Ministria e Shëndetësisë del me një apel për qytetarët pasi rriten rastet me Covid-19

Ministria e Shëndetësisë ka dal me një njoftim të rëndësishëm për qytetarët pasi siç kanë njoftuar nga kjo ministri, gjatë dy javëve të fundit është shënuar rritje e rasteve me Covid-19.

Ministria ka apeluar te qytetarët të vaksinohen me qëllim të parandalimit dhe mbrojtjes nga infeksioni.

Njoftimi i plotë i MSH’së:

Sipas të dhënave nga Instituti Kombëtar i Shëndetësisë Publike të Kosovës, gjatë dy javëve të fundit, është shënuar rritje e rasteve të COVID-19, që ka ndikuar rrjedhimisht edhe në rritjen e rasteve aktive.

Me qëllim të parandalimit dhe mbrojtjes nga infeksioni, Ministria e Shëndetësisë u bën thirrje qytetarëve që nuk kanë marrë ende asnjë dozë të vaksinës kundër COVID-19, që të vaksinohen, ndërsa qytetarët që i kanë marrë një apo dy doza të vaksinës, ta marrin dozën e dytë, respektivisht dozën e tretë të vaksinës.

Imuniteti i fituar përmes vaksinimit, me kalimin e kohës vjen duke rënë, prandaj vaksinimi me dozën e radhës (doza e dytë apo e tretë) ndihmon në rindërtimin e imunitetit.

#VAKSINOHU / KultPlus.com

Nga nesër mund të vaksinoheni edhe në sheshin ‘Zahir Pajaziti’ në Prishtinë

Komiteti për imunizim kundër COVID-19 i Ministrisë së Shëndetësisë informon qytetarët se gjatë ditës së nesërme, në sheshin “Zahir Pajaziti” të Prishtinës do të aktivizohet një pikë e re e vaksinimit kundër COVID-19, me qëllim të ofrimit të sa më shumë mundësive për qytetarët për marrjen e vaksinës.

Me rastin e fillimit të vaksinimit në këtë pikë shtesë, të pranishëm do të jenë Ministri i Shëndetësisë, Dr. Rifat Latifi, kryetari i Komunës së Prishtinës, z. Përparim Rama si dhe përfaqësues nga UNICEF-i, USAID-i dhe kontribuues të tjerë në procesin e vaksinimit kundër COVID-19 në Kosovë.

Hapja zyrtare e kësaj pike të vaksinimit do të bëhet të enjten (10 shkurt 2022) në ora 12:30 në Sheshin “Zahir Pajaziti” në Prishtinë.

Vaksinimi kundër COVID-19 në Prishtinë, përveç në QMF-7 në lagjen Kalabria (ish-Emshir), në Qendrën Tregtare “Albi Mall” dhe në sheshin “Zahir Pajaziti”, së shpejti do të fillojë edhe në një pikë tjetër të re në Kodrën e Trimave në Prishtinë (QMF-2).

Ministria e Shëndetësisë u bën thirrje qytetarëve që të shfrytëzojnë çdo mundësi dhe të vaksinohen kundër COVID-19. /KultPlus.com

OBSH: Kufizimet e udhëtimit dhe provat e vaksinimit nuk nevojiten më

Ndalimet ndërkombëtare të udhëtimit duhet të lehtësohen ose të hiqen krejtësisht. Sipas rekomandimeve të fundit të Organizatës Botërore të Shëndetësisë (OBSH).

OBSH ka publikuar një deklaratë nga takimi më i fundit i Komitetit të Emergjencave këtë javë – i dhjeti i tij që nga fillimi i pandemisë – duke diskutuar efikasitetin e ndalimeve të përgjithshme të udhëtimit dhe nëse ato duhet të anulohen.

Ndalimet e udhëtimit “nuk janë efektive në shtypjen e përhapjes ndërkombëtare (siç tregohet qartë nga përvoja e Omicron)”, thuhet në të. Si rezultat, këshilla e re është që të “heqin ose lehtësojnë ndalimet e trafikut ndërkombëtar, pasi ato nuk ofrojnë vlerë të shtuar dhe vazhdojnë të kontribuojnë në stresin ekonomik dhe social” të disa vendeve.

Në vend të ndalimeve të udhëtimit, thuhet se duhet të ketë “masa udhëtimi” për të kontrolluar përhapjen e virusit. Shfaqja e statusit tuaj të vaksinimit ose dëshmia e një testi negativ në kufi ka qenë normë për muajt e fundit ndërsa ne përpiqemi të ringjallim industrinë tonë të udhëtimit, shkruan scan.

Por tani OBSH po pretendon se kjo kërkesë mund të mos jetë më “rruga e vetme” drejt udhëtimit ndërkombëtar. Ajo rekomandon një “qasje të bazuar në rrezik” në vend të kësaj e cila do të përfshinte “heqjen ose modifikimin e masave, të tilla si testimi dhe/ose kërkesat e karantinës, kur është e përshtatshme”./ KultPlus.com

Masat e reja kundërshtohen nga gastronomët: Nuk jemi vatër e infeksioneve

Rastet rekorde të njëpasnjëshme me COVID-19 ndikuan që Qeveria e Kosovës të marrë vendim të ri rreth masave aktuale, duke ndryshuar orën policore dhe gjithashtu punën e gastronomisë, shkruan KultPlus.

Oda e Hotelierisë dhe Turzimit, përmes një postimi në llogarinë zyrtare ka reaguar për masat e reja anti-COVID, duke thënë se janë marrë pa konsultim me shoqatat që i përfaqësojnë bizneset.

“Masat asnjëherë nuk janë lehtësuar për sektorin e hotelierisë dhe gastronomisë, kufizimet për këto sektorë kanë qenë gjithmonë prezente, nuk u është lejuar të punojnë me kapacitete të plota, janë përballur me masa të rrepta dhe me dënime të shumta të paarsyeshme. Si çdoherë, edhe kësaj here masat e reja janë marrë pa asnjë konsultim me organizatat apo shoqatat që përfaqësojnë bizneset, e këto masa si zakonisht i kemi kuptuar vetëm përmes rrjeteve sociale apo mediave tona”, thuhet mes tjerash në komunikatë.

Hotelieria dhe gastronomia, sipas tyre, nuk kanë qenë asnjëherë vatër e infeksioneve.

E për rritjen e rasteve me COVID-19, Oda fajëson Qeverinë e Kosovës.

“Për mos ta zgjatur shumë rritja e rasteve të të infektuarve është një fatkeqësi, dhe krejt kjo po ndodh falë neglizhencës së Qeverisë si ndaj shëndetit publik ashtu edhe ndaj shëndetit ekonomik”.

Oda ka bërë gjithnjë e më shumë thirrje që institucionet të konsultohen me bizneset para marrjes së vendimeve për masa, sepse problemet dhe dëmet po shtohen çdo ditë e më shumë.

Protestat nga Shoqata e Gastronomoëve të Kosovës kanë qenë në numër të madh vitin e kaluar. /KultPlus.com

Ambasada e Amerikës në Prishtinë apelon qyetetarët: Vendosni maskën, mbroni vetën dhe të tjerët

Rastet pozitive me COVID-19 në Kosovë kanë shënuar rritje të madhe ditët e fundit, shkruan KultPlus.

Instititu Kombëtar i Shëndetësisë Publike të Kosovës së bashku me Ministrinë e Shëndetësisë po bëjnë thirrje të vazhdueshme që të vaksinohen dhe të respektoni masat.

Një thirrje të tillë e ka bërë së fundmi edhe Ambasada e Amerikës në Prishtinë.

“Ndërsa rastet me COVID-19 po rriten, ju lutemi mos harroni se maskat, vaksinat dhe përforcuesit janë mbrojtja më e mirë kundër Omicron”, thuhet në shkrimin e tyre.

