Ledri Vula lanson para kohe albumin e ri “10/10”

Një prej artistëve më të pëlqyer nga publiku shqiptarë, Ledri Vula, i ka befasuar por edhe gëzuar fansat e tij me lansimin e parakohshëm të albumit “10/10”.

Përmes një mesazhi të postuar në Instagram, reperi shumë i dashur kosovar ka treguar që incizimin të cilin kishte planifikuar ta publikojë më 10 prill, por e solli gati një muaj më herët për shkak të izolimit nëpër të cilin po kalojnë qytetarët, si masë parandaluese të përhapjes së koronavirusit.

“Ne kohën kur krejt jemi të obligum të qëndrojm në shpi, të kujdesemi për vetën dhe të afërmit, albumi 10/10 , i cili ka qëndru me mu shum kohë, menoj që tash e tutje duhet të qëndroj me ju. Vjen koha që na shumë shpejt mu kthy në jetët tona normale, vjen koha që na me u pa e me u përqafu shumë shpejt si gjith,” ka shkuaur Vula për 1.5 milion ndjekësit e tij.

Përhapja e COVID-19 në mbarë botën përfshirë edhe shtetet fqinje, ka bërë që shumë qytetarë të mbyllen në shtëpi për t’u mbrojtur nga kjo sëmundje vdekjeprurëse.

Fansat e Ledri Vulës e kanë mirëpritur këtë veprim të reperit që tregon se në rend të parë për ta, janë pikërisht përkrahësit më të mëdhenj të karrierës së tij muzikore. Deri, Vula po ashtu ka bërë të ditur se albumi “10/10”, do të publikohet në Spotify, AppleMusic dhe platformat e tjera online. / Koha.net / KultPlus.com

Nëna e Rita Orës komenton tek Ledri, ka një pyetje

Rita Ora dhe Ledri Vula u bënë bashkë në AlbaFestival në Zvicër.

Me këtë rast, dy artistët nuk e kaluan mundësinë pa shkrepur një foto të përbashkët krah njëri-tjetrit, të cilën e ndanë me ndjekësit në rrjete sociale.Gati 100.000 pëlqime ka arritur Ledri t’i mbledhë për vetëm dy orë në foton me Ritën e cila është pasuar më shumë komente.

Megjithatë, janë dy që kanë marrë më së shumti vëmendje.

Vetë Rita i ka dërguar zemra Ledrit teksa nëna e artistes me origjinë shqiptare ka pasur një pyetje.

‘Ani zemra? Awwww’ – shkruan Vera Ora teksa nuk dihet saktë se çfarë konfirmimi ka dashur të marrë nga dyshja që pozonte bashkë përpara aparatit. / Insajderi/ KultPlus.com

Rita Ora dhe Ledri Vula përkrah njëri-tjetrit në Alba Festival

Open Air “Alba Festival” në Hardturm Areal të Cyrihut ka mbledhur artistët më të mirë shqiptar për përformim, ku ndër përformancat më të mira të ditës përmbyllëse ka qenë ajo e Rita Orës.

Alba Festival” si organizim konsiderohet ndër festivalet më të mëdha të organizuar nga shqiptarët në Europë, ku u përcill nën prezencen e mijëra të rinjëve shqiptar dhe të huaj.

Edhe artisti kosovar Ledri Vula, me një fotografi në rrjetin social Instagram, për të gjithë ndjekësit e tij, ka ndarë një foto të pjesëmarrjes së tij në “Alba Festival“, përkrah Rita Orës./KultPlus.com

Ledri Vula intervistë për gazetën ’20 minuten’, flet për “Alba Festival” dhe dashurinë për Zvicrën

Këngëtari Ledri Vula është një super yll në Kosovë dhe në fund të muajit qershor do të jetë në “Alba Festival” në Cyrih, e nis artikullin e saj gazeta zvicerane 20 minuten.

Në një intervistë për 20 minuten, ai ka folur për dashurinë e tij për Zvicrën, skandalin e Loredanës dhe festivalin në të cilin pritet të performojë.

Mbi 1.3 milion ndjekës në Instagram dhe mbi 100 milionë shikime në YouTube: Në Kosovë, Ledri Vula (32 vjeç) është një nga yjet e mëdhenj dhe hitet e tij janë të njohura edhe në Zvicër.

