‘Britney vs Speras’, dokumentari më i ri nga Netflix

Platforma e famshme ”Netflix” ka paralajmëruar një dokumentar, fokusi i të cilit do të jetë mbi jetën e këngëtares së famshme amerikane, Britney Spears, përcjell KultPlus.

Dokumentari mban titullin “Britney vs Spears” kryesisht do të trajtojë bujën e madhe të këngëtares në lidhje me kujdestarinë ligjore nga i ati i saj.

”Netflix” publikoi disa sekonda nga projekti në fjalë i cili është nën regjinë e Erin Lee Carri, ndërkaq traileri i plotë i dokumentarit pritet të publikohet gjatë mbrëmjes së sotme.

Dokumentarit “Britney vs Spears” i është dashtur një vit deri në realizimin final, ndërkaq akoma nuk është bërë e ditur data e premierës së tij. / KultPlus.com

Time: Britney Spears, personi më me ndikim në botë

Britney Spears është në vendin e parë. Ikona e muzikës pop zuri vendin e parë në sondazhin e këtij viti të lexuesve TIME100. Në sondazhin për listën vjetore të njerëzve më me ndikin, Britney mori 1.8 milionë vota.

Artistja e famshme ka qenë fokus i mediave kohët e fundit pasi foli hapur kundër kujdestarisë 13-vjeçare të babait të saj, transmeton KultPlus.

Spears e cilësoi marrëveshjen si abuzive dhe tashmë duket se është vetëm një hap larg drejt lirisë. Babai i saj, Jamie, ka dorëzuar në gjykatë kërkesën për t’i dhënë fund kujdestarisë edhe pse ai pretendon se çdo veprim i tij ka qenë në funksion të mirë të së bijës.

Punonjësit e kujdesit shëndetësore ndoqën Spears në vendin e dytë me 3.1% të votave, zhvilluesit e vaksinave në vendin e tretë, në të katërtin grupi BTS dhe në të pestin Simone Biles. / KultPlus.com

Pas një ‘lufte’ 13-vjeçare, Britney Spears lirohet nga kujdestaria e prindit

Britney Spears është më në fund e lirë. Babai i saj Jamie heq dorë nga kontrolli i pronave dhe karrierës së të bijës, si kujdestar i saj prej 13 vitesh.

Jamie mori nën kontroll jetën e Britney-t pas shqetësimeve për shëndetin e saj mendor në vitin 2008, duke kërkuar titullin “kujdestar ligjor” mbi pasurinë dhe aspekte të tjera të jetës së këngëtares. Prej vitesh, Britney kërkonte nga i ati që të hiqte dorë nga ky titull, ku ai mund të vendoste gjithçka për pasurinë 60 milionë dollar të 39- vjeçares, grumbulluar ndër vite falë koncerteve dhe albumeve të saj, transmeton KultPlus.

Avokati i Britney Spears e cilësoi vendimin e gjykatës një fitore të madhe, pasi në padi i ati akuzohej për abuzim me pasurinë. Jamie Spears i ka mohuar vazhdimisht akuzat për keqbërje dhe ndër vite kishte shprehur shqetësim për mirëqenien e të bijës. Historia mes tw atitit dhe tw bijws dhe beteja e gjatë ligjore u rikthyen në vëmendje pas publikimit këtë vit të dokumentarit “Framing Britney Spears”, që përqëndrohej në konfliktin mbi kujdestarinë e këngëtares. 

Britney Spears nuk ka performuar në skenë që prej vitit 2018 dhe për këtë, këngëtarja fajëson të atin, që nuk e lejonte të këndonte përsëri, sikurse mbante nën kontroll edhe jetën personale të 39- vjeçares, ku mes disa rregullave, i ndalonte asaj edhe të bënte fëmijë të tjerë. Pas vendimit të gjykatës, kujdestar ligjor i aktiviteteve të Britney Spears është përcaktuar menaxheri i saj Jodi Montgomery. / KultPlus.com

Britney Spears kritikon dokumentarët që bëhen për jetën e saj

Këngëtarja me famë botërore Britney Spears ka postuar një mesazh të gjatë në rrjetin social Instagram, me ç’rast ka shprehur shqetësimin e saj në lidhje me dokumentarët e shumtë që bëhen për jetën e saj e në veçanti kur bëhet fjalë për procesin gjyqësor, shkruan BBC, përcjellë KultPlus.

