Elhaida Dani publikon albumin e ri ‘Zanin’ (VIDEO)

Këngëtarja e njohur shqiptare, Elhaida Dani ka publikuar albumin e saj më të ri muzikor, përcjell KultPlus.

Albumi mban titullin ”Zanin” dhe përfshin gjithsej pesë këngë. Ndërkaq secila këngë është publikuar edhe me videoklip. Këngët e albumit “Zanin” përfshijnë: “Jam Betu”, “Amore”, “Kënga Jonë”, “Hajmali” dhe kënga me të njëjtin titull si albumi.

Për këtë album kanë punuar tre kompozitorët e njohur shqiptarë: Elgit Doda, Kledi Bahiti dhe Alban Kondi.

Këngëtarja shqiptare e cila njihet si fituese e “The Voice of Italy” në vitin 2013 dhe reprezentuese e Shqipërisë në “Eurovision” në vitin 2015, e ka ndarë me gëzim në rrjetet sociale me fansat albumin e saj të ri.

Ajo shkroi “E gëzofshi” në mbishkrimin e një prej videove, që shfaqte pjesë nga kënga e parë e albumit, me titull “Zanin”. / KultPlus.com

Albumi i ri i Ed Sheeran, vizioni i tij për jetën

Ed Sheeran ka njoftuar hollësitë e albumit të tij të ri “=” (Equals), që do të publikohet më 29 tetor nga Asylum Records.

Së bashku me njoftimin, Ed Sheeran publikoi gjithashtu një këngë të re, “Visiting Hours”, e përfshirë në album së bashku me një performancë video.

“=”, albumi i katërt në serinë e titulluar me simbole matematikore, është vepra më e plotë e Edit, një artist në evolucion të vazhdueshëm, i cili nuk pushon së kërkuari mënyra të reja.

Është një koleksion këngësh që janë kompozuar në harkun kohor të katër viteve, pas publikimit të albumit fitues i shumë çmimeve “ö” (Divide), ku Sheeran thekson përvojat e fituara dhe njerëzit që takoi gjatë eksplorimit të dritëhijeve të ndryshme të dashurisë (“The Joker And The Queen”, “First Times”, ‘”2step”), të humbjes (“Visiting Hours”), të elasticitetit (“Can’t Stop The Rain”) dhe të atësisë (“Sandman”,”Leave Your Life”), ndërsa analizon karrierën dhe realitetin e tij (“Tides”).

Nga pikëpamja muzikore “=” përfshin të gjithë botën e tij: nga këngët klasike me kitarë me balada të përjetshme, deri në momentet më euforike dhe me një prodhim më të ndërlikuar, siç është kënga e parë që lëshoi ​​këtë verë, “Bad Habits”.

Vizioni personal i Sheeran për jetën shprehet i gjithi në “=”.

“=” (Equals) është një album shumë personal dhe do të thotë shumë për mua. Jeta ime ka ndryshuar shumë vitet e fundit, u martova, u bëra baba, humba miq dhe në album unë reflektoj për të gjitha këto. Unë e shoh atë si një album pjekurie dhe mezi pres ta ndaj me të gjithë ju”, komentoi Sheeran.

I shkruar dhe regjistruar në Suffolk, Londër, Suedi dhe Los Angeles, albumi u prodhua nga FRED (No. 6 Collaborations Project), Johnny McDaid (Divide) dhe vetë Sheeran, me kontribute shtesë nga Steve Mac, Joe Rubel, Amy Wadge , Foy Vance, Elvira Anderfjard, David Hodges, Andrew Watt, Lou Bell, Natalie Hemby dhe Ben Kweller.

Kopertina e albumit është një ansambël i gjallë fluturash që simbolizojnë një “jetë të re”, lajtmotivi i albumit, i pikturuar në një vizatim abstrakt i bërë nga Ed Sheeran. / KultPlus.com

Dafina Zeqiri prezanton kopertinën zyrtare të albumit të ri ‘Dafinë Moj’

Këngëtarja e njohur shqiptare, Dafina Zeqiri tash e një vit ka filluar me përgatitjet e albumit të saj më të ri, i cili mban titullin ”Dafinë Moj”, përcjell KultPlus.

Sot, Zeqiri ka ndarë për ndjekësit e saj fotografinë e kopertinës së këtij albumit, ku shihet e rrethuar me një tufë delesh duke mbajtur edhe një qingj në duar.

“Dedikuar një zonje të veçantë Melihate Zeqiri” – është e shkruar në kopertinën e albumit referuar nënës së saj.

“Zonja dhe Zotërinj. Kopertina zyrtare e albumit tim të ardhshëm”, ka shkruar Zeqiri në postimin e bërë. / KultPlus.com

Albumi i Olivia Rodrigos kryeson listën e ‘Billboard 200’

Olivia Rodrigo i është rikthyer pozitës së parë në listën muzikore “Billboard 200” për të tretën herë, qëkur albumi i saj debutues ishte publikuar në maj.