Kur vendosni maskën, ndihmoni të mbroni vetën dhe të tjerët nga COVID-19. /KultPlus.com

May be an image of text that says 'Wear a mask with the best fit, protection, and comfort for you. N95 Respirator NIOSH-approved KN95 Respirator Disposable Mask Sometimes referred as "surgical masks" "medical procedure masks" Cloth Mask Non-medical, made ffabric When worn correctly, respiratorsoffer offer the highest of protection filter 95% partides. Filtration varies dependgo standard. Disposable masks offer more protection than cloth masks. Layered finely woven cloth masks offer more protection. When correctly, KN95s provide more protection disposable masks. CDC Loosely woven cloth masks provide the leastprotection. Masks and respirators should not be worn by children younger than years old. cdc.gov/coronavirus 328947-P'

Pas rritjes së rasteve, Nagavci bën thirrje për respektim të masave

Ministrja e Arsimit, Shkencës, Teknologjisë dhe Inovacionit, Arbërie Nagavci, ka ripërsëritur thirrjen për respektim të masave për mbrojtje nga pandemia Covid-19 nga ana e të gjithë akterëve të përfshirë në institucionet edukativo-arsimore.

Ministrja ka theksuar se respektimi me përpikëri i masave të rekomanduara nga ekspertët shëndetësorë, përveç që është është domosdoshmëri për mbrojtjen e shëndetin publik, është edhe mundësia më e mirë për të siguruar mbarëvajtjen e procesit mësimor me prezencë fizike në shkollë.

Ndërsa, sot ministrja Nagavci ka vizituar shkollën fillore të mesme të ulët “Ismail Qemaili” në Prishtinë, pas shqetësimeve që janë pranuar dhe nga menaxhmenti është informuar për situatën pandemike në këtë institucion arsimor.

Me këtë rast, ajo ka theksuar faktin se mbeten në fuqi të gjithë skenarët e përcaktuar me Udhëzimin e rishikuar për organizimin e mësimit në kushte të pandemisë.

Ministrja rikujtoi se është kompetencë e task forcave të shkollave dhe komunave që të vendosin për organizimin e mësimit sipas skenarëve të përcaktuar në Udhëzues, duke vlerësuar gjithmonë situatën pandemike në institucionin përkatës.

Në rast të kalimit të zhvillimit të procesit mësimor sipas skenarit C (mësim nga distanca), ministrja Nagavci tha se është e domosdoshme të bëhet orari dhe të sigurohemi se mësimi është duke u zhvilluar në ndonjërën nga platformat online.

Ministrja Nagavci tha se në rast nevoje, MAShTI ka bërë të gjitha përgatitjet për zhvillimin e mësimit online, derisa mësimdhënësit janë të lirë të përdorin edhe platforma të ndryshme, thuhet në postimin në Facebook të MASHTI-t. /KultPlus.com

Vazhdon drama për Djokovic, pa vaksinë nuk lejohet as në ‘French Open’

Novak Djokovic mund t’i ndalohet pjesëmarrja në truneun “Frrench Open”, pasi ligji i ri i Francës për vaksina, do t’u kërkojë të gjithë njerëzve të kenë një certifikatë vaksinimi për të hyrë në vende publike si restorante, kafene, kinema dhe trena në distanca të gjata, përcjell KultPlus.

Numri një i botës në tenis, Djokovic, i cili nuk është vaksinuar kundër COVID-19, u deportua nga Australia të dielën përpara turneut të parë Grand Slam të vitit, pasi humbi një çështje gjyqësore rreth qëndrimit atje.

Ministrja e Sportit, Roxana Maracineanu ka thënë që sapo ligji i ri të miratohet, të pavaksinuarit nuk do mund të marrin pjesë në “French Open”.

“Rregulli është i thjeshtë. Leja e vaksinës do të vendoset, sapo të shpallet ligji, në institucionet që tashmë i nënshtroheshin lejes shëndetësore,” tha ministria.

“Kjo do të vlejë për të gjithë ata që janë spektator apo sportist profesionist”, shtoi ajo.

Serbi Djokovic ka refuzuar të vaksinohet dhe është kritikuar për pjesëmarrjen në ngjarje publike muajin e kaluar pasi rezultoi pozitiv me koronavirus. /KultPlus.com

Djokovic e pranon se gënjeu, çështja e tij një ‘tunel pa dalje’

Sportisti Novak Djokovic ka pranuar se kishte gabime në formularët e tij të imigracionit dhe në takimin me një gazetar, pavarësisht se doli pozitiv për Covid, shkruan BBC, transmeton KultPlus.

Djokovic gjithashtu pranoi se kishte bërë një deklaratë të rreme në formularin e tij të udhëtimit përpara se të hynte në Australi dhe tha se ekipi i tij ka dhënë informacion shtesë për autoritetet.

Numri një i tenisit për burra shpreson të luajë në Australian Open javën e ardhshme, por pjesëmarrja e tij është lënë në hije nga debati për vizën e tij.

Djokovic, i cili është i pavaksinuar, iu hoq viza më 6 janar, pak pasi mbërriti në Australi.

Të hënën, megjithatë, një gjykatës e rrëzoi në mënyrë dramatike vendimin dhe urdhëroi lirimin e lojtarit nga paraburgimi.

Por qeveria nuk ka përjashtuar veprime të mëtejshme – dhe ekziston mundësia që ministri i imigracionit të vendit të mund të anulojë vizën e tij për herë të dytë, vetëm disa ditë përpara fillimit të turneut.

Djokovic admits there was a mistake on his Australia travel form : NPR

Nëse Djokovic fiton Australian Open – Grand Slam-in e tij të 21-të – ai do të bëhej tenisti burrë më i suksesshëm në histori.

Djokovic tha se ai kishte bërë një test të shpejtë të antigjenit përpara se të merrte pjesë në dy ngjarje në Australia dhe u njoftua se PCR e tij ishte pozitive pasi mori pjesë në ceremoninë e ndarjes së çmimeve më 17 dhjetor.

Forcat Kufitare të Australisë, zyrtarët e imigracionit të vendit, thanë të martën se po hetonin nëse ai kishte bërë një “deklaratë të rreme” – e cila do të ishte arsye për anulimin e vizës.

Turneu profesionist i tenisit për burra, Australian Open, ka bërë thirrje për më shumë qartësi të rregullave për të hyrë në Australi dhe u bëri thirrje lojtarëve që të vaksinohen.

Për australianët që u është dashur të përballen me disa nga rregullat më të rrepta në botë për Covid19, ky është një atlet me famë botërore që ka thënë publikisht se është kundër vaksinimit dhe tani ka zbuluar se ka shkelur rregullat e izolimit ndërsa ishte i infektuar.

Pranimi tjetër qendror është dhënia e informacionit të gabuar në dokumentin e deklaratës së tij të udhëtimit.

Djokovic e quajti atë një gabim njerëzor, por a do ta pranojnë këtë zyrtarët e forcave kufitare? Ne e dimë se ata po shikojnë informacione të tjera të ofruara nga ekipi i Novak tani.

Australian Open fillon pas pak ditësh dhe ende nuk ka asnjë garanci se ai do të jetë në gjendje të mbrojë titullin e tij. /KultPlus.com

Australian Open: Injured Novak Djokovic misses out in Melbourne | Tennis –  Gulf News

IKSHPK apelon qytetarët: Situata mund të përkeqësohet

Instituti Kombëtar i Shëndetësisë Publike të Kosovës, ka apeluar qytetarët se situata epidemiologjike mund të përkeqësohet ditëve në vijim, përcjell KultPlus.

Përmes një postimi në llogarinë zyrtare në “Facebook”, IKSHPK-ja ka bërë thirrje që të respektohen masat në maksimum dhe gjithashtu të vaksinohen të gjithë qytetarët.

Postimi i plotë:

“Nga fillimi i vitit ka filluar rritje e rasteve pozitive me COVID-19 e veçmas me shfaqjen e variantit të ri të virusit SARS CoV-2 Omicron (B.1.1.529). IKSHPK është duke vazhduar pandërprerë me testimin dhe gjurmimin e të gjitha rasteve, kontakteve të rasteve në komunitet dhe diagnostikimin laboratorik. Situata epidemiologjike mund të përkeqësohet edhe më shumë ditët në vazhdim, andaj IKSHPK apelon tek të gjithë qytetarët që të respektohen masat e Qeverisë së Republikës së Kosovës”, deklaron IKSHPK.