29 milionë ndjekës patën rastin që të shohin postimin e saj ku Spears është shprehur duke shkruar pjesërisht, “Kaq shumë dokumentarë për mua këtë vit me përshtypjet e njerëzve të tjerë në jetën time. Këta dokumentarë janë kaq hipokritë, ata kritikojnë mediat dhe pastaj bëj të njëjtën gjë?????”.

Ajo tutje ka shkruar se është e kënaqur që po i kujton të gjithëve se pavarësisht periudhave të vështira në jetën e saj, ajo ka pasur edhe kohë të mahnitshme. Kurse, sipas saj, bota është fokusuar më shumë në negativitet.

Pas betejës gjyqësore midis saj dhe babit, Jamie Spears për pasurinë e saj prej 60 milion dollarësh, Spears është hapur për interesin e ri në jetën e saj.

Po ashtu, këngëtarja ka thënë se menjëherë pas publikimit të ‘’Framing Britney Spears’’ nga The New York Times, ajo qau për dy javë pavarësisht se nuk e ka shikuar atë.

Tani, BBC ka lëshuar dokumentarin e tyre të titulluar “The Battle For Britney”. Ndërsa, është bërë e ditur se seanca tjetër në lidhje me procesin gjyqësor të saj do të zhvillohet në LA më 23 Qershor dhe Spears pritet të flasë për herë të parë. / KultPlus.com

Dokumentari i Britney Spears lansohet në Maj

Pritjes së gjatë për dokumentarit e këngëtares së famshme amerikane Britney Spears, po i vjen fundit. BBC ka njoftuar se në fillim të majit të këtij viti do të lansohet dokumentari mbi jetën e këngëtares së Pop-it, përcjell KultPlus.

Dokumentari i ri, i titulluar The Battle for Britney: Fans, Cash and Conservatorship, do të dalë në BBC iPlayer të shtunën më 1 maj.

Gazetari i BBC, Mobeen Azhar ka qenë në vendlindjen e Spears për të takuar njerëz që janë të përfshirë në betejat e gjata gjyqësore përreth Britney. Azhar gjithashtu ka intervistuar edhe njerëz të afërm të Spears, përfshirë ish-koreografin e saj dhe bashkë-yllin e “X Factor”, Brian Friedman, grimeren e saj, Billy Brasfield, avokaten Lisa MacCarley dhe blogerin e famshëm Perez Hilton.

Vetë këngëtarja iu përgjigj një pjese që u lansua në shkurt duket thënë: Unë nuk e shikova dokumentarin, por nga ajo që pashë kam qarë për dy javë. Unë ende qaj ndonjëherë. / KultPlus.com

Së shpejti vjen dokumentari që shpalos jetën e Britney Spears

Dokumentar i cili do të adresojë jetën e këngëtares, Britney Spears, nën emërtimin ‘Framing Britney Spears’, do të publikohet së shpejti.

I realizuar nga The New York Times, aty do të përfshihet karriera muzikore e Britney, skandalet, varësia nga lëndët narkotike si dhe kujdestaria e babait.

Babai i Britney Jamie Spears ka qenë kujdestari i saj për 12 vjet, për shkak të shqetësimeve në lidhje me shëndetin e saj mendor. Në Nëntor, ajo humbi një përpjekje ligjore për të hequr kontrollin e tij mbi pasurinë e saj.

Gjatë intervistave edhe më herët Britney është shprehur se ndihet e friksuar nga i ati pasi ai ushtron presion psikologjik mbi të. Ndërkaq avokati Jamie argumentoi se ai gjithmonë vepronte në interesin më të mirë të vajzës së tij.

