bënim në hapsirë nën qiellin e hapur, me një kujdes të shtuar dhe duke rrespektuar masat e mbrojtjes. Mirëpo, lajmet shume dekurajuese se pandemia ka filluar të përhapet me të madhe, na bëri që të marrim vendim ta shtyejmë datën e mbajtjes së festivalit pasi që duhet të jemi të kujdesshëm që mos të rrezikojmë mirëqenien e qytetarëve në asnjë mënyrë.

Ne jemi të vetëdijshëm se edhe ngjarjet kulturore janë shumë të rëndësishme, dhe kjo ka qenë arsyeja që menduam se mund ta mbanim festivalin në korrik, por në këtë gjendje të pandemisë, kjo është e pamundur. Andaj kemi vendosur që të shfrytëzojmë këtë kohë për t’; promovuar programet e ndryshme, me shpresë që në gusht situate e pandemisë do të ndryshoj për të mirë.

PriForum do të mbahet në platforma online, në data 17-19 korrik, kurse datat për pjesën tjetër të festivalit”, thuhet në njoftim. / KultPlus.com

PriFest mbahet nga data14 deri më 19 korrik

PriFest në bashkërendim me institucionet përgjegjëse, si dhe duke pritur protokollet e veprimit të mëtutjeshëm për respektimin e masave mbrojtëse, ka vendosur që edicioni i 12 i festivalit të mbahet nga data 14 deri më 19 korrik.

Festivali është paraparë të mbahet komplet në ambiente të jashtme, kinema në qiellin e hapur, në dy-tri lokacione në qendër të Prishtinës.

Pasi nuk do të ketë shumë mysafirë të huaj që mund të udhëtojnë në Kosovë, pjesa e platformës regjionale të industrisë së filmit – PriForum, do të mbahet online, në mënyrë që ekspertët e ndryshëm dhe mysafirët e huaj të jenë prezent, pa marrë parasysh situatën.

Po ashtu është vendosur që këtë vit festivali t’i shfaqë filmat gratis për publikun, transmeton kp. 

Gjatë ditës në hapësirën e festivalit para Teatrit Kombëtar do të realizohen biseda, debate, panele e kyҫje online me ekspertë të ndryshëm ndërkombëtar, si dhe workshopet e PriForum të cilat mund të ndiqen online apo në hapësirën e festivalit.

PriFest tanimë ka hapur thirrjet për Best Pitch aplikim projektesh filmike, Prishtina Kino Kabaret, Green Film Project, etj.

PriFest do të mbahet në data 14-19 korrik, kurse PriForum më 17-19 korrik. /KultPlus.com

Irena Cahani dhe Arben Bajraktaraj shpallen aktorja dhe aktori më i mirë në Festivalin PriFest

Sonte në ceremoninë përmbyllëse të edicionit të 11-të të PriFest, janë ndarë çmimet në kategoritë kryesore për filmat pjesëmarrës. ku çmimi për aktorën dhe aktorin më të mirë, u dhuruan për Irena Cahanin dhe Arben Bajraktarin (Streha mes reve), përcjell KultPlus.

Çmimi për regjisorin më të mirë nga PriFest, u zgjodh Mahmut Fazil Çoskun, për filmin “Njoftimi”

Çmimi për aktorën më të mirë iu dha Irena Cahanit, në filmin “Streha mes reve”.

Çmimi për aktorin më të mirë iu dha Arben Bajraktarajt, në filmin “Streha mes “reve

Çmimi për arritje jetësore nga PriFest, iu dhurua Melihate Qenës dhe Selman Lokës

Çmimi për filmin më të mirë europian iu dhurua “Pasojat”, me regji të Darko Stante nga Sllovenia.

Çmimin për dokumentarin më të mirë e fitoi Rodrigo Areias “Frymarrja blu”, nga Portugalia

Fituesi i programit të konkurrencës së mesme është “Lëre vdekjen të jetë e gjallë” nga Uriel Jaouen Zrehn nga Franca

Fituesi i çmimit të jurisë FIPRESCI është “The Announcment” nga Mahmut Fazil Çoskun, nga Turkia

Fituesi i filmit më të mirë të studentëve është “Kafazi i ngjyrave” nga Daniel Reascos nga Ekuadori

Fituesi i çmimit të Jurisë së Mediave është Carlos Marques-Marcet “Ditët për të ardhur”, nga Spanja

Ndërsa Juria e Studentëve të Pavarur ka zgjedhur filmin “Let’s the death be alive”, nga Uriel Jaouen Zahern.

Çmimi në vlerë nga 1500 euro nga PriFest, i është dhënë Julian Mala dhe Harris Davis, për filmin “Vëllau im”.

Çmimi për Sound Post Production, në vlerë prej 10.000 euro, i dhuruar nga Audiohaus, ka shkuar për “Aisha” të Hanis Bagashov

Çmimi Video Post Production në vlerë prej 50.000 euro, i dhuruar nga In My Country Production, ka shkuar për “Gulizar” të Belkiz Bayrak

Çmimi për fituesin e çmimit Green Film është “Nature” nga Beatrice Shabanaj dhe Verona Berisha. /KultPlus.com

“Pranvera e paharruar në fshatin e harruar” eksploron jetën ‘perfekte’ brenda sistemit komunist

Rrona Jaka

“Njerëzit janë të vetmet krijesa mbi tokë që dinë për mortalitetin e tyre, prandaj, shpeshherë seksi dhe pija janë veç shpërqendrime të këndshme”, është një shprehje nga Gjakova, por për filmin “Pranvera e paharruar në fshatin e harruar” kjo shprehje shtyhet në kufijtë më ekstremë të saj, shkruan KultPlus.

Në kuadër të festivalit Ndërkombëtar të Filmit në Prishtinë “PriFest” është shfaqur premiera e këtij filmi në Teatrin Kombëtar të Kosovës.

Në këtë film, fshatarët zgjedhin kafenenë në vend të çajtores, miqtë në vend të familjes, natën në vend të ditës dhe prostitutën në vend të gruas, duke e shfrytëzuar seksin dhe pijen si shpërqendrime të përkohshme.

Filmi fillon me disa narrativa të ndryshme, por të gjitha historitë bashkohen kur njëri prej fshatarëve hap një kafene ku shfrenohen të gjithë banorët e fshatit.

Filmi eksploron jetën “perfekte” brenda sistemit komunist ku gjithçka kryhet me sukses dhe të gjithë janë punëtorë, të zellshëm e besnik, derisa dikush u hap një kafene dhe u jep mundësi atyre që t’i tregojnë fytyrat e vërteta.

Të gjithë, që nga fëmijët e deri te burrat bëhen kurioz të dinë se çfarë fshihet me mes këmbëve të një ukrainase, veç për të zbuluar që gjithçka është njësoj, është veç mungesa e aventurës në jetën e tyre që e bën të dytën më atraktive se të parën.

Ndërkohë, filmit s’i mungon as klisheja filmike e historisë së Romeos dhe Xhulietës. Dy familje armike që duan të bashkohen nga dashuria e dy të rinjve. Një narrativë që është bërë mirë që është lënë më anash se të tjerat.

Një gjë tepër e veçantë rreth këtij filmi është se si shihet homoseksualiteti në një shoqëri të izoluar. Fillimisht është djali i Dautit që urdhërohet nga i ati që të “bëhet burrë” e të kryejë marrëdhënie me Tatianën, e pastaj edhe Miradija e cila është një vajzë e pamartuar që gjatë gjithë kohës bën komente kundër martesës dhe kundër ideve mashkullore. Zakonisht komentet e saj janë të përcjella me “Miradi mshele”.

Sigurisht, historia ka një fund të lumtur pasi, të ashtuquajturat “tundueset e djallit” përzihen nga fshati nga gratë që kishin humbur burrat e tyre si pasojë e epshit. 

Me aktorë të jashtëzakonshëm, filmi është realizuar me profesionalitetin dhe kujdesin më të madh nën regjinë e Kushtrim Bekteshit.

Me afër 50 aktorë gjithsej, regjisori ka treguar që nuk ka rol kryesor.  “Në film ka 14 role bartëse, nuk ka rol kryesor”.

“Pra, rolet më përfaqësuese i kanë, Shkumbin Istrefi, Osman Ahmeti, Riqip Gjepa, Luan Jaha, Adriana Matoshi e shumë te tjerë”, ka treguar regjisori i këtij filmi. Ndërkohë ai ka treguar edhe se kjo ka qenë hera e parë që sfidohet me një film të metrazhit të gjatë duke ditur që gjithmonë ka punuar në teatër.”

Aktorët e përfshirë në film vijnë nga Maqedonia, Kosova, Shqipëria dhe Bullgaria, ndër të cilët: Shkumbin Istrefi, Osman Ahmeti, Ndriçim Xhepa, Luan Jaha, Salaetin Bilall, Muzbajdin Qamili, Vjollca Bekteshi Hamiti, Adriana Matoshi, Diana Spasova, Hismet Ramadani, Musa Isufi, Ervin Bejleri, Romir Zalla, Adrian Aziri, Bujar Ahmeti, Shengyl Ismaili, Donikë Ahmeti, Taulanta Jupi, Mona Mustafa, Sokol Hajrullai, Ilire Vinca, Vebi Qerimi, Adem Karaga, Muzafer Etemi, Besmir Bitraku, Gentë Ratkoceri, Lili Çavdarova Suçeva, Amernis Nokshiqi Jovanovska, Emine Kadriu, Flora Kadriu, Blerim Dardhishta, Muhamed Arifi, Mendim Murtezi, Teuta Ajdini Jegeni, Drita Kaba Karaga, Elhame Bilalli, Hajrullah Ramizi, Zijadin Murtezi, Vaske Niço, etj…

“Filmi është shfaqur fillimisht në Shkup, por atëherë ka qenë në fazën produksionale, por kjo është premiera pasi tash është i kompletuar.”

Kurse organizatorja e PriFest, Vjosa Berisha ka treguar që filmi do të ketë edhe një reprizë gjatë PriFest-it.