Albumi i këngëtares 18-vjeçare ka zënë përsëri vendin e parë gjatë fundjavës më 8 korrik, sipas një artikulli të dielën nga “Billboard”.

Albumi “Sour” kishte debutuar në vendin e parë në listë më 5 qershor dhe më pas kishte zënë përsëri vendin e parë në listën muzikore “Billboard 200” më 3 korrik. Olivia ka qenë në treshen e më të mirëve gjatë shtatë javëve në tabelë. Listat muzikore “Billboard 200” listojnë albumet më të famshme të javës në Shtetet e Bashkuara të Amerikës, duke u bazuar në dëgjueshmërinë e tyre, transmeton KultPlus.

Artistja Doja Cat ka zënë vendin e dytë me albumin “Planet Her” në javën e dytë në listë. G Herbo ka hyrë duke zënë vendin e pestë në listë me albumin e tij të katërt.

Këngëtarja britanike me prejardhje shqiptare, 25-vjeçarja Dua Lipa, është ende pjesë e listës me albumin e vitit 2020, “Future Nostalgia”, duke zënë vendin e tetë.

Olivia ka njoftuar javën e kaluar nëpërmjet mediave sociale se koncerti i quajtur “Sour Prom Concert” do të publikohet të martën në YouTube.

Në të do të paraqitet Olivia duke i kënduar këngët nga albumi “Sour” dhe që e ka quajtur “përvojë alternative e mbrëmjes së maturës”.

Do të jetë edhe një koncert para koncertit të mbrëmjes së maturës, të cilin do ta udhëheqë Olivia. Olivia ka luajtur rolin e Nini Salazar-Robertsit në seritë “High School Musical: The Musical: The Series”.

Albumi i saj i parë “Sour” ka marrë shumë fjalë të mira nga e tërë bota dhe ka thyer rekord në aplikacionin muzikor “Spotify” për javën më të madhe të hapjes nga një album i një artisteje. / KultPlus.com

J. Cole lanson dokumentarin pak para albumit të ri

Reperi dhe producenti i njohur, J. Cole, do ta lansojë një dokumentar të ri të titulluar, “Applying Pressure: The Off-Season Documentary”. Lajmin e ka bërë të ditur vet artisti përmes rrjeteve sociale.

J. Cole po ashtu pritet ta publikojë albumin e ri muzikor, “The Off-Season”, të premten më 14 maj. Ky incizim i shumëpritur nga fansat, vjen pas albumit të vitit 2018, “KOD”.

Cole e bëri të ditur lajmin e lansimit të shpejtë të dokumentarit përmes rrjeteve sociale.

“Applying Pressure: The Off-Season Documentary, lansohet të hënën më 10 maj”, ka shkruar reperi në postimin e tij.

Dhe siç nënkupton titulli i tij, ky projekt do të sjellë pamje nga prapaskenat e realizimit të albumit të ri të reperit.

Javën e kaluar, J. Cole e lansoi këngën e re të titulluar “Interlude”. Në kohën e publikimit të këtij projekti, reperi u tha fansave se fillimisht kishte planifikuar ta ndajë me ta komplet albumin në të njëjtën kohë.

Por siç duket reperi, emri i vërtetë i së cili është Jermaine Lamarr Cole, ka ndërruar mendje dhe ka vendosur ta shënojë këtë incizim të ri, me lansimin e një kënge dhe një dokumentari. /koha/ KultPlus.com

Bebe Rexha publikon albumin e ri dhe këngën me videoklip ‘Break My Heart Myself’ (VIDEO)

Bebe Rexha më në fund ka publikuar të gjitha këngët e albumit të saj të katërt me radhë, ”Better Mistakes”, shkruan KultPlus.

Albumi përfshin gjithsej 13-të këngë, disa prej të cilave tashmë janë publikuar në versionin Audio e disa prej tyre edhe me videoklipe.

Nga këngët e reja, është publikuar me videoklip kënga “Break My Heart Myself” në bashkëpunim me bateristin e grupit rok “Blink 182”, Travis Barker.

Vetëm pak orë pas publikimit, Rexha ka pranuar mjaft kritika pozitive nga adhuruesit të saj. / KultPlus.com

Elvana Gjata publikon albumin, i këndon dashurisë, dhimbjes e mallit (VIDEO)

Pas pothuajse tre viteve, Elvana Gjata u rikthye me një mini-album, me gjithsej gjashtë këngë, shkruan KultPlus.

Elvana Gjata edhe për këto këngë ka bashkëpunuar me tekstshkruesin dhe këngëtarin e njohur Pirro Çakon dhe tash vetëm pak minuta pas publikimit të këngëve, komentet dhe pëlqimet e adhuruesëve të këngëtares nuk kanë të ndalur.