“Sot kam ardhur në Cyrih, unë vij shpesh këtu dhe në vendet e tjera përreth , më pëlqen qyteti më pëlqen ushqimi dhe vij sa herë që më vjen mundësia të vij. Unë jam i njohur në vendin tim, por kohëve të fundit muzika nuk njeh kufij dhe ka depërtuar edhe në Evropë, po më vjen mirë që edhe njerëzit e tjerë ma njohin muzikën”, ka thënë Vula.

“Ka shumë shqiptarë që kanë depërtuar në botë, lufta na ka bërë të ikim prej vendit, ka shumë shqiptarë në botë, shqiptarët janë njerëz të shoqërueshëm, kanë dëshirë ta tregojnë kulturën e vet. Ne jemi të uritur të na shohë bota që edhe ne jemi talentë, kemi nevojë të na shohë bota ashtu qysh e meritojmë”, vazhdon më tej reperi.

Ndërkaq, më 29 qershor, Vula do të performojë në “Alba Festival” në Cyrih. “Ndihem si në shtëpi në Zvicër, kur kemi qenë të vegjël nuk e kam menduar se do të vij ndonjëherë në Cyrih, kurse tani të vij dhe të këndoj në një festival kaq të madh është sikur realizimi i një ëndrre”, ka thënë Vula në intervistën e dhënë për 20 minuten/Telegrafi/

Lyrical Son, Ledri Vula e MC Kresha publikojnë “Menemadhe”

Tre reperët e njohur shqiptarë, Lyrical Son, Ledri Vula dhe MC Kresha kanë publikuar bashkëpunimin e tyre të ri me titull “Menemadhe”.

Vetë reperët janë kujdesur për tekstin. Kënga është produkt i “Strike Beatz dhe K-Master”.

Kënga është pjesë e albumit të ri të Lyrical Sonit e MC Kreshës, “United States of Albania”.

Ledri Vula bëhet pjesë e filmit amerikan dedikuar shqiptarëve

Një produksion i ri amerikan ku në qendër të vëmendjes ka shqiptarët në Bronx të Amerikës pritet të dalë shumë shpejt.

Filmi me përmasa ndërkombëtare do të flasë për jetën “mafioze” të shqiptarëve në Amerikë dhe do të mbajë titullin “Albanian Gangster”.

Regjisori amerikan Methew A.Brown dhe aktori John Rezaj të ftuar në emisionin “SevenBizz” kanë folur rreth filmit dhe kanë zbuluar ndër të tjera se reperi shqiptar, që prej vitesh jeton në Amerikë, Unikkatil ka kontribuar me shtatë këngë për produksionin e filmit.

Gjithashtu reperi Ledri Vula do të dëgjohet në sfondin e filmit që pritet të shikohet në të gjitha kinematë botërore. /KultPlus.com

Ledri Vula vlerësohet me një çmim në Tetovë

Ledri Vula është një nga reperët më të përfolur përsa i përket jetës private dhe profesionale.

Ai është vlerësuar me një çmim të veçantë nga kryetarja e komunës së Tetovës.

Reperit i është dhënë titulli i mirënjohjes së qytetit shqiptar të Maqedonisë teksa këtë gjë e ka bërë të ditur përmes rrjeteve sociale.

Ai ka falënderuar të gjithë qytetarët e këtij qyteti duke përfshirë edhe të parën e këtij vendi, Teuta Arifi.

“Faleminderit për mirënjohjen dhe mikpritjen kryetares së Tetovës, Teuta Arifi. Faleminderit për çdo gjë që shqiptarët e Maqedonisë kanë bërë për ne. Faleminderit”, ka shkruar ndër të tjerash në llogarinë personale në Instagram, Arifi.

Dua Lipa promovon artistët shqiptarë që do të jenë pjesë e ‘Sunny Hill’ (FOTO)

Në datat 10, 11 dhe 12 gusht do të organizohet festivali i madh “Sunny Hill” në Prishtinë.

Për këtë festival do të vijë enkas nga Londra, këngëtarja shqiptare me famë botërore, Dua Lipa.

