Gjatë tre muajve të parë të vitit 2024, mbi 1,7 milionë turistë të huaj kanë vizituar Shqipërinë, ose 59 % më shumë krahasuar me të njëjtën periudhë të vitit 2023.
Muaji mars shënoi një rekord të ri të flukseve hyrëse turistike prej gati 735 mijë vizitorësh të huaj, ose 91% më shumë krahasuar me marsin e vitit të shkuar.
Shifrat i ka bërë publike ministrja e Turizmit dhe Mjedisit, Mirela Kumbaro në faqet e saj zyrtare.
“Mbi 1,7 milionë turistë të huaj na kanë vizituar gjatë 3 muajve të parë të 2024-ës. 734 mijë vizitorë të huaj erdhën në Shqipëri gjatë muajit mars i cili sapo shenjoi një standard të ri në shifra e duhet t’i përgjigjemi me të njëjtin standard në mikpritje”, njoftoi ministrja Kumbaro.
Një ditë më parë, ministrja e Turizmit dhe Mjedisit, nga panairi Ndërkombëtar i Turizmit, nënvizoi se sfida tashmë nuk janë numrat, por garantimi i standardeve, cilësisë dhe turizmi elitar.
Java që vjen nis me një ngjarje të rëndësishme për turizmin, siç është takimi i 70-të i Komisionit për Evropën të Organizatës Botërore të Turizmit dhe Konferenca e Investimeve gjatë së cilës do të prezantohet udhëzuesi “Tourism Doing Business: Investing in Albania”. Kjo është hera e parë që Shqipëria pret zyrtarisht një aktivitet të Organizatës Botërore të Turizmit./atsh/KultPlus.com
Tashmë ka më shumë se 460 mijë (që nga 15 maj 2023) imazhe të marra nga roveri Perseverance i NASA-s që nga ulja e tij epike në Mars në shkurt 2021 ku tregojnë praninë e lumenjve, shkruan focus.it.
Imazhet e fundit, duket se tregojnë shenja të asaj që dikur ishte një rrjedhë shumë e turbullt, më e thellë dhe më e shpejtë se sa shkencëtarët kanë parë ndonjëherë në të kaluarën.
Lumi ishte pjesë e një rrjeti përrenjsh që derdheshin në kraterin Jezero, zonë që roveri ka eksploruar që nga zbarkimi.
Të kuptuarit e këtyre mjediseve, të cilat dikur ishin të pasura me ujë, mund t’i ndihmonte shkencëtarët në përpjekjet e tyre për të kërkuar shenja të jetës së lashtë mikrobike që mund të kenë mbijetuar në shkëmbinjtë marsianë.
Këto ditë, ”Perseverance” po eksploron majën e një depozite në formë ventilatori shkëmbinjsh sedimentarë, rreth 250 metra të lartë dhe të karakterizuar nga shtresa të lakuara që sugjerojnë praninë e ujit në lëvizje.
Prania e tyre sugjeron një lumë me energji të lartë që mban shumë mbeturina. Sa më i fuqishëm të jetë rrjedha e ujit, aq më lehtë është në gjendje të lëvizë pjesë më të mëdha të materialit,” tha Libby Ives, një shkencëtare e NASA-s e cila drejton roverin ‘Perseverance”./atsh/KultPlus.com
Elon Musk, zyrtarisht njeriu më i pasur në botë, po komentohet për deklaratat që ai i dha gjatë një paraqitje të tij në “TED Talk”.
Musk, ndër të tjera ka thënë se “gati gjithkush” mund t’i kursejë deri në 100 mijë euro, shkruajnë mediat britanike.
Pronari i “Tesla”-s ka folur për biletat për në Mars me raketat “Space X”, sipas të cilit, ato do të ishin të përballueshme për gati çdokënd.
“Nëse shkuarja në Mars do të kushtonte, ta zëmë, 100,000 dollarë, atëherë mendoj se çdokush do të mund të punonte dhe të kursente 100 mijë dollarë dhe do të mund të shkonte në Mars, nëse do”, ka thënë ai.
Musk thotë se dëshiron që ta bëjë të mundur që të shkojë Mars kushdo që do.
Një deklaratë tjetër e Musk që bëri bujë është pohimi i tij se nuk ka një shtëpi të tij dhe se ndonjëherë fle nëpër shtëpi të miqve të tij. / KultPlus.com
Këshilli i Bashkimit Europian i vendeve anëtare të unionit të heqin nga 1 Marsi, bllokimin e udhëtimeve jo-thelbësore për shtetasit nga vendet jo-anëtare.
