Kolegji AAB i ndan Çmimin Ndërkombëtar për Demokraci dhe Integrime, politikanes së njohur gjermane, ish deputete në Parlamentin Evropian, Doris Pack.
Ky çmim ndërkombëtar i Kolegjit AAB, i ndahet zonjës Doris Pack për angazhimin e saj në njohjen ndërkombëtare dhe mbështetjen në procesin e transformimit demokratik të Kosovës.
Ceremonia e ndarjes së çmimit, do të zhvillohet të enjten, më 01 dhjetor 2022, nga ora 15:00, në Teatrin AAB “Faruk Begolli”. / KultPlus.com
Nesër do të mbahet konferenca e 13-të vjetore e Shkencave Mjeko-Ligjore, e cila mbahet në bashkëorganizim me Akademinë Ballkanike të Shkencave Mjeko-Ligjore dhe Kolegjin AAB, përcjell KultPlus.
Konferenca do të mbahet të enjten, më 27 tetor 2022, nga ora 10.00, në Teatrin “Faruk Begolli” të Kolegjit AAB. / KultPlus.com
Kolegji AAB, në bashkëpunim me partnerët implementues të projektit “Hapësirat Mësimore në Arsimin e Lartë” ka organizuar Konferencën Rajonale të financuar nga fondet e programit Erasmus Plus të Komisionit Evropian.
Konferenca do të mbahet të premten me 21 tetor, nga ora 09:00, ndërsa do të trajtojë çështjen e ‘’Hapësirës mësimore në arsim’’, një temë që nuk është trajtuar më herët në vendin tonë.
Krahas konferencës do të zhvillohet edhe një simpozium i veçantë që do të trajtojë aspektin e hapësirave në arsim me fokus në arsimin e lartë.
Në konferencë do të marrin pjesë dhjetëra të ftuar nga shtetet evropiane dhe rajoni, ndërsa në mesin e folësve kryesorë të kësaj konference do të jenë emra të njohur të shkencës si:
– Pablo Campos Salvo-Sotelo nga Universiteti Politeknik i Madridit, Spanjë;
– Prof.dr. Theodore Leiber nga EA Baden-Wurttemberg, Gjermani;
– Dr. James Williams nga Birmingham City University, Britani e Madhe;
– Maria João Pires da Rosa, University of Coimbra, Portugali,
– Prof.dr. Bardhyl Musai nga Universiteti i Tiranës, Shqipëri, etj… / KultPlus.com
Kryetarja e Kuvendit të Kosovës, Vjosa Osmani, ka mbajtur sot një ligjëratë në temën “Parlamentarizmi dhe sfidat aktuale”, për studentët e AAB-së ku foli për çështje të rëndësishme me të cilat ballafaqohet organi më i lartë përfaqësues dhe ligjvënës i Republikës së Kosovës.
Sipas Osmanit, në vitet e 90-ta, Kuvendi i Kosovës i cili doli nga zgjedhjet e sistemit paralel, të ndërtuar nga Presidenti Ibrahim Rugova, nuk ishte vetëm organ ku diskutoheshin vetëm idetë siç ndodh sot. Parlamenti në atë kohë më shumë ishte rezistencë ndaj pushtuesit, ishte rezistencë ndaj Serbisë, ishte rezistencë ndaj një regjimi gjenocidal, tha Osmani derisa theksoi se në ditët e sotme qytetarët e kanë humbur besimin në Kuvendin e Kosovës, për disa arsye.
“Për shkak se pikërisht që për vite të tëra Parlamenti i Kosovës është konsideruar vetëm si vulë që vulosë vendime të qeverisë, shumë prej qytetarëve e kanë humbur besimin në të. Sepse nuk e kanë parë si një vend ku bëhet kontrolli, ku bëhet mbikëqyrja, pra ku shërben si një lloj filtri si një lloj kontrolluesi në qoftë se ato vendime janë të mira apo jo. Pra kjo është një ndër sfidat që na kanë përcjellë ndër vite dhe është një prej çështjeve që përmendet në shumicën dërmuese të raporteve të Komisionit Evropian.” – shtoi mes tjerash, Osmani.
