Yje të shumtë do të performojnë në ndarjen e çmimeve ‘IHeartRadio’

Çmimet e Muzikës iHeartRadio 2022 zbuluan sot listën e saj të mbushur me yje që do të performojnë në datën e ndarjes së çmimeve, përcjell KultPlus.

LL Cool J, Jennifer Lopez, Megan Thee Stallion, Jason Aldean, John Legend, Charlie Puth dhe Måneskin do të dalin në skenën e shfaqjes së çmimeve.

Përveç performancës, Lopez do të nderohet me çmimin prestigjioz iHeartRadio Icon 2022, për të nderuar atë se çfarë ka bërë ndër vite Lopez për kulturën, artin dhe muzikën në përgjithësi.

Lista e plotë e të nominuarve u shpall në janar dhe përfshin Dua Lipën, Justin Bieber, Olivia Rodrigo, Karol G, Drake, Ed Sheeran, Megan Thee Stallion, Bad Bunny dhe shumë të tjerë.

Këtë vit, dëgjuesit do të kenë mundësinë të vendosin fituesit në disa kategori të reja dhe të krijuara.

Votimi social filloi më 27 janar dhe do të mbyllet më 15 mars në orën 23:59 për të gjitha kategoritë.

Çmimet e Muzikës iHeartRadio 2022 do të transmetohen drejtpërdrejt nga Auditorium Shrine në Los Angeles, Kaliforni, të martën, më 22 mars në Fox. Ngjarja mund të dëgjohet gjithashtu në stacionet radiofonike iHeartMedia në mbarë vendin dhe në aplikacionin iHeartRadio. /KultPlus.com

Momentet më të mira në ‘Tony Awards’ të shpalosura nëpër fotografi

Çmimet ‘Tony Awards’ u zhvilluan të dielën në New York. Ceremonia e ndarjes së çmimeve u prezentua nga Audra McDonald në teatrin ‘Winter Garden’, shkruan CNN, transmeton KultPlus.

Disa nga mometet më të mira gjatë shfaqjes janë shpalosur përmes këtyre fotografive që shihen më poshtë:

Jared Grimes dhe Daniel J.Watts duke përformuar në skenë.

Te ‘Tony Awards’ përformuan duetin e tyre Leslie Odom Jr. dhe Nicolette Robinson.

Te kjo fotografi shihen të ftuarit e nderit, Chita Rivera dhe Sir Andrew Lloyd Webber.

John Legend, performoi me kastin e “Ain’t Too Proud”.

David Byrne performoi një këngë nga “American Utopia”.

Mary-Louise Parker, fitoi çmimin si ‘Aktorja më e mirë’ për performancën e saj në: “The Sound Inside”.

Çmimi për aktorin më të mirë iu dorëzua Andrew Burnap, për rolin e tij në “The Inheritance”. / KultPlus.com

Bruce Springsteeni dhe John Legend do të performojnë në inaugurimin e Bidenit

Bruce Springsteen dhe John Legend janë emrat e rinj që kanë hyrë në listën e performuesve në inaugurimin e Joe Biden, president i Shteteve të Bashkuara të Amerikës.

New York Times raporton se këngëtari 71 vjeçar i “The Dancing in Dark” dhe këngëtari i hitit “All Of Me”, 42 vjeçari John Legend do të shoqërojnë grupin muzikor Foo Fighters gjatë ceremonisë që do të zhvillohet më 20 janar.

Në shfaqjen që do të udhëhiqet nga aktori i famshëm Tom Hanks do të marrin pjesë edhe aktoret Eva Longoria dhe Kerry Washington.

Ditë më parë është raportuar se himnin kombëtar në ceremoninë e inaugurimit do ta performoj Lady Gaga.

Ndërkaq artistë të tjerë që do të marrin pjesë në këtë ngjarje janë edhe Jennifer Lopez, Justin Timberlake e Demi Lovato. /Koha / KultPlus.com

John Legend emocionin me performancë kushtuar gruas së tij dhe humbjes së foshnjës së tyre (VIDEO)

Ditë më parë familja e John Legend përjetoi ndër dhimbjet më të mëdha, duke humbur foshnjën e tyre, përcjellë KultPlus.

Ndërkaq, mbrëmë, ai u shfaq për herë të parë në skenë që nga humbja e fmëijës së tretë, me një performancë në ‘Billboard Music Awards 2020’, performancë kjo e cila iu kushtua gruas së tij përmes këngës ‘Never Break’.

Çifti njoftuan humbjen e djalit të tyre të vogël, të cilin ata e kishin quajtur Jack, në fillim të këtij muaji në Instagram me një seri fotografish bardh e zi në spital.

Teigen, 34 vjeçre, u tha fansave se të dy ishin ‘të tronditur’ dhe në ‘dhimbje të madhe’ pasi pësuan abortin.

I veshur tërësisht në të bardha në një piano në Teatrin ‘Dolby’ në Los Angeles, Legend parapriu shfaqjen e tij duke thënë: “Kjo është për Chrissy-n”.

Balada, nga albumi i tij “Bigger Love” i vitit 2020, përfshin tekstin e këngës: “Unë nuk jam i shqetësuar për ne dhe nuk kam qenë kurrë. Ne e dimë se si përfundon historia. Ne kurrë nuk do të ndahemi”. / Kultplus.com

John Legend së shpejti publikon albumin e parë të krishtlindjeve

John Legend pritet që më 26 tetor të publikojë albumin e parë të tij festiv, “A Legendary Christmas, albumi ka për producent ekzekutiv Raphael Sadiq si dhe ka bashkëpunime me Esperanza Spalding e Stevie Wonder, që i bie harmonikës në “What Christmas Means to Me”.

Albumi do të shoqërohet edhe me turneun “A Legendary Christmas Tour”, i cili do të mbahet në SHBA, duke nisur prej 15 nëntorit deri më 30 dhjetor.

Këngët festive të krishtlindjes të zgjedhura nga Legend janë: “What Christmas Means to Me” (në bashkëpunim me Stevie Wonder për harmonikën), “Silver Bells”, “Have Yourself a Merry Little Christmas” (bashkëpunim me Esperanza Spalding), “No Place Like Home”, “Bring Me Love”, “Merry Christmas Baby / Give Love on Christmas Day”, “Christmas Time Is Here”, “Waiting for Christmas”, “Purple Snowflakes”, “The Christmas Song” (Chestnuts Roasting On An Open Fire), “Please Come Home for Christmas”, “Wrap Me Up in Your Love”, “By Christmas Eve”, “Merry Merry Christmas”./KultPlus.com

John Legend hyn në histori, rrëmben çmimin “EGOT”

John Legend ka hyr në histori duke u bërë njeriu i parë me ngjyrë që ka marrë çmimin ‘EGOT’ në Emmy.

Çmimi “EGOT” qëndron për katër çmime të mëdha: Emmy, Grammy, Oscar dhe Tony, gjersa këngëtari është personi i 15-të në histori që arrin këtë sukses.

Gjithashtu edhe Lord Andrew Lloyd Webber dhe Sir Tim Rice morën statusin ‘EGOT’. Legend është personi më i vogël që iu është bashkuar grupit, shkruan atsh.

Kompozitori amerikan Robert Lopez gjithashtu mori statusin EGOT, disa javë pas 39 vjetorit të lindjes së tij në mars 2014.

Ndërsa John mbush 40 vjeç në dhjetor, që do të thotë se Lopez ende mban ende titullin si fituesi më i vogël i ‘EGOT’./KultPlus.com