IKSHPK-ja ka bërë thirrje të respektohen masat anti-COVID. Po ashtu, iu ka rekomanduar institucioneve përgjegjëse të mbikëqyrin respektimin e masave.

“Për shkak të rrezikshmërisë së lartë të përhapjes së COVID-19, bëjmë thirrje në veçanti për kujdes dhe mosgrumbullim. Ndërsa, rekomandojmë institucionet përgjegjëse të mbikëqyrin me përpikëri dhe të ndërmarrin të gjitha veprimet e nevojshme për zbatimin e masave për parandalimin dhe luftimin e pandemisë”, thotë IKSHPK.

Distanca fizike, maskat, dezinfektimi dhe ajrosja e hapësirave, janë disa prej masave që IKSHPK-ja apelon të respektohen.

“Është i domosdoshëm kujdesi i shtuar i të gjithëve që në mënyrë strikte të respektohet distanca fizike, të përdoren maskat, të bëhet dezinfektimi dhe ajrosja e hapësirave, duke pamundësuar dhe shmangur përhapjen eventuale të mëtejme të infeksionit të COVID-19”, thotë IKSHPK.

Tutje, IKSHPK-ja ka bërë thirrje për vaksinim, për ta parandaluar COVID-19 dhe vdekjet si pasojë e tij.

“Duke qenë se vaksinimi është mënyra më e mirë dhe më e sigurt për të parandaluar COVID-19, veçanërisht format e rënda të sëmundjes dhe vdekjet, ne vazhdojmë të apelojmë fuqishëm për vaksinim sa më gjithpërfshirës, sa më të gjerë dhe sa më të shpejtë të popullatës nga mosha 12 vjeçare. Vaksinat mund të merren çdo ditë në të gjitha institucionet e kujdesit parësor në komunën tuaj”

“Gjithashtu apelojmë për vaksinimin me dozën përforcuese dhe dozën e tretë që mund ta marrin të gjithë qytetarët e moshës mbi 18 vjeçare. Vaksinohuni dhe ftoni të tjerët të vaksinohen! Duke u vaksinuar vetë, ju mbroni veten, mbroni edhe njerëzit për rreth jush, në rend të parë familjen. Vaksinimi mbetet arma më e fortë për të parandaluar hospitalizimin. Të gjithë pa dallim dhe domosdoshmërisht duhet të vazhdojmë të zbatojmë masat parandaluese kundër COVID-19 dhe rekomandimet e profesionistëve shëndetësor!”, shkruan IKSHPK.

Së fundmi, në Kosovë janë shënuar 304 raste pozitive me COVID-19. /KultPlus.com

May be an image of text that says 'COVID19 BASHKE IA DALIM! E DIEL MINISTRIAESHENDETESISE REPUBLIKA KOSOVES 09.01.2022 Të vaksinuar brenda 24 orëve 2.103 Të vaksinuar me dozën dytë 789.946 Të vaksinuar me dozën parè 884.516 Numri total dozave të administruara E DIEL 1.692.762 09.01.2022 T ※ Numrii testimeve Raste pozitive 10.042 + Te shöruar 304 Raste të vdekjes 3 Raste aktive Pozitiviteti rasteve 1.552 3.02%'

Bota duhet të mësojë të bashkëjetojë edhe këtë vit me Covid-19

Omicron, deri më sot varianti më infektiv i koronavirusit, po përhapet aq shpejt në mbarë botën, saqë është shumë e lehtë të ndihesh i dëshpëruar mbi perspektivat e largëta të zbutjes disi të pandemisë, dhe lëre më pastaj të fundit të saj brenda vitit 2022.

E megjithatë ka arsye të forta të mendohet se pesha e Covid-19 në shëndetin global, dhe ndikimi i tij më i gjerë në fushën sociale dhe ekonomike mund të zbehet këtë vit, në rast se qeveritë dhe autoritetet shëndetësore do të ndjekin politikat e duhura, dhe nëse ky virus shumë dinak dhe i paqëndrueshëm, zhvillohet në mënyrën që parashikohet nga shumë shkencëtarë dhe ekspertë.

Aktualisht ka një debat në rritje, midis atyre që mendojnë se patogjenët e rinj si Sars-Cov-2, priren me kalimin e kohës të shkaktojnë sëmundje më të lehta, dhe atyre që mendojnë se viruset të tilla kanë po aq gjasa të evoluojnë në një drejtim më virulent.

Pa marrë anë në këtë debat, është e arsyeshme të arrihet në përfundimin se ndërveprimi midis virusit dhe sistemit imunitar të njeriut, do të thotë se sa më shumë njerëz që kanë një mbrojtje kundër simptomave të rënda të Covid-19 përmes vaksinimit apo infektimit me të, aq më e mirë është edhe perspektiva.

Asnjë pasardhës i mundshëm i Sars-Cov-2, nuk mund të ketë mjaftueshëm mutacione në vendet e duhura, për t’i shpëtuar plotësisht vëmendjes së antitrupave dhe qelizave T, të krijuara nga ekspozimi paraprak ndaj një varianti të mëparshëm.

Prandaj, përparësia kryesore është vaksinimi i të gjithë banorëve të botës, siç duhet të ishte edhe gjatë vitit të kaluar. Mjerisht, pabarazia e shpërndarjes së vaksinës kundër Covid-19 nuk ka qenë kurrë më e madhe.

Sipas Organizatës Botërore të Shëndetësisë, deri tani vetëm 10 për qind e popullsisë në vendet me të ardhura të ulëta ka marrë të paktën një dozë vaksine, në një kohë që qytetarët në vendet e pasura po marrin vaksinën e tretë apo edhe të katërt.

Siç thotë OBSH-ja, me prodhimin global të vaksinave që është afro 1.5 miliardë doza në muaj, do të ketë mjaftueshëm vaksina për të vazhduar me vaksinimet përforcuese, duke çuar shumë më tepër furnizime në vendet më të varfra se sa në vitin 2021, përmes skemave të tilla si COVAX.

Megjithëse vendet e industrializuara janë të justifikuara që të mbrojnë popullsinë e tyre me doza përforcuese për të rriturit, dhe fushatat për ta shtrirë vaksinimin tek fëmijët, ne nuk mund të presim që të vazhdojmë të vaksinojmë njerëzit çdo 4-6 muaj për shumë kohë për të përballuar përhapjen e varianteve të reja.

Ne do të duhet të mbështetemi tek imuniteti i siguruar nga vaksinimet vjetore – mundësisht me një gjeneratë e re produktesh, të cilat janë efektive kundër të gjitha varianteve të koronavirusit – dhe nga ekspozimi i përsëritur ndaj atij që herët a vonë do të bëhet një infeksion endemik.

Qeveritë dhe entet rregullatore, duhet të inkurajojnë zhvillimin e teknologjive të reja të vaksinave, për të plotësuar monopolin që gëzojnë Moderna dhe BioNTech/Pfizer në botën e zhvilluar me produktet e tyre mRNA. Njëkohësisht, duhen më shumë investime në drejtim të prodhimit të barnave antivirale, të cilat mund të luajnë një rol më të madh në zvogëlimin e simptomave tek ata që janë të infektuar me Covid-19.

Një fushë tjetër jetike ku duhen investime është diagnostikimi dhe mbikëqyrja. Këtu kërkesat variojnë nga sigurimi i mjaftueshëm i testeve të shpejta për njerëzit që duhet të verifikojnë nëse janë të infektuar përpara se të takohen me të tjerët, deri në ndërtimin e më shumë kapaciteteve për sekuencimin gjenomik të koronavirusit në mbarë botën, për të monitoruar shfaqjen e varianteve të reja.

Çfarëdolloj mundësish të pakta që mund të kishim në fillim të vitit 2020 për të eliminuar Covid-19, ato kanë kohë që kanë ikur. Përpjekjet për ta vënë nën kontroll pandeminë, janë justifikuar deri më tani në kontekstin e një emergjence shëndetësore globale, por ato nuk mund të vazhdojnë pafundësisht.