Sipas Osmanit një parlament i fuqishëm duhet ta ketë pavarësinë buxhetore, dhe se Qeveria nuk mundet t’ ia caktojë buxhetin parlamentit, e ky sipas saj është presion buxhetor.
Kryeparlamentarja tha se ka pasur tendenca që Kuvendi të mos përzihet në çështjen e pandemisë, ku për katër muaj janë bllokuar iniciativa ligjore të inicuara nga ajo dhe deputetë të tjerë. “Sfida më emergjente është pandemia. Siç e dini ka pasur tendenca të thuhet se Kuvendi nuk ka fare kompetenca të përzihet tek çështja e pandemisë, dhe për katër muaj është bllokuar një iniciativë ligjore që e patëm iniciuar, unë si kryetare me disa deputetë tjerë”- ka thënë mes tjerash kryetarja e Kuvendit të Kosovës.
Kryetarja Osmani ka folur edhe për zhvillimet aktuale politike, ku theksoi se dialogu Kosovë – Serbi është një tjetër temë që po ia harxhon energjinë institucioneve të Kosovës.
Ndërsa, krijimin e Asociacionit të komunave me shumicë serbe, Osmani e sheh si një vendim të rrezikshëm për vendin: “Sa i përket Asociacionit të Komunave Serbe mendoj që është një prej vendimeve më të rrezikshme që është marrë nga institucionet e Kosovës. Një autonomi për serbët në Veri, është vetëm një paralajmërim i ndarjes së mëvonshme, nuk është një ide më e mirë se ndarja. Është po aq e rrezikshme, thjesht e shtynë për më vonë.” – tha kryetarja e Kuvendit, Vjosa Osmani.
Në ligjëratën e sotme, e cila u përcoll edhe me një seancë diskutimesh me studentë, kryetarja Osmani ka bërë të ditur se Kuvendi i Kosovës ka filluar punën për një Rregullore të re të Kuvendit./ KultPlus.com
Krahas kurseve përgatitore për Testin e Maturës Kombëtare, të cilat po mbahen online që nga fillimi i muajit maj, Kolegji AAB sot ka lansuar edhe një platformë testuese për maturantët.
Kjo platformë përmes testeve online nga lëndët kryesore, ka për qëllim që t’ u shërbejë maturantëve të përgatiten sa më mirë për testimin që pritet të mbahet në muajin qershor. Maturantët kanë mundësinë që të sprovojnë veten duke u bazuar në modelet e testeve të mëhershme në lëndët kryesore që do t’ u nënshtrohen në provim.
Platforma është e thjeshtë për t’ u përdorur dhe mundëson qasje nga secila pajisje (telefon, ipad, kompjuter).
Përveç kësaj duke pasur parasysh trendet e përdorimit të rrjeteve sociale nga të rinjtë, në platformë maturantët mund të qasen direkt përmes profilit të tij/saj në facebook, duke klikuar në linkun: https://graduate.aab-edu.net/
Kolegji AAB është insittucioni i parë i cili ka filluar që më shumë se një dekadë ta japë kontributin e tij në përgatitjen e maturantëve për testin e maturës. Përmes Shkollës Përgatitore të Testit të Maturës të organizuar nga Kolegji AAB, dhjetëra mijëra maturantë nga të gjitha komunat e Kosovës, kanë ndjekur këtë program që ka ndikuar në rezultatin pozitiv të tyre.
E rëndësishme është që të gjitha këto kurse përgatitore, ofrohen falas për të gjithë përdoruesit duke ndihmuar ata edhe në orientimin e tyre në karrierë.
Platforma për testimin e njohurive për maturante e-MaturaAAB pritet të jetë edhe një ndihmesë e madhe për maturantët, andaj përdoreni dhe përfitoni nga ajo.
(Shkrim i sponsorisuar nga AAB) /KultPlus.com
Mijëra maturantë nga e gjithë Kosova, edhe sivjet e nisën rrugëtimin e tyre në Shkollën Përgatitore të Testit të Maturës të organizuar nga Kolegji AAB, që ka për qëllim përgatitjen e tyre sa më të mirë për Testin Kombëtar të Maturës, që pritet të mbahet gjatë muajit qershor.
