Autor: KultPlus

Bie shikueshmëria e ceremonisë së Oscar-it

Posted on by KultPlus

Ceremonia e çmimeve Oscar sivjet tërhoqi audiencën më të vogël televizive të regjistruar ndonjëherë në SHBA.

Sipas të dhënave të rrjetit televiziv ABC, i cili e transmeton drejtpërdrejt ngjarjen, ajo ka pasur 26.5 milionë shikues, krahasuar me 32.9 milionë në vitin 2017, raporton REL.

Këto shifra, megjithatë, nuk përfshijnë shikueshmërinë digjitale.

Edicioni i 90-të i Oscar-it u zhvillua të dielën, ndërsa çmimin për filmin më të mirë e mori drama romantike “The Shape of Water” e regjisorit Guillermo del Toro.

Ceremonia e Oscar-it, ngjarjes më të rëndësishme në industrinë e filmit, transmetohet qysh në vitin 1953, ndërsa audienca matet qysh më 1974.

Rrënohet shtëpia që kishte vlera historike, shkencore, artistike, identiteti, ekonomike dhe funksionale

Posted on by KultPlus

Në Qendrën Historike të Prizrenit është rrënuar shtëpia e familjes Hisarit, e cila gëzonte mbrojtje me Ligjin për Qendrën Historike të Prizrenit. Kjo shtëpi është e listuar në shtojcën II të këtij Ligji përkatësisht Monumentet Kulturore në Qendrën Historike të Prizrenit. Aty shkruan se shtëpia e Hilmi Hisarit i takonte shekullit XIX.

Sipas informatave fillestare të marra nga autoritetet lokale të trashëgimisë kulturore shtëpia ka qenë në gjendje jo të mirë për banim. Kësisoj institucionet ëshë dashur që me kohë të angazhohen në dy drejtime: për sigurimin e jetës së banorëve dhe po ashtu për mbrojtjen e monumentit.

Kjo shtëpi sipas hulumtuesve kishte vlera historike, shkencore, artistike, identiteti, ekonomike dhe funksionale.

EC Ma Ndryshe deri më tani shumë herë ka reaguar në lidhje me shkatërrimin e monumenteve të trashëgimisë kulturore në Prizren, e sidomos në Qendrën Historike të qytetit dhe përsërit sërish qëndrimin se është çasti i fundit që organet shtetërore të veprojnë në mënyrë serioze për zbatimin e plotëtë legjislacionit në raport me këtë zonë të mbrojtur, gjithnjë duke e përfillur në radhë të parë nevojën për sigurinë e jetës së qytetarëve, thuhet ne komunikaten e leshuar nga EC Ma Ndryshe ./KultPlus.com

Në Shtëpinë e Bardhë, kryeministrit Rama i dorëzohet çmimi për ruajtjen e kujtesës së Holokaustit (VIDEO)

Posted on by KultPlus

Kryeministrit të Shqipërisë Edi Ramës, dje i është dorëzuar çmimi për pluralizëm kulturor, ceremoni kjo që është mbajtur në Shtëpinë e Bardhë, dorëzuar nga i emëruari i Presidentit Trump në krye të Komisionit për Mbrojtjen e Trashëgimisë Amerikane në Botë, Paul Packer, shkruan KultPlus.

“Një surprizë e posaçme ceremonia e marrjes sot, në Shtëpinë e Bardhë, të ÇMIMIT PËR PLURALIZMIN KULTUROR, dorëzuar nga i emëruari i Presidentit Trump në krye të Komisionit për Mbrojtjen e Trashëgimisë Amerikane në Botë, Paul Packer.

Çmimi për angazhimin në ruajtjen e kujtesës së Holokaustit dhe mbrojtjen e së vërtetës historike, një nder shumë i veçantë për mua, qeverinë tonë dhe padiskutim Shqipërinë që rrezaton, gjithnjë e kudo, me shembullin e saj të mbrojtjes së popullit hebre, gjatë orëve të zeza të Luftës së Dytë Botërore”, ka shkruar Rama nw facebook./KultPlus.com

Shoqata “Labeatët” solli në Ulqin rreth 50 veshje dhe piktura me motive kombëtare (FOTO)

Posted on by KultPlus

Në Galerinë e Qendrës Kulturore, Shoqata Labeatët e udhëhequr nga Luljeta Avdiu Cura organizoi ekspozitën me motive kombëtare, në të cilën u prezantuan rreth 50 veshje tradicionale kombëtare si dhe piktura me motive kombëtare.

Veshjet tradicionale të kornizuara janë të punuara nga etnografja kosovare, Erodita Qorkadiu Haxhiu, ndërsa pikturat janë të punuara nga piktorja Valdete Berisha, e cila jeton dhe vepron në Belgjikë.

Në hapje të ekspozitës folën dr Nail Draga, organizatorja Luljeta Avdiu Cura, dy pjesmarrëset e ekspozitës, sekretari i KKSH-së Faik Nika si dhe piktori Jozo Koçoviq, i cili edhe e shpalli të hapur ekspozitën. Për të pranishmit ishte përgaditur edhe një program kulturor, recitim nga Behar Pali, dhe këngë popullore shkodrane të interpretuara nga këngëtarja shkodrane Klodiana Vata. Të pranishëm në këtë ekspozitë përveç një numri të madh të qytetarëve ishin edhe Ambasadori i Republikës së Shqipërisë në Mal të Zi , Ernal Filo, si dhe Ambasadori i Republikës së Kosovës në Mal të Zi Skender Durmishi./KultPlus.com

Zbulohet letra e rrallë: Si i shpëtoi qindra hebrenjë të Beratit, komandanti i Ballit Kombëtar

Posted on by KultPlus

Hebrejtë i kanë shpëtuar ata që kishin vendin në dorë dhe jo ata që shikonin nga mali;
“Berat,11.9.943