Dëmi anësor – për shëndetin dhe mirëqenien mendore, kohezionin social dhe ekonominë globale – do të ishte shumë i madh. Këtë vit bota do të duhet të ndërtojë një lloj elasticiteti, që ne të mundemi të bashkëjetojmë me Sars-Cov-2 dhe pasardhësit e tij, në një mënyrë që të na shkaktojë më pak përçarje, duke mbrojtur ata që janë më të cenueshëm. /KultPlus.com

Bota duhet të mësojë të bashkëjetojë edhe këtë vit me Covid-19

‘Cigare për lakra’, banorët e izoluar në Kinë shkëmbejnë ushqimet

Disa banorë në qytetin kinez Xi’an-itkanë përdorur shkëmbimin e furnizimeve ditët e fundit, pasi shqetësimet për mungesën e ushqimit vazhdojnë.

Disa foto që janë publikuar në rrjetet sociale tregojnë sesi banorët po shkëmbejnë ushqimet edhe me pajisje teknologjike.

Rreth 13 milionë njerëz janë mbyllur në shtëpitë e tyre që nga 23 dhjetori dhe aktualisht nuk mund të largohen për të blerë ushqim.

Videot dhe fotot në faqen e mediave sociale Weibo treguan njerëzit që shkëmbenin cigare me lakër, lëng për larjen e enëve me mollë dhe peceta higjienike për një grumbull të vogël perimesh.

Residents receive daily necessities at the entrance of a residential community under lockdown on December 29, 2021 in Xi'an
Getty Images

Xi’an është në epiqendrën e shpërthimit aktual të Covid në Kinë dhe autoritetet lokale kanë miratuar masa drastike të cilat kanë tërhequr kritika të konsiderueshme në internet.

Masat e rrepta vijnë përpara Vitit të Ri Hënor dhe Lojërave Olimpike Dimërore që do të mbahen në Pekin muajin e ardhshëm. /KultPlus.com

Xi'an, China Covid Lockdown Wears on Residents as Shortages Mount -  Bloomberg

5 teori konspirative, që shkenca tregoi se ishin të gabuara

Teoritë e konspiracionit ekzistojnë prej dekadash. Disa kanë tendencën të rezistojnë për vite më shumë se të tjerat. Vitet e fundit, sidomos pas pandemisë së Covid-19, janë shfaqur edhe teoritë të reja.

“Newsweek“ ka përpiluar një listë të teorive të reja konspirative, të cilat janë hedhur poshtë nga argumentet shkencore.

1-A shkaktojnë magnetizëm vaksinat anti-Covid?

Një nga teoritë konspirative më të përhapura që nga fillimi i pandemisë, është se njëri nga efektet anësore të vaksinave kundër Covid-19 është magnetizimi i trupave të njerëzve. Kjo teori është përhapur pjesërisht në mediat sociale, ku disa njerëz që ishin të vaksinuar, ngjitën në krahë sende metalike si monedhat, duke pretenduar se këtë efekt e kishte shkaktuar vaksina.

Një version i teorisë pretendon se magnetizmi iu shtua vaksinave në mënyrë që përbërësit e saj të lëvizin nëpër trup. Por kjo teori konspirative u hodh poshtë. Qendrat për Kontrollin dhe Parandalimin e Sëmundjeve Ekspertët në SHBA, deklaroi se vaksinat ndaj Covid-19 nuk përmbajnë metale apo ndonjë përbërës që do të prodhonte një fushë magnetike.

Dr. Karl Fihtenbaum, specialist i sëmundjeve infektive në Kolegjin e Mjekësisë të Universitetit të Sinsinatit, tha se nëse vaksinat do të kishin një efekt magnetizues, kjo do të ishte vënë re që në testet e hershme klinike.

2-A e shkakton Covid-in rrjeti 5G?

Thelbi i kësaj teorie është se sinjalet 5G të dërguara nga antenat përkatëse janë në fakt shkaku i pandemisë aktuale. Sipas kësaj teorie antenat me valët 5G, mund të shkaktojnë Covid-19 duke dobësuar sistemin imunitar ose duke e përhapur SARS-CoV-2 nëpërmjet valëve të radios.

Por sipas asaj që ka raportuar portali i njohur i kontrollit të fakteve “Full Fact”, asnjë pretendim i tillë nuk mbështetet mbi prova reale, dhe se pandemia  po prek edhe vendet që nuk kanë asnjë infrastrukturë të rrjetit 5G. Dr.Simon Klark, profesor i asociuar i mikrobiologjisë qelizore në Universitetin e Ridingut në Britani përgënjeshtroi këtë teori.

Përveç kësaj, valët 5G renditen në fundin e spektrit elektromagnetik, dhe janë më pak të fuqishme sesa drita ose rrezet e diellit. Ato nuk janë aq të forta sa të dëmtojnë qelizat.

No, 5G radiation doesn't cause or spread the coronavirus. Saying it does is  destructive

3-A shkaktojnë kancer turbinat?

Kjo teori është propaganduar pjesërisht edhe nga ish-presidenti amerikan Donald Trump. Duke folur në një tubim për mbledhjen e fondeve të fushatës në vitin 2019, ai u tha të pranishmëve:“Nëse keni një turbinë të erës diku afër shtëpisë tuaj, vlera e shtëpisë tuaj do bjerë automatikisht me 75 për qind. Dhe ata thonë se zhurma e tyre shkakton kancer”.

Por po atë vit Shoqata Amerikane e Kancerit tha për “New York Times” se nuk ishte në dijeni të ndonjë prove  që lidhte zhurmën e turbinave me kancerin. Termi jozyrtar “Sindromi i Turbinës së Erës” i referohet simptomave si mungesa e gjumit dhe lodhja mendore për ata që jetojnë më pak se 2 kilometra larg turbinave të erës. Po kjo sindromë nuk njihet si një gjendje aktuale nga Instituti Kombëtar i Shëndetësisë në SHBA.

4-A po zhvillon Pentagoni një mikroçip që gjurmon Covid-in?

Në fillim të këtij viti u pretendua se Departamenti Amerikan i Mbrojtjes po prodhonte një çip që gjurmonte praninë e Covid-it dhe që mund të injektohej në trup. Këto pretendime lidheshin me komentet e bëra nga Met Hepbwrn, një mjek ushtarak që ka punuar më herët për DARPA-n, Agjencinë Amerikane të Projekteve të Avancuara në Fushën e Mbrojtjes.

Por Hepbwrn tha më pas për “Newsweek”se intervista e tij ishte keqkuptuar dhe sipas tij nuk ka asnjë mikroçip apo gjëra të ngjashme.  Sipas Hepbërn, teknologjia është në fakt  një hidroxhel që rrit ndjeshmërinë ndaj laktatit të indeve nën lëkurë, gjë që mund të tregojë nëse dikush do të sëmuret.

5-A jetuan njerëzit dikur në Mars dhe e shkatërruan atë?

Kjo teori u parashtrua nëpërmes një video të postuar të TikTok.  Kjo teori pretendon se Marsi është i kuq për shkak të pluhurit nga shpërthimet bërthamore, dhe se ka prova që dikur në këtë planet ka pasur ujë, i cili është tharë nga  njerëzit që kanë banuar dikur atje.

Por edhe kjo teori është hedhur poshtë për shkak të afateve kohore. Fosilet e njerëzve të hershëm në Afrikë datojnë nga 6 milionë deri në 2 milionë vite më parë, ndërsa nga studimet rezulton se Marsi ka pasur ujë miliarda vite më parë.

Për më tepër, Marsi është i kuq pasi sipërfaqja është e mbuluar me oksid hekuri, i njohur zakonisht si ndryshk, dhe jo me pluhur bërthamor./abcnews.al /KultPlus.com

NASA's Mars 2020 Will Blaze a Trail — for Humans | NASA

Kushdo që hyn në Kosovë, nga sot duhet t’i ketë dy doza të vaksinës

Nga sot ka hyrë në fuqi ligji i 1 dhjetorit, i cili parasheh që secili qytetar duhet të posedojë certifikatën e vaksinimit me dy doza të vaksinës anti-COVID, në të kundërtën, nuk do të mund të hyjë në Kosovë.

