Marsela Çibukaj risjellë mrekullisht këngën “Jon” të Ardit Gjebresë (VIDEO)

“Jon” është një ndër këngët më të njohura të këngëtarit Ardit Gjebrea.

Dhjetori i vitit 1991, atë kohë kur Arditi interpretoi për herë të parë para publikut të Festivalit të 30-të të RTSH-së këngën “Jon”, bëri që publiku të dashurohet në këtë melodi, shkruan KultPlus.

Vitet kanë shkuar, por kënga ka mbet nga ato të pavdekshmet. Për të ja risjellë publikut edhe një herë në një version tjetër, kësaj radhe për këtë gjë është kujdesur këngëtarja Marsela Çibukaj.

Kënga është shoqëruar me një videoklip ku Marsela bashkë me instrumentistët sjellin një performancë të shkëlqyer përskaj plazhit.

Ky interpretim po pëlqehet e vlerësohet nga publiku. / KultPlus.com

Arilena Ara e Ardit Gjebrea risjellin këngën “Kur braktis atë që do” (VIDEO)

Arilena Ara dhe Ardit Gjebrea kanë risjellë këngën “Kur braktisë atë që do” përmes një performancë live me piano.

Interpretimi vjen i shoqëruar me një video të realizuar në plazh. Zëri magjik i Arilenës, tingujt e lehtë të sjellë nga Gjebrea dhe tingujt e natyrës, kanë perfeksionuar këtë performancë të njëshme./ KultPlus.com

Ardit Gjebrea: Këtë vit ‘Kënga Magjike’ do të pushojë

Festivali i Këngës Magjike, që vitin e kaluar shënoi 20 vjetorin, këtë vit nuk do të jetë pjesë e ekraneve televizive, shkruan KultPlus.

Lajmin e bëri të ditur Ardit Gjebrea përmes një postimi në llogarinë e tij personale në Instagram, ku tregoi se Kënga Magjike do të jetë në pushim, në vitin 2020.

“Kenga Magjike në 2020- pushim! Në pranverë të 2021 rikthehemi për t’i dhënë jetë hiteve të verës, për më shumë ritëm dhe ngjyra! Ndërkohë edhe @edielashqiptare me fillimin e sezonit shtator 2020-korrik 2021 për rrjedhim vjen më e pasur në programin e sja. Ja, kështu filluam planet në këtë Vit të Ri!”, ka shkruar Gjebrea.

‘Dhe të dua ty, dhe kam frikë nga ty…’ (VIDEO)

Yllka Kuqi sot është këngëtare e zhanreve më të ndryshme muzikore.

Në të kaluarën, ajo krijonte këngë tjera. Një prej tyre është “Dhe të dua ty” të cilën e këndoi në Festivalin Kënga Magjike dhe më pas e solli në një version tjetër me Ardit Gjebrenë.

Me këtë këngë ajo nuk e fitoi festivalin në vitin 2004, por zemrat e fansave të saj.

https://www.youtube.com/watch?v=N81N2e7a4rQ

Kënga është një baladë fantastike e cila u mishërua bukur me zërin e veçantë të Yllkës.

Po e sjellim sot këngën dhe tekstin e saj, në të dy versionet, Yllka vetëm dhe Yllka në duet me Ardit Gjebrenë. / KultPlus.com

Nuk di perse te dua zemër kaq shum
Fjalet qe ti me thua me ven ne gjum
Endrrat vetem prr ty me flasin
Dhe te dua ty dhe te dua ty dhe te dua vetem ty
Dhe te enderroj zerin ta degjoj dhe te puth te perqafoj

REF.
Dhe te dua ty dhe kam frike nga ty
Nje medyshje qe nuk di perse nuk dua ta them
Here jam nje me ty,here jam larg nga ti
E ti largohesh here me dukesh sikur vjen
Jo… une nuk e di perse dyshoj
Sa qudi

Netet yjet ne zemra vijne e pergjojne
Tingujt nga zemra dalin dhe na ngacmojne
Kenget vetem per ty me flasin

Dhe prane teje qendrroj
Dhe ne sy te shikoj
Dhe per ty enderroj
Dhe te puth e kam frike mos te zgjojë
Se kur kthehesh serish une pendohem ta dish
Dhe te dua te dua dyfish

REF.
Dhe te dua ty dhe kam frike nga ty
Nje medyshje qe friksohem un ty do ta thm
Here jam nje me ty,here jam larg nga ti
E si nje dallge ne zemren time iken e vjen

Dhe te dua ty dhe kam frike nga ty
Nje medyshje qe nuk di perse nuk dua ta them
Here jam nje me ty,here jam larg nga ti
E si nje dallge ne zemren time iken e vjen

Sa qudi

‘Shumë të kam dashur, por s’është gjithçka…’ (VIDEO)

Një poezi e Teodor Kekos vite më parë ka gjetur prehje në zërin e mrekullueshëm të Ardit Gjebresë.

