2018-ta vit me plot balada nga Elvana Gjata

Këngëtarja shqiptare, Elvana Gjata, pavarësisht sukseseve ndër vite,  në vitin 2018 e kemi parë shumë aktive në veçanti me albumin e saj të publikuar atë vit.

Elvana Gjata,  e ka dominuar skenën mediale për një kohë të gjatë atë vit meqë disa nga këngët e saj të publikuara arritën të marrin një dëgjueshmëri shumë të madhe.

“Gjerat kanë ndryshuar” është njëra nga këngët më të preferuara të lansuara nga këngëtarja në fjalë.

Me një shfaqje të jashtëzakonshme, kënga “Xheloz” është një këngë tjetër mjaftë e pëlqyer e cila ka marrë me mijëra klikime.

“Më fal” është një nga baladat më të dëgjuara që është realizuar ndër vite. Elvana Gjata e kishte lansuar edhe këtë hit në vitin 2018, duke lënë shenjë ta pashlyeshme në botën artistike në hapësirën shqiptare.

Pas një pauze Elvana Gjata është rikthyer sërish në skenën muzikore duke vazhduar me punën e saj artistike. Përndryshe, Elvana Gjata ka një aktivitet të ngjeshur edhe në Kosovë duke marrë pjesë në koncerte dhe aktivitete të ndryshme. /KultPlus.com

Edhe Elvana Gjata në festivalin Sunny Hill (FOTO)

Elvana Gjata ka zbuluar se do të jetë pjesë e festivalit tashmë të njohur – Sunny Hill.

Këngëtarja hyri në Instagram për të postuar fotografinë e cila konfirmon pjesëmarrjen, njofton Klan Kosova.

Deri tani, Kida, Ledri Vula dhe Yll Limani, janë emrat që janë zbuluar ndërkaq nga ata ndërkombëtar, janë Miley Cyrus dhe Calvin Harris.

https://www.instagram.com/p/BzlQVSInWuy/?utm_source=ig_embed

Cricket sjell remixin e “Tavolina e mërzisë” nga Elvana Gjata (VIDEO)

Krijuesi i shumë hiteve, por i njohur në veçanti për krijimin e këngës “BonBon” të Era Istrefit, këngë kjo që kaloj kufijtë dhe arriti ta bëjë Erën  të njohur në botë, Donat Prelvukaj, apo i njohur si Cricket, ka sjell remixin e këngës “Tavolina e Mërzisë”, kënduar nga Elvana Gjata, shkruan KultPlus.

Ky remix është mirëpritur edhe nga vetë këngëtarja e cila e ka shpërndarë në Instagram këngën.

https://www.instagram.com/p/BvfL_mTh_nx/

Kjo këngë njëherit shënoi edhe rikthimin e Elvanës. Balada “Tavolina e Mërzisë” është realizuar nga Armend Rexhepagiqi e Aida Baraku. / KultPlus.com

Publikohet “Pa dashuri” nga Elvana Gjata (VIDEO)

Është publikuar kënga e filmit “2 Gisht Mjaltë”, kënduar nga Elvana Gjata.

Projekti quhet “Pa dashuri”, i punuar nga PINT, me muzikë dhe tekst nga Arsim Bunjaku dhe Lyrical Son, me kitarë nga Astrit Stafa dhe në instrumente të tjera Visar Kuqi dhe Valon Berisha.

Nga 28 Marsi, filmi i shumëpritur nga Elvana dhe Ermal Mamaqi, do të dalë në të gjitha kinematë shqiptare, Shqipëri, Kosovë dhe Maqedoni.

‘Sa shumë të pasna dasht, sa shumë pasna përbi’

Kënga u lansua vetëm dje dhe ka gati 800 mijë shikime në Youtube.

Është kthyer në hitin më të madh momentalisht, dhe duket se është rikthimi i fuqishëm i Elvanës pas dramës që e përcolli së fundmi.

“Tavolina e mërzisë” e sjellë Elvanën më të relaksuar dhe prapë, në estradën shqiptare.

