Erza Muqolli, ylli që do të performojë në EASY shqip

EASY shqip në LANXESS arena po sjell koncertin më të madh të brendshëm shqiptar në të gjithë Evropën.

EASY shqip ka premtuar një shfaqje ekskluzive që sjell në jetë bukurinë e kulturës muzikore shqiptare dhe kosovare duke i bashkuar yjet më të mirë nga Shqipëria dhe Kosova në Lanxess Arena më 24 shtator për ta bërë kështu sallën të shkëlqejë me një shfaqje spektakolare muzikore dhe argëtuese.

EASY shqip ka zbuluar yllin e radhës të këtij koncerti. Bëhet fjalë për artisten Erza Muqolli e cila pritet të magjepsë publikun me zërin e saj.

“Në arenën më të madhe në Gjermani ndezim një fishekzjarre me melodi dhe ritme shqiptare. Krijuar për të gjithë dashamirët e muzikës dhe kulturës shqiptare, sjellim muzikë ekskluzive, argëtimin më të mirë dhe një shfaqje spektakolare në zemër të Köln-it me artistët më të njohur shqiptarë. Shumë surpriza dhe një festë unike pas shfaqjes do t’ju pëlqejnë – ju premtojmë!”, thuhet në njoftim.

Koncerti më i madh shqiptar në Evropë në ambiente të mbyllura do të mbahet më 24 Nëntor, në Lanxess Arena – Köln , duke filluar nga ora 17:00. / KultPlus.com

“Ramë Lahaj & Friends” mblodhi mbrëmë yjet e mëdhenj botërorë për të përthekuar magjishëm edicionin e dytë të RLIOF

Uranik Emini

Opera ka pësuar ndryshime të vazhdueshme nëpër vite, që nga krijimi i saj në shekullin e 16-të, duke arritur që të bëhet një stil gjithëpërfshirës i artit të cilin e njohim sot. Teksti, i njohur sikurse “libretto”, muzika, këndimi dhe vënia në skenë janë disa prej pjesëve thelbësorë të një opere. Të gjitha këto u vënë bashkë në mënyrë magjike për të shpalosur madhështinë e edicionit të dytë të “Rame Lahaj Opera Music Festiva”, shkruan KultPlus.

Në opera përshkruhen të gjitha ndjenjat njerëzore. Tre temat kryesore të saj janë shpesh dashuria, tragjedia dhe vdekja. Njerëzit ndeshen me rrethana të jashtëzakonshme dhe tërhiqen nga emocionet e tyre të shtuara, shpesh të ndarë midis impulseve dhe detyrimeve të tyre. Të gjitha ekstremet janë të mundshme, duke përfshirë dashurinë me shikim të parë, vetëmohimin, magjepsjen, trimërinë, vetëvrasjen dhe vrasjen. Disa personazhe ndëshkohen për veprimet e tyre, ndërsa të tjerë gjejnë falje ose pendohen dhe herë pas here arrihet një përfundim i lumtur!

Mbrëmë në sheshin “Skënderbeu”, fundi, përveç gëzimit, i mërziti të pranishmit që po shijonin këtë festival të Rame Lahajt, i cili kishte mbledhur miqtë e tij me famë botërore, për t’i sjellë në Kosovë dhe për t’u dëshmuar se Kosova ka një histori të jashtëzakonshme.

© Arben Llapashtica

I pari për të hapur këtë mbrëmje padyshim që ishte Lahaj, i cili mes tjerash u uroi mirëseardhje të pranishmëve, të cilin ishin në numër të madh.

“Ju falënderoj shumë të gjithëve që keni ndarë kohë për të ardhur këtu dhe për të shijuar këtë ambient. Dua të them se kjo do të ishte e pamundshme pa miqtë e mij, të cilën e bënë të mundur këtë festival. Kemi soprano që kanë udhëtuar 15-16 orë për të ardhur në Kosovë dhe për të performuar këtu. Ndërkaq, planet kanë ndryshuar dhe ka pësuar ndryshim edhe pjesa e performancave”, thotë Lahaj, duke shpjeguar se sopranoja Pretty Yende ka ardhur si rezultat i infektimit me COVID-19 të yllit, Angela Gheorghiu.

Lidhjet e hershme të karrierës mund të jenë përcaktuese për jetën.

“Ramë Lahaj & Friends” mblodhi yjet e mëdha botërore duke filluar nga sopranot e famshëm: Pretty Yende, Anna Bondarenko, Maestro Jean Bernard Thomas, ndërsa Franco Vassallo si bariton, të gjithë të udhëhequr nga dirigjenti dhe miku i kahmotshëm i Ramës, Valerio Galli.

Dirigjenti Maestro Valerio Galli shfrytëzoi fuqinë e tij të jashtëzakonshme sugjestive të muzikës për të hapur në mënyrë të suksesshme natën Gala dhe për të krijuar në anën tjetër atmosferë të veçantë me veprën “Nabucco”, në koordinim total me Filharmoninë e Kosovës, për të cilët Rama ishte shumë falënderues.

© Arben Llapashtica

“Përtej universit”

Mehmet Murat Ildan ka thënë se nëse doni të përjetoni diçka përtej universit, duhet të shkoni në opera. E këtë për publikun e solli tenori tanimë me famë botërore, Rame Lahaj, me veprën “La Boeheme”, duke shprehur emocione të papërshkrueshme dhe portretizimin total të karakterit të tij.

© Arben Llapashtica

Zë unik e paraqitje briliante

Radhën për të ngjitur skenën e kishte Pretty Yende, një mike e cila ishte e pranishme për Ramen në momentin kur ky kishte më së shumti nevojë. Paraqitja e saj ishte briliante dhe kaloi pritshmërinë e të gjithëve, me ç ‘rast u përcoll me shumë duartrokitje.

© Arben Llapashtica

Forma e artit total

Pas disa veprave solo, Franco Vassallo me Rame Lahaj, bashkuan aftësitë dhe ekspertizën e tyre për të krijuar formën e artit total, ashtu siç edhe përshkruhet shpesh herë opera.

“Nexhmija e madhe”

Që kur ka filluar karrierën e saj muzikore, Erza Muqolli ka pasur përkrahje të vazhdueshme nga tenori Lahaj. Këtë gjë e ka dëshmuar edhe në koncertin e parë, atëherë kur Muqolli ishte prezente. Gjatë prezantimeve të shkurtëra të cilat Lahaj i bënte për njerëzit që po performonin, ai tha për Erzën se është “Nexhmija e madhe”. Të dy performuan bashkë këngën “O moj bukuroshe”.

Opera është në thelb një lloj tregimi vokal dhe muzikor.

Sopranoja nga Ukraina, Anna Bondarenko rrënqethi publikun e pranishëm me performancën e saj. Opera, në thelbin e saj, është një mënyrë për të treguar një histori përmes muzikës dhe këndimit.

Fotografi nga profili i Përparim Ramës

Qershia mbi tortë

Bashkëpunimi i Korit të Zërave të Bardhë “Okarina” dhe Rame Lahajt, të cilët njëzëri performuan këngën “O moj e bukura Arbëri”, ishte pikërisht ajo që i dha kësaj mbrëmje bukurinë dhe shkëlqimin e duhur.

Fotografi nga profili i Përparim Ramës

Lulëzimi përfundimtar

Për të mbyllur në mënyrën më të mirë të mundshme, Rame Lahaj ftojë të gjithë miqtë në skenë dhe të gjithë bashkë e dërguan publikun nga realiteti i përditshëm në një botë e në një dimension tjetër, ku muzika dominon.

***

Në një prononcim për KultPlus, Maestro Jean Bernard Thomas, njoftoi se është hera e parë që po vjen në Kosovë dhe është i lumtur e i befasuar nga numri i talentëve që Kosova ka.

“Jam shumë i befasuar dhe i lumtur që Kosova ka kaq shumë talentë, unë kalova disa ditë me ta dhe u befasova. Shpresoj që një ditë të kthehem dhe të jap edhe më shumë kontributin tim”.

Janë bërë shumë vite që punojmë bashkë me Ramen, mund të them që ne punojmë çdo ditë përkundër faktit që nuk jemi afër me njëri tjetrin. E bëjmë këtë gjë, çdo ditë përmes rrjeteve sociale. Ju duhet të mësoni çdo ditë dhe të mos ndaleni asnjëherë.