Bektash Cakranit, Cakran, Mallakastër (konfidenciale në dorë)
Xhaxha, po të shkruaj urgjent mes halleve të shumta që pllakosën tani me kapitullimin e italianëve, pasi ti e ke Mallakastrën në dorë.
Duhet me urgjencë të transportojmë nga Berati tek ju një numër të madh njerëzish, që tani për tani nuk kemi as mjete për ti prurë aty.
Bëhet llaf për çifutët këtu tek ne që janë me qindra dhe halli është se po të merret vesh kush janë, kanë për ti shkuar në plumb të tërë dhe Beratin vetë që aq është i gjithi.
Nuk dihet se nga mund tu vejë haberi dhe as besim nuk kam, kohë jo e jo se edhe ti mësheh me dokumenta muhamedane nëpër familje këtu, s’dihet nga del fjala dhe mua më duhet të shkoj në plumb Beratin pastaj.
Duhet domosdo të piqem dhe me Mit’hat Frashërin dhe ata në Tiranë të mos jepet asnjë informatë ku janë sa, si e qysh.Nuk duhet të bjenë në dorë të armatës gjermane që është duke ardhur asnjë çifut nga këta që kanë qënë dhe kanë ardhur në Berat, për arsye se dihet qëndrimi i gjermanëve për ta. Gjithashtu nuk duhet të konsiderohen shqiptarët dhe Berati si mëshehës të tyre, për arsye se do të mbizotërojë mbi popullatën më prapa një klimë terrori.
Po edhe për aty gjithë ai milet nuk e mbëshehim dot dhe kohë për ti prurë po ka mbetur akoma. Tjatër rrezik që ti e di vetë është se po u muarr vesh Mallakastra mund të digjet. Dërgo njeri urgjent me korierin tim.
Komandant Kadri Cakrani”./KultPlus.com

Arrestohet hajni që ia vodhi statujën e Oscarit aktores e cila u shpall më e mira

Posted on by KultPlus

Policia në Los Anxhelos ka arrestuar një person i cili dyshohet se ia ka vjedhur trofeun e Frances McDormand, e cila u shpall si aktorja më mirë në ceremoninë e ndarjes së çmimeve “Oscars”.

Sipas gazetës “Los Angeles Times”, personi i quajtur, Terry Briant kishte publikuar një video ku shihej duke e puthur trofenë të cilën e kishte vjedhur nga aktorja.

Academy Awards ka shpallur mbrëmë Frances McDormandin “Aktoren më të mirë në rol kryesor”. Ajo ka mposhtur konkurrencën duke iu falënderuar rolit të saj në filmin “Three Billboards Outside Ebbing, Missouri”.

Sorrat dhe valigjet e Driton Hajredinit, homazh për të zhvendosurit (FOTO)

Posted on by KultPlus

Punimet e Driton Hajredinit kanë udhëtuar në shumë vende të botës, ashtu siç ka udhëtuar ai me valigjet e tij. Sot në Prishtinë, ai solli rreth dhjetë punime në ekspozitën e tij personale, shkruan KultPlus.

Gili Hoxhaj

Galeria “Monet”, që është bërë një derë e ekspozimit të punëve të artistëve të ndryshëm, sonte kishte hapur dyert për mysafirët e kësaj ekspozite. E artisti Driton Hajredini kishte vendosur nga në një ose dy valigje në secilën pikturë, e në shumë prej tyre kishte vendosur nga një apo dy sorra. Drita pranë tyre ishte e zbehtë, e reflektonte kështu edhe hijen e çdo sorre në pikturë.

Valigjet në pikturat e Hajredinit flasin për të kaluarën por prekin dhe të tashmen. Dizajni i tyre është më antik, e madhësia e ngjyrat janë të ndryshme. Megjithatë, mesazhi që ato mbartin është universal, andaj ashtu si valigjet, ai është i depërtueshëm në secilin vend të botës.
Këtë cikël të valigjve, autori e kishte filluar shumë më parë e si i tillë kishte qenë pjesë edhe e disa ekspozitave të mëhershme. Përkundër ekspozitave të tjera të suksesshme, kjo ekspozitë është tejet e veçantë për artistin Hajredini, pasi që është ekspozita e parë që kur ka ardhur në jetë vajza e tij. Ai tha për KultPlus se këtë ekspozitë edhe ia dedikon vajzës së tij tashmë gjashtë muajshe.
Emri i kësaj ekspozitë “Should I say or should I go”, burim të inspirimit e ka këngën e grupit “Should I stay or should I go”, të grupit “The Clash”. Artisti Hajredini, ka një lidhje tjetër me këtë këngë, pasi që kjo këngë është shkruar në vitin 1981, në kohën e demonstratave që zhvilloheshin në Kosovë. Në titullin “Should I say or should I go”, ai thotë se qëndron një dilemë e madhe që secili mund ta ketë.
““Should I say or should I go” është ajo dilema e madhe e artistit, e intelektualëve apo e të gjithëve se a duhet t’i thonë ato çfarë i mendojmë apo që ta lënë krejt këtë punë dhe të ikin diku, sepse momentalisht jemi të pakënaqur me atë çfarë po ndodhë, si këtu apo edhe në tërë botën”, tregoi Driton Nuredini për KultPlus.

Siç duket valigjet janë mishëruar thellë në konceptin artistik të piktorit Hajredini dhe arsyeja e kësaj është se e gjithë jeta e tij ka qenë e lidhur me valigjet, pasi që, para rreth 25 viteve e kishte përjetuar jetën e azilantit.