Po e sjellim këtu këngën e Elvana Gjatës, bashkëpunim me Armend Rexhepagiqin e Aida Barakun. / KultPlus.com

Elvana Gjata: Armend Rexhepagiqi dhe Aida Baraku janë dy legjenda të Kosovës

Këngëtarja Elvana Gjata ka publikuar dje këngën e saj më të re.

“Tavolina e mërzisë” mban titullin projekti për të cilin Elvana ka punuar më dy artistët kosovarë, Aida Barakun dhe Armend Rexhepagixhin si dhe me producentin Darko Dimitrov.

“Armend Rexhepagiqi dhe Aida Baraku janë 2 legjenda të Kosovës dhe jam krenare që punuam bashkë! Faleminderit që hytë në shpirtin tim dhe e thurët këtë muzikë dhe këto vargje”, ka shkruar Elvana në profilin e saj në Instagram.

“Të jem e sinqertë ndjesia është gjithmonë si herën e parë… dhe s’mund të rri pa thënë qe më bën pafund të lumtur që ju prek zemrën kjo këngë njësoj si mua”.

Elvana Gjata deklarohet për herë të parë pas vrasjes në bllok dhe arratisjes nga Shqipëria

Këngëtarja Elvana Gjata është shprehur se së fundi ka kaluar një periudhë shumë të vështirë. Ajo përmes një postimi në Instagram është deklaruar për herë të parë pas largimit nga Shqipëria ku edhe u shpall në kërkim nga policia.

Urdhri doli pasi që në një prej lokaleve të zonës së ish-Bllokut, si pasojë e një sherri mbeti i vrarë një person dhe u plagosën dy të tjerë.

Këngëtarja përmes një statusi një Instagram është shprehur se u është borxh ndjekësve të saj, kolegëve dhe miqve të cilët janë interesuar për shëndetin dhe gjendjen e saj.

“Po… kam kaluar një periudhë shumë të vështirë… fizikisht dhe moralisht… e dërrmuar dhe e vrarë nga fjalë, fjalë, fjalë… edhe me shumë se sa unë në këtë moment mund ta shpreh me fjalë… Kurrë në jetën time si kam dashur keq askujt…ajo që kam dashur gjithmonë është te shoh veç lumturi, kudo ku kemi qene bashkë, në çdo koncert e çdo video që ju keni publikuar me këngët e mia. Nuk e kam aspak të lehtë, por ju kam ju”, ka shkruar ajo duke i falënderuar të gjithë ata që e kanë përkrahur./ KultPlus.com

https://www.instagram.com/p/BtWdMYDhg5i/

Elvana Gjata kthehet me një befasi për fansat

Elvana Gjata duket se rikthimin e saj do ta bëjë me koncerte.

Pas një heshtje të madhe të saj ajo siç duket ka dhënë ‘shenja jete’.

Pas incidentit që ka ndodhur lidhur me përfshirjen e të fejuarit të saj në vrasje, ajo ka ikur nga Shqipëria. Që atëherë ajo ka mbyll rrjetet sociale dhe askush nuk di gjë për të. Mirëpo, së fundmi një gjë ka tërhequr vëmendjen e publikut.

Në kanalin zyrtar të artistes në ‘YouTube‘, kanë filluar të shiten biletat për koncertet, që pritet t’i mbajë Elvana më 3 dhe 6 maj të vitit 2019, në New York dhe Filadefia-shkruan Intv.

Koncerti i datës 3 maj do të mbahet në një lokal në parkun e Asbury-t me fillim nga ora 19:00. Ndërsa, koncerti në Filadelfia më 6 maj do të fillojë nga ora 20:00. /KultPlus.com

Thyen heshtjen Elvana Gjata për vrasjen në ish-Bllok

Televizioni “Report” zbardh detaje të komunikimit te Elvana Gjates me grupin hetimor lidhur me përplasjen me armë zjarri në ish-bllok mbrëmjen e 4 tetorit.