Qeveria e Kosovës më datë 1 dhjetor të vitit të kaluar ka miratuar masat anti-COVID, të cilat kanë hyrë në fuqi menjëherë, mirëpo, një pikë e këtij vendimi ishte lënë për datën 3 janar të vitit 2022.

Të gjithë ata që dëshirojnë të hynë në Kosovë, mund që të vaksinohen në pikat kufitare.

Përhapja e variantit të ri të COVID-19, Omicron, ka ndikuar që e gjithë bota të marrë masa të reja.

Ministria e Shëndetësisë po vazhdon thirrjen e vazhdueshme për vaksinim, pasi është zgjidhja e vetme. /KultPlus.com

Franca, Italia dhe Greqia thyejnë sërish rekorde

Evropa vijon të shënojë shifra të larta infektimesh me Covid-19, teksa humbjet e jetëve duken të qëndrueshme.

Franca ka thyer sërish rekordin e një ditë më parë, teksa këtë të mërkurë raportoi mbi 208 mijë infektime ditore. Në vend çdo sekonda dy persona rezultojnë pozitiv me virusin vdekjeprurës. Shtrimet mbeten të larta dhe autoritetet i frikësohen një kolapsi spitalor.

Në këtë 24 orësh në Itali kanë rezultuar pozitiv me Covid-19 mbi 98 mijë qytetarë, duke vendosur kështu një rekord absolut që prej fillimit të pandemisë. Humbjet e jetës kanë shënuar një ulje të ndjeshme në 148 nga 202 që ishin një ditë më parë. 

Situata duket jashtë kontrollit edhe në Greqi, e cila gjithashtu ka thyer rekordin e një dite më parë. Autoritetet shëndetësore greke bën të ditur se janë konfirmuar afro 28 mijë raste, nga 21 mijë që ishin një ditë më parë.

Këtë të mërkurë Autoritetet Shëndetësore në Gjermani raportuan mbi 40 mijë raste të reja infektimesh. Ministri i Shëndetësisë gjermane u shpreh se shkalla e infektimeve ka gjasë të jetë dy ose tri herë më e lartë se ajo çfarë raportohet duke bërë thirrje për kujdes të shtuar gjatë festave.

Agjencia e Sigurisë Shëndetësore në Britaninë e Madhe është shprehur se mbi 90 % e infektimeve të reja në vend janë të variantit Omicron. Në vend janë konfirmuar më shumë se 200 mijë raste nga ky variant./Tv Klan /KultPlus.com

Omicroni kërcënon Italinë, shtrëngohen masat ndaj COVID-19

Italia po planifikon që të shtojë masat kufizuese kundër koronavirusit me synimin që të kufizojë përhapjen e infektimeve. Mes këtyre masave përfshihet edhe bërja me detyrim e mbajtjes së maskës në ambientet e jashtme.

Zyra e kryeministrit njoftoi sot se mes masave të tjera që pritet të aprovohen kur të mblidhet kabineti më vonë gjatë të enjtes do të jetë një urdhër që e bën mbajtjen e maskave FFP2  të detyrueshme në ambiente publike si në teatro, kinema dhe evente sporti.

Po ashtu po shqyrtohet mundësia që të mbyllen diskot dhe club-et deri për natën e Vitit të Ri. Vlefshmëria e certifikatave shëndetësore Covid-19, të cilat ofrojnë akses në një sërë vendesh dhe shërbimesh, do të shkurtohet në gjashtë muaj nga nëntë muaj që ishte.

Për më tepër, qeveria po shqyrton nëse do të përshpejtojë programin e dozave përforcuese, që shihen si mburoja më efektive kundër variantit Omicron, duke ulur kohën e pritjes pas vaksinës së dytë nga pesë në katër muaj. /abcnews.al/ /KultPlus.com

Italy to debate new Covid emergency decree as infections surge

IKSHPK me thirrje të vazhdueshme: Merrni dozat, festoni shëndetshëm me familjen

Instituti Kombëtar i Shëndetësisë Publike të Kosovës po vazhdon thirrjet e vazhdueshme për vaksinim, shkruan KultPlus.

“Festo, sigurt festo me familjen”, ishte mesazhi kryesor që janë munduar të përcjellin IKSHPK-ja në postimin e tyre të fundit, ku gjithashtu kanë inkurajuar që qytetarët të marrin të dy dozat dhe gjithashtu edhe dozën e tyre përforcuese.

“Vendi ku të gjithë ndjehemi të sigurt është familja. Prandaj, kujdesu për veten dhe familjen tuaj. Merrni të dy dozat e vaksinës dhe sapo të ju vijë koha edhe dozën përforcuese dhe dozën e tretë. Festo sigurt, festo me familjen! Festo shëndetshëm!”, shkruhet në njoftimin e tyre.

Minstria e Shëndetësisë vazhdimisht është duke bërë thirrje që t’i besohet shkencës dhe të merren të gjitha dozat që sigurojnë shëndet të plotë për të gjithë qytetarët. /KultPlus.com

May be a cartoon of tree and text that says 'Le t'i festojmë sigurt festat e fundvitit! Vendi ku të gjithë ndihemi të sigurt eshtë familja. Kësaj here, ti ke në dorë sigurinë tënde dhe të familjes. Rreziku nga COVID-19 nuk ka kaluar, sidomos per qe ende nuk jane vaksinuar. Merrni të dy dozat e vaksinës, dhe kur të ju vije radha dozën perforcuese. Festo sigurt, festo me familjen! MBULO GOJỀN DHE HUNDEN ΜΕ MASKE! MBAJ HIGJIENEN! o8 RESPEKTO DISTANCEN! VAKSINOHU! SAenforb AQH Healthcare Accessible 50Cprojest Burimi: OBSH'

Ministria e Shëndetësisë me mesazh: Mbroni vetën dhe të dashurit tuaj në sezon festash me vaksinë të sigurt

Ministria e Shëndetësisë po vazhdon aksionin e saj që të përçojë mesazhe pozitive dhe kësisoj të inkurajojë vaksinimin e personave me dozën anti-COVID, transmeton KultPlus.

Marrja e vaksinës kundër COVID-19 është e shpejtë, e lehtë dhe falas, ka thënë MSH, duke bërë me dije gjithmonë se vetëm rruga e vaksinimit dërgon në shpëtim nga virusi.

“Mbroni veten dhe të dashurit tuaj në këtë sezon festash me një vaksinë të sigurt dhe efektive kundër COVID. Të gjithë qytetarët 12 vjeç e lart mund të vaksinohen”, thuhet mes tjerash në njoftim.

Përndryshe, sipas të dhënave zyrtare nga Instituti Kombëtar i Shëndetësisë Publike, në Kosovë deri tani janë administruar më shumë se 1,6 milionë doza të vaksinës. /KultPlus.com

Rastet me ‘omicron’ alarmojnë New Yorkun, vendosen masa të rrepta ndaj COVID-19

Qyteti i Nju Jorkut do të kërkojë që të gjithë punëtorët e sektorit privat të vaksinohen plotësisht kundër Covid-19, tha të hënën kryebashkiaku Bill de Blasio, transmeton KultPlus.

Kryebashkiaku njoftoi se vaksinimi është rruga e vetme për të dalë nga kjo pandemi.

“Qyteti i Nju Jorkut nuk do të japë asnjë centimetër në luftën kundër COVID-19. Vaksinimi është rruga për të dalë nga kjo pandemi dhe këto janë masa të guximshme, të para në vend për të inkurajuar njujorkezët të mbajnë veten dhe komunitetet e tyre. sigurt”, tha kryebashkiaku de Blasio.

Për më tepër, de Blasio tha se do të kërkohet gjithashtu prova e vaksinës për ngrënie në ambiente të mbyllura, fitnes dhe argëtim për fëmijët 5 deri në 11 vjeç, duke filluar nga 14 dhjetori.