“Do të bëjmë të pamundurën që filmi të ketë edhe një reprizë tjetër gjatë PriFest. Nuk ka ndonjë gjë të konfirmuar por do t’iu informojmë nëse një gjë e tillë realizohet”, ka thënë Berisha për ne. /KultPlus.com

PriFest zbulon anëtarët e jurive për edicionin e 11-të

Në prag të edicionit të tij të 11-të, PriFest zbulon anëtarët e jurive. Festivali Ndërkombëtar i Filmit në Prishtinë do t’i ketë 8 juri, secila me nga 3 anëtarë, të cilët do t’i përcaktojnë fituesit e çmimeve në 5 programet garuese të filmit.

Sipas traditës, PriFest do të jetë nikoqir i emrave të mëdhenj nga kinematografia dhe industritë filmike ndërkombëtare, evropiane dhe rajonale, të cilët do t’i bashkohen anëtarëve të komunitetit artistik kosovar, si dhe përfaqësuesve të studentëve dhe mediave, për t’i vlerësuar filmat që do të marrin pjesë në programet garuese të festivalit.

Në progrmain kryesor, Mjaltë dhe Gjak / programi garues i Ballkanit, juria do të përbëhet nga Karin Dix (Gjermani), drejtoresha e projektit Shooting Stars të European Film Promotion; Daniel Mulloy, regjisor filmi nga Britania e Madhe dhe fitues i katër çmimeve BAFTA; dhe Eponine Momenceau, xhiruese nga Franca, e njohur për punën e saj në “Dheepan”, që fitoi çmimin Golden Palm.

Juria e programit garues evropian sivjet do të përbëhet nga Claudia Landsberger, producente me përvojë dhe anëtare e kahmotshme e komitetit përzgjedhës për programin garues të Berlinales; Armond Morina, aktori i mirënjohur kosovar; dhe Vladimir Anastasov, producenti i spikatur nga Maqedonia.

Një nga programet kyçe të festivalit, programi garues i metrazhit të mesëm, do të gjykohet nga producenti i filmit dhe ekzekutivi i industrisë së mediave nga Holanda, Raymond van der Kaaij; filmofili kosovar Kushtrim Krasniqi, si dhe Petar Protic, kuratori i Festivalit Ndërkombëtar të Filmit në Novi Sad të Serbisë, “Cinema City”.

Programi garues i filmave dokumentarë do të vlerësohet nga kritikja e mirënjohur e filmit nga Parisi, Barbara Lorey de Lacharriere; aktori i famshëm nga Shqipëria, Lulzim Zeqja; dhe regjisori dhe producenti i filmave dokumentar, e njëkohësisht edhe drejtori i International Queer & Migrant Film Festival në Amsterdam të Holandës, Chris Belloni.

Juria e programit garues të studentëve do të përbëhet nga Myra Appannah, drejtoreshë e kompanisë londineze të mediave BRiGHTBLACK, ekspertja e Realitetit Virtual dhe bashkëkuratorja e Play UK Festivals të British Council; Fabio Tucci, Menaxheri i Festivalit të Romës, Intramovies; dhe Besmir Bitraku, aktori i teatrit dhe filmit nga Tirana.

Juria e mediave, e cila do ta gjykojë Programin e Filmave Evropianë, do të përbëhet nga gazetari i mirënjohur, moderatori televiziv, ligjëruesi dhe aktivisti social, Adriatik Kelmendi; aktorja dhe gazetarja e kulturës në RTK, Rabije Kryeziu; dhe gazetari e redaktori i bazuar në Prishtinë i cili ka fituar disa çmime për punën e tij, Arbër Selmani.

Juria FIPRESCI, e cila para pesë vitesh e zgjodhi PriFestin në Kosovë si festivali në të cilin do të jepnin çmimin prestigjioz për filma të Ballkanit; përbëhet nga tre kritikë të filmit dhe gazetarë me shumë përvojë: Dieter Ëieczorek, me origjinë nga Gjermania dhe i bazuar në Paris; Barbara Glebicka Giza, profesoreshë dhe kritike e filmit e bazuar në Poloni; dhe Steven Yates, kritik filmi dhe gazetar britanez i bazuar në Berlin.

E për fund, Juria e Pavarur e Studentëve – nëpërmjet së cilës PriFest i jep rol të rëndësishëm studentëve nga Kosova duke i mundësuar atyre ta gjykojnë programin garues të filmave të metrazhit të mesëm – përbëhet nga studentët e aktrimit Dora Xhemajli dhe Armend Ballazhi, dhe studentja e marketingut dhe administratës së biznesit, Elena Tafa.

PriFest nis më 16 korrik, prej kur filmat do të shfaqen në katër lokacione të ndryshme: Teatri Kombëtar, Kino ABC, Kino Armata dhe Kinemaja Open-Air te Sheshi Zahir Pajaziti.

Ceremonia e ndarjes së çmimeve do të mbahet në Teatrin Kombëtar në ditën e fundit të festivalit, më 21 korrik. / KultPlus.com

PriFest sjell 70 filma në Prishtinë

Edhe këtë verë të nxehtë, PriFest do t’u jap një mundësi unike që mbrëmjet t’i kaloni në kinema. Janë plot 70 filma që do të shfaqen gjatë festivalit PriFest, edicionit të 11-të që pritet të fillojë në mes të korrikut me datën 16 deri me 21 korrik kur dhe shënohet ceremonia e ndarjes së çmimeve.

Në gjithsej 10 programe të ndryshme, nga të cilat pesë janë garuese dhe 5 jogaruese vijnë, 6 premiera botërore, 5 premiera ndërkombëtare, 1 premierë evropiane, 17 premiera regjionale dhe 34 të tjera premiera në Kosovë.

Fatos Berisha, drejtor artistik i PriFest shprehet shumë i kënaqur me numrin e aplikimeve në festival dhe kualitetin e filmave.

Jam i kënaqur me numrin e aplikimeve, por edhe më shumë me kualitetin e filmave, sidomos në disa kategori garuese. Numri i premierave botërore dhe regjionale flet se PriFest me kalimin e kohës është shndërruar në festival të rëndësishëm ndërkombëtar në rajon”, tha ai.

Sipas një komunikate të organizatorëve, shfaqja e filmave do të bëhet në katër lokacione, në Teatrin Kombëtar ku dhe do të jetë hapësira kryesore e festivalit, Kinemanë ABC dhe Kino Armata, si dhe në hapësirën tradicionale të festivalit në qiellin e hapur në sheshin Zahir Pajaziti.

Biletat e festivalit për të përcjellur filmat edhe sivjet do të jenë 3 euro, ndërkohë që do të ofrohen edhe kartelat pako ‘All in One‘” që për 15 euro mund të përcillet i gjithë programi i festivalit, pra 70 filma. Edhe këtë vit si çdo vit tjetër festivali ofron edhe mundësinë gratis për të moshuarit, moshën 65 e më shumë, dhe për studentët. Filmi Kosovar “Fusha e mëllenjave” në regji të Arzana Kraja hap festivalin me datën 16 korrik. Në natën e parë, hapja e festivalit do të shënohet me filmin “Fusha e mëllenjave” që do të shfaqet në dy salla, në Teatër Kombëtar nga ora 21.00h dhe në Kinema ABC nga ora 22.00h. Shumë mysafirë të huaj nga rajoni dhe vendet tjera si dhe aktorë e filmbërës nga Kosova do të jenë prezent për të prezantuar filmat e tyre por edhe për të marrë pjesë në aktivitetet e shumta përcjellëse të festivalit që do të ofrohen në kuadër të PriFORUM, mbrëmje muzike, press konferenca, biseda dhe masterklasa, andaj ju ftojmë që gjatë javës së PriFest të qëndroni në Prishtinë që së bashku të festojmë javën e filmit në PriFest. Filmi Kolumbian “Birds of Passage” me regjisor: Cristina Gallego, Ciro Guerra i cili pati premierën botërore në Cannes do të shfaqet para publikut Kosovar si përzgjedhje e programit special Fipresci”, thuhet në komunikatë.

Programi i filmave të ndarë në kategori:

PROGRAMI GARUES I BALLKANIT  / KINEMAJA MJALTË DHE GJAK

1.      PRANVERË E PAHARRUAR NË FSHATIN E HARRUAR / regjisor: Kushtrim Bekteshi / Maqedoni, Kosovë, Shqipëri 2019 / Premierë Regjionale (112 min)

2.      A DECENT MAN / regjisor: Hadrian Marcu  / Rumani 2018 /Premierë / 93 min

3.      HOLY BOOM / regjisore: Maria Lafi / Greqi 2018 /Premierë / 99 min

4.      MALI / regjisor: Antonio Nuić /Kroaci /Premierë / 90 min

5.      STREHA MES REVE / regjisor: Robert Budina / Shqipëri, Rumani 2018 /Premierë / (84 min)

6.      THE ANNOUNCEMENT / regjisor: Mahmut Fazıl Coşkun / Turqi-Bullgari 2018 /Premierë (94 min)

PROGRAMI GARUES EUROPIAN

1.      AMARE, AMARO / regjisor: Julien Paolini / France 2018 / Premierë Regjionale/ (89 min)

2.      BAD BAD ËINTER / regjisor: Olga Korotko / Kazakistan-Francë 2018 /Premierë / (84 min)

3.      CONSEQUENCES / regjisor: Darko Štante / Slloveni 2018 /Premierë/ 95 min

(Let it be program)

