Sherri mes Ritës e Duas shuan shpresat për bashkëpunim mes katër këngëtareve shqiptare

Bebe Rexha ka sjellë disa bashkëpunime me artistë të famshëm amerikanë në albumin e saj më të ri “Better Mistakes” mirëpo nuk ka arritur të sjellë bashkëpunimin që shumëkush është duke e pritur që një kohë të gjatë.

Bëhet fjalë për premtimin që pati dhënë kohë më parë këngëtarja 31-vjeçare shqiptare, se do t’i bënte bashkë në një projekt, Rita Orën, Dua Lipën, Ava Maxin dhe vetë atë, të gjitha këto, artiste të famshme botërore, me prejardhje shqiptare.

Rexha ka thënë në një intervistë për “The Sun” se është e dëshpëruar që nuk ka arritur ta realizojë këtë duke shtuar se tanimë nuk beson se do të ndodhë ndonjëherë.

Ajo ka thënë se bashkëpunimi nuk mund të bëhet për shkak të problemeve mes Duas dhe Ritës.

“Kam provuar me të vërtetë. Nuk e di saktë se çka po ndodh mes tyre apo cila është drama. Jam munduar gjithmonë të krijojë paqe dhe t’i bëjë bashkë vajzat. Unë me të vërtetë dua të bëjë diçka bashkë me ato por tani jam e sigurtë se kjo nuk do të bëhet kurrë. Nuk dua të shtojë asgjë më shumë për këtë”, është shprehur ajo.

Sipas “The Sun”, Dua dhe Rita, prindërit e të cilave janë që të gjithë nga Kosova, asnjëherë nuk kanë folur për rivalitetin e krijuar, ndonëse besohet se kjo ka ndodhur për shkak të krahasimeve mes tyre.

Ato madje shpeshherë kanë marrë pjesë në ngjarje të njëjta muzikore edhe fizikisht por asnjëherë nuk janë takuar dhe nuk janë paraqitur bashkë para mediave, duke i ikur kontaktit me njëra-tjetrën. 

Ndërkohë, Bebe ka thënë se beson që ato janë bërë “rivale” mes vete për shkak të presionit të të qenit gra në industrinë e muzikës.

“Është e çuditshme sepse e di se si është të jesh vajzë dhe nganjëherë bëhemi vërtetë rivale. Nuk jam duke folur për veten, Duan, Ritën apo Avan. Po flas për vajzat në përgjithësi. Nuk e di për në Mbretërinë e Bashkuar, mirëpo këtu në Shtetet e Bashkuara të Amerikës, disa vjet më parë, 80% e këngëve të transmetuara në radio ishin të burrave ndërkaq vetëm 20% të grave. Kësisoj, ne ndihemi sikur duhet të garojmë sepse jemi minoritet në industrinë e muzikës”, ka thënë Rexha.

Ajo ka thënë se është për keqardhje që nuk po arrin të realizojë një këngë bashkë me tri vajzat shqiptare pasi siç ka thënë, i njeh të gjitha personalisht dhe se të gjitha janë shumë të mira dhe secila prej tyre është tejet e suksesshme në muzikë.

Bebe Rexha pati hedhur idenë për bashkëpunim mes artisteve shqiptare më famë botërore, në fillim të vitit 2019. /koha/ KultPlus.com

Ava Max në talk shown amerikan: Dua, Bebe dhe Rita janë si motrat e mia në muzikë

Këngëtarja e njohur shqiptare Ava Max, ka qenë e ftuar në emisionin e moderatores Kelly Clarkson.

Gjatë prezantimit Clarkson ka folur për origjinën e saj shqiptare, fakt që e ka theksuar që në prezantimin e emisionit në rrjetet sociale.

“Ava Max ka rrënjë shqiptare dhe është një këngëtare shumë e mirë. Por çfarë uji duhet të pinë këto këngëtaret e famshme shqiptare? Jeni të gjitha shumë të bukura, ti, Dua Lipa, Bebe Rexha dhe Rita Ora”, shprehet moderatorja për këngëtaret e njohura që përfaqësojnë Shqipërinë në tregun botëror të muzikës.