Aktivitetet e brendshme gjithashtu kërkojnë tani dy doza vaksinash, nga një për njerëzit e moshës 12 vjeç e lart.

Ai gjithashtu njoftoi se fëmijëve të moshës 5 deri në 11 vjeç do t’u kërkohet të vaksinohen për të marrë pjesë në aktivitete jashtëshkollore me rrezik të lartë. Këto aktivitete përfshijnë sportin, grupin, orkestrën dhe kërcimin. Kjo kërkesë për dozën fillestare të vaksinës do të hyjë në fuqi më 14 dhjetor.

Qyteti i Nju Jorkut ka administruar mbi 12.5 milionë doza vaksinimi. Gati 6.5 milionë njujorkezë – duke përfshirë 89% të të rriturve – kanë marrë të paktën një dozë. Më shumë se 125,000 fëmijë të moshës 5-11 vjeç kanë marrë tashmë të paktën një dozë, sipas të dhënave të qytetit. /KultPlus.com

New York City Sets Covid-19 Vaccine Mandate for Private-Sector Workers - WSJ

Masat e reja antiCOVID në Kosovë do të hyjnë në fuqi sot

Përhapja e variantit Omicron në shumë vende të botës, ka bërë që Qeveria e Kosovës të marrë masa të reja për të parandaluar përhapjen e këtij varianti të ri të coronavirusit.

Si rezultat i këtyre masave çdo person i cili hynë në Republikën e Kosovës duhet të posedojë një nga dëshmitë: Certifikatën e vaksinimit për vaksinimin e plotë (me dy doza) kundër COVID-19; certifikatën e vaksinimit për vaksinimin me një dozë, jo më e vjetër se katër (4) javë, bashkë me testin RT-PCR negativ për COVID-19, jo më i vjetër se 48 orë, ose certifikatën e vaksinimit për vaksinimin me një dozë bashkë me dëshminë se personi ka kaluar COVID-19 (test RT-PCR pozitiv i lëshuar jo më pak se 21 ditë dhe jo më shumë se 180 ditë).

Nga data 3 janar 2022 për të gjithë personat që hyjnë në Republikën e Kosovës do të vlejë vetëm certifikata e vaksinimit të plotë.

Gjithashtu sipas masave të reja, bartja e maskës duke mbuluar hundën dhe gojën është obligative në të gjitha rastet, përveç: gjatë ngasjes së automjetit vetëm, apo kur në automjet janë prezentë ekskluzivisht anëtarët e ngushtë të familjes, gjatë vrapit, çiklizmit dhe ushtrimeve fizike, dhe gjatë ngrënies apo pijes.

Në ambientet e mbyllura ndalohet rrepësisht hyrja pa maskë. Kufizimi i qarkullimit të qytetarëve vazhdon të jetë nga ora 00:00 deri në ora 05:00 përveq në raste urgjente.

Shërbimet e gastronomisë lejohet të zhvillojnë aktivitetin e tyre nga ora 05:00 deri në orën 23:00, muzika lejohet vetëm deri në orën 21:30.

Shfrytëzimi i transportit publik lejohet vetëm me dëshmi vaksinimi. Këto masa kanë hyrë në fuqi nga dita e sotme 06 dhjetor 2021. /KultPlus.com

Kurti jep tetë përgjigje në tetë pyetjet më të shpeshta mbi masat e reja kundër pandemisë COVID-19

Kryeministri i Republikës së Kosovës, Albin Kurti, ka reaguar mbi shqetësimet e rritura për variantet e reja të COVID-19 dhe gjithashtu pyetjet e shpeshta në Kosovë, shkruan KultPlus.

Kurti tregoi në detaje se pse po shtrëngohen masat anti-COVID në një kohë kur gjendja epidemiologjike në Kosovë është shumë e mirë.

Njoftimi i tij i plotë:

Pse nuk mjafton më rezultati negativ në testin PCR apo në testin e shpejtë për të hyrë në territorin e Republikës së Kosovës?

Sipas të dhënave paraprake, varianti më i fundit i virusit Corona, i quajtur “Omicron”, përhapet dukshëm më lehtë dhe më shpejt sesa varianti aktualisht mbizotërues, varianti Delta. Ky fakt e bën rezultatin negativ, në vetvete, më pak të vlefshëm e më pak të sigurt si dëshmi. P.sh., në dy avionë që janë nisur javën e kaluar nga Afrika e Jugut në Holandë, me gjithsej rreth 650 pasagjerë, pothuajse 10% të pasagjerëve rezultuan pozitivë në testimin pas mbërritjes, edhe pse testi negative ose vaksinimi i plotë ishte i obligueshëm para nisjes. Ndërsa, testi i shpejtë është dëshmuar të japë rezultate të gabuara negative (“false negative”) në një numër të konsiderueshëm të rasteve dhe, për këtë arsye, nuk do të konsiderohet më i pranueshëm si dëshmi.

Pse nuk mjafton më dëshmia që personi ka kaluar sëmundjen COVID-19 për të hyrë në territorin e Republikës së Kosovës?

Edhe në këtë drejtim, masat duhej të shtrengoheshin për shkak të të dhënave paraprake të dala nga OBSh-ja, të cilat tregojnë se varianti Omicron ka më shumë rrezik të shkaktojë ri-infektimin e personave të infektuar më parë me ndonjë variant tjetër të virusit Corona. Për këtë arsye, edhe ata që e kanë kaluar sëmundjen COVID-19, në mënyrë që mbrojtja e tyre të jetë sa më e lartë, do të duhet të vaksinohen.
Duke marrë parasysh rrezikshmërinë e grumbullimeve që, çdo dhjetor, i shoqërojnë festimet e fundvitit, pse nuk po kërkohet, që tani, dëshmia për dy dozat e vaksinës, në vend që të vonohet zbatimi i kësaj mase deri më 3 janar 2022?
Masat e miratuara nga Qeveria pasqyrojnë një kompromis mes dy ekstremeve. Nga njëra anë, për arsyet e cekura më lart, jemi të detyruar të kërkojmë vaksinim me të paktën një dozë për ata që dëshirojnë të hyjnë në territorin e Republikës së Kosovës. Nuk mund të pranojmë më hyrje të udhëtarëve vetëm me rezultatin negativ apo vetëm me dëshmi që e kanë kaluar më parë sëmundjen COVID-19. Por nga ana tjetër, për të mos iu vendosur pengesa të paarsyeshme mërgimtarëve që dëshirojnë të kthehen në atdhe për festat e fundvitit, Qeveria ka vendosur të mos kërkojë menjëherë vaksinimin me dy doza. Po të kishte filluar, që tani, kërkimi i dy dozave të vaksinës për të hyrë në Republikën e Kosovës, kjo do të kishte pamundësuar ardhjen e atyre mërgimtarëve që ende nuk kanë marrë asnjë dozë, sepse doza e dytë e vaksinës nuk mund të merret menjëherë, por vetëm disa javë pas marrjes së dozës së parë. Si një kompromis i arsyeshëm, pra, Qeveria ka vendosur që ta pranojë si dëshmi vaksinimin me një dozë, por vetëm nëse shoqërohet ose me rezultatin negativ në testin PCR brenda 48 orëve të fundit, ose me dëshminë që udhëtari ka kaluar sëmundjen COVID-19. Në këto dy raste, bashkimi i dy dëshmive (dmth. vaksinimi me një dozë, bashkë me një dëshmi tjetër) jep më shumë siguri sesa një dëshmi në vetvete.

Një udhëtar që ka kundërindikacione për mosvaksinim, a do të detyrohet të vaksinohet para se të hyjë në Republikën e Kosovës?