4.      ELEPHANTS CAN PLAY FOOTBALL / regjisor: Mikhail Segal / Rusi 2018 /Premierë (89 min)

5.      NOË IT’S DARK / regjisor: ArildØstin Ommundsen /  Norvegji 2018 /Premierë (125 min)

6.      THE DAYS TO COME / regjisor: Carlos Marques-Marcet / Spanjë 2019 /Premierë (94 min)

PROGRAMI GARUES I FILMAVE TË METRAZHIT TË MESËM

1.      IDENTITETI / regjisor: Erman Memedi 2019 / Premierë botërore / 25 min

2.      500 / regjisor: Bogdan Albu/ Rumani 2018/Premierë / 25 min

3.      1410 / regjisor: Damian Kocur / Poloni 2018 /Premierë / 28 min

4.      CASTLE TO CASTLE/ regjisor: Emmanuel Marre / Belgjikë 2018 /Premierë /40 min

5.      LET`S THE DEATH BE ALIVE / regjisor: Uriel Jaouen Zrehen / Francë 2018 / Premierë Regjionale/ 25 min

6.      MAMA TOLD ME NOT TO LOOK INTO THE SUN/ regjisore: Lilli Tautest/ Gjermani 2018/ Premierë Regjionale / 60 min

7.      ONIONS/ regjisor: Anna Bressanini dhe Martin Alan Tranquillini / Itali 2018 / Premierë Regjionale/ 25 min

8.       THAT MORNING / regjisor: ËONG Ëai Nap / Hong Kong 2018 / Premierë Ndërkombëtare/ 46 min

9.      THE DISCRETE ËAY / regjisor: Ho Lam / Francë 2019 /Premierë / 25 min

10.  THIRD KIND / regjisor: Yorgos Zois / Greqi 2018 /Premierë / 32 min

PROGRAMI GARUES I FILMAVE DOKUMENTAR/ PRIDocs

1.      ALLA VITA/ regjisore: Coline Confort / Zvicër, Francë 2018 / Premierë Botërore/ 80 min

2.      BLUE BREATH / regjisor: Rodrigo Areias/ Portugali, Finlandë, Francë 2018/ Premierë regjionale/ 78 min

3.      BURN JUST NOË/ regjisor: Robert Adanto / USA 2018/ Premierë / 85 min

4.      BOYS ËHO LIKE GIRLS/ regjisor: Inka Achté/ Finlandë, Norvegji, Indi 2018 / Premierë regjionale/ 56 min

5.      GREEK ROCK REVOLUTION/ regjisor: Miguel Ángel Cano Santizo / Spanjë -Greqi 2019/ Premier Ndërkombëtare / 95 min

6.      MIEL-EMILE/ regjisor: Peter van Houten/ Holand 2019/Premierë/ 145 min

7.      NORMAL/ regjisore: Adele Tulli/ Itali, Suedi 2019 / Premierë / 67 min

8.      THE BRINK/ regjisor: Alison Klayman / Premierë /  81 min

9.      THE SIGNS / regjisor: Ëojciech Klimala / Poland 2018 / Premierë Regjionale/ 56 min

10.  THE SËORN VIRGIN AND THE GIRL / regjisore: Kristine Nrecaj, Birthe Templin / Germany 2018 / Premierë Ndërkombëtare/ 43 min

11.  TO BE CONTENUED / regjisor: Ivars Seleckis /  Latvia 2018 / Premierë Regjionale/ 96 min

12.  YESES / regjisor: MIGUEL FORNEIRO / Spanjë 2019 / Premierë / 85 min

PROGRAMI GARUES I STUDENTËVE

1.       Blue Dream / regjisore: Roseli Gonzalez / USA 2019 / Premierë Botërore  3 min

2.      Në Nëntor / regjisor: Murat Zherka / Maqedonia e Veriut 2019 / Premierë Botërore 12 min

3.      Trilemma / regjisor: Dritëro Mehmetaj / Republika Çeke 2017 / Premierë Regjionale15 min

4.      All’s Ëell / regjisore: Sylëia Rosak / Poland 2018 / Premierë Regjionale(16 min)

5.      Benidorm 2017 / regjisore: Claudia Costafreda / Spanjë 2019 /Premierë (23min)

6.      Boyana / regjisore: Traiana Nescheva / Bulgaria 2018 / Premierë Europiane

7.      Colour Cage / regjisor: Daniel Reascos / Ekuador 2017 /Premierë/ 15 min

8.      Machisimo / regjisore: Natalia Bombala /  Afrika e Jugut-Poloni 2018 / Premierë Regjionale/ 2 min

9.       Mishko / regjisor: Hanis Bagashov / Maqedonia e Veriut 2018 /Premierë 15 min

10.  Person Aciden / regjisor: Alvaro Martin / Spanjë-Francë 2018 /Premierë 31 min

11.  Pierre’s Heart / regjisor: Olivier Binder / Francë 2018 /Premierë 19 min

12.  The Apartament / regjisor: Belkıs Bayrak / Turqi 2018 / Premierë Regjionale/ 10 min

13.  The Ashes / regjisor: Aryan Golsoorat / Iran 2019 /Premierë 13 min

14.  Tsantsa / regjisor: Robin Lipo / Poland 2018 /Premierë 30 min

15.  Ëonder Girls / regjisore: Anastazja Dabroëska / Poloni 2018 / Premierë Regjionale/ 20 min

PROGRAMI LET IT BE

1.      A MOMENT IN THE REEDS/ regjisor: MIKKO MAKELA/ Finlandë-UK/ 2018/ Premierë /104 min

2.      EVA AND CANDELLA/ regjisor: RUTH CAUDELI/ Kolumbi 2018/ Premierë Regjionale / 90 min

3.      I AM SOFIA / regjisor: Silvia Luzi / Italy 2019/ Premierë Ndërkombëtare/ 83 min

4.      RAFIKI/ regjisor: Ëanuri Kahiu/ Kenia 2019/ Premierë / 83 min

PROJEKSIONE SPECIALE

1.      FUSHA E MELLENJAVE/ regjisor: Arzana Kraja / Kosovë – Britani e Madhe – Shqipëri 2019 / Premierë kombëtare / 90 min

2.      THE LOAD / regjisor: Ognjen Glavonic / Serbi – Francë – Kroaci – Iran – Katar 2018 / 98 min

PROJEKSIONE SPECIALE PERZGJEDHJE NGA FIPRESCI

1.      HOUSE OF HUMMINGBIRD / regjisor: KIM Bo-ra / Korea Jugore – SHBA – 2018 / Premierë / 125 min

2.      BIRDS OF PASSAGE / regjisor: Cristina Gallego, Ciro Guerra / Kolumbia – Danimarka – Meksika – Gjermania – Zvicrra – Francë 2018 / Premierë / 138 min

PROJEKSIONE SPECIALE KINEMATOGRAFI SHQIPFOLESE / IN ALBANIAN

1.      MALI I HARRUM/ regjisor: Ardit Sadiku / Shqipëri 2018 / Premierë Botërore /

94 min

2.      MALA / regjisor: Faton Bajraktari / Kosovë 2019 / Premierë Botërore / 73 min

3.      DY GISHT MJALTE / regjisor: Ermir Khalilzadeh 2019 / Shqipëri – Kosovë – Francë – Greqi / 101 min

4.      DELEGACIONI / regjisor: Bujar Alimani / Shqipëri 2018 / 77min

PROGRAMI EKSPERIMENTAL

1.      THE END OF ETERNITY/ regjisor: Pablo Radice / Argjentina 2018 / Premierë /

10 min

2.      SALVATIERRA / regjisor: Alejandro Silva, Ivan Rodriguez / Kolumbia 2019 / Premierë Ndërkombëtare / 24 min

3.      ICEBERG NATIONS / regjisor: Fernando Martin Borlan / Spanjë / Premierë Regjionale / 4 min

4.      TUPINAMBA LAMBIDA / regjisor: Lucas Parente / Brazil 2018 / Premierë /11min

5.      CROSS THE LINE / regjisor: Tonia Trujillo / Spanjë 2017 / Premierë Regjionale 15min /Insajderi /KultPlus.com

Filmi “Fusha e mëllenjave” premierë kombëtare në natën e hapjes së PriFest

Filmi debutues i regjisores Arzana Kraja “Fusha e mëllenjave” do të jetë filmi që do të shënojë hapjen zyrtare të edicionit të 11 të PriFest, në natën solemne të datës 16 korrik në Teatrin Kombëtar në Prishtinë.

Shtëpia filmike Circle Production ka vendosur që rrugëtimin e filmit, shfaqjen e parë publike, si premierë kombëtare jashtë programit konkurrues, ta fillojë në Kosovë duke e dhënë atë para publikut kosovar në PriFest.

Vjosa Berisha, kryesuese e festivalit shprehet e kënaqur me faktin se PriFest do të sjell përsëri një prodhim kosovar në natën solemne të hapjes

“Nata e hapjes së festivalit është mbrëmje e veçantë e festës dhe shënon një fillim të një jave përplot aktivitete të industrisë së filmit, premiera filmash nga mbarë bota dhe sjell shumë mysafirë të huaj në kryeqytet, andaj ne na gëzon fakti që këtë mbrëmje mund ta bëjmë edhe më të veçantë kur kemi prodhim vendor për të shfaqur. Fusha e mëllenjave do të shfaqet si projeksion special jashtë konkurrencës zyrtare. Ekipi i filmit me aktorë, regjisorë, producentë dhe anëtarë të tjerë të produksionit do të jenë prezent në natën e hapjes për të prezantuar punën e tyre, dhe kjo i jep edhe vet hapjes së festivalit një karakter më festiv. Filmi do të shfaqet në dy salla njëkohësisht, me distancë kohore prej 45 minutash.” ka shpjeguar Berisha.

Arzana Kraja, regjisore e filmit shprehet e lumtur për faktin që filmi do të prezantohet para publikut vendor:

“Çfarë i ndodh një idealisti të zhgënjyer? Çfarë ndodh kur ai tradhtohet nga njerëzit që u besonte? Filmi është rrugëtim i një idealisti, i cili kthehet pas një kohe të gjatë për të zbuluar të vërtetën, por përfundon edhe më i hutuar. Jam e lumtur që filmi së pari do të shfaqet para audiencës vendore në hapjen e PriFest, pasi që rrëfimi ka të bëjë me historinë e tri dekadave të fundit të Kosovës. Besoj që secili prej tyre do të mund të gjejë diçka edhe nga historia e tyre personale.” ka thënë ajo për këtë film./KultPlus/

PriFest hap thirrjen për Green Film Project III

Festivali Ndërkombëtar i Filmit PriFest, këtë vit do të organizojë edicionin e tretë të Green Film Project, projekt ky i cili ka për qëllim ngritjen e vetëdijes dhe aktivizmin tek të rinjët për rëndësinë e mjedisit, me fokus impaktin që ka shoqëria në kualitetin e ajrit përgjatë tërë vitit.

Green Film Project është program me karakter garues me temë mbrojtjen e mjedisit, ndërkohë që këtë vit do të jetë me fokus të veҫant në cilësinë e ajrit.

PriFest, ju fton që të merrni pjesë në edicionin e III të Green Film Project për të sjellur para publikut të PriFest idetë tuaja kreative, në formë të filmit të shkurtër dokumentar apo fiktiv, që trajtojnë ajrin.

Reflektimet tuaja për ajrin, njohuritë apo kurioziteti rreth ajrit, gjetjet tuaja arkivore ose ato të dokumentuara rishtazi, idetë inovative ose ato poetike, secila arsye logjike apo emocionale që do t’u inspironte për ta zgjedhë filmin si mjet për tregimin tuaj, mund ta shfaqni në Green Film Project.