Kelly Clarkson: Nga janë prindërit e tu?

Ava Max: Shqipëria.

Kelly Clarkson: Oh, mendoj se jeni shumë këngëtare të njohura nga Shqipëria. Çfarë ndodh atje në Shqipëri, jeni shumë të bukura, shumë elegante. Keni ujë të mirë, jeni shumë pasionant, apo si?

Ava Max: Po në fakt jemi shumë pasionant, edhe kur flasim jemi shumë ekspresivë. Mamaja ime, gjyshja janë gjithashtu elegante, është gjenetike mendoj.

Kelly Clarkson: Çfarë mendimi ke për Dua Lipa, Bebe Rexha dhe Rita Ora?

Ava Max: Janë si motrat e mia në muzikë, i adhuroj.

Kelly Clarkson: Do ishte fantastike nëse krijoni një grup. / Diaspora Shqiptare / KultPlus.com

THE KELLY CLARKSON SHOW — Episode 4147 — Pictured: (l-r) Ava Max, Kelly Clarkson — (Photo by: Weiss Eubanks/NBCUniversal)

Bebe Rexha: Bashkëpunimi me Duan, Ritën dhe Avan do të ishte frymëzim për vajzat shqiptare

Këngëtarja shqiptare me famë botërore, Bebe Rexha së fundmi i është përgjigjur pyetjeve të fansave të saj në rubrikën ‘AskAnythingChat’, përcjell KultPlus.

Ndër pyetjet e shumta që ju drejtuan këngëtares ishte edhe ajo e një bashkëpunimi të mundshëm me Dua Lipën dhe Ava Max, për të cilën Rexha ja thënë se do të ishte një gjë e mrekullueshme që të gjitha të bëhen bashkë sepse vijnë nga i njëjti vend.

“Çdo gjë është e mundur, dhe do të thoja ‘Po’, do të përpiqem të ndodhë. Unë mendoj se do të ishte e mrekullueshme sikur vajzat të bëheshin bashkë, sepse ju e dini që ne vijmë nga i njëjti vend, ku ashtu siç kemi folur më herët, në të kaluarën, vajzat nuk ishin gjithmonë në muzikë në kulturën tonë, tani është komplet ndryshe dhe ju e dini që unë e dua kulturën time shumë, por unë jam rritur në gjysmë kulturën time, kështu që mund të flas në gjysmën e tyre”, ka thënë ajo.

Tutje këngëtarja ka shtuar se një bashkëpunim i tillë mes shqiptareve do të motivonte të gjitha femrat tjera shqiptare dhe kosovare, që ato kanë fuqi të arrijnë në jetë.

“Ju e dini, ne femrat nuk kemi qenë gjithmonë të barabarta si meshkujt dhe mendoj se fakti se ne të gjitha vijmë nga një kulturë e ngjashme është vërtet e bukur dhe mendoj se do të ishte e mrekullueshme për neve të vinim së bashku dhe të kapnim duart dhe të bëheshim si të gjitha vajzat tjera shqiptare ose kosovare atje, do të ishim si: ‘Ju mundeni, ju mund ta bëni këtë, ju mund t’i bëni ëndrrat e tua realitet, ti e ke këtë dhe çdo vajzë në botë – nuk ka rëndësi nga je, kështu që do të doja ta bëja këtë të ndodhte”, ka theksuar Rexha./ KultPlus.com

Ava Max flet për origjinën e saj: Në kopsht nuk dija anglisht, vetëm shqip

Këngëtarja amerikane me origjinë shqiptare muzika e të cilës dëgjohet në të gjithë botën Ava Max, emri i vërtëtë i të cilës është Amanda Koçi, ka folur për origjinën e saj gjatë një interviste për “Spout Podcast” të Apple Music.

“Prindërit dhe vëllai im kanë lindur të gjithë në Shqipëri. Vëllai im ishte rreth shtatë vjeç kur u largua nga Shqiperia bashkë me prindërit. Ata qëndruan në Francë për një vit. Vëllai im filloi të flasë frëngjisht dhe unë gati do të kisha lindur në Paris. Ata dinin vetëm shqip kur linda unë në Wisconsin kështu që unë fillimisht dija vetëm shqip. Kur shkova në kopsht, nuk dija anglisht. Ndoshta vetëm përshëndetje”, tha ajo.

