Etiketë: Portreti

Portreti i urryer për Churchill-in del në ankand

Posted on by Kult Plus

Shtëpia e ankandeve “Sotheby’s” ka nxjerr në shitje portretin e ish-kryeministrit të Britanisë së Madhe, Winston Churchill, pikturuar nga një prej artistëve kryesorë britanikë, Graham Sutherland. Skica e mbijetuar pritet të arrijë 996,000 dollarë në ankandin e 6 qershorit.

Skica e portretit të urryer të kryeministrit britanik Winston Churchill i piktorit Graham Sutherland, ka dalë në ankand.

Vepra, pritet të shitet mes 622,000 dhe 996,000 dollarë.

Në muajin shkurt dhëmbët e rremë të tij u shitën në ankand në Cheltenham për rreth 22,000 dollarë.

Ky portret u rikthye në qendër të vëmendjes, pasi u përjetësua në serialin e Netflix “The Crown”, për monarkinë angleze.

“Kjo nuk është një pikturë, është një poshtërim!”- do të deklaronte Winston Churchill, që urdhëroi shkatërrimin e saj vetëm një vit pas realizimit nga Sutherland.

Prestigjiozja “CNN” i ka kushtuar një artikull të gjatë nxjerrjes në ankand të pikturës së risjellë në episodin e parë të “The Crown”.

Përfaqësuesi për artin modern britanik dhe irlandez në shtëpinë e ankandeve “Sotheby’s” Andre Zlatinger tha se Churchill nuk ishte një person i lehtë për t’u pikturuar.

Ndërsa Sutherland ishte i njohur për realizmin e tij të ashpër dhe pikturoi atë që pa në 1954. /Konica.al/KultPlus.com

Portreti i urryer për Churchill-in del në ankand

Posted on by Kult Plus

Shtëpia e ankandeve “Sotheby’s” ka nxjerr në shitje portretin e ish-kryeministrit të Britanisë së Madhe, Ëinston Churchill, pikturuar nga një prej artistëve kryesorë britanikë, Graham Sutherland. Skica e mbijetuar pritet të arrijë 996,000 dollarë në ankandin e 6 qershorit.

Skica e portretit të urryer të kryeministrit britanik Winston Churchill i piktorit Graham Sutherland, ka dalë në ankand.

Vepra, pritet të shitet mes 622,000 dhe 996,000 dollarë.

Në muajin shkurt dhëmbët e rremë të tij u shitën në ankand në Cheltenham për rreth 22,000 dollarë.

Ky portret u rikthye në qendër të vëmendjes, pasi u përjetësua në serialin e Netflix “The Crown”, për monarkinë angleze.

“Kjo nuk është një pikturë, është një poshtërim!”- do të deklaronte Winston Churchill, që urdhëroi shkatërrimin e saj vetëm një vit pas realizimit nga Sutherland.

Prestigjiozja “CNN” i ka kushtuar një artikull të gjatë nxjerrjes në ankand të pikturës së risjellë në episodin e parë të “The Crown”.

Përfaqësuesi për artin modern britanik dhe irlandez në shtëpinë e ankandeve “Sotheby’s” Andre Zlatinger tha se Churchill nuk ishte një person i lehtë për t’u pikturuar.

Ndërsa Sutherland ishte i njohur për realizmin e tij të ashpër dhe pikturoi atë që pa në 1954./ora/KultPlus.com

‘Gjithçka të shumtë ai e pati, të vetme kish veç Shqipërinë’

Posted on by Kult Plus

Poezi nga Ismail Kadare

Portreti i Skënderbeut

Si ditë e plotë ai shtjellej
Me re dhe erë përmbi atdhe.
Një emër Gjergj e kish si diellin
Tjetrin si hënën, Skënderbe.

Dy brirë dhie kish mbi krye
Emblemë e vjetër e çuditeshme
Sikur ta dinte që mes brirëve
Dy perandorë do të godiste.

Njëzet e katër luftëra bëri
Njëzet e katër vdekje theu
Çka mangut linte ditën Gjergji
Plotësonte natën Skënderbeu.

Pas vdekjes eshtrat iu ndanë
Në mijëra varre ata u shtrinë
Gjithçka të shumtë ai e pati
Të vetme kish veç Shqipërinë./KultPlus.com

Portreti Mai shpëtohet nga shitja private falë fondeve të ShBA-së dhe MB

Posted on by Kult Plus

Portreti i Mai (Omai) i Joshua Reynolds është shpëtuar nga shitja private falë parave të mbledhura nga Galeria Kombëtare e Portreteve dhe Getty në SHBA.

Galeria Kombëtare e Portreteve ka mbledhur 25 milionë funte, të cilat janë krahasuar me të njëjtën shumë nga Getty.

Piktura u ble në ankand nga një koleksionist privat në vitin 2001, i cili e ofroi për shitje për 50 milionë funte.

