Dua Lipa ka arritur edhe një sukses në këtë muajin e parë të këtij viti të ri kalendarit.

Këngëtarja shqiptare po vazhdon me sukses të thyej rekorde në saje të albumit të parë me emrin e saj.

Ajo ka thyer rekordin si albumi më i dëgjuar nga një artiste, duke lënë këtë formë pas vetes albumin “1989” të këngëtares Taylor Swift.

“Dua Lipa” ka mbi 9.5 miliardë dëgjime në platformat muzikore si Spotify dhe YouTube, kështu së paku ka bërë të ditur bukuroshja shqiptare përmes rrjeteve sociale.

Theksojmë se katër ditë më parë, 22-vjeçarja publikoi këngën më të re “Swan Song”, i cili deri më tani ka arritur rreth shtatë milionë shikime në YouTube.T

Kujtojmë se Dua do të performojë edhe në ceremoninë e ndarjes së çmimeve, “Brit Awards” në Britani më 20 shkurt.

Ndërkohë, Lipa është duke punuar shumë në projekte të reja muzikore që do t’i sjell gjatë muajve të ardhshëm. /Telegrafi/KultPlus.com

Dua Lipa, sot pas publikimit të pamjeve nga xhirimet e videoklipit të fundit të saj, në rrjetet sociale ka publikuar një fotografi me dy personat më të dashur për të, përcjellë Insajderi.

Këngëtarja ka publikuar fotografinë me motrën e saj Rinën dhe vëllanë Gjinin.

Ajo ka shkruar se këta janë dy personat më të preferuar në botë pë të.

“Këta janë dy personat më të preferuar në botë për mua”, ka shkruar Lipa.

Dua Lipa, ka postuar fotografi nga xhirimet e videoklipit të saj të fundit, “Swan Song”, që njëkohësisht do të jetë kolonë zanore e filmit me buxhet të lartë, “Alita”.

Klipi duket se do të jetë shumë artistik dhe do ta sjellë Duan duke aktruar, derisa kënga lansohet për publikun mbarë botërorë të enjten më 24 janar, transmeton KTV. / KultPlus.com

Këngëtarja shqiptare me famë botërore, Dua Lipa, ka postuar në Instagram një foto të një veture në rrugë, të tipit Toyota Prius, me targa me emër të saj.

“Nuk po mund të besoj se kjo është e vërtetë”, ka shkruar Dua Lipa.

Ky postim ka marrë mjaft shumë komente e pëlqime. Dua Lipa po vazhdon të prek skenat më të njohura botërore dhe ka mjaft nominime në festivalet më të njohura botërore. Ajo verën e vitit të kaluar ka mbajtu një koncert në Prishtinë, në kuadër të festivalit “Sunny Hill” që u mbajt për disa ditë në parkun “Gërmia” në Prishtinë./ KultPlus.com

Dua Lipa do të jetë “prezente” gjithnjë në muzeun e famshëm “Madame Tussauds” në Londër, kjo pasi do të krijohet një skulpturë e saj prej dylli.

Këtë e ka bërë të ditur vet këngëtarja përmes rrjeteve sociale, derisa ka bërë shaka se “trupi i saj i dyfishtë” do të shfaqet në ngjarje private, transmeton Koha.net.

Dua Lipa u bashkohet yjeve të tjera botërore me skulpturën e saj prej dylli në këtë muze./ KultPlus.com

Dua Lipa ka konfirmuar se më 25 janar do të publikojë këngën e saj të “Swan Song”.

“Swan Song” është kolona zanore e filmit aksion “Alita: Battle Angel”, transmeton Koha.net.

Producent të këtij filmi janë James Cameron dhe Jon Landau të njohur për filmin e tyre “Avatar”, derisa regjisor i filmit është Robert Rodriguez i njohur me “Sin City”.

Dua Lipa ndihet shumë krenare që është pjesë e një projekti kaq të rëndësishëm.

Këngëtarja Dua Lipa gjatë vitit që lamë pas ka arritur shumë suksese.

Viti 2018 për këngëtaren shqiptare, Dua Lipa ka qenë me plot angazhime por sukseset nuk kanë munguar.

Andaj për ta përmbyllur vitin në këtë formë duhet të jetë një gëzim i madh për secilin artist, edhe për Dua Lipën në këtë rast.

Ajo nëpërmjet publikimit të disa fotografive në Instagram i ka numëruar sukseset.

‘’Faleminderit për gjithçka’’ ka shkruar Dua pranë postimit./Lajmi.net/KultPlus.com

Këngëtarja kosovare me famë botërore, Dua Lipa, ka shijuar vitin më të suksesshëm në karrierë deri tash.

Pas hiteve të shumta e rekordeve me projektet e sjella më 2018, Dua Lipa është zgjedhur në top pesëshen e këngëtareve në botë, sipas top-listës prestigjioze amerikane “Billboard”.