Burime të televizionit saktësuan se Elvana Gjata ka statusin e dëshmitares dhe ndaj saj nuk ka masë sigurie, ndërsa në kërkim policor vijon të jetë i fejuari i saj Ervin Mata, protagonist në përleshjen me armë zjarri me grupin e Ervis Martinajt.

Elvana Gjata 3 javë më parë i ka dërguar me postë prokurorisë, por detajet e letrës janë bërë publike vetëm sot. Drejtuar organit të akuzës, këngëtarja i njofton se nuk ndodhet në Shqipëri, ndërsa shton se është njoftuar nga mediat lidhur me faktin se prokuroria kërkon dëshminë e saj për rrethanat e asaj që ndodhi brenda lokal “Monopol”, edhe pse thekson se nuk ka qenë e pranishme në momentin kur nisi konflikti me armë.

“Jam njohur nga media se kërkohet dëshmia ime. Ndodhem jashtë vendit për arsye shëndetësore, jam njohur nga mediat se kërkoni dëshminë time. Sapo të jem në Shqipëri do të paraqitem për të dhënë deklarimet e mia”, ka thënë Gjata.

Edhe sipas hetimeve të policisë dhe prokurorisë, por edhe dëshmitarëve, këngëtarja Elvana Gjata s’ka qenë e pranishme në momentet e konfliktit në ish-bllok ku nga përplasja fizike dhe përdorimi i armëve të zjarrit mbeti një viktime e dy të plagosur./ KultPlus.com

“Si mund të hidhni kaq lehtë një yll si Elvana”

nida Gjata ose e njohur nga publiku shqiptar si Zhaku vite më parë ka qenë një nga figurat më të njohura të ekranit. Zhaku shquhej për opinionet e saj të drejtpërdrejta, pa dorashka për çështje të ndryshme. Prej vitesh ajo nuk është më aktive në jetën publike në Shqipëri, sepse është zhvendosur në Gjermani.

Megjithatë Zhaku shpeshherë bëhet aktive në profilin e saj në ‘Facebook’ me statuse të ndryshme për çdo gjë që e shqetëson nga realiteti shqiptar. Së fundmi, ajo ka reaguar për çështjen më të diskutuar të momentit, për përfshirjen e këngëtares Elvana Gjata në ngjarjen tronditëse në ish-Bllok. Zhaku është shprehur shumë e shqetësuar nga reagimi i opinionit publik dhe medias për një këngëtare dhe një njeri me aq vlera si Elvana.

“Kur do vijë dita që opinioni publik do të kuptojë se gjykimi i tyre i gabuar shpesh herë e ka marrë më qafë?! Si ka mundësi që po lejoni dhe stimuloni shkatërrimin e një njeriu me aq shume vlera si Elvana Gjata?! Si mund ta hidhni kështu kaq lehtë një yll që deri më dje e keni adhuruar e ngritur në kupë të qiellit?! Si nuk kanë turp ato media që kanë ngrënë bukë prej dhjetëra vitesh falë Elvana Gjatës, që e përgojojnë dhe përflasin kaq padrejtësisht një figurë aq të adhurueshme si Elvana Gjata?! Sa shoqëri e pamoralshme jeni ju, qe u bëni gjyq publik grave të botës?! Që u përgojoni të kaluarat njerëzve që nuk ju kanë bërë asgjë përveçse ju kanë ngritur moralin, ju kanë dhënë mirësi dhe ju kanë respektuar. Turp! Jam shumë e lënduar nga ky lloj maskarallëku mediatik dhe publik. Nuk mund ta bëni një vajzë aq të edukuar, të talentuar dhe të heshtur, që vetëm ju ka lumturuar deri tani, të ikë nga sytë këmbët e lënduar nga kjo poshtërsi e pamerituar. Shumë turp. Elvana Gjata është një figurë frymëzuese, e bukur dhe shumë e talentuar. Mos e harroni kontributin e saj në shoqëri. Nuk ju ka bërë të vuani ndonjëherë, qe ju ta vrisni kështu. Jam shumë e tronditur nga reagimi publik dhe media në këtë rast. Nuk është shenjë e mirë kjo. Një shoqëri që reagon kështu si ka punët në rregull”, – ka shkruar Zhaku në postimin e saj në ‘Facebook’.