Albumi i parë i Ava Max i quajtur Heaven and Hell ka arritur të akumulojë mbi 25 miliard dëgjime në platformën më të madhe muzikore Spotify që prej publikimit të tij në muajin shtator të vitit të kaluar duke u bërë një nga albumet më të suksesshme të muzikës ndërkombëtare. Hit i saj më i fundit “My Head and my heart” është prej disa javësh në top listat e i Tunes në SHBA./ KultPlus.com

Sukses i jashtëzakonshëm për Ava Max, kënga e saj renditet e para në botë në iTunes

Artistja me prejardhje shqiptare, Ava Max, është tashmë një nga emrat më të afirmuar të tregut internacional të muzikës.

Me prejardhje nga Shqipëria, këngëtarja 26-vjeçare i ka bërë krenarë bashkëkombësit e saj, me sukseset e shumta anë e kënd globit.

Së fundmi, ajo ka shënuar një tjetër moment historik në karrierën e saj – atë të ngjitjes në pozitën e parë të këngëve më të dëgjuara të momentit, në platformën e muzikës mbarë botërore iTunes.

Kënga e saj “My heart and my head”, që është pjesë e albumit të saj debutues, “Heaven and Hell”, është aktualisht kënga e parë në botë në listën zyrtare të iTunes.

E lumtur nga ky sukses, artistja me prejardhje shqiptare publikoi në rrjetin social Instagram një fotografi të listës zyrtare të këngëve më të dëgjuara të momentit në iTunes, me “My heart and my head” që ndodhet në majë të klasifikimit.

“Numri një në iTunes! Çfarë! Ju dua ju të gjithëve, le të ecim përpara”, ka shkruar e emocionuar Ava Max. / KultPlus.com

Ava Max me performancë të mahnitshme në “Jimmy Kimmel Live”

Katër ditë më parë, Ava Max, e lansoi videorpojektin e ri muzikor me titull “My Head & My Heart”, i cili u mirëprit nga fansat e këngëtares dhe i morri më shumë se 2 milionë klikime në platformën YouTube.

Këngëtarja me prejardhje shqiptare gjithashtu e promovoi këngën e re në emisionin shumë të ndjekur amerikan, “Jimmy Kimmel Live”, me ç’rast e solli një performancë fantastike live.

Të shumta ishin komentet e fansave rreth interpretimit të Avas e cila përveç vokalit të fuqishëm, gjithashtu vallëzoi në skenë e shoqëruar nga disa valltare.

“My Head & My Heart” është një këngë shumë ritmike dhe mjaft e vështirë për t’u interpretuar.

Në shtator të vitit 2020, Ava Max e lansoi albumin e saj debutues me titull, “Heaven & Hell”, në të cilin përfshihet edhe një këngë e titulluar “Who’s Laughing Now”, e cila i dedikohet të gjitha vajzave që kanë qenë pre e bulizmit të vazhdueshëm në shkollë.

Këngëtarja kur ishte në shkollë të mesme ishte ngacmuar vazhdimisht nga nxënësit e tjerë. Mbi të madje ishte ushtruar dhunë fizike disa herë, çka edhe e ka bërë të refuzojë të shkojë në shkollë, dhe kështu i ka ndjekur mësimet nga shtëpia. “Who’s Laughing Now” gjithashtu është lansuar edhe me videoklip në platformën YouTube, ku i numëron mbi 84 milionë klikime.

Ndërkohë, Ava Max i ka publikuar edhe disa këngë tjera të albumit me videoklip, si “OMG What’s Happening”, “My Way”, “Kings & Queens”, “So Am I”, “Torn” dhe të tjerë./ KultPlus.com

Ava Max publikon videoklipin e këngës së fundit (VIDEO)

Ava Max ka publikuar videoklipin e këngës “My head and my heart”, shkruan KultPlus.