Jo. Sipas nenit 5.7 të vendimit, ka përjashtim për “Personat me dëshmi mjekësore që kanë kundërindikacione shkencërisht të vërtetuara për mosvaksinim. Personat e tillë duhet të paraqesin testin RT-PCR negativ për COVID-19, jo më i vjetër se 48 orë”. Po ashtu, ka përjashtime edhe për kategoritë si në vijim: “Personat të cilët hyjnë në Kosovë përmes aeroportit apo përmes pikave kufitare tokësore dhe largohen nga Kosova brenda tre (3) orësh përmes aeroportit ose pikave kufitare tokësore, me kusht që në hyrje të nënshkruaj deklaratën se do ta lëshojë Kosovën brenda tre (3) orësh; Personat, të cilët punojnë si transportues profesionist (vozitës), me kusht që të respektojnë protokollin për transport ndërkombëtarë për mbrojtje nga COVID-19; Shtetasit e Republikës së Kosovës që kanë dalë jashtë Kosovës në 12 orët e fundit; Qytetarët e huaj, të cilët kalojnë nëpër Kosovë përmes transportit të organizuar me autobus ose me linjë të rregullt ndërkombëtare, transit, me kusht që të nënshkruhet deklarata se do ta lëshojnë territorin e Kosovës brenda pesë (5) orësh; Diplomatët e huaj, të akredituar në Kosovë; Personat nën moshën dymbëdhjetë (12) vjeçare”.

Çfarë ndodh nëse një udhëtar vjen në pikën kufitare pa asnjë dozë të vaksinës?

Shtetasit e Republikës së Kosovës, si dhe ata me leje qëndrimi në Kosovë, do të kenë mundësi të vaksinohen te pikat kufitare kryesore. Përkatësisht, sipas nenit 4 të vendimit, “Shtetasve të Republikës së Kosovës, si dhe personave me leje qëndrimi të përkohshëm ose të përhershëm në Kosovë, të cilët nuk posedojnë ndonjë nga dëshmitë 2.1 deri 2.3 dhe kërkojnë të hyjnë në territorin e Republikës së Kosovës, iu jepet mundësia të vaksinohen nga ekipet mobile të vendosura në pikën kufitare ANP Adem Jashari (për ata që hyjnë në rrugë ajrore), dhe në pikat kufitare në Vërmicë, Merdare, Dheu i Bardhë, Hani i Elezit (për ata që hyjnë në rrugë tokësore)”.

Pse po shtrëngohen masat në një kohë kur gjendja epidemiologjike në Kosovë është më e mira jo vetëm në rajonin e Ballkanit Perëndimore por edhe në Evropë?

Kemi vërejtur në valët e mëparshme të kësaj pandemie se sa shpejt mund të kalojë një gjendje e shkëlqyeshme epidemiologjike në një gjendje të rëndë. Dalja jashtë kontrollit e situatës do të vinte me një çmim jashtëzakonisht të lartë, qoftë për jetën e shëndetin e qytetarëve, qoftë edhe për veprimtaritë ekonomike, kulturore dhe shoqërore të vendit, në rast të një mbylljeje eventuale. Qeveria e Republikës së Kosovës është e vendosur që të ndërmarrë çdo veprim brenda mundësive të veta për të ruajtur gjendjen e shkëlqyeshme epidemiologjike në vend, të cilën e kemi arritur bashkë si shoqëri. Për më tepër, ka edhe dy arsye të tjera për shtrëngimin e masave pikërisht në kufi. Së pari, gjatë javëve të fundit, rastet e COVID-19 janë rritur jashtëzakonisht shumë në Evropë dhe në Ballkanin Perëndimor. Kjo do të thotë se, për momentin, rreziku më i madh për një përhapje eventuale të COVID-19 në Kosovë vjen nga udhëtarët prej jashtë vendit. Së dyti, shfaqja e variantit Omicron, si dhe përhapja e tij në shumë vende evropiane brenda një periudhe të shkurtër, e ka detyruar Qeverinë që të veprojë me shpejtësi dhe vendosmëri në shtrëngimin e masave në kufi. Edhe më shqetësues është fakti se, sipas të dhënave paraprake, ky variant paraqet rrezik shumë më të lartë për grupmoshat e reja, sidomos për fëmijët nën moshën pesëvjeçare, në krahasim me variantet e mëparshme të virusit Corona.

Pse nuk kemi ndjekur shembullin e vendeve të tjera, duke ndaluar udhëtarët nga vendet ku janë shfaqur rastet e variantit Omicron?

Qeveria merr vendime për masa anti-COVID ekskluzivisht mbi baza shkencore dhe shëndetësore. Shkenca e epidemiologjisë dhe historia e epidemive dhe pandemive na tregojnë se, derisa të vërtetohet një rast i një sëmundjeje në një vend të caktuar, ajo sëmundje me gjasë do të ishte përhapur tashmë përtej kufijve të atij vendi. Në fakt, ky model është vërtetuar edhe në rastin e variantit Omicron, i cili është vërtetuar të kishte qenë në qarkullim në Evropë të paktën një javë para se të zbulohej në Afrikën e Jugut. Ndalesat selektive kundër vendeve specifike, pra, janë gati gjithmonë një hap prapa realitetit dhe, rrjedhimisht, janë të padobishme. Ndërsa, një ndalesë kategorike e udhëtimit nga jashtë (me fjalë të tjera, mbyllja e kufijve) mund të jetë efikase, porse është një masë që nuk duhet ndërmarrë përveç në rastet më ekstreme apo më të paqarta, siç ka qenë situata në fillimin e pandemisë.

A nuk është shkelje e të drejtave të njeriut kushtëzimi me vaksinim i hyrjes së shtetasve në territorin e Republikës së Kosovës?

Jo. Lidhur me këtë, disa fakte duhet të merren parasysh. Së pari, masat anti-COVID rishqyrtohen nga Qeveria në vazhdimësi sipas zhvillimeve të reja. Nëse përmirësohet apo qartësohet situata sipas të dhënave të publikuara nga OBSh-ja gjatë javëve në vijim, sidomos në lidhje me variantin Omicron, ky kushtëzim mund të hiqet dhe mund të ofrohet opcioni i karantinimit shtëpiak 7-ditor për ata që refuzojnë të vaksinohen. Së dyti, në disa vende të Evropës, vaksinimi është bërë i detyrueshëm për të gjithë popullatën ose për një pjesë të konsiderueshëm të saj (shih, p.sh., Austrinë dhe Greqinë), në të gjithë territorin e vendit. Masa e vendosur nga Qeveria është më e butë sesa kjo, sepse vendoset vetëm për ata që hyjnë nga jashtë por jo edhe për ata që janë tashmë brenda territorit të Kosovës. Ekspertët tanë shëndetësorë kanë vlerësuar se, tani për tani, një masë e tillë më e butë iu përgjigjet mjaftueshëm rreziqeve kryesore për përhapjen e sëmundjes COVID-19 në Kosovë. Këto rreziqe, edhe një herë, vijnë kryesisht nga jashtë vendit. Së treti, jo vetëm Republika e Kosovës por shumë e shumë vende të tjera të Evropës dhe të botës, po vendosin kufizime shumë më të rrepta (disa vende, p.sh., i kanë anuluar për një periudhë të caktuar të gjitha fluturimet nga jashtë), por me shpresë që këto kufizime do të jenë të përkohshme. Qeveria e ka situatën nën vëzhgim të vazhdueshëm. Jo vetëm kjo masë, pra, por edhe masat e tjera kufizuese, do të lirohen në momentin e parë që të ketë mundësi, gjithmonë pa e rrezikuar jetën e shëndetin e qytetarëve. /KultPlus.com

Omicron, OBSH paralajmëron për rritjen e rasteve në të gjithë botën

Organizata Botërore e Shëndetësisë  ka paralajmëruar të gjitha vendet që të përgatiten për rritjen e rasteve të Covid. Drejtori rajonal i OBSH-së për Paqësorin perëndimor, Dr Takeshi Kasai, tha shpërndarja gjeografike e variantit të ri  ka të ngjarë të jetë më e lartë se sa është raportuar.

Kasai shton se vendet kanë marrë mësime nga përhapja dhe shpërndarja e variantit Delta. Dr Babatunde Oloëokure, drejtor rajonal i urgjencës së OBSH-së, tha se pezullimi i udhëtimeve mund të pengojë përhapjen e variantit.