Gjykata merr vendime për persona të përfshirë në ngjarjen me një të vrarë dhe disa të plagosur

30 ditë kohë i është lënë prokurorisë të paraqesë prova të reja që mund të justifikojnë mbajtjen në arrest të Ervis Martinajt, ndërsa Eljon Hato u la në burg pa afat nga Gjykata e Tiranës.

Avokatët e dy të plagosurve në sherrin me armë mbrëmjen e së enjtes në zonën e ish-Bllokut u njohën me kërkesën e prokurorëve gjatë paradites në ambientet e dy spitaleve, ku të plagosurit po trajtohen.

Hato dhe Martinaj akuzohen nga prokuroria për vrasje në bashkëpunim e mbetur në tentativë dhe armëmbajtje pa leje. Por avokati Hatos tha se klienti i tij nuk ka lidhje me konfliktin dhe ka ndërhyrë për të shuar sherrin.

Ndërsa avokati i Martinajt mohoi që mes klientit të tij dhe Ervin Matës, të fejuarit të këngëtares Elvana Gjata të ketë pasur përplasje. Po ashtu avokati hedh poshtë versionin se sherri ka qenë për këngëtaren e njohur.

Prokuroria dyshon se Bilo dhe Hoti janë personat që kanë qëlluar në drejtim të grupit të Martinajt. Për ngjarjen janë shpallur në kërkim Ervin Mata, Fabjol Alushi dhe komandoja Marviol Bilo, ndërsa është arrestuar edhe Geldo Hoti./KultPlus.com

A duhet t’i gjykojmë Elvanën dhe sojin e saj?

Nga Mentor Kikia.

Natyrisht, në një shoqëri ku kritika dhe sharja është profesioni më masiv, Elvana Gjata do të ishte një prehë e mirë për gostinë e shtruar në rrjetet sociale me rastin e një ngjarjeje kriminale, ku këngëtarja thuhet se ishte sebepi. Jo vetëm në këtë rast, për mua është e papranueshme sjellja jonë prej turme të uritur, e cila sulet të shqyejë viktimën e rradhës që hidhet në arenë. Njësoj si në ata filmat epikë, që tregojnë se si njerëzit e paditur ftoheshin të qëllonin me gurë njeriun që besonte në një tjetër Zot.

Ajo vajzë nuk ka asnjë lloj përgjegjësie për atë ngjarje. Madje dëshmitë tregojnë se është përpjekur të shuajë grindjen. Por besoj e dini se si sillen të fortët, që, për të treguar se sa shumë e duan vajzën që kanë në krah, janë gati t’i vënë zjarrin qytetit, edhe pse dikush thjeshtë e shikon atë. Por, në tërë këtë histori, ka një gjë tjetër që është po aq e rëndë sa dhe një krim. Mënyra se si po shtresëzohet shoqëria jonë.

A është vallë rastësi që shumë prej emrave më në zë të muzikës shqiptare janë ose vajza të lidhura me djem të botës së krimit, ose meshkuj që i kanë bërë komisariatet e policisë si shtëpinë e dytë? Padyshim që gjithkush është i lirë të bëjë ç’të dojë me jetën e tij, e nuk i detyrohet askujt t’i japë llogari (përveç ligjit). Por këta njerëz janë publikë, kanë nga 1 milion ndjekës në rrjetet sociale, përmes të cilave i bëjnë marketing punës së tyre, por përhapin edhe stilin e tyre të jetesës dhe modelin tek ndjekësit e tyre. Jeta e tyre ekstravagande, luksi i shfrenuar që nuk justifikohet kurkund me suksesin në profesionin që kanë, nuk u përkasin vetëm atyre, në kuptimin social të fjalës. Veç ndjekësve në rrjetet sociale, ata ftohen edhe në studiot e televizioneve, ku promovojnë muzikën, por edhe sjelljen dhe modelin e jetesës. Pra, me jetën e tyre, ata ndikojnë tek të tjerët, veçanërisht të rinjtë.