Ndërkohë, sot është konfirmuar se pjesë e tij do të jetë edhe DJ me famë botërore, Martin Garrix.

Në festival nuk do të mungojnë edhe shumë prej emrave shqiptarë, të cilët do të argëtojnë për tre netë rresht publikun shqiptar me këngë të ndryshme.

Ka qenë vet këngëtarja Lipa, e cila së fundmi në llogarinë e saj zyrtare në Instagram, ka promovuar të gjithë emrat që do të jenë pjesë e festivalit.

Në InstaStory, ajo iu ka kushtuar kujdes artistëve Ledri Vula, MC Kresha, Lyrical Son, DJ Gamble dhe Durim Xhema.

Ndërkohë, në fotografitë tjera, ajo gjithashtu promovon emra të tjerë si: Dafina Zeqiri, Albert Stanaj, Action Bronson, Grace Carter, SG Lewis, Col3trane e shumë të tjerë.

Të gjitha informacionet për festivalin Sunny Hill Festival (10, 11, 12 gusht) si dhe biletat me çmime promovuese mund t’i gjeni në web faqen zyrtare: SunnyHillFestival.com (Kliko Këtu) /KultPlus.com



Ledri Vula takohet me reperin French Montana (FOTO)

Reperi i njohur kosovar, Ledri Vula, ka qenë shumë aktiv muajve të fundit në muzikë.

Muajin e kaluar ai solli duetin me Lyrical Son, i cili u prit shumë mirë nga fansat, teksa së fundmi solli një tjetër duet me Elvanen dhe John Shahun, që gjithashtu u prit mirë.

Ledri ka treguar gjithmonë në intervista se muzikën hip-hop e ka pasur në zemër që nga fëmijëria, teksa është frymëzuar gjithnjë nga reperët e famshëm ndërkombëtarë.

Me një nga këta të fundit, Vula ka pasur rastin edhe të takohet së fundmi. Bëhet fjalë për reperin French Montana, me të cilin Ledri është fotografuar në prapaskenën e koncertit më të fundit të Montanas, të mbajtur në Zvicër.

Këtë fotografi, Vula e ka ndarë me ndjekësit e tij në rrjetin social Instagram, duke marrë kështu mijëra pëlqime dhe komente nga ndjekësit e tij të shumtë, shkruan Telegrafi.

Kjo nuk është hera e parë që French Montana takohe me një shqiptar, pasi vitin e kaluar ai ka realizuar një duet me artisten Era Istrefi.
Montana ka qenë gjithashtu pjesëmarrës në klipin “Four Sesons” të Dafina Zeqirit. /KultPlus.com

Elvana, Ledri dhe John Shahu publikojnë bashkëpunimin e shumëpritur (VIDEO)

Elvana Gjata në bashkëpunim me Ledri Vulën dhe John Shahun kanë publikuar këngën e titulluar “Mike”.

Kënga është prodhuar nga Arbre Blass, e për tekstin janë përkujdesur vetë këngëtarët. Për videoklipin e këngës janë përkujdesur Supercut Studio.

Kjo këngë është ndër bashkëpunim më të pritura për këtë verë dhe pritet që të jetë hiti i kësaj vere. / KultPlus.com

Lyrical Son e Ledri bashkojnë forcat për projektin e ri

Dy reperët e njohur kosovarë, Lyrical Son dhe Ledri Vula, të martën do të publikojnë projektin e tyre më të ri.

Lajmi është bërë i ditur nga vetë reperët që publikuan fotografi dhe video nëpër rrjete sociale.

“Princess Diana” titullohet kënga që ka bashkuar reperët./ KultPlus.com
https://www.instagram.com/p/BjnMzvEg1DX/?taken-by=ledrivula

Ledri sjellë këngën e re (VIDEO)

‘TTZ’ është kënga më e re me videoklip e reperit Ledri Vula, shkruan KultPlus.

Ai sot e ka publikuar këtë këngë muzikën e së cilës e ka bërë Big Bang (REDBOX Entertainment), ndërsa teksti është shkruar nga vetë reperi.

Videoklipin e ka punuar Supercut me regji të Besian Durmishit e producente Adea Kelmendi./ KultPlus.com