Drejtoresha e Festivalit PriFest Vjosa Berisha shprehet e kënaqur që ky aktivitet do të vazhdojë të jetë pjesë e PriFest:

“ – Vetëdijësimi i të rinjve lidhur me mbrojtjen e ambientit dhe dhënja e informatave për këtë problematikë është shumë e rëndësishme, andaj për ne si festival, marrë parasysh se kemi mundësi dhe hapsirë që të informojmë publikun lidhur me këtë ҫështje, e bëjmë këtë gjë me shumë përgjegjësi dhe kënaqësi. Mënyra se si e kemi realizuar në të kaluarën ka qenë shumë e përshtatshme sepse përmes garës janë stimuluar të rinjët që të kyҫen dhe të realizojnë idetë e tyre. Në këtë mënyrë do të vazhdojmë të punojmë edhe këtë vit.”

Ndërsa, të drejtë pjesëmarrje kanë:                                                                                    

–          Të gjithë të rinjtë moshës 16 vjeç.

–          Pjesëmarrësit nuk kanë nevojë të kenë ndonjë përgatitje paraprake si filmbërës. Mjafton të kenë idenë dhe dëshirën për të prodhuar një film

–          Filmat mund të xhirohen me çfarëdo mjeti xhirues: kamera, smartphone, ipad, etj.

–          Kohëzgjatja e filmit nga 30 sekonda deri në 3 minuta

–          Projekti është i hapur deri më datë 1 korrik.

–          Filmat e përfunduar duhet të ngarkohen në linkun e ndarë enkas për Green Film Project në www.prifest.org

–          Pjesëmarrësit poashtu duhet të plotësojnë formën e aplikacionit me të dhënat e tyre që do të ndodhet në ëebfaqen e PriFest prifest.org

–          Pjesëmarrësit në garë mund të ndajnë edhe një promo të vogël të filmit 10 sekonda të cilën mund ta promovojnë në Instagram me hashtag #GreenFilmProject2019 #PriFest #millenniumfoundationks.

–          Të drejtë aplikimi kanë vetëm shtetsati Kosovar.

Nga të gjitha aplikimet, 10 filma do të përzgjidhen nga selektorët e festivalit për t`u shfaqur në PriFest 11 në njërën nga netët e festivalit në datat 16-21 korrik. Ndërkohë juria ndërkombëtare do të përzgjedh edhe filmin më të mirë të Green Film Project. Autori i filmit më të mirë do të fitojë si shpërblim një kamerë profesionale dhe Pllaketën e Hyjneshës së Gjelbër.

Edicionet e kaluara të Green Film Project, kanë nxitur interesim të jashtëzakonshëm tek të rinjtë kosovarë, të cilët nëpërmjet filmit kanë arritur edhe të mësojnë më shumë rreth mbrojtjes së mjedisit.

PriFest këtë vit mbahet më datë 16-21 korrik.

       Miqësi. Përgjithmonë. PriFest

Bëhen të ditur pjesëmarrësit në PriForum dhe PriFest


Pas prezencës në festivalin e Kanës, Menaxhmenti i PriFest tanimë mund të zbulojë disa nga ekspertët dhe kompanitë që pritet të jenë prezente në festival këtë vit, përcjellë KultPlus.

Në kuadër të garës Best Pitch në PriFORUM, këtë vit PriFest do të sjell disa nga ekspertët e rëndësishëm të rrjetit prestigjioz European Audio Visual Enterpreneurs.

Ka konfirmuar tanimë prezencën e vet eksperti për zhvillim skenari Jacques Achoti i cili do të zhvillojë workshopin e zhvillimit të skenarit me një numër të projekteve të përzgjedhura nga aplikimet në Best Pitch.
Do të jetë prezente edhe ekspertja e financimit dhe koproduksionit Linda Beath, poashtu nga EAVE, e cila do të ofrojë këshilla lidhur me mundësitë e financimit dhe bashkëprodhimit për projektet që do të përzgjidhen për garën Best Pitch.

Poashtu në aktivitetin Prishtina Rendezvous, një rast unik që PriFest e mundëson tanimë 4 vite për takimet e producentëve me kompani të shitjes në fazën e zhvillimit të projektit, kanë konfirmuar pjesëmarrjen një numër i kompanive të shitjes dhe distribuimit.

“Jam jashtëzakonisht i kënaqur që bashkë me Vjosën dhe Fatosin kemi punuar qysh nga fillimi i vitit për këtë edicion dhe kemi arritur të konfirmojmë shumë kompani prestigjioze dhe emra të rëndësishëm për industrinë e filmit dhe kjo dmth shumë për të gjithë filmbërësit tanë të cilët kanë projekte në zhvillim ose projekte të kryera e duan ti distribuojnë apo shesin në treg ndërkombëtar. Flasim për kompani si Memento International, Level K, Loco Films, Film Republic, Fandango, etj. E di qe do të jetë një program i ngjeshur dhe intenziv këtë vit dhe i inkurajoj të gjithë të interesuarit që të vizitojnë webfaqen e PriFest si dhe rrjetet sociale dhe të aplikojnë në programet që ju interesojnë. Duke qenë personalisht pjesë e kësaj industrie dhe duke i ditur kufizimet dhe mundësitë tona për të qenë pjesë e këtyre programeve në Evropë, PriFest ofron një mundësi të jashtëzakonshme. Po flasim për kontakte të cilat në një festival si Cannes ose Berlin është pothuajse e pamundur ti takosh. E këtë mundësi e sjell PriFest”, u shpreh Drejtori i PriForum, Besnik Krapi, i cili ka filluar punën në PriFest këtë vit.

Aplikimi për Best Pitch do të jetë i hapur deri më 30 maj. Gjithë të interesuarit mund të aplikojnë në linkun e bashkangjitur http://prifest.org/best-pitch/

BEST PITCH është një cikël trajnimesh zhvillimore të projektit dhe ka karakter garues. Është një nga programet e PriFest dhe Prishtina Film Forum (PriForum) që nga vitet e para të festivalit, nëpërmjet së cilës producentët do të kenë mundësi të zhvillojnë projektet e tyre të cilat janë në fazën e parë të produksionit.

Projektet e përzgjedhura për Best Pitch, do të mund të përfitojnë mundësinë e pjesëmarrjes në trajnime me ekspert prestigjioz evropian, nga kompani dhe rrjete të njohura në Europë, në seancë për zhvillim të skenarit, apo seancë kokë më kokë me eksperten e financës dhe koproduksionit me një përvojë shumë vjeçare në këtë fushë. Gjithashtu, gjatë ditëve të festivalit pjesëmarrësit do të mund të takohen me distributorë dhe agjentët e shitjes së filmit nga kompanitë më të rëndësishme në Europë në Prishtina Rendezvous. E në fund, e vlerësuar nga një Juri Ndërkombëtare, do të ndahen edhe çmimet në Best Pitch.

Mundësi aplikimi në Best Pitch, kanë projektet filmike të metrazhit të gjatë që janë në fazë zhvillimi dhe financimi dhe që janë projekt i parë apo i dytë i një filmbërësi nga rajoni i Ballkanit.

Best Pitch është vetëm një nga disa aktivitet që në PriFest organizohen si pjesë e PriFORUM-it, e që është platformë rajonale e zhvillimit të industrisë së filmit.

Festivali PriFest mbahet në korrik në datat 16-22, kurse PriForum 18-21 korrik. Vizitoni faqen e PriFest www.prifest.org për të bërë akreditimin si dhe rrjetet sociale instagram, facebook dhe twitter (prifest) për tu informuar për të gjitha se çfarë pritet të sjell PriFest këtë vit. / KultPlus.com

PriFest emëron Valter Lucajn udhëheqës të Prishtina Kino Kabaret

Pas Besnik Krapit, ekipit të PriFest i është bashkangjitur edhe Valter Lucaj, regjisor, për të marrë në udhëheqje Prishtina Kino Kabaret, që është pjesë e rrjetit të Kino Kabareve në botë.

Prishtina Kino Kabaret është aktivitet i PriFest që ka filluar në vitin 2016 dhe në kuadër të këtij aktiviteti PriFest fton aktorët, regjisorët, producentët, skenaristët, kamermanët dhe montazherët me apo pa përvojë, nga mbarë bota, që për një javë gjatë festivalit, të vizitojnë Prishtinën dhe të realizojnë projekte të shkurta filmike me ekipe xhirimi që organizohen në mënyrë spontane.

Ky koncept ka filluar si ide në Montreal, Quebek të Kanadasë në vitin 1999. Kino Kabaret është një lëvizje e realizimit të filmave që avokon produksionin e filmave të shkurtër me buxhet të vogël apo pa buxhet fare, duke bërë bashkë ekipe të vogla dhe një bashkëpunim pa karakter garues. Kino Kabaretë janë prezente në mbarë botën dhe kanë për qëllim që të promovojë bashkëpunimin dhe rrjetizimin në mes të filmbërësve nga mbarë bota (www.kinokabaret.org).

Kino Kabaret në Prishtinë realizohet që nga viti 2016 në kuadër të PriFest, festivalit më të madh ndërkombëtar të filmit artistik në Kosovë.

Lidhur me angazhimin e Valter Lucaj si udhëheqës i Prishtina Kino Kabaret, Vjosa Berisha drejtoreshë e festivalit u shpreh: “Valteri është një regjisor shumë aktiv dhe me një përvojë të madhe në televizion dhe film. Ardhja e tij në ekipin e PriFest na gëzon shumë sepse edhe Prishtina Kino Kabaret është në fillimet e veta dhe ka nevojë për një udhëheqës që e njeh mirë punën e produksionit filmik. Valteri do të sjell një frymë të re me idetë e veta për ta zhvilluar më tutje këtë lëvizje në kuadër të PriFest. Koncepti i Kino Kabaret është shumë I përshtatshëm për t’u dhënë mundësi filmbërësve dhe aktorëve tanë që të bashkëpunojnë në realizime filmike me filmbërës të huaj, duke ju dhënë mundësi që të promovohen edhe jashtë kufijve të Kosovës përmes këtyre filmave. Prishtina Kino Kabaret poashtu ka rëndësi sepse realizimet filmike do të bëhen në Prishtinë dhe kjo e mundëson edhe promovimin e kryeqytetit tonë përmes filmit.”