Rekomandimi jepet vetëm për të vaksinuarit me dozat e vaksinave të njohura nga autoritetet europiane ose që janë rekomanduar nga OBSH.
Lihet në dorë të vendeve anëtare të kërkojnë teste shtesë për të huajt e vaksinuar me vaksina që njihen vetëm nga OBSH ose që kanë vetëm certifikatë shërimi.
Rekomandimi, që nuk përmend lehtësira për të pavaksinuarit, erdhi pasi në shumë vende jo-anëtare të unionit, kryesisht ato fqinje, po shtojnë mbulimin me vaksina të popullsive të tyre, që i përshtaten edhe standardeve dhe rregullave të vaksinimit të Bashkimit Europian.
Pjesa më e madhe e vendeve unionit kanë planifikuar lehtësimin e masave, ende pa marrë rekomandimin e Brukselit.
Ndër to është edhe Italia që prej 1 marsit do të zbusë rregullat për hyrjen e të huajve, duke hequr karantinën e duke kërkuar vetëm certifikatë vaksinimi apo test negativ./ KultPlus.com
Teoritë e konspiracionit ekzistojnë prej dekadash. Disa kanë tendencën të rezistojnë për vite më shumë se të tjerat. Vitet e fundit, sidomos pas pandemisë së Covid-19, janë shfaqur edhe teoritë të reja.
“Newsweek“ ka përpiluar një listë të teorive të reja konspirative, të cilat janë hedhur poshtë nga argumentet shkencore.
1-A shkaktojnë magnetizëm vaksinat anti-Covid?
Një nga teoritë konspirative më të përhapura që nga fillimi i pandemisë, është se njëri nga efektet anësore të vaksinave kundër Covid-19 është magnetizimi i trupave të njerëzve. Kjo teori është përhapur pjesërisht në mediat sociale, ku disa njerëz që ishin të vaksinuar, ngjitën në krahë sende metalike si monedhat, duke pretenduar se këtë efekt e kishte shkaktuar vaksina.
Një version i teorisë pretendon se magnetizmi iu shtua vaksinave në mënyrë që përbërësit e saj të lëvizin nëpër trup. Por kjo teori konspirative u hodh poshtë. Qendrat për Kontrollin dhe Parandalimin e Sëmundjeve Ekspertët në SHBA, deklaroi se vaksinat ndaj Covid-19 nuk përmbajnë metale apo ndonjë përbërës që do të prodhonte një fushë magnetike.
Dr. Karl Fihtenbaum, specialist i sëmundjeve infektive në Kolegjin e Mjekësisë të Universitetit të Sinsinatit, tha se nëse vaksinat do të kishin një efekt magnetizues, kjo do të ishte vënë re që në testet e hershme klinike.
2-A e shkakton Covid-in rrjeti 5G?
Thelbi i kësaj teorie është se sinjalet 5G të dërguara nga antenat përkatëse janë në fakt shkaku i pandemisë aktuale. Sipas kësaj teorie antenat me valët 5G, mund të shkaktojnë Covid-19 duke dobësuar sistemin imunitar ose duke e përhapur SARS-CoV-2 nëpërmjet valëve të radios.
Por sipas asaj që ka raportuar portali i njohur i kontrollit të fakteve “Full Fact”, asnjë pretendim i tillë nuk mbështetet mbi prova reale, dhe se pandemia po prek edhe vendet që nuk kanë asnjë infrastrukturë të rrjetit 5G. Dr.Simon Klark, profesor i asociuar i mikrobiologjisë qelizore në Universitetin e Ridingut në Britani përgënjeshtroi këtë teori.
Përveç kësaj, valët 5G renditen në fundin e spektrit elektromagnetik, dhe janë më pak të fuqishme sesa drita ose rrezet e diellit. Ato nuk janë aq të forta sa të dëmtojnë qelizat.
3-A shkaktojnë kancer turbinat?
Kjo teori është propaganduar pjesërisht edhe nga ish-presidenti amerikan Donald Trump. Duke folur në një tubim për mbledhjen e fondeve të fushatës në vitin 2019, ai u tha të pranishmëve:“Nëse keni një turbinë të erës diku afër shtëpisë tuaj, vlera e shtëpisë tuaj do bjerë automatikisht me 75 për qind. Dhe ata thonë se zhurma e tyre shkakton kancer”.
Por po atë vit Shoqata Amerikane e Kancerit tha për “New York Times” se nuk ishte në dijeni të ndonjë prove që lidhte zhurmën e turbinave me kancerin. Termi jozyrtar “Sindromi i Turbinës së Erës” i referohet simptomave si mungesa e gjumit dhe lodhja mendore për ata që jetojnë më pak se 2 kilometra larg turbinave të erës. Po kjo sindromë nuk njihet si një gjendje aktuale nga Instituti Kombëtar i Shëndetësisë në SHBA.