Në këtë këndvështrim, Elvanën nuk duhet ta gjykojmë si përgjegjëse për atë ndodhi. As se përse zgjodhi të kishte në krah një njeri të pasur dhe të gatshëm të vrasë këdo që i hedh sytë asaj. Por, po, atë mund ta gjykojmë si modelin ‘e shëmtuar’ të një këngëtareje. Dhe për këtë arsye, ata që janë ndjekës të saj, kanë të drejtë edhe ta përbuzin.

Kjo nuk ka të bëjë vetëm me Elvanën!

Suksesi i këtyre njerëzve varet nga sa i ndjekin. Dhe ata bëjnë gjithçka për t’i shtuar ndjekësit. Për këtë arsye ata u detyrohen këtyre njerëzve, qoftë dhe një mesazh të mirë. Por mesazhi nuk është ky. Sa prej atyre, që kapardisen me makina sheikësh e avionë privatë, u përfshi në një fushatë për të mbështetur gratë e dhunara, apo në një aktivitet bamirësie? Besoj e ndiqni Dua Lipën. Jo vetëm një talent i madh, por edhe një aktiviste shoqërore shumë e madhe.

Nuk dua të bëj moralistin. Por, në vend të këtyre mesazheve, këto prezantojnë fotot me çizme të dedikuara që kushtojnë 10 mijë dollarë, pellushë 5 mijë Euro, unaza me diamantë, makina që kushtojnë sa një apartament etj. Jo, ky nuk është mesazhi i duhur në një shoqëri ku gjysma e fëmijëve nuk kanë ç’të veshin. Ky është një karshillëk pervers.

E di, ju nuk i detyroheni askujt, për asgjë. Këtë luks nuk e keni me paratë e taksapaguesve. Por kjo është kostoja e të qenit njeri publik. Ndryshe mbyllini ato llogari në rrjetet sociale, zhdukuni edhe nga ekranet dhe shkoni e shijoni luksin tuaj.

Ky shkrim nuk paraqet domosdoshmërisht qëndrimet e redaksisë së KultPlus-it./ KultPlus.com

Dalin pamjet e sherrit me të cilin po lidhet emri i Elvana Gjatës

Konflikti që kulmoi mbrëmjen e 4 tetorit me përplasjen me armë në një lokal në zonën e ish-Bllokut ka nisur rreth 6 ditë më parë në një tjetër lokal.

Pamjet e kamerave të sigurisë, tregojnë sherrin e ndodhur atë ditë, ku shihet qartësisht përplasja me grushte dhe sende të forta.

Megjithëse nuk duket qartë fytyrat e tyre, ajo që shihet qartësisht përplasja me grushte dhe karrige. Sherri ka zgjatur për pak sekonda dhe më pas, agresorët dalin nga kuadri i kamerës.

Konflikti siç dihet ka ndodhur për shkak të këngëtares Elvana Gjata, e cila ndodhej në lokale me partnerin e saj dhe persona të tjerë. / KultPlus.com

Nisin ofendimet dhe sharjet për Elvana Gjatën

Prej kur doli lajmi se Elvana Gjata në një mënyrë apo tjetrën është përfshirë në një vrasje në Tiranë, duket se kanë nisur akuzat dhe ofendimet ndaj këngëtares.

Edhepse shumë pak njerëz e kanë të qartë idenë çfare realisht ka ndodhur, këngëtarja menjëherë është shndërruar në një cak të ofendimeve e komenteve.

Në fotografinë e fundit të postuar me 27 shtator, disa ditë para se të ndodhte ngjarja në fjalë, Elvanës i janë rikthyer komentet.

“Ca tgjeti kshu ? Cfar ishte ky sherr ..e kjo.tragjedi qe ndodhi ne prezencen tende ? Me erdhi keq se jeni figur e njohur publike” është një prej komenteve.

