Albumi i ardhshëm i Zara Larsson-it i inspiruar nga muzika e grupit ‘ABBA’

Këngëtarja e njohur suedeze me famë botërore, Zara Larsson, ka bërë të ditur se muzika e albumit të saj të ardhshëm me titull, “Poster Girl”, është inspiruar nga grupi legjendarë i muzikës pop “ABBA”.

Ylli i hitit “WOW” pritet ta lansojë albumin e tretë të incizuar në studio, më 5 mars të këtij viti, dhe në një intervistë të fundit këngëtarja ka zbuluar se me muzikën e re, i ka përqafuar rrënjët e saj suedeze dhe ka gjetur inspirim nga artistët, muzikën e së cilëve e ka dëgjuar si fëmijë.

“Unë jam inspiruar nga legjendat e popit në Suedi, si ‘ABBA’, Roxette dhe Robyn. Jam vërtetë krenare me trashëgiminë time të muzikës pop. Një gjë të cilën e kam kuptuar është se, për mua, muzika pop ka qenë gjithmonë një formë e arratisjes. Tani i kemi rrjetet e ndryshme sociale si Tik Tok dhe Instagram, të cilat ju tërheqin dhe ju largojnë nga realiteti, por kur unë isha fëmijë, muzika pop ishte forma e vetme për mua që të arratisesha nga jeta e përditshme. Mbaj mend se e shikoja veten në pasqyrë dhe shtiresha sikur isha dikush tjetër. Mendoj se kjo ka ndikuar në dëshirën time për t’u marrë me muzikë dhe për t’i argëtuar njerëzit”, transmeton KultPlus.

Larsson ndër të tjera ka treguar se tema kryesore e këtij albumi, i cili vjen pas atij të vitit 2017, “So Good”, është dashuria. Këngëtarja 23-vjeçare e pranoi se në realizimin e këtij incizimi, ka pasur shumë më shumë ndikim dhe kontroll.

Ylli i hitit “Ain’t My Fault” është në lidhje dashurie me modelin, Lamin Holmén, dhe me shumë entuziazëm tregoi se po ndihet më e lumtur dhe e dashuruar se kurrë, dhe pikërisht kjo ndjenjë e ka ndihmuar ta përballojë pandeminë e koronavirusit.

“Do të tingëllojë paksa klishe por jam shumë e dashuruar dhe e lumtur. Dhe kjo më ka ndihmuar ta tejkalojë gjithë këtë situatë. Asnjëherë më parë nuk kam ndjerë dashuri të këtillë. Nuk di si ta shpjegoj këtë pa tingëlluar qesharake, por thjeshtë jam shumë e dashuruar. Askush nuk mund të jetë i fuqishëm duke qenë vetëm, veçanërisht gjatë situatave të këtilla, prandaj mendoj se të qenit në një lidhje të lumtur më ka ndihmuar shumë”, ka përfunduar Larsson.

Zara Larsson debutoi në tregun ndërkombëtarë në vitin 2013, duke u shndërruar menjëherë në një artiste shumë të dashur nga publiku dhe shumë të kërkuar për bashkëpunime nga yjet e muzikës. Ndër vite ka realizuar hite të mëdha të tilla si “Uncover”, “Ain’t My Fault”, “Lush Love”, “This One’s For You” dhe të tjerë. / KultPlus.com

Krijimi i grupit Abba votohet si kënga më e mirë e të gjitha kohërave në Eurovision

“Waterloo” e grupit muzikor Abba është cilësuar si kënga më e bukur e të gjitha kohërave në Eurovizion nga shikuesit e BBC-së.

Katërshja nga Suedia e fitoi kompeticionin më të rëndësishëm të muzikës europiane me këtë këngë në 1974 në Brighton. Kënga, e cila kryesoi për shumë javë listat në Mbretërinë e Bashkuar, i hapi rrugën drejt famës grupit, që arriti të shiste afro 6 milionë kopje të saj.