Thomas u befasua nga mikpritja e njerëzve në Kosovë dhe njoftoi se do të flas për Kosovën vazhdimisht, kudo që të jetë.

“Njerëzit janë shumë të sjellshëm dhe të mirë këtu, është e jashtëzakonshme se sa të thjesht janë njerëzit këtu. Ejani në Kosovë. Ata janë njerëz të hapur dhe të sjellshëm. Janë njerëzit më të mirë që i kam parë ndonjëherë në jetën time sa i përket sjelljes. Njerëzit këtu duan të bëjnë diçka, duan të bëhen dikush dhe kjo gjë më lumturon mua. Tani unë do të flas për Kosovën ngado që të shkoj”/

Fotografi nga profili i Përparim Ramës

Anna dhe Ninna Krasniqi, anëtaret e korit “Okarina” u shfaqën teper të lumtura pas koncertit.

“Ishte një ndjenjë e mrekullueshme. Të performojmë bashkë me një emër sikurse Rame Lahaj është gëzim i madh dhe shpresojmë që të vazhdojmë sukseset tona”.

FOTO: KultPlus

Ndërkaq, edhe e pranishme në këtë mbrëmje ishte edhe sopranoja Marigona Qerkezi, tha për KultPlus se ishte me të vërtet një mbrëmje magjike.

“U kënaqëm sonte dhe me të vërtet ishte një natë magjike. I përgëzoj të gjithë organizatorët, me Ramën në krye, i uroj një jetëgjatësi festivalit me suksese të njëjta dhe më të mëdha se ky. Festivalet e tilla i duhen edhe më shumë Kosovë”, tha Qerkezi, duke shtuar edhe një herë pjesën se gjithçka ishte e mrekullueshme.

Opera ofron një përvojë të përbashkët, multikulturore dhe magjepsëse që bashkon artin me virtuozitetin, fuqinë, epikën dhe personalen, derisa ajo vazhdimisht po e ripërcakton veten si “ekspozita” më e madhe në botë e arteve interpretuese e potencialit njerëzor. /KultPlus.com

Fotografi nga profili i Përparim Ramës

Yje të skenës botërore ngjiten sot në mbrëmjen gala ‘Ramë Lahaj & Friends’, mbi 2500 bileta të shitura

Flonja Haxhaj

Pas dhjetë ditësh festival, me shumë koncerte e punëtori të ndryshme, sot përmbyllet ‘Rame Lahaj international Opera Festival’. Ky festival do të kurorëzohet me koncertin ‘Ramë Lahaj & Friends’ i cili do të mbahet në sheshin ’Skëndërbeu’ në Prishtinë ku do të performojnë artistë të njohur vendorë e ndërkombëtarë, përcjell KultPlus.

Për t’i paraprirë këtij koncerti, sot ‘RLIOF’ ka mbajtur një konferencë, ku përveç organizatorëve ishin të pranishëm edhe artistët që do të ngjisin skenën në natën e sotme.

Hapjen e konferencës e bëri koordinatorja artistike e këtij festivali,Ulpiana Alijaj, e cila fillimisht shprehet e lumtur për prezencën e të ftuarës speciale, sopranos, Pretty Yendee.

“Në të gjitha këto mbrëmje keni mundur të shijoni gjithëpërfshirjen e publikut, keni mundur të shijoni një muzikë shumë të larmishme por patjetër që ajo çka sot konkludojmë është pikërisht galaja ‘Ramë Lahaj & friends’, ku jemi vërtet të nderuar të këmi si përfaqësues të skenës botërore duke nisur pikërisht nga sopranoja Pretty Yendee, orchestra e dirigjiar nga mjeshtri Valerio Galli, kemi baritonin Franco Vassallo, kemi pjesëmarrjen shumë të veçantë të këngëtares Erza Muqolli, kemi pjesëmarrjen e sopranos Anna Bondarenko, e cila vjen ekskluzivisht nga Ukraina dhe që është një pjesë shumë e veçantë e festivalit të natës së sotme  dhe sigurisht edhe maestro Jean Bernard Thomas i cili ka patur një punë shumë intensive përgjatë këtyre ditëve”, u shpreh Aliaj në fjalimin hyrës.

Më pas, fjalën e mori i pari i këtij festivali, Ramë Lahaj, i cili falënderon të gjithë ata që e përkrahën dhe e bënë të mundur mbajtjen e këtij festivali e së sipas tij që do të ndihmojë në krijimin e një culture operistike në Kosovë.

“Ajo që unë e ndjej dhe ajo që më bën krenr është që kjo gala quhet ‘Ramë Lahaj & friends’ që do të thotë që të gjithë këtu janë miq për mua, dhe kjo nënkupton shumë më shumë sesa vetëm të bërit një concert, shumë më shumë se sa të bërit një festival sepse i kam vënë vetes një qëllim bashkë me kolegët e mi për të krijuar një kulturë operistike edhe në Prishtinë edhe në Kosovë.”, u shpreh mes tjerash Ramë Lahaj.

Mbështetëse shumë e madhe e mbajtjes së këtij festivali këtë vit ishte edhe Komuna e Prishtinës, e në veçanti kreu i saj, Përparim Rama, i cili ishte i pranishëm në panelin e kësaj conference.

“Sot është nata përmbyllëse, pra , nata gala në sheshin ‘Skëndërbeu dhe përmbi 2500 bileta janë shitur për natën e sotme që do të thotë se ka nevojë të madhe për ngjarje të tilla, pra ka nevojë Prishtina që të transformohet në një kryeqytet të artit.”, deklaroi Rama.

Fjalën e mori edhe e ftuara special e kësaj mbrëmje e cila pranoi të jetë pjesë e festivalit pak ditë më parë. Ajo e përshkruan si një befasi ftesën që i erdhi nga Ramë Lahaj, që ajo të perfomojë në Kosovë për herë të parë.

“Ramë më pyeti se si jam dhe menjëherë me ftoi të vij në Kosovë për t’u bërë pjesë e koncertit pasi kishte nevojë për mua dhe unë pranova t’i ndihmoj mikut tim të vjetër”, deklaroi Yende, përcjell KultPlus.

Ndërkaq, dirigjenti italian, Valerio Galli, thotë se ndjehet tejet falënderues për këtë organizim të cilin ai e quan fantasik dhe që jo shpesh mund të gjendet kudo nëpër opera apo koncerte të tilla.

“Koncerti i sotëm do të ketë shumë repertory sepse do të kalojmë nga  Mozarrt, Rossini, Puccini , të gjitha këto muzikë të mrekullueshme shqiptare, kështu që për mua ka qenë një kënaqësi e veçantë që të njihem nga afër me këtë lloj muzike.”, u shpreh Galli ku ndër të tjerash tha që ndjehet i privilegjuar që do të performojë në një skenë me artistë të këtij kalibri.

Kurse baritonit, Franco Vassallo, iu desht një shikim në sy i Ramë Lahajt për të marrë vendimin për të ardhë në Kosovë krahas thirrjes së tenorit kosovar që duhej të vinte sepse publiku këtu është i hapur dhe entuziast ndaj pritshmërisë së kësaj muzike.

“Përmes shikimit të tij më rikujtoi që melodrama në Itali sot është bërë me të vërtetë një zhanër i cii konsiderohet pak snob për të treguar ndonjëherë në lloj klasi social, por kur në të vërtetë në lindjen e Verdit viheshin në skenë operat e tij si ‘Nabuko’ të cilën do ta kemi edhe sot në mbrëmjen tonë, melodrama ishte një spektakël i popullit dhe për popullin sepse përfshinte një entuziazëm të tillë të cilën tash e përceptoj këtu, dhe kjo është diçka shumë e bukur.”, tha Vassallo sot në konferencën e ‘RLIOF’”

E sigurisht që nuk mund të mungonte ai që dha shumë nga vetja për gjatë këtyre 10 ditëve të festivalit, mjeshtri i zërit, Jean Bernard Thomas i cili ritheksoi që është shuëm i lumtur që i kaloi 10 ditë ktu.

