Fotografi që portretizon sytë e të famshmëve

Fotografi Platon ka realizuar pamje me kontrast të lartë të disa prej fytyrave më të njohura në botë, duke përfshirë këtu, ish-presidentin amerikan Barack Obama, presidentit rus Vladimir Putin, tenistes Serena Williams, biznesmenit miliarder Elon Musk, themeluesit të Facebookut, Mark Zuckerberg, e këngëtarëve Adele dhe Harry Styles.

Të gjithë këta janë fotografuar nga Platon, derisa qëndronin të ulur përballë kamerës së tij.

Por tani artisti britanik, po heq portretet e tij, duke lëshuar një koleksion të ri të veprave që secila përmban vetëm një iris nga sytë e këtyre të famshmëve, udhëheqësve të fuqishëm politikë dhe figurave të diskutueshme. Ndërkohë, se kujt i takon irisi, do të mbetet sekret për të tjerët, përveç blerësve të imazheve.

Platon, i cili është fotograf i rregullt për revistën “Time”, ka thënë se ka parë anë të ndryshme të syve të figurave që ka fotografuar, përcjell KultPlus.

“Kam shikuar në sytë e Gaddafit dhe Putinit. Gjithashtu ka pasur momente të ngushta me Princin dhe Edward Snowden”, ka thënë ai duke bërë të ditur se projektin e tij për të ndarë vetëm irisn e syrit të të famshmëve, e ka quajtur “Eye Love You, Eye Hate You”.

Të gjitha këto pamje, në total fotografitë më 36 irisë të syve të disa prej njerëzve më me ndikim në botë, ai do t’i shesë ndërkohë që vetëm blerësi do të mund të kuptojë se syrin e kujt po e blen. / KultPlus.com

‘Sytë’ dhe Qëndresa sjellin këngën ‘Up in the Air’, si himn për një identitet të ndarë (VIDEO)

Grupi nga Prishtina ‘Sytë’ në bashkëpunim me artisten shqiptare nga Londra, Qëndresa kanë publikuar bashkëpunimin e titulluar ‘Up in the Air’, si adresim i ndjenjës së një identiteti të ndarë, shkruan KultPlus.

‘Up in the Air’ krahas melodisë, ndjenjës së bukur të dashurisë, por thellë dhe një identiteti të gjendur në mes, shoqërohet nga një videoklip që po ashtu është xhiruar i ndarë në disa vende të ndryshme si Prishtina, New York-u e Londra.

Në një prononcim për KultPlus njëri nga anëtarët e grupit ‘Sytë’, Drin Tashi ka treguar se kënga e sapo lansuar ‘Up in the air’ përmban në vetë ndjenjat personale të vokalistes së këtij grupi, Nita Kaja.

“Duke qenë se ka lindur në Shtetet e Bashkuara, por që katër vitet e fundit të jetës së saj i kaloj në Kosovë, Nita Kaja, vokalistja e grupit SYTË, i ka shumë personale ndjenjat për të cilat ajo shkruan në këngën që sapo është lansuar ‘Up in the Air’, e cila vjen si bashkëpunim me këngëtaren nga Londra, Qendresa. Pa ndonjë kontekst, kënga mund të interpretohet lehtë si një këngë për dashuri, por në fakt adreson ndjenjën e një identiteti të ndarë, për të cilën edhe Qendresa e kuptoj duke qenë se edhe ajo është shqiptare e rritur jashtë vendit”, ka thënë ai.

Tutje Tashi ka shtuar se bashkëpunimi për këtë këngë ka filluar si nismë e Qëndresës që në dhjetor të vitit që po lëmë pas, kur kjo e fundit kishte ardhur për një vizitë në Prishtinë.

“Bashkëpunimi së pari filloi si nismë e Qendresës e cila në dhjetor të vitit të kaluar erdhi ne Prishtinë për një koncert, dhe kishte nevojë për instrumentista që ta shoqëronin në skenë. Më pas, shumë shpejtë u kriju një lidhje e fortë mes dy artisteve, dhe rezultoi në realizimin e këngës ‘Up in the Air’”, pohoi për KultPlus Drini.

‘Sytë’ është një grup nga Prishtina që u formua në vitin 2018. Stili i tyre është i vështirë të përcaktohet, megjithëse ndodhet diku midis R&B dhe indie-pop.

Fillimisht grupi u formua nga dyshja Nita Kaja dhe Drin Tashi gjatë një vizite të vokalistes në Prishtinë. Kurse që nga ajo kohë ‘Sytë’ ka evoluar në një grup me katër anëtar, pasi që i janë bashkuar edhe bateristi Granit Havolli dhe basisti Fatlind Ferati.

Ata janë të njohur për performancat e tyre elektrizuese dhe kanë luajtur një numër të madh festivalesh të mirënjohura si Pop Kultur Festival, Sunny Hill Festival dhe Localize Festival. Grupi së fundmi ka publikuar albumin e tyre të parë “Divine Computer”. Suksesi i albumit ka arritur të marrë edhe vëmendjen e disa mediave ndërkombëtare./ KultPlus.com

Shkodres i jepet za me edicionin e katërt të Zâ Fest (VIDEO)

Vlerat shqiptare që shkojnë krah për krah me artin, kulturën dhe traditën u shfaqen edhe këtë vit në edicionin e katërt të Zâ Fest. Ky edicion që sonte pati premierën e formatit online sot, do të ketë edhe netë të tjera me muzikë, poezi por edhe aktivitete të ndryshme, shkruan KultPlus.

Në natën e parë të edicionit të katërt, Zâ Fest udhëtoi në Kalanë e Rozafës në Shkodër ku performuan Vlashent Sata, Ilire Vinca, grupi muzikor Sytë dhe Shkodra Elekronike.

Në njoftimin e bërë nga organizatorët thuhej se kjo natë do t’ju bëjë të shijoni muzikën dhe traditën shqiptare ashtu siç nuk i keni parë ndonjëherë.

KultPlus ju sjellë videon e plotë të natës së parë të Zâ Fest./ KultPlus.com

Sytë

Poezi nga Timo Flloko

Sytë shohin, shihen; fshehin, fshihen;
Sytë ikin largohen, …sytë mërgohen.

Sytë ndrijnë, qeshin; ndizen, ndezin,
Sytë dashurojnë, dashurohen …sytë verbohen.

Sytë lotojnë, pikëllojnë; fiken shterohen,
Sytë ftohen, s’flasin, ….sytë vrasin.

Shtati kallkan ngrin,
sytë mbesin,
hapur, kur vdesim.