“Jeta ime gjithnjë ka qenë me valigje, unë kam qenë azilant prej vitit 1992 dhe është si një lloj homazhi i të gjithë të zhvendosurve me dëshirë dhe pa dëshirë, por që shumica janë pa dëshirë”, u shpreh Driton Hajredini për KultPlus.

Valigjet e tij në jo pak raste qëndrojnë të hapura e në vend të rrobave mbajnë diçka tjetër. Sorrat janë simbolika më e shpeshtë e tij. Ato kishin qenë dëshmitare të Prishtinës së zbrazur në kohën e luftës, andaj dhe në disa vende, artisti i ka titulluar si “The Guardians” që i bie “Rojet” apo “The guard”, “Roje”.

Ai këtë cikël e cilëson si me seriozen, përkundër cikleve të tjera ku luan me botën e artit të etabluar. Megjithatë, karriera e tij artistike tashmë lidhet edhe në videoinstalacione, e instalacione të ndryshme. Edhe pse, ai ende qëndron pas pikëpamjes së tij se “piktura është mbretëresha e arteve”, sfidimi i tij edhe në video e ka zbehur paksa këtë mendim.

Muret e kësaj ekspozite, kohëve të fundit janë mbushur edhe me piktura të artistëve të tjerë. Por për piktoren dhe themeluesen e Galerisë “Monet”, Blerta Surroi kjo ekspozitë është një nder për këtë galeri. Ajo tregoi për KultPlus se e njeh që shumë herët punën e artistit Driton Hajredini.
“Ne si galeri ndihemi shumë të nderuar që sonte në galerinë tonë e kemi artistin Driton Hajredini. Driton Hajredini është një artist shumë i suksesshëm, jo vetëm në pikturë por edhe në video dhe në art konceptual. Suksesi i tij në shumë fusha ka bërë që ai të marrë edhe shumë çmime ndërkombëtare që janë rezultat i punës së tij”, u shpreh Blerta Surroi.

Ajo tutje shtoi se ciklin që ky artist e ekspozoi sonte është gjithnjë aktual dhe kurdo dhe kudo që ekspozohet ky cikël, përsëri ta zgjon një ndjenjë dhembshurie, sepse lidhet direkt me eksodin, migrimin ekonomik. Blerta Surroi tha edhe pse këto valigje mund ta kenë edhe konceptin pozitiv të pushimeve, por ajo që gjithnjë të vije në mendje është eksodi andaj dhe ngjallë këtë ndjenjë të dhembshurisë. Të gjithë ata që duan t’i shohin punimet e kësaj ekspozitë, tashmë mund të drejtohen në Galerinë “Monet”, deri më datën 18 mars./ KultPlus.com

Zyrtari i MASHT-it që lëshoi komunikatën me dhjetëra gabime drejtshkrimore, kërkon falje

Posted on by KultPlus

Zyrtari për komunikim publik në Ministrinë e Arsimit, Shkencës dhe Kulturës, Ismet Osdautaj, i cili ditë më parë lëshoi një komunikatë në emër të institucionit që përfaqëson me disa dhjetëra gabime në drejtshkrim, ka kërkuar falje për lëshimet e bëra.

Ai ka thënë se me të drejtë i janë potencuar në media gabimet, por thotë se “kam qenë duke punuar në kushte të jashtëzakonshme, në një kompjuter personal me defekte teknike”.

“Me anë të kësaj letre, dëshiroj të sqaroj edhe njëherë publikisht se komunikata e lartpërmendur, e cila doli me gabimet e përfolura në media (me të drejtë), për shkaqe teknike është dërguar me e-mail privat. Komunikata është përgatitur me kërkesën e Kabinetit të Ministrit, me qëllimin e ofrimit të sigurisë për studentët, lidhur me shqetësimet që ata kanë për njohjen apo jo të diplomave pas largimit (pezullimit ) të Agjencisë së Kosovës për Akreditim nga EQAR dhe si e tillë mendoj se ka përcjellë mesazh të qartë dhe kuptimplotë”, ka thënë Osdautaj.

Poezia fituese e KultStrofa “Po të due unë” vjen edhe me videoperformancë (VIDEO)

Posted on by KultPlus

Poezia fituese e edicionit të dytë të “KultStrofa”, që u mbajt së fundi në Prishtinë, nën organizimin e KultPlus, ka ardhë edhe nëpërmjet një videoperformance, shkruan KultPlus.

“Po të due unë”, është poezia fituese e autores Arjola Zadrima, por kjo poezi së fundi është sjellë edhe nëpërmjet videoperformancës. KultPlus ju sjellë edhe poezinë e plotë, por edhe videon, video që tashmë është lansuar edhe në YouTube. Kjo videoperformancë është realizuar në Scriptum n Sonus, kurse ideja për realizimin e kësaj videoje është nga Liridon Mulaj, sikurse që është lexuar poezia po nga ai, kurse koncepti i videos është realizuar nga Altin Sulaj.

Arjola Zadrima

Po të due unë

Ba me dashtë unë
pranvera zgjohet në mes të dimnit.
Andrrat jargaviten si lule kacavjerrese
ndër muret tuej të naltë.
Ba me dashtë unë liria jote
del prej guackës
e shndrit perlë në qafën teme
të bardhë.
Ba me të dashtë fort unë
jehona e stuhisë tonë
ndihet deri në agim.
Dielli lind në gojën tande
e vdes në gjinjtë e mi.
Por unë nuk due
se poetja në mue, fle nën borën e trishtimit
e të rrëshqet shpinës
veç kur ti e shkrin./KultPlus.com

Zbulojeni filmin që fitoi Oscarin atë vit kur ju keni lindur (FOTO)

Posted on by KultPlus

Filmat që fitojnë Oscar, janë kryesisht filma që lënë gjurmë në kinematografinë botërore, por që të lidheni edhe më shumë me këta filma, po sjellim listën e fituesve nëpër vite, ku mund ta bëni edhe filmin tuaj, pasi që do të lidhet me vitin kur edhe keni lindur, shkruan KultPlus.