“A po vjen”, “Drandofilat”, “Jeta ime”, “Vendi im”, “Kur jemi dasht”, “Kunadhe” e “Mos u ngut”, janë këngët e përfshira në këtë album. / KultPlus.com

Bebe Rexha paralajmëron albumin e ri muzikor

Këngëtarja shqiptare e cila tashmë po gëzon famë botërore, ka paralajmëruar prej kohësh që është duke punuar në albumin e saj më të ri. Në një intervistë të dhënë sëfundi, ajo ka bërë të ditur se së shpëjti do të lansojë albumin e saj, përcjell KultPlus.

Ndër të tjera, Bebe Rexha po ashtu ka theksuar se albumi i ardhshëm do të jetë reflektim i këngëve të saj ”Jealous” dhe ”Sacrifice”.

“Muzika e albumit të ri do të jetë e ngjashme me këngët që keni dëgjuar deri më tani. Ndihem më e lumtur në karantinë, në kuptimin që kam pasur mundësi të ngadalësohem dhe të reflektoj për gjërat që janë të mira dhe të shëndetshme për mua”, ka deklaruar Bebe Rexha. / KultPlus.com

Rita Ora do të sjellë versionin akustik të albumit ‘BANG’

Rita Ora ka bërë të ditur se këtë të premte do të sjellë versionin akustik të mini-albumit të saj “BANG”.

Albumi përmban vetëm katër këngë, njërën prej të cilave e ka sjellë me videoklip pak ditë para 17 Shkurtit – Ditës së Pavarësisë së Kosovës. Në këtë videoklip Rita paraqitet me veshje tradicionale kombëtare.

Albumi i këngëtares 30 vjeçare përmban bashkëpunime me artistë të famshëm botëror si David Guetta, Imanbek, Guna e Khea. / KultPlus.com

https://www.facebook.com/RitaOra/posts/10158071229923601

‘Zani Band’, grupi që interpreton me një ekzaltim të pazakontë

Shkruan: Stefania Melburne

Një mbresë personale duke dëgjuar këngët e albumit me titull ‘Muret’ nga grupi ‘Zani Band’

… gjërat e ” egra ” ndodhin në qetësi.
Nuk e di se, si mu rrotullua në mendje kjo fjali duke dëgjuar albumin më të ri që mban titullin ” MURET ” nga grupi tashmë i njohur, ZANIBAND.

Impresioni i parë është tepër ngazëllyes për stilin rock të kësaj bande që interpreton me një ekzaltim të pazakontë.

Zëri i vokalistit të rrëmben në krahët e tij … të shtyn të gjesh atë që kërkon me pathos për të plotësuar imazhe… për të mikluar ” egërsinë ” e interpretimit të tij duke prekur hijen e qënies tënde në vetmi… shumëherë në një vetmi të zgjedhur sidoqë është emocioni i saj…

MURET!

Në imagjinatën time, muret marrin forma të ndryshme aq më tepër kur u jap forma njerëzish dhe i vesh ato sipas stinëve… ku çdo stinë ka ngjyrat e saj si në tekstet dhe muzikën e këtij albumi ku veçojnë kompozimet e ZaniBand …

Muret për mua janë si sytë që i lë të shohin ku të duan si në brendësi të një tempulli ku janë mbledhur së bashku dhimbja… dëshira… ëndrrat e premtimet… shpresat… zhgënjimet e tradhtitë… lumturia e vdekja…

Sa shumë mund të thuash… aq sa fjalët në një moment pa e kuptuar të prekin me heshtjen e tyre… herë si dallgë të forta e herë si valë të ëmbla… kaq të ëmbla sikur nga qielli në vend të shiut… bien flutura prej sheqeri në ngjyrë të florinjtë… kaq të forta sikur nga qielli bien flokë zjarri për të, të përmendur… për të, të zgjuar nga gjumi…

Eci… ndalem… nxitoj… sipas ritmit të këngës e zërit karakteristik të Bashkimit ku më merr për dore për të më degdisur ” PËRTEJ VETES ” … diku, ku kam nevojë të rri me veten për të qetësuar shpirtin… aty ku heshtja me zemrën kërkon të zgjidhë ekuacionin e ndjenjës.

Ndërsa përpiqem të bind një qeshje mbi buzë dhe të ndal kohën… ta ndal pikërisht në çastin kur gjithçka ishte e bukur… si vetë dashuria që më pëshpërit “KE IKUR LARG ” dhe një ” ËNDËRR ” e shkëpute për ta lënë peng të dëshirës.

Sa ndryshon njeriu në raport me ëndrrat e pyes veten gjithnjë kur zhytem në kujtime?!!

Ëndrrat… si pamjet e një qyteti të ndërtuar me psherëtima e pasthirma… brishtësia e tij muzg më muzg më bën të lexoj letrën tënde të fundit ku ndër të tjera më thua;” THIRRE MËNDJEN ” sepse nesër do të jetë vonë për ne të dy.

Ndiej zemrën që më troket fort… dhe të përgjigjet se ke një vend në thellësi të saj me gjithë melankolitë të cilat nuk i janë ndarë kurrë nga jeta.

Ulem tek stoli në parkun tim të preferuar për të bërë një monolog” NË HESHTJE ” me këtë mbretëri të hekurt që trazon ajrin përreth meje duke rìmuar kërkëlima puthjesh mbi gushën time… ku befas dhe heshtja mblesërohet me të nesërmen e paditur.

