Ed Sheeran po provon diçka të re përpos muzikës, fillon të merret me astronomi

Këngëtari britanik, Ed Sheeran, raportohet se ka shpenzuar një shumë të parave për të blerë një çantë speciale në mënyrë që të mund t’i shikojë ata çdo natë, duke filluar kështu të merret edhe me astronomi, përcjell KultPlus.

Artisti ka investuar në një kupolë observatori në kopshtin e tij të pasmë dhe e ka mbushur me pajisje moderne për hobin e tij të ri.

“Ed nuk ka shumë netë pushimi dhe do të ketë edhe më pak kur të shkojë në turne. Por kur e bën këtë, i pëlqen të jetë në gjendje të shikojë qiellin  natën. Ai i ka të gjitha pajisjet për të vëzhguar yjësitë dhe di një ose dy gjëra për të gjitha, gjë që mund të befasojë shumë njerëz”, tha një burim për tabloidin The Sun.

Ed nuk do të jetë në gjendje të përfitojë nga pajisjet e tij të reja astronomike për një kohë, pasi turneu i tij i ri fillon në Dublin pas dhjetë ditësh. /KultPlus.com

Vdiq në moshën 33 vjeçare, Tom Parker

Tom Parker, këngëtari 33-vjeçar i grupit të muzikës rok “The Wanted”, ka vdekur më 30 mars, pas luftës me kancerin në tru.

Shëndeti i këngëtarit ishte përkeqësuar shpejt në dy javët e fundit.

Parker, ishte bashkuar me shokët e grupit për turneun e tyre të fundit, më 17 mars, ndërsa gjendja e tij shëndetësore u përkeqësua pas përfundimit të këtij turneu.

“Të gjithë e vumë re se sa shpejt iu përkeqësua gjendja Tomit gjatë turneut, por ai nuk u pendua pasi me të vërtetë donte ta bënte këtë”, ka thënë një familjar i tij për “The Sun”.

Vdekja e Tomit u bë e ditur të mërkurën nga gruaja e tij Kelsey, me të cilën ai ka dy fëmijë.

“Me dhimbje në zemër ju njoftojmë se Tom vdiq paqësisht sot gjatë ditës. Ai ishte qendra e botës sonë dhe nuk mund ta imagjinojmë jetën pa buzëqeshjen dhe pa praninë e tij”, ka shkruar gruaja e tij, në Instagram.

Tom iu bashkua grupit “The Wanted” në vitin 2009. / KultPlus.com

Lista e plotë e 20 simptomave të Omicronit

Janë zbuluar 20 simptomat më të zakonshme të Omicron, ndërsa një studim i madh i COVID-19 regjistron shenjat që duhen pasur parasysh.

Simptomat më të raportuara të variantit me numër të madh të mutacioneve vijnë nga britanikët që janë goditur me këtë variant, shkruan The Sun.

Top 20 simptomat përfshijnë zërin e ngjirur, ndjesinë e marramendjes dhe të lodhjes.

20 simptomat kryesore të Omicron:

1.Dhimbja e kokës

2.Rrjedhja e hundës

3.Lodhja

4.Teshtitja

5.Dhimbje të fytit

6.Kollë e vazhdueshme

7.Zë i ngjirur

8.Të dridhura

9.Ethe

10.Ndjesia e trullosjes

11.Mjegull e trurit

12.Erë e ndryshuar

13.Dhimbje e syve

14.Dhimbje të pazakonta të muskujve

15.Vaktet e anashkaluara

16.Humbja e nuhatjes

17.Dhimbje gjoksi

18.Gjëndra të fryra

19.Ndjesi e keqe

20.Ndryshime në organizëm / KultPlus.com

“Unë jam një refugjate”, Rita Orës i vendoset pllakatë në shenjë mirënjohjeje në shkollën e saj fillore në Londër

Artistja shqiptare me famë botërore, Rita Ora, i ka bërë një vizitë shkollës së saj fillore në Londër.

Ajo është fotografuar e buzëqeshur pranë një pllakate, e cila është vendosur për nder të saj në murin e shkollës, shkruan The Sun.

Përveç emrit të saj me shkronja të mëdha, në pllakate shkruhet edhe: “Këngëtarja dhe aktorja iku nga lufta në Kosovë dhe studioi këtu pasi mbërriti në Britaninë e Madhe në vitin 1991”.

Rita e cila sot është 30 vjeçe ka një karrierë të suksesshme mbarë globale si këngëtare, aktore dhe modele.

Ajo shkrepi disa fotografi aty pranë pllakatës në shkollën fillore “St Cuthbert” në Londrën Perëndimore.