1929: “Wings”
1929 (po në të njëjtin vit*): “The Broadway Melody”
1930: “All Quiet on the Western Front”
1931: “Cimarron”
1932: “Grand Hotel”
1933: “Cavalcade”
1934: “It Happened One Night”

1935: “Mutiny on the Bounty”
1936: “The Great Ziegfeld”
1937: “The Life of Emile Zola”
1938: “You Can’t Take It With You”

1939: “Gone with the Wind”
1940: “Rebecca”
1941: “How Green Was My Valley”
1942: “Mrs. Miniver”
1943: “Casablanca”
1944: “Going My Way”
1945: “The Lost Weekend”

1946: “The Best Years of Our Lives”
1947: “Gentleman’s Agreement”
1948: “Hamlet”
1949: “All the King’s Men”
1950: “All About Eve”
1951: “An American in Paris”
1952: “The Greatest Show on Earth”

1953: “From Here to Eternity”
1954: “On the Waterfront”
1955: “Marty”
1956: “Around the World in 80 Days”
1957: “The Bridge on the River Kwai”

1958: “Gigi”
1959: “Ben-Hur”
1960: “The Apartment”
1961: “West Side Story”

1962: “Lawrence of Arabia”
1963: “Tom Jones”
1964: “My Fair Lady”
1965: “The Sound of Music”
1966: “A Man for All Seasons”
1967: “In the Heat of the Night”

1968: “Oliver!”
1969: “Midnight Cowboy”
1970: “Patton”
1971: “The French Connection”
1972: “The Godfather”

1973: “The Sting”
1974: “The Godfather: Part II”
1975: “One Flew Over the Cuckoo’s Nest”
1976: “Rocky”
1977: “Annie Hall”

1978: “The Deer Hunter”
1979: “Kramer vs. Kramer”
1980: “Ordinary People”
1981: “Chariots of Fire”
1982: “Gandhi”

1983: “Terms of Endearment”
1984: “Amadeus”
1985: “Out of Africa”
1986: “Platoon”

1987: “The Last Emperor”
1988: “Rain Man”
1989: “Driving Miss Daisy”
1990: “Dances with Wolves”
1991: “The Silence of the Lambs”

1992: “Unforgiven”
1993: “Schindler’s List”
1994: “Forrest Gump”
1995: “Braveheart”

1996: “The English Patient”
1997: “Titanic”

1998: “Shakespeare in Love”
1999: “American Beauty”
2000: “Gladiator”
2001: “A Beautiful Mind”
2002: “Chicago”

2003: “The Lord of the Rings: Return of the King”
2004: “Million Dollar Baby”
2005: “Crash”
2006: “The Departed”

2007: “No Country for Old Men”
2008: “Slumdog Millionaire”
2009: “The Hurt Locker”
2010: “The King’s Speech”
2011: “The Artist”

2012: “Argo”
2013: “12 Years A Slave”
2014: “Birdman or (The Unexpected Virtue of Ignorance)”
2015: “Spotlight”

2017 Moonlight
2018 The Shape of Water

Akademia Serbe e Shkencave me libër prej 250 faqesh për zgjidhjen e çështjes së Kosovës

Posted on by KultPlus

Akademia Serbe e Shkencave dhe Arteve (SANU) ka paralajmëruar se shumë shpejt, ndoshta deri në fund të muajit mars, do të botojë librin me opinionet e anëtarëve të për Kosovën, që do të jetë kontributi i saj në dialogun mbi këtë temë.

Nënkryetari i SANU, Ljubomir Maksimoviq, sipas agjencisë serbe FoNet, ka thënë se libri, do të përmbajë tekste autoriale të disa prej anëtarëve të saj, të cilët me profesionin e tyre në mënyrë të veçantë janë të thirrur për të shprehur mendimin shkencor.

Ai tha se nuk do të ketë më shumë se dhjetë tekste autoriale, kurse si autorë të tyre përmendi akademikët Vuksanoviq, Varadi dhe Çavoski, përcjell Telegrafi. Në pjesën e dytë të librit, sipas tij, do të prezantohet se çka është thënë në diskutimet e organizuara nga Departamentet e SANU për Kosovën me emrat e pjesëmarrësve dhe çfarë kanë thënë.
Sipas tij, libri do të ketë rreth 250 faqe, kurse shtypja e tij do të fillojë më 12 mars me një numër të madh kopjesh.

“Akademia nuk është e korporative, as në aspektin politik, ekonomik e as në ndonjë kuptim tjetër. Ajo nuk nxjerr konkluzione në lidhje me çështjet e mëdha, të cilat do të votoheshin në kuvende të ndryshme dhe kjo do të ishte politika zyrtare e Akademisë”, tha Maksimoviq, duke shtuar se Akademia është një grup i artistëve të lirë .

Sipas Maksimoviq, shumica prej tyre merren, si pjesë kryesore të aktiviteteve të tyre, me metodat shkencore ose si artistë edhe me çështje të cilat janë të rëndësisë së përgjithshme shoqërore, dhe e tillë është çështja e Kosovës. Maksimoviq njoftoi se së shpejti do të publikohet një botim me një bibliografi të plotë të gjithçka që është shkruar dhe të thënë nën kulmin e SANU për Kosovën.

Rade Serbedzija luajti film për Azem Vllasin, këndoi për Bekim Fehmiun, tashti dëshiron të luaj rolin e Adem Jasharit (VIDEO)

Posted on by KultPlus

Aktori serbo-kroat Rade Serbedzija është një prej aktorëve më të njohur të ish Jugosllavisë, i cili ka luajtur edhe në shumë filma të huaj të cilët janë treguar shumë të suksesshëm, shkruan KultPlus.