“Jam entuziast dhe i gëzohem angazhimit tim në PriFest për të udhëhequr një aktivitet shumë tërheqës sic është Prishtina Kino Kabaret, sepse më jep mundësi mua dhe filmbërësve tanë që të takojmë dhe punojmë me shumë njerëz të botës së filmit që do të vijnë nga vende të ndryshme të botës në Prishtinë, e aq më shumë më gëzon fakti kur bëhet fjalë për realizimin e filmave këtu në qytetin tim. Si udhëheqës i Prishtina Kino Kabaret do të sjell përvojën time që ky aktivitet të ketë të gjitha parametrat sic realizohen Kino Kabaretë në vendet tjera të botës dhe do të angazhohem që kjo mundësi t’i shërbejë edhe filmbërësve dhe aktorëve tanë në mënyrën më të mirë të mundshme.” – u shpreh Valter Lucaj lidhur me rolin e tij të ri në PriFest.

Aplikimi për të qenë pjesë e Prishtina Kino Kabaret do të hapet me datën 5 mars në faqen e PriFest www.prifest.org ku do të gjeni edhe kushtet e aplikimit. Pjesëmarrja në

Prishtina Kino Kabaret është e hapur për të gjithë aktorët, regjisorët, producentët, skenaristët, kamermanët, tonistët dhe montazherët me apo pa përvojë, nga Kosova, regjioni dhe mbarë bota.

Data e edicionit të 11-të të PriFest dhe Kino Prishtina (Prishtina Kino Kabaret) janë 16-21 korrik 2019. Slogani ndërkombëtar i Kino Kabaret është “Make your mov(i)e” ndërsa festivali vazhdon të ketë slloganin e vet të njohur ndër vite: Friendship. Forever. PriFest. / KultPlus.com

“Histori maje kulmi” nisi dekadën e parë të PriFest-it

Alberina Haxhijaj

“Histori maje kulmi”, me regji të Gazmend Nelës, ka qenë filmi i cili ka shënuar hapjen e edicionit të 10-të të PriFilm Fest. Sot, siç e do edhe tradita e këtij festivali është mbajtur edhe konferenca për media për të mësuar më shumë rreth filmit nga regjisori Gazmend Nela, skenaristi Arian Krasniqi si dhe aktori Xhevdet Doda.

Fatos Berisha nga PriFilm Fest u shpreh i lumtur që ky film ka bërë hapjen e edicionit të 10-të për faktin se është një film vendor dhe pikërisht ky edicion është i veçantë pasi që 11 filma nga Kosova do të jenë pjesë e tij.

Rooftop Story Trailer

Rooftop Story Trailer

Gepostet von Rooftop Story am Mittwoch, 18. Oktober 2017

Filmi mbrëmë ka pasur premierën në Kosovë pas premierës në Kanada në Festivalin e Filmit “Montreal World Film Festival”, ndërsa në PriFilm Fest ai është në garë në kategorinë e filmave ballkanik.

Për regjisorin Gazmend Nela rikthimi në PriFilm Fest pas 10 viteve është shumë i rëndësishëm për të. Kujtojmë se ai kishte marrë pjesë në këtë festival në edicionin e parë të festivalit.

“Pas 10 vite jam rikthyer përsëri në PriFilm Fest. Filmi është xhiruar në Prishtinë në qytetin ku kam lind e jam rritë. Në Kanadë ka pasur emocione mirëpo këtu ka qenë krejtësisht ndryshe pasi që emocionet ishin shumë më të forta”, u shpreh regjisori.
E veçantë e këtij filmi është se ai është bardh e zi. Diçka e cila sipas regjisorit është bërë në mënyrë që të largohet nga ngjyrat, nga realiteti, në mënyrë që filmi të mos krijojë përshtypjen e dokumentarit.

Konceptualisht filmi i ka dy veçanti sipas skenaristit Arian Krasniqi. 98% e filmi është xhiruar në ambient të hapur ku qyteti i Prishtinës ka shërbyer si skenografi e filmit. Pastaj, për më shumë se 1 orë sa zgjatë edhe filmi, paraqitet e gjithë ngjarja që ndodh brenda një ditë.

“Filmi është xhiruar për 30 ditë për të krijuar përshtypjen se ngjarja po ndodh brenda një dite”, theksoi skenaristi.

Ai u shpreh se së bashku me regjisorin mund të konsiderohen bashkautorë në skenar pasi që janë bashkuar rreth idesë për të treguar sipas tij një histori jo të zakonshme të Prishtinës në një rrëfim kinematografik.

“Ndjenja që ta jep vizaulizimi, momenti kur ti punën tënde në letër e sheh në ekran të madh është një ndjenë e papërshkrueshme. Kjo është magji e ekranit, magjia e filmit që të bënë të ndihesh i veçantë”, u shpreh skenaristi.

Filmi është një dramë psikologjike dhe flet për një profesor i cili e humb familjen e tij dhe në luftën për mbijetesë shndërrohet në një të pastrehë . Ai takohet pastaj me një vajzë e cila po ashtu e ka humbur fëmijën çfarë mund të konsiderohet edhe fillimi i dramës.

Aktor Xhevdet Doda, u shpreh shumë i lumtur që ka qenë pjesë e ekipit të filmit.

“E mira e këtij roli ka qenë që së bashku me regjisorin kam punuar gjatë gjithë kohës dhe kam pasur kohë të mjaftueshëm për t’u përgatitur për këtë rol. E kam ditur se çfarë kam dashur dhe kam vendosur disa pikë mbi të cilat kam dashur që ta ndërtoj rolin të cilat janë përkrahë edhe nga regjisori”, u shpreh aktori Doda.

Në këtë film me rolet e tyre luajnë aktorët: Xhevdet Doda, Mona Mustafa, Art Lokaj, Ismet Azemi, Sylejman Lokaj, Safete Rugova, Florist Bajgora, Ermal Gerdovci, Defrim Salihu, Selatin Ademi e të tjerë. Filmi është mbështetur nga Qendra Kinematografike e Kosovës.

“Rooftop Story” u shfaqë mbrëmë në dy lokacione: tek Teatri Kombëtar i Kosovës dhe tek platoja në Sheshin Zahir Pajaziti në kryeqytet, njëlloj siç do të ndodhë edhe me filmat e tjerë.

Për programin e plotë të PriFest mund të klikoni në këtë link, e ku do të njoftoheni për filmat dhe të gjitha ngjarjet që do të ndodhin këtë javë në kuadër të Prifest. / KultPlus.com

Tetë filma të përkrahur nga QKK shfaqen në PriFest 2018

Festivali Ndërkombëtar i Filmit PriFilm Fest, fillon këtë të martën dhe do të hapë edicionin e tij të 10-të, me “ROOFTOP STORY”, një film nga regjisori Gazmend Nela i cili shfaqet premierë në Kosovë pas asaj të Montrealit.

Ndërsa, gjatë javës do të jenë edhe shtatë filma të tjerë të përkrahur nga Qendra Kinematografike që do të shfaqen në këtë edicion.

Këta filma janë: MARTESA nga Blerta Zeqiri, GJUMË DHE DASHURI nga Arsim Haliti, NJË TREGIM PRISHTINE nga Burbuqe Berisha, ME DASHT, ME DASHT, ME DASHT nga Ilir Hasanaj, KLITHMA nga Korab Lecaj, VITI I MAJMUNIT nga Vladimir Blazevski, dhe mbyllja e festivalit do të bëhet me filmin KTHIMI nga Kastriot Abdyli./ KultPlus.com

PriBeats nga PriFest kthehet me edicionin e dytë me DJ nga Franca, Rumunia dhe Britania e Madhe

Pas debutimit mbresëlënës në skenën e muzikës elektronike në Kosovë – kur verën e kaluar ftoi në Prishtinë dy veteranë të këtij zhanri, Point G nga Franca me një LIVE set dhe DJ Honesty nga Berlini, si dhe ikonën shqiptare të muzikës elektronike nga Nuremberg në Gjermani, Hajdar Berisha – PriBeats kthehet me Episode II.

Edicioni i sivjetmë pritet të jetë edhe më i flaktë, me 6 artistë të cilët do të performojnë në Amfiteatrin e Gërmisë, afër pishinës: Seuil [Eklo, FRANCË], Piticu [Sunrise, RUMUNI], Alban Hi-Dini [BRITANI E MADHE], Lekë [PriBeats, KOSOVË] b2b rrrron [Kult-Urë, KOSOVË] b2b Altin Boshnjaku [KOSOVË].

PriBeats është seri e evenimenteve të muzikës elektronike që organizohet në kryeqytet, dhe ka partner Festivalin Ndërkombëtar të Filmit në Prishtinë, PriFest. Buron nga pasioni për ta kultivuar më tej trashëgiminë e kahmotshme të muzikës elektronike që e ka qyteti, me një qasje të freskët dhe identitet të dalluar.

Seuil është DJ dhe producent nga Franca, një ndër më të mirët e skenës, njëri prej artistëve që e ruajnë fluksin e kualitetit dhe i rezistojnë trendeve elektronike, duke ndjekur frymën muzikore në të cilën besojnë. E don teknon minimale gjermane dhe deep house të Shteteve të Bashkuara, dhe është shumë i përkushtuar ndaj këtyre nën-zhanreve. Ai është një producent i talentuar i cil ka lansuar produksionet e tij në disa kult lables si: Circus Company, Ultrastrech, Minibar e Cabanne, labeli i dikurshëm i Dan Ghenacia, Freak n’ Chic, Moon Harbour e Matthias Tanzmann, Raum…musik e Dorian Paic, Supplement Facts e Guy Gerber, Hello?Repeat e Daze Maxim, e deri te labeli i tij i jashtëzakonshëm, Eklo.

Ai ka bashkëpunuar me artistë të ndryshëm si Tolga Fidan dhe dOP në hitin e skenës underground të vitit 2011, ‘Ultravision’. Kohëve të fundit është fokusuar në labelin e tij Eklo duke lansuar produksione të paharrueshme, duke drejtuar një grupacion të producentëve shumë progresivë dhe të talentuar si Ryan Crosson, Chris Carrier, Robert Dietz, Le Loup, Cristi Cons, Robin Ordell, Vadim Svoboda, Ion Ludwig, Lauhaus, Skat, Boris Horel, Kate Simko, Francesco Del Garda, Ekkohaus dhe Yakine.