‘Jam shumë i lumtur që do të performoj sonte dhe do të bashkëpunoj me artistë të mrekullueshëm si Ramë, Franco dhe Pretty sepse e njoh atë si një profesioniste të shkëlqyer dhe shpresoj që do të jem i ftuar edhe në vitin e ardhëm.”, tha Bernard Thomas.

Sivjet, pjesë e këtij edicioni të ‘Rame Lahaj International Opera Festival’ është edhe këngëtarja shqiptare, Erza Muqolli e cila ndonëse e re në moshë, ka shënuar suksese të mëdha në fushën e muzikës ndërkombëtare.

“Për mu është shumë kënaqësi me qenë në këtë festival, sepse me ardhe edhe me perform në vendin tim s’ka më mirë”, tha Erza duke falënderuar Ramën që e ka bërë pjesë të këtij festivali.  

E pranishme në këtë konferencë ishte edhe sopranoja ukrainase Anna Bondarenko, e cila dëgjoi për këtë festival pasi u largua nga lufta në vendin e saj dhe erdhi në Evropë.  Ajo falënderon publikisht Ramë Lahajn për ftesën.

Koncerti ‘Ramë Lahaj & Friends’ fillon nga ora 20:30./ KultPlus.com

Paratë e koncertit të Ramë Lahaj do të jepen donacion për studentët që nuk ia dalin vetë

Nga data 21 korrik deri më 31 korrik do të mbahet koncerti Ndërkombëtar i Operës “Ramë Lahaj”, shkruan KultPlus.

Disa ditë pa filluar ky koncert, Lahaj ka ndarë fotografi të veçanta në rrjetin social “Facebook”, duke e lavdëruar dhe duke shfaqur dashurinë për Erza Muqollin.

Postimi i plotë:

“E kam marrë në krah dhe e kam përqafu sa herë më asht’ dhanë mundësia, kur kemi qenë në ngjarje të përbashkëta. E kam shtrëngu fort se asht’ vetë dashnia. Për Erzën, kritika botërore thotë se ajo të rrënqethë trupin kur këndon. Nuk ka se si të jetë ndryshe; rrënjët e saj janë nga Drenica, vatra më e vujtun në Kosovë. Në zanin e saj krejt natyrshëm ndjehet krenaria, dhimbja, vuajtja dhe fitorja jonë.

Erza e ka pasë fatin të rritet e të shkollohet në Evropë, në sistemet më të mira edukative, ndërsa ne në Kosovë kemi plot talente që sot nuk e kanë një mundësi të tillë. Po mbledhemi të gjithë së bashku jo veç për ta festu suksesin e Erzës bashkë me mërgatën tonë, por edhe të ndihmojmë me donacione përmes shitjes së biletave për këtë koncert unik, duke mbështetur talentet e reja që nuk kanë mundësi financiare.

Miq, nuk kam dashtë kurrë që ju të paguani për koncertet e mia, andaj edhe festivali është i hapur dhe pa pagesë. Mirëpo, në mbrëmjen gala kemi vendosur të mbledhim fonde përmes shitjes së biletave, për ata studentë të cilët nuk mund t`ja dalin vetë. Me biletën që do ta bleni, jo vetëm do ta përjetoni një koncert krejt unik në sheshin e qytetit, shoqëruar me artistë e yje nga e mbarë bota, si kurrë më parë, por edhe do të mbështesni talentet e Kosovës.

Faleminderit për respektin, dashninë e besimin që ma dhuroni, përherë.

I juaji,
Ramë Lahaj”, thuhet në postimin e tij. /KultPlus.com

Erza Muqolli pjesë e “Ramë Lahaj International Opera Festival”

“Ramë Lahaj International Opera Festival”, festivali i parë Operistik në Kosovë po vjen me edicionin e dytë, ku dita ditës po shpalosen edhe emrat që do të jenë pjesë e festivalit, shkruan KultPlus.

Tenori i famshëm shqiptar, Ramë Lahaj ka bërë të ditur se ky edicion po vjen më shumë befasi dhe yjet nuk do të mungojnë.

Sot është zbuluar një tjetër yll që do të jetë pjesë e festivalit. Bëhet fjalë për Erza Muqollin, zërin që të rrëqeth mishin sa herë që e dëgjon.

Erza Muqolli është këngëtare e re nga Kosova që ka treguar talent të jashtëzakonshëm që në moshë të vogël. Filloi të studionte Piano dhe Këndim në Shkollën e Muzikës së Sarralbe që në moshën 7 vjeçare. Karriera e saj artistike nisi kur ajo mori vendin e 3-të në sezonin e 9-të të France’s Got Talent. Ajo ka qenë anëtare e një grupi muzikor fëmijësh të quajtur Kids United, si pjesë e fushatës së UNICEF-it në Francë. Ata kanë publikuar shumë singles dhe albume të cilët janë vlerësuar gjerësisht. Publikimet e saj solo, ndër të tjerë përfshijnë single-in e titulluar “Je chanterai” dhe albumin e saj titulluar Erza Muqolli.

Kujtojmë që festivali RLIOF do të mbahet mes datave 21-31 korrik me qëllim që rreth vetes të ketë edhe mërgimtarët. / KultPlus.com

Miq të bashkuar për një kauzë madhështore, Fondacioni Vjosa do të ndërtojë kampus për adoleshentët autikë

Uranik Emini

Gala Mbrëmja Humanitare në Ditën Ndërkombëtare të Autizmit u mbajt në Gjilan mbrëmë, kur edhe Vjosa Foundation organizoi gjithçka në perfeksion për një kauzë që mori mbështetje të mënjëhershme, pra, ndërtimin e një kampusi për adoleshentët autikë. Në mesin e shumë njerëzve të njohur nga Kosova, kjo natë filloi me moderatoren Vlora Merovci, që lexoi letrën e shkrimtarit të njohur Edmond Tupja dhe ajo u përcjellë edhe nga bashkëprezantuesi Arbër Selmani, shkruan KultPlus.

Mysafirët po mbyllnin vendet e mbetura në resortin e mirënjohur “Vali Ranch”, për t’u bërë gati që të fillonte edhe transmetimi live në Radio Televizionin e Kosovës. Ndërsa themeluesi i Fondacionit “Vjosa”, Lulzim Behxheti, u ftua i pari që të marrë fjalën dhe të fillojë mbarë këtë mbrëmje madhështore.

“Përkundër sfidave të mëdha, me miq të vërtetë u mbledhëm për të dhënë kontributin për adoleshentët me autizëm në ndërtimin e kampusit të parë. Gjithçka filloi me disa skica të thjeshta por miqtë e mëdhenj dallohen kur janë puntë e rënda. E falënderoj së pari drejtoreshën e KultPlus, Ardianë Pajaziti, që ka bërë punë të madhe në këtë rrugëtim. Gjithashtu edhe kryetarin e Gjilanit, Alban Hysenin, kryetarin e Komunës së Prishtinës, Përparim Ramën, dhe Ministrin e Shëndetësisë, Rifat Latifi”.

Përshëndetjen më speciale, Behxheti e ruajti për fund kur edhe përshëndeti Vjosën, vajzën e tij.

Më pas, Ardiana Pajaziti u ftua për një fjalim të shkurtër rreth kësaj kauze dhe rrugëtimit të saj, me ç ‘rast ajo falënderoi të gjithë që kontribuan në këtë çështje.

“Për mua si drejtuese e KultPlusit dhe stafit, nuk është hera e parë që po përballemi me një kauzë të tillë. E kemi dhënë maksimumin për ta realizuar këtë mbrëmje, kjo për dallim nga mbrëmjet e tjera kulturore që organizoi, kur bëhet fjalë për kauza të tilla emocionet janë të shumfishta, përgjegjësitë janë gjithashtu të mëdha por dashnia për këto kauza është mbi të gjitha”, tha Pajaziti duke falënderuar të gjithë artistët që nuk hezituan për asnjë moment të bashkoheshin në një kauzë të tillë.

Misioni i saj janë fëmijët me autizëm, Doktoresha Shpresa Xhakli, zhvilloi një bashkëbisedim me moderatorin Selmani, me ç ‘rast u fol shumë për këta fëmijë dhe se sa shumë do të ndihmojë ky kampus për këta njerëz.