Keko, një prej shkrimtarëve që nuk harrohet kurrë, poezinë e tij “Shumë të kam dashur por…” e mishëroi me tërë shpirtin, në secilin varg.

Gjebrea më pas i dha notat për ta krijuar një këngë melankolike.

Po e sjellim sot këngën e Arditit, që nisë me Selanikun por mbetet e mirë dhe e përjetuar deri në sekondin e fundit. Kjo është mrekullia e një poezie dhe melodie kur puthen. / KultPlus.com

TEODOR KEKO – SHUMË TË KAM DASHUR POR….

Në Selanik anijet mbërrijnë,
në port unë mbeta far i gjallë.
Pashë mijëra njerëz, ndoshta miliona,
veç ty ama, kërrkund s’të pashë.

Në Selanik avionët mbërrijnë,
në pistë unë pija lotin tim.
Pashë mijëra njerëz, ndoshta miliona,
veç ty s’të gjeta n’udhëkalim.

Atëherë u mbylla në vetvete
me shumë whisky e n’akull pak.
Në darkë i dehur po mendoja:
Shumë të kam dashur, por s’është gjithçka…

Selanik, 1992

Dhe kujtimet kalojnë…

Kënga “Makina e Memories” nga Ardit Gjebrea. Një nga videot dhe këngët më të suksesshme të viteve 1990.

Makina e memories vrapon në kujtime
Në çastet e jetës që endem të dy
Dhe ditët rrëshqasin e syrit i fshihen
Dhe rendin e rendin, humbasin diku

Makina e memories si era
Humbet nëpër mjegull, mbi të fluturoja
Me sy të përgjumur kërkoj nga dritarja
Diku të ndaloja…
Ti mblidhja kujtimet, aty ti fiksoja
Mundohem mundohem, ti gjej nëpër vite
Kujtimet kalojnë…
…po kujtimet kalojnë

Dhe ti qeshje, ti këndoje
Psherëtije në heshtje dhe qaje
Me lotët që të ndrinin në sy
Dhe me flisje, ëndërroje
Dhe tregoje, tregoje
Të vërtetat trillime që jetuam të dy
….dhe kujtimet kalojnë
….dhe kujtimet kalojnë
….dhe kujtimet kalojnë

Fragmente kujtimesh me dalin përpara
Në skena qiellore me diell a me shi
Çapitem i lodhur të ulem mes tyre
Ato me largohen…largohesh dhe ti

Fragmente sensuale që era
Si gjethet e vjeshtës i shkundi nga pema,
Piktura që koha ngjyrosi në mendje
Sikur ti ndaloja…
Ti mblidhja të gjitha në krah ti mbuloja
Mundohem mundohem ti gjej nëpër vite
Kujtimet kalojnë…
…po kujtimet kalojnë

Dhe ti qeshje, ti këndoje
Psherëtije në heshtje dhe qaje
Me lotët që të ndrinin në sy
Dhe me flisje, ëndërroje
Dhe tregoje, tregoje
Të vërtetat trillime që jetuam të dy

Me afroje, me largoje
Me humbisje dhe prapë me takoje
Me puthje në buze si fëmijë
Me thërrisje dhe me prisje
Dhe kërkojë, kërkojë
Të vërtetat trillime ti jetojmë përsëri
….po kujtimet kalojnë..
Dhe kujtimet kalojnë…
Dhe kujtimet kalojnë…
Kalojnë, kalojnë, kalojnë

Makina e memories vrapon në kujtime
Në çastet e jetës që endem të dy
Dhe ditët rrëshqasin e syrit i fshihen
Dhe rendin e rendin, humbasin diku

Dhe kujtimet kalojnë…
Dhe kujtimet kalojnë…
Dhe kujtimet kalojnë…/ KultPlus.com

Këngëtarët e famshëm shqiptarë, publikohen fotografitë kur ishin të vegjël (FOTO)

Ardit Gjebrea, Inva Mula, Irma Libohova, David Tukiçi , Zana Çela e shumë artistë të tjerë të cilët tashmë janë shumë të famshëm, talentin e tyre e kishin nisë qysh të vegjël, shkruan KultPlus.