Pasioni dhe filozofia e Seuil lidhet me pllaka/vinil, dhe këtë e manifeston nëpërmjet produksioneve të labelit të tij si dhe performancave të tij si DJ. Kur luan me gramafonë, ai është mjeshtër i groove-it; inkorporon minimal tekno, deep house dhe break house te Britanisë së Madhe. Është një nga emrat më të respektuar në rrjetin e muzikës elektronike underground, e prandaj rregullisht performon nëpër klubet e festivalet më të mira në botë, nga DC10 në Ibiza, te Concrete në Paris, e deri te ndejat e njohura Half Baked në Londër, ku performon si rezident. Seuil është gjithashtu njëri element i dyshes Hold Youth, ku partner e ka Le Loup. Si Hold Youth, ata performojnë si rezidentë dy herë në muaj në një prej klubeve më të mira në planet, Rex Club në Paris. Seuil është pa dyshim një prej emrave më të talentuar të muzikës elektronike underground, kështu që vendin e ka te ne, për të performuar për publikun e uritur të Prishtinës në një vend magjik në zemër të nënës natyrë, në Amfiteatrin e Parkut të Gërmisë.
Artisti i radhës vjen nga familja e madhe e producentëve dhe DJ-ëve shumë të respektuar të teknos minimale rumune. Është një prej artistëve më të shquar tw saj, Piticu. Publiku mirënjohës i Prishtinës veç se ka shijuar doza të muzikës tepër unike të kësaj kllike muzikore. Performancat e Livio & Roby, Premiesku, Raresh dhe Praslea janë veçuar si disa prej evenimenteve më të mira që janë organizuar në kryeqytet.

PriBeats ishin të pranishëm gjatë një seti fantastik 5-orësh nga Piticu në Sunwaves Festival 23 në Rumuni – ku ai ishte në program ndërmjet legjendave të kult labelit Perlon të Gjermanisë, Margaret Dygas dhe Sammy Dee, që flet shumë për atë se sa i vlerësuar është rumuni nga programerët e një prej festivaleve më të mira në botë – dhe prej atëherë vendosën ta sjellin muzikantin ikonik në Prishtinë! Aftësitë magjepsëse të Piticu si DJ kanë bërë që edhe ai te performojë në ndeja të shkëlqyera si Sunwaves Festival (nga edicioni i 8) në Rumuni, Spy Bar në Chicago, Dance Event në Amsterdam, Sankeys dhe The Zoo Project në Ibiza, Fuse në Bruksel etj. Si producent, ai ka lansuar muzikë në labels të Rumunisë, Unanim dhe Dissonant e Marc Antona, labelin rus Arma, si dhe labelin e Amsterdamit, Undefined. Piticu do të performojë setin përmbyllës në Episode II të PriBeats, duke u kujdesur për fansat e muzikës elektronike në Prishtinë gjatë pjesës më delikate të natës, afterit.

Përgatituni për ta pritur lindjen e Diellit me këtë djalosh!

Akti i tretë i PriBeats është një prej DJ-ëve më të talentuar shqiptarë, Alban Hi-Dini nga Britania e Madhe. Pak ka DJ që kanë reputacion si të tij në Prishtinë. Udhëtimi muzikor i tij nisi me një impuls për të eksploruar muzikën, dhe kështu vendosi të zhvendoset në Londër
në fund të viteve të 90-a. Ai ishte i magjepsur me konceptin e tolerancës dhe bashkimit që muzika house e ka në thelb të saj. Ishte gjithnjë më i përfshirë në skenën muzikore të Londrës, dhe dikur nisi të performojë me pllaka/vinil. I frymëzuar prej shumë sendeve, Albani ka performuar me shumë DJ të njohur ndërkombëtarisht. Shpeshherë performon i vetëm gjatë gjithë natës, duke kaluar nëpër forma të ndryshme të muzikës house, me koleksionin e pafund të produksioneve shumë kualitative në formë të pllakave vinil. Këtë herë ai është kthyer në Prishtinë për PriBeats Episode II, duke nisur një udhëtim tjetër muzikor që padyshim do t’i lëjë vendasit duke pritur vizitën e tij të radhës.

Akti i fundit i PriBeats Episode II është i rrallë. Pasi kanë zhvilluar reputacionin përgjatë viteve në bazë individuale, me muzikë padyshim të ngjashme por patjetër që secila e dalluar në vete, tre lojtarë kyç të skenës rajonale të muzikës elektronike i bashkojnë forcat për një set 3-orësh back-to-back, me të cilin do të nis nata nga perëndimi i Diellit më 20 korrik.

I pari është rrrron (Rron Kurtolli), i cili iu ekspozua llojeve të ndryshme të muzikës nga një moshë e hershme, pasi që në familjen nga ana e nënës ka shumë muzikantë. rrrron u paraqit në skenën underground të muzikës elektronike në Prishtinë pasi u kthye nga Nju Jorku dhe Roma. Që nga performancat e para të tij, ai u etiketua si talent i ri. I udhëzuar prej DJ-ëve me përvojë, së shpejti DJ setet e tij u bënë të njohura në kryeqytet. Vazhdimisht la mbresa me performancat e tij brenda dhe jashtë vendit, dhe kështu bëri debutimin ndërkombëtar në vitin 2018, duke performuar në Hive dhe Kasheme në Cyrih, dhe Nordstern në Basel. rrrron është gjithashtu një nga themeluesit e Kult-Urë, ndërmarrjes shoqërore që u formua për ta ngritur nivelin e ndërgjegjësimit shoqëror për rëndësinë e artit dhe muzikës në një shoqëri të njollosur nga politikat negative.

Atij i bashkohet Altin Boshnjaku, një nga DJ-ët më të preferuar të publikut, i cili vazhdimisht është i përkushtuar për t’i dhënë formë muzikës së tij që e ka ngritur në skenën e muzikës elektronike, me performanca të vazhdueshme brenda dhe jashtë vendit. Altini e hapi edicionin e parë të PriBeats vitin e kaluar me një DJ set të shkëlqyeshëm, dhe kështu PriBeats po e mirëpret edhe në edicionin e dytë.

Elementi i fundit në këtë trio është kreu i PriBeats, Lekë, i cili hyn në listën e performuesve të cilën e kuroi vet, si akti i katërt dhe i fundit.

Biletat për PriBeats mund t’i bleni me çmim promocional 5 euro Te Miqt Pub (ngjitur me Hotel Swiss Diamond mbi Sheshin Nëna Terezë), Mono Bar & Lounge (përballë ndërtesës së RTK, afër shkollës fillore Faik Konica), Zyret e PriFest (hyrja ndërmjet Fast Food Aurora dhe mini-marketit ngjitur me të, në katin e dytë), dhe nga 17 korriku, në Biletoren e Teatrit Kombëtar.

Në bashkëpunim me Universitetin AAB, PriBeats ofron transport me autobus PA PAGESË çdo 20 minuta nga qendra e qytetit te Newborn direkt te Amfiteatri i Gërmisë, duke filluar nga ora 19:40 më 20 korrik.

PriBeats është realizuar me mbështetje të PriFest, Raiffeisen Bank, Z Mobile, Birra Peja, Universiteti AAB dhe Mono Bar & Lounge.

Nëse keni nevojë për më shumë informata mund ta kontaktoni +383 43 714 944 dhe [email protected] / KultPlus.com

PriFest risjellë në Kosovë mysafiren speciale Vanessa Redgrave

Jemi vetëm 10 ditë larg fillimit të edicionit të dhjetë të PriFestit.

Gjatë javës së festivalit, mes datave 17 dhe 22 korrik, gjithsej 58 filma do të shfaqen në programe të ndryshme garuese dhe jogaruese, ku të përfshira do të jenë 6 premiera botërore, 2 ndërkombëtare, 3 evropiane dhe 14 regjionale.

Shumë mysafirë pritet të jenë pjesë e festivalit, për t’i prezantuar filmat e tyre apo për të qenë pjesë e PriFORUM-it, platformës industriale të zhvillimit të filmit në rajon.

Një nga mysafirët e rëndësishëm të festivalit do të jetë Vanessa Redgrave, aktore britanike fituese e çmimit “Oscar”, Presidente e Bordit të Nderit të PriFest-it, e cila ishte prezente në ceremoninë e hapjes së edicionit të parë të PriFest në vitin 2009, ndërsa tash do të rikthehet pas 10 viteve për ta parë nga afër progresin e këtij festivali, përcjellë KultPlus.

“Ne jemi shumë të lumtur dhe të nderuar që Vanessa Redgrave do të rikthehet në Prishtinë për ta vizituar festivalin tonë. Është një gjë e mrekullueshme! Ajo ishte këtu në edicionin e parë, kur ne kishim nevojë më së shumti për të dhe tash ajo rikthehet këtu për ta festuar me ne një përvjetor të veçantë – një dekadë të PriFest. Për më tepër, ajo në PriFest do ta sjellë filmin e saj të parë të punuar si regjisore, filmin “Sea Sorroë” që vitin e kaluar kishte premierën botërore në Cannes, një film shumë personal e dinamik që trajton temën e krizës globale të refugjatëve. Në shenjë respekti dhe vlerësimi për gjithë përkrahjen e saj ndër vite për komunitetin artistik në Kosovë dhe festivalin, PriFest-i do ta shpërblejë atë me çmimin “Hyjnesha e Artë”.
Ajo ishte me ne kur ne ishim refugjatë në Maqedoni, na vizitoi në kampe dhe na inkurajoi që të qëndronim të fortë. Më pas, ajo u rikthye në Prishtinë në shtator të vitit 1999 për ta organizuar një festival të mrekullueshëm të muzikës dhe teatrit. Ky festival quhej “Kthimi” dhe kishte për qëllim festimin e rikthimit të refugjatëve në shtëpitë e tyre në Kosovë. 10 vite më vonë, ajo u rikthye në ceremoninë hapëse të PriFest-it, për ta hapur festivalin dhe për ta pranuar rolin ‘Presidente e Bordit të Nderit të festivalit’. Tash ajo po rikthehet përsëri dhe ne jemi shumë të lumtur për këtë vizitë.” – u shpreh Vjosa Berisha, drejtoresha e PriFest-it, me shumë entuziazëm.