Ai në mesin e shumë filma ka luajtur edhe te Harry Potter and the Deathly Hallows: Part 1, X-Men: First Class, The Saint, Mission: Impossible 2 , Taken 2…

Por, përpso filmave në nivel ndërkombëtar, ai ka kushtuar vëmendje edhe për figurat shqiptare, i cili ka luajtur një film, ku paraqitet në rolin e Azem Vllasit, sikurse ka kënduar edhe një këngë, me dedikim për aktorin e madh shqiptar Bekim Fehmiu.
https://www.youtube.com/watch?v=1gG-tYKTtu8

Filmi “Majstori mraka” që është bërë për Azem Vllasin është bërë me regji të Faruk Sokolovic, i cili kishte vendosur që historinë e funksionerit kosovar ta shndërrojë në film. Për rolin e Vllasit angazhohet njëri nga aktorët më të njohur jugosllav i njohur edhe për rolet e tij në filma të Hollywood’it, Rade Serbedzija. Filmi është punuar sipas skenarit të Azem Vllasit ndërkohë që flet për periudhën e kaluar në burg, raportet me të burgosurit tjerë dhe administratën e burgut.Filmi i zhanrit dramë fillon me pamjet e një mitingu masiv në Beograd ku turma e serbëve të mbledhur i kërkon Millosheviqit: “Arrestojeni Vllasin”.

Kurse krejt së fundi, po Rade Serbedzija, sipas regjisorit Luan Kryeziu, që është duke u përgatitur për realizimin e një filmi për Adem Jasharin, është interesuar që të luaj rolin e komandantit Jashari, deklaratë kjo që është përcjellë me bujë nga mediet shqiptare./KultPlus.com

Himni gjerman po konsiderohet seksist

Posted on by KultPlus

Gjermania po përballet me thirrje për të hequr fjalën “atdhe” nga himni i saj kombëtar – por jo për shkak të ndonjë percepsioni nacionalist apo për ndonjë lidhje me epokën naziste.

Janë feministet që po bëjnë thirrje që fjala të hiqet sepse thonë se është seksiste.

Në një letër të zbuluar nga mediat gjermane, komisionerja qeveritare për mundësi të barabarta ka bërë thirrje që himni të bëhet neutral ndaj gjinisë, raporton “The Telegraph”.

“Pse s’e bëjmë himnin tonë kombëtar të ndjeshëm ndaj gjinive”, ka thënë Kristin Rose-Möhring në një letër që ka rrjedhë në mediat gjermane. “S’do na bënte keq, apo jo?”.

Ajo ka propozuar që fjala “atdhe” të zëvendësohet me fjalën “vendlindje”, si dhe ka bërë thirrje që fjala “vëllazëror” të zëvendësohet me “guximtar”, transmeton Koha.net.

Por himni kombëtar gjerman vështirë se do të ndryshohet. Angela Merkel, e cila pavarësisht se është gruaja më e fuqishme në botë ka deklaruar publikisht se nuk është feministe, ka hedhur poshtë propozimin.

“Kancelarja është shumë e lumtur me himnin tonë të mirë siç është në formën e tij tradicionale dhe nuk sheh asnjë nevojë për ndryshim”, ka thënë zëdhënësi i saj.

Himni kombëtar gjerman veçse është himni më i ndryshuar në botë. Fjalët origjinale ishin shkruar nga poeti August Heinrich Hoffmann më 1841, por që nga viti 1945 vetëm strofa e tretë është kënduar, ndërsa dy të tjerat janë cilësuar si të papërshtatshme.

Fisnik Ismaili: Aktori me origjinë serbe duhet ta luaj Adem Jasharin

Posted on by KultPlus

Përderisa u ngjallën shumë reagime negative prej kur aktori serb u tha se do të duhej ta luante rolin e heroit Adem Jashari, është dikush tjetër që mendon se ky rol i përshtatet atij më së miri.

Është pikërisht deputeti i Kuvendit të Kosovës, Fisnik Ismaili që mendon se Rade Serbedzija është mirë ta marrë këtë rol, transmeton Indeksonline. Madje thotë se me këtë veprim do të “çarteshin” serbët e jo shqiptarët. Krejt këtë koment të gjatë ai e bëri në një faqe të Maniakëve të Filmave.

Lexojeni statusin e plotë të Fisnikut:

Prej komenteve që i lexova këtu, veç po e llogaris se serbëve ka me iu ardhë inat nëse Rade e pranon këtë rol nja 10,000 herë ma shumë.

Kur te shohin shypet sa shumë kanë me u qartë serbët, veç kur ti shihsh tuj e lutë Raden me e marrë rolin.

Personalisht, kam problem veç me ata artista që e kanë shprehë nacionalizmin e vet edhe e kanë përkrahë regjimin e gjenocidin serb në jetë të përditshme. Rade s’di që ka ba diçka të tillë.

Tuj ia dijtë cilësitë si aktor, hiç nuk dyshoj që e kish lue rolin mirë, pos akcentit që s’besoj se e kish nxjerrë tamon. Unë ma shumë e kam brengë se qysh ka me e portretizue skenaristi Ademin në film: a si hero, apo si personazh negativ.

Rade në këtë rol iu kish pengue veç serbëve edhe shqiptarëve, shkaku i prejardhjes së tij, se botës tybe n’i intereson i kahit është Rade. Prandej, për neve është shumë e vështirë me e pa kah e luen ky Ademin.

Në anën tjetër, me ba me dalë filmi shumë i mirë, e me u ba asi filmi epik, ndoshta edhe me potencial për Oscar, jam koxha i bindun se shypet e kishin harrue menjiherë prej kahi vjen Rade, e serbët ia kishin marrë inat përjetë.