Gjatë gjithë mbrëmjes, Selmani dhe Merovci po ftonin artistët që të performonin në skenë dhe gjithashtu po qëndronin afër me njërëzit që po merrenin me thirrjet dhe donacionet.

Anna Krasniqi, e re në moshë por me shumë dashuri dhe pasion për pianon dhe këndimin, e nisi këtë mbrëmje së pari me një pikë të shkurtër me piano të cilën e trajtoi në mënyrën më dinjitoze pavarësisht përgjegjësisë së lartë që kishte.

Në anën tjetër, kryetari i Komunës së Gjilanit, Alban Hyseni, njoftoi se Komuna të cilën ai e drejton do të bëjë ndarjen e parcelës për ndërtimin e këtij kampusi, e madje për këtë pati edhe një dorështrëngim mes tij dhe Behxhetit.

Njëri prej njerëzve i cili ka përgjegjësi të plota rreth ndihmës që mund t’iu ofrojë si institucion njerëzve me autizëm është pikërisht i pari i shëndetësisë, Rifat Latifi, i cili ishte i pranishëm në këtë mbrëmje.

“Fëmijëve me autizëm & Down Syndrome mund t’iu ndihmojmë të gjithëve, e këtë gjë do ta bëjmë edhe ne. Le t’i ndihmojmë fëmijët tanë, të rritur e miqtë tanë që të ndjehen sikurse të barabartë e në mesin e të gjithë neve”, deklaroi Latifi.

Portretet e varura në mur dhe të realizuar me dorë në fletë të thjesht nga Lulzim Behxheti, u vendosën në shitje gjatë kësaj mbrëmje dhe pati edhe thirrje të shumta e njerëz të interesuar që t’i blinin ato realizime artistike.

Kënaqësi të njëjtë shprehi edhe Kryetari Përparim Rama, i cili gjithë fjalimin e tij e filloi me falënderime për inicativën e mrekullueshme dhe gjithashtu edhe një historik të shkurtër për Autizmin dhe se si filloi vetëdijësimi për të.

“Sot në vitin 2022 nuk është vetëm çështja te vetëdijësimi te njerëzit me autizëm, por gjithashtu edhe pranueshmërinë, duhet të dijmë që të jemi të kënaqur që kemi njerëz në komunitetin tonë që kanë aftësi të veçanta. Kur flasim për njerëzit e veçantë, gjatë viteve në histori e dijmë që njerëz e personalitete të ndryshme nëpër botë si Leonardo Da Vinci, Bill Gates e Michelangelo kanë një autizëm të lehtë. Ne do t’iu ndihmojmë fëmijëve, prindërve nëpërmjet krijimit të institucioneve, ndërtesave e kampusve sikurse kjo. Ne si Komunë e Prishtinës e kemi ndërtesën, e cila sipas gjitha gjasave do të përfundojë në fund të prillit, Qendrën e Autizmit e shpresojmë që të zgjerohet kjo në të gjithë Kosovën”, tha Rama.

Performancat nga artistët që kanë pushtuar çdo skenë të mundshme të botës nuk munguan për të shënuar këtë mbrëmje të veçantë dhe me shumë sharm në të gjitha aspektet, por humanitare në radhë të parë.

Me zërin e saj që dridhëronte skenën dhe shtonte emocionet në shpirtin e secilit njeri, Inva Mula u kujdes të jepte gjithçka nga vetja që të pranishmit ta shijonin me të vërtet këtë gala mbrëmje.

Ndërkaq, ambasadorja e këtij fondacioni, Erza Muqolli, e cila ka një karrierë të jashtëzakonshme, arriti që përmes zërit të saj të ëmbël të përcjellë vetën në piano dhe të shfaq përpara aftësitë e mrekullueshme që i posedon. E për t’i dhënë edhe më shumë hijeshi kësaj mbrëmjeje, ishte e pranishme edhe një nga pianistet më të mëdha që ka Kosova, Lule Elezi, që i nderoi të gjithëve me performancën e saj në këtë mbrëmje Gala.


“Dancing House” me fëmijët të udhëhequr nga Artan Jerliu, i shtuan diversitetin e plotë kësaj nate të mbushur me yje.

Siç njoftoi Behxheti, nga kjo mbrëmje u tubuan 24 mijë e 565 euro nga shitja e portreteve si dhe përmendi edhe premtimin e parcelës nga Komuna e Gjilanit. Ndërkaq, fondi mund të mbushet edhe më shumë pasi portretet do të vazhdojnë të shiten dhe fëmijët autikë të ndihmohen. /KultPlus.com

Vjosa Fondacion nesër me Gala Mbrëmje për autizëm, pjesë e kësaj kauze edhe Inva Mula e Erza Muqolli

Më 2 prill, në ditën ndërkombëtare të autizmit, Vjosa Fondacion me seli në Finlandë organizon Gala Mbrëmjen Humanitare për Autizëm, mbrëmje kjo që do të mbahet në Vali Ranch, shkruan KultPlus.

Lulzim Behxheti, themelues i këtij fondacioni ka njoftuar për KultPlus se në këtë mbrëmje do të prezantohet ankandi i 1200 portreteve që janë realizuar nga vet Behxheti, ankand që edhe do të shënojë nismën e këtij fondacioni që ka për qëllim edhe ndërtimin e kampusit për adoleshentët me autizëm.

“Në këtë mbrëmje do të marrin pjesë shumë figura që u kam realizuar portretet e tyre gjatë periudhës së karantinës, duke përfshirë figurat më të mëdha të kombit shqiptar e deri te shumë kontribuues në kulturën e historinë shqiptare”, ka thënë Behxheti.

Ai ka njoftuar se në këtë mbrëmje, përpos paraqitjeve të udhëheqësve të institucioneve të Kosovës, do të paraqiten me performancë edhe sopranoja e famshme Inva Mula, ambasadorja e Vjosa Fondacion, Erza Muqolli, pianistja Lule Elezi, aktorja Vlora Merovci, Anna Krasniqi me një performancë muzikore dhe grupi i baletit Dancing House.

Kjo Gala Mbrëmje do të transmetohet live edhe nëpërmjet Radio Televizionit të Kosovës, kurse të gjithë të interesuarit që dëshirojnë të jenë pjesë e kësaj mbrëmje, do të kenë mundësi që të kontribuojnë me blerjen e portreteve, mjete që do të shkojnë direkt në konton e Vjosa Fondacion.

Gala Mbrëmja do të mbahet më 2 prill, dhe fillon prej orës 19:00 deri në ora 23:00. / KultPlus.com

Vajzat dhe gratë e Kosovës që shkëlqyen në botë – Erza Muqolli

KultPlus ju sjell 25 vajzat dhe gratë e Kosovës që u shndërruan në zërin e vajzave, djemve, grave dhe burrave të Kosovës.

Vajzat dhe gratë e Kosovës po vazhdojnë të shkëlqejnë në fusha të ndryshme, duke shndritë nëpër botë.

Me rastin e 8 Marsit, KultPlus ka përzgjedhë 25 vajza e gra që nëpërmjet fjalimeve, performancës, muzikës, sportit, filmit e biznesit kanë ngritë dhe kanë përfaqësuar vendin në mënyrë dinjitoze, e duke shndërruar Kosovën në një Kosovë të artë, në një Kosovë që synon Oscar, në një Kosovë që me rrëfimet e nxjerra po nga ky vend, i ka treguar botës po për dhimbjen, kurajën dhe guximin e vajzave dhe grave të vendit më të ri në kontinentin e vjetër.

Po këto vajza dhe gra u shndërruan në inspirimin e shumë vajzave, djemve, grave e burrave, të cilët kuptuan se ëndrrat nuk duhet dhe nuk mbeten vetëm ëndrra.

Në vazhdim, KultPlus ua sjell artisten e njohur kosovare Erza Muqolli e cila së fundmi është përzgjedhur nga producenti i njohur suedez, Rami Yacoub.

Yacoub i cili ka bashkëpunuar me yje të mëdha botërore, ka përzgjedhur artisten kosovare si talentin e parë në projektin e tij #RamiYacoubDiscovers.