Ahh muret, muret… më vjen të këlthas para fytyrës së tyre.
Ti, kurrë nuk do të mundësh të mposhtësh ato… por tashmë as unë…ndoshta kam humbur mes hapësirës së tyre…mes epshit diellor që depërton ” NË DRITARE “dhe më nxit të fantazoj… atë pra vallëzimin në një shtrat me lule maji në breg të një liqeni nën melodinë e orkestrës s’qiellit me yjet që derdhen si verë e kuqe mbi trupat tanë… e, unë dua të shpik për ty parfumin prej zërit tënd që nxjerr tinguj të shenjtë… e, unë dua të ecësh në një labirinth prej gjakut tim si në një fushë beteje mbi kraharorë heronjsh.

Dua të ndalem pak më tepër tek teksti i këngës ” TI JETON “e cila prek dhe vdekjet e jetës sime.

Thonë që vdekja e mikut më të mirë është e njëjtë me atë të Nënës e Ati’t… unë, them ndoshta është edhe më keq. Humb një pjesë të vetvetes… humb dritën në fshehtësi të trurit ku mban gjërat më të vyera… ku mban peshën e një dashurie të rritur në çdo etape të jetës… për çdo qëllim e ideal të përbashkët.

Shoku bëhet heroi yt… trimëria e guximi… liria… frymëzimi e motivi… bëhet tekst e melodi… muzë e fortë që të kap dorën e të rìngré për të rijetuar edhe për atë. Shoku bëhet fati i së ardhmes sepse të duash jetën do veten në të mirë e në të keq.

Në këtë këngë i dashur Bekim të lexoj edhe ty përmes gërmave… ndiej si e ke përjetuar këtë ikje. Ndiej zemrën e një Artisti që netët e errëta kërkon ngushëllim tek kujtimet e pavdekshme.

Teksti i thjeshtë por me një ndjenjë të madhe shpirtërore më përcjell mesazhin e nuancave të dashurisë njerëzore… se nëse nuk të shfaqen në një natë me stuhi… nuk mund t’i shohësh kurrë ditën me diell.

E di, nuk jam një heroinë por një grua e thjeshtë që ende pret ” DITË e NATË ” sinjalet e tua të frymëmarrjes …

Mbrëmja po bie mbi qytetin ku jetoj… dielli u fsheh edhe njëherë PËRTEJ VETES për t’i lënë radhën hënës, të derdhë dritën e saj mbi misterin e jetës…

I dashur Artist,
për të mbyllur përshtypjen time për albumin tuaj dua të, të shpreh kënaqësinë që më dhuruat me çdo varg të këngëve… me çdo kompozim
të vogël, të madh,
të argjend’të , të larë me lirinë e shpirtit,
vargje si një tufë e larmë sysh
që të ndjekin gjithë kohës
të dukshme e të padukshme
në lojë provokuese
interesante e lundruese
të dhimbshme në hollësi
shpesh të paçmueshme
që bien thellë në përqafim
të kthjellta për fytyra egërshake.

Vargje
të veshura në pritje të natës
të agut që udhëton me dritën e parajsës
të zhveshur nën një tango të çlirshme
mbi shkëlqime të pasqyruar hijesh të buta.

Vargjet e këngëve
të duash muzikën
të urresh rastësitë
të admirosh muzikantin.

Bashkangjitur gjeni kanalin zyrtar të grupit në Youtube. / KultPlus.com

https://www.youtube.com/channel/UCJBmFTV1aRwF30kZ64BF5SQ

Ermal Meta po vjen me album të ri, publikon datën

Këngëtari shqiptar Ermal Meta, ka bërë të ditur se së shpejti do të publikojë albumin e tij më të ri, shkruan KultPlus.

Meta ka paralajmëruar adhuruesit e tij përmes një statusi në rrjetin social Facebook, ku është shprehur tejet i ngazëllyer me publikimin e albumit të tij.

‘Përshëndetje miq, albumi im i ri ‘TRIB Ù URBANA’ do të lansohet më 12 Mars. Jam shumë i entuziasmuar dhe mezi po pres ta dëgjoni.

Në këto kohë të vështira, ajo që më dha guximin të vazhdoj të ëndërroj është vetëdija se forca qëndron së bashku. Nuk është lumturi nëse nuk e ndan, nuk është qesharake nëse nuk qesh me dikë. Unë do të pres për ju në # 12 Mars dhe e di se unë jam i ngazëllyer për të filluar këtë udhëtim’, ka shkruar Meta. / KultPlus.com

Albumi i ardhshëm i Zara Larsson-it i inspiruar nga muzika e grupit ‘ABBA’

Këngëtarja e njohur suedeze me famë botërore, Zara Larsson, ka bërë të ditur se muzika e albumit të saj të ardhshëm me titull, “Poster Girl”, është inspiruar nga grupi legjendarë i muzikës pop “ABBA”.