“o qorre vrave bere hatan o sy shtrembur mos ta pafshim ma surratin oj lavira qe lidheni me kriminel per lek” ka qenë një tjetër koment më i rëndë në përmbajtje.

“Elvana na zhgenjeve!” ka shkruar Mane Eta Gerta në komentin e saj.

Elvana deri tash nuk është prononcuar në lidhje me rastin. Çka u shkrua është se Elvana ka qenë e pranishme në lokacionin ku ndodhi një vrasje në Tiranë para pak ditësh dhe se sherri ndodhi shkaku i saj. Ajo është marrë në pyetje edhe në Polici.

Nga sherri ka mbetur i vdekur një prej të njohurve të të dashurit të Elvanës.
Në këtë situatë, këngëtarja ka vendosur të bllokojë të gjitha komentet në fotografinë e fundit të postuar në Instagram, ku ndaj saj janë bërë komente fyese. / KultPlus.com

Elvana Gjata, mrekulloi publikun në Prishtinën me ‘mjegull’

Alberina Haxhijaj

Më shumë se 17 mijë persona e kanë përcjellë vjet koncertin e Alban Skënderajt, të organizuar nga ProCredit Bank. Këtë vit, po aq persona e ndoshta edhe më shumë e përcollën koncertin e Elvana Gjatës, shkruan KultPlus.

Në ambientin e hapur të Bibliotekës Kombëtare “Pjetër Bogdani” tashmë ProCredit Bank e ka bërë traditë që çdo vit të sjellë këngëtarë të ndryshëm për të festuar arritjet e saj si kompani por edhe për të ofruar të paktën një herë në vit një mbrëmje muzikore.

Kështu pas grupit “Marigona” dy vite më parë dhe “Alban Skënderaj” vitin e kaluar, Elvana Gjata ishte zgjedhje e ProCredit Bank për këtë vit.

Këngëtarja nga Shqipëria e cila është shumë e pëlqyer nga publiku në Kosovë, diçka që u vërejt edhe mbrëmë pasi që publiku këndoi së bashku me të, të gjitha këngët u shpreh shumë e lumtur që po këndon në Prishtinë. Prishtinën e saj të dashur, siç e konsideron ajo kryeqytetin.

“Vdiqa, sa shumë kohë kam dashur që ta shoh këtë pamje dhe të ju dëgjoj e të jem këtu. Jam e lumtur si një zog, si një fëmijë, nuk ka ndjenjë më të mirë në botë sesa të ju kem juve përpara. Faleminderit të gjithëve që jeni këtu. Faleminderit për ftesën nuk e keni ide se sa e lumtur dhe e nderuar jam”, u shpreh ajo.

Këngëtarja Elvana Gjata për të pranishmit solli disa nga këngët e saj si “Ku vajti”, “Mike”, “Off Guard” e “Love Me”.
Po ashtu këngëtarja solli edhe këngën nga albumi i saj i fundit “3EP”, të tilla si “Më Fal”, “Xheloz”, për ta përmbyllur më një kolazh këngësh të vjetra të cilat erdhën të interpretuara nga këngëtarja si “Tumankuqe”, “Margjelo”, e të tjera.

“Faleminderit që i keni pranuar këto këngë dhe i keni kthyer dhe ndjerë aty ashtu që t’i përshtaten edhe shpirtit tuaj. Prishtina ime e dashur, ju donë Elvana me gjithë shpirt”, u shpreh ajo për këngët e saj nga albumi i fundit.

Në anën tjetër më të përfunduar koncerti nga ProCredit Bank u hodhën edhe fishekzjarrët kundër të cilëve u protestua gjatë gjithë ditës nga disa të ri. Për ta ishte alarmuese sasia e madhe e fishekzjarrëve, 1.5 ton.

“Mbrojtja e ambientit është shumë e rëndësishme që me fillu diku, kemi pasur fishekzjarrë edhe për Pavarësinë e Kosovës mirëpo ne duhet me fillu diku edhe me reagu e me e ndalë këtë. Ambienti nuk është aspak pjesë e politikave të shtetit, mirëpo ironikisht vet ProCredit ka politika e veta për mbrojtjen e ambientit e në anën tjetër po bëhet ndotësi më i madh”, u shpreh njëri nga protestuesit për KultPlus.

