Arilena Ara pjesë e “Vogue Italia”, në mesin e 8 vajzave më të fuqishme nga e gjithë bota

Arilena Ara së fundmi iu bashku botës së modës. Ajo është bërë pjesë e ‘Vogue Italia’ dhe ‘Milan Fashion Week’ në mesin e 8 vajzave më të fuqishme nga e gjithë bota.

Java Milaneze e Modës këtë vit i është besuar stilistes së famshme kineze, Sara Ëong, e cila do të mbledhë në një event virtual 8 vajza dhe gra më me influencë në glob. “For Powerful Women” do të bëjë bashkë këngëtare, modele dhe personalitete nga SHBA, Italia, Lindja e Largët dhe vende të tjera, të cilat do të tregojnë çfarë duhet të presin nga moda në vitin 2021 me anë të videove të realizuara nga stafi i tyre në bashkëpunim me gjigandët e modës.

Një nga këto 8 vajza të përzgjedhura nga vetë Wong është edhe artistja shqiptare, Arilena Ara.

Arilena do të jetë pjesë e eventit virtual, që do të transmetohet livestream ditën e sotme, 23 shtator, ndërkohë ajo ka realizuar edhe një set fotografik me veshje nga Sara Wong, i cili pritet të jetë publik në ditët në vazhdim përgjatë javës.

Në ditët në vazhdim do të kemi mundësi të shohim më tepër detaje nga Vogue në rrjetet e tyre sociale mbi setin fotografik të Arilenës dhe 7 vajzave të tjera. /Prive.al / KultPlus.com

Arilena Ara e Ardit Gjebrea risjellin këngën “Kur braktis atë që do” (VIDEO)

Arilena Ara dhe Ardit Gjebrea kanë risjellë këngën “Kur braktisë atë që do” përmes një performancë live me piano.

Interpretimi vjen i shoqëruar me një video të realizuar në plazh. Zëri magjik i Arilenës, tingujt e lehtë të sjellë nga Gjebrea dhe tingujt e natyrës, kanë perfeksionuar këtë performancë të njëshme./ KultPlus.com

Arilena nuk do ta përfaqësojë Shqipërinë në Eurovision 2021

Me anulimin e garës në Eurovision Song Contest, organizatorët e kanë lënë në dorën e shteteve nëse dëshirojnë të ndryshojnë përfaqësuesit apo do ti dërgojnë të njëjtit me këngë të re.

Derisa shumë vende kanë konfirmuar ridërgimin e emrave të njëjtë, Shqipëria tashmë ka konfirmuar se do ta mbaj festivalin që dërgon artistin në skenën europiane.

Kjo do të thotë se Arilena nuk do të shkoj në mënyrë automatike, teksa gjasat që ajo të shkoj sërish janë vetëm nëse merr pjesë prapë në garën e festivalit të televizionit publik në Shqipëri.

Mirëpo, për shkak të gjendjes aktuale ku nuk janë të lejuara udhëtimet, duket se Arilena e ka të pamundur të paktën tani për tani të udhëtoj nga Amerikë, atje ku po punon për projektet e saj për të krijuar një tjetër material për kompeticion.

Mirëpo, një gjë dihet se artistët që dëshirojnë të marrin pjesë kanë kohë deri në shtator për të punuar në projektet e tyre pasiqë në muajin e nëntë hapet konkursi për pranimin e këngëve për festivalin e dhjetorit. / KultPlus.com

“Çdo natë të shoh si vegim, s’të prek dot të ndiej në shpirt” (VIDEO)

Arilena Ara është një nga këngëtaret më të mira shqiptare, e cila u bë e famshme në botën shqiptare me fitoren në sezonin e dytë të garës për talentë ‘X Factor Albania’, shkruan KultPlus. Sonte po e sjellim një nga këngët e saj më të bukura me titull “Vegim”.

Ajo mori pjesë në edicionin e 18-të të ‘Këngës Magjike’ dhe doli në vendin e tretë me këngën ‘Nëntori’. Në vitin 2019, ajo fitoi Festivalin e 58-të të Këngës në RTSH dhe me këngën Fall from the Sky, do ta përfaqësonte Shqipërinë në Festivalin Evropian të Këngës 2020 në Roterdam, Holandë, por festivali u anulua.

Më poshtë kënga dhe teksti. /KultPlus.com

Me heshtjen jetoj
Në ërsirrën e plotë
Unë ngadalë,
Kur ëndrra më zgjon
Ti sje askund në këtë botë

Çdo natë të shoh si Vegim
Stë prek dot të ndjej në shpirt

Ref:
Shpirti im të kërkon në qiell në tokë
E vetme jam skam faj

Shpirti im të kërkon në qiell në tokë
Sytë e tij janë lartë po qaj

Ditarin shfletoj
Unë çdo fletë e kthej
Shënoj aty
Sa kohë më mungon
Dhe zemra të kërkon

Çdo natë të shoh si Vegim
Stë prek dot të ndjej në shpirt

Ref: x2
Shpirti im të kërkon në qiell në tokë
E vetme jam skam faj

Si harroj fjalët që ti kur më the
Kur të mos jem mos harro
Pranë do më kesh

Ouuuu – ouuuuuu uooouu – na – nana na
Na -na nanaaa , nana na naaaa
Naa – naa – naaaa

Ref: x3
Shpirti im të kërkon në qiell në tokë
E vetme jam skam faj.

Publikohet videoklipi i “Fall from the sky” nga Arilena Ara (VIDEO)

Tashmë është publikuar edhe videoklipi i këngës “Fall from the sky” kënduar nga Arlilena Ara, shkruan KultPlus.

Me ketë këngë Arliena Ara do ta përfaqësonte Shqipërinë në Eurovizionin 2020.

Kjo këngë është zgjedhur për përfaqësimin e Shqipërisë në Eurovizionin 2020 pas një gare shumë të ngushtë. / KultPlus.com

https://youtu.be/vXpCWFIY6YE?t=4

Gafa e Eurovision-it, e prezenton Arilena Arën si armene (FOTO)

Këngëtarja shqiptare, Arilena Ara, në dhjetor të vitit të kaluar ishte zgjedhur të përfaqësonte Shqipërinë në festivalin evropian, Eurovision.

Sot faqja zyrtare e Eurovisionit, ka lëshuar një gafë pasi e ka prezantuar këngëtaren shqiptare si armene, raporton Zeri.Info

Duke shkruar për biografinë e këngëtares shkodrane, Eurovision.tv, shkruan se ‘Këngëtarja armene ka marrë pjesë në shumë paraqitje live viteve të fundit”. E kjo nuk ka ikur nga fansat shqiptarë të festivalit të cilët e kanë publikuar edhe këtë gafë në rrjetet sociale.

Ky lëshim është përmirësuar pas disa orësh dhe tani në faqen e Eurovisionit fjala “Armenian” është zëvendësuar me “Albanian”.

Kujtojmë, se këtë vit për shkak të pandemisë është anuluar edhe festivali evropian ku e kishin konfirmuar pjesëmarrjen 41 shtete./KultPlus.com