Ylli i hitit “WOW” pritet ta lansojë albumin e tretë të incizuar në studio, më 5 mars të këtij viti, dhe në një intervistë të fundit këngëtarja ka zbuluar se me muzikën e re, i ka përqafuar rrënjët e saj suedeze dhe ka gjetur inspirim nga artistët, muzikën e së cilëve e ka dëgjuar si fëmijë.

“Unë jam inspiruar nga legjendat e popit në Suedi, si ‘ABBA’, Roxette dhe Robyn. Jam vërtetë krenare me trashëgiminë time të muzikës pop. Një gjë të cilën e kam kuptuar është se, për mua, muzika pop ka qenë gjithmonë një formë e arratisjes. Tani i kemi rrjetet e ndryshme sociale si Tik Tok dhe Instagram, të cilat ju tërheqin dhe ju largojnë nga realiteti, por kur unë isha fëmijë, muzika pop ishte forma e vetme për mua që të arratisesha nga jeta e përditshme. Mbaj mend se e shikoja veten në pasqyrë dhe shtiresha sikur isha dikush tjetër. Mendoj se kjo ka ndikuar në dëshirën time për t’u marrë me muzikë dhe për t’i argëtuar njerëzit”, transmeton KultPlus.

Larsson ndër të tjera ka treguar se tema kryesore e këtij albumi, i cili vjen pas atij të vitit 2017, “So Good”, është dashuria. Këngëtarja 23-vjeçare e pranoi se në realizimin e këtij incizimi, ka pasur shumë më shumë ndikim dhe kontroll.

Ylli i hitit “Ain’t My Fault” është në lidhje dashurie me modelin, Lamin Holmén, dhe me shumë entuziazëm tregoi se po ndihet më e lumtur dhe e dashuruar se kurrë, dhe pikërisht kjo ndjenjë e ka ndihmuar ta përballojë pandeminë e koronavirusit.

“Do të tingëllojë paksa klishe por jam shumë e dashuruar dhe e lumtur. Dhe kjo më ka ndihmuar ta tejkalojë gjithë këtë situatë. Asnjëherë më parë nuk kam ndjerë dashuri të këtillë. Nuk di si ta shpjegoj këtë pa tingëlluar qesharake, por thjeshtë jam shumë e dashuruar. Askush nuk mund të jetë i fuqishëm duke qenë vetëm, veçanërisht gjatë situatave të këtilla, prandaj mendoj se të qenit në një lidhje të lumtur më ka ndihmuar shumë”, ka përfunduar Larsson.

Zara Larsson debutoi në tregun ndërkombëtarë në vitin 2013, duke u shndërruar menjëherë në një artiste shumë të dashur nga publiku dhe shumë të kërkuar për bashkëpunime nga yjet e muzikës. Ndër vite ka realizuar hite të mëdha të tilla si “Uncover”, “Ain’t My Fault”, “Lush Love”, “This One’s For You” dhe të tjerë. / KultPlus.com

Albumi i ri i Adeles do të jetë ndryshe nga ata të mëparshmit

Albumi i katërt i Adele nuk do të fokusohet në divorcin e saj nga ish-bashkëshorti Simon Konecki.

Ky do të jetë albumi i parë i Adeles në gjashtë vitet e fundit i cili pritet të lëshohet në treg gjatë këtij viti.

Thuhet se albumi do të tingëllojë ndryshe nga albumet e saj të mëparshme të cilat kanë në përmbajtje vetëm këngë për romancën dhe zemrat e thyera.

Një burim i ka thënë “The Sun” se “tekstet për zemrat e thyera i kanë ndihmuar Adeles në të kaluarën që të thyejë rekorde mirëpo tani gjithçka do të jetë ndryshe”.

Sipas burimit, Adele dhe Simon janë të pajtimit që ata duhet ta mbrojnë djalin e tyre Angelo dhe se për këtë arsye këngëtarja e famshme nuk do të përfshijë divorcin e tyre në këtë album. /Koha/ KultPlus.com

Bebe Rexha bën një gjest human, ia dhuron albumin e saj vajzës që iu dogj shtëpia

Këngëtarja me origjinë shqiptare me famë botërore Bebe Rexha njihet për aktivitetin e saj humanist e bamirës, por dhe mbështetjen për fansat e saj.

Pikërisht një fanse i ka shkruar në Twitter, se i ishte djegur shtëpia e bashkë me të dhe disku i këngëve “All your fault”, një album i vogël i këngëtares së famshme.

Sapo ka parë këtë status, këngëtarja shqiptare i ka kthyer përgjigje duke i thënë se ka ende disa disqe “AYF (All of your fault)” në shtëpinë e saj, dhe do t’ia dërgojë një të ri të firmosur.

“Bebe të lutem lexoje këtë, të lutem. Shtëpia ime u dogj këtë të hënë dhe jam e shkatërruar, kam humbur gjithçka dhe kam humbur diskun tim AYF. Unë jam aq e trishtuar, sepse ishte i preferuari im, me të vërtetë”, ka qenë mesazhi i shkruar nga fansja.