Ndonëse, për herë të parë online, situata e krijuar nga pandemia globale COVID-19, nuk e ka penguar Kolegjin AAB që të zhvillojë këtë projekt i cili padiskutueshëm ka qenë një nga programet më të rëndësishme për maturantë, tash e 12 vjet. Janë dhjetëra mijëra maturantë që përgjatë këtyre viteve kanë ndjekur Shkollën Përgatitore të Testit të Maturës, dhe padyshim pjesëmarrja e tyre ka rezultuar me sukses domethënës në Testin Kombëtar.
Kolegji AAB ishte i pari që arriti të lansojë ligjëratat nga distanca për studentët e tij gjatë periudhës së vetizolimit, të zhvillojë suksesshëm afatin e provimeve të prillit nga distanca, përmes platformave origjinale të dizajnuara nga shërbimet digjitale të saj, dhe tani është i pari institucion që suksesshëm e nisi edhe një projekt tjetër për studentët e ardhshëm.
Në hapje të programit të sivjetmë të Shkollës Përgatitore për Testin e Maturës, mësimdhënësit e angazhuar në këtë projekt, të përzgjedhur nga më të mirët e shkollave të mesme të Kosovës, njoftuan maturantët me programin që do të realizohet gjatë periudhës së zhvillimit të kurseve përgatitore.
Do theksuar se Kolegji AAB për zhvillimin e kurseve përgatitore, ka arritur të krijojë edhe komunitetin më të madh të maturantëve online ku mijëra maturantë nga i gjithë vendi, do të vijojnë këtë program përgatitor.
Kurset ofrohen falas, ndërsa edhe maturantët të cilët mund të kenë qenë të painformuar deri tani, mund të bëhen pjesë e grupit.
Risia tjetër që sjell Kolegji AAB për maturantët e gjeneratës 2019/20, është se krahas Shkollës Përgatitore për Testin e Maturës, gjatë javës do të lansojë edhe platformën për testimin e njohurive të arritura, ku secili maturant do të ketë mundësinë të sprovojë veten dhe të fokusohet në temat të cilat ka nevojë t’ i zotërojë më mirë.
(Shkrim i sponsorisuar nga AAB)
Studentët e Kolegjit AAB dhe të Universitetit të Tiranës, sot duke filluar nga ora 14:00, do të mbajnë konferencën e parë online me temë “Komunikimi në kohën e pandemisë Covid-19”.
Në konferencë marrin pjesë kryesisht studentë të masterit të drejtimit të gazetarisë, komunikimeve dhe marrëdhënieve publike. Studentët do të prezantojnë rezultatet nga hulumtimet e tyre disajavore për specifikat e komunikimeve në jetën e përditshme të izolimit global, specifikat e punës së gazetarëve në kohë pandemie në Kosovë e Shqipëri, për komunikimin dhe diskursin politik në kohë karantinimi, fake news në kohën Covid-19, për transformimin e komunikimit sot etj.
Në këtë konferencë online, e cila është e para e këtij lloji në mjediset shqiptare për nga forma, përmbajtja dhe rrethanat e organizimit, do të prezantohen 22 hulumtime nga studentët e Kolegjit AAB dhe nga ata të Universitetit të Tiranës. Gjithashtu, do të zhvillohet një debat për prezantimet e tyre si dhe do të grumbullohen rekomandimet të cilat kanë dalë nga hulumtimet e realizuara të studentëve. / KultPlus.com
Qendrim Badalli
Në sallën “Faruk Begolli” në Kolegjin AAB janë dhënë të gjitha detajet e fillimit të “Prishtina International Theater Festival” – PITF, i vetmi në Kosovë me karakter ndërkombëtar. Sivjet do të mbahet edicioni i tretë i këtij festivali teksa pritet të jepen shfaqje të ndryshme artistike, shkruan KultPlus.
“Shumë Zhurmë për Asgjë”, Truth or Dare”, “The Actor Human”, “Bretkosa”, “Moskow Selim” si dhe “Volis Li Me”, do të jenë shfaqjet që do të jepen përgjatë një jave në sallat artistike të Kolegjit AAB.