Lajmin e pati bërë të ditur vetë producenti përmes një postimi, ku e cilësoi artisten kosovare si një talent të jashtëzakonshëm.

16 -vjeçarja Erza Muqoli është një talent i jashtëzakonshëm.
I lumtur të zbuloj artistin tim të parë për #RamiYacoubDiscovers
Erza Muqolli është një 16 – vjeçare  nga Franca me rrënjë nga Kosova. Një talent i jashtëzakonshëm që besoj se do të shkojë shumë larg.
” – pati shkruar ai në Instagram.

Rami Yacoub, ka bashkëpunuar me shumë artistë të njohur si Brittney Spears, Lady Gaga, Ariana Grande, Selena Gomez, Nicki Minaj, Madonna, Backstreet Boys, One Direction, NSYNC, 5 Seconds of Summer, Avicii, Pink, Celine Dion, Weezer e shumë të tjerë. / KultPlus.com

”Unlocked: the power of you”, libri inspirues i Gëzim Gashit, një jetë prej refugjati e deri te themelimi i Institutit të Arteve në Los Angeles

Epitetin e refugjatit e kishte përjetuar qysh i vogël, i cili bashkë me familjen e tij kishin shkuar për Suedi, por ky rrugëtim për Gëzim Gashin ka shërbyer në anën e duhur të medaljes, pasi që, përvojat e tij, sukseset dhe realizimi i ëndrrave mes Suedisë dhe Shteteve të Bashkuara të Amerikës, janë përmbledhë me një libër, libër ky që po konsiderohet si një ndër librat më të shitur në Amazon.

Ardianë Pajaziti

”Unlocked: the power of you”  është libri debutues i Gashit që është botuar në Shtetet e Bashkuara të Amerikës, libër që futet në grupin e librave inspirues. Sipas tij, edhe pse i botuar pothuajse në pjesën e fundit të vitit që po lëmë pas, doli të jetë si libri që po zgjon interesim te lexuesit.

Jeta prej refugjati, shkollimi i tij në Suedi, lëvizja e tij e më vonshme prej Suedisë drejt SHBA-ve, masterclass të ndryshëm nëpër institucione të rëndësishme, duke përfshirë edhe Harvard, udhëheqja e Fondacionit të Mbretëreshës Silvia të Suedisë, themelimi i Institutit të Inovacionit dhe Arteve, me qendër në Los Angeles, urë lidhëse mes producentëve të famshëm në nivel botërorë dhe Festivalit „Sunny Hill“ në Kosovë, janë copëza inspiruese që kanë ndikuar te Gëzim Gashi, që në një periudhë relativisht të gjatë,  ti shkruaj në letër, e krejt këto letra të rrumbullakojnë librin, libër që tashmë ka përmbushë ëndrrën e vetë Gezim Gashit.

Gëzim Gashi shprehet të jetë i befasuar me këtë sukses të madh, ku sipas tij, mbi të gjitha nuk e priste gjithë këtë sukses. „Mbi një vit e gjysmë isha i thelluar në guacën e këtij libri, deri sa e kam përfunduar“, kujton Gashi përkushtimin mbi këtë libër, por, sipas tij, gjithçka mori tjetër dimension, pas suksesit të madh në Amazon në Shtetet e Bashkuara të Amerikës, duke u ranguar si libri më i shitur. „Ishte një moment kaq i veçantë për mua dhe familjen time, një ditë që nuk do ta harroj kurrë“, ka thënë Gashi.

Suksesi i këtij libri të Gashit është inspirim i jetës së tij prej refugjati, ku lëvizjet e tij prej Kosovës në Suedi, më pas në SHBA, ishin shtysë që përvojën e tij jetësore ta ndajë edhe me të tjerët, me qëllim që të inspirojë dhe të ndihmojë edhe të tjerët.

„Duke qenë një refugjat nga Kosova, dhe i rritur në Suedi, e më pas edhe zhvendosja drejt Shteteve të Bashkuara të Amerikës, më bëri që këtë përvojë dhe këtë njohuri ta ndaja me gjithë të tjerët“, tregon Gëzim Gashi, i cili shpjegon më titje se libri ”Unlocked: the power of you”  është një libër për të ndihmuar vetveten, për gjetjen e qëllimeve, që sipas Gashit, kur njeriu gjen qëllimin e tij, atëherë edhe suksesi është më i madh.

Libri i referohet 12 hapave për gjetjen e çelësit për vetveten, dhe se si të nxirret potenciali më i madh, e që libri padyshim është bazuar në sukseset e mëhershme të Gëzim Gashit edhe në fusha të tjera, suksese që më pas kanë reflektuar në këtë libër.

Si themelues i Institutit të Inovacionit dhe Arteve OSC, që është i vendosur në Los Angeles, për Gëzim Gashin ishte baza kryesore në këtë libër, e që vetë Gëzimi këtë arritje e vlerëson si arritjen më të madhe të deritanishme. “U emocionova shumë kur e mësova një fakt, sepse isha shqiptaro-suedezi i parë që bëja një gjë të tillë në SHBA. Jam krenar për këtë, sepse dua ti dëshmoj brezit të ri, se kur kemi ëndrra, mund të shkojmë aq larg sa edhe duam”, ka thënë Gashi.

Libri ”Unlocked: the power of you”  është libër që nuk i dedikohet moshave, por të gjithë atyre që duan të provojnë ëndrrën e tyre, e sidomos për ata që e ndjenjë se nuk janë duke e bërë punën e duhur, sipas Gashit mund të jetë një libër orientues që mund të ndezë shkëndija të së ardhmes.

Libri i Gëzim Gashit së shpejti do të ofrohet për shitje edhe në Kosovë, Shqipëri, Maqedoninë e Veriut dhe Malin e Zi, por fillimisht do të ofrohet në treg vetëm në gjuhën angleze. Kurse sipas autorit, ky libër pritet të vjen edhe në gjuhën shqipe, përgjatë vitit 2022.


Mbretëresha Silvia e Suedisë e ka zgjedhur Gëzim Gashin si udhëheqës të Fondacionit të saj me ShBA

Duke përfshirë jetën e Gëzim Gashit dhe familjes së tij, se si përfunduan si refugjat nga Kosova në Suedi, dhe se krejt kjo histori ka bërë që Gëzim Gashi të jetë ai që është sot, ai  tregon edhe për rolin tjetër që së fundi i është besuar, drejtimi i Fondacionit të Mbretëreshës Silvia nga Suedia, fondacion që e udhëheqë për Shtetet e Bashkuara të Amerikës, dhe Gashi tregon se një besim i tillë është nder për të, pasi që me punëtoritë e tij që i zhvillon me të rinjtë në SHBA, bën aktivitete të ndryshme për ti parandaluar të rinjtë nga droga dhe përfundimi i tyre në rrugë.

https://www.instagram.com/p/B9jhN84hmzf/?utm_source=ig_embed&ig_rid=1e77774a-1650-4a32-83bb-ee60b66e90fc

Gëzim Gashi ka edhe një sukses tjetër, atë të paraqitjes para studentëve të Harvard, i cili me një masterclass, ai ka folur për rrugëtimin e tij si sipërmarrës. “Ishte Erza Muqolli që është bashkëngjitë në këtë paraqitje, e cila është paraqitur me zoom. Ishte një arritje e madhe të prezantojë Erza Muqollin, si një prurje të madhe për tregun muzikor amerikan”, ka shpjeguar Gëzim Gashi, i cili ka treguar se pas këtij prezantimi në Harvard, ai është duke bashkëpunuar ngushtë me Erzën dhe babin e saj, punë që ka për synim përfshirjen e Erzës në tregun amerikan.  “Por nuk mund të them asgjë për momentin, për shkak të kontratave ligjore, por premtoj se KultPlus,  do të jetë mediumi i parë që do të ketë ekskluzivitetin e këtij bashkëpunimi”, ka thënë më tej Gashi.  