Ndërkohë Bebe Rexha i është përgjigjur: “O Zot i madh. Unë mendoj se kam një disk AYF në shtëpinë time. Më lër të të dërgoj një. Dhe unë do ta nënshkruaj atë. Më vjen shumë keq për atë që ka ndodhur”. /dp/ KultPlus.com

Albumi i Elina Dunit vlerësohet nga revista prestigjioze e muzikës në Angli

Albumi më i ri i këngëtares shqiptare, Elina Duni është vlerësuar lartë nga revista e famshme “Jazzwise” në Angli, shkruan KultPlus.

Albumi i dedikuar emigrantëve “Lost ships” ka marrë katër yje, e që nënkupton vlerësimin më të lartë nga kjo revistë e muzikës jazz, teksa lajmin e ka bërë të ditur Duni.

“Vlerësim i madh me katër yje nga Jazzwise Magazine në Mbretërinë e Bashkuar për albumin tonë të ri, ku ne jemi paraqitur edhe këtë muaj si përzgjedhje e redaktorit! “Rob Luft bën debutimin e tij në ECM, dhe Elina Duni paraqet një ansambël të ri – dhe rezultati thjesht ndodh të jetë një klasik i vogël”, ka shkruar ajo në facebook.

Albumi “Lost Ships” ishte realizuar nga Elina Duninë bashkëpunim me Rob Luft, Fred Thomas  dhe është publikuar në ECM Records. / KultPlus.com

Rikthehet bendi “AC/DC”, paralajmëron këngë dhe album të ri

Bendi legjendar i muzikës rok “AC/DC” i ka entuziazmuar fansat duke e bërë të ditur lajmin se po rikthehen në skenën muzikore, dhe këtë javë do ta lansojnë një këngë të re.

Përmes një postimi në faqen zyrtare të grupit në Twitter, pesë anëtarët e “AC/DC” i informuan fansat se së shpejti do të ribashkohen për të lansuar materiale të reja. Ata i postuan dy video paralajmëruese të shoqëruara me mesazhin “A jeni gati?”.

Vokalisti Brian Johnson, bataristi Phil Rudd dhe basisti Cliff Williams, po i ribashkohen bendit australian pas largimit në vitin 2016 kur edhe e përfunduar turneun e fundit muzikorë. Në fotografinë e fundit të postuar në rrjetet sociale, ata shoqërohen nga muzikantët veteran, Angus dhe Stevie Young, transmeton KultPlus.

Ndërkaq sa i takon këngës së re, ajo e mban titullin “Shot in the Dark” dhe adhuruesit e bendit mezi po e presin lansimin e këtij projekti. Po ashtu para pak orëve, inxhinieri i zërimit njëherësh bashkëpunëtor i kamotshëm i bendit, Mike Fraser, e konfirmoi lajmin se ka punuar në albumin e ardhshëm të “AC/DC”, me titull “PWR/UP”. Ky inçzim vjen pas albumit të fundit të grupit, “Rock Or Bust” të lansuar në vitin 2014.

Rok bendi “AC/DC” ishte themeluar nga vëllezërit Angus Young dhe vëllai i tij Malcolm, në vitin 1973. Rrugëtimi i tyre drejt suksesit nuk ka qenë i lehtë por ata ia kanë dalë t’i mbijetojnë disa sfidave, përfshirë këtu vdekjes së vokalistit të bendit, Bon Scott, në vitin 1980.

Albumi i bendit i vitit 1980, “Back in Black”, është një prej albumeve më të shitura në historinë e muzikës, me më shumë se 20 milionë kopje të shitura vetëm në Amerikë. Grupi nuk ka lansuar muzikë të re nga viti 2014, ndërsa turneu i tyre u fundit zuri vend më 2016-en. / KultPlus.com

Bob Dylan publikon këngën “Profeti i rremë”, paralajmëron albumin e ri

Kantautori amerikan Bob Dylan duket se e ka shfrytëzuar mirë kohën e izolimit nga pandemia, për të sjellë gjëra të reja për publikun, shkruan KultPlus.

Në llogarinë e tij në Facebook, Dylan ka nxjerrë këngën më të re të titulluar “Profeti i rremë”, ku edhe bën të ditur se më 19 qershor do të dalë albumi i tij më i ri “Rough and Rowdy Ways”.

Kohë më parë, ai publikoi këngën “Murder Most Foul” që ishte befasi e këndshme për adhuruesit e tij. Kënga e gjatë 17-minutëshe rrëfente vrasjen e presidentit amerikan Xhon Kenedi.

Edhe kënga “Profeti i rremë” ka gjurmët e Dylanit të ri, përveç tekstit, spikat zëri i veçantë dhe zhanri rok.

Albumi “Rough and Rowdy Ways” do të dalë në treg më 19 qershor.

