Bill Gates për Omicron: Mund të jemi duke hyrë në pjesën më të keqe të pandemisë

Sipas tij, kjo valë do të zgjasë tre muaj, të paktën në Shtetet e Bashkuara.

“Këto muaj mund të jenë të rëndë, por besoj ende që nëse ndërmarrim hapat e duhur, pandemia mund të përfundojë në vitin 2022”, tha Gates.

Sipas statistikave të Universitetit Johns Hopkins, në SHBA janë regjistruar që nga nisja e pandemisë 51,5 milionë raste, ndërsa 812 069 persona kanë humbur jetën nga koronavirusi. Në të gjithë botën, numri i rasteve të konfirmuara me virus është mbi 277 milionë, ndërsa 5,377 551 persona kanë humbur jetën nga COVID-19.

“Duhet ta marrim seriozisht, derisa të dimë më shumë për të. Edhe nëse është i rrezikshëm sa gjysma e variantit Delta, do të sjellë valën më të keqe që kemi parë deri tani, për shkak se është shumë infektues”, tha Gates./ KultPlus.com

Librat e tij të preferuar që Bill Gates ju rekomandon t’i lexoni

Bill Gates është një nga njerëzit më të pasur në botë si dhe një njeri i shumëpërfolur për ndikimin e tij mbi njerëzimin dhe përfshirjen në konspiracione nga më të ndryshmet.

Ndaj, nuk kishte si të mungonte kurioziteti për të mësuar rreth titujve të librave që ai sugjeron të lexohen këtë sezon festash.

Nga gjenetika, te robotët e deri te Shekspiri, këto janë librat që filantropi amerikan ju sugjeron t’i lexoni para fundit të vitit 2021, shkruan The Economic Times.

“Deshifruesja e Kodit: Jennifer Doudna, Modifikimi i gjeneve dhe e ardhmja e njerëzimit” (The Code Breaker: Jennifer Doudna, Gene Editing and the Future of the Human Race), nga Ëalter Isaacson

Në vitin 2012, biokimistja, Jennifer Doudna, dhe kolegët e saj zbuluan mjetin CRISPR, një formë të ‘gërshërëve gjenetike’ të cilat transformuan shkencën e modifikimit të gjeneve. Libri i Ëalter Isaacson tregon historinë e vërtetë të këtij zbulimi shkencor dhe shpjegon natyrën e tij premtuese por edhe sfidat që na kanosen si pasojë.

Fondacioni i Bill Gates ka financuar disa projekte që kanë përdorur ‘gërshërët’ CRISPR, duke nisur nga bimë të modifikuara për t’i mbijetuar ndryshimeve klimaterike deri tek antitrupat për të vrarë patogjenë si malaria apo HIV AIDS, kështu që Gates e njeh mirë këtë teknologji dhe i sugjeron të gjithëve të mësojnë rreth saj.

“Njëmijë Tru: Një teori e re për inteligjencën” (A Thousand Brains: A Neë Theory of Intelligence), nga Jeff Hawkins

“Nga të gjithë temat rreth të cilave kam qenë duke mësuar kohët e fundit, njëra dallon për nga kompleksiteti i saj befasues, të kuptuarit se si qelizat dhe urat lidhëse në trurin tonë prodhojnë vetëdijen dhe mundësinë për të mësuar”, shkruan Gates.

Një libër i ri nga sipërmarrësi i industrisë teknologjike, Jeff Haëkins, një nga bashkëthemeluesit e Palm Pilot, flet rreth faktit se sa më shumë ta kuptojmë trurin tonë, aq më shumë i afrohemi ditës kur Inteligjenca Artificiale do të mësojë të bëjë dhe kuptojë çdo veprim të njeriut.

“Klara dhe Dielli” (Klara and the Sun), nga Kazuo Ishiguro

“Më pëlqen vërtetë një histori e bukur me robotë,” shkruan Gates. Romani më i ri nga Kazuo Ishiguro tregon historinë e një roboti me emrin Klara, i cili është programuar për të qenë empatik, dhe që vepron si një ‘mik artificial’ ndaj një fëmije të sëmurë. Libri, në vetën e parë, përmban historinë e rrëfyer nga këndvështrimi i këtij roboti.

Gates nënvizon se projekte të ngjashme po ndërmerren edhe në jetë reale, me anë të ‘robotëve shoqërues/bashkudhëtarë’ sidomos si mundësi për të ndihmuar moshat e treta me vetminë.

“Hamnet”, nga Maggie O’Farrell

“Hamnet”, i cili fitoi Çmimin Libri më i Mirë Artistik i vitit nga National Book Critics, nis me një fakt nga jeta reale e Ëilliam Shekspir, disa vite para se ai të shkruante Hamlet-in, djali i tij 11-vjeçar, Hamnet, u nda nga jeta. Pa e përmendur emrin Shekspir, O’Farrell eksploron mënyrat se si ditët para vdekjes së Hamnet-të, mund të kenë ndikuar mbi shfaqjen e famshme teatrale.

“Mbi të gjitha, Hamnet tregon se si vdekja e një djali të ri ndikon mbi prindin, ndërsa Hamleti flet rreth mënyrës se si ndikon vdekja e prindërve tek një djalë i ri”, shkruan Gates.

“Projekti Ave Maria” (Project Hail Mary) nga Andy Weir

Ëeir, autori i ‘The Martian’, ka shkruar një roman të ri fantastiko-shkencor rreth një mësuesi shkence gjimnazi, i cili zgjohet një ditë në një sistem të ri diellor.

Gates, i cili ka qenë gjithmonë një fans i këtij zhanri, tregon se ai nuk mund ta shpjegojë përse e dashuron këtë libër, dhe pa dashur të japë shumë detaje, ai premton se është tejet argëtues./KultPlus.com

Bill Gates: Tregohu i mirë me ata që mësojnë, mund të përfundosh duke punuar për ta

Më 28 tetor të vitit 1955 lindi Bill Gates, njeriu që botës i dha kthesë historike për sa i përket teknologjisë dhe zhvillimit të saj. Gates është pronari edhe kryearkitekti softëare-i i firmës së njohur Microsoft e cila bënë xhiro rreth 36.84 miliard dollar Amerikan në vit edhe ka 128,000 punëtorë[1] të shpërndarë në 85 vënde të ndryshme në botë.

Në vijim, KultPlus ju sjell disa nga thëniet më të njohura të Gates, të cilat sipas tij nuk mund t’i mësoni në shkollë..

