Etiketë: London

Kabinat e famshme telefonike do të mbrohen nga mbyllja

Posted on by Kult Plus

Mijëra kabina telefonike në mbarë Mbretërinë e Bashkuar do të mbrohen nga mbyllja, sipas BBC.

‘Ofcom’, rregullatori i telekomunikacionit në Mbretërinë e Bashkuar, tha se do të ndalojë  mbylljen e 5 000 kabinave telefonike në zona me sinjale të dobëta celulare ose shkallë të lartë aksidentesh, nëse ato janë ende të nevojshme nga komunitetet lokale.

Vitet e fundit këto kabina kanë dalë jashtë funksionit.

Por, aktualisht, një kabinë telefonike do të ruhet nëse:

  • ndodhet në një pikë të nxehtë aksidenti ose vetëvrasjeje
  • në shumë se 52 telefonata janë bërë prej saj gjatë 12 muajve të fundit
  • rrethanat e jashtëzakonshme nënkuptojnë se ka nevojë për një të tillë
  • vendndodhja nuk mbulohet tashmë nga të katër rrjetet celulare

Selina Chadha, drejtoreshë në ‘Ofcom’ thotë se “disa prej tyre do të përdoren për të kryer një numër relativisht të ulët telefonatash. Por, nëse një nga ato telefonata është nga një fëmijë i shqetësuar, një viktimë aksidenti ose dikush që mendon për vetëvrasje, ajo linjë telefonike publike mund të jetë një mjet shpëtimi në një kohë nevoje të madhe”. / KultPlus.com

Një vizatim i një ariu nga Leonardo da Vinçi pritet të arrijë deri në 12 milionë dollarë në ankand

Posted on by Kult Plus

Vizatimi, i titulluar “Head of a Bear” (Koka e një ariu) do të shitet në Londër nga shtëpia e ankandeve Christie’s. Vizatimi do të shfaqet në New York dhe Hong Kong përpara se të dalë në ankad dhe pritet të arrijë shifrën 12 milionë dollarë, sipas shtëpisë së ankandit, shkruan BBC, transmeton KultPlus.

“Koka e një ariu” ka përmasa 7 cm me 7 cm dhe është vizatuar në një letër të zbehtë rozë në bezhë. Më parë është shfaqur në muze duke përfshirë Galerinë Kombëtare në Londër, ku u shfaq në vitin 2011 dhe vitin 2012 si pjesë e një ekspozite për Da Vinçin.

Sot, shitja mund të tejkalojë rekordin e mëparshëm të vendosur për një vizatim nga artisti.

Vizatimi daton nga vitet 1480 dhe kjo vepër e artit është pjesë e një koleksioni të vizatimeve të kafshëve në shkallë të vogël të artistit.

Ben Hall, kryetari i vjetër i pikturave në Christie’s New York, e përshkroi vizatimin si “një nga veprat më të rëndësishme nga Rilindja”. Ai tha: “Vepra është zotëruar nga disa prej koleksionistëve më të dalluar në fushën e mjeshtrave të vjetër përgjatë shumë shekujve, jo vetëm nga pronari aktual i cili e ka në pronësi që nga viti 2008.”

Kurse, Laetitia Masson, një eksperte në vizatimet e vjetra master në Christie’s, tha se argjendi është një “teknikë shumë e vështirë, sepse nuk pranon asnjë gabim”.

Ka shumë aftësi në metodë pasi vizatimi arrihet me një shkop argjendi që aplikohet në një letër të përgatitur posaçërisht për të lënë shenja dhe vija.

Ajo shtoi që da Vinci ishte “magjepsur nga natyra dhe kafshët në përgjithësi”.

Piktori dhe koleksionisti britanik Sir Thomas Lawrence më parë zotëronte pjesën e veçantë. / KultPlus.com

Filmi ‘Kësulat’ më 4 nëntor premierë në Londër

Posted on by KultPlus

“Kësulat”, filmi i cili vjen nën regjinë e Alan M.Trow, pasqyrohet jeta e dy familjeve, shqiptare dhe asaj serbe, të cilat njihen prej kohësh dhe kanë fqinjësi të denjë, në një fshat Kosove. Lufta e vitit 1999 bëhet shkas i ndarjes së tyre, shkruan KultPlus.

Producenti i filmit Blerim Kaciu ka treguar se ky film është realizuar në Kosovë, në komunën e Podujevës, në fshatrat Pollog dhe Dumnicë kurse postproduksioni është bërë në Angli me bashkëpunim mes ekipit shqiptar dhe atij anglez.

Skenaristi Jimi Tihofsi ka treguar se zanafilla e projektit daton rreth 14 vite më parë, por projekti nuk ka arritur të realizohet deri tash për shkak të mungesës së fondeve, të cilat ishin refuzuar dy herë nga Qendra Kinematografike e Kosovës.

Kasta e aktorëve përbëhet nga Selman Jusufi, Bislim Muçaj, Meli Qena, May-Linda Kosumoviç, Ismail Kasumi, Fatime Sefaj, Labinot Raçi. Edhe skenaristi Tihovsi ka një rol.

Ngjarja zhvillohet në një fshat të Kosovës, afër kufirit me Serbinë

Premiera në Londër vjen më datë 4 nëntor në Princesse Ann Cinema, at BAFTA, 195 Piccadilly, London, Ora: 19:30. Ndërsa këtë të shtunë, “Kësulat” vjen premierë në Kinemanë ABC duke filluar nga ora 20:00 dhe do të vazhdojë të shfaqet për një javë rresht në repertorin e rregullt të Kinemasë ABC, çdo ditë në ora 20:00. / KultPlus.com