Prandej, ma shumë e kam hallin se qysh del filmi, çfare e ka skenarin edhe qysh portretizohet Adem Jashari e lufta e tij. Kur qeto janë të shkrueme mirë, atëherë besoj se edhe naj aktor tjetër e kish lujtë mirë.

Rade përzgjidhet automatikisht prej Hollyëood-it sepse është i vetmi stereotip i ballkanasit për momentin atje. Kjo jo doemosdo e ban me e luejtë rolin e një shqiptari mirë, por në anën tjetër edhe i ka do përparësi.

Mendoj se ka aktorë të tjerë të atij kalibri që mujnë me e nxjerrë mirë. Kur mujtën Russel Croëe e Mel Gibson, dytë australianë, me e luejtë romakun në Gadiator e skocezin në Braveheart qaq mirë, respektivisht, çka ka Gerrard Butler, për shembull, që s’e luen Ademin perfekt, pak me dashtë?

Krejt është te produksioni, buxheti, regjisori edhe skenari për mue. Qato e bajnë filmin sukses apo dështim./KultPlus.com

Këtu mund ta ndiqni performancën e plotë të Erza Muqollit me Inva Mulën (VIDEO)

Posted on by KultPlus

Erza Muqolli e cila është duke shkëlqyer në skenën franceze, ka zbritur në skenën e spektaklit garues “Virtuzoët”, e cila bashkë me sopranon e njohur shqiptare Inva Mula kanë kënduar “La Boheme”, shkruan KultPlus.

Kjo paraqitje është mirëpritur nga audienca, paraqitje kjo që është vlerësuar edhe me komente të shumta në rrjete sociale. Në videon më poshtë mund ta shikoni interpretimin e plotë të Erza Muqollit dhe Inva Mula./KultPlus.com

Erza Muqolli nga Parisi në Tiranë, interpreton me Inva Mulën (VIDEO)

Posted on by KultPlus

Këngëtarja kosovare Erza Muqolli, e njohur për suksesin e saj në Francë me grupin e saj muzikor “Kids United”, sonte ka zbritur në Tiranë, në kuadër të spektaklit garues “Virtuzoët”, që po udhëhiqet mjeshtrisht nga sopranoja e njohur shqiptare Inva Mula, shkruan KultPlus.

Dhe pikërisht në këtë mbrëmje, Erza Muqolli ka intepretuar bashkë me Inva Mulën, të cilat sollën emocione të shumta te spektatorët, kurse vetë Inva Mula , Erza Muqollin e ka quajtur super talent, duke specifikuar se zëri magjik i Francës për herë të parë ka inrterpretuar në Tiranë.

Erza Muqolli, vetëm 12 vjece, konsiderohet si një yll francez, e cila bashkë me anëtarët e bendit të saj “Kids United”, që është themeluar në vitin 2015, po bëjnë namin ane e mbanë Francës, ku bashkëmoshatarët e tyre bëjnë të pamundurën që të sigurojnë biletën për të parë nga afër koncertet e Erza Muqollit.

Në mbyllje të vitit 2017, ajo bashkë me fëmijët e grupit “Kids United”, ishte ftuar në Elyse nga presidenti i Francës Emmanuel Macron dhe bashkëshortja e tij, ku këta fëmijë kanë dhënë koncert. E më pas, Zonja e Parë e Francës Brigitte Macron poashtu ka pritur në një takim Erza Muqollin, e cila bashkë me grupin e saj kanë ndarë 1.5 milion euro për UNICEF. Erza Muqolli, e cila bashkë me grupin e saj tashmë kanë shitur mbi 1.7 milion kopje të albumeve, në një intervistë më të hershme të dhënë për KultPlus, ka shprehur edhe dëshirën që një ditë të këndojë edhe në Kosovë. Ajo poashtu ka njoftuar se viti 2018 do ta gjejë edhe në film, pasi që do të fillojnë xhirimet e këtij projekti ku Erza Muqolli ka rolin kryesor.

Ndërkohë, Kosova ka dështuar ta sjellë Erza Muqollin në Kosovë, për një koncert për audiencën kosovare, negociata këto që janë zhvilluar gjatë vitit 2017.

http://www.kultplus.com/femijet/erza-muqolli-nje-milion-e-gjysme-albume-te-shitura-deshiroj-te-kendoj-edhe-ne-kosove/ /KultPlus.com

Këngë e përhënë (Nokturn)

Posted on by KultPlus

Agim Vinca

-tak, hape! Jam unë mesia
Jam Jezu Krishti e Shën Partia
Këtej parajsën, andej skëterrën
Ndaj falma zemrën e hapma derën.

Jam dreqi, shejtani e i biri
Jam më i keqi e më i miri.

Juda, Krishti e Mesia
Në spote e sallatë mikste
Hëna sodit nga çatia
Si një tablo surrealiste.

Katedralja.-Vatikani
Tri herë në ditë kambana bot
Ia pret hoxha në minare:
Allahu ekber! Ruana Zot
Nga djalli që na qiti fare!

Juria shtyp butonin pas 3 sekondave, shihni se çfarë e bëri tërë publikun të mbetet pa fjalë (VIDEO)

Posted on by KultPlus

Ndonjëherë, merr vetëm një moment për të kuptuar se ajo me të cilën po përballemi është vërtet e jashtëzakonshme.

Ashtu siç ndodhi në programin televiziv “The Voice Kids”, gjatë një edicioni të vitit 2017 të edicionit gjerman të spektaklit, transmeton ShkodraNews. Në momentin kur Sofia doli në skenë dhe filloi të këndonte, mjaftuan vetëm 3 sekonda që një nga anëtarët e jurisë të kthehej për të.