Ai ka deklaruar gjithashtu se OBSH po punon me një “numër të madh” institucionesh kërkimore për të studiuar Omicron, por deri më sot ata nuk kanë marrë asnjë informacion, i cili mund të sugjerojë nevojën për të ndryshuar qasjen ndaj pandemisë të miratuar nga vendet deri më tani.

Sipas OBSH-së mbajtja e maskave, distancimi fizik, larja e duarve, shmangia e grumbullimeve, gjurmimi i kontaktit,  izolimi i rasteve dhe vaksinimi mbeten të gjitha të rëndësishme./abcnews.al /KultPlus.com

Qytetarët shprehen të shqetësuar për variantin e ri të Covid-19, bëjnë apel për vaksinim

Në Kosovë ende nuk është konfirmuar ndonjë rast me variantin e ri të Covid-19, ose siç njihet ndryshe Omicron, ndonëse në shumë shtetet po raportohet për dyfishim të numrit të të infektuarve.

Përkundër që ende nuk është regjistruar ndonjë rast me këtë variant në vend, qytetarët shprehen të shqetësuar për përhapjen e tij.

Bekim Brestovci është shprehur se ka marrë shumë informacione sa i përket virusit.

Ai u ka bërë apel të gjithë qytetarëve që të vaksinohen në mënyrë që të mbrojnë veten dhe të tjerët.

“Po kemi dëgjuar natyrisht sepse ka qenë veç në media. Frika është permanente prej që është shfaq edhe Covidi. Natyrisht kemi shumë raste vdekshmërie që kemi pas nga Covid, andaj mendohet që edhe ky nuk do të jetë një virus i cili do të përballohet lehtë dhe do të kaloj pa viktima në njerëz. Apeli im kish me qenë te të gjithë ata që nuk janë të vaksinuar gjer më tani le të vaksinohen kundër Covid-19. Pastaj shohim se çfarë po preferohet edhe kundër virusit të ri, i cili veç e ka marrë përmasën në shumë shtete të Evropës”, shtoi ai.

Beqir Aliu ka kërkuar vaksinim masiv duke shtuar se nëse deri më tani në botë vaksinë e kanë marrë 4 miliardë njerëz, pse nuk duhet që ta marrim edhe ne.

“Na u bënë boll këto far lloje të viruseve. Jo nuk frikohem aspak, vaksinat i kemi marr. Kisha apeluar që të vaksinohen. Të gjithë le të vaksinohen. Për shembull pare ka erdhëm rrugës biseduam, kur janë vaksinuar diku afër 4 miliardë njerëz në botë, kush jem na me gjet kirifekte jo bën jo nuk bën”, tha ai.

Anita Zhegrova, ka kërkuar që vaksinimi të bëhet i obligueshëm për të gjithë pa përjashtim, për shkak të  mundësisë së përhapjes së shpejt të varianti të ri të virusit, raporton EO.

“Po kom dëgjuar, kam dëgjuar që është më i rrezikshëm edhe po shpërndahet shumë ma shpejt se sa variantet që kanë qenë më herët. Kom dëgjuar po unë jam vaksinuar shumë herët, shpresoj që nuk ka njerëz më që dyshojnë te vaksina edhe e bëjnë sa më shpejtë, për arsye se kjo nuk ta fal. Unë e kam pas vet tash një vit domethënë koronën. Kam heq kogja shumë edhe nuk është hajgare domethënë duhesh me e ruajt veten rrethin edhe shoqëri nëse duam me kanë qysh jena kanë ma herët përndryshe është shumë i rrezikshëm”, shtoi ajo.

Rastet e variantit të ri deri më tani janë identifikuar në mesin e udhëtarëve në më shumë se dhjetë vende evropiane, duke përfshirë Danimarkën, Holandën dhe Mbretërinë e Bashkuar. / KultPlus.com

Ministria e Shëndetësisë do të bëjë shqyrtimin e masave, gjendje e përkeqësuar me COVID-19

Ministria e Shëndetësisë ka njoftuar se javën e ardhshme pritet të shqyrtohen masat ndaj COVID-19, ku varësisht sipas nevojës dhe zhvillimeve, do të marrin vendime të reja, shkruan KultPlus.

Në njofitmin e MSH-së, thuhet se situata epidemiologjike me COVID-19, variantet në qarkullim dhe mbrojtja e shëndetit publik të popullatës janë shkas që do të bëhet rishqyrtim i masave.

Zëvendësministrja e Shëndetësisë, Dafina Gexha Bunjaku, ka qenë udhëheqëse e kësaj mbledhje, derisa në mënyrë virtuale ishte i paraqitur edhe Ministri i ri i Shëndetësisë, Rifat Latifi.

Pas identifikimit të variantit të ri të koronavirusit, (B.1.1.529) fillimisht në Afrikë e pastaj edhe në disa shtete jashtë këtij kontinenti, MSH-ja ka bërë një thirrje për qytetarët e Kosovës.

Komiteti, në mënyrë specifike u ka bërë thirrje qytetarëve të moshës mbi 12 vjeçe që të vaksinohen pa humbur kohë kundër COVID-19

Kërkesa kryesore e MSH-së ishte që qytetarët e vendit t’i zbatojnë masat në fuqi, të vaksinohen, derisa nga institucionet përgjegjëse, si Policia e Kosovës dhe inspektoratet përgjegjëse, u kërkuar që të mbikëqyrin me përpikëri dhe të ndërmarrin të gjitha veprimet e nevojshme për zbatimin e masave dhe vendimeve në fuqi në zbatim të Ligjit për parandalimin dhe luftimin e pandemisë COVID-19 në Republikën e Kosovës, në të gjitha degët e ekonomisë dhe veprimtaritë arsimore e institucionale. /KultPlus.com

MSH nesër nis vaksinimin e nxënësve nëpër shkollat e mesme

Ministria e Shëndetësisë (MSH) përmes një njoftimi për media ka njoftuar se do të fillojnë me procesin e vaksinimit për nxënësit e shkollave të mesme.

Siç njofton MSH, nesër do të mund të vaksinohen nxënësit në Shkollën e Mesme “Xhevdet Doda”, në Prishtinë.

“Me qëllim të vaksinimit të nxënësve me vaksinën kundër COVID-19, Ministria e Shëndetësisë, ka organizuar për nesër (e mërkurë, 24 nëntor) ekip mobil për vaksinimin e nxënësve në Shkollën e Mesme ‘Xhevdet Doda’ në Prishtinë. Vaksinimi, i cili do të bëhet në bashkëpunim me drejtuesit e shkollës, do të zhvillohet nga ora 13:00 në mjediset e kësaj shkolle. Prindërit ose kujdestarët ligjorë të nxënësve që do të vaksinohen, pasi të kenë dhënë deklaratën e pajtueshmërisë për vaksinim, janë të mirëpritur, nëse duan për të përcjellë nga afër vaksinimin”, thuhet në njoftim.

Më tej, MSH thekson se “procesi i vaksinimit me ekipe mobile nëpër shkollat dhe nivele e tjera do të vazhdojë, në bashkëpunim me Ministrinë e Arsimit dhe Drejtoritë komunale për Arsim, ndërsa krahas vaksinimit përmes ekipeve mobile, qytetarët e të gjitha kategorive dhe grup-moshave, mund të vaksinohen çdo ditë pune edhe në qendrat statitke të vaksinimit me vaksinën kundër COVID-19”.

“MSh u bën thirrje të gjithë atyre që nuk janë vaksinuar ende apo që nuk e kanë kompletuar procesin e vaksinimit me të dy dozat që ta bëjnë këtë, sepse në këtë kohë kur shtetet e rajonit dhe të kontinentit evropian po përballen me numër të lartë të rasteve të COVID-19, vaksinimi është preventiva dhe mbrojtja më e mirë”, përfundon njoftimi i MSH-së.

Ndryshe, në 24 orët e fundit në Kosovë janë konfirmuar 15 raste të reja me COVID-19 dhe asnjë rast i vdekjes.