E shfaqur me stilin e saj të veçantë të flokëve dhe me veshje ngjyrë të zezë dhe të kuqe, Max ka sjellur për fansat e saj videoklipin e këngës, e cila ishte publikuar më parë.

“My head and heart” ishte publikuar në versionin audio para 3 muajsh. / KultPlus.com

Ava Max publikon versionin akustik të këngës së fundit (VIDEO)

Ava Max ka publikuar versionin akustik të këngës së saj të fundit “My head and heart”, shkruan KultPlus.

Me një stil të veçantë të flokëve dhe veshjes, artistja shqiptare i ka dhënë zë këngës së saj.

“My head and heart” si një këngë e dashurisë, që nga fillimi i publikimit pati sukses, duke u vlerësuar edhe nga platforma prestigjioze e muzikës, Spotify.

Versioni i parë pa videoklip ishte publikuar në vitin 2020, teksa i takon zhanrit pop. / KultPlus.com

Kënga e Ava Max më e dëgjuara për 8 javë në Amerikë

Këngët e Ava Max janë duke vazhduar fuqishëm të dëgjohen dhe të vlerësohen nga publiku, shkruan KultPlus.

Së fundmi, këngëtarja me prejardhje shqiptare ka shpërndarë në rrjete sociale renditjen nga Mediabase building Charts.

“Kings and Queens” ka arritur të jetë e para në dëgjueshmëri për 8 javë radhazi sipas US Hot Adult Contemporary Radio.

“Kings and Queens” është publikuar në mars të vitit të kaluar. / KultPlus.com

Ava Max duket mrekullueshëm nën kombinimin kuq e zi (FOTO)

Këngëtarja e famshme shqiptare, Ava Max është e njohur për stilin e saj të veçantë të dukjes, shkruan KultPlus.

Flokët, veshja dhe kombinimet tjera pamore e bëjnë artisten nga Shqipëria të përflitet për këto.

Së fundmi, Max ka postuar disa fotografi me një pamje, që për publikun shqiptar aludon në ngjyrat e flamurit kombëtar.

E veshur me fund dhe xhaketë të zezë dhe një pjesë të zezë, Max duket mrekullueshëm.

Së fundmi këngëtarja shqiptare pranoi çmimin nga Spotify për rekordin 1 miliardësh të këngës së saj. / KultPlus.com

Ava Max merr çmim nga Spotify për rekordin 1 bilionësh të këngës së saj (FOTO)

Sukseset e këngëtareve shqiptare janë duke vazhduar fuqishëm, shkruan KultPlus.

Këngëtarja me prejardhje nga Shqipëria, Ava Max pati një sukses të fuqishëm me këngën e saj “Sweet but Psycho”. Përveç vlerësimeve nga artdashësit, kjo këngë theu edhe rekorde.

1 bilion dëgjime në platformën e njohur muzikore, Spotify bëri që Ava Max të vlerësohet me një çmim, të cilën e ndau me artdashësit e saj.

“Sweet but Psycho më solli te ju, andaj unë do të jem përjetësisht falenderuese për këtë këngë. Ju dua”, ka shkruar Max në postimin e saj në Instagram.

“Sweet but Psycho” është realizuar në vitin që lam pas, në kuadër të albumit “Heaven and Hell”. / KultPlus.com

Ava Max, artistja më e transmetuar dhe e dëgjuar e vitit 2020 në Poloni

Këngëtarja shqiptare me famë ndërkombëtare, Ava Max vijon sukseset në sferën ndërkombëtare edhe për vitin 2021. Ajo është e dëgjuar në mbarë botën dhe këngët e saj marrin miliona dëgjime në platformat muzikore.

Në një përllogaritje të bërë vitin e kaluar, Ava Max rezulton të jetë artistja më e dëgjuar dhe e transmetuar në Poloni.

Lajmi është shpërndarë në Instagram nga vet Ava Max. “Ava Max ishte artistja më e transmetuar në radiot në Poloni në vitin 2020”, shkruhej në postim, ndërkohë që në vendin e dytë si artistja më e transmetuar në këtë shtet renditet shqiptarja tjetër e famshme, Dua Lipa.