Sofisë i duhej të këndonte vetëm për tre sekonda përpara se juria ta dërgonte direkt në finale.
Por çfarë bëri ajo që juria, audienca dhe shikuesit mbetën kaq të magjepsur?

Këtë duhet ta dëgjoni vetë:
https://www.youtube.com/watch?v=qxYpQ-jMe44

Një aktor serb propozohet për rolin e Adem Jasharit

Posted on by KultPlus

Regjisori dhe skenaristi Luan Kryeizu, i cili është duke përgatitur filmin për Komandantin e Ushtrisë Çlirimtare të Kosovës (UÇK), Adem Jashari, thotë se është në përfundim të dorës së fundit të skenarit për filmin.

E derisa teksti ende nuk është përfunduar, për rolin e Adem Jasharit kanë ardhur disa propozime.
Në mesin e tyre edhe aktori serb Rade Serbedzija është shprehur i gatshëm që të luajë rolin e komandantit të UÇK-së, ka treguar regjisori Kryeziu. Serbedzija është lidhur me regjisorin Kryeziu nëpërmjet aktorit Enver Petrovci.

“Arsyeja ka qenë e çuditshme, duke thënë se ‘unë si serb e pranoj dhe e luaj rolin e Adem Jasharit, atëherë e gjithë bota do ta pranoj Adem Jasharin”, tregon Kryeziu, teksa tregon se e ka refuzuar këtë propozim.
Për rolin e Adem Jasharit do të mbahet një audicion gjatë këtij viti.
Rade Serbedzija është aktor serb i lindur në Kroaci. Ai ka luajtur në disa filma të hollivudit, përfshirë filmin “Eyes Wide Shut” të regjisorit amerikan Stanley Kubrick. /Insajderi.com

Rroftë Skënderbeu, rroftë, rroftë, rroftë, Arbëreshët demostrojnë martesën e Skënderbeut me Donikën (VIDEO)

Posted on by KultPlus

Arbëreshët e Italisë konsiderohen si komuniteti i huaj më i fuqishëm në Itali, që ruan me përpikmëri kulturën e Arbërit, por edhe si përfaqësimi më i mirë i popullit shqiptar, të cilët me performanc të ndryshme, me kostume e me karakteristika të tjera prezantojnë kulturën shqiptare, shkruan KultPlus.

Së fundi, po përmes performancës së tyre, ata kanë demostruar martesën e Skënderbeut me Donikën, performancë kjo që është realizuar në një nga sheshet e Italisë, në fund të muajit shkurt të këtij viti.

Poashtu, në këtë ceremoni dëgjohet edhe thirrja e njohur e komunitetit arbëresh “Rroftë Skënderbeu, rroftë, rroftë, rroftë”! Për më shumë ndiqeni videon e bashkëngjitur./KultPlus.com


Ka nisë parakalimi në tapetin e kuq në ceremoninë e Oscars, këtu mund ta ndiqni live (LIVE)

Posted on by KultPlus

Sonte është mbrëmja e madhe e ceremonisë së Oscar 2018, ku do të ndahen cmimet për më të mirët, shkruan KultPlus.

https://www.youtube.com/watch?v=IOdhC3nofxI

Filmi “The Shape of Water” me regji tw Guillermo del Toro ka marrë gjithsej 13 nominime, shkruan KultPlus.
Fotografia më e mirë:
Call Me By Your Name
Darkest Hour
Dunkirk
Get Out
Lady Bird
Phantom Thread
The Post
The Shape of Water
Three Billboards
Regjisori më i mirë:
Jordan Peele, Get Out
Christopher Nolan, Dunkirk
Greta Gerwig, Lady Bird
Paul Thomas Anderson, Phantom Thread
Guillermo del Toro, The Shape Of Water
Aktorja më e mirë:
Sally Hawkins, The Shape of Water
Frances McDormand, Three Billboards
Margot Robbie, I, Tonya
Saoirse Ronan, Lady Bird
Aktori më i mirë:
Timothee Chalamet, Call Me By Your Name
Daniel Day-Lewis, Phantom Thread
Daniel Kaluuya, Get Out
Gary Oldman, Darkest Hour
Denzel Washington, Roman J. Israel, Esq.
Aktori më i mirë në rol dytësor:
Willem Dafoe, The Florida Project
Woody Harrelson, Three Billboards Outside Ebbing, Missouri
Richard Jenkins, The Shape of Water
Christopher Plummer, All the Money in the World
Sam Rockëell, Three Billboards
Aktorja më e mirë në rol dytësor:
Mary J. Blige, Mudbound
Allison Janney, I, Tonya
Lesley Manville, Phantom Thread
Laurie Metcalf, Lady Bird
Octavia Spencer, The Shape of Water
Skenari origjinal:
The Big Sick
Get Out
Lady Bird
The Shape of Water
Three Billboards
Skenari i përshtatur:
Call Me By Your Name
The Disaster Artist
Logan
Molly’s Game
Mudbound
Filmi më i mirë i animuar:
Coco
The Breadwinner
Ferdinand
Loving Vincent
The Boss Baby
Nominimet për këngën origjinale:
Remember Me (from Coco)
Mystery of Love (from Call Me By Your Name)
This Is Me (from The Greatest Showman)
Mighty River (from Mudbound)
Stand Up For Something (from Marshall)
Dokumentari më i mirë:
Faces Places
Icarus
Last Men in Aleppo
Strong Island
Small Enough to Jail
Dokumentari më i mirë i shkurtër:
Edith & Eddie
Heaven is a Traffic Jam
Heroin(e)
Knifeskills
Traffic Stop
Filmi në gjuhën më të mirë të huaj:
A Fantastic Woman (Chile)
On Body and Soul (Hungary)
The Insult (Lebanon)
Loveless (Russia)
The Square (Sëeden)
Make-up & Hairstyling:
Darkest Hour
Victoria & Abdul
Wonder
Montazha më e mirë:
Baby Driver
Dunkirk
I, Tonya
The Shape Of Water
Three Billboards
Filmi me efektet më të mira vizuale:
Blade Runner 2049
Guardians of the Galaxy Vol. 2
Kong: Skull Island
Star Wars: The Last Jedi
War for the Planet of the Apes
Best Original Score:
Dunkirk
Phantom Thread
The Shape of Water
Star Wars: The Last Jedi
Three Billboards

