New Yorku i ka kthyer Italisë veprat e artit të vjedhura në vlerë 19 milionë dollarë, raporton BBC.
58 veprat e artit që datojnë 200 vjet para Lindjes së Krishtit, vlerësohen rreth 3 milionë dollarë.
Artefaktet e vjedhura ishin shitur nëpër muze dhe te shitësit privatë nga hajdutët, të cilët u dënuan më pas, ka thënë prokurori i qarkut të New Yorkut, Alvin Bragg.
Është tentimi i radhës i New Yorkut për t’i kthyer artefaktetet e vjedhura te shtetet e origjinës. / KultPlus.com
Janë ndër pesë veprat më të famshme të artit që janë vjedhur gjatë historisë, disa prej të cilave ende po kërkohen nga FBI.
Lista është si më poshtë:
“Lindja e Krishtit” nga Michelangelo Merisi da Caravaggio – Caravaggio:
E vjedhur natën midis 17 dhe 18 tetorit 1969 në kishën San Lorenzo në Palermo, kjo pikturë u mor duke prerë kanavacën me brisk. Hetimet e FBI-së çuan në hipotezën se nxitësi i vjedhjes ishte shefi i mafies Gaetano Badalamenti, i cili u përpoq të merrte një shpërblim duke negociuar me Vatikanin.
“Një pamje mbi Over-sir-Oaz) nga Paul Cezanne:
Në natën e Vitit të Ri 2000, në mesin e entuziazmit të festimeve, vjedhja e fundit e artit kryhet në Muzeun Ashmolean në Oksford. Piktura kishte një vlerë prej tre milionë dollarëve.
“Marina” nga Claude Monet:
Ishte 24 shkurti 2006 kur katër burra të armatosur hynë në Muzeun “Chacara do Céu” në Rio de Zhaneiro në ditën e parë të festimeve të famshme të karnavaleve. Atë ditë, piktura e famshme u vodh së bashku me tri vepra të tjera arti nga artistë po aq të rëndësishëm si Dalí, Matisse dhe Picasso.
“Plazhi i Sheveningenit para stuhisë” nga Vincent Van Gogh
– Dhjetor 2002. Dy hajdutë hyjnë në Muzeun “Vincent Van Gogh” në Amsterdam dhe marrin kryeveprën e Van Goghut së bashku me një vepër tjetër.
“Kalorësi” nga Frans van Mieris:
Vepra e artit u vodh nga Galeria e Arteve “New South Wales” në Sidnei të Australisë në vitin 2007. Absurdi i kësaj vjedhjeje është se ajo u krye në mes të ditës gjatë orëve të hapjes së muzeut dhe gjatë vizitave. /gazetasi/ KultPlus.com
Ministria e Kulturës, Rinisë dhe Sportit ka bërë thirrje publike për blerjen e veprave të artit të artistëve vendor në kuadër të Pakos së Ringjalljes Ekonomike, përcjell KultPlus.
Kjo thirrje është bërë bazuar në Vendimin me Nr. 11/24, të datës 11.08.2021 të Qeverisë së Republikës së Kosovës, me qëllim të ruajtjes, mbështetjes dhe promovimit të krijimtarisë vendore bashkëkohore, Ministria e Kulturës Rinisë dhe Sportit, në kuadër të Pakos së Ringjalljes Ekonomike shpall konkurs publik për blerjen e veprave të artit vizual dhe audiovizual për pasurimin e fondit aktual shtetëror të artit.
Artistët në përputhje me këtë thirrje publike mund të aplikojnë me vepra nga disiplina të ndryshme të arteve pamore:
Pikturë
Skulpturë
Vizatim
Grafikë
Tekstil
Qeramikë
Dizajn industrial
Art digjital
Video art
Performancë
Instalacion
Të tjera
Për të kuptuar detajet tjera dhe për aplikim ju lutemi të vizitoni linkun e bashkangjitur. / KultPlus.com
Një këshill në Essex ka vendosur forca të sigurisë në vendin e një vepre të re të artit që dyshohet se është realizuar nga artisti misterioz, Bansky, transmeton KultPlus.
Arti i rrugës, në të cilën shfaqet një djalë që mban një shkop peshkimi dhe një maskë të kaltër të ngjitur në të, u pa për herë të parë të mërkurën (18 gusht) në një mur në Stone Pier në Harwich.
Një zëdhënës i këshillit të çarkut Tendring tha: Ne kemi kemi vendosur menjëherë sigurimin në këtë vend dhe jemi duke ndërmarrë hapa të mëtutjeshëm për të mbrojtur këtë vepër arti, përderisa po presim konfirmimin që kjo është në të vërtetë pjesa më e fundit e “Spërkatjes” së artistit në Anglinë Lindore.