Albumi i Ava Max i titulluar “Heaven and Hell” vitin e kaluar është renditur si albumi i tretë më i dëgjuar i vitit./ Diaspora Shqiptare / KultPlus.com

Kënga e Ava Max për 7 javë renditet e para në dëgjueshmëri

Sukseset e këngëtareve shqiptare nuk kanë të ndalur. Të arriturat e Ava Max po shtohen dita ditës, shkruan KultPlus.

Së fundmi, Max ka shpërndarë një storje të instagramit, teksa ia ka dhuruar lajmin e gëzueshëm artdashësve të saj.

Kënga e saj “Kings and Queens” ka arritur për 7 javë të jetë kënga e parë me më së shumëti dëgjime nga artistet femra në Radion Adult Contemporary.

Ky sukses i vie asaj, teksa të njëjtin renditje e kanë pasur më parë edhe këngëtaret e famshme Adele me këngën “Hello” dhe Sia me “Cheap Thrills”. / KultPlus.com

Këngëtarja shqiptare Ava Max, e para në toplistën e ‘Billboard’

Këngëtaret shqiptare duket se kanë marrë fronin në TopListat më të njohura në botë, shkruan KultPlus.

Pas sukseseve të shumëta të Dua Lipës, është Ava Max ajo e cila për gjashtë javë me radhe është renditur e para në ‘Billboard Adult Pop Songs’, sukses ky që e ka arritur me këngën e saj ‘Kings and Queens’.

‘Kings and Queens’ është lansuar vitin që lamë pas. Pas pothuajse 10-të muaj pas publikimit, kjo këngë vazhdon të mbetet ndër më të dëgjuarat e këngëtares shqiptare. / KultPlus.com

Ava Max zbulon paraqitjet e saja të preferuara nga viti 2020

Ava Max ndau momentet kur ajo është ndjerë bukur gjatë këtij viti.

Këngëtarja shqiptare me famë ndërkombëtare Ava Max, është mjaft e njohur për stilin e saj të veçantë.

Tashmë ajo njihet për veshjet ekstravagante gjatë koncerteve apo klipeve muzikore.

Ava është mjaft aktive në rrjete sociale ku ndan me fansat pamje nga përditshmëria apo karriera muzikore.

Së fundmi Ava ka publikuar disa nga pamjet e saja të preferuara ku publikoi disa imazhe në të cilat shihej e veshur me korse teksa në to mbizotëronte ngjyra e kuqe.

Ky vit ka qenë mjaft i suksesshëm për Ava-n pasi ajo lansoi edhe albumin e saj “Heaven dhe Hell”, i cili u prit mjaft mirë nga fansat e saj./ KultPlus.com

Ava Max publikon këngën ‘Christmas Without You’ (VIDEO)

Këngëtarja shqiptare Ava Max ka publikuar klipin e saj më të ri. Projekti i ri është një këngë për Krishtlindje e cila është pritur mjaft mirë nga fansat e këngëtares.

“Christmas Without You” (Krishtlindje pa ty) është titulli i këngës që Ava Max ka menduar të sjell në këto prag festash nëpërmjet një videoklipi të thjeshtë, por vetë Ava Max duket mjaft bukur.

Këngëtarja Amanda Koçi, e njohur në tregun muzikorë si Ava Max është një tjetër talent që po konkuron në tregun muzikorë, duke shtuar kështu numri i shqiptarëve të njohur në botë. / KultPlus.com

Dy shqiptare në Televizionin e Gjermanisë ZDF, gazetarja Arta Ramadani dhe Ava Max flasin edhe shqip (VIDEO)

Këngëtarja shqiptare me famë botërore, Ava Max ka folur shqip në intervistën e saj për ZDF Volle Kanne, shkruan KultPlus.

Ava Max gjatë kësaj interviste me gazetaren Arta Ramadani i është kërkuar që të flas në gjuhën shqipe.

“Si jeni të gjithë? Unë jam Amanda apo Ava Max”, thotë këngëtarja gjatë kësaj interviste.

