Irma Libohova thotë se e parandjeu vdekjen e Nexhmije Pagarushës

Mbrëmjen e djeshme, puntata e emisionit “Soiree” me Jonida Shehun i është dedikuar bilbilit të muzikës shqiptare, Nexhmije Pagarusha. Një ndër të ftuarat në studio për ta kujtuar dhe nderuar ishte këngëtarja e njohur Irma Libohova.

Një ditë para se Pagarusha të ndërronte jetë, Irma kishte realizuar një video teksa këndonte këngën “Baresha” sikur ta kishte parandjerë. E ftuar në “Soiree” këngëtarja ka treguar më shumë rreth këtij momenti.

“Nuk e di çfarë vale, çfarë fuqie, çfarë energjie më çoi. E kam provuar disa herë për qejf këngën. Ndonjëherë kur rri nëpër shtëpi them të këndoj si soprano. Dola tek shkallët e shtëpisë. Çfarë këmbëngulje, çfarë dëshire pata që o do ta bëja o s’ka. Edhe e bëra shpejt e shpejt për 5 minuta edhe e hodha. Nuk e di çmë ndjeu zemra. Të nesërmen sapo hapa telefonin në mëngjes, shoh një DJ të Kosovës që unë e ndjek në Instagram dhe i shkruaj menjëherë në privat se çfarë ka ndodhur dhe më tha që po është e vërtetë. Çfarë parandjenje dhe pse pikërisht hitin e saj. E kam dashur shumë si artiste”, ka treguar Irma Libohova. /KultPlus.com

Irma Libohova, Juliana Pasha dhe Kastriot Tusha sjellin këngën “Rroftë Shqipëria”

Irma Libohova, Juliana Pasha dhe Kastriot Tusha për nder të 28 nëntorit kanë publikuar këngën e tyre të re “Rroftë Shqipëria”, shkruan KultPlus.

Pjesë e kësaj kënge janë edhe talentet e reja të Kolegjit “Turgut Özal”: Altea Ali, Anna Gjebrea, Emi Baloshi, Aleksa Ferraj, Klea Kaloshi.

Tekstin e kësaj kënge e ka bërë Irma Libohova së bashku me Anita Hoxhën ndërsa muzikën dhe orkestrimin e ka bërë Genti Lako./ KultPlus.com

Katër këngëtare shqiptare, me koncert të përbashkët në Tiranë

Irma Libohova, Rovena Dilo, Eneda Tarifa dhe Besa Kokëdhima po bashkohen.

Të katër këngëtaret do të mbajnë një koncert recital madhështor me datë 16 maj.

Orkestra Simfonike nën drejtimin e Elton Dedës do ti bashkojë katër emrat e fuqishëm, në një koncert me biletat që dalin në shitje nga data 21 prill, siç raporton Eurovision Albania.

Koncerti do të nisë prej orës 20:00.

Secila prej këngëtareve është e njohur në stilin e saj dhe ka bagazh muzikor të suksesshëm. Eneda Tarifa ka marrë pjesë në Eurovizion për Shqipërinë, ndërsa Besa Kokëdhima numëron një fitore të fuqishme në Festivalin Top Fest në Shqipëri, shkruan KultPlus.

Rovena Dilo, në anën tjetër, ka disa hite të vulosura në muzikën shqipe, përfshirë “Për një çast më ndali zemra” dhe “Ante i tokës sime”, ndërsa Irma Libohova mbetet ndër këngëtaret unike që disa herë e fitoi Festivalin e RTSH-së. / KultPlus.com

“Mësuesja jonë, në zemrat tona do rrosh gjithmonë” (VIDEO)

Irma Libohova, këngëtarja e cila është gjithmonë pjesë e publikut me zërin e saj, vijon të jetë në qendër të vëmendjes për krijimtarinë e saj.

Sot për nderë të 7 Marsit KultPlus ju sjellë këngën “Mësuesja” të këngëtares Libohova.

Jam ende e vogël e ndoshta s’di
T’i rreshtoj fjalët si kam dëshirë

Një tufë me lule kam përgatit
mësuese e dashur për ketë ditë

aaa iii…

Jam ende e vogël e ndoshta s’di
T’i rreshtoj fjalët si kam dëshirë

Një tufe me lule kam përgatit
mësuese e dashur për ketë dite

aaa iii…

Në shenjë dashurie
ty t’i dhuroj
dy fjalë nga zemra urim ty t’i qoj

faleminderit mësuesja jonë
në zemrat tona do rrosh gjithmonë./KultPlus.com

Këngëtarët e famshëm shqiptarë, publikohen fotografitë kur ishin të vegjël (FOTO)

Ardit Gjebrea, Inva Mula, Irma Libohova, David Tukiçi , Zana Çela e shumë artistë të tjerë të cilët tashmë janë shumë të famshëm, talentin e tyre e kishin nisë qysh të vegjël, shkruan KultPlus.




Qendra Kulturore e Fëmijëve ka publikuar fotografitë e këtyre artistëve, të cilët qysh të vegjël ishin prezantuar para audiencës.


Kjo qendër tashmë feston 70-të vjetorin dhe këtë përvjetor po e shënon me këta artistë, të cilët kanë qenë pjesë e këtij institucioni qysh në fëmijëri. Për të parë se si kanë qenë atëherë, mund ti shikoni nëpërmjet fotografive/KultPlus.com