Qendra Kulturore e Fëmijëve ka publikuar fotografitë e këtyre artistëve, të cilët qysh të vegjël ishin prezantuar para audiencës.


Kjo qendër tashmë feston 70-të vjetorin dhe këtë përvjetor po e shënon me këta artistë, të cilët kanë qenë pjesë e këtij institucioni qysh në fëmijëri. Për të parë se si kanë qenë atëherë, mund ti shikoni nëpërmjet fotografive/KultPlus.com



Kush do ta fitojë festivalin ‘Kënga Magjike 2017’ (VIDEO)

Kanë përfunduar kësisoj dy netët gjysmëfinale të edicionit të këtij viti të Festivalit “Kënga Magjike”.

Pallati i Kongreseve në Tiranë për dy net me radhë ishte nikoqir i këngëtarëve që këtë vit sjellin krijimet e tyre muzikore në një edicion të mbushur me muzikë.

Në të dy netët, emrat e mëdhenj të muzikës por edhe emrat e rinj janë bashkuar drejt një gare të fuqishme. Para se të shohim finalen e festivalit, nesër mbrëma, po sjellim këtu disa prej atyre që mund të fitojnë festivalin, shkruan KultPlus.

Këtë edicion, dukshëm nuk ka një favorit absolut që do të fitonte festivalin, por këngëtarët kanë ardhur me projekte aq të fuqishme, sa dikush veçohet ndër të tjerët.

Elhaida Dani me këngën “E ngrirë” ka ardhur e fuqishme dhe me emocion në këtë festival. Fituese e shumëfishtë e disa garave muzikore, për Elhaidën një fitore në “Këngën Magjike” do të ishte një tjetër trofe.

Rovena Stefa ka një këngë të veçantë. Vokali i saj në natën kur performoi lë shumë për të dëshiruar, por ajo është Rovena dhe ka tanimë një bagazh muzikor prapa saj. Kënga “Veç një jetë” po pëlqehet në rrjetet sociale ndërsa edhe mund të na befasojë me fitore.

Anxhela Peristeri ka ardhur në natën e parë të Festivalit “Kënga Magjike”. Anxhela gjithmonë vjen e veçantë, ndërsa ka sjellë një këngë që është konkurrencë e fortë në edicionin e 19-të të Këngës Magjike.

Valon Shehu, djali nga Kosova i cili po bën karrierë më të bujshme në Shqipëri, në festival këtë vit vjen me “Ti mos më shaj”. Ai ka bashkëpunuar me Filloreta Raçin dhe Kledi Bahitin për të sjellë një këngë që ka rreth 300 mijë klikime në Youtube dhe u performua në një nga netët e prezantimit në Sallën prestigjioze para publikut besnik. / KultPlus.com

Gati për edicionin e 19-të të Festivalit “Kënga Magjike”

Mbrëmë janë prezantuar edhe këngët e fundit konkurruese për edicionin e sivjetmë të Festivalit të Muzikës “Kënga Magjike”, dhe përgatitjet për mbrëmjet në skenë tashmë janë duke u finalizuar, shkruan KultPlus.

Festivali që shtrihet përgjatë tri mbrëmjeve, më 6, 7 dhe 9 dhjetor ka përfshirë emra të njohur të muzikës shqiptare, por edhe debutantë.

Kurse këtë edicion pritet ta moderojnë: Ardit Xhebrea, Besart Kallaku, Arjola Shehu, Erion Isai dhe Nevina Shtylla./KultPlus.com

Ardit Gjebrea prezanton moderatorët e Festivalit Kënga Magjike

Ardit Gjebrea, personazh i përfolur këto ditë për faktin e një skandali që ndodhi në emisionin të cilin ai e prodhon dhe e moderon, ka prezantuar edhe bashkë-moderatorët e tij në Festivalin Kënga Magjike.

Të parët janë Bes Kallaku dhe Erion Isai ndërsa krahas këtyre emrave dhe vetë Gjebresë, do të vijnë edhe Nevina Shtylla e Arjola Shehu, shkruan KultPlus.