Ilir Tafa, drejtori i përgjithshëm i festivalit, ka treguar se cilat vende të rajonit do të jenë pjesëmarrëse në këtë Festival.
“Ky festival nuk do të dallojë shumë nga festivalet tjera për arsye se do të kemi shfaqje nga rajoni: Kroacia, Greqia, Maqedonia, Bullgari”.
Ai tutje ka thënë se ky festival ka karakter garuese dhe se do të ndahen disa çmime.
“Pasi që ky festival do të jetë garuese, ne do t’i përzgjedhim shfaqjen më të mirë, regjinë më të mirë, si dhe aktorja dhe aktori më i mirë përmes një jurie profesionale”.
Në fund, Tafa ka falënderuar edhe Ministrinë e Kulturës si njëri nga sponzorizuesit e këtij festivali.
“Më duhet ta falënderoj edhe Ministrinë e Kulturës, e cila na ka ndihmuar në organizimin e këtij Festivali”.
Drejtoresha artistike e këtij festivali – Burbuqe Berisha, fillimisht ka vlerësuar pjesëmarrjen e madhe mediale.
“Faleminderit që keni ardh në këtë numër kaq të madh sepse e dimë se sa është e rëndësishme që mediat të përkrahin dhe përcjellin një ngjarje kaq të rëndësishme siç është Festivali i Teatrit, i cili është i vetmi në Kosovë me karakter ndërkombëtar”.
Tutje, Berisha, ka vlerësuar infrastrukturën e Kolegjit AAB për karakterin e këtij festivali teatral.
“Do të fillojmë me shfaqjen tonë dhe si nikoqir kemi vendosur që të fillojmë me shfaqjen që është prodhuar në Teatrin Kamertal, diçka që është e rëndësishme të ceket është se në Universitetin AAB me plotë besim e them se është infrastruktura më e mirë sa i takon Teatrit”.
Festivali i Teatrit që do të mbahet në Kolegjin AAB fillon sonte në orën 19:00 me një hapje solemne dhe do të zgjas deri më datë 9 nëntor. Për vlerësimin e shfaqjeve do të ketë një juri gjithëpërfshirëse, njëra do të jetë profesionale, tjetra studentore dhe një mediale. / KultPlus.com
Në një ceremoni solemne në Kolegjin AAB sot nisi i vetmi festival i studentëve në vendin tonë, “Prishtina Arts and Architecture Festival”, ku të pranishëm ishin dashamirës të artit, studentë e fytyra eminente të fushës së kulturës në Kosovë. Festivali PAAF 2019 këtë vit numëron edicionin e tij të dytë dhe do të zgjasë tre ditë, transmeton KultPlus.
Hapjen e festivalit PAAF 2019, e bëri rektori i Kolegjit AAB, prof.dr. Lulzim Tafa i cili mes tjerash tha se Kolegji AAB është vendi ku më së shumti ndodhin aktivitetet kulturore. Ai tutje shtoi se AAB, përveç se është qendra kryesore e arsimit të lartë, tashmë është bërë qendra kryesore edhe e kulturës.
“Ky festival është një mundësi shumë e mirë që edhe mysafirët e huaj që vinë, të njihen më shumë me vendin tonë. Mundësitë nuk vinë, ato i krijojmë – Kolegji AAB e ka krijuar këtë mundësi që nga themelimi. Fakulteti i Arteve dhe ai i Arkitekturës ka krijuar këtë mundësi dhe në fillim kur ka filluar AAB-ja objektivat tona kanë qenë që Kolegji AAB të mos jetë vetëm qendra kryesore e arsimit në vend por të jetë edhe qendra kryesore e kulturës në vend, dhe, po ia kemi dalë. AAB sot është vendi ku më së shumti ka aktivitete kulturore”, tha rektori Tafa.