1. Jeta nuk është e drejtë, mësohuni me të.
Mjaft pritët që jeta “t’ju sjellë” gjërat që ju mendoni se “i meritoni”.
2. Botës nuk i bëhet vonë për vetëvlerësimin tuaj.
Filloni të bëni diçka me veten dhe për veten tuaj sot. Tani!
3. Nuk do të kesh një pagë me gjashtë shifra menjëherë pas shkollës.
Do të duhet të punosh fort për të arritur atë që dëshiron.
4. Nëse mendon se mësuesi është i ashpër, prit të shohësh si do të jetë shefi.
Në vend të të “hajë me dhëmbë” përpara klasës, tani do të jetë përpara një zyre të tërë.
5. Gatimi i hamburgerëve nuk është “përtej dinjitetit tënd”.
Gëlltite atë krenari idiote dhe merre atë punë që tani mendon se është nën nivelin që ti meriton.
6. Nëse i çon gjërat për dreq, nuk është faji i prindërve.
Mjaft shpërndave fajësime dhe fillo të marrësh përgjegjësi për dështimet e tua.
7. Prindërit dinë diçka që ti nuk e di.
Ndoshta, para se të lindje ti, prindërit e tu nuk kanë qenë aq të mërzitshëm sa janë sot.
8. Shkolla mund të ketë hequr fituesit dhe humbësit, por jeta jo.
Rezultati i një provimi nuk justifikon mjetet. Nuk ka as edhe ngjashmërinë më të vogël me atë që ndodh në jetën reale.
9. Jeta nuk është e ndarë në semestra.
Një herë që fillon, jeta vazhdon e vazhdon, pa fund. Kështu që shpenzoje kohën tënde duke bërë një gjë që vlen.
10. Ajo që sheh në televizor nuk është jetë reale.
Në jetën reale, njerëzit duhet ta lënë kafenenë dhe të shkojnë në punë.
11. Tregohu i mirë me ata që vetëm mësojnë.
Shanset janë që do të përfundosh të punosh për një prej tyre. / KultPlus.com

Tri pyetjet me të cilat Bill Gates e mat suksesin

Ndoshta keni arritur më shumë nga çfarë prisnit. Apo ndoshta ndiheni sikur nuk kani bërë mjaftueshëm dhe doni ta shtyni veten për të arritur më shumë.

Cilido qoftë rrugëtimi juaj, tani është momenti më i mirë për të reflektuar mbi atë që ju pret përpara.

Qëllimet tona janë të ndryshme, por Bill Gates përdor këto 3 pyetje për të matur suksesin e tij në jetë:

1.“A i kam kushtuar mjaftueshëm kohë familjes sime?“

Paraja mund të blejë shumë gjëra, por nuk mund të blejë një minutë më shumë gjatë ditës.

Edhe pse me një axhendë të zënë, Gates gjen kohë për familjen e tij.

Ai shfrytëzon çdo mundësi: mëngjeset para se fëmijët të nisen për në shkollë, një serial të preferuar që familja e sheh së bashku, apo edhe momente në makinë duke dëgjuar muzikë. Ai nuk do të humbasë asnjë rast.

2. “A kam mësuar mjaftueshëm gjëra të reja?”

Gates është larguar nga Harvard në vitin 1975, por ai ende vazhdon të ushqejë mirë oreksin e tij për dije. Gates ka thënë se lexon 50 libra çdo vit: Është një nga gjërat më të mira që kam bërë që kur isha fëmijë.

“Madje dhe gjatë udhëtimeve të mia nëpër botë, unë kërkoj të takoj shkencëtarë vendas dhe ndjek shumë kurse online. Por leximi mbetet një nga mënyrat më të preferuara për të mësuar gjëra të reja dhe për të testuar ato që kuptoj”.

Mësimi i vazhdueshëm është thelbësor për një rritje të vazhdueshme, sukses dhe lumturi dhe ky është momenti më i mirë për t’ja nisur. Sidomos sot që gjithçka është online dhe nuk të duhet të shfletosh enciklopedinë.

3. “A kam krijuar shoqëri të reja dhe a kam thelluar ato të vjetrat?”

Të gjithë e njohin influencën që Warren Buffett ka patur në jetën dhe suksesin e Bill Gates. Kur është pyetur “Si e përkufizon suksesin?”, Gates nuk nguron të përmend mikun e tij Buffett: “Warren Buffett gjithmonë ka thënë se matësi më i mirë është nëse njerëzit që ke afër janë të lumtur dhe të duan”.

Në një shkrim në blog, Gates citon: “Kam mësuar shumë gjëra nga Warren këto 25 vitet e fundit, por ndoshta gjëja më e rëndësishme e kësaj marrëdhënie është miqësia. Duhet të sillesh si ai shoku që do të doje të kishe”.

Shumë studime kanë sugjeruar se ka avantazhe të shumta në kultivimin e thellë të shoqërive. Marrëdhëniet që ne kemi apo krijojnë kanë një ndikim të drejtëpërdrejtë në shëndetin tonë. Të kujdesesh për trupin është e rëndësishme, por të kujdesesh për marrdhëniet e tua është mirëqënie gjithashtu./KultPlus.com

Vetëm vendi i pestë për Bill Gates në listën e më të pasurve

Bill Gates, themeluesi i Microsoft, renditet i pesti tashmë, pas shefit ekzekutiv dhe themeluesit të Facebook, Mark Zuckerberg, në listën e njerëzve më të pasur në botë, sipas ”Forbes”.

Divorci i Bill dhe Melinda Gates dhe ndarja e pronave më pas është arsyeja kryesore e kësaj rënieje në renditje.

Gates ka qenë një nga miliarderët më të mëdhenj që nga viti 1987 dhe kjo është hera e parë që ai është nën vendin e tretë që kur ”Forbes” filloi listimin.

Kompania e investimeve e Gates, “Cascade Investment LLC” (CAS), transferoi aksione me vlerë 2,4 miliardë dollarë te Melinda duke e çuar vlerën e saj neto në 5,6 miliardë dollarë.

Divorci i kushtoi Billit 3,2 miliardë dollarë.

Bill Gates aktualisht vlen 129,6 miliardë dollarë, ndërsa Zuckerberg 132 miliardë.

Bill dhe Melinda vendosën të ndaheshin pasi ish-shefi i Microsoft u zbulua se ishte mik me Jeffrey Epstein.

Gates ishte gjithashtu nën hetim për një lidhje tjetër të mundshme me një punonjëse të Microsoft, në vitin 2000.

Gates i është referuar miqësisë së tij me Epstein si një gabim i madh.

Megjithatë, Bill dhe Melinda do të punojnë së bashku në fondacionin e tyre ”Bill dhe Melinda Gates”, fondacioni më i madh bamirës në botë, për aq kohë sa kjo e fundit ndihet mirë me punën me ish-bashkëshortit. / KultPlus.com

Me shkurorëzim, Bill Gates mund të mos renditet më si ndër më të pasurit e botës

Multimiliarderi Bill Gates dhe bashkëshortja e tij Melinda Gates njoftuan të hënën se kanë vendosur të shkurorëzohen. Njoftimi u bë lajm viral në botë, ndërsa fokusi tash është kthyer te ndikimi i shkurorëzimit si në jetën e tyre personale, por edhe të ndikimit që do të ketë në industrinë e teknologjisë dhe ndarjen e pasurisë miliardëshe.

Çifti, që po ndahet pas 27-vjetësh martesë, ka pasuri 146 miliardë dollarësh. Ata s’bënë publike planet e ndarjes financiare, por u zotuan se do të vazhdojnë bashkëpunimin në filantropi.