4-A po zhvillon Pentagoni një mikroçip që gjurmon Covid-in?
Në fillim të këtij viti u pretendua se Departamenti Amerikan i Mbrojtjes po prodhonte një çip që gjurmonte praninë e Covid-it dhe që mund të injektohej në trup. Këto pretendime lidheshin me komentet e bëra nga Met Hepbwrn, një mjek ushtarak që ka punuar më herët për DARPA-n, Agjencinë Amerikane të Projekteve të Avancuara në Fushën e Mbrojtjes.
Por Hepbwrn tha më pas për “Newsweek”se intervista e tij ishte keqkuptuar dhe sipas tij nuk ka asnjë mikroçip apo gjëra të ngjashme. Sipas Hepbërn, teknologjia është në fakt një hidroxhel që rrit ndjeshmërinë ndaj laktatit të indeve nën lëkurë, gjë që mund të tregojë nëse dikush do të sëmuret.
5-A jetuan njerëzit dikur në Mars dhe e shkatërruan atë?
Kjo teori u parashtrua nëpërmes një video të postuar të TikTok. Kjo teori pretendon se Marsi është i kuq për shkak të pluhurit nga shpërthimet bërthamore, dhe se ka prova që dikur në këtë planet ka pasur ujë, i cili është tharë nga njerëzit që kanë banuar dikur atje.
Por edhe kjo teori është hedhur poshtë për shkak të afateve kohore. Fosilet e njerëzve të hershëm në Afrikë datojnë nga 6 milionë deri në 2 milionë vite më parë, ndërsa nga studimet rezulton se Marsi ka pasur ujë miliarda vite më parë.
Për më tepër, Marsi është i kuq pasi sipërfaqja është e mbuluar me oksid hekuri, i njohur zakonisht si ndryshk, dhe jo me pluhur bërthamor./abcnews.al /KultPlus.com
Njëri nga njerëzit më të pasur dhe me më ndikim në botë, Elon Musk, beson se kompania e tij Space X do të bëjë dërgimin e njërëzve në planetin Mars, shkruan KultPlus.
Këtë gjë po e planifikon tanimë për një kohë të gjatë, Musk, i cili thotë se Space X do të zbarkojë njerëzit në Mars në 10 vitet e ardhshme.
Musk bëri parashikimin e guximshëm gjatë një paraqitjeje në podcastin Lex Fridman.
Themeluesi i Tesla-s përsëriti pikëpamjen e tij se njerëzimi duhet të bëhet një “specie me shumë planetë” dhe detajoi planet e SpaceX për të zhvilluar teknologjinë e nevojshme për udhëtimin. /KultPlus.com
Shkencëtarët në kërkim të molekulave me bazë karboni, janë edhe baza e jetës
Roboti i NASA-s që ndodhet në planetin Mars ka gjetur për herë të parë gjurmë molekulash organike. Zbulimi, i publikuar në revistën shkencore Nature, shpjegojnë studiuesit, nuk tregon që automatikisht ka shenja jete, por që është e mundur të gjenden molekula me bazë karboni, që janë dhe baza e jetës.
Kësaj herë nuk është nevojitur shpimi i terrenit, por është përdorur një teknikë tjetër. Nga grimcat e rërës së mbledhur, pas analizimit ka rezultuar se kishin gjurmë amoniaku, acidi benzoik e disa të tjera të paidentifikuara deri më sot në planetin e kuq.
Marsi është planeti i katërt në renditje në distancë nga Dielli dhe është i dukshëm në qiell me sy të lirë. Gjithashtu është një ndër planetet e llojit Tokësor, së bashku me Mërkurin, Afërditën dhe Tokën tonë.
Njeriu prej shumë kohesh ka nisur misionet në planetin e kuq, për të kuptuar më tepër për evolucionin e tij dhe në kërkim të gjurmëve të jetës. / KultPlus.com
Në përpjekjen për të kuptuar Marsin, dy robotë janë më të mirë se një – veçanërisht kur punojnë së bashku.
Ndërsa rover Perseverance po përgatitet të mbledhë mostrën e tij të parë marsiane, helikopteri Ingenuity po fluturon sipër për të vëzhguar terrenin dhe për të bërë fotografi.
“Zgjuarsia po lejon ekipin shkencor Perseverance të jetë në dy vende njëherësh”, tha Kevin Hand, bashkëudhëheqës i fushatës shkencore të roverit në Laboratorin e Jet Propulsion të NASA-s në Pasadena, California, raporton CNN.