Ndërsa, Drejtori i Bordit të Festivalit PAAF2019, Prof. Shyqri Nimani, tha se ideja që të krijosh gjëra atraktive dhe produktive e që përfaqësojnë interaktivitetin e profesorëve dhe të studentëve është edhe qëllimi i festivalit. Ai gjithashtu tha se puna e studentëve që do të promovohet gjatë festivalit, vlen të shihen edhe nga audienca ndërkombëtare.
“Ky festival ka një spektër të gjerë të disiplinave të Arteve Figurative, Muzikore pastaj Dramatike dhe kjo është jashtëzakonisht atraktive jo vetëm për studentët por edhe për publikun që njoftohet me to. Ky festival ka për qëllim të prezantojë një arritje multidiciplinare. Përzgjedhja është bërë shumë e mirë dhe ju premtoj që kohën që do ta kaloni gjatë këtij festivali do të jetë tejet atraktive për ju dhe miqtë tuaj”, tha Nimani.
Dita e parë e festivalit PAAF 2019 vazhdoi me ekspozitën Kolektive të studentëve të Fakultetit të Arteve, ku u prezantuan qindra punime të studentëve të cilat në vete përmbajnë mesazhe të ndryshme.
“Prishtina Arts and Architecture Festival” do të vazhdojë të mbahet edhe për dy ditë të tjera në hapësirat e Kolegjit AAB (22-24 maj 2019), dhe për shikuesit do të ofrojë edhe një varg aktivitetesh të tjera e punëtorish artistike.
Për të mësuar më shumë rreth programit të PAAF 2019 klikoni linkun zyrtar të festivalit: https://paaf.aab-edu.net/ KultPlus.com
Kolegji AAB në bashkëpunim me Këshilli për Mbrojtjen e të Drejtave dhe Lirive të Njeriut (KMDLNj), me rastin e 10 Dhjetorit, Ditës Ndërkombëtare të të Drejtave të Njeriut, organizojnë tryezë kushtuar Adem Demaçit, fituesi i Çmimit Saharov, dhe i çmimeve të tjera ndërkombëtare për të drejtat e njeriut.
Tryeza do të mbahet të hënën, më 10 dhjetor 2018, në orën 14.00, në Qendrën Mediale të Kolegjit AAB, në Prishtinë. Tryeza është e hapur për të gjithë të interesuarit.
Agjenda e aktivitetit:
Moderator: prof. dr. Veton Vula
14:00 – 14:15 – Prof. dr. Luzlim Tafa, rektor i Kolegjit AAB
14:30 – 14:30 – Hilmi Jashari, Avokati i Popullit
14:30 – 14:45 – Prof. dr. Hajredin Kuqi
14:45 – 15:00 – Prof. dr. Agim Vinca
15:00- 15:30 – Behxhet Shala, Drejtori Ekzekutiv i KMDLNj
15: 30- 16: 00 – Diskutim/KultPlus.com
Në kuadër të Festivalit Ndërkombëtar të Teatrove “Prishtina International Theater Festival”, PITF 2017, që po mbahet në Teatrin AAB “Faruk Begolli”, sot do të luhen dy shfaqje, përcjellë KultPlus.
Në programin garues të festivalit, nga ora 17.00 jepet shfaqja “Shërbëtoret”, produksion i Teatrit Kombëtar të Bullgarisë.
Nga ora 20.00 në programin mysafir të shfaqjes do të luhet shfaqja “Shenjëtorja e errësirës”, një biografi teatrale kushtuar jetës dhe veprës së shenjtores shqiptare, Nënë Terezës.
Shfaqja mysafire “Shenjëtorja e errësirës” është luajtur qindra herë në teatrot e Kroacisë e Bosnjë e Hercegovinës, ndërsa sonte sjell emocione të veçanta për publikun kosovar.
Në shfaqje luajnë: Kostadinka Velkovska, Ilir Tafa, Velimir Cokljat, Ljiljana Cokljat dhe Mia Krajcar. Regjinë e shfaqjes e ka bërë regjisorja kroate Ivana Perozh.
Të gjithë të interesuarit mund të rezervojnë biletat duke kontaktuar në numrin 045197106, apo direkt në Teatrin AAB “Faruk Begolli”, në Kolegjin AAB në Prishtinë./ KultPlus.com