Bill Gates, 65-vjeçar, themeluesi i “Microsoftit”, pozicionohet në vendin e katërt të njerëzve më të pasur në botë. Melinda 56-vjeçare është ish-menaxhere në “Microsoft”. Ajo u bë e njohur pasi udhëhoqi Fondacionin “Bill & Gates”. Tashmë ka dhuruar mbi 50 miliardë dollarë. Një zyrtar i fondacionit ka thënë se Bill dhe Melinda do të mbesin bashkëpronarë të fondacionit.

Shkurorëzimi i çiftit Gates është i dyti që preku më të pasurit në botë, pas ndarjes së befasishme të Jeff Bezosit dhe MacKenzie Scott, më 2019. Ajo ndarje e bëri MacKenzien një nga njerëzit më të pasur në botë dhe kjo nxiti raportimet për ndarjen e pasurisë së Billit dhe Melindës.

Te çifti, që sapo ka njoftuar për shkurorëzimin, ndarja e pasurisë është më sfiduese, sipas “EconomicTimes”.

Vlera e pasurisë së Bill Gatesit, me origjinë nga aksionet në gjigantin softuerik “Microsoft”, tani zë më pak se 20 për qind të vlerës totale të pasurisë. Shumica e pasurisë është derdhur në fondacionin për ndihma. Vlera e pasurisë së saktë të Gatesit në “Microsoft” s’është e ditur që kur ai u largua nga bordi vitin e shkuar.

Aseti më i madh i tij është kompania aksionare “Cascade”, të cilën Gatesi e krijoi me shitjen e aksioneve të “Microsoftit”.

Monica Mazzei, një avokate e njohur për shkurorëzime, ka thënë se pikëpyetja më e madhe është për fondacionin dhe zyrën e familjes, nëse ish-çifti planifikon të vazhdojë punën bashkë. Ndërkaq, avokatja Janet George thotë se me ligj nuk është e caktuar që pasuria të ndahet përgjysmë. Madje sipas saj, publiku mund të mos e mësojë kurrë ndarjen e pasurisë së njeriut që ishte më i pasuri në botë për shumë vjet.

Bill e Melinda kanë tre fëmijë.

Ata u takuan për herë të parë në vitet e ’80-a në “Microsoft”. / KultPlus.com

Bill Gates: Në fund të vitit 2022 kthehemi në normalitet

Sipas miliarderit Bill Gates normaliteti në botë do të kthehet në fund të vitit 2022, pasi deri atëherë do të ketë më shumë vaksina për të luftuar pandeminë e koronavirusit.

Duke folur për rrjetin britanik SkyNews, bashkëthemeluesi i Microsoft vuri në dukje se me përshpejtimin e fushatës së vaksinimit në vendet më të pasura, të tilla si SHBA, dozat e vaksinave do të shpërndahen në vendet e tjera.

Ai nuk pret që makthi Covid-19 të përfundojë deri vitin e ardhshëm, por tha se ishte optimist se numri i rasteve Covid-19 do të kufizohej në ” numër shumë të vogël ” deri në fund të vitit të ardhshëm.

Miliarderi amerikan 65-vjeçar paralajmëroi, se përgatitja për pandemitë në të ardhmen është një “përparësi kryesore” dhe shprehu shqetësimin se makthi që po përjetojmë sot duhet të harrohet, ashtu siç ndodhi pas shpërthimit të Ebolas. / KultPlus.com

Bill Gates: Bota duhet të kthehet në normalitet deri në fund të vitit 2022

Bota duhet të kthehet në normalitet deri në fund të vitit 2022 falë vaksinave Covid-19, ka thënë njëri nga njerëzit më të pasur në botë, Bill Gates në një intervistë për gazetën polake Gazeta Wyborcza dhe transmetuesin televiziv TVN24.

Kjo është një tragjedi e pabesueshme“, tha bashkëthemeluesi i Microsoft mbi pandeminë, duke shtuar se lajmi i vetëm i mirë ishte hyrja në vaksina, transmeton KultPlus.

Deri në fund të vitit 2022 ne duhet të kthehemi plotësisht në normalitet,” tha Gates.

Gates, një miliarder i cili dha dorëheqjen si kryetar i Microsoft Corp në 2014, përmes fondacionit të tij filantropik Bill dhe Melinda Gates ka angazhuar të paktën 1.75 miliardë dollarë në përgjigjen globale të pandemisë COVID-19.

Kjo përfshin mbështetjen për disa prodhues të vaksinave, diagnostikimit dhe trajtimeve të mundshme.

Struktura COVAX, e mbështetur nga Organizata Botërore e Shëndetësisë (OBSH) dhe Aleanca Globale për Vaksinat dhe Imunizimin (GAVI), synon të sigurojë 2 miliardë doza vaksinash për vendet me të ardhura më të ulëta deri në fund të vitit 2021. / KultPlus.com

Bill Gates parashikon të ardhmen: Bota nuk do të përballojë një shtim popullsie

Në blogun e tij personal, Bill Gates i është përgjigjur pyetjeve më interesante të ndjekësve dhe njëra prej tyre lidhej me të ardhmen e botës.

Ngrohja globale, sipas tij, ka një rëndësi të jashtëzakonshme kur vjen fjala tek parashikime të tilla.

“Situata do të përkeqësohet teksa ekosistemet natyrore zhduken. Migrimi larg zonave rreth ekuatorit do të jetë masiv, për shkak të rritjes së temperaturave. Nëse Toka ngrohet shumë, nuk do të përballojë dot më”, thotë miliarderi. Sipas tij, shanset për një të ardhme më të mirë do të varen nga zgjedhjet që bën gjithsecili prej nesh.

I pyetur nëse mund të arrihet objetivi i emetimeve zero deri në 2060, Gates theksoi se “kjo varet nga brezat e rinj. Nëse ata punojnë në këtë drejtim, dhe e shohin këtë si një kauzë morale ndaj së cilës kemi të gjithë detyrimin të jemi të vëmendshëm, atëherë them se mund të kemi 75% shanse për sukses”. Ai theksoi se njerëzit duhet të tregohen më të kujdesshëm me gjërat që konsumojnë, e të mendojnë për ambjentin duke preferuar produktet ekologjike dhe mishin sintetik, pasi gjedhët që rriten për mishin e tyre sic tha, kontribuojnë në emetimet e gazit metan, që kanë arritur nivel rekord. / KultPlus.com

Bill Gates shpjegon arsyen pse përdor një telefon Android para iPhone

Gjatë një interviste të fundit në aplikacionin “Clubhouse”, Bill Gates zbuloi se ai ende preferon të përdorë një telefon Android para atij iPhone. Ajo që vlen për të, shpjegoi Gates, është se prodhuesit e Android janë “më fleksibël” me integrimin e softuerit.

Gates edhe më herët publikisht ka deklaruar se është përdorues i Android, por u pyet sërish nëse ka ndryshuar preferencë.

Në përgjigje, themeluesi i Microsoft shpjegoi se ai ende preferon një Android, por që mban edhe një iPhone pranë për ta provuar kohë pas kohe. Arsyetimi i Gates për përdorimin e Android është sepse prodhuesit shpesh instalojnë paraprakisht programin Microsoft.