Festivali do të vazhdojë të organizojë shumë aktivitete të ndryshme edhe këtë vit, si programi i projekteve filmike regjionale i quajtur “Best Pitch”, i organizuar nga PriFORUM-i, dhe Prishtina Rendezvous – një aktivitet i dedikuar që distributorët dhe agjentët e shitjes nga e gjithë Evropa të mësojnë më shumë për projektet filmike ballkanike dhe të takojnë filmbërsit nga kjo pjesë e botës. Në PriFORUM do të ketë edhe shumë aktivitete të tjera.

Edhe shumë aktivitete të tjera pritet të mbahen gjatë javës së festivalit, i cili këtë vit e feston një jubilar të vogël, 10-vite ekzistencë.
Për t’u veçuar këtë edicion është fakti që do të shfaqen një numër rekord i prodhimeve të Kosovës, shumica e të cilave janë të mbështetura nga Qendra Kinematografike e Kosovës.

Fokusi gjithashtu do të jetë në promovimin e kapacitetit krijues vendor dhe aktorëve nga Kosova, me qëllim që këta të fundit të kenë mundësi ta fitojnë vëmendjen e distributorëve ndërkombëtarë dhe të mund të sjellin prodhime ndërkombëtare në Kosovë. Në industrinë e filmit në PriFORUM paneli kryesor do të jetë “Kosovo ready to roll” që do të promovojë lokacionet e xhirimit, kapacitetet njerëzore dhe aktorët e Kosovës të gatshëm për projekte filmike ndërkombëtare.

Më poshtë është paraqitur programi i plotë i edicionit të dhjetë të PriFest-it, ndërsa për më shumë informacione vizitoni faqen tonë zyrtare ëëë.prifest.org si dhe na ndiqni në rrjetet tona sociale.

PROJEKSION SPECIAL:

1. “SEA SORROË” – Vanessa Redgrave / 74 min / Angli 2016
ME MYSAFIRE SPECIALE VANESSA REDGRAVE
PROGRAMI GARUES I FILMAVE EVROPIAN:
1. “APOSTASY” – Daniel Kokotajlo / 1h 35 min / Angli, Dramë, 2018 (nga PlayUK)
2. “FOAM AT THE MOUTH” – Janis Nords / 79 min / Letoni, Poloni, 2017
3. “I ËAS A DREAMER” – Michelle Vannucci / 97 min / Itali, 2016
4. “ËAJIB” – Annemarie Jacir / 96 min / Palestinë, Francë, Gjermani, Kolumbi, Norvegji, Katar, 2017
5. “ËHEN THE TREES FALL” – Marysia Nikitiuk / 1h 28 min / Ukrainë, 2018
6. “ANCHOR AND HOPE” – Carlos Marques-Marcet / 111 min / Spanjë, Angli 2017 (LGBTQI)

PROGRAMI GARUES I FILMAVE TË BALLKANIT (HONEY AND BLOOD):

1. “DIRECTIONS” – Stephan Komandarev / 103 min / Bullgari 2017
2. “THE ËITCH HUNTER” – Rasko Miljkovic / 86 min / Serbi, Maqedoni 2018
3. “MEN DON’T CRY” – Alen Drljević / 100 min / Bosnje dhe Herzegovinë, Slloveni, Kroaci, Gjermani 2017
4. “YEAR OF THE MONKEY” – Vladimir Blazevski / 112 min / Maqedoni, Kosovë, Serbi 2018
5. “COMIC SANS” – Nevio Marasović / 103 min / Kroaci 2018
6. “NJË TREGIM PRISHTINE” / “A PRISHTINA STORY” – Burbuqe Berisha / 85 min / Kosova 2018
7. “HISTORI NË ÇATI” / “ROOFTOP STORY” – Gazmend Nela / 75 min / Kosovë, Maqedoni 2017
8. “THE SMELL OF MONEY” – Ahmet Boyacioglu / 99 min / Turqi 2018
9. “ZER” – Kazım Öz / 110 min / Turqi 2017
10. “KTHIMI” / “THE RETURN”(FILM JO-GARUES) – Kastriot Abdyli / 84 min / Maqedoni, Kosovë 2018

PROGRAMI GARUES I FILMAVE TË METRAZHIT TË MESËM:

1. “KLITHMA” / “SCREAM” – Korab Lecaj / 27 min / Kosovë, 2018
2. “MARY” – Juraj Primorac / 29 min / Kroacia, 2017
3. “THE APP” – Thomas Grascœur / 26 min / Francë 2016
4. “THE SERVANTS” – Marëan Khneisser / 25 min / Francë, 2017
5. “CHOCOLATE ËIND” – Ilia Antonenko / 23 min / Rusi, 2016
6. “FALLOU” – Alassane Sy / 30 min / Angli, Senegal, 2017
7. “LEGEND OF THE RICE GRAIN” – Lukasz Pethe / 45 min / Gjermani, 2016
8. “A DISCRETION” – Cédric Venail / 50 min / Francë 2017
9. “FLORIAN’S LAST CLIMB” – Harold Chapman / 25 min / Gjermani, 2018
10. “ECLAIR” – Marko Gjokovik / 30 min / Maqedoni, 2016

PROGRAMI GARUES I FILMAVE DOKUMENTARË:

1. “ARCADIA” – Paul Ëright / 1h 18 min / Angli, 2017 (nga PlayUK)
2. “THE LAST TAPE” – Cyprien Clément-Delmas, Igor Kosenko / 12 min / Gjermani, 2017
3. “THE UNITY OF BIRDS” – Cruz Lisandro Morena / 29 min / Argjentinë, Meksikë 2017
4. “MR.GAY SYRIA” – Ayse Toprak / 1h 25 min / Turqi, 2017 (LGBTQI)
5. “UPON THE SHADOË” – Nada Mezni Hafaiedh / 1h 20 min / Tunizi 2017
6. “BURKINABÈ RISING: THE ART OF RESISTANCE IN BURKINA FASO” – Iara Lee / 72 min / SHBA, Belgjikë, Burkina Faso
7. “NOTHING IS FORGIVEN” – Vincent Coen, Guillaume Vandenberghe / 1h 1 min / Belgjikë, Francë 2017
8. “THE KITMAN” – Andres Cornejo / 25 min / Ekuador, 2017
9. “MAN MADE” – T Cooper / 1h 38 min / SHBA, 2018 (LGBTQI)

PROGRAMI LET IT BE (PROGRAM JO-GARUES) (LGBTQI):

1. “EVENING SHADOËS” – Sridhar Rangayan / 102 min / Indi, 2018
2. “MARTESA” – Blerta Zeqiri / 98 min / Kosovë, Shqipëri 2017
3. “GOD’S OËN COUNTRY” – Francis Lee / 104 min / Angli 2017 (nga PlayUK)
PLAYUK (BRITANIA E MADHE – SHTET PARTNER) (PROGRAM JO-GARUES)
1. “FILM STARS DON’T DIE IN LIVERPOOL” – Paul McGuigan /105 min / Angli 2017
2. “BEAST“- Michael Pearce / 107 min / Angli 2017
3. “THE PARTY” – Sally Potter / 71 min / Angli 2017
4. “ENGLAND IS MINE” – Mark Gill / 93 min / Angli 2017

PROGRAMI GARUES I FILMAVE STUDENTORË:

1. “THIS MUST BE THE RITUAL” – Robin Lipo / 14 min / Poloni 2016
2. “REENACTMENT” – Jerónimo Atehortúa Arteaga / 25 min / Bosnje & Herzegovinë, Kolumbi 2018
3. “BIG SISTER” – Michal Gassner / 13 min / Izrael 2017
4. “PULSE” – Eyal Tzadik / 13 min / Izrael 2017
5. “MUSTACHELAND” – Ercan Küçük, Esen Tan, Balen Zangana, Oya Aytimur Duman, Emre Güvenç, Fatih Yaşın, Doğacan Güneş Perkün, Ayşe Yörükoğlu, Tilbe Cana İnan, Emre Çücük / 8 min / Turqi 2017
6. “ROOTA” / “THE ËHEEL” – Doki Qerimi / 8 min / Kosovë 2018
7. “DIELLI” / “SUN” – Mjellma Istrefi / 12 min / Kosovë, Itali 2018

PROGRAMI I FILMAVE EKSPERIMENTALË:

1. “IN BETËEEN TAKES” – Alexei Dmitriev / 17 min / Rusi 2017
2. “ONE AND MANY” – Jonas Bak / 19 min / Kamboxhia, Angli 2017
3. “AS YOUR ËITNESS” – João Pupo / 18 min / Portugali 2018
4. “GALINHAS NO PORTO” – Caio Zatti, Luís Henrique Leal / 20 min / Brazil 2018
IN ALBANIAN (PROGRAM JO-GARUES)
1. “BINI” – Erblin Nushi / 19 min / Kosovë, SHBA 2018
2. “ME FAL” / “FORGIVE ME” – Besim Ugzmajli / 14 min / Kosovë 2018
3. “GJUME DHE DASHURI” / “PLUM IN THE THROAT” – Arsim Haliti / 75 min / Kosovë 2018
4. “ME DASHT, ME DASHT, ME DASHT” / “TO ËANT, TO NEED, TO LOVE” – Ilir Hasanaj / 91 min / Kosovë, 2017. / KultPlus.com

Clare Downs dhe Simon Wilkinson mbajnë punëtori në PriFest

Përmes partneritetit me Këshillin Britanik në Kosovë PriFest këtë vit sjell për publikun platformën e filmave më të rijnë PlayUK dhe një numër ekspertësh të industrisë së filmit.

Këtë vit PriFest ka lidhur bashkëpunim me British Council për të sjellë jo vetëm kinemanë e këtij shteti për publikun kosovar, por edhe një numër mysafirësh dhe ekspertësh, të cilët përmes workshopeve të tyre, do të ndajnë njohuritë në fushën e zhvillimit të skenarit dhe në lëminë shumë tërheqëse të realitetit virtual (Virtual Reality and Augmented Reality).

PlayUK do të jetë përmbledhja e filmave më të suksesshëm që vijnë nga kinematografia britanike, të gjithë premiera në PriFest dhe Kosovë, filma atraktiv me shumë ngjarje interesante dhe një numër të njohur aktorësh anglez që interpretojnë në ta.