Kujtojmë që ditë më parë edhe rok bendi legjendar “Rolling Stones” publikuan këngën më të re. /bm /KultPlus.com

Ish-aktorja McGowan publikon album kundër izolimit dhe vetmisë

Rose McGowan, ka publikuar një album, të cilin e dizajnoi për të shëruar veten nga vetmia dhe izolimi.

Ish-aktorja McGowan, akuzuesja e përdhunuesit Harvey Weinstein, ka thënë se albumi është realizuar për të ndihmuar të gjithë ata që kanë frikë dhe janë në vetmi.

“Nuk dua të shfrytëzoj rastin për të përfituar nga koronavirusi. Mendova se ky ishte momenti më i mirë për të ndihmuar të tjerët”, ka thënë ish-aktorja e Hollywooodit, transmeton KOHA.

Albumi “Planet 9” është i zhanrit elektronik dhe ka mesazhe për shpresë në lidhje me zhvillimet personale pas pësimit të traumës.

McGowan ishte në qendër të rënies së famës së producentit Weinstein. Ajo i ndihmoi gazetarit Ronan Farrow në nisjen e lëvizjes “Me too”.

Përveç muzikës, ajo ka shkruar edhe librin “Brave”. Në këtë libër flet për përvojat e saj në Hollwood. /KultPlus.com

“Scorpions” synojnë ta lansojnë albumin e ri në vjeshtë të vitit 2020

Kitaristi i “Scorpions”, Matthias Jabs ka deklaruar se bendi po punon në atë që do të jetë albumi i tyre i 19-të, me shpresë që ta lansojnë atë në vjeshtë të vitit 2020.

Kjo do të jetë hera e parë që ish-bateristi i “Motorhead”, Mikkey Dee do të kontribuojë në një studio album të “Scorpions”, shkruan KOHA Ditore. Publikimi i tij do ta pasojë një rezidencë në Las Vegas të cilin bendi e ka planifikuar për korrik.

“I kemi shkruar disa materiale para se të shkonim në turne këtë verë” tha Jabs për “The Metal Bar” (përmes Blabbermouth). “Pra, kemi këngë – rreth 10 sosh, mendoj – por do të na duhet t’i shkruajmë edhe disa pasi të këtë mbaruar ky turne, dhe pastaj të përgatitemi për provat dhe regjistrimet menjëherë pas koncerteve tona në Zelandën e Re dhe disa në Azi.”

Ai vuri në dukje se do të punojnë me producentin Greg Fidelman, rezymeja e të cilit e përfshin grupet Metallica dhe Slipknot. “Plani është të regjistrojmë deri në fillim të korrikut, ku e kemi një rezidencë në Las Vegas për një muaj të tërë,” shtoi ai. “Dhe atëherë, gjatë asaj kohe, ose mund t’i bëjmë punimet përfundimtare ose mikset. Dhe pastaj albumi duhet të dalë në vjeshtë të vitit 2020. Dhe, sigurisht, do të vazhdojmë përsëri në turne.”

Jabs tha se procesi i shkrimit të këngëve të Scorpions ka ndryshuar ndër vite. “Në kohërat e vjetra, unë e merrja kitarën dhe dilja me disa riffa të shkëlqyer dhe emocionohesha për këtë,” shpjegoi ai. “Sot, pothuajse çdo riff është interpretuar tashmë nga unë dhe të tjerët.. Kështu që qasja është paksa më ndryshe – ka të bëjë më shumë me këngën, melodinë, madje edhe me tekstet, ndonjëherë, ato mund të jenë frymëzimi. /KultPlus.com

Ripublikohet albumi i rrallë i Prince

Albumi i rrallë i Prince, “The Versace Experience” do të ketë publikim të plotë, tre vjet pas vdekjes së këngëtarit.

Projekti u publikua për herë të parë në kaseta të limituara dhe iu shpërnda njerëzve që morën pjesë në shfaqjen e Versace në Paris Fashion Week në korrik të vitit 1995. Në atë moment, albumi ishte menduar si një rishqyrtim i albumit atëherë të ri të Prince, “Gold”, dhe përfshiu remikse ekskluzive të “Eye Hate U”, “Gold” dhe “P Control”, si dhe muzikë të rrallë nga bendi i tij “The New Power Generation”.

Tani, adhuruesit do të mund ta blejnë kopjen e tyre, së bashku me dy albume të tjera që po ripublikohen – Emancipation dhe Chaos And Disorder, i cili ishte albumi i fundit i muzikës së re që Prince e publikoi si pjesë e kontratës së tij me Warner Bros në vitin 1996, shkruan KOHA Ditore.

Para vdekjes së tij, Prince kishte refuzuar ta ripublikonte albumin sepse ai shënoi fundin e marrëdhënies së tij kontestuese me kompaninë në fjalë.

Ndërkohë, albumi i trefishtë Emancipation u publikua në nëntor të vitit 1996, vetëm katër muaj pas Chaos And Disorder. Të dy albumet janë publikuar në vinyl për herë të parë.