Gëzim Gashi dhe Erza Muqolli me prezantimin e tyre në Harvard

Dhe, jo vetëm Erza Muqolli po përgatitet për bashkëpunime të mëdha. Po nëpërmjet Gëzim Gashit dhe Sunny Hill Festival, festival ky i Dua Lipës në Kosovë, tashmë janë përzgjedhë disa talentë nga Kosova, që do të shkojnë për shkollim në Institutin e Inovacionit dhe Arteve në Los Angeles. “Mezi po pres që të sjellim këta talentë në Los Angeles, situata pandemike ka ndikuar që të vonohemi”, ka thënë ai, i cili për fund ka treguar se në vitin 2022 do të fokusohet te libri i tij, ku tashmë ka vazhduar takimet me lexuesit nëpërmjet turneve nëpër Amerikë, kurse ai bashkë me ekipin e tij, po planifikojnë që të vijnë edhe në Kosovë e Shqipëri./ KultPlus.com

Producenti i njohur botëror zgjedh Erza Muqollin për projektin e tij: Një talent i jashtëzakonshëm

Producenti i njohur suedez, Rami Yacoub, i cili ka bashkëpunuar me yje të mëdha botërore, ka përzgjedhur artisten kosovare, Erza Muqolli, si talentin e parë në projektin e tij #RamiYacoubDiscovers, shkruan KultPlus.

Lajmin e ka bërë të ditur vetë producenti përmes një postimi, ku e cilëson artisten kosovare si një talent të jashtëzakonshëm.

 “16 -vjeçarja Erza Muqoli është një talent i jashtëzakonshëm.
I lumtur të zbuloj artistin tim të parë për #RamiYacoubDiscovers
Erza Muqolli është një 16 – vjeçare  nga Franca me rrënjë nga Kosova. Një talent i jashtëzakonshëm që besoj se do të shkojë shumë larg.
” – ka shkruar ai në Instagram.

Rami Yacoub, ka bashkëpunuar me shumë artistë të njohur si Brittney Spears, Lady Gaga, Ariana Grande, Selena Gomez, Nicki Minaj, Madonna, Backstreet Boys, One Direction, NSYNC, 5 Seconds of Summer, Avicii, Pink, Celine Dion, Weezer e shumë të tjerë./KultPlus.com

Kur Erza e vogël i këndonte atdheut: O s’ka ma mirë se në Prishtinë (VIDEO)

Erza Muqolli është ndër vajzat shqiptare që po lënë gjurmë në muzikën ndërkombëtare.

Erza, një vajzë tejet e këndshme me një talent të pashoq i cili e bëri atë shumë të njohur për publikun ndërkombëtar qysh në moshë të re, shkruan KultPlus.

Një version pak më ndryshe i këngës ‘Xhamadani vija vija’, është ndër këngët e Erzës, të cilën kjo e fundit gjithmonë e intepreton mahnitshëm duke i dhënë jetë secilës notë.

‘Edhe pse jetoj në mërgim, zemra qanë për vendin tim. Edhe pse unë jam mërgimtar, për vendlindjen e babit malli më ka marrë’, janë disa nga vargjet e kësaj këngë shumë të dashur për publikun. / KultPlus.com

Lansohen produkte në emër të Erza Muqollit

Këngëtarja shqiptare Erza Muqolli që ka shënuar sukses të madh në Francë, por edhe në vende të tjera, fanasave të saj tashmë do tu ofrojë edhe produkte të tjera, shkruan KultPlus.

Është krijuar faqja e shitjes online me produkte të ndryshme me emrin e Erza Muqollit, duke nisë prej albumit të saj të parë solo, pastaj fanellë, kapelë, çantë, aksesorë për çelësa, fotografi me autografe dhe produkte të tjera.

Këto produkte tashmë janë në shitje dhe të gjithë fansat e saj mund ti porosisin online.

Babai i Erza Muqollit, që në të njëjtën kohë është edhe menaxher i Erza Muqollit ka thënë për KultPlus se kjo linjë e shitjes ishte paraparë që të ofrohej pranë audiencës gjatë tureve të koncerteve, por në të njëjtën kohë të lansohet shitja edhe online. “Por, si pasojë e pandemisë Covid 19, koncertet jemi detyruar ti anulojmë, atëherë vendosëm që këtë shitje online ta lansojmë tani, por të njëjtat do të ofrohen edhe gjatë tureve, në kohën kur edhe do të lejohen tubimet nëpër koncerte”, ka thënë Muqolli.

Erza Muqolli po konsiderohet si një yll i madh francez, por në të njëjtën kohë, ajo shumë shpesh është paraqitur edhe me këngë shqipe./ KultPlus.com

https://difymusic.com/erza-muqoli?fbclid=IwAR08D-_JNuboTvKy4_XadODfNzIEsH8KEORahdSUjvYIoMUzO4iSJ35xf4s

Kur Erza e vogël i këndonte atdheut: O s’ka ma mirë se në Prishtinë (VIDEO)

Erza Muqolli është ndër vajzat tona që po lënë gjurmë në muzikën ndërkombëtare. Erza, një vajzë tejet e këndshme me një talent të pashoq i cili e bëri Erzën shumë të njohur për publikun ndërkombëtar qysh në moshë shumë të re, shkruan KultPlus.

Një version pak më ndryshe i këngës ‘Xhamadani vija vija’, është ndër këngët e Erzës, të cilën kjo e fundit gjithmonë e intepreton mahnitshëm duke i dhënë jetë secilës notë.

‘Edhe pse jetoj në mërgim, zemra qanë për vendin tim. Edhe pse unë jam mërgimtar, për vendlindjen e babit malli më ka marrë’, janë disa nga vargjet e kësaj këngë shumë të dashur për publikun. / KultPlus.com

Erza Muqolli anulon turneun për shkak të Covid19

Këngëtarja shqiptare, Erza Muqolli ka njoftuar se ka anuluar turneun, të cilin do ta mbante në vjeshtën e këtij viti, shkruan KultPlus.

Nëpërmjet një postimi në Facebook, Muqolli ka shkruar se turneu që do t’i bënte bashkë shumë njerëz, këngëtaren dhe fansat e saj është anuluar për shkak të rrethanave të krijuara nga pandemia COVID-19.

“Më vjen keq të ju njoftoj se turneun që na u desh t’a shtynim për vjeshtën e këtij viti, tashmë e kemi anuluar. Turneun që do të bënte bashkë shumë njerëz (ju dhe ne), si pasojë e zhvillimeve të fundit të pandemisë COVID-19, jemi detyruar të anulojmë të gjitha koncertet”, ka shkruar Muqolli.

Muqolli në korrikun e vitit të kaluar në kuadër të eventit “Ta zbardhi ftyrën” organizuar nga KultPlus kishte mbajtur koncert edhe në Kosovë, kurse në mars kishte bërë edhe hapjen e Muajit të Frankofonisë. / KultPlus.com

Erza Muqolli sjell këngën e re, i këndon shpresës e rinisë me “Fëmijët e botës” (VIDEO)

Këngëtarja shqiptare Erza Muqolli e cila është lindur dhe rritur në Francë, sukseset e të cilës janë tejet të mëdha në krahasim me moshës që ka, po vazhdon të dëshmojë që rrugëtimi i saj në muzikë do të jetë i gjatë e përplot surpriza, shkruan KultPlus.

Në mëngjesin e sotëm, ajo ka lansuar këngën e re e cila vjen në bashkëpunim me “Ekipin e Gjelbërt”.

Ekipi i Gjelbër është një kolektiv i artistëve të brezit të ri dhe artistëve më të rritur të cilët janë mobilizuar për një qëllim të vetëm.

Kjo është një këngë në partneritet me fondacionin GoodPlanet, themeli i Yann Arthus-Bertrand, misioni i të cilit është të vendosë ekologjinë në zemër të ndërgjegjes dhe të ngjall dëshirën për të vepruar konkretisht për tokën dhe banorët e saj.

Ekipi i Gjelbër është shprehur se Erza Muqolli i këndon shpresës e rinisë me “Fëmijët e botës”.

Kënga vjen e shoqëruar me një videoklip tejet të mirë, shumë domethënës dhe na sjell Erzen të rrethuar me “fëmijët e botës”. / KultPlus.com

Dua Lipa mahnitet me zërin e Erza Muqollit (VIDEO)

Ylli në ngritje, Erza Muqolli, ka kënduar këngën “Don’t Start Now” të yllit botëror, Dua Lipës, shkruan KultPlus.com

Videon Erza e ka publikuar në Instagram duke arritur mija shikime, pëlqime e komente nga më të mirat.