“Tani për tani, ne jemi në “Crater Floor Fractured Rough “, ku roveri po përgatitet për marrjen e mostrës së parë të misionit në Mars. Megjithatë, në të njëjtën kohë, zgjuarsia po siguron një vrojtim të detajuar të një veçorie gjeologjike potencialisht intriguese qindra metra larg nesh”.
Gjatë fluturimit të dhjetë të Ingenuity më 24 korrik, ai fluturoi mbi një tipar që shkencëtarët po e quajnë “Kreshtat e Ngritura”. Këto thyerje sipërfaqësore janë të ngjashme me tiparet në Tokë të gjetura në shkretëtira që tregojnë praninë e ujit të lëngshëm në një moment në të kaluarën.
Kjo do të thotë se Kreshtat e Ngritura mund t’u tregojnë shkencëtarëve më shumë për historinë misterioze të Marsit dhe sa e banueshme mund të ketë qenë për çdo jetë të mundshme, nëse do të ekzistonte.
Së bashku, Persevance dhe Ingenuity po ndihmojnë shkencëtarët të hetojnë planetin e kuq në mënyra që nuk kanë qenë kurrë të mundshme më parë – dhe përfundimisht mund të na ndihmojnë të zbulojmë nëse jeta ka ekzistuar ndonjëherë në një planet tjetër në sistemin tonë diellor. / KultPlus.com
Agjencia amerikane e hapësirës, NASA, njoftoi se helikopteri i saj robot Ingenuity kreu të hënën një ngritje dhe ulje të suksesshme në planetin Mars, duke realizuar fluturimin e parë të kontrolluar mbi sipërfaqen e një planeti tjetër.
NASA tha se fluturimi me sukses i mini-helikopterit me dy helika mund të hapë rrugën për mënyra të reja kërkimi në planetin Mars dhe destinacione të tjera të sistemit diellor, si Afërdita dhe hëna e Saturnit, Titan.
Drejtuesit e misionit në Laboratorin Jet Propulsionit të NASA-s pranë Los Anxhelosit shpërthyen në duartrokitje dhe brohoritje kur të dhënat inxhinerike që erdhën nga Marsi konfirmuan se helikopteri prej më pak se 2 kilogramësh që punon me energji diellore kishte kryer sipas planit fluturimin e parë prej 40 sekondash.
Helikopteri robot është i programuar të ngjitet 3 metra vertikalisht, pastaj të qëndrojë pezull dhe të rrotullohet në vend mbi sipërfaqen e Marsit për gjysmë minute para se të ulet përsëri mbi katër këmbët e tij.
Megjithëse kohëzgjatja ishte e shkurtër, kjo shënoi një arritje historike në aviacionin ndërplanetar, sepse fluturimi u realizua në një “fushë ajrore” 278 milion kilometra larg Tokës në dyshemenë e një pellgu të gjerë marsian të quajtur Krateri Jezero.
NASA e krahasoi arritjen me fluturimin e parë të vëllezërve Wright në dhjetor të vitit 1903. Fluturimi i tyre në Karolinën e Veriut me avion me motor zgjati vetëm 12 sekonda dhe distanca e përshkuar ishte 37 metra./ KultPlus.com
Një testim i motoçikletës nga Nasa të hënën do të zbulojë nëse helikopteri i vogël i titulluar ‘Ingenuity’, do të jetë i pari që do të fluturojë në një planet tjetër, shkruan BBC, përcjell KultPlus.
Pikërisht ky helikopter ka udhëtuar edhe më herët në muajin shkurt me destinacion në planetin Mars brenda roverit të Nasa’s ‘Perseverance’, dhe peshon rreth 1.8 kg. Por, tani do të nevojiten disa orë për rezultatin final nëse ky projekt ka funksionuar.
Sipas reporterit të shkencës në BBC, Laura Foster dhe inxhinieres së sistemeve Nasa, Farah Alibay, fluturimi në Planetin e Kuq nuk është i thjeshtë. / KultPlus.com
Keni imagjinuar ndonjëherë se si do të ishte qyteti i parë që do të ndërtohej në një planet tjetër, larg Tokës?
Si do të përshtatet njerëzimi në planetin Mars dhe si do të jetë jeta atje? E pra, kjo video na tregon pamjet e projektit të qytetit, që mund të ndërtohet në planetin Mars.
Qyteti është projektuar nga studio arkitektonike “ABIBOO” dhe do të quhet Nüwa.