Tani do të ndahet midis galerive në MB dhe SHBA nën pronësi të përbashkët.

Portreti i Mai (Omai) konsiderohet gjerësisht si portreti më i mirë nga një prej artistëve më të mëdhenj britanikë.

Qeveria e Mbretërisë së Bashkuar kishte vendosur një ndalim eksporti për shitjen për të parandaluar shitjen e tij jashtë vendit.

Dr Nicholas Cullinan, drejtor i Galerisë Kombëtare të Portreteve, tha: “Portreti madhështor i Mai i Reynolds është deri tani blerja më domethënëse që ka bërë ndonjëherë Galeria Kombëtare e Portreteve dhe blerja më e madhe që ka bërë ndonjëherë Mbretëria e Bashkuar, së bashku me Titianët e fituar. nga Galeria Kombëtare dhe Galeritë Kombëtare të Skocisë në 2009 dhe 2012.”/bbbc/ KultPlus.com

Artisti italian krijon me traktor portretin e Pikasos në arë 

Posted on by Kult Plus

Artisti italian Dario Gambarin ka përdorur një traktor për të krijuar një portret të Pablo Pikasos në djerrinë në Castagnaro, Verona.

Gambarin tha se ishte frymëzuar nga autoportreti i Picasso-s i vitit 1907 për të krijuar atë që ai thotë se është portreti më i madh i artistit spanjoll në botë.

Picasso vdiq më 8 prill 1973, në Mougins, Francë./klan/KultPlus.com

https://www.bbc.com/news/av/world-europe-65223575?fbclid=IwAR0KcMeqglsYpNguOiRkY-ClV1uI9AFbUl536s-XKPgDFxl3Pd_yjnhCLJY

Artisti që shpenzon qindra orë për të sjellë portrete që duken si fotografi

Posted on by Kult Plus

Në shikim të parë, punimet e Emanuele Dascanios duken sikur të ishin fotografi. Mirëpo, ky mendim ndërron sapo sheh artistin italian që merr lapsin në dorë dhe nis të vizatojë, duke shfaqur kështu aftësitë e tij të jashtëzakonshme artistike.

Portretet që ai realizon, disa prej të cilave i kanë marrë kohë deri në 780 orë për t’i përfunduar, përmbajnë një kombinim të grafitit dhe qymyrit, për të sjellë kështu kompozime hiperrealiste, përcjell KultPlus.

Dascanios shquhet për portretizim aq të detajuar sa që nuk harron të paraqesë çdo fije të flokut e çdo rrudhë, duke të dhënë përshtypjen se pamja është shkrepur nga aparati fotografik, shkruan My Modern Met.

Edhe pse puna e Dascanios është bashkëkohore, ajo përmban edhe elemente klasike. Subjektet që portretizohen nga dora e tij, ngjajnë me pikturat e Caravaggio, artistit të njohur të shekullit të 16-të.

Piktori italian Gianluca Corona, i ka mësuar atij teknikat e vajit të mjeshtrave të vjetër që punonin gjatë Rilindjes. Që atëherë Dascanio i ka përkthyer këto aftësi në vepra monokromatike që padyshim mashtrojnë syrin me saktësinë e tyre ekstreme. / KultPlus.com

Portreti i Agim Ramadanit zyrtarisht pjesë e librit të rekordeve Guinness

Posted on by Kult Plus

Portreti i Agim Ramadanit, sot zyrtarisht është bërë pjesë e librit të rekordeve Guiness,

Konfirmimi u pranua nga nipi i Agim Ramadanit, prej Guinness World Records – Global Headquarters, Londër, Britani e Madhe, përcjellë KultPlus.

Ndërkaq, lajmin e bëri të ditur gruaja e Agim Ramadanit, përmes një postimi në rrjetin social Facebook, ku shprehet krenare se tashmë Agimi është pjesë e këtij libri.

Kjo vepër është realizuar nga artisti Besart Gashi, nën përkushtimin e nën monitorimin e profesorëve dhe mediumeve.

“Portreti, tanimë pjesë e librit famëlartë është realizuar me 3 Milion e 138 mijë e 305 kapëse metali dhe këta numra jo rastësisht të tillë.
138 – Brigada “Agim Ramadani” dhe
305 – 3 Maj data e lindjes dhe muaji 05 maji qe solli Agimin në jetën që jetoi kaq shkurtë dhe kaq me intezitet!

Më poshtë mund të lexoni statusin e plotë të Shukrije Ramadanit. / KultPlus.com

https://www.facebook.com/familjae.ramadanit/posts/3453653168034296

Portreti me histori të jashtëzakonshme, fitues i çmimit Kennedy 2019

Posted on by KultPlus

Kur ishte vetëm 20 vjeç, Ken Atherton, u burgos për dy vjet vetëm sepse ishte homoseksual, pastaj si 16 vjeç atij i kishte vdekur vëllai i tij binjak. Nëna e tij e cila nuk ishte në gjendje ta trajtonte të birin e saj, kreu vetëvrasje duke pirë acid karbolik. Kështu e ka treguar historinë e “Toosie”, personazhit të saj që vendosi ta shëndrronte në portret.