“Unë në të vërtetë përdor një telefon Android. Meqenëse dua të mbaj gjithçka, shpesh luaj edhe me iPhone. Disa nga prodhuesit e Androidit instalojnë paraprakisht programin Microsoft në një mënyrë që e bën më të lehtë për mua. Ata janë më fleksibël për mënyrën se si softueri lidhet me sistemin operativ. Kështu që ishte më e lehtë për ta mësuar përdorimin e tij”, ka thënë Gates. /Koha/ KultPlus.com

Gates: Zgjidhja e çështjes së COVID-it më e lehtë krahasuar me atë klimatike

Zgjidhja e çështjes së ndryshimeve klimatike do të ishte “gjëja më e jashtëzakonshme që njerëzimi ka bërë ndonjëherë”, ka thënë njëri prej personave më të pasur në botë dhe themeluesi i Microsoftit, Bill Gates.

Krahasuar me këtë, përfundimi i pandemisë është “shumë e lehtë”.

Libri i ri i Gatesit, “Si ta luftojmë katastrofën klimatike”, është udhëzues për luftimin e çështjes së njohjes globale, shkruan BBC.

Ai ka thënë se nuk bën të nënvlerësohet shkalla e kësaj sfide.

“Ne kurrë nuk kemi bërë një tranzicion si ky që po flasim për të bërë në 30 vjetët e ardhshme. Nuk ka precedent ndaj kësaj”, ka thënë Gates. / KultPlus.com

Ky është plani i Bill Gates për të parandaluar pandemitë e ardhshme

Që kur u bënë me dije rastet e para të Covid-19, Bill Gates ka dhënë këshilla mbi aspekte si ndalimi i përhapjes së virusit, vaksinat dhe përpjekjet që duhet të bëjnë shtetet e ndryshme në betejën kundër koronavirusit.

Tani, bashkëthemeluesi i Microsoft ka prezantuar një propozim për të parandaluar pandemitë e ardhshme. Sipas Bill Gates, na duhet “një skuadër bombarduesish pandemikë”.

“Nuk duhet të lejojmë që pandemitë të na kapin sërish të papërgatitur. Së pari, na duhet të gjejmë vatrat e sëmundjes shumë shpejt dhe kudo që ka vatra. Për këtë, nevojitet një sistem në shkallë të gjerë. Shtylla e këtij sistemi do të jenë testimet. Sapo të zbulohet një patogjen shumë infektues apo i panjohur, “skuadra e bombarduesve pandemikë” do të hyjë në aksion. Do të jenë rreth 3000 ekspertë të gatshëm për t’iu përgjigjur çdo krize të mundshme, në çdo moment, në çdo cep të botës”, u shpreh Gates. / KultPlus.com

Microsoft founder Bill Gates (R) talks next to a container (L) with human feces during the “reinvented toilet expo” in Beijing on November 6, 2018. (Photo by Nicolas ASFOURI / AFP)

Bill Gates: Lajme të mira na presin më 2021

Themeluesi i kompanisë Microsoft, Bill Gates, ka thënë se ky vit ka qenë i keq dhe sipas tij pritet që lajme të mira do të na vijnë gjatë vitit të ardhshëm.

“Më shumë se 1.6 milion njerëz kanë humbur jetë gjatë pandemisë së coronavirusit dhe mbi 75 mijë tjerë janë infektuar me COVID-19, kurse dëmet ekonomike kapin vlerën e dhjetëra trilion dollarëve. Miliona njerëz kanë mbetur pa punë dhe kanë probleme të mëdha për të paguar faturat, e mbi një miliard fëmijë kohën më të rëndësishme për shkollë, e kanë humbur. SHBA këtë vit ishte dëshmitare e vrasjeve të tmerrshme siç ishte ajo e George Floyd dhe Briana Taylor, zjarret në zonat malore dhe zgjedhjet presidenciale që kurrë më parë nuk janë parë të zhvillohen në atë mënyrë”, ka shkruar Gates në blogun e tij “Gates notes”, transmeton KultPlus.

Megjithatë, thotë së gjërat do të përmirësohen gjatë vitit 2021.

“Gjatë vitit të ardhshëm do të na vijnë lajme të mira. E kam kaluar 2020-ën me kolegët nga Fondacioni, duke u munduar ta kuptojmë se si duhet ta testojmë, trajtojmë dhe parandalojmë COVID-19. Kur mendoj shpejtësinë dhe përparimin e shkencëtarëve, jam i befasuar. Raca njerëzore kurrë nuk ka bërë përparim më të madh kur është fjala për shërimin e çfarëdo sëmundje brenda një viti. Një gjë e tillë kurrë më parë nuk është bërë sikur në luftën kundër COVID-19”, ka shtuar Gates.

Në rrethana të zakonshme, zbulimi dhe prodhimi i vaksinës mund të marrë kohë deri në 10 vite, por kësaj radhe, shumë vaksina kundër koronavirusit janë zbuluar brenda më pak se një vit.

Sidoqoftë, Gates konsideron se pavarësisht përparimit, njerëzit vazhdojnë të jenë të rrezikuar nga pandemia e koronavirusit.

“Modelet kompjuterike parashikojnë që pandemia do të mundte të jetë edhe më e rëndë gjatë muajve të ardhshëm. Gjithashtu duhet të bëjmë më shumë për variantin e ri të koronavirusit që është shfaqur, për të cilin thonë se përhapet më shpejtë, por që nuk është edhe aq vdekjeprurës”, ka theksuar miliarderi amerikan. / KultPlus.com

Vaksinimi, sfida e madhe e Gatesit

Kreu i një prej prodhuesve më të mëdhenj të vaksinave në botë kishte një problem. Adar Poonawallas, shef ekzekutiv i Institutit të Serumit të Indisë, i duheshin 850 milionë dollarë për gjithçka, në mënyrë që të niste të prodhonte dozat e vaksinës premtuese kundër koronavirusit për të varfrit në botë.

Poonawalla mendoi t’i rrezikonte 300 milionë dollarë të kompanisë së tij, por sërish do të duheshin më shumë se gjysmë miliard dollarë. Ndaj ai kërkoi ndihmën e një shefi ekzekutiv të një kompanie softuerësh, tashmë i dalë në pension në Seattle.

Bill Gates, themeluesi i “Microsoft-it”, i kthyer tashmë në një filantrop, e njihte prej vitesh Poonawallan. Gates kishte shpenzuar miliarda dollarë për të ndihmuar në shpërndarjen e vaksinave në botën në zhvillim, duke bashkëpunuar me drejtuesit e kompanive farmaceutike për ta transformuar tregun.

Angazhim i dyfishtë

Në këtë mënyrë ai u bë lojtari më i fuqishëm – dhe provokues – privat në shëndetin global. Në fund të bisedës mes tyre gjatë verës që shkoi, Gates ia dha një premtim: fondacioni Bill dhe Melinda Gates do të siguronte një garanci prej 150 milionë dollarësh, në mënyrë që fabrika indiane të mund të niste prodhimin e vaksinës.

Deri në shtator, fondacioni e kishte dyfishuar angazhimin e tij. Ajo ishte pjesë e një përpjekjeje prej 11 miliardë dollarësh, për të krijuar bazën e blerjes së vaksinave kundër koronavirusit për më shumë se 150 vende të botës, edhe pse në fund ato mund të kushtojnë shumë më tepër.