Sipas tij ajo që është më e rrezikshmja është se do lëshohen 1.5 ton fishekzjarrë afër objekteve të rëndësishme kulturore, Galerisë Kombëtare, Bibliotekës Kombëtare, pastaj edhe fakulteteve e gjithë kjo në mesin e qindra njerëzve.

Publikut i mbet që të pres vitin e ardhshëm për të zbuluar emrit e këngëtarit të ardhshëm por edhe lokacionin dhe përgjigjen e pyetjes se a do të ketë fishekzjarrë përsëri në Prishtinë./KultPlus.com

I love you forever! Prishtina ime! #mike

A post shared by Elvana Gjata (@elvanagjataaaa) on

Përfundon koncerti i Elvanës, hidhen edhe fishekzjarret

Ndonëse u fol shumë për fishekzjarret, madje edhe u protestuar, ato u lëshuan sonte në Prishtinë.

Ky veprim ndodhi pas koncerti 1 orësh që e mbajti këngëtarja Elvana Gjata.

Ajo është ftuar ngabanka Pro Credit, të cilët e kanë bërë edhe festën e fishekzjarrëve më pas.

Gjatë ditës dy protesta janë mbajtur që këto fishekzjarre mos të lëshohen për shkak të ambientit të ndotur, por ato nuk janë ndalur nga asnjë institucion.

Ka qenë Ministria e Ambientit që ka reaguar, duke thënë se janë kundër çdo veprimi që ndot ambientin, ndërsa kryetari i komunës së Prishtinës, Shpend Ahmeti, ka thënë se ai nuk e ka lëshuar lejen për fishekzajrre, por vetëm për koncertin, duke e hedhur kështu fajin tek Ministria e Punëve të Brendshme nën juridiksionin e të cilëve janë lejet për hedhjen e fishekzjarrëve.

Gjuajtja e fishekzjarreve është kritikuar edhe nga qytetarët të cilët janë ankuar se në kryeqytet është krijuar një shtresë sikurse të jetë mjegull. /KultPlus.com

Elvana Gjata nis përgatitjet për koncertin në Prishtinë (FOTO)

Kanë mbetur pak ditë nga koncerti live nga Elvana Gjata në Parkun e Bibliotekës Kombëtare në Prishtinë. Edhe DJ Gamblemania do të jetë pjesë e koncertit.

Ky koncert tashmë është bërë edhe traditë e bankës ProCredit e cila është mbrapa tërë këtij organizimi madhështor.

Elvana Gjata ka filluar përgatitjet për këtë koncert e këtë e mësojmë nga fotot që ajo ka postuar në rrjete sociale.

1st day of rehearsals 14.07.2018 Prishtine

A post shared by Elvana Gjata (@elvanagjataaaa) on


Performanca e Elvanës do të shoqërohet me bend profesional dhe balerinë.

Me hyrje falas, koncerti fillon në ora 19:00./ KultPlus.com

Elvana, Ledri dhe John Shahu publikojnë bashkëpunimin e shumëpritur (VIDEO)

Elvana Gjata në bashkëpunim me Ledri Vulën dhe John Shahun kanë publikuar këngën e titulluar “Mike”.

Kënga është prodhuar nga Arbre Blass, e për tekstin janë përkujdesur vetë këngëtarët. Për videoklipin e këngës janë përkujdesur Supercut Studio.

Kjo këngë është ndër bashkëpunim më të pritura për këtë verë dhe pritet që të jetë hiti i kësaj vere. / KultPlus.com

ProCredit Bank vazhdon traditën, sjellë Elvana Gjatën me koncert madhështor

Banka PorCredit, tashmë e ka kthyer në traditë organizimin e koncerteve madhështore në qendër të kryeqytetit kosovar.