Taylor Swift, Cardi B, Camila Cabello e Ariana Grande janë këngëtaret e vetme para Dua Lipës në këtë listë, shkruan koha.net

Dua Lipa po ashtu është zgjedhur në mesin e 20 këngëtarëve më të mirë në të gjitha kategoritë. Ajo në listën e top 100 artistëve është në pozitën e 19-të. Në këtë listë është edhe këngëtarja tjetër me prejardhje shqiptare, Bebe Rexha që është në pozitën e 34-të./KultPlus.com

Këngëtarja kosovaro-britanike, Dua Lipa ka treguar për Billboard sa krenare është me faktin që ka marrë dy nominime për Grammy Awards.

“Është nominimi më i rëndësishëm që mund të marrësh. Kaq shumë artistë që unë i kam pasur inspirim tërë jetën janë nominuar, dhe jam kaq e lumtur. Fakti që jam nga Kosova dhe e shoh sa shumë rëndësi ka për njerëzit atje, e bën edhe më të çmendur gjithë këtë. Ndjej se po e përfaqësoj veten, por edhe Britaninë e Madhe dhe Kosovën. Është një moment i madh krenarie për mua”, ka thënë Lipa për Billboard, transmeton KTV-ja.

Ajo tregoi se ka pirë shampanjë që në mëngjes për të festuar arritjen e madhe. Këngëtarja e hitit New Rules është nominuar për Artisten e re më të mirë, dhe Best Dance për këngën “Electricity”. Grammy Awards është ceremonia kryesore muzikore e vitit në SHBA./KultPlus.com

Këngëtarja shqiptare me famë botërore, Dua Lipa, pranoi vet pak ditë më parë se ka realizuar një prej ëndrrave më të mëdha në jetën e saj.

Ajo ka pozuar për revistën e famshme britanike “Vogue”, me ç’rast ka dhënë edhe një intervistë rreth karrierës së saj disa vjeçare.
https://www.instagram.com/p/Bq7tmdLh6mb/
Në një video të shkurtër të publikuar së fundmi në Instagram, Lipa ka treguar një pjesë të intervistë, ku ndër to ka cekur një prej sukseseve më të mëdha në karrierë, siç është albumi i saj i parë.

“Krenaria ime më e madhe është të bëj albumin tim të parë, më jep shumë mundësi, kam zgjedhje që të shoh shumë vende të botës, ne më të vërtetë jemi duke parë që femrat, kanë bërë gjëra të mëdha, shumë të mëdha, femrat janë duke e pushtuar botën”, ka thënë Dua gjatë intervistës.

“Duke biseduar për të qenit femër sot”, ka shkruar këngëtarja në mbishkrimin e videos së publikuar në Instagram.
https://www.instagram.com/p/BrDkmSMhT7a/
E njëjta ka marrë pëlqime dhe komente të shumta nga ndjekësit e saj, kryesisht komplimente për dukjen e saj glamuroze në setin e ri fotografik.

Përndryshe, ajo ka qenë shumë e angazhuar kohëve të fundit me koncerte, ndërsa ishte e pranishme në eventin “Jingle Ball”, të organizuar nga iHeart Radio. /KultPlus.com

Dua Lipa është artistja më e transmetuar në Britaninë e Madhe këtë vit, sipas statistikave të Spotify dhe Apple Music.

‘One Kiss’ në bashkëpunim me Calvin Harris, ishte kënga e dytë më e transmetuar në të dy aplikacionet, pas ‘God’s Plan’ të Drake.

Albumi i Duas, titulluar me emrin e saj, ishte i treti më i transmetuar në Mbretërinë e Bashkuar dhe i katërti globalisht, në Spotify.

Këngëtarja është shpallur ylli i kopertinës së “Vogue” për muajin kanar.

Apple dhe Spotify janë dy shërbimet më të mëdha të transmetimit të muzikës, me më shumë se 139 milionë abonentë./A.T.SH/ KultPlus.com

Këngëtarja kosovare me famë botërore, Dua Lipa, është pjesë e numrit të muajit janar të revistës prestigjioze “Vogue”.

Lajmin e ka bërë të ditur vetë këngëtarja përmes një postimi në rrjetin social, Instagram.

Ajo ka postuar ballinën e kësaj reviste teksa ka falënderuar gazetën për përzgjedhjen e saj për numrin e janarit.

“Jam tejet e lumtur për përzgjedhjen time dhe është diçka që do ta mbaj afër zemrës”, ka shkruar ajo në postimin e saj.

Në numrin special të “Së ardhmes”, “Vogue” i dedikohet dikujt që bën revolucion si talent i ri në industrinë e modës dhe më tej./KultPlus.com
https://www.instagram.com/p/Bq7tmdLh6mb/