Anëtarja e jurisë së spektakleve “The Voice Australia” dhe “The Masked Singer” më pas vizitoi shkollën “Sylvia Young Theatre School”, në të cilën përfundoi shkollimin e mesëm. / KultPlus.com

“The Sun” sqaron mbiemrin e vërtetë të Rita Orës

Rita Ora është bërë një emër i famshëm falë zërit të saj të mahnitshëm – por jo shumë fansa e dinë që ajo ndryshoi mbiemrin e saj për një arsye të veçantë.

Emri i vërtetë i superyllit 30-vjeçar me famë globale është Rita Sahatçiu, shkruan mediumi britanik The Sun.

Rita ka lindur në Prishtinë, Ish-Jugosllavi (tani Kosovë), nga dy prindër me origjinë shqiptare.

Babai i yllit zbuloi se ai e ndryshoi mbiemrin në Ora pasi Sahatçiu ishte e vështirë të shqiptohej nga të huajt.

Babai i saj, Besnik Sahatçiu, raportohet se ishte pronar i një pijetoreje në Londër, ndërkohë që ka studiuar për ekonomi.

Ndërkohë, mamaja e saj Vera është një psikiatre që punon për NHS (Shërbimi i Shëndetit Kombëtar në MB) – ajo madje u thirr vitin e kaluar për të punuar në vijën e parë të frontit gjatë shpërthimit të pandemisë coronavirus.

Rita e kaloi vitin e parë të jetës së saj në një banesë të vogël në Kosovë para se prindërit e saj të iknin nga persekutimi dhe zhurmat e luftës dhe gjenocidit.

Për t’i shpëtuar kësaj, familja u shpërngul në Mbretërinë e Bashkuar kur ajo ishte një vjeçe.

Në prill të vitit 2020, Rita foli për “shpëtimin nga persekutimi” pasi familja e saj u bashkua me miliona shqiptarë të tjerë që ikën nga vendi gjatë një lufte një dekadëshe.

Shpjegimin e emrit të saj të plotë, Rita e bëri edhe vet së fundmi në një vlog për “Wired”, ku iu përgjigj pyetjeve më të shpeshta që fansat kanë kërkuar në Google.

Pyetja ishte “A është Rita Ora emri i vërtetë i saj?”, referuar faktit që shumë artistë ndërkombëtar i ndryshojnë emrat e tyre, duke vendosur një emërtim artistik, në mënyrë që fansat ta kenë më të lehtë shqiptimin e tyre.

“Është për të qeshur, secili më pyet për këtë, por vërtet është ashtu. Emri im i plotë është Rita Sahatçiu Ora”, ka thënë këngëtarja e lindur në Prishtinë.

Familja e artistes përndryshe ka prejardhje nga Peja, dhe mbiemri i tyre Sahatçiu vjen nga fakti që ishin të njohur si familje e vjetër që kultivonin zanatin e orëtarisë në Pejë – dhe kushërinjtë e Ritës në këtë qytet vazhdojnë edhe sot e kësaj dite ta bëjnë të njëjtën gjë. / KultPlus.com

Pas akuzave për “përvetësim kulturor”, The Sun shkruan për Rita Orën: Ajo është shqiptare e Kosovës

Rita Ora, sëfundi është akuzuar për ”përvetësim kulturor” pas disa imazheve ku shihet me stil flokësh afrikan, fotografi të cilat ishin realizuar në vitin 2015, mirëpo, pas këtyre akuzave, një nga mediat më të mëdha britanike, i ka kushtuar një artikull prejardhjes së Orës, shkruan KultPlus.

The Sun ka shkruar për prindërit e Rita Orës, për Kosovën e për atë se çfarë potencon Rita për vendin e saj.

Kush janë prindërit e Rita Orës?

Rita lindi më 26 nëntor të vitit 1990 nga prindërit Besnik dhe Vera Sahatçiu.

Babai i saj raportohet se ishte një pronar i pub-eve dhe më parë ka kryer studimet për ekonomi.

Ndërkohë, mamaja e saj Vera është një psikiatre që punon për NHS (Shërbimi i Shëndetit Kombëtar në Angli).

Njerëzit shpesh kanë komentuar se sa të ngjashme duken Rita dhe mamaja e saj.

Nga vjen Rita Ora?

Rita lindi në Kosovë, nga dy prindër me prejardhje shqiptare.

Ajo e kaloi vitin e parë të jetës së saj në një banesë të vogël në Kosovë para se prindërit e saj të largoheshin nga persekutimi i zhurmshëm i luftës dhe gjenocidit serb.

Kosova ishte atëherë pjesë e Jugosllavisë dhe diktatori brutal Slobodan Milosevic po fillonte shtypjen e tij ndaj shqiptarëve etnikë si familja e Ritës.