Filmi më i mirë i shkurtër:
DeKalb Elementary
The Eleven O’Clock
My Nephew Emmett
The Silent Child
Watu Wote/All of Us
Filmi më i mirë i animuar i shkurtër:
Dear Basketball
Garden Party
Lou
Negative Space
Revolting Rhymes
Zëri më i mirë i miksuar:
Baby Driver
Blade Runner 2049
Dunkirk
The Shape of Water
Star Wars: The Last Jedi
Editimi më i mirë i zërit:
Baby Driver
Blade Runner 2049
Dunkirk
The Shape of Water
Star Wars: The Last Jedi
Best Costume Design:
Beauty and the Beast
Darkest Hour
Phantom Thread
The Shape of Water
Victoria & Abdul
Kinematografia:
Blade Runner 2049
Darkest Hour
Dunkirk
Mudboud
The Shape of Ëater
Production Design:
Beauty & the Beast
Blade Runner 2049
Darkest Hour
Dunkirk
The Shape of Water
Meryl Streep, The Post

Kur njerëzit e papjekur bien në dashuri, ata e shkatërrojnë lirinë e njëri -tjetrit

Posted on by KultPlus

“Kur njerëzit e papjekur bien në dashuri, ata e shkatërrojnë lirinë e njëri – tjetrit, krijojnë varësi, krijojnë burg. Të pjekurit e dashuruar e ndihmojnë njëri – tjetrin të jenë të lirë; ata e ndihmojnë njëri – tjetrin për ti shkatërruar të gjitha llojet e varësisë. Dhe atëherë kur dashuria rrjedh e lirë, atëherë ajo është e bukur. Kur dashuria rrjedh e varuar, ajo është e shëmtuar.

Një person i pjekur nuk bie në dashuri; ai ose ajo ngrihen në dashuri. Vetëm të papjekurit bien; ata pengohen dhe bien poshtë. Ata kanë qenë duke e menaxhuar disi këtë edhe duke qëndruar aty. Tani më nuk mund ta menaxhojnë dhe nuk mund të qëndrojnë. Ata ishin gjithmonë gati për të rënë në tokë dhe për tu zvarritur. Ata nuk kanë shtylla, nuk kanë kurriz; ata nuk e kanë integritetin për të qëndruar të vetëm.

Njeriu i pjekur e ka integritetin për të qëndruar i vetëm. Dhe kur njeriu i pjekur jep dashuri, ai ose ajo dashurinë e jep pa ndonjë fije të kapur për të.

Kur dy persona të pjekur janë të dashuruar, ndodh njëri ndër paradokset më të mëdha të jetës, njëri ndër fenomenet më të bukura: ata janë bashkë por prap janë jashtëzakonisht vetëm. Ata janë aq të bashkuar sa që bëhen pothuajse një. Dy persona të pjekur kur dashurohen ata e ndihmojnë njëri – tjetrin të bëhen edhe më të lirë. Aty s’ka politikë, s’ka diplomaci, s’ka përpjekje për dominim. Aty ka vetëm liri dhe dashuri.”

– Osho

“Kryeminstri Haradinaj” nuk e ndalë këngën as në Bruksel (VIDEO)

Posted on by KultPlus

Aktori shqiptar Kreshnik Ibrahimi për disa momente është shndërruar në rolin e kryeministrit të Republikës së Kosovës, Ramush Haradinaj, ku aktori shqiptar në fokus ka liberalizimin e vizave, shkruan KultPlus.

Kreshnik Ibrahimi imiton kryeministrin Haradinaj, i cili duke imituar gjuhën, gjestikulacionin por edhe ecjen, ka realizuar një video në Parlamentin Evropian, për ta bërë edhe më interesante këtë gjetje artistike.

Për më shumë mund ta shihni këtë video, ku Kreshnik Ibrahimi imiton Ramush Haradinaj./KultPlus.com

Rama nga Uashingtoni: Shqiptarët dorëzuan listën e floririt, por hebrenjtë kurrë tek nazistët

Posted on by KultPlus

Kryeministri Edi Rama ishte i pranishëm në Konferencën e Komitetit Izraelit-amerikan të Çështjeve Publike prej ku foli për marrëdhëniet mes dy vendeve.

Përgjatë intervistës së zhvilluar në Uashington, Rama theksoi se vendi ynë është në vend të parë kundër terrorizmit dhe ekstremizmit të dhunshëm.

“Ne jemi kundër ekstremizmit të dhunshëm, dhe Netanjahu na ka premtuar se do jetë ndër partnerët kryesorë që do të na mbështesë. Jemi shembull i jashtëzakonshëm ku myslimanët e të krishterët bashkëjetojnë më së miri,” tha Rama, shkruan konica.al

Kryeministri gjithashtu foli për miqësinë që kanë dy vendet Shqipëri dhe Izrael dhe dha lajmin se për herë të parë këtë verë do të këtë udhëtim të drejtpërdrejtë me avion nga Shqipëria për në Izrael.

Rama gjithashtu kujtoi kohën kur populli ynë ka mbrojtur hebrenjtë duke mos dorëzuar asnjë tek nazistët, por duke i mbajtur në shtëpitë e tyre: “Shqipëria tregoi listën e floririt, po asnjë hebre.”