E financuar kryesisht me para publike, nisma drejtohet nga dy organizata globale jofitimprurëse globale që Gates i ndihmoi në fillim, bashkë me Organizatën Botërore të Shëndetësisë, e cila mbështetet te “Gates Foundation”, si një nga donatorët e saj më të mëdhenj.

Ai që punon në prapaskenë është njeriu i dytë më i pasur në botë. Gates e sheh veten dhe fondacionin e tij me një fond prej 50 miliardë dollarësh si të mirëpërgatitur për të pasur një rol qendror në këtë nismë. Në këtë kuadër, Gates dhe ekipi i tij po i shfrytëzojnë lidhjet dhe infrastrukturën që fondacioni ka ndërtuar për dy dekada.

Ndërsa vaksinat e para kandidate po nxitojnë të aplikojnë tek autoritetet rregullatore, çështja se si të imunizohet shumica e popullsisë botërore është bërë më urgjente. Por, nëntë muaj nga nisja e pandemisë, suksesi i nismës të njohur si “Covax” nuk është aspak i sigurt.

Shpërndarja

Deri më tani ajo ka mbledhur vetëm 3.6 miliardë dollarë në fonde për kërkime, prodhim dhe subvencione për vendet e varfra. Tri kompani farmaceutike kanë premtuar t’i japin vaksina, por nuk dihet ende nëse ato do të jenë efektive. Ndërkaq, mund të jetë e vështirë të sigurohen në kohë miliardat e dozave të nevojshme me një kosto të përballueshme, pasi Shtetet e Bashkuara dhe vendet e tjera të pasura kanë nënshkruar tashmë marrëveshjet për t’i vaksinuar qytetarët e tyre.

Nëse nisma, e ndihmuar nga pasuria dhe fokusi që ka zoti Gates, arrin të ndihmojë në mbrojtjen e të varfërve të botës nga një virus që tashmë ka vrarë më shumë se 1.3 milionë njerëz, ajo do t’i afirmojë strategjitë që ai ka promovuar në punën e tij filantropike, përfshirë stimujt për kompanitë farmaceutike.

Por, nëse ajo dështon, mund t’i intensifikojë thirrjet për një qasje më radikale. Në mesin e pandemisë, disa zyrtarë të shëndetit publik thonë se prodhuesit e vaksinave, shumë prej të cilëve kanë përfituar financime të mëdha publike, duhet të detyrohen me ligj që të ndajnë teknologjinë, të dhënat dhe njohuritë e tyre për të maksimizuar prodhimin.

Në planin aktual të shpërndarjes globale të vaksinave, vendet e varfra do të merrnin doza të mjaftueshme për të vaksinuar 20 për qind të popullsisë së tyre deri në fund të vitit të ardhshëm. Disa modele tregojnë se nuk do të ketë vaksina të mjaftueshme për t’i vaksinuar të gjithë deri në vitin 2024.

Ndërsa Gates ka shtuar daljet publike për të kërkuar mbështetje për nismën, ai është vënë gjithnjë e më shumë në shënjestër të teorive të konspiracionit që mund t’i minojnë përpjekjet e vaksinimit. Disa pretendojnë pa asnjë fakt se fondacioni i tij testoi vaksinat që vranë mijëra fëmijë në Afrikë dhe Indi, ndërsa të tjerët e lidhin filantropin me gjoja përpjekjet për shpopullimin e botës.

Dyshimet për mikroçipa

Një sondazh në maj të këtij viti zbuloi se 44 për qind e republikanëve në SHBA besonin se përpjekja globale për imunizimin nga koronavirusi ishte një pretekst i Gates për të implantuar mikroçipa në trupat e njerëzve, për t’i përgjuar ata. Ky pretendim është i pabazë.

“Unë nuk e kam dëgjuar asnjëherë Bill apo Melinda Gates të flasin për një gjë të tillë” – thotë investitori miliarder Warren Buffett, që ia ka besuar Fondacionit Gates 31 miliardë dollarë të pasurisë së tij, duke i dhuruar për bamirësi.

Kur shpërtheu pandemia e koronavirusit Gates u ndje i përgatitur për këtë moment, pasi kishte ndërtuar institucione globale dhe deri në atë moment kishte dhënë 55 miliardë dollarë, katër herë më shumë sesa Fondacioni Ford. Ai u interesua për vaksinat në fund të viteve 1990, kur shumë kompani farmaceutike kishin ndaluar prodhimin e vaksinave, duke i parë të padobishme.

Gates ndihmoi në krijimin e një modeli të ri biznesi që përfshin subvencionet, angazhimet paraprake të tregut dhe garanci për prodhimin. Këto lëvizje të tij joshën më shumë prodhues, përfshirë ata nga bota në zhvillim, duke sjellë prodhimin e shumë vaksinave që shpëtojnë jetë njerëzore.

Fondacioni i tij ka shpenzuar më shumë se 16 miliardë dollarë në programet e vaksinave, një e katërta e kësaj shkon për GAVI. Ndërkohë, ai ia ka dhënë 2.25 miliardë dollarë Fondit Global për të luftuar SIDA-n, tuberkulozin dhe malarien. Me një fond fillestar prej 100 milionë dollarësh, Gates ndihmoi në krijimin e Koalicionit për Inovacione të Gatishmërisë Epidemike në Oslo, për të investuar në ilaçe dhe vaksina eksperimentale.

“Kur do ta ndalim pandeminë?”

Fondacioni, që ka rreth 1600 punonjës, financoi shumë studiues dhe investoi direkt te kompanitë farmaceutike. Një prej tyre ishte kompania gjermane BioNTech, e cila përfitoi një investim prej 55 milionë dollarësh në shtatorin e vitit 2019. Kjo kompani, në partneritet me Pfizer, njoftoi javën e kaluar se vaksina e tyre e përbashkët kundër COVID-19 duket të jetë 95 për qind efektive, teksa është aplikuar zyrtarisht tek Administrata e Barnave dhe Ushqimit në SHBA, për një autorizim emergjent për fillimin e përdorimit të saj në masë.

Një numër në rritje vendesh i janë përkushtuar kësaj nisme. “Gates Foundation” po financon gjithashtu një portofol të vaksinave të valës së dytë që synojnë botën në zhvillim. Ka mjaftueshëm para për të filluar blerjen e dozave të vaksinës pasi ato të miratohen dhe Gates shpreson miliarda të tjerë, shumë të nevojshme për të arritur qëllimin e tij. Me rastet e koronavirusit që po shumëfishohen në të gjithë botën, Gates thotë se ka një mënyrë shumë të thjeshtë për ta gjykuar iniciativën globale të vaksinave. “Kur do ta ndalim pandeminë? Ky është parametri me të cilin duhet të matet e gjithë kjo nismë”, thotë ai./ KultPlus.com

Bill Gates paralajmëron për një problem më të madh sesa koronavirusi

Bill Gates, bashkëthemelues i Microsoft, është shprehur se bota po përballet aktualisht me një problem shumë më të madh sesa koronavirusi. Ky problem është ndryshimi klimatik.