Për t’i shpëtuar kësaj, familja u largua në Mbretërinë e bashkuar kur ajo ishte në moshën një vjeçe.

Çfarë ka thënë Rita Ora për prejardhjen e saj?

Në prill të vitit 2020, Rita u tregua e hapur për temën e “luftës ndaj persekutimit”, pasi familja e saj iu bashkua miliona shqiptarëve të tjerë që shpëtuan nga vendi gjatë një lufte dekade.

Ajo gjithashtu ka thënë se e viziton Shqipërinë sa më shpejt që mundet, madje u emërua një ambasadore nderi e Kosovës në ambasadën e Londrës në vitin 2015.

Në vitin 2016, Rita pranoi gjatë një paraqitje në “Wendy Williams ‘Show” se ajo shpesh ngatërrohet nga njerëzit për shkak të ngjyrës së lëkurës së saj.

Prezantuesi i kishte thënë: “Mendova se ishe gjysmë e zezë dhe gjysmë e bardhë, apo diçka e tillë?”

Rita u përgjigj: “Të gjithë e bëjnë këtë zakonisht. Unë gjithashtu mund të jem. Por jo, unë jam shqiptare”. / KultPlus.com

The Sun shkruan për moskujdesin e Shaqirit: Shumë i kuq

Mediat angleze kanë “ngacmuar” Xherdan Shaqiri, pasi ai u kap nga paparacët në një jaht luksoz, në pushimet e tij verore në Ibiza.

Mesfushori i Liverpoolit vendosi të relaksohet në një festë, të cilën e ka shijuar në maksimum. Në një moment, Shaqiri shihet i rrethuar nga tri vajza.

Por, tabloidi britanik “The Sun”, është përkujdesur që të tallet me moskujdesin e futbollistit nga Zhegra.

The Sun shkruan se si Shaqiri ka harruar që të lyejë trupin për t’u mbrojtur nga dielli, transmeton KultPlus.

Tabloidi britanik shkruan se futbollisti shqiptar është bërë i kuq, ashtu si ngjyqrat e fanellës së Liverpoolit.

“Shumë i kuq. Shaqiri e harron kremin e rrezitjes teksa tregon se është djegur nga dielli duke pozuar në jahtin luksoz”.

Shaqiri momentalisht është në pushime, pasi me Liverpoolin u shpall kampion i Premierligës.

Ende nuk dihet nëse ai do të vazhdojë të qëndrojë te “të kuqtë”, apo do të bëhet me tjetër skuadër. / KultPlus.com

“The Sun”: Shqipëria, një Kroaci e re

Gazeta britanike “The Sun” ka botuar një artikull mbi dhjetë destinacionet më të mira në të gjithë botën për turizëm mes të cilave përmend edhe Rivierën Shqiptare.

“Nëse po kërkoni të filloni vitin me një aventurë të re, këtu janë disa sugjerime që do t’ju ndihmonin për udhëtimet tuaja,” shkruan gazeta.

Riviera Shqiptare

PSE ËSHTË E NJOHUR: Vendasit i kanë ruajtur me dinakëri për vete plazhet dhe gjiret e detit për dekada të tëra.

Por tani, Lonely Planet e ka quajtur vendin një destinacion të mirë për 2019. Mund të vini bast se është vetëm çështje kohe para se Shqipëria të bëhet një Kroaci e re.

ÇFARË PRESIN TURISTËT: “Njerëzit shpesh kanë një imazh të ashpër për Shqipërinë,” na tregon Tom.

“Prandaj, ata mbeten të befasuar kur shohin se sa idilik është ai vend”.

Në Drimadhë, vizitori ndjen shijen e parajsës shqiptare: hotelet e bukura dhe baret rreshtohen përgjatë rërës së bardhë, plazhit dhe detit si pastër si kristali.

Gjithashtu, Shqipëria në mënyrë të konsiderueshme ia kalon Greqisë dhe Italisë fqinjë kur është fjala për koston.

Vera nё Shqipёri ka temperaturat mё tё mira mbi 20°C, por edhe turmat më të mëdha për shkak të popullaritetit të saj në rritje.

Prandaj, provo tё vizitosh Shqipërinë në maj dhe shtator.

“Mundohuni të vizitoni Shqipërinë gjatë majit ose shtatorit për të shmangur turmat e mëdha për shkak të popullaritetit të saj në rritje”, përfundon “The Sun”/ata/ KultPlus.com

The Sun: Braktiseni Greqinë për Shqipërinë, është më lirë dhe po ashtu e mrekullueshme

Mund të kurseni para duke këmbyer pushimet në buzë të detit në Greqi me bregdetin Shqiptar, shkruan e përditshmja britanike “The Sun”.