Jamie Spears ka menaxhuar pasuritë dhe jetën personale të Britney duke i kufizuar asaj mundësinë për të takuar njerëz. Takimet e vetme që ajo realizon janë me mjekët ku ajo merr medikamente dhe i ushtrohet terapive të ndryshme.

Fansat e fushatës #FreeBritney kanë kërkuar edhe nga administrata amerikane që t’i jepet fund kujdestarisë së babait të Britney. Ata kanë realizuar edhe një peticion ku kanë mbledhur mbi 125,000 nënshkrime ku kërkojnë që këngëtarja të jetë e lirë.

Dokumentari i Britney Spears do të shfaqet në rrjetin amerikan FX dhe faqen e transmetimit Hulu në datën  5 Shkurt. Aty do të përfshihen edhe disa intervista me disa nga miqtë e ngushtë të këngëtares të cilët akuzojnë babain e saj për shkelje të të drejtave. /indeksonline/ KultPlus.com

Spears kërkon që babait t’i shfuqizohen të drejtat mbi jetën e saj

Këngëtarja, Britney Spears, ka kërkuar nga gjykata që të mos ia kthejë babait të saj, Jamiet, të drejtën për të kontrolluar jetën dhe karrierën e saj. Babai i saj, Jamie Spears, ka qenë kujdestar ligjor i së bijës për 12 vjet me radhë, për shkak të problemeve që ajo kishte me shëndetin mendor.

Ai u tërhoq nga këto të drejta karshi të bijës, duke parë se aferat e saja personale janë qetësuar më 2019, teksa përmendi edhe problemet e veta shëndetësore.

Disa fansa të Spearsit besojnë se ajo kishte arritur marrëveshjen me forcë dhe për këtë arsye e kanë nisur fushatën “online” me hashtagun, #FreeBritney.

“Britney kundërshton fuqishëm kthimin e Jamesit, në rolin e kujdestarit të saj”, thuhet në dokumentet gjyqësore të dërguara në gjykatën Supreme të Kalifornisë në Los Angeles. Në këto dokumente sqarohej se këngëtarja kishte pranuar rolin e tij, i cili tha se “e ka shpëtuar nga një fundosje, shfrytëzim nga njerëzit grabitqarë dhe nga shkatërrimi financiar” dhe e ka bërë “në gjendje që të rimarrë pozicionin e saj si një këngëtare me famë botërore”.

Sidoqoftë, ajo do që menaxheri i saj, Jodi Montgomery, i cili ishte aty në mungesë të babait, të bëhet zëvendësimi i përhershëm i tij, në momentin kur hapet mundësia për ndryshimin e kujdestarisë më 22 gusht. Avokati i saj ka thënë se kishte pritur që James Spears do të kundërshtonte heqjen e të drejtave. Dokumenti bëri të ditur se Britney nuk ka plan që të performojë.

Ajo performoi për të fundit herë në tetor të vitit 2018, para se ta anulonte një koncert të planifikuar në vitin 2019, për shkak të gjendjes shëndetësore të babait të saj, duke u arsyetuar se familja vjen në rend të parë. Britney Spears nuk i ka kontrolluar shumë vendime financiare apo ato të karrierës që prej vitit 2008, për shkak të kësaj marrëveshjeje kujdestarie me të atin. Kujdestaria zbatohet zakonisht te individët të cilët nuk janë të aftë të marrin vendime vetë, siç janë rastet te të prekurit me demencie apo me sëmundje të tjera mendore.

Në vitet e fundit babai i saj dhe avokati ia kanë menaxhuar pasurinë dhe jetën personale – përfshirë edhe të drejtën për t’i lejuar vizitorët dhe për të komunikuar me mjekët rreth trajtimit të saj./ Koha.net / KultPlus.com

Brenda muzeut dedikuar Britney Spears-it në Los Angeles

Këngët ikonike pop: “Baby One More Time,” “Oops! I Did It Again” dhe “Toxic,”, të cilat i popullarizoi këngëtarja Britney Spears, tani janë pjesë e muzeut të quajtur The Zone, i cili u hap në Los Angeles.