“Nuk ka një vaksinë për ta zgjidhur ndryshimin klimatik, është shumë më i rëndë”, tha Gates për “Bloomberg”.

Sipas tij, problemi mjedisor do të jetë shumë më i madh sesa problemet që ka shkaktuar këtë periudhë Covid-19.

Gates duket pesimist në këtë aspekt: “Shumica e ekonomisë së botës (transport, industri, ndërtim, elektricitet dhe agrikulturë) është burim emetimesh të dëmshme. Për shumë prej tyre nuk ka asnjë zgjidhje”. / KultPlus.com

Bill Gates ofron 150 milionë dollarë që vaksina kundër Covid-19 të shkojë edhe tek të varfërit

Themeluesi i Microsoft, Bill Gates bëri me dije se së bashku me fondacionin e tij ka planifikuar të shpenzojë 150 milionë dollarë për vaksinën e koronavirusit.

Kjo shumë do të jepet për të mundësuar shpërndarjen e vaksinës kur ajo të jetë gati, edhe për grupet më të varfra të popullsisë.

Miliarderi nënvizoi se pandemia mund të jetë shkatërruese për shumë vende të varfra që nuk kanë akses te kurat apo vaksina, kur të jenë gati.

Sipas miliarderit, fondacioni Gates do të paguajë institutin “Serum”, që njihet si prodhuesi më i madh i vaksinave në botë, që të përgatisë 100 milionë doza me një kosto prej 3 dollarësh. / KultPlus.com

Bill Gates: Vaksina anti-virus të përdoret për njerëzit që kanë nevojë, jo për ata që ofrojnë para

Bill Gates bëri thirrje që ilaçet dhe vaksina kundër Covid-19 duhet të vihet në dispozicion të vendeve dhe njerëzve që kanë më së shumti nevojë, jo për atë që ofron më shumë para.

“Nëse do të lejojmë që ilaçet dhe vaksinat të blihen nga ata që kanë para, në vend që të shpërndahen te njerëzit dhe vendet ku është më e nevojshme do të kemi një pandemi që do të zgjasë, do të jetë padrejtë, dhe më vdekjeprurëse. Ne kemi nevojë për udhëheqës të drejtë që të marri vendime të vështira për shpërndarjen e vaksinës bazuar në kapitalin e tyre.”

Komisioni Europian dhe Organizata Botërore e Shëndetësisë kanë paralajmëruar për një ‘konkurs” jo të ndershëm në shpërndarjen e vaksinave, ndërsa disa zyrtarë në Uashington kanë treguar që ata do t’i jepnin përparësi banorëve të SHBA.

Gates tha se përpjekjet e filluara dy dekada më parë për të luftuar krizën globale të HIV / AIDS , në të cilët u bashkuan të gjitha vendet e botës përfshirë dhe Afrikën, mund të shërbejnë si një model në mënyrë që ilaçet COVID-19 të jenë gjerësisht të arritshme.

Si shembuj ai tregoi Fondin Global të krijuar në 2002 për të luftuar SIDA-n, tuberkulozin dhe malarian dhe planin e urgjencës së presidentit amerikan për të shpërndarë ilaçe te njerëzit që luftojnë me disa nga sëmundjet më vdekjeprurëse në botë.

“Një nga mësimet më të mira në luftën kundër HIV / AIDS është rëndësia e ndërtimit të këtij sistemi të madh, të ndershëm global për shpërndarjen e ilaçeve për të gjithë,” / KultPlus.com

Bill Gates: Nuk e kuptoj pse njerëzit nuk mbajnë maska

Një nga personat më të pasur në botë, Bil Gates, ka thënë se nuk e kupton pse njerëzit refuzojnë të mbajnë maskat të cilat mbrojnë nga koronavirusi, duke marrë parasysh se nuk janë as të bezdisshme e as nuk kushtojnë shumë.

Themeluesi i Microsoftit ka qenë i përfshirë në projekte që kanë të bëjnë me shëndetësinë me vite të tëra, dhe kishte paralajmëruar për rrezikun e një pandemie në vitin 2015. Andaj edhe shpesh është pyetur rreth zhvillimeve që kanë të bëjnë me përhapjen e koronavirusit.

“Është vështirë të kuptohet pse njerëzit nuk mbajnë maska, ato nuk janë të bezdisshme”, tha Gates gjatë një takimi virtual për revistën FastCompany të SHBA-së. “Nuk kushton shumë, sidoqoftë njerëzit e shohin si kufizim të lirive të tyre, pavarësisht rrezikut të infektimit të njerëzve tjerë”.

Ai gjithashtu ka thënë se i duket e “frikshme” që emri i tij shpesh lidhet me teori të ndryshme konspiracioni. Ai ka thënë se në një krizë si kjo që po e kalojmë tani, është e nevojshme që t’u përmbahemi fakteve.

Gates gjithashtu shprehi brenga se teoritë e konspiracionit do të çojnë në refuzimin e mbajtjes së maskës, posaçërisht në SHBA, dhe se këto teori gjithashtu do të shkaktojnë refuzimin e vaksinimit, nëse një e tillë do të zbulohet në të ardhmen e afërt. /Koha /KultPlus.com

Bill Gates, co-chair of the Bill and Melinda Gates Foundation, speaks during the Bloomberg New Economy Forum in Beijing, China, on Thursday, Nov. 21, 2019. The New Economy Forum, organized by Bloomberg Media Group, a division of Bloomberg LP, aims to bring together leaders from public and private sectors to find solutions to the world’s greatest challenges. Photographer: Takaaki Iwabu/Bloomberg

5 librat që Bill Gates ju rekomandon për këtë sezon ‘të veçantë’ veror

Bill Gates sapo ka publikuar ​​listën e tij vjetore të pesë librave për të lexuar këtë verë, duke shpresuar se disa nga të preferuarat e tij mund t’i ndihmojnë lexuesit të përballen me pandeminë.

“Shumica e bisedave dhe takimeve të mia këto ditë kanë të bëjnë me Covid-19 dhe se si ne mund ta frenojmë baticën,” shkruan Gates në uebfaqen e tij, Gates Notes. Ai dhe gruaja e tij, Melinda, kanë drejtuar fondacionin e tyre për të angazhuar rreth 300 milion dollarë për të luftuar koronavirusin. “Por shpesh jam pyetur për ato që lexoj dhe shikoj.”

Këtu janë pesë rekomandimet e Bill Gates për leximin e veror:

Zgjedhja, nga Dr Edith Eva Eger: Në libër, personazhi kryesor përshkruhet në përpjekjen e saj për t’u shëruar pas traumës së saj të papërshkrueshme dhe kërkimin e mënyrave për të menaxhuar vuajtjet e të gjitha llojeve.

Cloud Atlas, nga David Mitchell: Romani i Mitchell, i cili pason gjashtë personazhe të ndryshëm, duke përfshirë një redaktues në Londër në vitet 2000 dhe një muzikant të ri në Belgjikë të viteve 1930, kërkon të gjejë të përbashkëta midis njerëzve përgjatë kohës dhe hapësirës.

