Etiketë: dua lipa

Dua Lipa i ka përjetuar sukseset më të mëdha në karrierë gjatë vitit 2017 dhe në muajt e parë të këtij viti. Sa u përket këngëve të saj, më e dëgjuara është “New Rules”, e cila tashmë ka kaluar shifrën prej një miliard shikimeve në YouTube.

Në platformën më të njohur të shpërndarjes së videove, klipi i kësaj kënge aktualisht numëron një miliard e 15 milionë shikime.

Ndërsa këto ditë, Dua ka përjetuar një befasi të këndshme duke parë sukseset e saja në monitorët gjigantë reklamues në rrugët e Londrës.

“Një miliard shikime, po i numërojmë. Urime, Dua Lipa”, shkruante në urimin e YouTube dedikuar këngëtares shqiptare.

“Befasia më e çmendur! Duke shkuar në provat e mia për ‘Brit Awards’, e pash këtë… në të katër anët”, ka shkruar 22-vjeçarja në Instagram duke shprehur falënderimin e saj.

Ndërsa në një video të publikuar në InstaStory, dëgjohet këngëtarja e habitur duke thënë: “O Zot, faleminderit YouTube”.

The craziest surprise!!! On my way to my #BRITs rehearsals… I SEE THIS…ON ALL 4 SIDES TOO!! My @youtube @youtubemusic fam, thank you, I love you xxx

A post shared by DUA LIPA (@dualipa) on Feb 19, 2018 at 3:32am PST

Këngëtarja shqiptare me famë botërore udhëheq nominimet për edicionin e sivjetmë të Brit Awards me pesë nominime, duke përfshirë edhe garën për albumin më të mirë.

Ajo konkurron edhe në kategoritë për këngëtaren më të mirë, videoklipin më të mirë, depërtimin më të madh britanik dhe këngën më të mirë.

Ceremonia e sivjetme e Brit Awards zhvillohet më 21 shkurt dhe shqiptarët do të kenë shumë arsye për ta ndjekur.

Dua Lipa do të jetë pjesë e njërit prej festivaleve të muzikës më të mëdha në botë Lollapalooza në Paris.

Lollapalooza mbledh artistët më eminent në botë të zhanreve të ndryshme. “Lollapalooza Paris” do të mbahet më 21 e 22 korrik 2018.

Përveç Dua Lipës në këtë festival do të performojnë edhe artistë si: Gorillaz, French Montana, Travis Scott, Rag’n’Bone Man, Bastille etj, transmeton Koha.net./ KultPlus.com

Këngëtarja shqiptare, Dua Lipa javën tjetër do të performojë në emisionin e njohur amerikan Jimmy Kimell Live, shkruan KultPlus.

Dua Lipa ka performuar edhe më parë në këtë emision, pranverën e vitit të kaluar. Sipas faqes online të biletave, 1iota, Dua Lipa do të filmojë një “mini-koncert në ambient të hapur” më 14 shkurt. Ndërsa për këtë performancë ka njoftuar edhe vet këngëtarja Dua Lipa, përmes një postimi në rrjetin social “Instagram”.

“Shumë e emocionuar që të kthehem përsëri për të performuar në këtë show”, ka shkruar Dua.

Dua Lipa po ashtu do të performojë edhe në një prej emisioneve më të shikuara në Shtetet e Bashkuara të Amerikës. Ajo më 13 shkurt do të jetë pjesë e Ellen Degeneres Show./ KultPlus.com

Dua Lipa pranon se nuk i pëlqen shumë klubi. Në një intervistë së fundmi për The Sun, këngëtarja me prejardhje shqiptare, ka treguar se preferon më shumë të qëndroi në shtëpi me shoqërinë e saj se sa të dal në klube, shkruan KultPlus.

Dua në këtë intervistë për The Sun ka thënë se “Ndihem sikur klubet nuk janë në të vërtetë skena ime”.

“Tani që unë udhëtoj kaq shumë e vlerësoi shumë më tepër vetëm t’i mbledh të gjithë miqtë e mi, të hamë një darkë së bashku pastaj të përfundojmë duke qëndruar zgjuar deri vonë vetëm duke biseduar për gjithçka”, ka thënë këngëtarja Lipa.

Ndërsa lidhur me lidhjet e saj dhe publikimin e tyre në media, Dua ka dhënë një përgjigje mjaft të fuqishme. “Ju kurrë nuk do të fitoni ndonjë çmim për atë me të cilin ju takoheni. Kjo nuk duhet të jetë me të vërtetë e rëndësishme. Ajo që ka rëndësi për mua është muzika”, pohoi ajo.

Derisa Dua është e fokusuar në muzikën e saj, ajo tha se ajo ka arritur të bëhet edhe shembull për fansat e saj dhe kjo është gjithashtu shumë e rëndësishme për të. Tutje ajo ka treguar se komunikimi me disa nga vajzat në rrjetet sociale, ka ndikuar që ato të bëhen shoqe të saja.

“Kam marrë shumë mesazhe nga vajzat që më tregojnë se i fuqizoj. Kjo do të thotë shumë, me të vërtetë. Ne bëhemi mike dhe nëse kanë diçka për të më treguar, ato më shkruajnë në Twitter. Unë u them atyre se kam kaluar nëpër të njëjtat gjëra. Dhe unë do të flas me ato, ashtu siç flas me motrën time (Rinën) ose vëllanë tim të vogël (Gjinin). Gjithmonë kam provuar të jap një shembull të mirë”, ka thënë Dua. / KultPlus.com

The Sun sërish ka pasë nën llupë këngëtaren shqiptare Dua Lipa, gjithnjë duke potencuar edhe këtë fakt, se ajo vjen nga Kosova, përcjellë KultPlus.

Sipas The Sun, ajo në heshtje është duke u shndërruar në një prej artisteve të njohura të planetit.
Mirëpo, ky medium nuk ka lënë pa potencuar parashikimin e gabueshëm mbi Dua Lipën, që e kishin bërë sa ishte ajo në shkollën fillore. Në atë kohë,asaj i është thënë se nuk mund të këndonte, sepse nuk mund të arrinte shumë larg.

“Gjithmonë kam dashur të këndoj, duhet shumë këmbëngulje. Nuk mund të heqësh dorë kurrë nga ajo që beson ”, ka thënë Dua Lipa, për të cilën është shkruar edhe për rrugëtimin e saj Prishtinë-Londër,pastaj për rikthimin e saj në Kosovë që ishte vlerësuar si një periudhë jo shpresëdhënëse për karrierën e Duas, dhe krejt në fund edhe për kthimin e saj në Londër dhe suksesin e madh që shënoi po në këtë vend, po për të kaluar shkëlqimi i saj më pas edhe në shumë shtete të tjera./KultPlus.com

Fansat e muzikës në Britani të Madhe më shumë se kurrë më parë kanë dëgjuar muzikë online gjatë 2017, në total 68.1 miliardë klikime të këngëve, raporton BBC.

Në mesin e yjeve të rinj që u klikuan mjaft shumë ishte edhe ylli shqiptar, Dua Lipa, që së bashku me Stormzy, Harry Styles dhe J Hus arritën mbi 100 mijë shitje të albumit, transmeton Koha.net.

Për shitje më të madhe të albumit dhe transmetimit të këngëve prin ylli Ed Sheeran, që pati katër nga top 10 hitet më të mëdha në botë.

Albumi i parë i Dua Lipës ishte në top 50 edhe të “Billboard”, që e renditi në vendin e 43./ KultPlus.com