Mos e lëshoni shansin që t’i shijoni këto ngjarje në ditët e nxehta të korrikut, qoftë në kinemanë e hapur në sheshin “Zahir Pajaziti”, qoftë në Teatër Kombëtar apo në Kinon e re Armata, të gjitha në javën e PriFest-it, 17-22 korrik 2018.

Ndërkohë, dy punëtori/workshope që ky festival i organizon në bashkëpunim me Këshillin Britanik (British Council) këtë vit, duke sjellë dy ekspertë të rryer me shumë përvojë në fushat e veta, janë:

* Workshopi i rregullt i PriFest për Zhvillim Skenari, që këtë vit do të ekzekutohet nga Clare Downs, dhe
* Workshopi i Realitetit Virtual (VR) që do të mbahet nga Simon Wilkinson, një ekspert që ka marrë vlerësime shumë të mëdha nga shumë revista prestigjioze dhe ka mbajtur workshope në shumë shtete, derisa puna e tij është ekspozuar edhe në Tate Modern në Londër.

CLARE DOWNS – EKSPERTE NË LËMINË E ZHVILLIMIT TË SKENARIT

Clare Downs, është tutore e përgatitjes së skenarit, shkrimtare, skenariste dhe ligjëruese në “National Film and Television School” në Angli dhe nëDepartamentin e Masterit për shkrim skenari në De Montfort University.

Clare Downs është anëtare themeluese e ekipit analizues të skenarit në EAVE (European Audiovisual Entrepreneurs) që ngaviti 1989. Gjithashtu, ajo është producente e The Dress (BAFTA) dhe e High Season (San Sebastian, skenari mëi mirë).

Projektet filmike pjesëmarrëse në këtë workshop, tanimë të përzgjedhura (gjithsej 4 projekte), përfitojnë një punëtori 2-ditore për Zhvillim të Skenarit (Script Development) të udhëhequr nga ekspertja Downs, projekt ky që mbahet tani e shumë vite në kuadër të PriFORUM-it gjatë ditëve të festivalit.

SIMON WILKINSON, EKSPERT NË FUSHËN E VIRTUAL REALITY

Workshopi tjetër që PriFest e organizon në bashkëpunim me Këshillin Britanik (British Council) do të mbahet nga Simon Wilkinson.

Simon Wilkinson, që vjen nga kompania Circa69, është një ekspert që ngarevista CINEUROPA është vlerësuar si “një nga emrat më të shquar në Evropë kur flitet për VR”. Me punën e tij ai ka marrë pjesë në Tate Modern, Londër, si dhe në 3 vitet e kaluara puna e tij me VR ka qenë pjesëmarrëse në një turne të mbajtur në 24 shtete në 6 kontinente të Botës, ndërsa në Prishtinë workshopi i udhëhequr nga ky ekspert titullohet “Virtual Reality & Augmented Reality” (Realiteti Virtual & Realiteti i Zmadhuar).
Kjo punëtori, që do të drejtohet nga Simon Wilkinson [CiRCA69], zgjat dy ditë dhe ka për qëllim që të mësojë pjesëmarrësit të krijojnë VR (Realitet virtual) dhe AR (Realitet i zmadhuar) duke përdorur programin “Unity”.

Programi aplikativ “Unity” është një nga programet më të përdorura ngakrijuesit e VR, mund të shkarkohet falas dhe iu mundëson përdoruesve që të prodhojnë përmbajtje interaktive për Oculus Rift, HTC Vive, Samsung Gear dhe shumë platforma të tjera VR.

Të gjithë të interesuarit për pjesëmarrje, të cilët mund të jenë fimkrijues, arkitektë, artistë vizual e elektro-muzicientë, në këtë punëtori, duhet të aplikojnë para datës 10 korrik në http://prifest.org/application-for-vr-ar-workshop/

Numri i vendeve për këtë punëtori është i limituar dhe të gjithë pjesëmarrësit e zgjedhur duhet ta sjellin me vete laptopin e tyre në punëtori si dhe duhet ta kenë të instaluar programin “Unity”. Kjo punëtori është pa pagesë dhe zgjat dy ditë./ KultPlus.com

“Histori në çati” me regji të Gazmend Nelës, hapë Festivalin PriFest

Në edicionin e dhjetë jubilar, PriFest ka vendosur që fokusin ta drejtojë në kinematografinë e Kosovës. Për hapjen dhe mbylljen e festivalit, PriFest ka përzgjedhur dy filma nga Kosova, me qëllim që të vazhdojë promovimin edhe më të madh të krijimtarisë vendore.

Edicioni i dhjetë i PriFest-it, që mbahet nga 17 deri 22 korrik, do të hapet me filmin “Histori në çati” (The Rooftop Story) të regjisorit Gazmend Nela, derisa filmi përmbyllës i festivalit do të jetë “Kthimi” (The Return) i regjisorit Kastriot Abdyli. Filmi i regjisorit Abdyli është edhe koproduksioni i parë zyrtar në mes Kosovës dhe Maqedonisë.

Sikur edhe çdo edicion, PriFest ka një program të veçantë Focus, ku prezanton krijimtarinë filmike të një shteti apo autori të veçantë, siç ishin në vitet e kaluara bashkëpunimet me Francën, Italinë, Japoninë, Amerikën Latine, Indinë, etj.

Këtë vit, PriFest ka në Focus: Kosovën

Janë plot 11 filma nga Kosova të përzgjedhur për t’u shfaqur gjatë ditëve të festivalit në kategori të ndryshme, më shumë se çdo herë tjetër. Të gjithë filmat, me përjashtim të filmave “Martesa” dhe “Me dasht me dasht me dasht” të cilët do të shfaqen në kategori jo-garuese, 9 filmat e tjerë do të shfaqen për herë të parë në Kosovë (disa nga ta edhe në botë) në kuadër të PriFest-it. Që të gjithë 11 filmat janë bërë nga regjisorë vendor, prej atyre me një përvojë më të madhe e deri te emrat më të rijnë, ndërkohë që shumica e këtyre filmave janë përkrahur nga Qendra Kinematografike e Kosovës.

Por, kjo nuk është e tëra. Brenda programit special Focus: Kosova, do të bëhet promovimi i Kosovës në shumë aspekte.

Kosovo ready to roll (Kosova e gatshme për xhirim) – është moto që do të përcjell tërë platformën e zhvillimit të industrisë së filmit PriFORUM, duke i dhënë rëndësi të veçantë promovimit të vendit për mundësi të xhirimit të projekteve filmike ndërkombëtare në Kosovë.

Do të organizohen prezantime të lokacioneve për xhirim në mbarë Kosovën për kineastët ndërkombëtarë, mysafirë të festivalit, si dhe prezantimi i projekteve filmike të Kosovës që janë në fazën e post-produksionit brenda programit PriView – Works in Progress. Poashtu do të promovohen kapacitetet e kompanive të produksionit, kapacitetet njerëzore, ekipet filmike si dhe aktorët kosovarë të gatshëm për angazhim në produksione filmike të huaja (Kosovo Raising Stars).

‘Jemi shumë entuziast që në edicionin jubilar, do të kemi në fokus vendin tonë, Kosovën. Me një numër rekord filmash që do të shfaqen brenda javës së PriFest, audienca jonë do të ketë kënaqësinë e shijimit të veprave vendore kinematografike, disa prej tyre do të shfaqen madje për herë të parë te ne, pa filluar ende udhëtimin në festivalet ndërkombëtare, pra janë premiera botërore. Kjo na bën krenarë, dhe njëkohësisht e përmbush misionin tonë të festivalit, që përveç shfaqjes së kinemasë botërore në Kosovë, është edhe promovimi i kinematografisë vendore. Posaçërisht më gëzon fakti që nga 11 filmat e Kosovës, 3 janë bërë nga regjisore femra. Shpresoj që në vitet në vijim ky numër do të rritet.

Më gëzon poashtu fakti se do të prezantojmë edhe kapacitetet që ka Kosova për të mirëpritur produksionet e huaja filmike. Do ta bëjmë këtë në bashkëpunim me Shoqatën e Producentëve të Kosovës, Qendrën Kinematografike të Kosovës dhe një përkrahje të madhe do ta kemi nga Swiss Contact, një organizatë që e promovon Kosovën si vend turistik, kësaj radhe do të jetë partner i yni për të promovuar lokacionet e xhirimit që ka Kosova duke organizuar dy ekskursione brenda festivalit për vizitë të këtyre lokacioneve. Do të ketë edhe shumë befasi të tjera që do t’i shpalosim në ditët në vijim’, theksoi Vjosa Berisha, drejtoreshë e PriFest.

Lista e plotë e filmave të Kosovës që do të shfaqen sivjet në PriFest:

1. ‘A Prishtina Story’ (Një histori Prishtine), në regji të Burbuqe Berishës,
2. ‘Rooftop story’, (Histori në çati) në regji të Gazmend Nelës,
3. ‘The Return’ (Kthimi), në regji të Kastriot Abdylit
4. ‘Klithma’, në regji të Korab Lecajt,
5. ‘Martesa’, në regji të Blerta Zeqirit,
6. ‘Bini’, në regji të Erblin Nushit,
7. ‘Forgive me’ (Më fal), në regji të Besim Ugzmajlit,
8. ‘Gjumë dhe dashuri’, në regji të Arsim Halitit,
9. ‘Me dasht’ me dasht’ me dasht’’, në regji të Ilir Hasanajt,
10. ‘The Wheel’ (Rrota), në regji të Doki Qerimit.
11. ‘Dielli’, në regji të Mjellma Istrefit.

Audienca e PriFest, mes datave 17-22 korrik do të mund t’i përcjellë filmat në hapësirat e Teatrit Kombëtar (dy salla), Kinemanë nën qiellin e hapur te Sheshi “Zahir Pajaziti” si dhe në hapësirën tonë më të re,“Kino Armata”. Gjithashtu, sikur në edicionet e kaluara, edhe sivjet PriFest ofron mundësinë e blerjes së kartelave “All in One”, të cilat kushtojnë 10 euro dhe mundësojnë përcjelljen e të gjithë filmave të festivalit. Për të marrë këtë kartelë mund të na shkruani në [email protected] apo të thirrni në zyrën e festivalit (+38343714944), ndërsa biletat e filmave, të cilat kushtojnë 3 euro, mund t’i gjeni në biletarinë e Teatrit Kombëtar gjatë ditëve të festivalit./ KultPlus.com