Sipas arkitektit Alfredo Munoz, qyteti do të strehojë 250,000 njerëz dhe llogaritet të fillojë ndërtimi në vitin 2054. Gjithashtu mendohet të ketë përfunduar deri në fund të shekullit.
” Qyteti Nüwa përmbush të gjitha kushtet që i duhen njerëzimit për të mbijetuar në komoditet. Nüwa krijon mjedis frymëzues për qeniet njerëzore dhe i jep mundësinë për tu zhvilluar. Është ndërtuar duke përdorur vetëm materiale lokale nga Marsi. Është një qytet i vetëmjaftueshëm me një identitet të fortë. Nüwa është planifikuar të bëhet kryeqyteti i ardhshëm i Marsit,” thotë Munoz. / KultPlus.com
Helikopteri Ingenuity rezistoi natën e tij të parë në sipërfaqen e grirë të Marsit. Ky është një moment historik në udhëtimin e rotorcraft përpara fluturimit të tij të parë historik.
Krateri Jezero, vendi aktual i roverit Perseverance dhe helikopterit Ingenuity në Mars, mund të përjetojë temperatura deri në -130 gradë Fahrenheit (-54.4 gradë celsius).
Kjo është një temperaturë mjaft e ulët që mund të dëmtojë sistemin elektrik dhe baterinë e helikopterit.
Helikopteri, i rëndë 4 kg, u nda më 3 prill nga roveri dhe është hera e parë që qëndron i vetëm në Mars.
Kur Ingenuity të fluturojë, që mund të ndodhë më 11 prill, do të jetë fluturimi i parë i mundësuar dhe i kontrolluar në një planet tjetër. / KultPlus.com
NASA po planifikon të dërgojë astronautët në Mars në vitin 2030. Planeti i kuq i cili ndodhet rreth 140 milionë milje larg Tokës është më i ftohtë se Antarktika dhe ka shumë pak oksigjen.
Sa më shumë kohë që u duhet astronautëve për të shkuar dhe sa më shumë që qëndrojnë atje, aq më shumë janë të rrezikuar.
Kjo ka shtyrë shkencëtarët që të kërkojnë mënyra për reduktimin e kohës për të arritur në këtë planet, shkruan CNN.
Kompania teknologjike USNC-Tech ka propozuar një zgjidhje e që është një forcë shtytëse që do t’i dërgonte njerëzit nga Toka në Mars për vetëm tre muaj.
Aktualisht, koha e mbërritjes në Mars llogaritet të jetë shtatë muaj.
Michael Eades, drejtor i inxhinieringut në USNC-Tech ka thënë se raketat nukleare do të ishin më të fuqishme dhe dy herë me efikase se motorët kimikë që përdoren sot, duke nënkuptuar se astronautët do të udhëtonin më shpejtë dhe njëkohësisht do të shpenzohej më pak lëndë djegëse.
“Teknologjia nukleare do të zgjerojë mundësitë e njerëzve rreth orbitës së Tokës dhe në thellësi të hapësirës”, ka thënë Eades. /express/ KultPlus.com
Tashmë dihet që Elon Musk planifikon të ndërtojë një qytet në planetin Mars dhe të dërgojë njerëz aty. Megjithatë, kjo nuk është një realitet – deri tani.
Ende ka disa gjëra që duhet të kujdesemi në Tokë. Kështu që, shpërngulja në Mars ende është një ide e largët, shkruan ubergizmo, transmeton Koha.net. Por, asgjë nuk e ndal Muskun të planifikojë dhe të ketë një ide në atë se çfarë do të duhej që të bëhej realitet.
Kur i është përgjigjur disa pyetjeve në Twitter, Musk ka thënë se kërkohet së paku 1,000 anije kozmike për të ndërtuar një qytet të vetë-qëndrueshëm në Mars.
Ai, po ashtu, shtoi se do të duheshin rreth 20 vjet për të transferuar miliona tonë “Mars Base Alpha” për ta bërë të qëndrueshëm sepse planetët rreshtohen çdo dy vjet.
Natyrisht, ky është vetëm një vlerësim i pasaktë, por është mjaft interesante të mësosh rreth qytetit në Mars nga vet Elon Musk.
Edhe pse nuk mund të jemi të sigurt se çfarë do të ndodh – pasqyrimet interesante nga përgjigjet e Muskut janë përfundimisht diçka që duhet shikuar duke konsideruar të gjitha zhvillimet e SpaceX-it deri tani.
Derisa dimë që Musku diskutoi rreth një misioni në Mars me ekip nga viti 2024, vetëm koha do të tregojë çfarë mund të bëhet tjetër e mundshme pasi të zënë vendin misionet e planifikuara. / KultPlus.com