Të Premten, korporata njoftoi listën e shkurtër për programin që përfshinte këngët klasike të Eurovision nga Verka Serduchka, Loreen, Alexander Rybak, Netta, si dhe Bucks Fizz, Conchita Ëurst

Por ishin Agnetha, Anni-Frid, Benny dhe Bjorn ata që përfundimisht triumfuan, me metaforën e tyre muzikore në lidhje me gëzimet e dorëzimit të dashurisë. / KultPlus.com

ABBA do ta publikojë një këngë të re

Bjorn Ulvaeus nga ABBA thotë se adhuruesit mund ta presin një këngë të re “në shtator ose në tetor” nga pop bendi katëranëtarësh suedez, të cilët u ndanë 37 vjet më parë.

Ulvaeus i tha tabloidit “Ekstra Bladet” të Danimarkës të mërkurën se “duhet një kohë jashtëzakonisht e gjatë” për ta bërë videon me avatarët e anëtarëve të bendit, duke shtuar se “videoja është vonuar shumë gjatë”.

Image

Bendi më herët tha se Ulvaeus, Benny Andersson, Anni-Frid Lyngstad dhe Agnetha Faltskog u ribashkuan për ta planifikuar një turne virtuale me avatarët digjitalë dhe se një nga dy këngët e reja është titulluar “I Still Have Faith in You”, shkruan KOHA Ditore.

ABBA fitoi famë duke e fituar garën e këngës “Eurovision” në vitin 1974 me këngën “Waterloo”, ndërsa kishin hite të mëdha në vitet 1970, përfshirë “Dancing Queen” para se të ndahej në 1982.

Ikona Cher sjellë hitin e njohur të grupit ABBA (VIDEO)

Këngëtarja e njohur Cher ka lansuar versionin e saj të këngës së njohur nga ABBA.

Në shtator ajo do të lansojë një album me versionet e saj të këngëve të njohura të ABBA.

Megjithatë, ikona Cher nuk na ka lënë të presim, duke na sjellë “Gimme gimme gimme” nga ABBA.

200 mijë klikime ka marrë vetëm nga dje kënga në Youtube, e cila do të jetë pjesë e albumit “DANCING QUEEN” – njëjtë sikur kënga e njohur e ABBA.

Në album do të jenë edhe “Fernando”, “Sos”, ‘Waterloo”, “The Winner Takes it all” dhe këngë të tjera.

ABBA mbetet një prej grupeve më të mira evropiane, me origjinë nga Suedia. Ata u formuan në Stokholm në vitin 1972, nga Agnetha Fältskog, Björn Ulvaeus, Benny Andersson dhe Anni-Frid Lyngstad. / KultPlus.com

A jeni adhurues të grupit ABBA, ata po vijnë me një projekt interesant (VIDEO)

Grupi suedez ABBA, që ishte një ndër grupet më të njohura të viteve të 70-ta është rikthyer me një lajm të madh, përcjellë KultPlus.

Ata kanë njoftuar se janë bashkuar pas 35 viteve dhe tashmë kanë regjistruar dy këngë të reja.
Për këtë rikthim ata kanë njoftuar nëpërmjet rrjeteve sociale, ku kanë treguar se tashmë grupi prej katër anëtarëve kanë kryer regjistrimin e dy këngëve të reja, ku njëra prej tyre do të pritet të lansohet në muajin dhjetor nëpërmjet televizioneve BBC dhe NBC.

“Ne tashmë kemi bërë një moshë, por kënga është e re”, kanë shkruar ata për këtë rikthim.
Grupi ABBA është një ndër grupet që ka realizuar shumë hite të mëdha botërore, kurse po muzika e tyre ka inspiruar regjisorët edhe në realizimin e filmave, ku deri më tashti janë realizuar dy filma mjuzikëll me këngë të po këtij grupi suedez./KultPlus.com