Por komenti më i mirë erdhi nga vetë Dua Lipa e cila sapo e ka parë videon ka komentuar duke e vlerësuar lart zërin e Erzës.

“Po më pëlqen kjo Erza !!! Shumë e bukur…”, ka shkruar Dua e ky koment padyshim që e ka bërë të lumtur Erzen. Përveç komentit Dua tashmë ka filluar ta ndjekë në rrjetin social Instagram Erzën.

Mbështetja e Dua për Erzën padyshim që është e vlefshme shumë edhe për karrierën e Erzës e cila është në negociata me artistë botërorë dhe shumë shpejt do të kemi një tjetër yll shqiptar që do e njeh e gjithë bota. / KultPlus.com

Gezim Gashi me ligjëratë në “Harvard”, prezanton Erza Muqollin, e krahasojnë me Celine Dion

Jeta Zymberi

Një emër i suksesshëm në industrinë e muzikës në Los Angeles dhe duke qenë shqiptari i parë që është një ndër themeluesit e shkollës së artit në Amerikë, Gezim Gashi rrugëtimin e tij nga një refugjatë në një djalë të suksesshëm e ka shpalosur para studentëve nga e gjithë bota në Universitetin prestigjioz “Harvard”, shkruan KultPlus.

Të larguar nga Kosova gjatë kohës së luftës, ai bashkë me familje u shpërngulën në Alvesta të Suedisë dhe tash historinë e tij e ka ndarë në universitetin më prestigjioz në botë, në “Harvard”.

Gashi e ka vlerësuar këtë si një përvojë të veçantë duke pasur parasysh se si është rritur dhe sa shumë është ushqyer me ëndrra që sot po i bëhen realitet.

“Ligjërata ime para studentëve nga e gjithë bota në Universitetin prestigjioz “Harvard” është një ëndërr e bërë realitet. Para studentëve kam folur për rrugëtimin tim, nga refugjatë nga Kosova në Suedi e deri te vlerësimi i George W Bush (që edhe ai ishte student aty ku po ligjëroja). Gjithashtu kam folur për shkollën e muzikës që e kam hapur në Amerikë, si dhe rreth mbështetjes që po e marr nga industria e muzikës në US”, ka treguar në pika të shkurtra Gashi rreth asaj se çfarë ka shpalosur para të pranishmëve.

Por përveç ligjëratës, Gashi ka vendosur që përpara studentëve nga e gjithë bota të prezantoj edhe yllin shqiptar Erza Muqollin e cila po mahnit të gjithë me zërin e saj magjikë.

Erza Muqolli gjatë kësaj ligjërate është lidhur me Skype, ku përmes ekranit ajo ka folur në gjuhën shqipe për suksesin dhe ëndrrat e saj.

“Erza ka folur për ëndrrat e saj, ndërsa unë duke e vlerësuar vokalin që ajo ka, e kam krahasuar atë me Celine Dion dhe Mariah Carey dhe studentët ishin të të njëjtit mendim. Të gjithë po mahniten me zërin e saj”.

Ky prezantim i dy shqiptarëve në “Harvard” është një tjetër sukses që flet shumë për punën dhe arritjet e tyre. / KultPlus.com

View this post on Instagram

Still can’t get over yesterday at @harvard

A post shared by Gezim Gashi (@thegezimgashi) on

Erza Muqolli, pjesë e jurisë në “The Voice Kids”

Erza Muqoli mahniti të gjithë me zërin e saj unik kur mori pjesë në audicionet e “La France a un incroyable talent” (version francez i talentëve të muzikës), në vitin 2014.

Vajza me prejardhje nga Kosova që nga ajo kohë u kthye në një emër të njohur dhe mjaft të dashur për publikun francez dhe më gjerë.

14-vjeçarja, e cila shquhet për vokalin e saj dhe talentin në muzikë, tashmë është një emër i respektuar në Francë, madje ajo së fundi është bërë pjesë e audicioneve të “The Voice Kids” në Belgjikë, për të asistuar si trajnere për talentet e rinj të muzikës. Albinfo / KultPlus.com

Erza Muqolli mbrëmë me koncert në Prishtinë, me zërin e saj magjik rrëqethi publikun

Qendrim Badalli

Salla e Bibliotekës Universitare ishte mbrëmë e stërmbushur me njerëz të fushave të ndryshme e adhurues të këngës së Erza Muqollit. Aty pas pak do të performonin fëmijët dhe të rriturit e korit “Siparantum”, si paraprirje për performancën e yllit francez në ngritje me prejardhje shqiptare, Erza Muqolli, në koncertin që hapi Javën e Frankofonisë në Kosovë, shkruan KultPlus.com

Ishte kori i fëmijëve “Siparantum” të cilët me pesë vepra ndezën emocionet në sallë me një publik i cili gjatë gjithë kohës po duartrokiste e incizonte performancën e tyre. Kur koha e tyre përfundoi, radha ishte për të rriturit e po të njëjtit kor nën udhëheqjen e Memli Kelmendit. Performanca e korit të të rriturve, kohë pas kohe kërkonte edhe angazhimin simpatik të publikut, Kelmendi po kërkonte lëvizjen e gishtërinjve e ndonjëherë  fërkimin e duarve, me ndonjë të qeshur e me plotë emocione publiku i bindje drejtimit të tij.

Kështu performanca e dy gjeneratave të korit “Siparantum” kishte krijuar një atmosferë shumë të ngrohtë dhe kishte ambientuar mirë publikun me koncertin në fjalë. Pas formacioneve kolektive, radha ishte për një soliste në skenë, dhe ajo tashmë dihej, ngadalë me një ecje modeste, nën duartrokitjet e publikut, Erza Muqolli doli në skenë.

La Bohem, Back to Black, Dommage, Je t’aimais je t’aime et je t’aimerai, si dhe Vous etiez la, ishin pesë këngët të cilat Muqolli me zërin e saj magjik i këndoi për publikun në Prishtinë, në hapjen e Javës së Frankofonisë në Kosovë.

Valon Ibraj nga Ambasada e Francës tregoi shkurt për programin e Javës Frankofone në Prishtinë.

“Gjatë muajit Mars në Kosovës, Java e Frankofonisë do të jetë e pasur me një shumëllojshmëri të ngjarjeve, koncerteve, konferencave, filmave, ekspozitave, filma të metrazhit të gjatë dhe të gjatë”.

Sopranoja, Urta Haziraj, e ka quajtur ‘të mrekullueshme’ Erza Muqollin, teksa vlerësoi edhe performancën e saj.

“Erzën e kam përcjell prej audicionit të parë që e ka bërë, Erza është e mrekullueshme dhe sonte na ka kënaq.”

Tutje Haziraj, ka folur edhe për ndjenjat që ka pasur gjatë performancës së saj në korin e të rriturve.

“Në fakt kur je bashkërisht nuk janë emocionet e njëjta sikurse kur je vet, kështu që nuk kisha shumë emocione. Performanca jonë e korit ka qenë shumë më e mirë se në prova, kështu që ishte një ndjenjë shumë e veçantë.”

Ylli shqiptar në ngritje, Erza Muqolli, ka shprehur për KultPlus ndjenjat e saj pas koncertit.

“Koncerti ka qenë shumë i mirë, unë jam kënaqur dhe jam shumë e lumtur dhe mezi s’po pres ta mbaj koncertin tjetër nesër.”

Muqolli ka shprehur mendimin e saj edhe për publikun të cilin e ka vlerësuar si ‘shumë të mirë’, dhe të cilit ia ka theksuar disa detaje.

“Shumë mirë është pritur ky koncert, publiku ka qenë shumë i mirë, të gjithë kanë duartrokitur dhe kanë incizuar e në të njëjtën kohë më kanë bërë të ndihem shumë mirë.

Erza Muqolli, e vlerësoi edhe performancën e koreve, atë të fëmijëve dhe të rriturve. “Ma kanë rrëqeth trupin”, u shpreh ylli francez.

Pjesë e kësaj mbrëmjeje ishte edhe Ambasadorja e Francës, Marie Christine Butel, filozofi Muhamedin Kullashi, filozofi Elvis Hoxha si dhe një numër i madh i personaliteteve të njohura në fushën e kulturës.