Artistja tha se ishte tërhequr shumë nga historia e Tootsie shumë shpesh gjatë karrierës së saj për shkak të historisë së tij të jashtëzkonshme, e cila “meritonte të tregohej”.

Tani, ky portret ka fituar çmimin Kennedy 2019. Konkursi kombëtar i artit pamor tërheq disa nga artistët më të mirë vizualë të Australisë, me fituesin 25,000 dollarë, shkruan AbcNews, transmeton KultPlus.com

“Më vonë në jetën e tij, në vitet ’60, ai filloi të vishej dhe të performonte rreth qarkut pijetor në Melburn duke u bërë mjaft i njohur në atë skenë. Ai ishte i njohur si “Just an old Drag Queen”. Hisotria e një njeriu që humbë aq shumë dhe që megjithatë gjen forcën të vallëzojë, ishte arsyeja që e shtyri artistien ta portretizonte atë. /KultPlus.com

Muzeu i Dickens blen portretin e humbur 133 vjet pasi u zhduk

Posted on by Kult Plus

Portreti i Charles Dickend do të kthehet në shtëpi, 130 pasi kishte humbur, shkruan KultPlus.

Muzeu i Londrës ka arritur ta kthejë duke e blerë portretin për 180,000 paund në një ankand në Afrikën e Jugut.

Piktura është punuar nga Margaret Gillies në kohën kur Dikens ishte 31-vjeçarë.

Në vitin 1844 autorja e portretit e kishte raportuar si të humbur, para se ai të dorëzohej në Akademinë Mbretërore.

Lidhur me rimarrjen dhe gjetjen e këtij portreti Muzeu i Londrë ka disa vite që punon në këtë drejtim.

Lajmi fillimish ishte bërë i ditur nga një adhurues i veprave letrare të Dikens gati katër vite më parë./KultPlus.com

Portreti i fundit i Mandeles (FOTO)

Posted on by KultPlus

Fotografi i njohur Adrian Steirn ishte i fundit që shkrepi mbi portretin e Nelson Mandelës. Kjo shkrepje mbrapa vetes bart një histori interesante.

Portreti u bë kur Mandela ishte 95 vjeç, pak para se të ndërronte jetë. Mandela për një kohë të gjatë nuk ka pranuar të bëjë fotografi dhe ishte Adrian Steirn ai që e realizoi shkrepjen më të mirë që si protagonist kishte Mandelen.

Ai për The Guardian tha se: “Kemi pritur 10 ditë që ai të ishte në gjendje të ulej për të bërë fotografinë. Ai ishte 95 vjeç dhe aq i dobët sa që pasqyrën duhej ta mbante dikush tjetër.”

Fotografi poashtu tregon se Mandela për të kaluar kohë me nipin e tij, nuk i përgjigjej telefonatave të rëndësishme, as edhe kur personi që telefononte ishte Tony Blair. Ky portret u botuar në 60.000 gazeta nëpër të gjithë botën, duke e thyer kështu rekordin në shitjen e fotografive në Afrikën Jugore.

Mandela ishte president i Afrikës Jugore dhe luftëtar i lirisë, i cili luftonte kundër shtypjes racore që u bëhej zezakëve në Afrikë, posaçërisht në Afrikën Jugore. / KultPlus.com

Portreti me fishekë i Adem Jasharit, në restaurim

Posted on by Kult Plus

Kompleksi memorial “Adem Jashari” në Prekaz të Skenderajt mbetet një nga vendet më të vizituara në festat kombëtare, e veçmas edhe më 28 Nëntor kur shënohet edhe ditëlindja e komandantit legjendar.

Por vizitorët e së mërkurës aty nuk e kanë pasur mundësinë ta shohin portretin e Jasharit prej 25 merash katrorë të punuar me fishekë nga Besart Gashi. Vepra që ishte inauguruar në mars të këtij viti, është dëmtuar. Të martën është larguar krejtësisht nga Kompleksi.

Drejtori i Agjencisë për menaxhimin e komplekseve memoriale, Bislim Zogaj, ka thënë se me kërkesën e autorit është dërguar në shtëpinë e tij për t’u rregulluar.

“Ka qenë i vendosur në një vend jo fort të përshtatshëm. Pasi është dëmtuar pa qëllim, portreti është zhvendosur te autori për t’u rregulluar. Do të kthehet prapë dhe do të vendoset në një tjetër vend”, ka thënë ai. Sipas Zogajt, deri pas një viti, vizitorët do ta gjejnë Kompleksin të konservuar e puna për ta rregulluar tërësisht do të vazhdojë ende./ KultPlus.com