Shqiptarja gjithashtu merr komente në gjuhën shqipe nga gazetarja, Arta Ramadani.

Më poshtë mund të shikoni videon e plotë:

https://www.facebook.com/ZDFVolleKanne/videos/203418121394961

Këngëtaret shqiptare pjesë e listës së 30 këngëve më të mira nga Billboard

Billboard ka shpalosur pjesën më të madhe të hiteve të këtij viti ju në mesin e tyre bëjnë pjesë edhe këngëtaret shqiptare me famë botërore, shkruan KultPlus.

Në listën e tridhjetë këngëve më të mira pop të vitit 2020 bëjnë pjesë edhe këngëtaret me renome botërore: Dua Lipa, Ava Max dhe Bebe Rexha.

Përkatësisht këngët që pushtojnë top 30 të Billboard janë “Kings and Queens” të Ava Max, “Levitating” e Dua Lipës dhe “Baby, I’m Jealous” e Bebe Rexhës dhe Doja Cat./ KultPlus.com

Ava Max fitoi çmim në LOS40

Festivali i njohur LOS40 vlerëson me një çmim edhe një këngëtare tjetër shqiptare, shkruan KultPlus.

Ava Max arriti të fitoj çmimin “Klipi më i mirë” për kategorinë kombëtare, respektivisht atë spanjolle në këtë rast.

Ajo arriti të fitojë për klipin e saj “Tabu”, në bashkëpunim me artistin e famshëm latin Pablo Alboran.

https://www.instagram.com/p/CIbpMtCjdJr/?utm_source=ig_embed

Ky çmim shënoi edhe një vlerësim tjetër të të arriturave të këngëtares.

Dua Lipa gjithashtu ditë më parë fitoj 2 çmime në këtë Festival. / KultPlus.com

Forbes: Ava Max, këngëtarja e famshme shqiptare në mesin e yjeve

Ava Max, këngëtarja e famshme shqiptare është në mesin e yjeve të përfshirë në listën e përvitshme, “30 nën 30 vjeç”, të përpiluar nga revista “Forbes”, transmeton albinfo.ch.

Kjo listë ka për qëllim të nderojë çdo vit sukseset financiare të 600 personaliteteve të reja, në 20 kategori të ndryshme.

Këngëtarja ka reaguar ndaj lajmit të mirë duke postuar një mesazh në rrjetet sociale:

“Faleminderit për këtë nder revista ‘Forbes’. “30 nën 30”!!! Ka qenë një rrugëtim i jashtëzakonshëm dhe ne sapo kemi filluar”- ka shkruar artistja shqiptare në profilin e saj. /Albinfo.ch / KultPlus.com

Ava Max debuton në listën “30 nën 30 vjeç” të përpiluar nga “Forbes”

Doja Cat, Roddy Ricch dhe Ava Max janë në mesin e yjeve të përfshirë në listën e përvitshme, “30 nën 30 vjeç”, të përpiluar nga revista “Forbes”.

Çdo vit kjo listë ka për qëllim t’i nderojë sukseset financiare të 600 personalitete të reja, në 20 kategori të ndryshme derisa këtë vit përfshihen edhe emra të tillë si: Lil Baby, Lana Condor, Sabrina Carpenter, Kaitlyn Dever, Ramy Youssef dhe të tjerë.

Mosha mesatare e personaliteteve të nderuara sivjet është 27 vjeç, ndërsa 20 për qind prej tyre janë imigrant nga 62 shtete të ndryshme të botës.

Në 20 kategoritë që i nderojnë këta persona për suksesin dhe arritjet e tyre, përfshihen fusha të ndryshme si: arti dhe stili, teknologjia, edukimi, energjia, financat, ushqimi dhe pija, lojërat, shëndetësia, showbizi, prodhimtaria, marketing, mediat, muzika, shkenca, rrjetet sociale, sporti dhe të tjerë.

Në të kaluarën revista “Forbes” i ka nderuar edhe tri këngëtare tjera me prejardhje shqiptare, Bebe Rexha, Dua Lipa dhe Rita Ora, derisa këtë vit në listën “30 nën 30 vjeç” debuton ylli i njohur i muzikës, Ava Max.  