Mbrëmja vazhdoi me plotë mysafirë të cilës u afruan për ta bërë ndonjë fotografi me Erza Muqollin, teksa të tjerë po cakërronin gotat në koktejin e organizuar pas përfundimit të koncertit.

Kujtojmë që në kuadër të Javës së Frankofonisë, një nga ngjarjet do të zhvillohet nën organizimin e gazetës online, KultPlus për të cilën do të ju njoftojmë me kohë. / KultPlus.com

Ylli shqiptar, Erza Muqolli prezantohet në ‘Harvard’ nga Gezim Gashi

Jeta Zymberi

Gezim Gashi, i pari shqiptar në botë që ka hapur shkollë të artit në Amerikë dhe një emër i suksesshëm në industrinë e muzikës në Los Angeles, po vazhdon të punojë fort në rrugën që ka zgjedhur, shkruan KultPlus.

Përderisa të gjithë e ëndërrojnë shkollimin në Universitetin më prestigjioz në botë “Harvard”, Gashi është i ftuar për të ligjëruar para studentëve nga gjithë bota. Kjo padyshim që është një arritje e madhe për të duke pasur parasysh se si është rritur dhe sa shumë është ushqyer me ëndrra që sot po i bëhen realitet.

“Kjo është e pabesueshme për mua. Momente të tilla më kujtojnë mënyrën se si jam rritur. Kam qenë një refugjat gjatë luftës në Kosovë me ëndrra të mëdha. Bashkë me familjen time u shpërngulëm në Alvesta të Suedisë dhe tash më duhet të ndaj historinë time në universitetin më prestigjioz në botë, në “Harvard”, ishte shprehur Gëzim Gashi për KultPlus.

Por përveç ligjëratës, Gëzim Gashi ka vendosur që përpara studentëve nga e gjithë bota të prezantoj yllin shqiptar Erza Muqollin e cila po mahnit të gjithë me zërin e saj magjikë.

Erza Muqolli gjatë kësaj ligjërate do të lidhet me skype, ku përmes një ekrani gjigant ajo do të flas për suksesin e saj para të pranishmëve.

Gashi ka ndarë lajmin edhe në rrjetet e tij sociale duke u shprehur tejet i emocionuar për këtë prezantim të Erzës.

“Kaq i emocionuar të njoftoj se Erza Muqolli po bashkohet me mua në Universitetin e Harvardit në 9 Mars! Erza është vetëm 14 vjeç dhe është me origjinë nga Kosova, por ka lindur dhe jeton në Francë. Erza ka brenda vetës elementin që të bëhet një artiste e madhe dhe unë jam shumë i entuziazmuar që ajo do të jetë me mua në Harvard!”, ka njoftuar Gashi.

Përndryshe, Muqolli e cila ka arritur një sukses të madh sidomos në Francë, pritet të shndërrohet në një yll edhe përtej Francës.

Ligjërata nga Gëzim Gashi ku do të prezantohet edhe Erza Muqolli, do të mbahet më datë 9 mars 2020, në Universitetin e Harvardit.  /KultPlus.com

https://www.instagram.com/p/B9DxW1vhiAI/

Erza Muqolli në muajin mars me performancë në Prishtinë

Koncertin e parë në Kosovë Erza Muqolli e mbajti në muajin korrik të vitit të kaluar në kuadër të eventit “Ta zbardhi ftyrën” organizuar nga KultPlus.

Por, mbresat që Erza la në atë mbrëmje kanë bërë që ky të mos jetë koncerti i saj i vetëm në Kosovë.

Kësaj radhe, këngëtarja e njohur shqiptare e cila karrierën e saj po e zhvillon në Francë, do të performojë në muajin mars në Prishtinë në kuadër të Muajit të Frankofonisë.

Babai i saj, Mehmet Muqolli ka konfirmuar për KultPlus duke treguar që pas koncertit të parë në bashkëpunim me KultPlus, kjo ishte një tjetër ftesë të cilën ata e mirëpritën me kënaqësi.

Hapja e Muajit të Frankofonisë do të bëhet me këngëtaren franko-kosovare Erza Muqollin, koncerti i secilës do të mbahet më datë 5 mars.

Erza Muqolli është duke mahnitur me suksesin e saj. Pas publikimit të albumit të parë, ajo është duke zhvilluar një tur. Kujtojmë që në këtë album Erza këndon edhe në gjuhën shqipe. / KultPlus.com

Erza Muqolli perfomon këngën “Duaje atdheun tënd” në emisionin “Soirée” në Tiranë

Erza Muqolli është padyshim një nga emrat e rinj më premtues në fushën e muzikës, shkruan KultPlus.

Këngëtarja shqiptare, e njohur për audiencën ndërkombëtare si një yll francez këtë herë ka interpretuar vargjet “O s’ka ma mirë se në Shqipni, sa herë unë jam ktu s’du mu kthy, s’du mu kthy”, të këngës “Duaje atdheun tënd” në emisionin “Soiree” në Top Chanel, në Tiranë, me të cilën kanë mbetur të habitur e gjithë audienca. /KultPlus.com

https://twitter.com/TeamAlbanians/status/1214074876321042433

Këngëtari i famshëm francez i bën ftesë Erza Muqollit, performojnë bashkë në skenë madhështore

Ajo është padyshim një nga emrat e rinj më premtues në fushën e muzikës, shkruan KultPlus.

Kosovarja deri më tani ka punuar në disa këngë të përmbledhura në album, kënga e saj “Je Chanterai” u dëgjua dhe u pëlqye mjaft.

Pas sukseseve, Erza së fundmi ka arritur ta ndajë skenën me Patrick Bruel që është njëri nga këngëtarët dhe tekstshkruesit më të famshëm francezë. Vet këngëtarja në rrjetin e saj social Facebook, ka njoftuar publikun se ka qenë pjesëmarrëse në koncertin e madh që e organizoi Bruel, i cili i bëri ftesë Erzës për të kënduar bashkë me të.

Perofrmanca është dhënë në televizionin francez TFI, ndërsa më poshtë KultPlus sjellë videon ku Erza këndon bashkë me francezin Bruel. / KultPlus.com

https://www.facebook.com/ErzaOfficiel/videos/573444373487831/

Erza Muqolli me vargjet e Naim Frashërit në Parlamentin e Ontarios (VIDEO)

 “Ti Shqipëri më jep nder”, janë vargjet e Naim Frashërit që sot jehuan në Parlamentin e Ontarios në Kanada, vargje këto të interpetuara nga ylli shqiptar Erza Muqolli me këngën “Fillim”, që e ka të përfshirë në albumin e saj të parë solo, shkruan KultPlus.

Këngëtarja shqiptare Erza Muqolli, e njohur për audiencën ndërkombëtare si një yll francez po merr pjesë në Kanada, ku Shoqata e Bashkësisë Shqiptaro-Kanadeze me mbështetjen e deputetit konservator Lorne Coe, organizon ceremoninë e përvitshme për të nderuar Muajin e Trashëgimisë Shqiptare në Ontario, të shpallur me ligj 3 vjet më parë, ngjarje kjo e realizuar me një përkushtim të madh nga Ruki Kondaj.

Para një audience të madhe, shqiptaro- kanadeze, ku kanë marë pjesë edhe nga Ambasada e Kosovës në Kanada, Erza Muqolli ka kënduar disa nga këngët e albumit të saj. Në kuadër të Muajit të Trashëgimisë Shqiptare, komuniteti shqiptar në Ontario ka organizuar nëpër vite shumë ngjarje kulturore, ku po në Parlamentin e Ontarios kishte kënduar edhe sopranoja e njohur shqiptare Inva Mula, kurse këtë vit, organizatorët kanë ftuar këngëtaren e re Erza Muqolli, e cila po shënon një sukses të madh në botën e muzikës./KultPlus.com

Erza Muqolli në Parlamentin e Ontarios, Kanada, me rastin e ceremonisë së Muajit të Trashëgimisë Shqiptare në Ontario organizuar nga Shoqata e Bashkësisë Shqiptaro- Kanadeze.

Gepostet von PASQYRA SHQIPTARE TV am Donnerstag, 21. November 2019