Qëllimi i hapjes së këtij muzeu është respekti ndaj këngëtares ikonke 38 vjeçare, për kontributin e dhënë në muzikë.

Muzeu The Zone, për më tepër është një përvojë e paharruar, me anë të të cilit kremtohet për jetën dhe karrierën e Britni Spears, ka thënë Shannon Ramirez, e cila është njëra prej krijueseve të muzeut. Adhuruesit e pëlqejnë këtë ekspozitë, dhe janë nostalgjik për muzikën e Britney-t, kështu që shëtisin nëpër tërë muzeun duke mbetur të mahnitur me ato që u servon ky muze prej 2 mijë e 800 metra katrorë.

Pra, muzeu The Zone ua kujton gjërat nga e kaluara, që do të thotë se është ndjenjë e papërshkrueshme kur bien në kontakt me diçka që janë rritur.

Çdonjëra prej 10 sallave sa janë pjesë e këtij muzeu, reflektojnë në videot specifike të këngëtares apo një periudhë të karrierës së saj. E rrugëtimi për në botën e Britney-t fillon me këngën “Baby One More Time,” që është megahiti i saj të cilin e realizoi në vitin 1998, e i cili kryesoi toplistat e këngëve në çdo vend që ishte konkurrente. Kjo këngë mbetet njëri prej më të shiturave të të gjitha kohërave, me shitje të mbi 18 milionë kopjeve.

Muzeu The Zone do të qëndrojë i hapur deri më 26 prill të këtij viti, e për të gjithë ata që do të dëshironin ta vizitonin, çmimet e biletave radhiten nga  59.50 deri në 64.50 dollarë. Britney është nënë e dy fëmijëve. Ajo vazhdon të jetë në qendër të vëmendjes me projektet muzikore, duke i qëndruar besnike bazës së gjerë të fansave të saj./21Media / KultPlus.com

Britney Spears tërhiqet nga muzika, arsyeton vendimin e saj


Britney vendosi të shkëputet nga muzika për një afat kohor  të pacaktuar pasi ka vendosur të përqendrohet në përmirësimin e shëndetit të babait të saj i cili po vuan nga një sëmundje që po i rrezikon jetën.

Kjo shkëputje do të thotë se koncertet që ajo do të zhvillonte tashmë do të anulohen.

“Po ia dedikoj gjithë fokusin dhe energjinë time familjes. Ne kemi një marrëdhënie shumë të veçantë dhe dua të jem pranë tyre në këtë moment, ashtu siç kanë qenë dhe ata për  mua.

Ju falënderoj të gjithëve për dashurinë dhe mbështetjen në këtë periudhë të vështirë. Ju kërkoj falje për shqetësimin që mund të ju kem shkaktuar dhe mezi pres të ngjitem në skenë të performoj për ju”- është shprehur Britney. /KultPlus.com

Britney Spears

20 vjet nga publikimi i këngës “Baby One More Time”

Britney Spears ka kujtuar dje 20-vjetorin e këngës së saj debutuese “Baby One More Time”, përcjellë KultPlus.

Ajo shkruan se e ka të vështirë ta përshkruaj me fjalë atë që do të thotë për të fakti se 20 vjet më parë, bota dëgjoi muzikën e saj për herë të parë.
“Shumë ka ndodhur që nga ajo kohë, por unë dua të falënderoj fansat e mrekullueshëm që kanë qenë me mua që nga dita e parë”, ka shkruar Spears.

Popstarja 36-vjeçare, shpërndau dhe një klip 30 sekondësh, që përfshinte disa pamje gjatë regjistrimit të “Baby One More Time”. Gjithashtu ajo përfshiu edhe pjesë nga një intervistë nga ajo kohë, ku këngëtarja deklaronte se të dëgjoje këngën në radio ishte një gjë e mrekullueshme./ KultPlus.com