Vitin e kaluar parku i Bibliotekës Kombëtare të Kosovës, u stërmbushur me njerëz nga të gjitha anët e vendit, për të shijuar tingujt e magjishëm të Alban Skenderajt si dhe pamjen e mahnitshme të fishekzjarrëve që u lëshuan.

Kësisoj, sivjet më 14 korrik, i njëjti vend me të njëjtit organizator mirëpresin këngëtaren e njohur shqiptare Elvana Gjata. Ky koncert LIVE në parkun e Bibliotekës Kombëtare të Kosovës, do të jehojë me këngët e reja dhe ato më të njohurat të Elvanës e cila tashmë po punon fort edhe për karrierë ndërkombëtare.

Siç e dimë të gjithë ProCredit Bank, është një shtyllë shumë e rëndësishme e kulturës në Kosovë. Ajo çdo vit përkrahë financiarisht festivalet kulturore në vend e poashtu edhe koncerte e evente të ndryshme për klientët e saj dhe jo vetëm

Elvana Gjata në këtë koncert të organizuar nga ProCredit, do nisë performancën e saj me fillim nga ora 19:00 ndërsa përpos saj në këtë koncert të pranishmit do të kenë mundësi të kënaqen edhe nën tingujt e DJ Gamblemani & The Band e po ashtu qielli i Prishtinës do të ndriçohet nga fishekzjarrët e shumtë që do të lëshohen në sinkronizim të muzikës. Në këtë koncert hyrja do të jetë falas! / KultPlus.com

Elvana Gjata paralajmëron videoklipin me yllin botëror (AUDIO)

Elvana Gjata pak javë më parë ‘pushtoi’ titujt kryesorë në medien shqiptare. Kjo pas rikthimit fuqishëm me albumin e saj në gjuhën shqipe dhe më pas me bashkëpunimin me reperin amerikan, Ty Dolla Sign.

Kënga u pëlqye nga publiku, madje tërhoqi vëmendjen edhe të mediave të huaja, si MTV në Poloni. Por tani është momenti që për pak do publikohet edhe videoklipi i këngës “Shade” në bashkëpunim me Poo Bear, producentin e famshëm.

Kënga tani është vetëm në versionin audio, por Elvana na paralajmëroi nëpërmjet një ‘insta story’ ku shihet këngëtarja Enxhi Nasufi teksa dëgjon këngën. Ndërsa Elvana shkruan se shumë shpejt do vijë edhe klipit. / KultPlus.com

Elvana Gjata këndon në finalen e ‘The Voice Kids Albania’ (VIDEO)

Këngëtarja Elvana Gjata mbrëmë ka mahnitur me performancën e saj në finalen e The Voice Kids Albania.

Një prej emrave më aktual të muzikës moderne shqipe, Elvana ka sjellë në spektakël disa këngë nga albumi i saj më i ri. “Më fal” dhe “Xheloz” janë sjellë nga ajo në një spektakël të përcjellë nga miliona shqiptarë.

Këtë natë u shpall edhe fituesi i këtij edicioni të The Voice Kids.

Gjatë natës Elvana ka kënduar edhe këngën “Ti Shqipëri më jep nder”. / KultPlus.com

Elvana Gjata në album me emra të njohur të muzikës

Këngëtarja shqiptare, Elvana Gjata që po zhvillon karrierën në tregun e huaj ka arritur në një nivel tjetër duke u bërë pjesë e një albumi me emra të njohur të muzikës ndërkombëtare.

Menaxheri i saj, Poo Bear ka publikuar albumin e tij të ri me gjithë personat që ka punuar këto kohë. Ndër ta bëjnë pjesë Jennifer Lopez, Justin Bieber dhe Ty Dolla Sign.

Me këtë të fundit, Elvana Gjata solli projektin e ri muzikor të titulluar ‘Off Guard’ që ka marrë pëlqimin e publikut.

Duket se Elvana po punon shumë për të arritur majat që të jetë pjesë e kompeticioneve të njohura në Amerikë dhe Angli si Grammy, Emma apo MTV Awards./ KultPlus.com