“Bregdeti jonian i Shqipërisë është shumë pranë atij të Korfuzit dhe mund të arrihet lehtësisht që nga ishulli grek dhe plazhet e saj janë njësoj të mrekullueshme. Nëse dëshiron të krijosh varietet përse të mos vizitosh Shqipërinë?”, thekson gazeta në një artikull që i dedikohet destinacioneve alternativë, ndaj atyre popullore, për të kaluar pushime të mrekullueshme.

“Një avantazh i madh është fakti se është shumë më e lirë se sa fqinji, shumë i pëlqyer por i mbytur me turistë”, thuhet në këtë artikull.

“Një kriko kushton vetë 0,58 paund në Shqipëri kundrejt 1,8 paund në Korfuz, nuk po bëjmë shaka!”, përfundon “The Sun”./ ata

The Sun: Rita Ora dhe Dua Lipa në mesin e yjeve më glamuroze të mbrëmjes

E përditshmja britaneze “The Sun”, menjëherë pas natës së madhe të Brit Awards, ka publikuar një shkrim për dukjen e yjeve në tapetin e kuq. Kryetitulli i këtij lajmi është pikërisht te këngëtarja e famshme shqiptare, Rita Ora, shkruan KultPlus.

Rita Ora, në këtë shkrim vlerësohet për stilin e saj të veçantë me fustanin e bardhë që bëri që e gjithë vëmendja të kthehet tek ajo. Ndërsa, në këtë shkrim një vëmendje të veçantë i kushtohet edhe këngëtares tjetër shqiptare Dua Lipës, e cila mbrëmë u paraqit me një fustan të gjerë ngjyrë rozë.

“E shumë nominuara, Dua Lipa që në fillim tërhoqi vëmendjen në fustanin ngjyrë rozë nga tyli”, shkruhet në shkrimin e “The Sun”.

Po ashtu në ketë tekst një theks i veçantë bie tek trëndafili i bardhë, që simbolizon solidarizimin me viktimat e abuzuar seksualisht. Kampanja “Time’s up”, tashmë nënkupton një lëvizje të njohur që fillimisht u shfaq në Amerikë.

Dua Lipa, mbrëmë nga Brit Awards mori dy trofe me vete, pasi që fitoj çmimin si “Artistja më e mirë femër” dhe “Artistja debutuese”. Kurse Rita Ora dhuroi një performancë të mahnitshme të këngëve të saj të suksesshme.

Holly Willoughby, Maya Jama, Scarlett Moffatt, Aleesha Dixon, Jessie Ware përbëjnë listën e të komentuarve të tjerë në këtë shkrim. / KultPlus.com

“The Sun”, artikull të gjatë për koncertin e Rita Orës në Prishtinë

Gazeta britanike “The Sun” nuk ka lënë pa i kushtuar një artikull të gjatë këngëtares shqiptare me famë botërore, e cila të shtunën mbrëma performoi në Prishtinë.

Ardhja e Rita Orës në Kosovë dhe koncerti i mbajtur për nder të 10 vjetorit të shpalljes së pavarësisë së Kosovës, ka bërë që “The Sun” ta japë një historik të shkurtër për jetën e këngëtares.

“Këngëtarja ishte ftuar të performojë në një koncert për ta shënuar 10 vjetorin e pavarësisë së shtetit ku ajo ka lindur. Ajo bashkë me familjen e saj ishin detyruar ta lëshojnë vendin për shkak të luftës, kur këngëtarja kishte më pak se një vjet. Teksa fliste para koncertit, 27 vjeçarja tha se “ka qenë një udhëtim i gjatë për të arritur deri këtu dhe mendoj se vendi im sapo ka nisur një rrugë të mrekullueshme për shtetin e vet”.Ylli që e la vendin në vitin 1991, mblodhi njerëzit në qendër të kryeqytetit, në Prishtinë ku edhe u mbajt koncerti”, shkruhet në artikull.

“The Sun” e përshkruar Ritën si shumë energjike në skenë.

“Në skenë ajo u tregua shumë energjike, duke kënduar hitet e saja, teksa të veshur kishte një kostum kuq e zi. Rita, e cila është në një lidhje me muzicientin Andrew Watt, atë ditë në Prishtinë ka takuar edhe kryeministrin Ramush Haradinaj”, thuhet në artikull.

Periudha e fundit ka qenë shumë e zënë për Ritën, meqë ylli është inkuadruar edhe në filmin Fifty Shades Of Grey, ku e luan rolin e motrës së Christian-it, e cila quhet Mia./ KultPlus.com