Ride of a Lifetime, by Bob Iger: Iger merr lexuesit përmes udhëtimit të tij si drejtuesi i Disney nga 2006 deri në fillim të vitit 2020, gjatë viteve më transformuese të Disney.

Gripi i Madh, nga John M. Barry: Ky bestseller i New York Times është rekomandimi i Gates për ata që duan të kuptojnë Covid-19 përmes lentës së pandemisë së gripit të 1918 dhe të mësojnë disa mësime për udhëheqjen.

Good Economy for Hard Times, nga Abhijit V. Banerjee dhe Esther Duflo: Në librin e tyre për vitin 2019, ekonomistët fitues të Çmimit Nobel trajtojnë debate politike mbi vendet e pasura, përfshirë Shtetet e Bashkuara. / Forbes/ KultPlus.com

Bill Gates: Nëse vaksina kundër Covid-19 funksionon, do ta paguaj unë për gjithë botën

Fondacioni Bill dhe Melinda Gates ka siguruar që do të kontriubojë për të gjetur paratë e nevojshme, për vaksinën kundër Covid-19.

Lajmin e ka bërë me dije vetë miliarderi dhe filantropi, që vite më parë kishte njoftuar për rrezikun e një pandemie globale dhe që tani e përshkruan atë si “makthin e tij më të madh”.

Themeluesi i Microsoft ka thënë se është në kontakt me të gjithë programet më inovative, duke përfshirë edhe atë me të cilin ai punon në Universitetin e Oksfordit, me pjesëmarrjen e një kompanie italiane.

“Nëse funksionon unë dhe të tjerë në një konsorcium do të sigurojmë një prodhim masiv të vaksinës”, siguroi ai i intervistuar nga Times.

Sipas Gates, virologia Sarah Gilbert, përgjegjëse e Jenner Institute është e “jashtëzakonshme” dhe programi i nisur universiteti i Oksfordit është “një nga përpjekjet më të rëndësishme”. Për momentin, qeveria Johnson iu ka dhënë atyre fonde të mjaftueshme që të vazhdojnë me “vela të hapura”. Ndërsa Gates është duke biseduar me kompanitë farmaceutike që të jenë të afta ta prodhojnë në sasi të mëdha nëse funksionon. “Do ta provojnë mbi njerëzit shumë shpejt… Nëse rezultatet do të jenë ato që urojmë, unë dhe të tjerët do të bëjmë të mundur prodhimin global”. /KultPlus.com

Bill Gates planifikon të shpenzojë miliarda dollarë që bota të marrë vaksinën Covid-19 sa më shpejt

Miliarderi i Microsoft Bill Gates thotë se ai është i gatshëm të harxhojë miliarda dollarë në vaksinat për COVID-19 që nuk funksionojnë, vetëm për të siguruar që bota të marrë atë që do të funksionojë.

COVID-19 ka vrarë dhjetëra mijëra njerëz gjatë dy muajve të fundit, me një shpejtësi të përshpejtuar, dhe akoma nuk ka asnjë kurë të njohur ose vaksinë për të, transmeton Indeksonline.

Shkencëtarët në mbarë botën po garojnë për t’i gjetur ato dhe kanë dalë me disa kandidatë të mundshëm – por nën procese normale, mund të kalojnë muaj apo edhe vite para se të jenë gati.

Gates nuk dëshiron të humbas kohë. Në një intervistë të re me komedianin e The Daily Shoë , ish-njeriu më i pasur në botë tha se fondacioni i tij bamirës ka filluar të ndërtojë fabrika vaksinash tani për shtatë kandidatë premtues, edhe pse ende nuk ka asnjë provë të pamohueshme për ndonjë prej tyre.

“Edhe pse ne do të përfundojmë të marrim më së shumti dy prej tyre, ne do të financojmë shtatë fabrika pasi kështu ne mos të humbim kohën duke thënë  ‘Në rregull, cila vaksinë funksionon?” dhe më pas të ndërtojmë fabrikën “i tha ai Trevor Noah, në një klip të publikuar.

“Do të jenë disa miliardë dollarë që do të harxhojmë në prodhim për konstruksionet. Por disa miliardë në këtë situatë ku jemi, ku ka triliona dollarë – një mijë herë më shumë – triliona dollarë duke u humbur ekonomikisht, ia vlen “.

Gates, me gruan e tij Melinda, drejton fondacionin Bill & Melinda Gates. Që nga formimi i saj në vitet 1990, fondacioni ka shpenzuar miliarda në luftimin e sëmundjeve si malarja, tuberkulozi dhe HIV, me ndihmën e miliarderëve të tjerë si Warren Buffett. 

Dy kandidatë të mundshëm për shtatë vaksinat e Gates u njoftuan vetëm këtë javë. Të premten në mëngjes , shkencëtarët në Shkollën e Mjekësisë të Universitetit të Pittsburgh thanë që ata do të krijonin një copë stili Band-Aid i cili shkaktoi një përgjigje të antitrupave në minj që mund të parandaloj sëmundjen për ndoshta një vit.

Në anën tjetër studiuesit në Australi thanë se ata do të arrijnë një trajtim, bazuar në përpjekjet e mëparshme për të bërë një vaksinë kundër SARS, e cila mund të funksionojë. /KultPlus.com

Bill Gates letër për Covid-19: Po na mëson një qëllim shpirtëror


Multi-miliarderi Gates, 64 vjeç i cili dhuroi 85 milion paund për të luftuar virusin muajin e kaluar – beson se përkundër kaosit, ekziston ‘një qëllim shpirtëror pas çdo gjëje që ndodh’.

Në një letër të hapur, me titull “Çfarë është vërtet duke na mësuar virusi Corona / Covid-19?’, ai shkroi:

‘Një qëllim shpirtëror”