Të tre albumet do të jenë në dispozicion të fansave nga 20 shtatori. / KultPlus.com

“Western Stars” e shkëput Springsteen prej tradicionales

Albumi i nëntëmbëdhjetë i Bruce Springsteen është cilësuar si shkëputje dramatike prej traditës. 

Aq dramatike madje saqë në intervistat që i paraprinë publikimit, autori i “Western Stars’” u ndje i shtrënguar që t’i sigurojë fansat me termet “shërbimet normale do të vazhdojnë sa më parë që është e mundur”, duke aluduar se do t’u kthehet xhirimeve dhe turneve me bendin “E Street Band” më vonë gjatë këtij viti. 

Zotimi qartazi e vë në pah shqetësimin se “Western Stars” i tmerroi fansat e Bosit për faktin se sa larg cilido prej stileve standarde muzikore të tij e ka shpënë ky album heroin e tyre.

Në të nuk ka gjurmë të stilit dallues të “E Street Bandit” dhe as të tipareve veçuese të solo-albumeve të mëhershme të tij: krejt këto janë zëvendësuar nga orkestrime të këndshme, vargje të bollshme e tipare të muzikës franceze, vokale të buta femërore, tinguj të vakët kitare dhe efekte të shumta vibrimesh. 

Nuk bazohet aq fort në muzikën country. E gjithë kjo përbën shkëputje të qartë, ndonëse ekziston një ndjesi që megjithatë i përputhet qasjes së përhershme të Springsteenit. 

Zëri i tij tingëllon sërish nostalgjik. “E Street Band” dhe kënga “The Ghost of Tom Joad” kanë bazë në muzikën që lulëzoi në Shtetet e Bashkuara të Amerikës, kur Springsteen ishte rreth 12 vjeç.Koha.net/ KultPlus.com

Radio zvicerane promovon solo albumin e Elina Dunit (FOTO)

Këngëtarja dhe kompozitorja e njohur shqiptare, Elina Duni, po rikthehet fuqishëm me një album të ri muzikor.

Albumi i saj i ri solo titullohet ”Partir” ndërsa Radio Kombëtare Zvicerane, ka përgatitur një event të veçantë transmetimi për promovimin e këngëtares me rastin e lansimit të këngëve të saj më të reja.

Për gjithë transmetimin e projektit më të ri të muzikantes shqiptare është përkujdesur gazetari i njohur zviceran Arnaud Robertin për të cilin vet Elina Duni ka shprehur mirënjohje.

Brenda ”Partir”, ka këngë në gjuhën shqipe, melodi të cilat janë dhe duke u transmetuar në radio kombëtare të Zvicrës, njofton Klan Kosova.

“Partir” mund ta keni në duart tuaja nga 13 prilli në Zvicër ndërsa në pjesën tjetër të Europës dhe SHBA-së, mund ta gjeni atë nga 27 prilli./ KultPlus.com

Visar Kuçi sjellë “Modern Waves”, një album i inspiruar nga arkitektura brutaliste e hapësirës ish-Jugosllave

Të martën më 26 dhjetor Visar Kuçi, publikon albumin e radhës të punuar me jazz trion e tij (Enes Bajramliqi, Enver Muhamedi), shkruan KultPlus.

“Modern Waves”, titullohet albumi, që vjen nga Kuçi, një prej artistëve më të spikatur që ka skena kosovare.

“Nji multi-instrumentist, kompozitor e orkestrues, njohës i thellë i zhanreve muzikore prej klasikës, nëpër rock, metal, pop & r’n’b, deri te jazz-i modern, Visari e ka nji staminë të rrallë artistike dhe punon aq shumë sa duket se janë 2 apo 3 Visara në qytet”, thuhet në eventin e publikuar në rrjetin social Facebook.

Visar Kuçi sjellë një punë serioze dhe të thelluar me “Modern Waves”, ku ngreh frymëzimin prek arkitekturës brutaliste të hapësirës ish-Jugosllave.

Bendi: Visar Kuçi – guitar, Enver Muhamedi – double bass dhe Enes Bajramliqi – drums, pas koncertit do të ketë Jam Session me Nesim Maxhunin dhe Ilir Bajrin të cilët bashkkangjiten në skenë.

Promovimi mbahet më 26 dhjetor me fillim nga ora 20:00 në Dit’ e Nat’./ KultPlus.com

“Reputation” i Taylor Swift mban pozitën e parë edhe pas tri javëve në Billboard

Taylor Swift e cila së fundmi ka publikuar albumin e saj të ri, “Reputation” po e mban vendin e parë në tabelën e Billboard për plot tri javë, përcjellë KultPlus.

Deri tani albumi i saj “Reputation” është shitur në 1.6 milion kopje. Këngëtarja Swift, këtë të premte ka lansuar albumin e saj edhe në të tjera platforma ku janë të përfshirë Spotify, Apple Music dhe Amazon.

Kjo mund t’i japë “Reputation” një sukses tjetër në tabelën e javës së ardhshme, ndërsa do të sfidohet nga albumi i ri i U2, “Songs of Experience”./ KultPlus.com