Nevina Shtylla


Arjola Shehu

Kallaku është aktor shqiptar derisa Erion Isai është poashtu aktor i njohur për paraqitjet e tij në spektaklin Portokalli në Top Channel. Nevina Shtylla është aktore dhe fotomodele derisa Arjola Shehu është prezantuese e disa emisioneve në Shqipëri.


Bes Kallaku


Erion Isai

Tanimë ka nisur prezantimi i këngëve që këtë vit janë pjesëmarrëse në Festivalin Kënga Magjike, e ky prezantim po ndodhë në emisionin E Diela Shqiptare, çdo të diele në Tv Klan. / KultPlus.com

Sinan Kajtazi: Titullin balerinë e bartë një artiste skene, asnjëherë nuk ka për qëllim shitjen e trupit

Skena e balerinave në emisionin “E Dielë”, në Shqipëri, që udhëhiqet nga Ardit Gjebrea ka irrituar tej mase audiencën, dhe reagime po vijnë nga shumë profile të ndryshme, shkruan KultPlus.

Por kësaj radhe ka reaguar edhe balerini i njohur kosovar Sinan Kajtazi, i cili është shprehur i mllefosur, gjithnjë duke e pas parasysh profesionin e tij prej balerini.

Më poshtë keni statusin e plotë të Sinan Kajtazit në lidhje me këtë reagim.
Fakti që këto vajza që shfrytëzohen deri në devalvim njerëzor, tregon anën e errët të shoqërisë shqipetare, dhe fatkeqësisht emisione të tilla ka me bollëk në Shqipëri. Për të qenë edhe më shokuese kjo dukuri për mua si balerin, këto vajza të keqpërodorne, për më tepër quhen “balerina” nëpër televizionet shqipëtare. Sigurisht që titullin balerinë e bartë një artiste skene, e cila shfaq para publikut vlerat e artit të baletit, dhe asnjiherë nuk ka për qëllim shitjen e trupit të saj si objekt seksi.
Degjenerimi brini s’ka!/KultPlus.com

Mesazh për Ardit Gjebrenë: Nuk ta kisha uru me e pa vajzën tande n’atë pozicion

Balerinat, që trupi i tyre u përdor si lloj tryeze për tu ushqyer Ardit Gjebrea bashkë me një të ftuar në emisionin “E dielë”, ka revoltuar shumë ndjekës të këtij emisioni, ku edhe reagimet mbi këto pamje nuk kanë munguar, shkruan KultPlus.

Së fundi ka ardhë edhe një reagim nga Fjolla Spanca, një aktiviste e Kosovës, e cila ka shkruar mbi këtë emision, duke uruar që emisioni i Ardit Gjebresë të mbyllet. Më poshtë po e sjellim reagimin e saj të plotë që e ka postuar në rrjete sociale.

Trupi asht nder te Dhanunat Hyjnore qe tek ne vjen si amanet! Trupi asht cdo rrenqethje qe na e rrotullon zemren kur tinez vjedhet a dhunohet mishi jone. Trupi asht ai qoshku’ ku Shpirti endet lirshem dhe merr e jep sinjale diftuese te Frymes sone!

Atyne qe shpirti i asht mlu me petkun e padijes; atyne qe shpirti i asht nxi prej materializmit te shfrenum; atyne qe trupi i asht ba i huej prej mungeses se pershpirtminise, shume kisha dashte me ja u fal nji Pasqyre prej ku kishin me e pa Dritën mrena vetes dheeee se qysh e shuen marrezia Loçken e Zemres!!!

Kam dhimte t’madhe kur i shoh çikat e reja teksa çplohen neveritshëm per t’i plotsue tekat djallezore te disave. Jo se du me u ngaterrue ne zgjedhjen e gjithsekujt per me ba ca t’i teket me veten; por s’pranoj kurre qe per disa interesa/ cytje bajate modeli i menjeve te hallakatuna me u marre i mireqene dhe gruaja me u perdorun si ato kukullat kineze (kancerogjene) qe e prishin shnetin e fmijve!
P. S. #ArditGjebrea nuk ta kisha uru qe me e pa çiken tande n’qete pozicion! (si keto balerinat) AMA emisionit tand i uroj me zemer sa ma pak financime; pra PARE e pisllik. U mbyllte. Sa ma shpejt!!!
idhnushem,
Fjolla. Spanca.