Këngëtarja ka reaguar ndaj lajmit të mirë duke e postuar një mesazh në Twitter ku shkruhej: “Faleminderit për këtë nderim revista ‘Forbes’. “30 nen 30”!!! Wow, ka qenë një rrugëtim i jashtëzakonshëm dhe ne sapo kemi filluar…”/ KultPlus.com

Ava Max vazhdon suksesshëm karrierën e saj, publikon një këngë të re

Këngëtarja e famshme, Ava Max ka gëzuar artdashësit e saj nëpërmjet publikimit të këngës më të re “My Head & My Heart”, shkruan KultPlus.

Artistja shqiptare e cila ka arritur majat e suksesit ndërkombëtar e ka sjellur këngën në versionin ‘audio’.

“My Head & My Heart” është lansuar në kanalin zyrtar të Max në platformën e njohur Youtube.

Kjo këngë vie pas albumit të saj të cilin e publikoi në shtator e që u quajt “Heaven and Hell’’. Ky album i rendit si i treti më i dëgjuar i një artisteje femër sivjet në platformën Spotify, duke shënuar një tjetër sukses të madh të artistes shqiptare.

Këngën e re mund ta dëgjoni këtu: https://www.youtube.com/watch?v=pdmJnThcBoE&feature=emb_logo&ab_channel=AvaMax  / KultPlus.com

Artistët shqiptarë dominojnë në “NRJ Music Awards”, nominohen në disa kategori

Eventi i madh i ndarjes së çmimeve të muzikës në Francë, “NRJ Music Awards” është gati për një edicion të ri.

Një ngjarje disi e veçantë duke pasur parasysh situatën aktuale që po kalon Franca dhe bota për shkak të pandemisë, por gjithsesi ceremonia do të shpërblejë artistët që ishin të suksesshëm gjatë vitit.

Për këtë edicion të vitit 2020, artistët e nominuar për NRJ Music Awards janë ndarë në 14 kategori, fituesit e të cilave do të njihen gjatë gjithë mbrëmjes.

Ditë më parë u bë e ditur se DJ Regard me prejardhje nga Kosova, ishte nominuar në kategorinë “DJ më i mirë i vitit”, krah emrave të njohur të muizkës elektronike si: Calvin Harris, David Guetta, DJ Snake, Kygo, Openbach dhe Robin Schulz.

Por pas nuk mbesin as këngëtaret shqiptare me famë ndërkombëtare: Dua Lipa dhe Ava Max, të cilat në këtë event janë nominuar në më shumë se një kategori.

Këngëtarja nga Shqipëria, Ava Max, konkurron për çmimet: “Artistja më e mirë ndërkombëtare e vitit”, dhe “Kënga më e mirë ndërkombëtare e vitit” për këngën e saj shumë të suksesshme ‘Kings and Queen’.

Ndërkohë, edhe Dua Lipa është e nonminuar në tri kategori sivjet në NRJ Music Awards, në dy prej të cilave gjendet në të njëjtën kategori me Ava Max-in.

Dua është nominuar për çmimet: “Artistja më e mirë ndërkombëtare e vitit”, “Kënga më e mirë ndërkombëtare e vitit” për këngën ‘Physical’ dhe “Klipi më i mirë i vitit” për klipin ‘Physical’./ KultPlus.com

Ava Max publikon klipin e ri ‘OMG What’s Happening’ (VIDEO)

Pak kohë më parë këngëtarja shqiptare, Ava Max publikoi këngën ‘OMG What’s happening’, këngë kjo, videoklipin e së cilës e ka lansuar sot, shkruan Kultplus.

Kënga është e pesta në radhë të albumit të saj të fundit, ndërkaq, videoklipi është cilësuar tejet i veçantë nga mediet ndërkombëtare. Xhirimet e janë kryer në shkretëtirat e Amerikës, teksa regjisore e klipit është Hannah Lux Davis.

Aktualisht, “Heaven and Hell” është albumi i tretë më i dëgjuar i vitit në platformën Spotify, i publikuar nga një artiste femër. / KultPlus.com