Përgjatë gushtit, 10 piktura të ndryshme murale nga Bansku janë shfaqur në lokalitete të ndryshme përreth Norfolk dhe Suffolk, në atë që artisti e ka quajtur “Një spërkatje e madhe britanike”.
Banksy, i cili mbetet anonim, ende nuk ka deklaruar që vepra e artit është e tij.
Lajmi vjen pasi një tjetër mural i tij u mbulua mes frikës se mund të shihet si e pandjeshme pas vdekjes së një fëmije aty pranë.
Vepra e artit, e cila u realizua në një mur pranë plazhit Gorleston të Norfolk, përshkruan dy fëmijë në një zog të fryrë duke u lëshuar në ajër.
Në vitin 2018, tre-vjeçarja Ava-May Littleboy vdiq në plazh pasi një trampolinë në të cilën ajo kishte hipur, kishte shpërthyer.
Këshilli i Great Yarmouth Borough tha se janë pajtuar se vendimi për të mbuluar pikturën murale ishte “vendimi i duhur, duke respektuar njerëzit dhe ndjenjat e vendasve”.
Sipas këshillit, murali do të rivendoset në një datë të mëvonshme dhe të zhvendoset në një vend më të përshtatshëm./KultPlus.com
Ekspozita “Retrospectum” përfshin gjashtë dekada të artit të Bob Dylan, duke shfaqur më shumë se 120 nga pikturat, vizatimet dhe skulpturat.
Duke u bazuar në ekspozitën origjinale “Retrospectum” që u shfaq premierë në Shanghai në vitin 2019, ky version do të përfshijë pjesë të reja që nuk janë parë më herët dhe vepra arti shtesë nga një seri krejtësisht e re e quajtur “American Pastoral”, transmeton KultPlus.
“Retrospectum” do të vazhdojë deri në 17 prill 2022 dhe deri më tani Miami është i vetmi vend që ka njoftuar ndalesën, raporton AP, transmeton tutje KultPlus.
Pjesa më e madhe e punës së Dylanit pasqyron udhëtimet e tij të vazhdueshme nëpër Shtetet e Bashkuara dhe një afinitet të thellë për skenën Amerikane. Edhe kjo seri e re nuk bën ndonjë përjashtim.
Një përmbledhje e “One Too Many” nga viti 2020 paraqet një burrë të rrëzuar mbi një banak të tymosur dhe një tjetër “Subway Cityscape”, gjithashtu nga viti 2020 ku shfaqet dashuria e Dylan për skenat industriale të qytetit.
Këngëtari veteran dhe laureati i Nobelit i cili mbush 80 vjet këtë muaj ka parë një vlerësim në rritje për artin e tij që nga ekspozita e tij debutuese “The Drawn Blank Series” e cila u hap në Gjermani në vitin 2007.
Vepra e tij ishte shikuar në Galerinë Kombëtare të Portreteve në Londër , Galerinë Kombëtare të Danimarkës, Palazzo Reale në Milano dhe në ekspozitën e Shangait në Muzeun e Artit Modern, e cila ishte ekspozita më e vizituar në qytet në vitin 2019.
Krahas udhëtimit nëpër peisazhin artistik të Dylanit, ekspozita e re do të përfshijë shfaqje të kuruara gjithëpërfshirëse dhe ndërvepruese të muzikës dhe veprave të tij letrare duke shtuar kontekstin e këtij talenti dhe ndikimin e tij në kulturën popullore që zgjat mbi gjysmë shekulli. /klankosova/ KultPlus.com
Banorët e qytetit Haverhill, kanë vendosur verpra arti në vitrinat e zbrazëta të dyqaneve për t’i dhënë qytetit më shumë jetë.
Bizneset janë ato të cilat i ka prekur më së shumti pandemia, duke i lënë kështu shumë vitrina dyqanesh të zbrazëta, transmeton KultPlus.
Këshilli i Qytetit Haverhill, u kërkoi vendasëve të dërgojnë vepra arti për të bërë qytetin “një vend më të këndshëm për të jetuar, punuar dhe vizituar”.
Persona mes moshës tetë dhe 97 vjeç i’u përgjigjën thirrjes duke dërguar veprat e tyre të artit.
Organizatorja, Sara Marsh tha se njerëzit besojnë se arti ua ndriçon ditën.
Ajo gjithashtu tregoi se ekipi mori shumë më tepër nga se kishte paramenduar. / KultPlus.com