“Unë jam një besimtar i fortë dhe mendoj që ka një qëllim shpirtëror prapa çdo gjë që ndodh, pavarësisht nëse kjo është ajo që ne e perceptojmë si të mirë apo të keq.
“Ndërsa meditoj për këtë, unë dua të ndaj me ju atë që ndiej se virusi Corona / Covid-19 po na bën me të vërtetë.
1) Po na kujton që të gjithë jemi të barabartë, pavarësisht nga kultura, feja, profesioni, situata financiare apo sa të famshëm jemi. Kjo sëmundje na trajton të gjithëve në mënyrë të barabartë.
Nëse nuk më besoni mua, thjesht pyesni Tom Hanks.
2) Po na kujton se ne jemi të gjithë të lidhur dhe diçka që prek një person ka një efekt tek një tjetër.
Po na kujton që kufijtë e rremë që kemi shtruar kanë pak vlerë pasi këtij virusi nuk i duhet pasaportë.
3) Po na kujton se sa e vlefshme është shëndeti ynë dhe si kemi lëvizur ta lëmë pas dore duke ngrënë ushqim dhe ujë që është i kontaminuar me kimikate.
Nëse nuk kujdesemi për shëndetin tonë, sigurisht që do të sëmuremi.
4) Po na kujton se sa e shkurtër është jetës dhe atë që është më e rëndësishmja për të bërë, që është të ndihmojmë njëri-tjetrin, veçanërisht ata që janë të moshuar ose të sëmurë.
Qëllimi ynë nuk është të blejmë letër tualetit.
5) Po na kujton sesa materialiste është bërë shoqëria jonë dhe si, kur në raste vështirësish, kujtojmë se gjërat thelbësore që na duhen janë (ushqimi, uji, ilaçi), në krahasim me lukset, të cilat ndonjëherë ne mënyrë të panevojshme i japim vlerë .
6) Po na kujton se sa e rëndësishme është familja dhe jeta në shtëpi dhe sa e kemi lënë pas dore këtë.
Po na detyron të kthehemi në shtëpitë tona, në mënyrë që t’i rindërtojmë ato dhe të forcojmë njësinë tonë familjare.
‘Puna e vërtetë e tyre’
7) Po na kujton se puna jonë e vërtetë nuk është puna jonë, kjo është ajo që ne bëjmë, jo ajo që jemi krijuar për të bërë.
Puna jonë e vërtetë është të kujdesemi për njëri-tjetrin, të mbrojmë njëri-tjetrin dhe të jemi në dobi të njëri-tjetrit.
Po na kujton të mbajmë kontrollin e egove tona.
Po na kujton se, pavarësisht sa të shkëlqyeshëm ne mendojmë se jemi një virus mund ta ndaloj botën tonë.
9) Po na kujton se fuqia e autostradës është në duart tona.
Ne mund të zgjedhim të bashkëpunojmë dhe të ndihmojmë njëri-tjetrin, të ndajmë, të japim, të ndihmojmë dhe të mbështesim njëri-tjetrin ose mund të zgjedhim të jemi egoist, të mbajmë, të kujdesemi vetëm për veten tonë.
Në të vërtetë, janë vështirësi ato që sjellin ngjyrat tona të vërteta.
10) Po na kujton se mund të jemi të durueshëm, ose mund të kemi panik.
Ne ose mund të kuptojmë se kjo lloj situate ka ndodhur shumë herë më parë në histori dhe do të kalojë, ose ne mund të panikojmë dhe ta shohim atë si fundi i botës dhe, rrjedhimisht, t’i shkaktojmë vetes më shumë dëm sesa të mirë.
11) Po na kujton se ky mund të jetë ose një fund ose një fillim i ri.
Kjo mund të jetë një kohë reflektimi dhe mirëkuptimi, ku mësojmë nga gabimet tona, ose mund të jetë fillimi i një cikli i cili do të vazhdojë derisa të mësojmë më në fund mësimin për të cilin kemi për qëllim.
12) Po na kujton se kjo Tokë është e sëmurë.
Po na kujton se duhet të shohim shkallën e shpyllëzimit po aq urgjent kur shikojmë shpejtësinë me të cilën rrotullat e tualetit po zhduken nga raftet. Ne jemi të sëmurë sepse shtëpia jonë është e sëmurë.
13) Po na kujton se pas çdo vështirësie, gjithmonë ka lehtësi.
Jeta është ciklike, dhe kjo është vetëm një fazë në këtë cikël të madh. Ne nuk kemi nevojë për panik; edhe kjo do të kalojë.
14) Ndërsa shumë e shohin virusin Corona / Covid-19 si një fatkeqësi të madhe, unë preferoj ta shoh atë si një korrektor * të madh *
Dërgohet për të na kujtuar mësimet e rëndësishme që duket se kemi harruar dhe varet nga ne nëse do t’i mësojmë apo jo. / KultPlus.com

Bill Gates parashikoi virusin pesë vite më parë

Në rrjete sociale ka filluar të shpërndahet shumë një video e TED, ku Bill Gates gjatë fjalimit të tij ka bërë një parashikim të habitshëm, shkruan KultPlus.

Bill Gates i cili para publikut me këtë fjalim kishte dalur pesë vite më parë, tregon se kriza më e madhe në botë nuk do të vijë nga bombat atomike por nga përhapja e një virusi, ku më pas shprehet se bota ka investuar shumë nëpër bomba dhe aspak në investimin e përballimit të një epidemie potenciale.

“Teknologjia mund të luajë një rol të madh në parandalimin e përhapjes së një virusi”, shprehej ai para publikut.

“Mund të bëhemi gati, nuk ka nevoje për panik. Nuk kemi nevojë të mbledhim kanaqe makaronash dhe të fshihemi në bodrume”, vazhdon tutje Bill Gates.

Fjalimi i Gates është mbajtur më 19 mars 2015, dhe parashikon saktësisht atë që po ndodh sot në botë. / KultPlus.com

Historia e njeriut më të pasur në botë

Dikush e pyeti njeriun më të pasur në botë, Bill Gates, se a ka njeri më të pasur se ju në botë. 

Bill Gates u përgjigj, po, është një person që është më i pasur se unë.

Më pas tregoi këtë histori:

Ndodhi gjatë kohës kur unë nuk isha kaq pasur dhe i famshëm. Isha në aeroportin e Neë York-ut, dhe aty pashë një gazetashitës. Ju afrova të blija një gazetë, por pashë se nuk kisha mjaftueshëm të holla, ndaj e lashë idenë e blerjes dhe ia ktheva shitësit.

Gazetashitësi më tha: “merreni, po jua dhuroj këtë gazetë “ Ai insistoi ndaj unë e mora gazetën.

Rastësisht, pas dy-tre muajsh, zbrita në të njëjtin aeroport dhe përsëri shkova të marr një gazetë. Shitësi më ofroi përsëri gazetën. Unë nuk pranova dhe thashë që nuk mund ta marr sepse s’kam të holla. Ai mu përgjigj: “merre gazetën unë po e ndaj këtë nga fitimi im, ndaj nuk dal me humbje”. E mora gazetën që më dha.

Pas 19 vitesh u bëra i famshëm dhe i njohur nga njerëzit. Papritur kujtova atë gazetashitës. Fillova ta kërkoja dhe pas rreth 1 muajsh e gjysēm kërkimi, e gjeta. E pyeta:”A më njeh?” Ai më tha:”Po, ju njoh. Ju jeni Bill Gates”.

E pyeta përsëri: “A të kujtohet njëherë kur më keni dhënë një gazetë falas?

”Gazeta shitësi tha: Po të mbaj mend, të dhashë dy herë.”

I thashë: “Dua të paguaj ndihmën që më ofrove atë kohë. Çfarëdo që të doni në jetën tuaj më thoni, dua të jua përmbush atë.” Gazetashitësi mu përgjigj :” A mendoni se duke u sjellur kështu, ju do të mund të më kthenit ndihmën time njëlloj? “

E pyeta:” Pse? “Gazetashitësi m’u përgjigj: “Unë ju ndihmova kur isha një shitës i varfër i gazetave ndërsa ju po përpiqeni të më ndihmoni tani, kur jeni bërë njeriu më i pasur në botë. Si mundet që ndihma juaj të përputhet me ndihmën time? “

“Atë ditë kuptova se gazeta shitësi është më i pasur se unë, sepse ai nuk priste të bëhej i pasur për të ndihmuar dikë.”

Njerëzit duhet të kuptojnë se me të vërtetë të pasur janë ata që kanë një zemër të pasur dhe jo sa më shumë para. / KultPlus.com